يا ناس يا تربويين يا من يرفض ان يكون الضرب آخر علاج تربوي للطالب بعد استنفاذ كل الاساليب المتاحة.
هل انت اعلم من الله ورسوله بطرق التربية؟
الضرب مذكور في القرآن وفي احاديث الرسول (ص)

لاعت جبدنه من تعليقات هالمدرسين اله كله مضلومين والطلاب هم الغلطانين
الحين برد علي واحد
وبيقول صير مدرس جان انت كفو
بس برد عليه قبل لايقول لي
مااتنزل اشتغل شغلتك ومو من مستواي
هالشغله بس قبل لاتقول انه الشغله اكبر مني ترى عندي شهادات اعلى من شهادات المدرسين في مدرستك كلهم
وقبل لاترد ترى الشهادات مو من البحرين

صدقتك عاد احلف بس هههههههه انزين لا ينط لك عرق بعدين شهاداتك اطير وما تحصلها شر البلية ما يضحك انت اول علق تعليق ينم عن ثقافة بعدين قول شهادات وما شهادات وتعال ليكون عبالك الشهادة توديك وتجيبك مكان دام ما عندك الاسلوب عمر الشهادة ما ترفعك الله يساعدك على روحك
وسلم ليي على شهاداتك غناتي
ترى احنه بعد عندنا شهادات ومو جذي اشتغل يمكن احسن من شغلتك ويمكن معاشي احسن معاشك واجزم بهذا الشي لا تخاف ما نبي مدرسين مثلك يعلمون اولادنا
مسكين صراحة تعليقك يبين فيه النقص الي داخلك هههههههههه

ادري احين قاعد تحاتي وتفكر ان عندك نقص بس ما عليه تجيك الصراحة من شخص غريب عنك ولا شخص قريب وتتالم وتزيد عندك الحالة النفسية تحتاج طبيب نفسي انصحك فيه وبشده
نصيحة لا تغفل عن روحك يمكن تويد حالتك وما تقدر تعالجها يعدين
ولا تنسى تسلم على شهاداتك هههههههه

حبسوني سنة بس بادب الطلبة وبيكون هذا الضرب رادع قوي اليهم والى غيرهم

تعالو احبسوا اللي عندي شهر

احبسو ا اللي عندي ادرسهم شهر چان يتأدبون.. عيالكم ياجماعة الخير مطلعين عيوننا والله.. الاجر عند ربي

فعلا طلبة هالايام لا يحترمون المدرس ولكن لا يحق للمدرس التطاول على الطالب وضربة من المفروض علية ان يتخذ إجراءات تاديبية مثل توقيف الطالب عن الدراسة واستدعا ء والدة واذا تكرر يتم فصلة

ام عنود

الله يعين المدرس

الاستهزاء بالمعلمين اصبح ظاهرة وبتأييد من ولي الامر والوزارة والادارة خاطري احبس شهرين بس اطلع حرتي في طالبين ارتاح من التدريس واريح نعم هكذا وصلتنا الوزارة وقوانينها غير الرادعة للطلبة

إذا تقولون إن المدرس لن يتفهم الأمر ف لماذا اب الطالب لم يتفاهم مع المدرس و كبر الموضوع انا ارى بالتنازل عن القضية افضل لحترام المدرس

يعني اذا الطالب مشاغب لا تقوم وتزيد الطين بله وتطقه .. تقدر ترسبه أو تخصم منه درجات أو تستدعي ولي أمره عن طريق المشرف أما اعتداء بالضرب لا وألف لاه

والله ولو كانو عيالي اذا قللو ادبهم وتلفظو بالفاظ بذيئة الضرب وثم الضرب لانه الشيء يستحق الضرب
وغير هذا الشيء لا اسمح بربهم ولكن التعامل مع المشكلة بجدية وكل صراحة علي وعلى اعدائي
وايد طلاب قليلا ادب ومحتاجين تربية وخصوصا مع الظاهرة السيء انه كل افراد البيت حتى ابو عمر سنتين عنده جهاز تلفون وانترنت مفتوح 24 ساعة والاجهزة بايادهم وبدون رقابة الام ساهية بسناباتها ودردشات ربعها والابو اذا مو مع مراءة ثانية يا بشيشة لو مع ربع فاضيين وهرار وشلخ لنص الليل
والعيال بلا حسيب وبلا رقيب من الاهل

