لاحول لله ولاقوة الا باالله الهلي العظيم ، ويش باقي بعد وتحسبونه علينا ، االجنسين لاعبين لعبتهم في البلد واحنا نحتظر في البلد ، والبنگاليه لفري فيزا مفلتين في الشوارع يبيعون الخضره ، واحد يعلمني في بنگالي يحصل في اليوم فايده ٥٠ دينار من العربه اله يبيع فيها واحنا في اليوم ٨ دينار او ١٠ دينار ويش تسوي لينا هذي على هالضرايب الزايده ، ندور لويش ونخلي ويش ، الله يعين المسمى بالمواطن ؟

شكله حتى الاكسجين بيصير بفلوس

بدل الضرايب مفروض تتقلص رواتب .....اللي قاعدين حدهم ٥٠٠ دينار وواجد عليهم بعد

والله النواب حذروكم وقالو ( صوتك أمانة)
حتى الي يبيعون ماي ف الشارع بياخذون عليهم ضريبة .. اسكتو وبتشوفون ان الديرة بتروح في خندق .. والزحمة بتزيد اكثر والمصاريف بتزيد بعدين محد بيقدر يعيش عيشة رفاهية لانة الاجانب حتى الرفاهية بياخذوها منا .. لك الله يا شعبي الفقير

كلو ياشعب هذا اللي طبختوه الحين تاكلونه مو انتو اللي انتخبتوهم ؟؟ والحين تبكوون؟؟ يلا بنشوف شنو بتسوون الحين ويا نوابكم

حسبي الله عليكم ماتقدرون الا على هادى الشعب الفقير حلبتونه حلاب ويش يبقى اليه حرام عليكم بجيكم يوم مايتعدكم الكل بثور عليكم خلاص وصلت الحلقوم

النواب يقترحو الي يقترحونه شي راجع لهم ولكن انا كمعده خدمت وطني بعطائي وانتاجي لااعوام ماذا جنيت
لذلك انا اقترح على الحكومه النظر بجديه وبشكل سريع النظر في رواتب النواب وغيرهم ممن تتعدى رواتبهم انتو عارفين كم
اتمنى تقليصها لان هذه الرواتب الضخمه تشكل عب ء ظخم وهائل على عاتق الدوله مما يؤدي الى قصم ظهر ميزانية البلاد والعباد
عمي المواطن عايش ب ٣٠٠ دينار تمر وخبز
كذلك اصحاب الرواتب الضخمه يقدر ياكل تمر اوخبر
والاراح اتقول لي ان راح يتسبب له باامساكات معويه. ههه
اقول ملينا فقر ٤٨ سنه ملينا

نعم نعم يا أبطال الكيبورد شاطرين بس من ورا شاشات التلفونات

باجر اذا بتوقف سيارتك عند باب بيتك لازم تدفع حق الموقف لانك تستخدم أرض الدولة

الله يغربلكم ويش بتخلون من راتب هالمنتف الفقير
كل شي تبون عليه بيزات

مجلس الشورى و البرلمان كلكم الرجال والنساء أخذوا إجازة من عندي لمدة سنة إجازة الحمل والرضاعة احسن لنا

في احد برشح بعد لو خلاص

...واجد ما تتعلم من التجارب السابقة

حسبانكم عون صورتون فرعون والله الحكومة ارحم منكم حسبي الله ونعم الوكيل منكم

هالنواب طايحين في الشعب طيح وناسين رواتبهم العالية اللي مايستحقونه لانهم لم بخدموا المواطن كما خدموا أنفسهم يجب تقليل رواتبهم على الأقل الى النصغ وألغاء البدلات

الحين كل شي لازم يدفعون عليه ضريبه الغائط وهو من ملوثات الجو اليس عليه ضريبه من المفروض يعني واللي يافل ويتسنسن في الشوارع ماعليه ضريبه والكحه مثلا يعني

اوردي ندفع بلدية

أول مره اشوف نواب ضد المواطنين
ماعمركم صوتون بخير لو باركتون
الا فكرتون الديره
تعو تعو برو برو

