حسبي الله ونعم الوكيل فيهم الله يشافيه ويواليه العافيه بحق محمد وال

ع العموم الله يشافيه ورجعه لاهله سالم

اللهم آشف هذا الشاب الذي دافع عن الدين بحق محمد وال محمد
المهم ندخل في الموضوع أولا راح اتكلم عن هالمراهقين وشنو يمثلون للمجتمع هذين المراهقين يمثلون عار المجتمع وحتى أهاليهم واعرف شلون عايشين أهاليهم بالتفصيل نجي حق الأم ربة البيت كل يوم عند فلانة وعلانة وناسية زوجها وأولادها واذا خانها زوجها تحججت وقامت تسب وتعلن فيه نجي للزوج مايعطي أولاده فلوس ولا يصرف عليهم ومن ديوانية إلى ديوانية ونجي للأولاد طبعا يتأثرون بالي يصير حولهم من إهمال ويطلع بره الشارع ويشوف أبو ثاني متحمل في أولاده ومايقصر عليهم فيعادي الأطفال الذين لا يعانون من تقصير الآباء وشوي شوي يرافق أصدقاء السوء ويعطونه أهم بعدين بيزات على أشياء استغفر الله لكن وين كان الابو في ديوانية فلان وآلام قاعدة ويا فلانة وحش في علانة
نرجع للموضوع الي صار انا بنفسي اقول أي واحد يشغل اغاني بصوت مرتفع سواء كان فترة الأذان أو غيرها فهو غير محترم للناس والمجتمع من حوله الاحترام المتبادل ليس فقط شيء يجب أن يلتزم به المسلمين بل جميع الناس لنبني عالم حضاري ورفيع( اخوكم عيسى )

حبيبي اوزن كلامك ولا تدخل أهل الجانيين تكلم بمسئلة الحادثة رحم الله والديك لاتقول أمهم وابوهم لو شخص بهين كرامتي وبيرفع صوته قدام جماعة أو في لمة ناس اقتله مو بس اوديه إنعاش ارد أقولك ثمن كلامك الحبيب قبل لاتقوله لو هم برة وعرفوك انتا قلت جدي ادري نفس الوقت أهلك بيقرون عليك الفاتحة ????

هذا الي نتكلم عنه بالضبط .... امثال هذا ابو كرامة يقول اذا شخص غلط عليه واهانه بيقتله.... وش تعرف عن الاسلام انت؟؟. تقتل انشان عشان غلط عليك واهانك.... تقتل انسان عاد قتل مره وحدة..... ماشا الله عليك يا ابو كرامة واحساس مرهف... اقول ربوا اولادكم. وجودهم مو جيب وهدد وغربل الناس ازعاج وهواش وقتل بعذ على قولتك.... ربوا اولادكم. مو هادينهم مغربلين الناس ومادين الجيران

حسبي الله ونعم الوكيل ..لاحول ولاقوة الا بالله العلي العظيم...الله يقومه بالسلامه يارب

يتبع.... الجهال في سن ١٢ و ١٥ سنة يدخنون عادي قدام الناس في المالكية عادي.. كل هذا كوم ومشكلة الساحل كوم بروحه... الدعارة والعربدة وشرب الخمر والجلسات المشبوها كلها تشوفها في بحر المالكية ومحد يرد منكر

انا من المالكية واقول ليكم المالكية صارت من اسوأ المناطق البحرانية يعني الاخلاق عند المراهقين صفر تشوفهم. عافسين الشارع بالسيارات والتقحيص وشرب الجقارة عادي عند صغار السن ومحد يتكلم ولا احد يرد منكر كل واحد مربي شعر كانه مخلي فوق راسه عش عصافير وكلشي عادي محد يرد منكر الحين والمالكية متروسه من الظواهر السلبيية لان محد يرد منكر ومحد مستعد يصلح المجتمع الملكاوي ، كل واحد يقول مالي شي لا من رجل دين ولا من شخصية معروفة خدم المنازل لاعبين لعبتهم البنغالية لاعبين لعبتهم المراهقين بالسيارات لاعبين

مطلوب تواجد شرطة خدمة المجتمع ووضع ارشادات عامه للسواحل وأماكن الترفيه. وتطبيق القانون والعداله بخصوص القضيه المطروحه ،وتمنياتنا بشفاء المصاب من اصابنه.

ادا كل واحد على هواه بيشغل الي يبيه
ولا عليه من باقي الناس
يعني صرنا في غابه البقاء للأقوى
ياأخي انت أتحب تسمع اسمع بروحك ليش الفوضى
وإزعاج الناس

أرأيت الذي ينهى عبدا إذا صلى

وتقولون سلمية وجهال وماسوا شيييي
شوفوا شنو يقدرون يسون ضاربين رجال بچوله
قولوا بعد كانوا رايحين الخباز

راعي البسطة أكيد نرفز الصبي بالكلام
يعني مو معقولة يجيب وياه شلة صبيان ويضربونه بجوله بس لأنه قاله خفض صوت الأغاني !!

دعوا الخلق للخالق يا من تدعون التدين بغض النظر عن هالسالفة والله اني صار لي موقف شخصي فأنا فتاة متحررة غير ملتزمة بالحجاب ومرة شفت وحدة مطوعة عاد نصحتني مرة وكانت نفسيتهازقت ومغرورة اني قابلتها بالابتسامة ما علقت نهائيا على كلامها بعد ايام ردت شافتني وبكل احتقار ووقاحة قالتها قدام الاولي وهذي مو منادية بعد ما هي نايبة شنو من انتي حتى تفرضين آرائه وها الدين بس لَبْس مافي معاملة ونصهم يفرضون آراءهم على غيرهم

اي الله يساعدش المشكلة ان ما يحس بالجرح الا
المجروح....

ما عليه يا اختي ما عليش منها أو على طريقتها الفضة في التعامل هي ما عرفت شلون تتكلم بطريقة مأدبة بس مو معنى ذلك ان انت غير متحجبة تتركين الحبل على هكذا وتخلين هذا التحرر والتجمل للكل طبعا مو الكل يستحق هذه الزينة وهذا غير مبرر عند الله الخالق وغير مبرر في القرآن وهو الدستور السماوي
الله الخالق خلق لنا كل شيء وطلب منا أن نعمل
1و2و3 واجب و4 مستحب خلاص لبيك اللهم لبيك
قال الله في اﻵية59من سورةاﻷحزاب خلاص ألتزم
بعض الناس إذا سووا شيء منكر أو حرام يقول خلاص أنا انتهيت بعد هذا ماكو أمل، وهذا خطأ

الله يقومك بسلامه يالغالي
والي صار ماينسكت عنه
والمكان للعوائل ومن المفترض الاحترام
والي سواه محمد هو الشي العدل لانه وقف
قدام منكر وهادي غيرة أهل المالكيه الطيبين

اﻷغاني
وقت اﻷذان
بلد اسلامي
طيش مراهقين
اﻷغاني الطرب والرقص المغني المستمع للغناء اﻵلات الموسيقية البائع والمشتري واستخدامها خاصة في أماكن اللهو والغفلة والمجون فإنها محرمة في دين اﻻسلام واللي يقول خلاف ذلك خله يبرز جواب حق منكر ونكير في القبر والمقبرة اللي تحصد كل ساعة ورا ساعة،نشوف تخلص فاتحة تجي فاتحة ثانية على مدار اﻻسبوع خلوا الغناء والمغنيين ﻷصاحبها وﻻ تغرنكم الحياة الدنيا وﻻتجعلوا الدين لعق على ألسنتكم ادخلوا في دين الله أفواجا وﻻتكونوا مسلمين مزيفين نميل مع الريح حيث ما مالت

يا محمد ابين هي حقوق الطفل ...؟؟؟؟
كيف تضرب الأطفال
هؤلاء ألاطفال
انت عمرك ٣٥ و هم أعمارهم ١٤-١٥-١٦
ابن حقوق الأطفال...؟؟!

نتيجة التربية الفاشلة وتسمي أين حقوق الطفل و 15 شخص على شخص واحد وضربة بالرأس وكاد أن يموت وين احنا عيشين في غابة .

اعمارهم 16 بالغين و تقول عنهم اطفال ؟
لاتشجعون هؤلاء على افعالهم الأجرامية

وقت صلاة لو مو وقت صلاة .. ماليهم حق يزعجون الناس في ساحل عام، اذا يبون يسمعون اغاني يقدرون يحطون هيدست وخلاص...