هو غبي المدرس اذا طالب شيطان يلعب بدرجاته عدل او يرسبه وخبر المشرف عن اي طالب شيطان بعد اما اذا ما سوه شي يعامل الطالب احسن معامله جان عرف اول من سبب الازعاج هذا الطالب او صديقه واله يطلع السبب ينتقم منه بشكل غير مباشر لا طالب هالايام قواي عيون مو متربين عدل

أم هنوف

طلاب هذا الزمن كلش شياطين ومتعبين عكس زمن لول كانو طلاب شاطرين وهادين وما فيهم مشاكل

حبيبي انته فى حصة ملزوم بمنهج ووقت والطالب موخلينك تشرح فاهم السالفة ؟

عرض المشكله من جانب واحد غير صحيح...المفروض من كاتب المقال ينقل وجهة نظر الطرفين ....و انا كولى أمر قولها بكل صراحه أن هناك طلاب لا يصح أن نطلق عليهم اسم طلاب....لأن همهم الأول و الأخير هو ضياع وقت الحصه و الإزتهزاء بالمعلمين و الطلبه الآخرين و قلت الادب ....يجب أن يفهم جميع الطلاب و أولياء أمورهم أن المدرسه لها قوانين يجب الالتزام بها من جميع الأطراف حتى تستمر العملية التعليميه بشكل صحيح.

مع ان الضرب مرفوض و ليس له اي ايجابيات حيث توجد وسائل عقاب اخرى لكني اتذكر ايام دراستنا كنا نتعرض للضرب والضرب القاسي احيانا بالاضافة الى ان معظم الاهالي يوصون المعلم بالضرب والشدة في حال لم يلتزم الطالب حيث كان المدرس بمثابة الاب يقوم بدوره التعليمي والتربوي وله صلاحيات شبه مطلقة وكبرنا وتخرجنا واسسنا اسر وما زلنا نذكرهم بكل خير
اما الان جيل متمرد و معلم غير مؤهل واهل ابنائهم معصومين عن الخطأ
مع كل احترامي للمعلميين المخلصيين
#راح زمن الطيبين

انا ضد الضرب بس طلاب هالأيام قليلين أدب ومافيه رادع يردعهم للاسف

زائر

العجلة في عملية اتخاذ القرار تؤدي إلى ذلك المفروض من المعلم أن يهدىء نفسه وعدم الاستعجال ممكن تحويل التلميذ إلى الإشراف الاجتماعي لحل المشكله أتمنى أن تحل القضيه وديا والله الموفق

ترا اسمها وزارة التربية وبعدين التعليم!!!
لنفترض جدلا ان الطالب اخطأ ؟؟ وشتان ما بين الخطيئتين؟؟
وحدة من طفل والثانية من مربي اجيال؟؟؟

عندما تكون هناك ادوات عقابية تربويه مطبقه لتقويم سلوك الطلبه سينتهي عنف وضرب المعلميين ، اما ان يكون الطالب قليل ادب ولايملك ذره احترام للمعلم والمعلم مكبل اليدين فماذا تنتظرون ، طبعا المدرس غلطان ونص ولكن اعطوهم البديل عن الضرب

لا بديل . لائحة انضباط لا تجدي نفعا و لا تطبق لأنها منفذ للإفلات من العقاب و متاهة لا نهاية لها و لا مخرج منها . وضعوها بنوايا مبيتة ترهق المعلم و لا جدوى من متابعتها فهي ذر رماد على العيون . المعلم مستهدف من وزارة لا تعلم و لا تربي .