اللي راتبه 200 و عنده عيال
شلون يعيش ، حتى الهوا اللي نتنفسه بفلوس
بسكم بوق والله المواطن ميت وانتون لاعبين بخيرات الوطن
حسبنا الله و نعم الوكيل
حسبنا الله و نعم الوكيل

زغرطي با انشراح الي چاي آكتر من الي راح

حسبي الله ونعم الوكيل

إذا بفلوس انا أطالب المسؤولين أن يشيلون الخياس من توبلي

وين بيركبون العداد؟؟؟؟

راحت إرجال إمرجله وجتنا .......الباقي عليكم شباب هههههه

والله مسخره الوضع ما ينسكت عنه وما يطمن

رواتبنا معدومه وتفرضون رسوم زياده علينا مصخت وتبون الناس ما تطالب بحقوقها وتسكت الأجانب ماخذين رواتب عدله والمواطن لا حول له ولا قوة... لكن صدق الامام علي عليه السلام لو كنت طيرا لما حلقت على أوال.. الله يستر من القادم

وين الي يبغون سعر بترول ينزل الي 10 دولار خلكم
بس الله لنا
﴿لَئِنْ شَكَرْتُمْ لَأَزِيدَنَّكُمْ﴾
مشكلة انتو ماتقولون الحمدالله

شنو استفذنا منكم يا نواب؟
وينكم يا رجال الوفاق ااااخ يا زمن

الوفاق هم من مرر 1% بدل التعطل

حسبي الله ونعم الوكيل عليكم
حسبي الله ونعم الوكيل
خافوا الله عاااد
مشاريعكم فاشلة وكلها فساد مستشري واستغفال للأهل البلد والوطن سرقة عيني عينك إلى درجة أن كل مشاريع الإسكان يتم رصف طرقها ثم يتم حفرها مجددا لتمديد
الكهرباء وثم يتم رصفها من جديد وبعد ذلك يتم حفرها مجددا لتمديد المجاري
وثم رصفها ومن ثم حفرها مجددا وبعدها تحفر من جديد لوصول أنابيب المياه
والإمتار وثم بعد ذلك ترصف ثم تحفر لتوصيل أنابيب صرف الأمطار
وكأنها من غير تخطيط مسبق
سرقة الشعب على المكشوف

احنا قلناها اجازتهم احسن لينا ...لا تعليق

لا احساس ولا ضمير .. عقب سنه بيصير الراتب ع قد المصروف ما تقدر حتى تاكل .. انا عن نفسي بكنسل الحمام وكل يوم بروح البر بحط لي طابوقتين

بس عاد تعبنا يا حكومه تعبنا والله تعبنا ارحمونا اشوي
حكومه تاخذ ما تعطي ????

اللهم خذهم اخذ عزيز مقتدر ياكريم بس يخلون ع قلوبهم هالنواب فلوووس يعني وااا دخول الحمام بفلوس بعد مانغسل مواعين ولا ثياب

ولكن الأمر لله

يانواب صحو ضمائرهم أن كان عندكم ضمائر
لكن مافي فايده من يقدر عليكم الحين غير رب العالمين
حسبي الله ونعم الوكيل فيكم

هذي لعبة من الحكومة اتقول حق النواب تعرفون النواب صوت الحكومة مو صوت الشعب و تلومون النواب و الحكومة تطلع منها

المواطن صار عبارة عن جهاز صراف آلي والحكومه عندها البطاقة وكل شوي وتسحب إلي تبغيه منه

الله لا يغير علينا .... صمود

متى بيبارك مجلس النواب وضع عداد على أنف و فم المواطنين لعد كمية الهواء المستخدم في التفس حشى هذولاء مو نواب عدوان

والله هذي حالة مع هالنواب الله ينتقم منهم كل يوم يحطون مصروفات على ظهورنا سؤالي واللي للحين ماوصلهم الصرف الصحي أو بالعامية المجاري بعد بيدفعون