الامر بالمعروف والنهي عن المنكر واجب والرجال ما ادى غير واجبه ... الله يشافيه ويعافيه ... وفرضاً ماعجبكم كلامه جذي تسوون هذي جريمه والي الغجري اعتدى لازم يتعاقب اشد عقاب حتى يكون عبره لمن لا يعتبر

ما ليها اي تبرير فرضا غلطت على ناس وبتقول سبيتهم بعد من عنده قلب يفتح راس انسان ويضربه بهالوحشيه ؟!
ما في تبرير الا فهم وضع اللي يطمعون اغاني تسكنهم الشياطين واحنا نشوف اي عرس فيه اغاني يصير هواش ومشاكل هذا جو الشياطين وهذي اخرة الاغاني اللي تسلب الانسان من انسانيته
اذا كل واحد بيختلف وياهم بقتلونه هذلين وحوش مو بشر

انتشرت العام الماضي صورة على الواتس اب لفتاة اجنبية بالمايوه الساخن من على ساحل المالكية و عندما سألت هل هي حقيقية او مفبركة قالوا لي الاجانب يتفصخون هناك لم اصدق ما سمعته .. ما حدث للشاب محمد مؤلم جدا و يجب معاقبة المعتدين بالسجن لسنوات مع الغرامة ما يحدث من عنف لا يصدق

هههههههه والله بلوة اشدخل الشياطين والأغاني بعدين اقول محد يسبب المشاكل الا المطاوعة هم سبب المشاكل واذا عرس في اغاني يتحججون اطلعوا وخلاص خلوا الناس تتونس وفهمكم غلط ترى الدول المتقدمة كلها ما تؤمن بالحجاب ولا الستر وأما الدول الغير متقدمة كلها تؤمن بالحجاب والطائفية والله بغيت اعرف السبب اذا الاغاني سبب التأخر ليش نشوف الدول الي تشجعها متقدمة بدءا من أمريكا الى اوروبا الى استراليا الئ اليابان والصين

الكثير من الأشخاص وخاصة في هذه الأيام يعتقدون بأن لهم حرية مطلقة في الرأي والتعبير ولكن عليهم أن يعلموا بأن حريتهم تنتهي عندما تبدأ حرية الآخر.

الله يشافيك ويواليك الصحة والعافية يارب بحق محمد وآل محمد , وينتقم لك . هكذا ترك الامر بالمعروف والنهي عن المنكر ولا حول ولا قوة الا بالله العلي العظيم والله المستعان , أفيقوا .....من نومة الغافلين .

الرجال امر بالمعروف ونهى عن المنكر هادا جزاء فاعل الخير في هالزمن .. بعدين مو بس قضية اغاني القضية في وقتها تشغيلها يعني تشغيلها هالوقت يعني ما فيه احترام للاذان .. الله يشافيك ناس ما تستاهل

الله يشافيه ويمن عليه بالصحة والعافية ..

وجهة نظر
في البحرين نكاد نقول ان ساحل المالكية هو من السواحل النادره للشعب وكما تعلمون 97 بالمىه من السواحل في البحرين متتلكات خاصة
وهذا السحل جاء بعد نضال وجهاد اهالي المالكية وصحيفة الوسط كان لها دور يوم ان سرق جزء من الساحل
فاذا كان الساحل هو المتنفس للبحرين باكملها لماذا لاتشكل لجنة من الاهالي مشهود لهم يقومون بالتنظيم في الاعياد ومنع شرب الخمر ودخول الدراجات النارية ومنع رفع صوت الاغاني بحكم احترام المجتمع والالتزام بلبس محتشم فالحرية لا تتعدى الاسلام ونهج محمد واله

مايستحون على وجههم .. ويش هالاجرام عساهم عله وحوبته ان شاء الله ماتروح عنهم مكان الله يقومه بالسلامه ويرده لاميمته

اذا قالوا لكم الاغاني حرام واصحابها كفار مايعرفون لاصلاه ولاديانه حتى وقت الاذان الملائكه تصعد وتنزل مايفتهمون. والي يقول هالايام كلمة حق ينقتل من قبل جم واحد تكلم قال هذي منطقة عوايل احترم ها تعرضوا للقتل. منهم السيد موسى سيد شرف مال كرزكان. وصبي مال مدينة حمد بالناصفه انقتلوا بهاالسبب وبعد حادثه بساحل كرزكان اخرى مشابهه قام المعتدي بغرس منجل في بطن من طلب تهدئة الاغاني لوجود العوائل والحمدلله الله ستر ونجا وتعالج والا ذكرت لكم الاسماء. اطالب الحكومه بتغريم كل من يعلي اصوات مسجلته

المفروض اللي يروح يحترم المكان اللي رايحنه وبعدين ماماتوا اللي يدورون بالسياكل والاغاني الى وين ورجاء اللي بروح يحترم نفسه

افا عليك ي محمد دلنا عليهم بس والله نرضرضهم ترضض

القصة الحقيقة هي ان الاصبيان شغلو الاغاني الساعة ٦ و ٥٠ دقبقة
أتى محمد درويش و قال اليهم أغلقو الاغاني و الا رضيتكم و قام محمد بي التعدي على الشباب

تصلح تصير مخرج افلام هندية

من جدك .. أي واحد يقول للثاني بند الأغاني يبط رأسه.. وشخص واحد يعتدي على مجموعة شباب هذا معقول يعني وبعدين الساعة 6 ولا 6 و50ىوش تفرق مجموعة ضايعة ماعندهم ذوق واحد يقولو لهم بندوا الأغاني بند الله عليهم باب الرحمة يبطون رأسه ويذبحونه .. هدلين قليل فيهم يحبسونهم حتى يخيسون في السجن ويعرفون أن الله حق

ضدهم
الله يقومه بالسلامة ونتمنى ان لا تتكرر مثل هذه الحوادث مرة أخرى
- اللي يتكلم عن الشرطة(شرطة المجتمع ) قبل فترة لاحظنا وجودهم ولكن للامانة انا كنت شاهد عيان
رجال الشرطة ذهابا وإيابا على الساحل ولكن عند ذهابهم في جهة يأتي البعض وللأسف هم من سكنة المنطقة البعض ((بخيولهم ))والبعض الاخر بالدراجات النارية في الجهة الأخرى وعندما يذهب رجال الشرطة لهم ويكلمونهم باحترام يخرجون من الساحل ويعاودون الرجوع في الجهة الأخرى ويهربون من الموقع عند مشاهدتهم للشرطة ويذهبون للجهة الأخرى وهكذا دواليك

حسبي الله عليهم الي مايخافون من الله ،والي مايستحي من الله يسوي كل شي

زائر

في مكان عام والمؤذن يؤذن مو غلط يطلب منه إغلاق صوت الأغاني مو غلط لان أستفز مشاعره حرية شخصية في بيته ولا يحق له ازعاج الجيران هل الحرية الشخصية في ازعاج الآخرين وإيقاع الاذي النفسي والبدنيه هل الحرية الشخصية في إيتاء عمل مخل ويكون مصدر ازعاج ومستفز للمشاعر ارجوا اتخاذ الإجراءات ال ادعاه وتغليض العقوبة على هؤلاء ولكل من تسول له نفسه

الله يشافيك ياولد ديرتي وأتقوم بالسلامه
بتسمونه تهديد ولا شنهو بكيفكم أي شخص بجي بأحترام أنحط على راسنا وأم إي شخص يجي ما يحترم المكان سوفا يضرب بيد من حديد وخصوصاً أصحاب المواتر السياكل قد أعذر من أنذر

سوري نسينا انه ساحل ابوك... الارض ارض الله والله خلق الناس احرار لا يوجههم احد! والا بتصير نفس اللي خبرك تقيد حرية الاخرين وتبي حرية

ديرتنا وساحلنا

بتجي محترم شخصك ومحترم اهل القريه محد بيكلمك

بتجي بطريقه ثانيه (لن نسكت)

ينتشر الآن الكثير من هذا الشباب المستهتر الذي يتصرف دون تفكير او وعي بما يقومون به ، ولكن الفساد ليس في الشباب نفسه إنما في المجتمع الذي أسس بيئة تُخلْق فيها هذا النوع من الأشخاص الذين يعتقدون بأنهم في غابة الفوز فيها الى الأقوى ..
وثانيا المجتمع يبني الآن فكرة خاطئة لدى الأفراد فعند تشغيل الأغاني سواءً في الأفراح او في الشوارع يعتبر شيء عادي جدًا بل بالعكس اصبح الذي لا يستمع الى الأغاني إنسان معقد ومتحجر والخ ..
نهاية أطلب من الله ان يشافي ويعافي المصاب