كلامك صحيح الخلل في لائحة الانضباط فمثلا لو ان طالب اعتدى بالضرب على معلم العلاج هو وقف الطالب عن الدراسة ٣ ايام ! وهذه مكافئة للطالب والحل هو إحالته الى الشرطة وصدور حكم جنائي مع الطرد من المدارس الحكومية لمدة سنتين

انتون تقولون ان لازم المدرس ينفصل اوكي انا وياكم خاصة اذا كان عنيف جدي بس بقول ليكم ربوا اولادكم عدل لان كثير من الطلبة قليلين ادب وغير مربيين واهلهم مثلهم وانااطالب بفصل اي مدرس يسوي جدي وبالمقابل اطالب بفصل اي طالب يسبب ضرر او قلة ادب للمدرس لان السالفة مصخت اللعام وحدة من الطالبات ضربت مدرسة وسببت ليها اصابات بليغة وجبنا ليها الاسعاف هادي ادمية يعني بس لان كانت تبغي تاخذ منها التلفون لانها كانت مخالفة وجايبتنه لو اني اشتكي عليه في الشرطة وادخلها احداث خلها تتعلم الادب لان حتى الاب يصيح منها

مو احنه اللي نقول لازم ينفصل قانون الخدمه المدنيه اي شخص موظف عام يصدر ضده حكم قضائي يفصل من عمله

انا ما قلت انت قلت انا ارد على الي يقول اظن تعليقي واضح ومفهوم نعرف ان قانون الخدمة هو ال يحدد لكن مثل ما ناس اطالب هني بفصل المدارس يجب فصل كل طالب يتمادى على اي مدرس ويقلل قيمته هذا الانصاف وترى لو طبقوا هالشي نص مدارس البحرين بتفضى

مو صاحي شنو هالمرض النفسي مباشرة يضربه كسر في ايده المفروض يفصلونه ويحبسونه سنوات عشان يتأدب اولاد الناس امانة في رقبتكم مو لعبة حسبي اللهونعم الوكيل غجر

هادة ستهتار كرسي عاد واللة حرام انة يوم في عدادي ضربني استاد بهوز مال كهرباء علا راس لابيض ونكسر علا راسي ولا خلا عداوة وكلا رسبني

يبدو من خلال ما كتبت .... أن تحصيلك كان رائعا و أن الأستاذ كان بك رحيما .

الله يسلط علي مدرس ومدرسه مايخافون الله في عيال الناس اتمني اي مدرس او مدرسه يتعاملون بالتطاول مع أبناءكم التوجه فورا لشكوى عليهم اللي ماعنده ضبط اعصاب يرتاح ببيته عيال الناس مو لعبه
ثانيا الطرد من الصف يامدرسين تعتبر مخالفه فأحسن ليكم خذو تدريبات في ضبط النفس

اي ضبط نفس اهانات يحصل المعلم من طالب كانه اصغر اولاده

والله ما ابلغ عليه الا مكسر عافيته اول ولو كان قوي هذا ضنى مواعبة مالت على وزارة التربيه حرام نسميها بوزارة التربية لازم نسميها بوزارة خراب نفسية الطلاب شقالو تربية بدل ما يقول له ياولدي الكلام اللي قلته غلط وبعدين يتخد اجراءته على الطالب مو يرميه بالكرسي عسى يدى الكسر

قبل لا تلومون المدرس شوفو الطالب ويش مسوي في الصف حتى استفز المدرس لهدرجه!!!
ترى المراهقيين قليل ادب ويستاهلون التكفيخ

بالضبط .. بس هالشي ما يوصل للعنف
رغم قلة ادب الطلاب .. ويحاسبونهم عند الاعتداء واهانة اي استاذ حق ياخذونها درس

هو حيوان يعني حتى يستفز
لازم يكون حليم ويعرف يضبط أعصابه في هذه المواقف بعدين يفكر يكون مدرس

