تنظم وزارة العمل والتنمية الاجتماعية معرض التوظيف في القطاع التعليمي (2)، خلال يومي الأربعاء والخميس (28 - 29 سبتمبر/ أيلول 2016) بمقر الوزارة، من الساعة الثامنة صباحاً وحتى الساعة الواحدة ظهراً في بهو الوزارة، وذلك بمشاركة (33) مؤسسة تعليمية من جامعات ومدارس، إلى جانب معاهد ومؤسسات تدريبية خاصة، تحت رعاية وزير العمل والتنمية الاجتماعية جميل حميدان.
ويستهدف المعرض، حملة الشهادات الجامعية والدبلوم والثانوية العامة، حيث تعرض الجهات المشاركة شواغرها الوظيفية التي تزيد على 300 فرصة توظيف متنوعة، كما ستتلقى طلبات التوظيف مباشرة من الباحثين عن عمل، إضافة إلى توقيع عقود توظيف مع من تختارهم، وذلك خلال فترة إقامة المعرض.
وتعد هذه المعارض النوعية المتخصصة استثماراً موجهاً للباحثين عن عمل، وذلك للتعرف على الشواغر الوظيفية النوعية في سوق العمل، واختيار ما يناسب مؤهلاتهم وقدراتهم منها، كما أن المعارض تخدم أصحاب العمل بشكل كبير من خلال استعراض قدرات وخبرات الراغبين في العمل الزائرين للمعرض بشكل مباشر، فضلاً عن المساهمة في خدمة الأهداف الوطنية في جعل المواطن البحريني الخيار الأول في التوظيف بالنسبة لمنشآت القطاع الخاص.
خلاص ما عدت اروح هالمعارض ابدا .. كل شلخ .. والسيفيات الي اشيلهم ارجعهم ما ياخذونهم .. تقولين دبلوم يقول لش ما تسوي شي الدبلوم ..تقولين ثنوي يقولون لا شهادة جامعية... شالقصد ؟؟
المشكلة كل سنه نروح نقدم في هلمعارض ونتعب روحنا ومحد يتصل لنا الرزق ع الله
معارض ومعارض وخارشينا بهم! وفي النهاية اولادنا يودونهم يشتغلون طباخين!!
العام الماضي قدمت اوراقي ولا حتى جتني رنة من مدرسة خاصة من اللي قدمت ليهم
عادي لو يسوون رنة باتصل على حسابي مو مشكلة
ما بتعب روحي واروح السنة
لانه بس يتلاعبون بنفسيتنا
يسوون معارض مكررة بنفس الشركات ونفس الوظائف كل سنة!! وآخرتها ما في أحد يتوظف
يسوون معارض علشان بس هالچم خبر وصورة اللي بينشرونهم عن المعرض وعلشان يقولون احنا نسوي ونسوي
الله كريم
هههههههههااي خليتونا نصدق عمرنا ، ونروح معارض التوظيف وكله هرار في هرار، مجرد دعايه ، مايحتاج نروح كل مره ، لو يبون يوظفونا جان وظفونا من زمان السيفي عندهم ، المشتكى الى الله ، اللي في عمرى تقاعدو وانا للحين ماتوظفت ، وزميلاتي في الدراسه توظفو من غير شهاده ( متطوعات ) من غير شهاده جامعيه ، العيب مو فينا في هالحكومه ، ١٠ سنوات وانا عاطله ،فالحين تييبون لنا خمه من برع ،حسبنا الله ونعم الوكيل في هالسياسه الفاشله????
آنا خريجة جامعية في تخصص مطلوب علاقات عامة صار لي خمس سنوات ماخليت وزارة ولا ديوان خدمة ولا عروض في الصحف ولا معارض توظيف من مثل هذي إلا وطرقتها وعندي دورات شكثر لكن الى اليوم ماتوظفت .. زميلاتي اللي بالدراسة الجامعية اللي مستواهم أقل مني واللي بدون فخر ولا إعتزاز كنت أعلمهم وأشرح لهم أغلبهم توظفوا وألحين تدرجوا بمراكزهم وآنا للحين بالبيت .. أدخل مقابلات أدائي دائماً ممتاز لكن في الأخير ياخذون غيري .. آنا مابقول السبب لأن الكل يعرف شنهو السبب .. لكن أقول أنتم يالمسؤلين قولوا لينا شنهو السبب
خارشيناا بالمعارض بس حق الشو الا يبون يوظفونهم بس شخطت قلم من تحت الطاوله وهو مداوم مشتكى لله ..ترى المل يبي يعطي في ديرته مو ناس وناس حسبي الله ونعم الوكيل
الأزمات امصنعة كثيرة وأولها البطالة التي ان اريد حلها ففي ليلة وضحاها
الوزارة وظفت المئات في ليلة وضحاها وحتى بدون شهادات والله عيب
اصحاب الشهادات قاعدين في بيوتهم وشركات المقاولات والحكومة تستقدم عرب بدل المواطنين لاسباب معروفة