والاسيويين ؟؟؟؟!!!!
اللي تارسين الشوارع بسياراتهم من صباح الله خير شايل بالطبع انفار وفي الهاي وي من يترصد لهم ولا القانون يمشي بس على الفقارة اللي نسكت في وجيههم كل سبل الرزق. بصراحة المرور ما يتحرك ليش ماتسوون حملة على هدولين. بلد العجائب ولد البلد منبوذ والغريب سايب

متسلطين غلى الفقير المسكين
خلوة بحرينى يوصل العيال
و كفوة ذل السؤال

ولد البلاد

البحريني غريب في بلده وياريت يعاملونا مثل الأجانب نحن راضين ولاكن الشكوى لله فقط

والله حرام الي تسونه في هالشعب الفقير
طفش من حياته لو محنا مسلمين جان والله الانتحار بالمئات

وينكم من اﻻجانب البنقالبة و غيرهم عند المدارس الخاصة عيني عينك و ﻻ احد ايكلمهم و ﻻ دوريه موجوده بس البحريني هو المخالف.

السلام عليكم . اسال الله التوفيق في كل نشاطات كسب الرزق وفالاول بعلق على راي لا يصح الا الصحيح . انت تشوف ان توقيف التصاريح لنقل الطلبة والمخالفة شي صحيح ؟؟؟ . او انت شايف اللي اخالفك يمني هذاا صحيح ؟؟ وين الهيئة اللي ترعى مصالح الافراد . اذا كنت عايش عيشة رفاهية هذا ما يعطيك الحق تدوس على ارقاب اللي قاعدين يحاولون اعيشون وثانيا اللي تكلم عن الاعراض وعن البنات ولصبيان برد عليك وبقولك عيوني ترا الشغلة من بدايتها تخص الاعراض فما يصح انقعد بنت في جنبها ولد فالباص الا اذا كنت راضي على بنت من بناتك

قطع الاعناق ولا قطع الارزاق

في دول الخليج الثانية هاذي الوظيفة للاجانب مو للمواطنين
واهني المواطن كلشي يشتغل وفوق ذي الجهات العليا تناحسه وتضيق عليه وتخنقه

اداراة المرور موقفين التصاريح ويخالفون الناس ليش ما يحاسبون رعات الشركات مال المواصلات الي يأجرون النمرات ب400 و500 و300 نفس الشي الي اتأجر والي ما عنده وارعات الشركات مو اولى من الناس ولا أأمن لأن يعتمدون على هنود وبنقالية واجانب يعني الافضل يعطون الاهالي الرخص ويريحون ولا يقطعون ارزاقهم
والي يتكلم عن الي يوصلون الجامعة يقول انهم يوصلون بس بنات اكيد بيوصل بس بنات لأن لصبيان مافي احد ماعنده ليسن الا قليل والا يطلبون المواصلات اغلب شي البنات واذا اخذت وياهم كلاب يتضايقون ياخد اليه واحد قدام

خافو الله تقطعون ارزاق الناس و كفاكم ترصدا و سلب الأموال و المرور اغلق باب التصاريح منذ عامين شلون الدوريات يخالفون الناس عن تصاريح انزين من وين يطلعون لك تصريح من المريخ مثلا ؟ مكتب التصاريح مغلق من المرور فما يصير تعطي ناس مخالفة بدون تصريح يعني شسوي هو اذا يبي يكسب رزقه و يدفع اقساط الباص و التزامات شهرية معيشية ؟ صراحة ماعندكم سالفة المرور قاعد يناقض نفسه و هذا سلب و نهب بالمواطن عيني عينك لأن المرور هو اللي غلق مكتب التصريح و يقولك طلع تصريح شنو تلعبون ويانه ؟

في كل مكان قاطعين رزق هالشعب وين نولي وياكم يعني في كل شي مضرر هالمواطن وياكم حتى في عمل الحر مضايقين على الناس اعطوهم تصاريح ضايقتون علينه في كل شي

ما ادري ويش الحل يعني!!
ارحموو من في الارض يرحمكم من في السماء
والله العظيم يكسرون الخاطر
شباب ينطفي ويتسكر في وجهم الرزق في كل عمل

قطع أرزاق عيني عينك

بعد قرائتي للتعليقات و اللوم الموجه لجهاز اداري اسأل: من المستفيد من تأخير و إهمال إنجاز معاملات المواطنين؟ ماذا يتوقعون و الفرد يشعر بانه منبوذ في بلده، و محارب في رزقه و جميع تصاريح المسئولين إعلامية و ليست عملية؟ لصالح من هذه الأساليب؟

تعال ما بعطيك ترخيص وأدا وصلت بعطيك مخالفه.يعني قطع ارزاق .ليش ما تعطون الناس تراخيص ابي اعرف.ليش في لمحرق المصريات عندهم ترخيص ويوصلون طلبة في سياراة هونداي والبحرينيين ما تعطونهم رخصه.