الحرية الشخصية في حدود ..وتكون عرفية ايجابية ﻻ سلبية..
وأرى أن هذا المصطلح 'مصطلح حرية شخصية' مصطلح سائد في أوساط المجتمعات ومتداول بكثرة خاصة بين فئات النشئ الجديد فأصبحوا ﻻيفرقون بين ما هو سلبي أو ايجابي وبما هو صالح أو طالح.
وهو فقط ﻻنزال ما يرغبون فيه ويتمنونه في أي مكان وذلك لغياب العلم واﻻدراك والوازع والرادع اﻷخلاقي وفوق ذلك أسياسيات ومفهومية احترام اﻷطراف اﻷخرى أو اﻷخذ بأيديهم نحو تعريف حقيقة فقه اﻷخلاق الذي لن تجد له صورة ناصعة إلا في دين نبينا محمد صلى الله عليه وآله المعصومين ع

حسبي يالله عليهم ناس ماتستح صوت الآذان والملائكة حاضره كلش مافي أحترام وناس متخلفه تقول حرية شخصية إلا قلة حياء
الله يشافي المصاب ويقومه بالسلامة بحق محمد وآل محمد

الله يعافيه ويشافيه ويرده بالسﻻمه

ليش ما يحط بأذونه اﻻغاني بالهدفون بدل هالمهزله وهاﻻزعاج تصرفات هالشباب الطايش اللي يقلد الغرب ... ويحترم الناس اﻻغاني والموسيقى عدنه حراام عند جميع الفقهاء

اهل المالجيه طيبين واللي صار ماينسكت عنه الرجل منع منكر وفي وقت اذان هل يجازي بضرب مبرح وتسبب له نزيف وكسر في الجمجمه لو لا لطف الله جان الرجال راح فيها من شباب صايعين بعدين في بعض الردود متحاملين على اهل المالجيه ليش المثل يقول يا غريب كن اديب انت تروح هناك ترفه عن نفسك مو تضايق الناس

اللي بيشغل أغاني ولا حتى أناشيد إسلامية يشغل لنفسه الناس مو مجبورين يسمعون اللي هو يبيه والموضوع بغض النظر عن الحلال والحرام ما يحق لأي كان يزعج الناس بصوتيات ما يرغبون فيها حتى لو كانت شرعية

معاك ١٠٠٪‏

الي تقول انه اخبث شي اهل المالجيه حسني اخلاقج انا من اهل المالجيه فلا تغلطين عليها ومحد اسقوا الغلط غلط وقت اذان محد يقبل يكون هالشي يصير الله يشافيه ولد الديرة وجزاة انشاءالله خير على النصيحه

اي حرية شخصية ؟ حرية شخصية في بيتهم مو قدام الناس ووقت الاذان ، و هذا جزاه ان يأمرهم بالمعروف ، الشخص لازم يحترم وقت الاذان و يسكر الأغاني بس محد ضيع المجتمع غير هالناس المنحرفين و الي يقولون حرية شخصية .

انا من سكنّه المالكيه وقرب الساحل ونحن من اكثر الناس المتضررين من الزائرين ان كانت للباركات وان كانت للفوضى وان كانت للاوساخ وان كانت لتشغيل الاغاني وان كانت لأوقات متأخره قرب الفجر
فيا غريب كن اديب ،،

نعوذ بالله من الاصرار على معصية الله
حريتك تنتهي حيث تبدأ حرية الآخرين

الحين في هذا الزمن الباصق تخاف تأمر بالمعروف وتنهى عن المنكر الله يفرج عنه

الله يعجل عليهم ويحشرهم في جهنم خالدين فيها

متى تعقلون من هالتصرفات كل واحد يضرب اخوه ابد مايتساعدون مع بعض كل واحد ضد الثاني جوزو الله يهديكم
المشكلة التربية لها دور اباء هالزمن مو مثل قبل
الله يكون فالعون

فعلاً العدوانيه كثرت في هذا الزمن و كأننا في غابه وكل شخص ينهش بلحم الثاني

لا تستغرب شيء في هذا الزمان ؟؟!!

ولد البلاد

هذوله ناس أغلبهم من خارج المنطقة ومغلبهم شباب من المواطنين الجدد أو مندمجين معهم نحن نعاني منهم لقله ادبهم وعدم احترامهم للعادات والتقاليد

الحمدلله تم اجراء عملية الي محمد درويش تكللت بالنجاح
والحمدلله حاليا يتكلم وحركته طبيعية مازال في العناية تحت المراقبة

اول ما قرأت الخبر قلت في نفسي ماحد خله هالجرأة عند المنحرفين غير تخلي الناس عن مسؤوليتهم في انكار المنكر ولو بالقلب وما تلاقي الا واحد ينكر ويطلع هو الغلطان بعد !!!! وبعد ما شفت التعليقات اتأكدت أكثر !! واللي قال حرية شخصية خل واحد منهم يقعد بسيكله صوب بيتكم ويطول على الصوت حده عشان يلفت نظر خواتك ويسوي ليكم ازعاج يمكن تحس شوي الا اذا كنت انته اصلا واحد من هذيلين المنحرفين والله لو عندك غيرة على دينك ماقلت حرية .. الرجال ما قاله لا تسمع اغاني جهنم تحرقه بس يسمع بروحه لازم الديرة كلها تسمع

صح

هذا جزاة
اللي ينهى عن المنكر هالزمن
لدرجة القتل عادي
أهم شي يسون ما يشتهون من مناكر
آخر الزمن
حسبي الله ونعم الوكيل

لكم التعليق شاهدنا في مقطع فيديو رئيس وزراء الهند وهو يخطب وحين سماع الاذان انزل الميكرفونات حتى انتهاء الاذان ثم واصل حديثه بعدها يا امة ضحكت من جهلها امم ونحن نتشدق بالاسلام وحقيقة هاقد وصلنا الى زمان لم يبقى من الاسلام الا اسمه ومن القران الا رسمه

عجبي ، حرية شخصية !!
ويش هالتخلف نعم التربيه والاخلاق
حريتك تنتهي عندما تنتهك خصوصية الآخرين
تبي تسمع اغاني اسمع بروحك لاتزعج غيرك اذا انت منحرف مايحتاج تسمع الناس انحرافك وتقولهم انك منحط
وتشركهم فيه
خله لنفسك عشان تصير حريه شخصية

لا حولة ولا قوة الا بالله العلي العظيم

كل الي يقول حريه شخصيه لو تروح تخمس صوب بيتهم او تسبب ازعاج من اغاني او تفحيط جان ما بيسكت ... و هالمسكين نهى عن المنكر الي الله يأمرنا فيه و يقولون يستاهل ؟ يوم القيامه شنو جوابكم لين سالوكم ليش أيدتوا الي صاده و بتجاوبون حرية شخصيه ؟

المفروض اهل المجني عليه ياخذون چوله ويبطون راس المجرم لان العين بالعين والسن بالسن والبادي اظلم

ياشباب إلى وصل من بعض الشباب فساحل المالكية بأن الشاب محمد درويش وقفه وكلمه بطريقة غير طبيعية وكلمه بصوت عالي فقام الشاب واتصل لاخوه وكان مع أخوه شباب وضربوه بس اذا تبون الحق كل واحد إليه حرريته واغلب شباب المالكية إلى يتواجدون على الساحل يبحثون عن المشاكل وصاحب الدراجة غلطان ومحمد درويش غلطان لأنه راجع الغلط بالغلط وضع صغير سن صاحب الدراجة ووزنه بثقل عقله ودمتم سالمين✋

انت198

شكلك واحد .....على المالكية بس انت مترد منكر ياجهل من نوع !!!!!

البلد إسلامي ومن شاء فليشاء ومن أبى فليضرب برأسه عرض الحائط.

حتى لو كان الخطأ على الشاب المعتدى عليه، لا يحق للطرق الآخر الاعتداء عليه جسديًا. الضرب الوحشي غير مبرر جدًا.

الصراحة في هالزمن وهالأيام بالذات احذر تنصح أحد أو توقف أحد أو اتقول لأحد أنك غلطان - تعالوا عندنا في مدينة حمد في دوار 15 و17 بالضبط عندما يقول الله أكبر أذان المغرب وكأنهم مكوكين أو مؤقتين لهذا الوقت أصوات دراجات نارية مزعجة أصوات أغاني تصييح ويلات - نصيحتي للمتأذين - تصبروا وغضوا النظر وكأنكم لا ترون شيء لأن الله أعلم ما هو قصدهم ففوضوا أمركم الى الله - أما أهالي المالكية الكرام فلا أحد ينتقدهم رجاءأ وباختصار فإنهم كلهم طيبون كبقية أهالي القرى الأخرى وهم على راسي وعيني.

بتسمع اغاني ف الطقاق بس ماتروح اماكن عامه وتشغل وتبلش خلق الله،ولابعد كان وقت الصلاة؛والرجال ماقال شي جزاة غيرته يأمر بالمعروف وينهي عن المنكر؟وصلنا لدرجة نضرب ونمشي نقتل وخلاص الله بياخذ حقه منهم حسبي الله عليهم،اللي يسمع قاعدين ف غابه.