ارتفع سعر البترول ورتفع تسعر الكهرباء كلشي يرتفع الا راتبي 250 دينار ومقطوع منه 30 دينار يتم علي حاله .. ماابي مجاري عند البيت بسوي بالوعه واد شحنت بجيب شفاط لها

الحكومه شكلها تبي تعوض 1000 دينار الي وزعتها سنه 2011 وتبي تعوضها بفوائد .. شنو جى من النواب لصالحنا من 2014 ... لاشئ

نعم لانها شافت انكم ماتستحقون ال 1000 دينار

راحت نواب ترقع الدروازة وجتنا نواب المطنزه والعازة

مع زيادة الضرائب المفروضة على المواطن تتأكد الحاجة إلى مشاركته في صناعة القرار الوطني القانوني والتنفيذي
ولا يمكن أن يقبل المواطن بمشاركة شكلية قبل أن تسلبوا ما غي جيوب المواطنين أعطوهم القرار لتكون خسارتهم بسبب ما قرروا وليس بسبب قرارات غيرهم

صدقت يازاير 63 كلامك في السليم اااه منكم يانواب العازة نعوذ بالله منكم ياليتكم ماداومتوا

كنسلوا بالوعتنا / بنقضي حاجتنا في أچياس وبنقطهم ف البحر

فشلتونا
بس عاد ما عندنا فلوس شنو هاي الطرارة

هذا هو التطبيق الفعلي لشعار الانتخابات 2014 ( بصوتك تقدر ) !!
كل صوت شارك في هذه الانتخابات ورشح هؤلاء النواب الذين تسببوا في أزمة اقتصادية للشعب
هو مسؤول ومشارك بشكل مباشر في مأساة المواطنين !!
لم يصدر قرار واحد في صالح المواطن
تذكروا عندما شارك نواب المعارضة الأوفياء ماذا أضافوا لنا وغيروا لمصلحتنا
أما الآن فلا حول ولا قوة لنا إلا بالله !!
ظلم واقع لا مفرّ منه ولا حول لنا إلا برحمة الله !!

حزتها قصوا 1%

نطالب بتوفير دواء للامساك لكل مواطن

ههههههه

شيلوا هالنواب خلاص دمروا كلشي أهم شي مصلحتهم هم واعيالهم واهلهم وربعهم مايهمهم المواطن مات عاش عنده هالفقير يقدر يأكل ويأكل أعماله مافي رحمه يانواب اوتعو خلاص

يانواب ويش قاعدين اتسوون في الشعب انتون مو قاصرنكم شي والله حرام عليكم لي تسونه

المتبقي من الراتب ٢٠ دينار وماندري ويش نسوي فيها نأكل أبها او للجهال الخ ...المعاش كل في الأجار والابيال وانتون كل يوم تتفنون علينا ومو هامنكم احد شكلكم ماردعتكم احداث ٢٠١١ وتبون الناس تثور مره ثانية

قدام بيتي خندق لكيبل الكهرباء صار له اسبوعين. هل من حقي اطالب تعويض بسبب الازعاج وترك السيارة خارج المنزل. نريد قانون لهكذا اضرار من الكهرباء والماء والصرف الصحي وحتی بتلكو

بكرة بتصوتون ليهم و بتقولون بصوتك تقدر

والمناطق الي مافيها مجاري شلون يعني بتركبون أمتار لبيب البالوعه ،
البالوعه في لطبيله وانا الىي حافرنها مال شنو ندفع ، يالله خير وخاتمة خير

أي خدمات هذي من يومين في المنامة عند الأوقاف السنية فايضة المجاري بشكل يلوع الجبد وهذا لليل. لوع الله جبدكم على هالقرارات استحوا شوي

الرواتب زفت، و بيحاسبونا حتى على قضاء الحاجة، المصاريف الزايدة كلها من البنية التحتية الفاشلة، لو خطوط المجاري صح جان قلت مصاريفها

