تعرض طفل بحريني في الثامنة من عمره للدغة ثعبان، أثناء ما كان يلعب في منزلهم مساء أمس الأول بقرية الديه. وهرع والد الطفل للمنزل فور تلقيه النبأ ليقضي على الثعبان، قبل أن ينقل طفله للمستشفى حيث أجريت له الاسعافات والفحوصات اللازمة، ووضعه تحت الملاحظة لمدة 24 ساعة.
وقال والد الطفل (ر. أ) لـ «الوسط» إنه فوجئ باتصال من ابنه يخبره أن المنزل به ثعبان، فعاد مسرعاً ليجد أولاده مع الخادمة في حالة استنفار يحاولون القضاء عليه باستخدام المبيدات.
مضيفاً «الثعبان اختبأ أسفل كراسي الصالة. تسلحت بقطعة خشب بها مسامير وأزحت الكراسي قبل أن أبرحه ضرباً وأقضي عليه. وفوجئت وأنا أستفسر عما حدث من الأطفال، أن أصغرهم وأثناء انشغاله باللعب في الآي باد أحس بلدغة في يده فانتبه له. وحينها صرخ بإخوته أن المنزل به ثعبان».
وأوضح أنه نقل ابنه على الفور لطوارئ السلمانية، وهناك أجريت له الإسعافات اللازمة، وأصروا على أن يبقى لمدة 24 ساعة تحت الملاحظة للاطمئنان على سلامته.
العدد 5159 - الجمعة 21 أكتوبر 2016م الموافق 20 محرم 1438هـ
العوين الله.. في البحرين الظاهر مو بس التركيبة السكانية تغيرت، حتى الحشرات و الزواحف تغيرت و صارت وافدة
آخ
يمه احنا وزغة تصروعنا بعد الحين ثعابين يا ساتر
يمهه شلون ننام الحين انا في خوف
احنا بيتنا قديم ورآنا زراعه تخيلو مدة افكر واير ايسي ولا زوجي التفت الهي حية تبي تدخل من فتحة الايسي ولصقت فاللصاق وميته فترة واني افكره الواير مال الايسي شهر مانمت فالبيت من الخوف
من قبل اسبوع بعد خدامتي ما ادري لسعتها حشره او ام واوبعه وربعين ضربتها في وجهه المهم انتفخ الوجه كامل مع احمرار وحكه وديتها مستشفى الملك حمد خطو عليها سيلانين وضربوها ابرتين
الله يكفينه ويكفيكم شر الامواض
بصراحة لو اي انسان يحاول يضربني جان اضربه مو حيوان بعد والرفق بالحيوان فاضين ليهم بس
البيوت اذا كانت عند المزارع والحظائر والأسواق تكثر فيها هالامور وخاصة المزارع والحظائر واسالوا أهالي هورة سند.
في بيت ابوي اتواجدت وبكثره حتى اتصلنا في الصحه علشان يجون يرشون مبيد حشري عقب اكتشفنا انه البيت كله في المجر في الغرف والصالات يطلعون لينا من كل مكان عقب اكتشفتا من الشغاله مسويه لينا شي في البيت وتطلعهم كانت جديده تونا جايبينها بس من جبنها ما تبغي تشتغل وتصرخ وعقب رجعناها المكتب ومنها نبغي الثعابين الخيرات تطلع الا في البيت ما في شي من رجعناها المكتب ما شفتا شي والحين من رجعناها بتكمل شهر 12 سنتين ما شفنا ولا شي الشغالات مشاكلهم مشاكل الله يعينا عليهم
يعني مشعوذة هي لو وويش بالضبط بصراحة الناس تشلخ مو جدي
ينراد لج علاج نفسي عن هالشلخ
مرتين شفنا ثعبان في البيت و كل مرة شكل واتوقع من المزرعة اللي قدام بيتنا للأسف أصحابها مو مهتمين وكله الحيات و الكلاب عندنا في البيت
تم الحصول عل ثعبان في البيت يحاول الدخول من النافذة ولكن تم قتله الله يحفظ الجميع
الرد ع زائر 8 أتمنى كنت موجود وقتها وتقوم بمهمة القبض على الثعبان وتخليه في محمية في بيتكم ياللاخو
يا علي الله يعينهم
الاكثر اهميه للقراظ هو معرفة اذا ما كان الافعان ساماً ام لا.
الله يحفضه .. ولدي توه لاسعتنه حشره بس ما ادري ويش صراحه كان يلعب فوق السطح فيه ثللاث اسنون وديناه الامل على طول حولونا السلمانيه يقول الدكتور يمكن ان اربع واربعين او عقرب لان ايده اتنفخت عدل وحمره عدل اخدوا فحوصات دم وكلشي وحطوا له سيلانين والحمد لله زين بس فيه اثر اسود مكان العضه والله يحفظ الجميع
خلة يجهز روحة الى حضارية من الشرطة مشتكين عليها جمعية الرفق بالحيوان ليش قتلتة ليش ما حولت تقبض عليه ليش بلغت عنه هنآك جهات تستطيع القبض عليه وليش وليش ????????????????????????
والله ؟ من وين تفكر انت ثعبان سام لدغ طفله قد يسبب بموته تقول يروح يتصل الى جهات مختصة ؟ العقل نعمه
لا حلوة .. ننتظرك في جمعية الرفق بالحيوان بجميع اشكالها عزيزي الباب مفتوح
مرتين طلع لنا ف البيت ثعبان
ماعليه شر بحق محمد وآل محمد
الله يقومه بالسلامة
عجيب والله كيف ثعابين تاْتي الى المنازل اول مرة ادري الثعابين توجد في البراري
شكلك تبي تنلسع منه عشان تصدق.. اخوي احنا منطقتنا صحراوية يعني احتمالية وصول الثعابين معقولة.. والله يشافي الولد ويحفظه ويرده بالسلامة
حبيت ارد علي رقم ٢١ احنا حصلت لنا نفس السالفه الي قالها رقم ١٩ فعلا طلع من الشغاله هي تسوي سحر لجذب الحشرات والثعابين للبيت ولما رجعناها كل هالحشرات والثعابين اختفو من البيت كل هالامور تطلع بسبب الخدم
الله يقومه بالسلامه
زائر
مايشوف شر انشاء الله عسى الله يحفضه ليكم
الحمد لله على سلامة الولد
والله يكفينا وياكم شر الثعابين والحيايه
ويش الحل لقتل ثعابين
انا بتني مسكينه توها عاضتنها ف عينها نمله ماتوقع نمله بتنفخ عيونها جدي يمكن بعوضه الله يحفظ ولادي ي رب