اوكي صح كلامك مو رافضينه بس بسالك سؤال لو جا احد ضربك ودكدك اعضامك ويش بتكون ردة فعلك هذا بالضبط صار للمدرسة الي عندنا انضربت ضرب وجبنا الاسعاف ليها واقولها مرة ثانية لو اني مكانها مباشرة اسوي عليها بلاغ واوديها الاحداث عشان تتأدب عدل اهلي ما قط مرة ضربوني مفعوصة مو متربية تضربني حجي تقولون بس ما تدرون هو ويش مسوي للمدرس ما بيسوي جدي الا وااصل حده ليكون عبالكم المدرسين ملائكة يقدرون يتحملون اي كثر يعني واله المصريين الي يقولون شنو طلبتكم قليل ادب احنه مستحيل طالب يرفع لسانه على مدرس مو بعد ضرب

المعلم في هالموقف يبي يكمل المنهج قبل الامتحانات ويجونك طلاب همهم النوم وتضييع الحصه نصيحه لاولياء الامور شوفوا عيالكم متى ينامون على الاقل مو يداومون المدرسة وطول الحصص نايمين

ما استغرب شي ابدا ولدي في الصف الثالث إبتدائي والمدرسة يضربهيضربهم لدرجة يخاف يقول يسوي وفيه شيء ولمن اكتشفنا ورحنا المدرسه قال ما سوى شي وخبرونا المدير المصري وهم بعد ما يوم شيء غير الألفاظ اللي يتلفظها على أطفال. . ولعل المدرسة كلها وكثرة الشكاوي عليه ما سوت الوزارة شي ابدأ والحمدلله اللحين نقلوه الرفاع وأوأرتاحوا الطلاب

مهما كان الي سواه الطالب ، المعلم ماله اي حق يمد ايده عليه ، بس ضرب واهانات في هالمدارس ، احاول احبب المدرسه لأولادي واقول ليهم. نشيدة مدرستي حلوه ومدرستي زينه فيها تعلمنا وفيها تربينا ، يقول ولدي اي تربينا يا اماه كل ضرب وصراخ وين بنفهم لو نحب المدرسه

ليس فقط المعلم من يضرب الطلاب هناك مديرة تضرب وتسحب الطلاب كالكلاب في الطابور نحن اولياءطلبة مدرسة ...نعاني من هذه المشكلة من الادارة نفسها ومعلماتها

المفروض يطرد المدرس من وظيفته ويكون عبره لباقي المدرسين

الوم هذا المعلم ا الوزارة لا تستمع للطلبة واولياء امورهم في مدرسة سند بنين المشاكل لا تحصى ولا تعد من الادارة والطلبة عجزنا ونحن نكتب عن هذه المدرسة المنكوبة ولا يوجد حل

ليش واقفين في صف المعلمين

بعض المدرسين وليس الكل شريين ويضربون الطالب زمان لول راح اللي ابوتنا توصي المدرسين بضربنا

اي شخص يعتدي على اخر في اي مجال يعتبر انسان فاشل غير مؤدب ما تربى بالطريقه السليمه. يجب ان يطرد من التدريس ليكون عبرة للجميع.

انا معلمة وما اسمح الى نفسي اني اجرح طالبة بالكلام مو اضربها ولا اسمح الى اي معلم او معلمة يهين او يعتدي على اولادي في المدرسة
اتقو الله في اولادنا يامعلمين اكسبو اولادنا بالكلمة الطيبه وليس بالضرب والتهديد
اجعلو رسولنا قدوتنا فهو معلمنا

عسى ايده الكسر ،الطلاب ماينظربون الا من المدرسين الوافدين

المدرس بحريني يأهل الخير منا وفينا

الاكثرية الاعم فعلا الوافدين في الضرب لانهم متعودين في دولهم ان زمام الامور للمعلم وينصدمون هني لان الطلبة هم الاقوى

منطق " الطلبة هم الأقوى" معنى ذلك تعليم خرب و تربية فاسدة و مستقبل مظلم .