المشكله للحين في ناس تقول "الله لايغير علينا " . هههههههه

شيلوا بيباتكم و رجعوا بلاعتنا

خدمات رديئة جدآ أو شبه معدومة والضرائب حدث ولا حرج

الكهرباء سنين ندفع فاتورة وين التطور والخدمة المميزة اكو تنقطع والفاتورة ماشيه
مشت على النواب
شيلو هالنواب وخلو ميزانيتهم عندكم ولاتسلبونا

نواب ... ما أقدر أقولها هه

اذا كل شي صار بفلوس علشان الخدمات توازي دول اوروبا ليش المعاش يوازي بنت عم الصومال؟

الحمد لله رب العالمين ... شكل هل نواب من بدال ما يخدمون المواطن يخدمون مصالحهم الخاصة ... شر البلية ما يضحك.

المواطن مستعد ان يدفع ولكن قبل ذلك يجب ان لا يقل راتب البحريني عن 1000 دينار وهو الحد الادنى والذي لا يعمل يعطونه ضد التعطل 500 دينار وهو الحد الأدنى

ومن سيدفع فاتورة دمار خليج توبلي من محطة معالجة الصرف الصحي ؟! في أحد تهمه مصلحة بلده اسوي فعلتكمل؟!!

كل شي في فاتورة الكهرباء وكل على رأس المواطن من كم يوم البلدية مرسلة لي انذار بدفع متأخرات البلدية اذا فصلتون متأخراتكم من فاتورة الكهرباء تعالوا طالبونا ياجماعة. مهزلة

انتوا وصلو خدمات الصرف الصحي اول بعدين احسبوا ... مجمع 1032 المالكية طريق 3221

احنا بعد مجمع ٧٤٠ عالي ، و ندفع شهريا ٦ دينار رسوم بلديه ، ليش ؟ سيارة شفط المجاري لما نطلبها مره في السنه ما يجون الا بعد أشهر من المراجعات

البلدية من زمان تشفط ورسوم هدي المفروض ياخدونها من البلدية

الديرة صارت كلها ضرائب وين قاعدين بأوروبا اهناك على الأقل تدفع ضرائب تلقى خدمات ممتازة اهني كل الضرائب يتحملها المواطن المغلوب على أمره والأجنبي هو المرتاح في البحرين ويعطى مزايا أفضل من الموطن من راتب عالي إلى سكن مجاني إلى تذاكر هم مجانية والمواطن يدفع ضريبة بواليع ...

مدخول الاوروبي ازيد من مدخول البحريني بواجد، ما بيضرهم اذا دفعوا، لكن هني رواتب زفت، و يمبون يفرضون ضرائب

الى متى المواطن هو ضحية الضرائب في هاي الديرة والراتب ضعيف جدا

اسلون تفرضون رسوم اكو الماي اللي نستخدمه رد يرجع المجاري ويتحلل ودر اترجعونه لينه هو مو ماي جديد

هذا الموضوع قديم متجدد فاذا رجعنا الي ماقبل عشرين سنه او اكثر اي، قبل ان تكون في الدوله شبكة مجاري كانت سيارات البلديه تشفط مياه الصرف الصحي(البالوعه) وتاخذ رسوم علي الشفط، اعتقد، كانت دينارين او اقل شويه

في قانون جديد بعد اتمنة تطرحونة الحكومة مسؤالة عن تعليم طفلين وعلاج طفلين الديادة عن اثنين الاب يتحمل جميع النفقات ههههه

بسكم عاد خلاص شنسوي من وين نجيب فلوس هلكنه كل يوم قرار وكل قرار اخس من اللي قبله الناس تعبت

كل شي المواطن يدفعه....موارد البلد وين تروح. في اي خزينه

كان الأحرى بكم السعي لتشريع قوانين تقلل من استفادة الأجانب من الدعم الحكومي والخدمات المجانية وتفرض على جالبيهم من كبار رجال الأعمال رسوم باهظة، لكان محال أن يفرض المتسلق على نفسه قوانين تحد من مصالحه الشخصية غير المشروعة

ما فهمت يعني بتركبون عداد في البلوعه
مصخت وهزلت وينج يا شيخه مي عن هذول الي مب ريااااااا

مااقول الا مالت راحت رجال ترفع الدروازة وجتنا رجال المطنزة والعازة

وبعدين بيقولون على نفقة الدولة.