الخطأ واضح ومايحتاج تحليل وببساطة المراهقين قليلين ادب ويحتاحون من يربيهم ومل واحد يبغي يثبت انه صار رجال قام يضرب خلق الله ويستعرض عضلاته مو فاهم ان لو يبغون فيه كسروا اعظامه وخلوه بيزة مايسوى لكن أهل النالجية طيبين وعلطين المل مجال،فليش تستغل طيبة الناس يامنحرف ؟ وعن اللي يقول حرية شخصية اقول له خل حريتك يامتحضر حقك وحق اهلك ولاتتعدى على حقوق الناس ولا حد بيكلمك، يااخي من انته عشان اتسمع الناس أشياء محرمة وتأذي مشاعرهم ؟ اذا انت منحرف وجاهل فقي ناس محترمة ومتربية وصاحبة دين واخلاق يا بابا.

الى كل من يبرر للمراهق هل رفع عنه القلم واذا هو مجنون خل يجودونه والناس مي مستعدة تتحمل فوضته بارتفاع صوت الاغاني هذه مو حرية هذا اعتداء على حريات الناس واصوات الدراجات تخوف الاطفال وتربكهم ما يدرون وين يهربون والامر بالمعروف صار منكر

الله يقومك بسلامة خيو وهالاشكال الا مو محترمين على الاقل ماتحترم الرجال احترم كلمة الله اكبر لاحول الله ولاقوة الا بالله ياعلي مدد وسترك علينا يارب فرج له بحق محمد وال محمد

قبل أيام كنت أصغي لكلمة رئيس الوزراء الهندي في حديقة مفتوحة وعندما ارتفع صوت الأذان من مكبرات الصوت في المسجد المجاور للحديقة قام رئيس الوزراء الهندي بثني المايكروفونات وقطع خطابه إلى أن انتهى الأذان ، وبعدها استأنف خطابه ورغم أن غالبية مستمعيه من غير المسلمين إلا أنهم قاموا جميعا بالتصفيق وإبداء الإعجابوالتأييد لتصرف رئيس الوزراء .
نعم من حق ذلك الشاب وغيره أن يعمل ما يشاء لكن ليس من حقه أن يزعج أحدا .

بحر المالكية صار نقمة على أهاليه
والأمر بالمعروف والنهي عن المنكر صار غير محبب
**ويجب على مرتادي المنطقة أحترام الدين والعادات والتقاليد

الله يشافيه انشالله والمراهق اللي ضرب الحين كلمة فشلته وهالفعل ويش ؟ اني اسال عن الناس الموجوده هناك وينهم ما في احد فك الهوشه لو تدخل ؟ محد شاف ؟ معقوله ؟ ليش محد ادخل وحاول يمنع ؟ عشرين نفر ما سوو ضجه ولا سوو والناس وقفت تتفرج ؟

من ناحيتي ما عجبني هالتصرف وبنفس الوقت السالفة تحير وهل يعقل انه واحد يضرب واحد على بس قاله بند الأغاني هالشي ما يدخل العقل وبصراحة انا عايشة في المالجية واعرف طبع مال المالجية دائما يستقون على الناس ويسون الغلط بس ما يقبلون احد يغلط مثل غلطهم والي اجوفه الناس المتحرمين الي في هالديرة ينعدون على الأصابع والباقي اخبث منهم ما جفت ولحد يجي يدافع قلت انا عايشة بهالديرة واجوف العجب منها بس ما اقصد بكلامي اني اقبل يشغل اغاني وقت اذان ولا راضية عن الي صار في لصبي بس اكيد قاله كلام غير وسوى فيه جذي

سلام اول شي حبيت ارد على كلامك/ش و قبل كل هذا اني بنت اخو المعتدى عليه و اول شي الي سواه عمي مو غلط و عمي راح له و كلمه بحترام

جهلة ، ما استحوا من رب العباد ! في وقت نداء الله أكبر
و وظيفة النهي عن المنكر في الإسلام وظيفة شرعية
لا تخص مذهب ولا هم يحزنون
تحية لهذا الشاب والدعاء له بالشفاء ، والجهلة المراهقين يجب توقفيهم عن حدهم

عجبي منن يلومون المجني عليه، الشي واضح وضوح الشمس مراهق مشغل اغاني والصوت لآخر الدنيا وحزة اذان حتى لو مو حزة أذان الاغاني حرام تبغي تسمع الحرام اسمع بروح تسمع الناس ليش

لا حول ولا قوة الا بالله .. لوين وصلنا ، يجب التصدي لهذه الاشكال وبقوة .. يجب ع اهالي المالكية تشكيل مجموعات تتوزع ع الساحل للتصدي لمثل هذه الاشكال التي تعتبر مسيئة ، ونطالب وزارة الداخليه بتوفير دوريات راجله مهمتها حفظ الامن في ساحل المالكية

وكما هو القول المأثور (في الغرب مسلمين بلا إسلام وهنا اسلام بلا مسلمين ) وقبل أيام وأقل من اسبوع واحد؛ كان رئيس وزراء الهند بوذي الديانه، كان يخطب في إحدى الولايات بالهند للشعب؛
وفجأة صمت وانزل الميكروفونات ؛!!
لماذا؟؟
لانه سمع اذان الظهر القريب من مكان الاحتفال!!!
الصراحة الصراحة!!
!!!!في الصميم!!!!

ظاهرة جنوح المراهقين والاطفال اصبحت ظاهرة؛
ليس في ساحل المالكية بل في كل مكان.
ما حدث يسمى {بلطجة}
وهذه عادات غريبة على المجتمع البحريني وان وقعت من ابنائه
فالتقليد الغير واعي في هذه الفئات العمرية منتشر .ومكافحته مسؤلية اجتماعية اسرية مدرسية وامنية.
و شعيرة الامر بالمعروف والنهي عن المنكر لها ضوابط واضحة.وفي مثل هذه الحالات التي يحتمل فيها الضرر يسقط الوجوب. وقلوبنا مع الشاب المضروب.لكن على كل من شهد الحادثة ان يتقدم لمديرية الامن والادلاء بشهادته صيانة للحق.ومنعا للمراهقين من التمادي.

نناشد جاسم عبدالعال والسيد حبيب مكي ولجنة الساحل وعلماء القرية بالتصدي لهذي المهزلة التي تتكرر على ساحل المالكية.. لابد من إدارة الساحل بنفس الطريقة في إدارة منتزه دوحة عراد .. وتسييج المنطقة وتوفير رجال أمن وكاميرات مراقبة

الله يشافيه بحق الاذان
انا ضد الجهتين
اولا المراهق اخطى او ربما تهاون او ربما سهى عن صوت الاذان وهو عديم تربيه لانه مااحترم الاذان ولا الاكبر منه واذا خارج البيت هذا عنفه فالله يعين اهله بداخل البيت
والرجل لربما اخطى بالاسلوب فالواجب نصحه ولفت انتباهه باللين والكلام الهادى
الكل يعرف جيل هالوقت العناد والمكابرة وحتى مع الاهل
دائما النصيحه مع التعنيف تولد لديهم الغضب والعناد وخاصه عديمي التربيه
فكان عليه نصحه بلين واذا لم يستجب خله يولي وجهنم وبئس المص
بالنهاية لكل الاجر والثواب

قرأت الردود صدق بعض الناس يكتبون بهمجيه والدليل التبرير
ياجماعه وقت الصلاة اغاني شنو الى يبي المسجد يندل طريقه والمرقص يندل طريق اوتعو اهني ساحل حق اهالي لو مو بركة شباب ديرة المالجيه ماستوى الساحل اوتعوا وهذلين الجهال بيجي ليهم يوم وبيعرفون ان الله حق وبعض الردود قالوا مطاوعيه وش دخل المطاوعيه ياحبيبي لو عندك ذرة ايمان بتوقف مهزلة الجنقل الى تعرفهم مااقول الا الحمد الله على تربيتنا نحمده ونشكره والله يشافي المصاب ...