ولو طلع كذاب بس بعد ماليه حق المدرس يضربه

بس اعتقد ماليه حق يضربه بالكرسي انتون في وزارة تربية وتعليم راح زمن المدرس / ة اللي كانوا قدوة للطلبة

والله الواحد صار يخاف على اعياله

الغلطة من الوزارة اللي متساهلة مع بعض المدرسين وتستر على جرائمهم

اشصاير يا وزارة؟ كلما فتحنا الجريدة چفنا اخبار تفشل عن هالوزارة

هذه نقطة في بحر

الله يعين هاالطلاب من هاالمعلمين كل يوم نسمع

اي تربية واي تعليم واي بطيخ اذا المعلم مو مربى ويدخل على الطلاب مثل الوحش وين الطالب ينجح

المفروض وزارة التربية والتعليم تعطي المعلمين قبل بداية الدراسة كورس في التربية وكيفية التعامل مع الطلاب

فعلا يجب انهاء خدمة اي مايمسى باالمعلم في احالة اعتداءه على طالب ترى مصخوها لارقيب ولا حسيب

من الملاحظ من الردود اتفاق وتوافق تام الظاهر داخلين المعلمين بقوة يدافعون عن بعضهم بعض وين الناس عنهم بس ان شاء الله يصير في اولادهم مثل ماصار الى هذا الطفل البريء

يبين انه الطالب كذاب

استح على وجهك ومن ردك يبين عليك من هاالاشكال الوصخة من المعلمين

خوش خوش اذا الاباء والامهات جدي شنو تتوقع يكون الجيل شنو هالكلمات السوقية تعيبون على المدرس لكن انتون اخس منه هذي الفاظ ناس عنده اخلاق ومتربية يا دافع البلا ويع ويع والله اني كنت طالبة ما عمره مدرسة ضربتني ولا حتى صرخت علي حتى احين خواتي في مدرسة يدرسون وطلبتهم كلش حليوين مااشوف عندهم هالمشكلة اذا جا الطالب متربي محترم المدرس ما يحتاج لا يضربه ولا يصرخ عليه طبعا انا مااؤيد طريقته بس بعد نقول ربوا اولادكم صح ترى مو صحيح تفلتونهم على المدرسة وهم قليلين ادب وتربية وتبغون المدارس والمدرس يتحملونهم

على وزارة التربية والتعليم طرد وانهاء خدمات المدرس ليكون عبرة لغيره من المدرسين

هذا هو نفسه
لي الطالب ضربه بووكس ونشرت قضيته الوسط عقب ما نشروا سالفة الطالب
والله عاد انتون يا أولياء الأمور اتجون المدرسه وتقولون للإشراف احنا محنا قادرين عليها من إعدادي هذي مشاكلها
فبدون هرير
ما تقدرون تربون أولادكم وتبغون المعلمين يربونهم

للاسف الشديد بعض طلاب هالجيل دلاليع ويحبون السوالف ولا عندهم احترام للمعلم ، طبعا القضية مختلفة عن المنشور ... والله المستعان

التعليم كان في السابق رسالة واليوم مجرد معاش لا أقصد الجميع ولكن هذا ألي نشوفه وأين الضمير وأين الإنسانية أنعدمت هذلين أولادنا والله أسمع قلبي ينزف من الروضه يهيأونهم يكرهون المدرسه قصدي مفهوم طبعا

في اساليب كثيرة يمكن اتخاذها من قبل المدرس لاي طالب غير ملتزم بالقوانين الصفية غير الضرب، اذا مو متحمل وجوده في الصف كلم الادارة تتفاهم معاه مو سيدا ضرب يسبب اصابات في جسم الطالب، احياناً كثيرة يكون السبب تافه مثل تكلم في الصف يضرب او يرفس عليه كرسي مثل ماحدث مع ابني، ترى الوجه المبتسم والتعامل الراقي يحبب الاولاد في المدرس ومادته والعكس صحيح