من بيرجع اولادنا لا يكون المرور

ما اقول اله المستفيد مكاتب النقليات الي ياجرون لوحات
والمرور ورعات الباصات يقولون كدي يا غزاله الى بختش يا سباله
مواطن بحراني تعبان نفسيت

لو ما تبون نخالف القانون كنتو عطيتونه تصاريح يومين وراء بعض احصل مخالفه وماكملة المخالفه 24 ساعه من عطوني الثانيه 3 سنوات نطالب بتصريح ومو شايفين شي

لا يصح الا الصحيح

يجب محاكمتهم وإنزال أقصى العقوبات بهم ولكي يرتدع الآخرون . ولكي لا يكونوا سبباً في قطع رزق غيرهم من السواق المرخصين .

استريح اقول احسن

بسم الله الرحمن الرحيم...اولا انا سائق باص ولا املك رخصه نقل طلبه ولما طلبت الرخصه ماشفت جواب منكم...ثانيا انا عندي عائله مكونه من زوجه و3 اطفال وساكن في شقه اجار وباصي اقساط غير مصاريف البيت ولعيال حرام عليكم يالي تسونه احنا في البحرين ديره البترول والخير وشعبها عايش هالعيشه ويش تبون نسوي باقي نبيع بس ثيابنا عشان نرضيكم

أصبح الحلال حرام والحرام حلال ناس تتعب عشان اقوم العيش وانتوا توقفون في طريقهم والله ان رب العالمين لكم بالمرصاد ولن تتهنوا بالي اخذتوه من الفقراء وانا متيقن بأن رواتبكم حرام لانها من تعب المساكين وجهدهم وتعبهم

ضدهم
قطع الاعناق ولا قطع الارزاق واللي حاطين أصحاب الباصات ويخوفون أولياء أمور الطلبة تراهم مو وحوش
خلوهم يترزقون واذا خايفين على اولادكم منهم وصلوهم بنفسكم الى المدرسة ورجعوهم وبلا هدره

اول شي ستحو ع وجوهكم ان المواطن يشتغل هشغلة .
ثاني شي افتحو تصاريح خلونا نشتغل هذا مو فخر يا وجها ان يمني يصيد مواطن .

اتصلت الى اكثر من 50 شخص لتوصيل ولدي الجامعة ،لان توه متخرج وللحين ماطلع له ليست ،وكل الي اتصلنه ليهم مايرضون ،ليش شنو السبب ،لان ولد مو بنت ،يا يعني انتون ماخذين هالشغلة مو للترزق ماخذينها لاشياء ثانية الله العالم فيها ،اقول لاولياء الامور الحذر كل الحذر على اعراضكم ،لا تستهينون فيها ،حاسبوا لهم من ارعات الباصات مادام هذي نيتهم توصيل بس البنات ،ما اقول كلهم ،لان اصابع يدي موب سويه ،بقول البعض ،والله يحفظ البنات من هالنفوس المريضة

ابو شباب لاطلع هرار من عندك

حجيه عدل أصابعك مو سوية في الزين وفي الشين ، نسيت البنية اللي توفت عقب ما وعدها سايق الباص يزوجها ترى ما صار على وفاتها شي الكل يحاسب لبناتهم لصغار من سواق الباصات ومن غيرهم ، طبعا في الزين لكن الحذر واجب

صحيح كلمك ميه ميه

معقوله اختي ٥٠ شخص وكلهم مايبون يوصولونه ؟
جان جربتي خليتي احد ثاني يتصل لنفس الشخص ومن نفس المنطقة ولكن بنت حتى يتم تأكيد هذه المقولة ؟

انت فعلا ما تستحي على وجهك وقليل حيا ... لكن كل يرا الناس بعين طبعه.. اذا انت تربيتك جدي والبيئه اللي عايش فيها جدي لا تحكم على غيرك..وتبينا نركب ولدك ويا البنات ورا؟؟ ترضاها على بنتك نركب اياها صبي ورا؟؟؟ طلعت انت اللي تفكر اعراض الناس لعبه عندك وتبي تركب ولدك ويا بنات الناس..انت اب؟؟ مراهق انت؟؟

وش هالهرار...في جامعة البحرين الباصات بين الكليات كلها مكس وش فيها اصبي يقعد في باص فيه بنات...لايكونون مفصخين يعني؟ هذا باص مو برجة سباحة علشان عيب

والله ما فهمت سبب تهجمك. كنت اتمني ان افهم قصدك. قرأت تعليق ٢٧ اكثر من مرة. لم اجد فيه شيئ غبر معقول. اما تعليقك فيحتاج محللين نفسيين لفهمه.