اهالي المالجية معروف عن سمعتهم الطيبة وهؤلاء المراهقين من الخارج لم يحترموا المنطقة التي استضافتهم ، وما الضير في شاب مسلم يامر بالمعروف وينهي عن المتكر ؟ والي تقولون حرية شخصية قراتون القران اول؟ كانكم تردون على كلام الله ان بنسوي وبنفعل وبزمنا مافي شي اسمه امرونهي وكل واحد حرية شخصية؟! حرية بس مو على حساب الناس ومضايقتهم وازعاجهم يقدرون اخلون هيدفون ويسمعون اغانيهم الشيطانية كيفهم ام في مكان عام الناس بتتدخل هذا ازعاج ومضايقة للناس غيركم ما يسمعون اغاني احترموهم والله يشافي الشاب البطل المؤمن

في حلقه مفقوده في هذه الموضوع ...اي لازم يكون في قانون لهذه الشاطيء متوافق عليه من قبل المسؤلين سواء اهل المنطقه أو شركه متخصصه مسؤله ...رحنه سواحل في دول اخري بها شروط لدخول الساحل مو أي أشخاص تدخل وتخرج علي كيفهه بدون اشتراطات وتتصرف تصرفات غير صحيحه

بالأمس شاهدت فيديو إلى هندوسي يلقي خطاب جماهيري وما أن سمع صوت الأذان حتى توقف عن الخطاب.. وقد عرض ذلك في التلفزيون الهندي هذا هندوسي ويقدر ويحترم مشاعر واحاسيس المسلمين

عجبي من بعض التعليقات التي تلوم المجني عليه لأنه أمر بمعروف وتبرئ الجاني وتعطيه الأعذار بمسمى الحرية الشخصية وتتهم أهالي قرية بأكملها بالسلوك السيء مع أن أصحاب هذه الأفعال من خارج هذه المنطقة ... دعائي للمصاب بالشفاء العاجل

اعقب بس عزيزي على سالفة الامر بالمعروف والنهي عن المنكر
تره مو بهالطريقة الاسلام خله شروط حق هالشي ابحث وارجع اليه
لان صراحة البحارنة بطوا جبدنا بهالسالفة يتدخلون في امور ما تخصهم بحجة الامر بالمعروف والنهي عن المنكر

لا حول ولا قوة الا بالله العلي العظيم
يجب محاسبتهم ليكونوا عبره ، و يكون هناك رادع لعدم تكرار هذه الحوادث
هذا الموقف ذكرني بالمرحوم السيد موسى( كرزكان ) الذي قتل اثناء امره بالمعروف و نهيه عن المنكر

اي معروف وأي خرابيط كل واحد إليه حريته مثل ما انا بحرتي رديت عليك ????

الأمر بالمعروف صار خرابيط !!!
شكلك ما تقرأ قرآن و لا تدري عن أمور دينك

حرية شخصية يسمعون اغاني ويزعجون الناس بس مو حرية شخصيه ان يصلي في البحر والمكان اللي يبيه .. الصلاة صارت منكر والاغاني حلال والله مسخره

من الرود يبين إلى اين وصل الانحلال لدى الشباب واين وصل الحال لتأسيس جيل متخلف... اتذكر في ايامنا كفو احد يرفع على سماعة الراديو او المسجل ولكلا خصوصيته بمقدار المسموح به... الموضوع انه الاباء شالو ايدهم بحجة عدم استطاعتهم السيطره على اولادهم..واذا صار لولادهم شئ قاموا يتبجبجون...عجبي... جيل محكوم عليه بالضياع والاجرام

السلام عليكم ، اولاا الي يتكلم عن عادات وتقاليد والي يتكلم عن حرية ، هاذه صوت اذان مو لعبة وثانيا لازم نعلم الغريب قبل القريب ان مانقبل على سنة الله واي ولازم تحط حد ل هالاشخاص بعدم تخريب سمعت البحرين وديانتها ، واتمنى من شباب ورجال المالكية بتصدي ل هالاشخاص عديمي الاخلاق والتربية والشرف وهم لا يمثلون سكنة المالكية ولا شعب البحرين ، واقول الى المتخلفين كفاكم ..بلا حرية بلا هرار هاي الحرية دمرت امة

مثل ما على قولتكم اللي يسمع الاغاني حر بنفسه ولاتتدخلون فيه .. هو بعد حر بنفسه يصلي بالمكان اللي يبيه ارض الله واسعه ومن حقه يصلي في البحر لان مكان رزقه ، حر بنفسه صلى بمسجد او غيره ، صدق ناس ماتستضحي صارت الاغاني والمناكر عندهم حرية وصلاة ربهم العكس .. استغفر الله بس

زمن اغبر .. الحين الكفار صارو هم من يحترمون الاذان و المسلمين ولا جنهم يسمعنونه .. احين بينقص منه شي لو بند الاغاني ؟ المفروض يحترم ان هاي الحزة حزة اذان و ما يشغل اغاني .. يعني ويش استفاد الحين؟

لابد من تكاتف اهالي القريه وزوار الساحل لطرد المراهقين لمسببين ازعاج بدراجات الناريه وغيرها .. اكثر من مرا نتكلم وياهم بطيب وننصحهم ونباعدهم من المكان لكن مايفيد وياهم طيب ..

لا حول ولا قوة الا بالله !!

الي بشغل اغاني لا يشغل لينا في الشوارع و الاماكن العامه احترموا انفسكم والي من عاجبينه عادات و تقاليد و دين البلد خل يطلع منها و يفكنا من همجيته، الحين لازم يقدم بلاغ و يطلب تعويض

ساحل المالكية يحتاج اعادة نظر لوجود الفوضي داخل الساحل، من دراجات نارية وحيوانات مثل الخيول

اول خلهم يتحررون من الجهل اللي هم فيه عجل مايحترم الاذان وتقول عنه متحرر ماقول الا مفاهيمكم خاطئة

الا يبي يسمع اغاني او عزاء يسمع بروحه مو يبط اذاين الناس ويحترم المجتمع الموجود هي يسمونه أعتداء ع حريات الأخرين مو مجبورين الناس يوجعها راسها..

ثننينهم غلطانين لكن ما توصل للضرب
مو قاعدين في غابة احنه

النهي عن المنكر في بلد اسلامي واجب والغلط انك تنكر الامر بالمعروف والنهي عن المنكر

خسارة في ناس ما تناسبهم الكلمة الطيبة
يعني هذا الولد قليل الأدب لو من أول شي محصل طراق بدل النصيحة
كان بيهرب و بيقول في نفسه (بل هذا ما فينه شدّته)
لأنه البعض ما يناسبه كلمة (خوك احترم الأذان)
و لكن البعض بيلومني و بقول ادفع باللتي هي أحسن
والحديث الشريف و الشهير يقول:( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه و ذلك أضعف الإيمان) و للأسف البعض ما يعجبه إلاّ الخيار الثالث و هو أضعف الإيمان

انا الي شفته انه هو جاء ضرب واحد بعدين ضربوه وضرب واحد بسجين وفلت عليه الجولة

الاعتداء بالضرب هو عمل همجي ومدان قطعاً..

اولاً كان وقت الاذا واللي يبي يسمع اغاني وهرار يسمع بروحه ماليه داعي يسمع خلق الله.. اذا الشخص سمع بروحه بدون ازعاج هني تتسمى حر بتصرفاته

لاحول ولا قوة الا بالله العلي العظيم
الله يعوظه ظربته راحت بلاش وهؤلاء المجرمين نتمنى يحاسبونهم

المفروض بعد هذا الحادث المؤسف يخصصون رجال امن للساحل ثلاث على الاقل يتوزعون على طول الساحل والمفروض يمنعون المراهقين من دخول الساحل ويخصصونه فقط للعوائل مثل مملكة الاطفال كل عوايل ممنوع دخول الشباب علشان ما تصير فوضى

هذا جزاء (اﻷمر بالمعروف والنهي عن المنكر)..
الله يشافي المصاب ويشافي جميع المرضى والجرحى والمصابين من المؤمنين والمؤمنات واﻷبرياء بجاه محمد وآله الطاهرين

سلام عليكم/ اولا/ يجب توفير دورية أمنية في هذا الأماكن لأن مراهقين وعالم فشي طبيعي تصير مشاكل
ثانيا/ الحزم في القانون مع المعتدين وإنزال العقوبة القصوى بهم
ثالثا/ على الدولة زيادة السواحل لخفض الضغط على بعض السواحل

حسبي الله ونعم الوكيل
الله يقومه بالسلامه
والشباب يجب محاسبتهم هذلين خطر عالمجتمع
واحد امر المعروف يسوون فيه جذي

ربي يشافيك يا محمد ان شالله واني بتكلم عن الي يجون الساحل والحين اذمون اهل المالجيه عيب ترى ولاتجرؤن تتكلمون على ديرتي انتون برى تروحون اماكن مفتوحه وجوفون بعيونكم الفساد ولاتتكلمون جت على الي يصير في الساحل اذا عندكم كلام تكلمو بحترام ولاسكتو والرجال ماغلط قال كلمه حق واليوم الي يقول كلام الحق مغضوب عليه والمحتترم يحترم ورجائن لاحد يغلط على ديرتي ولسالفه مو بلعظلات ولاستعراض وكل واحد ايربي نفسه وانتون بكلامكم اشجعون هالشكال على الشي الغلط ولا احد ليه حق ومستحق يغلط على اهل المالكيه جودو ولادكم

قال اللّه تعالى :  يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الْأُمُورِ (17) [لقمان 17]
لكل من رفض الفعل هذا كلام الله ... فهل اتبعك ام اتبع كلام الله؟

رب العالمين طلب منا الامر بالمعروف والنهي عن المنكر

يستحقون المحاسبه القانونيه ... وبمن فيهم المعتدي. ...
فهم قد اعتدوا على حرمه الأذان ...
وحرمه المكان العام
واعتدوا على امن المكان واستقراره
لا يستحقون أدنى رحمه أو شفقة
يحولون للقضاء ... لا تنازل

يعني لازم يفرض رأيه على العالم ؟ الانسان حر بنفسه ، الله يهدي من يشاء ، و تعال مالجيه و مالجيه كلش الحين لاس فيغاس

خل يحترمون عادات وتقاليد المنطقة في بيته على كيفه

اذا انت رايح مكان احترم ناس لي فيه وع الاقل احترم ربك وقت الاذان احنا مو قاعدين في دولة كفار .. .

