شكا عدد من أولياء الأمور، بقاء أبنائهم من طلبة الصف الأول الابتدائي في مدرسة بوري الابتدائية للبنين، بلا معلم نظام فصل والدراسة تدخل أسبوعها الثاني.
وعبر «الوسط» وجه أولياء الأمور نداءهم لوزارة التربية والتعليم، وقالوا: «لا نعتقد أن ما يجري تحت علم الوزارة، وكلنا ثقة في حرصها على حصول أبنائنا على حقهم من التعليم».
وفي رسالة صادرة عن أولياء الأمور، قالوا فيها: «نحن أولياء أمور الصف الأول/ 3، نقدم رسالتنا بناء على عدم وجود مدرس نظام فصل، وبعد التواصل مع الإدارة تم إعلامنا بتعيين مشرفين إداريين لمتابعة الصف بالإضافة للمدرس الأول والذي سيتابع مادة الرياضيات، حتى أصبح لديهم 3 مدرسين بما من شأنه تشتيت انتباه الطلبة». وأضافوا «قمنا بمتابعة وزارة التربية والتعليم وذلك بعلم إدارة المدرسة، فالتقينا بالأستاذة هدى الكعبي في الوزارة والتي طلبت منا كتابة الرسالة لتبيان مطلبنا». ومجددا، وجه أولياء الأمور، نداءهم للوزارة «نطالب بتوفير مدرس نظام فصل كفء كما أقرت الوزارة ذلك مسبقا في جميع المدارس الابتدائية للحلقة الأولى».
العدد 5133 - الأحد 25 سبتمبر 2016م الموافق 23 ذي الحجة 1437هـ
احنا امدرسه العهد الزاهر العام وكل ما نسال قالو عندهم نقص وضغط ع المعلمات قبل المنتصف بكم يوم جابو معلمه فيز وعقب المنتصف اكثر الحصص ما تحضر درسناه ذاتي
صراحه قهر ناس عندهم شهاده وقاعده تراكض تبي تتوظف والمدرسه محتاجه وما يوظفون والضحيه الطلاب
انا ما يقهرني الا اللي يقول حمدوا ربكم انتوا احسن من غيركم. أحسن من مستوى أي دولة بالتعليم؟
شوف الامارات كمثال... اذا اسست صح ما بتظل رهين مصدر دخل وطني واحد بس
الاستثمار في تعليم اجيال المستقبل عمره ما كان خساره
دام المدرسة في بوري
الله يصبركم على هالحال
انا من رايي تشوفون ليكم حل بنفسكم
لا تعولون على الوزارة
قالوا قبل سنتين ان هالوزارة بتصير ليها اعادة هيكلة
شكلنا بنشوف بيض الصعو قبل ما نشوف هالهيكلة اللي قالوا عنها
فسفسوا الفلوس على المهرجانات و تاليها قولوا ما عندنا ميزانية للتوظيف
او تدرون شلون؟ ليش ما تخلون متطوعينكم يدرسون دامهم ثقة على مدى هالسنين اللي راحت
:)
خاطرنا بخبر واحد يسر الخاطر من هالوزارة. خبر واحد بس على سبيل التغيير.