يا حبيبي احنا في بلد اسلامي و حضاري شلون تبي تقعد ولدك مع بنات ؟ راعات الباصات مايوصلون اولاد عن لا يصير خلط مع البنات في باص واحد و عيب عليك تظن هالظن في ابناء بلدك ، و اكثر التسجيل في الباصات هم البنات و الاولاد نسبة قليلة و صعب يفتحون باص كامل عشان 3 صبيان أو 4 بالكثير

شدخل الاسلام؟ الاختلاط في الشغل والمجمعات والجامعة وقفت على الباص؟ تره النقل العام مختلط والمواصلات داخل الجامعة نفسها مختلطة والحمدلله بناتنا مربيين عدل ومتسترين والصبيان بعد لايكون الديرة صارت رازبوتة وانا ما ادري

ههه اذا اخذوا تراخيص ترى بيغلون قيمة توصيل اولادكم خلكم ساكتين احسن ليكم ههههه وانا أول مرة اسمع عن هالترخيص كنت اروح في باص طووول هالسنين ولا يوم اتكلم لييي عن ترخيص الى ان اتخرجت من المدرسة !!! واحنه الحمد لله في الجامعة تونه سامعين عنه !!!

فتحو التراخيص وبعدين حاسبوهم
لا يرحمون ولا يخلون رحمة الله تنزل

الى ادارة المرور
اول فتحو التراخيص الى الناس الي من شهر 8 مقدمين وبعدين حاسبوهم اذا ما طلعو التراخيص
يعني موقفين التراخيص وبعد تخالفونهم
لا هذا و لا ذك
الله كريم

اولا انا سائق حافله صار لي 10 سنوات بدون ترخيص وفي الاونه الاخيره راجعت ادارة المرور لطلب ترخيص نقل طلبه لكن بدون جدوى مع العلم انا هدا عملي ولا عندي تقاعد ولا شي .. المفروض احنه نشتغل بقوة الدفاع او الشرطه او اي وزاره حكوميه ليش تحاربونه في ارزاقنه بس لان من المغضوب عليهم ؟ هي لو اسيويين يقومون بنقل الطلبه ما اضن سويتون الا سويتونه واضن ان القادم اكثر حتئ بس لا يعيش نقط نقط

يعني انتو يا إدارة المرور ليش تتصرفون تصرفات مكشوفة واضحة .. مفتخرين أنكم صايدين بحريني يوصل طلاب بدون تصريح من عندكم !! والله إنجاز عظيم يحسب إليكم في ميزان حسناتكم انتو ومن وراكم .

الي خايف على أولاده ويريد إجراء رادعا خله يوصل اولاده في مدرعة او كمندوز لأنه خايف عليهم ، يا أخي كل الناس تخاف على عيالها بس الفرق في إنسان رحيم و في أناني وصخ لا يفكر إلا في نفسه .

نعم لا بأس .. ولكن هل تعلمون أن من ظبطونهم بحرينيين ويكدون على عيالهم .
واينكم عن آلاف الأجانب الذين يسرحون ويمرحون في بلد يضيق على المواطن في سبيل رزقه ويخالف كل من هب ودب تحت رعاية ونظر العيون الساهرة لحفظ النظام .

ضبطوا يلي يتكسون

وبعدها

هل هذا كله ؟ أخذ تعهد منهم وانتهى ! نريد رادعاً شديداً لهم ولكل من يفكر في نقل أطفالنا جرياً وراء الربح غير مكترثين بأرواح فلذات أكبادنا ومستقبل هذا الوطن الغالي . نريد تشريعات قانونياً فوراً يا إدارة المرور !

المشكلة في الترخيص فقط وليس في صلاحية المركبات او المخالفات المرورية ، الحل بسيط فتح التراخيص للبحرينين خصوصا مع احتياج السوق

ارحموا الناس خلوهم يترزقون الله قطع الأعناق ولا قطع الأرزاق اذا الناس ماتشغلونهم وين يروحون يعني وثانيا اولياء الأمور تبغي لأولادهم سيارات خاصه تنقلهم ليش تخاربون الناس حرام

سهلو عليهم حق يحصلون الترخيص بدل ما تصكون باب رزقهم

احين يلزمون السواق باستخراج تراخيص وهم مبندين التراخيص مايعطون

صح وقبل كم يوم ناس ناشرين ان يبون ترخيص مو فاتحين

الناس تبي ترخيص بس المرور
اموقف التراخيص

مافي اله هراركم اي توعوية واي هرار بس تبون تطلعون فلوس من عند الفقراء الله عليكم

مانعين الترخيص من الناس
يعني يبون اولادنا يضربون لفت في الشارع حق يرجعون بيوتهم ؟؟

يا ادارة المرور افتحوا التراخيص للعاطلين وخلاص

المرور بس على البحرينيين هكو الهنود ترس الديرة كلهم تكاسي والمرور يعرف عنهم بس رافع القلم عنهم معروفه السالفة بس المواطن في ها الديرة الي يدفع والأجانب تلعب

افتحو التراخيص ولا تقطعون رزق احد
قطع الاعناق ولا قطع الارزاق

الرجاء من إدارة المرور و وزارة العمل و وزارة المواصلات النظر في تأجير لوحات المؤسسات على الأجانب
لان الأجانب يستأجرون للوحات ويعملون على نقل الطلاب ويزاحمون المواطن الذي يعمل على نفس المهنة الرجاء النظر في هذا الموضوع وذالك للأهمية

مارضيتوا تعطونهم ترخيص عقب تقولون ماعندهم ترخيص

اعطوهم تراخيص وعدم اعطائهم تراخيص يعني قطع أرزاقهم