عندك مكان ثاني يروحون له العوائل تكلم عادي بس الي أيده في الماي البارد غير الي أيده في الماي الحار

وإذا أصيب القوم في أخلاقهم
فأقم عليهم مأتما وعويلا

جي على كيفك لو على كيفه والله الساحل صار ساحل ابوك وأبوه حتى يصير حر في تصرفاته.الله بفرج عن المصاب وأتمنى المجرم ينال العقاب الكافي والله ما اتوقع

ياعلي هذا ويش الواحد ما يجرع يتكلم .. حزت اذان عاد ع الاقل يحترم ربه .. الله يشافيه

ما كثرهم هالفاشلين دراسياً واخلاقياً وين ماتروح تبغي تغير جو شوفهم هناك اباليس عديمي التربية ، الله يشافيه ويعافيه .

بصراحة اني ضد الشي الي صار بس بعد المطاوعة في البحرين يحتقرون الناس المتحررة ويفكرون روحهم هم بيروحون الجنة وغيرهم النار وغصب يجبرون الناس تتبع افكارهم واذا ما سمع افكارهم هو اكيد بيدخل النار وبعدين دا شارع عام محد له حق يتكلم للثاني واذا ع الإزعاج اكا أصوات السيارات وكل شي ازعاج مثل ما الي ما بسمع اغاني ويشغل عزا ويرفع الصوت داك بعد من حقه اني عندي محد يتكلم للثاني وخلاص

خسارة في مسلمين يفكرون جدي

هذا اسمه النهي عن المنكر وهو من اصول الدين
ودام هذا ودك وكلامك معناه... ع اسلامك السلام

بدل ما تدافع قول الله يشافيه... و شغله ثانيه ترا كلمة الحق دائماً تزعل و الرجال ما سوى الا كل خير طلب منه يبند الأغاني "ما تأمر عليه"لكن الجهل هو الي يخلي الناس المتخلفه تتفلسف على الحق

الله يهدينا جميعاً :

الله يعينك علي نفسك يعني عادي الامر عندك

من كلامش انتي انسانة منفلته من التربية وكاني اراك في سن المراهقة. بدال كلامش هدا. قولي كلمة خير او سكتي. وثاني شي ماله داعي الاغاني او العزاء او على حده. ادا كان هو مذنب لا يشرك الباقي في ذنبة. كانة طماطية خايسة تخيس ألي معاها.

حسافة ع هالجيل اللي مايعرف دينه ولا اصوله ولا حدوده .. حسبنا الله ونعم الوكيل فيمن كان سبب في تربية هذا الجيل الفاسد والمفسد .. اللهم اهدي شبابنا وبناتنا وعرفهم دينك ..لا حول ولا قوة إلا بالله العلي العظيم.. انا لله وانا اليه راجعون.. ساعد الله قلبك يا خليفة الله في ارضه وانت ترى وتسمع

صح كلامش

خساره فيك تربية والدينك واحنا بعد خسرانين اذا انت من جماعتنا

انتين بصراحه تفكيرش اعوج , ويش دخل المطاوعه بالموضوع اولاً يقول لش الاذان يأذن ثانياً هذا نوع من أنواع ازعاج الاخرين , واذا على قولش اصوات السيارات , اصوات السيارات لايمكن التحكم فيها و الشوارع خصصت لمرورها مو مثل اصوات الاغاني اللي يتعمد صاحبها تشغيلها في الاماكن العامه , اي شخص لديه ذرة إيمان و مخافة من الله يرفض هذا الفعل ليس للمطاوعة علاقة بالموضوع .

عفوًا بس حريات الأفراد يا متحرر/ة توقف عند حريات الآخرين. هو ما كان يسمع بروحه حتى نقول حريات وماحد له حق يكلمه، كان يسمع في مكان عام ويجبر الآخرين يسمعون وياه، هي ما فيها دين هي أي انسان بيشوفها اعتداء عليه ان مجبور يسمع شي ما يبي يسمعه.

استحي وتستري يا مره

هذا لا تفكرونه مسلم هذا شيوعي علماني للاسف واجد من اشكالهم في مجتمعنا . مع زوجي بالعمل الكثير منهم عيني عينك يجهر بفسقه وعدم الصلاة و الصوم و لما مرة زوجي تكلم عن حلية الطعام وتأثيرها بالنفس الشيوعي زعل و كشر عن انيابه. احنا في زمن الظهور خلاص انتشر الفساد في البر والبحر

التربيه تلعب دور يا اخواني واخواتي ربوا ابنائكم وبناتكم على الاحترام وراح ينولد مجتمع صالح الله يهدي الجميع

اقول للأسف الشديد يستاهل الضرب لأن كل واحد صاير رجل دين ومصلح فاتركو الناس وحالها ولا تصيرون هيئة المعروف والا الناس بتتعرض ليكم. الي يريد المسجد يعرف طريقه والي يريد المرقص كذلك يعرف مكانه

على هالحال يعني إذا واحد عمل أو تكلم كلام وسخ لوحدة من أهلك مثلا (زوجتك- أختك- أمّك- أو أي وحدة تهمّك)
لازم تسكت؟!!

مو كيفك تزعج الناس مومجبورة تسمع أغانيك

الحين كل واحد يأمر بالمعروف صار مطوع او رجل دين الله يهدي الجميع

شكلك انت ما تدلي طريق المسجد..اذا اذان تبرر لاشخاص عديمي التربية عدم احترامهم لدينهم وربهم .وا اسفاه على هكذا مسلميين

اللي اعتدو على الرجل حوالي ٢٠ شخص
صدق مو رجال
ولازم يتحاسبون حتى لو كانو احداث لان اذا كانو احداث بشكلون خطر بالمدارس خصوصا ان المدارس جاية

العنف ليس له مبرر مراعق ام كهل ام جاهل ... والرجال نهى عن المنكر وهذا الفعل الصحيح وعليه نطالب الجخات المسؤولة باتخاذ العقوبة الازمه للمعتدي و التعويض للمعتدي عليه ..

الله يفرج ويردة لأهله واحبابة بالسلامة ،،وان شاء الله المعتدين يحصلون جزاءهم الله لا يسامحهم على هالفعلة ،،ارواح الناس مو لعبة

الله يشافيه أمر بالمعروف والنهي عن المنكر المفروض الشباب المعتدين يحاكمون بأقصى العقوبات

للحين في أوادم يركبون مسجلات وهرار على السياكل
تبي تسمع اغاني ياولد الحلال حط هدفون في اذونك و أسمع لازم تسمع العالم بأسره
بس معرف الهدف الحقيقي من هذهِ الأفعال و هو لفت انتباه الفتيات ، اللوم الأول و الأخير على الأهالي و سوء تربيتهم لأبنائهم الأبن في هذهِ المرحلة مرحلة المراهقة يحتاج اهتمام و مراقبه وتوعيه وإلا الانحراف مصيره .