هل عرفتوا الفرق بين النائب المنتخب من قبل الشعب اللي يحصد ٢٠ الف صوت والنائب اللي يحصل ١٠٠ صوت
الانتخابات الجايه انتخبو هذي الشاكله بيفصخوكم ثيابكم
وهذا الواقع اللي بنشوفه ... و في الاخير بيطلع لك واحد
لانك انتقدت اداء البرلمان الصوري باننا لسنا وطنين
ويجب ان نساعد الدوله و و و
خل الدوله اتساعد نفسها وتوقف التجنيس وهدر المال العام في الاول.

الحمد لله أني ما انتخبتهم

هذا اللي فلحتوا فيه؟
هذا اللي قدرتوا عليه؟
تراقبون مخرجات الشعب ؟ احد عليك راي شرايكم تضعون جهاز يقيس مدى تنفسنا للهواء وتضعوا علينا ضريبة تنفس

اقترح لو نعمل لكم بدون رواتب احسن الرواتب خله للنواب ما رأيكم في هذا الاقتراح علشان المواطن يستانس

؟؟

ياناس ياعالم قبل اتخاذ أي قرار فكروا في رواتبنا احنا ماناخذ 4000 الراتب فقط 300 دينار رفقا بنا

انا راتبي 250 - 30 دينار يصفا لي 230

مللنا

بنقضي الحاجة باكياس نايلون ونرميها في البحر

لين أكله السمچ بيعوه على النواب.

اقتراح غريب

... يعني مافي قرار في صالح المواطن؟

هذا بدل ما تناقشون تحسين الوضع المعيشي البحرين فيها طبقات معدومة الدخل مو لاقيه تعيش

كل يوم قانون؟

اتعرفون أن المواطنين ضعفاء الرواتب ماله داعي مثل هاالاقتراحات

مو عارفين يقولون نبي نبوق المواطن ... بدل هالخرابيط خدوا المعاش واصرفوه علينا احسن ويش رايكم ؟؟ بصوتك تقدر نبوقك

عجبني زائر 3 الله كريم مانقول الا حسبي الله ونعم الوكيل

اااقولهااا
بعد ما في صدمة راح تصدمون فيها المواطن الفقير المغلوب على امره
نسيت ما اقول لكم الباركات الي صوب بيت اي واحد الحكومة المفروض تاخذ عليه فلوس لانه شارع عام ليس بملك للمواطن الاجار شهريا خلوها روبيتين بس ارجوكم عاد لانه هالقرارات تصب في مصلحة المواطن يانواب

النواب ظهرت شطارتهم فقط على المواطن اين خطبكم الحماسية قبل الانتخابات؟ ارجوكم لا تنسوا تعديل استنشاق الهواء

زيادة سرية

تعريفة الماء يجب ان تعرف كيف تحسب مافهمته انك صرفت الشريحة او لم تصرفها هي محسوبة عليك وهي ذينار واحد يعني تدفع اجرة ثابتة علي الماء فقط ويحسبون عليك الشريحة الثانية راجع فاتورتك قبل سنتين وسوف ترايالفرق

الظاهر ما راح يجي عام 2030 الا حتى قضاء الحاجه في الحمام وانتو بكرامه راح يصير بفلوس ????

محرقي :ضريبة البواليع خخخخ خدمات الصرف الصحي بـ «فلوس» تُدفع مع فاتورة الكهرباء.. حسبي الله ونعم الوكيل

قلنا ليكم حت على الهواء الى نتنفسه بياخدون عليه أجر شوفوا الحين ويش بيصير.

والله ما تدري تضحك لو تبكي على الحال.. فشيلة ما مثلها فشيله .. حتى الصرف الصحي. بصكت.

النواب حاطينهم في ويه المدفع فقط لا غير .. حق اييهم الراش
راحو فوق ولا نزلو تحت . اللي يبونه اصحاب الفكره بيصير