و حلكم للمشاكل اللي انتون السبب فيها من الاساس ما ينحسب كخبر يفرح ترى
اولياء الامور يفكرون مشكلتهم الاهم بسكم شكاوي احمدوا ربكم
زائر ٤٢ ،،،، بالله فهمنا اذا المشكله ما هي مشكلة اولياء الامور يعني راح تكون مشكلة منو؟ انت بتتبرع تدرس اولادنا؟ او انها صارت مشكلة اولادنا اللي بالصف الاول الابتدائي و هم اللي المفروض يحلونها بنفسهم؟
انت جاي من أي كوكب؟ أو أي نظام شمسي ؟
دعاية سنيكرز هي؟
مع وزارة التربية و التعليم المشاكل ما توقف
كرهتون الطلبة في التعليم
هذا تطبيقكم لرؤية ٢٠٣٠؟
نروح للصندوق الخيري التابع للمنطقة لتوفير معلم نظام فصل لطلبة هذا الصف علشان يدرسهم بعد انتهاء الدوام مثلا؟
نشتغل بالنيابة عنكم يا وزارة ؟
سابقا كان التدريس وكانت مدارس البحرين مضرب مثل في دول الجوار... الطالب محور الاهتمام واساس التعليم و المستقبل
كان يا ما كان
وانقلب الزمان
ليش أولياء الأمور اللي يخاطبون الوزارة
و ليش الوزارة تنتظر الفضايح علشان تتحرك
و ليش مدير المدرسة ما تصرف
و وين رئيس المدارس عنه
و وين مدير إدارة التعليم الابتدائي عنهم
و وين الوزير عن متابعة مدراء التعليم دام المهمات مسنده إليهم
؟
الفاتحة على روح التعليم
خيرتنا بننجلط من سواياكم في التعليم
نطالب بعلاوة بدل أمراض قلب لكل ولي أمر
ولي الامر لابيمرض ولا شي انتوا تمرضون بلد
ما تبون تعينون احد موظفي معهد البحرين للتدريب بهالوظيفة بطريقة النقل المخالف للقانون كعوايدكم يا تربية يا تعليم ياللي فاهمين القانون
الخطأ من قسم التوظيف بالوزارة
كانت عندهم الاجازه لمدة شهرين
هذي فترة اكثر من كافيه لتضبيط تنقلات المعلمين
الوزارة هي المخطئ
و هي الملامه
يا تشتغلون عدل
او تتنحون لمن هو اجدر منكم بوظيفتكم
الشغلة شكلها مدبرة من المدرسة .. سمعنا في مشرفين اثنين في المدرسة تخصصهم نظام فصل وما يبغون يدرسون .. يبغون رواتب ومكافآت .. هم إلا قالوا إلى أولياء الأمور بهذي الرسالة . عمي من نقل هذا الكلام وهو مدرس في نفس المدرسة
حرام فيهم المناصب هذلين اللي ماسكين الوزارة
ميزانية تعادل أكثر من مليون و نصف المليون دينار لكل يوم دراسة فعلي و شح في الكتب و المعلمين و الكراسي و الطاولات !!!
للمهرجانات و الحفلات البطالية عندكم و للطلبه مفلسين
وزارة الطقاقه هذي مو وزارة التعليم
ما تخلص مشاكل هالوزارة
ميزانيتكم السنوية بو ثلاثمئة و عشرين مليون دينار وينها ؟
دمار يا وزارة التربية دماااااار
التعليم بالرااااادي بهالبلد
و يقولون لك التعليم مجاني
كتب متهالكه
ماكو مدرسين
شاللي باقي ؟ تفرشون حصير لاولادنا و تعلمونهم في الهواء الطلق ؟!!!
سمعنا بسنة الطبعه
و هالسنه نعيش سنة القزره
اقترح تخلون مدير المدرسة او المدير المساعد ياخذون حصص
بالنهايه هم المسؤولين عن التقصير
و ليش ما فكرتون يا وزارة التربية في ان تنقلون لهم موظف من معهد البحرين للتدريب علشان يشتغل مدرس؟
مهو الوزارة تظن بإن منقولي معهد البحرين للتدريب عبارة عن طحين جميع الاستعمالات
أفا ليش منقول من مهعد البحرين عندهم أعداد كبيرة ممن يتفقون مع الإدارة بتخليص أعمالها مقابل تفريغ جداولهم من الحصص الدراسية
دون علم الوزارة
مو بس بوري مدارس واجد ينقصهم معلمين
ليش مايشغلون العاطلين
اول مره نسمع معلم فصل يدرسونه اكثر من معلم
هذي المشكلة مو بس عندنا هالمشكلة في عدد من المدارس .. الطالب يضيع حقه في التعليم خصوصا إذا كان مرحلة تأسيسية ..