رجال على عرس اهلهم ماليهم شغل في تصرفاتهم القبيحة فلا تدخلون الاهل وتجرحونهم في كل شي فزنوا اقوالكم قبل ان تخطوها بجهازكم

ومن قال لك اهل مالهم شغل هذا تربيتهم الغلط هذا اشكال الي قاعده تخرب الدوله

حتى الأمر بالمعروف والنهي عن المنكر يحتاج بعد يخلونه للشرطة والقانون
رجال أمره بمعروف يروح يجمع ربعه ويقتل الرجال
طاح حظه أسود الوجه

دام لا في امن ولا هم يحزنون اللكل يسرح و يمرح و يسوي اللي يبيه

لا اله الا الله مافي حرمه لشي ابدا يعني الله يفرج ليه وياخذ بحقه

اهل المالجيه من عرفتهم اهل نخوه وطيبه وهو رد المنكر وهذا جزاء من رد المنكر صدق ناس ماعندها حتى فكر حالها من حال... مكرمين عنهم والله اشافي الجريح ولبسه لباس الصحه

الله يفرج عنه

الله ينتقم منهم يارب ..مافية شي يحترم ع اقل اذان الله لكن الله ياخد الحق منة

المعتدين من الدوار الرابع ، للتوضيح فقط .. و الأخ قام بتهديد راعي السيكل بإن اذا شغله مرة ثانية بحصل ضرب و طرد و راعي السيكل مراهق و الكل يعرف ردة فعل المراهق اذا حصل احراج قدام الناس و يتفشل قام يجمع ربعه و رجعو ليه والله يهداه الرجال انقهر و يبي يواجه مجموعة و مايدري الكثرة تغلب الشجاعة

اخي مايصير نبرر فعلة هالجهلاء بانهم مراهقين وين عنهم اهاليهم لهذي الدرجة وصلنا يعني .. الرجال ما كسر مسجلهك ولا شي غير انه طلب يخفضون الصوت ومع هذا كمل صلاته وهم لازالوا معاندين

قال مراهقين لو عساهم من نفس المنطقه بعد اللي سوه غلط تبي تسمع اغاني اسمع بروحك يا اخي مو تسمع العالم و انت تدور و الاذان يأذن

عذر اقبح من ذنب

حسبي الله ونعم الوكيل... ناس هجم.... استغفر الله ربي العظيم وين كنه ووين صرنه... الواحد صار مايقدر يتكلم كلمه.... ومحد يحترم احد....... الله يردك لاهلك بالسلامه ياااارب

يعني لازم يصلي في الساحل ، يروح المسجد يصلي و كفى الله المؤمنون شر القتال
ليش من شأن احد تنفيذ القانون . هناك شرطة و أمن يمكن اللجوء اليهم

للعلم الشاب المصاب يشتغل في البحر عنده بيعة ما يقدر يتركها فيصلي في البحر

يعني غلطان اللي بيصلي ؟.. بارك الله في أمتنا ????

المجني عليه يترزق الله في الساحل وعنده بسطة ...تبغيه وين يصلي !!! عجيب أمركم
وين حرمة الآذان ؟!!
يبه أحنا عايشين بدولة فيها قانون مو عايشين بغابة

ويعني راعي السيكل لازم يشغل اغاني ويسمع غيره؟

انا اقول يستاهل ما صاده . و الله انت ويش دخلك الرجال مشغل اغاني او عزا .

ينهى عن منكر يا حظي

مو سالفة أغاني او عزاء يا حبيبي ، إقرأ زين وقت أذان

و لو وقت اذان ، ويش صار يعني !! هو حر في نفسه

الأذان يأذن عادي عندكم ان الاغاني بصوت عالي هذا عاصي لله
الله يهدينا وياكم لرضاه
استغفر الله و اتوب اليه
ربنا لا تؤاخذنا بما فعل السفهاء منا

لا مو حر
حتى لو مو وقت اذان ليش بزعج الباقين
حتى لو كان مشغل قرآن او عزاء او دعاء نفس الشي
مو لازم غيره يسمع غصبا عنه
هذا ازعاج غير مقبول ويدل على احتقار الآخرين
ولا يجوز شرعا ازعاج الناس

حر في نفسة اذا كان يسمع بروحة ؟ مو يسمع خلق الله كلها هاذي مو حريه ، هاذي مسخره ! افتحوا عقولكم المصديه شوي و شوفو قدامكم عدل.

حر في نفسه يحط الهيدفون ف راسه ويسمع الي يبي مو يزعج خلق الله غير انه ف مكان عام مو قاعد في بيتهم هو واذا يشوف الشي صح وحرية شخصية خله يشغله ف بيتهم وي اهله . الا اذا ماعنده دين لا مذهب ومايحترم الاذان الي الكفار صارو يحترمونه هني يبي ليه اعادة تربية وتاهيل من جديد

رد المنكر صار يستاهل!! مو مغربلنا الا اللي نفسك

لا حول ولا قوة الا بالله ! شفيها الشاب امر بالمعروف وقاليه سكر الاغاني شهالمرجله الي يجيب ربعه ويعتدون على الشاب المسكين ..

حزة اذان يا اخ !! من أية ديانه أنت ؟ و حتى لو حصلت مشادة ما توصل لكسر براس هاي حركات ناس جهلاء همج لو انت مكانه او احد عزيز عليك مكانه بترضى يعني ؟

اذا ما عندك إحترام للناس ولا لنفسك لا تترك تعليق غير محبب في الموضوع! الرجال في العناية وانت محاسب قدام الله على هالتعليق .. وكما تُدين تُدان.

يعني شنو يستاهل..
كل مؤمن غيور ما راح يرضا بهالمهزله الا قاعدة اتصير .. رجاءا قّل خيرا او ارحل

كان ينهى عن المنكر. اذكرك بكلام الله بسم الله الرحمن الرحيم { كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ }
الآيات آل عمران110

زائر 55
يالحبيب او حضرتك شنو ديانتك مثلاً بانيان ولة بوذي؟

عموما من امن العقاب اساء الادب

الله يقوم المصاب بالسلامة،، لم يفعل الا الصواب نهى عن منكر وقت رفع صوت الحق وهو الاذان،،،

لو باطين راسك بداله احسن

خسارة والله فيكم الإسلام

الله يقومه بسلامه وفرج عنه ولا عليه شر ان شاء الله .حتى البهايم تعرف انه وقت الادان نحترم وقت الاذان الله ينتقم من الظالم

راحت عليهم الله يستر ويقومه بالسلامة ويعتبر الاخرون و يمسكو اعصابهم والله نحتاج يعلمونه في المدرسة كيف نمسك اعصابنا بدل تعليمنا الشعر و القصائد

هالتصرفات متكرره من بعض الشباب اللي لاحسيب ولارقيب في ساحل مالكيه وبعضهم يدخلون حتى بالدراجات الناريه وسط العوائل والله يعزكم بكلاب وحيوانات وغيره من هالامور بس لو يوجد عناصر من الامن وليست عناصر من شرطه مجتمع تكون متواجده بشكل دائم في الساحل لما تجرأ هالاشكال على فعل فعلتهم

لا حول ولاقوه الا بالله العلي العظيم ..

لازالت الجاهليه موجوده. خصوصا في هذا الساحل ومن بعض مراهقي المنطقه

بعض المراهقين يحضرون الى الساحل وتكون مشاكلهم قد وصلت قبلهم في كل مره يفتعلون المشاكل ودائما يستغينون بشباب اخرين من القريه كتعزيزات وكثيرا مايستخدمون حتى السلاح الابيض
كثيرا ماتحدث مثل هذه المشاكل
البعض يقول ( ليش تجون ديرتنا ،،،، الساحل مالنا احنا ) المشكله هناك من الكبار من يؤيدهم بهذا المنطق

اولا المضروب من المالجية و الي معتدين عليه من م حمد فلا تقعد تألف قصص من عندك و تشوه سمعت الموالجة

لا تشوه سمعه اهل المالجيه عزيزي الرجال قاعد ينهى عن منكر وهو من المالجيه والي اعتدو عليه من خارج القريه فلا تالف اقاويل وقصص من عندك

الشباب المعتديين ع الشاب مجرمين و متابسهم الشيطان ومو بعيدة انهم من اللي يعتدون على الامن

المفروض شباب المالجية يتصدون لهالاوادم الغير محترمة ، حتى في وقت غير الاذان ما يجوز ليهم يرفعون صوت الاغاني لان هناك بيوت في قبال الساحل مما يتسبب في ضرر للقاطنين .
صراحة ساحل المالجية الحين اخترب مو نفس ،، اوادم من غير رقيب عافسة المكان و اجانب خصوصا الهنود غازين المكان .