حرام والله حرام جهالنا في ضياع وتشتت بلا مراقبه حتى اسم المدرس مايعرفون اسبوعين يداومون بلا فايده كل يوم يجونا بحال تعبانه من الضرب وامس قصصو شعرهم بالمقص الى طلبوه منا الى هالدرجه لانه مافيه احد يراقبهم المشرفين عليهم التزمات مايقدرون يتابعون اطفالنا احنا نوديهم المدرسه وقلبنا على ايدنا نطالب الوزارة بالتدخل السريع لحل المشكله وتوفير مدرس حق جهالنا من وهدا من ابسط حقوقهم في هالبلد
جمبزة بجمبزة .. معروفة السالفة من صورة الرسالة، واضح ان المشرفيين الاداريين اثنينهم من قسم نظام فصل، ويرفضون استلام الصف بحجة انهم مشرفين اداريبن!
مافي شي رسمي بالوزارة مسمى مشرف اداري وهما غير معينين بشكل رسمي .. انا كولي امر اطالب الوزارة بالتدخل واجبار هؤلاء المعلمين لاستلام احدهم
المشكلة
انهم يقولون لك ان البحريني كفاءة ومخلص .
كلش الوضع عادي اولياء الامور دائما غير متعاونين في مدارس كثيرة في ضوء توفير المعلمين مو تبون اجانب انتظروا
عادي ترى اﻻمر طبيعي معظم المدارس فيها نقص.
وظفوووووووووووووني جامعية واطمح للحصول على وظيفة في وزارة التربية
الله يكون بالعون
هذا الأسبوع الثاني يروحون ويرجعون بدون دراسة شنو يعني يدرسون بدال ما هم قاعدين جيته الدنيا سايبة نمشي ليهم مدرس كفئ حالهم حال الصف الثاني
بلد العجائب....مدرسة عالي الابتدائية للبنات ثاني ف 1
بناتنا صف ثاني... معاناتنا من العام..... مافي مدرسة ثابتة.... والله المعين
وظفوااا من هالعاطلين الجامعيين وضربوووو عصفورين بحجر واحد لسد الشاغر وتعليم الطلبة ،، لو بتسدوون النقص بكم مصري! "؟؟
مدرسة صفيه
مازالو طاللبات صف الثاني بلا معلمة فصل وحال الطالبات كل يوم حاملين الشنط وصفوفهم فوق وهي ثقيله اخذو يوم الخميس فقط الكتب والدفاتر في الشنط من المسؤل عن هذا الوضع
ع الدنيا السلام
عادي ف بلد العجائب تصير ابني للاسبوع الثاني بلامدرسه لعدم توفر مقاعد
فصول بلا معلم ولا كتب
اذا كنا لا نوظف ولد البلد فكيف لنانحرص علي النقص الموجود في المدارس مدرسة السنابس للبنات الي الان لم يسلم لهم الكتب مع ان ابتداء التدريس من ثاني يوم دراسة
المشرفين اثنينهم تخصص نظام فصل وقاعدين بدون حصص .. ليش ما يدرسون لو بس يبغون سنة حافز وسنة مكافأة
هاي الكفاءات
اللي طول النهار تعيرونا فيهم انهم مخلصين .
انتظروا الوزارة توفر لعيالكم حشى ذبحتونا في الجرايد
ومدرسة العلاء الحضرمي بدون كتب
مو بس العلاء الحضرمي
مدارس كثيرة بدون كتب
مدرسة عراد الابتدائية للبنات جزء من الكتب اللي استلموها تالفة و مواد أخرى من غير كتب إلى الان
عاااادي هنا بلد العجائب
بكرة تشوفون خبر صرف مبالغ باهضة لدول أخرى لتحسين الوضع التعليمي فيها
???? وش هالحال ياربي
مدرسة سعد بن ابي وقاص بعد طلاب ثاني ابتدائي ٣ صفوف بلا مدرس ولا كتب من المسؤول عن هالشي،،
وينك ياوزير،،
شلون تقرر نقل مدرسين من والى بدون ما تحط بديل
ضياع اولادنا انت سببه،،
ان لم تكن كفوأ وقادر على ضبط وزارتك تنحى ودع من يقدر على ضبطها يمسكها