بل وين قاعدين
لا حول ولا قوة الا بالله العلي العظيم
صار الواحد يخاف يامر بمعروف او ينهي عن منكر
لان ممكن يحصل له اعتداء ولا ضرب من ناس همج
الله يشفيه
وان شاء الله يشتكي على الجاني ليكون عبرة لغيره ورادع لحتى ما تكرر هالمواقف
المسامح مو في كل وقت يفيد ومن امن العقوبة اساء الادب

عندنا بعد واحد يجي سوق الخميس راكب سيكل ويشغل اغاني ويفتر في السوق مغربلنا حركات مراهقين ولا يسحتي انزين مانبغي نسمع اغاني تاخذ ذنبنا انته واشكالك

شكلي عرفته

اي والله دابحينه في سوق الخميس السماعات الي مركبينها على السيكل اكبر من السيكل والاغاني حدها

هاده الشي ما يعنيك

يا حبيبي افتر في السوق او اي مكان هدا الشي ما يعنيك انته مو مسؤؤل عنه

المشتكى لله أصبح المعرف منكرا و المنكر معروفا

الله يشافيه والمعتدين يجب ان يلاقو جزاء فعلتهم في ناس تتحول ك الكلاب المسعورة كلمتين ويهجم عليك فية

زائر 27 ... أهل المالكيه أهل طيب وأخلاق وللعلم أن المعتدين من خارج القريه 15 شخص جميعهم من مدينة حمد دوار 4 فأرجوا منك التأكد أولا

ساحل المالكية صار مسخرة ما في أنظمة وقوانين تحد من مثل هالحوادث وغيرها.. صرنا ما نشوف الا ناس تتهاوش وناس فوضوية وهتلية وناس مفاصيخ وغيرهم من الشغلات اللي تسد النفس.

الله يقومه بالسلامه ويعزه ويرفع شأنه
لكلمة الحق صار ضحية ناس ماتخاف ربها
حسبي الله ونعم الوكيل

لاحول و لا قوة إلا بالله العلي العظيم
على طول نشتري منه ذرة

الله يقومه بالسلامة وجزاه الله خير
بعد ما يقوم بالسلامة لا يتنازل عن حقه
لا يوجد مبرر لهذا العمل ويجب محاسبة المخطئين

لا أعرف هذا الشاب الضحية.. باستثناء أنني في أول أيام العيد اصطحبت العائلة وأطفالي إلى ساحل المالكية.. ووقفت عند فرشته لأبتاع ذرة مشوية. لقد كان شاباً لطيفاً.. وسمحاً.. سمعتهم ينادونه أبا جاسم.. أدعو الله برحمته الواسعة أن يشمله بلطفه وأن يمن عليه بالشفاء والعافية.

لازم كل اللي إعتدو عليه يدشون السجن

احترموا الناس يا أهل المالجيه. ..عندكم تصرفات صراحة تقهر خافوا الله ..

اهل المالجية محترمين .. و هذي الاعمال من خارج المالكية ( اذا كنت غريب وجيت المالجية كن مؤدبا لانك ضيف ) و هل منعهم من ايقاف الاغاني تعتبر من التصرفات اللي تقهر !!!!

مادخل أهل المالكيه في كل قريه يوجد الطيب ويوجد المستهتر الله يستر علي الجميع ويقوم المصاب بالسلامه

اهل المالجية اطيب ناس و محترمين جدا .. تعليقك يبين ان عندك تحامل على أهل المالجية و المفترض ان تكتب أن الأولى بالتأدب هو الضيف او اللي من ديرة ثانية يجي و يعفس ليهم ديرتهم و تبونهم يسكتون !!

الساحل اسمه ساحل المالكية والمعتدى عليه من المالكية من ناس خارج القرية. اتمنى منك التحقق قبل لا تكتب. ردك جارح عزيزي.
اؤكد الكل مرحب فيه للساحل، اهالي المالكية يضرب فيهم المثل في الأنفتاح والساحل مفتوح للكل. ولكن لا نقبل الأمور المنحرفة عن الدين أوالمعاكسات أو جرائم القتل أو ان يعتدى على شبابنا في قريتنا.
لعلمك أهالي الماكية وشبابها هم السبب المباشر لتطوير الساحل والتحرك للحصول للتمويل وسواعد شباب القرية تشارك في المحافظة على نظافته وصيانته وتتحرك اهاليه كل يوم ليصبح احلى ساحل.

انا لله وانا اليه راجعون ...هنيئا له امره بالمعروف ونهية عن المنكر ...واما المعتدي فقد استعان باخوانه الشياطين لكي يحاربوا نداء الله ...

ما نقول الا الله يلعن الجهل والجهلة والله يفرج عنك ياحمود ويردك الي أهلك سالم والي النادي

هذه العائلة الطيبة ماذنبها؟

الصراحة ساحل المالكية اصبح لا يطاق يوم ثاني العيد رحنا مع الاطفال شفنا مظاهر تبكي عليها القلوب والعيون .تألمت كثيراً نظرت للبحر والناس وقلت وآسفاه على عاداتنا وتقاليدنا وديننا .وعلى بساطة مجتمعنا كان بحر تايلنهندي وليس بحر المالكية .الأجانب بكثرة بدون حشمة وبكل ثقة داخلين البحر كأنهم في ديرتهم . مطمأنين ان لا أحد سيعترض عليهم او يكلمهم .
خرجت من البحر مع عائلتي لأني أحسست أني غريبة ولست في بلدي.
وهذه النتيجة .شاب يتعرض لأصابة خطيرة لأنه أمر بالمعروف ونهى عن المنكر .الله يفرج اليه.

ولد زويد
الي يبي المسجد يدلي والي يبي المراقص والبار يدلي طريق الجنة معروف وطريق النار معروف فلا تقعد تطلع فيها كل من حر في نفسة أنا لا أؤيد ذلك لكن هذا حرية شخصية ما تبي اقعد في بيتك

هذي الحرية الشخصية في نظرك انك تزعج الناس وفي وقت صلاة !! بحجة حرية شخصية

يعني عادي واحد يقعد قبال بيتكم ربي كما خلقتني ويشرب الخمور ((حرية)) !!!
كل واحد يفسر الحرية على كيفه !!
في شي إسمه حقوق الآخرين ويجب لا تتعارض حريتك مع حقوق الآخرين

مالك حق تمنع اي احد من التواجد في هذهِ الأماك العامة
الاجانب صحيح احيناً يكون لبسهم غيير محتشم وهذهِ حريتهم الشخصية , ولكن محترمين انفسهم و من حولهم ودائما مسالمين و لطفاء لكن مايطلع العيب و الغلط الا من اللي منا وفنا .

جيل فاسد

نطالب بإنزال (أشد العقوبة) بالسجن لهؤلاء الجَهَلة السَفَلة،وكذلك تدفيعهم التعويض المادي المجزي (الفدية).
أطلب من الله عزّ وجلّ (الشفاء العاجل) لهذا المؤمن الفقير.

ما يحتاج يفرض عليه يخفض الصوت وتوصل لهذي المواصيل.. كان تركته وصليت صلاتك .. لكم دينكم ولي دين .. الناس مو سوى

بلا غبااء وهمجية وفسق وتعنت ! احنا مسلمين اذا عزا نبنده حزة صلاة اقعد اصلي والأغاني مشغلة ؟ ولو فرض عليه مثلاً من باب فرض هذا تبرير لتصرفهم واعتدائهم ويطلعون صح ؟ وويع انطمو احسن شوي

أين شرطة المجتمع ذالك الوقت

ان لم تستحي فافعل ماشئت
البسه الله ثوب الصحة والعافية

بعض السواحل بحاجة الى دوريات من رجال أﻷمن خصوصا خلال المناسبات

لا اله الا الله
الله يقومة بسلامه

قلة تربية. للاسف الغالبية تهتم بالإنجاب وتدليل الأولاد لحد قلة الأدب وهذه النتيجة.

صح لسانك ولله هاذا الوضع للأسف الشديد

يه .. وين قاعدين احنا !!
صج لين قالوا اللي ما يخاف من الله .. خافه !
اذا ما خاف من ربه .. بعد هني المصيبة

انا لله وانا اليه راجعون الله يقومه بالسلامة

وين رجال المنطقة عن مثل هي التصرفات لو لانه الشاب من خارج المنطقة عادي ينضرب

ويش هل الحالة ليش الشباب صارو چذي ما يعرفون عاقبة الامور واحد يتكسر والباقي ينسجنون على امور تافه الله يستر

الله يقومه بالسلامة ويرده لأهله.. والله يهدي الشباب يضيعون عمرهم ع اشياء تافهة ويضيعون اعمار غيرهم.

المشكلة ان مثل هذه الحوادث تتكرر وتستمر بسبب ان مراكز الشرطة لا تأخذ إجراءات كافية سوى تعهدات كتابية اذ لا تجدي نفعا

وكالعادة يلقي المواطن اللوم على الدولة والحكومة مع الاسف

من امن العقبه اساء الادب

في المجمعات الأجانب يحترمون الآذان ويغلقون الأغاني وقت الآدان ولكن المسلمين لا يحترمون دينهم ... زمن أغبر وناس وحوش وجهلة

شباب طايش ماعندهم احترام. قال لك الاغاني ااادن تظربون الفقير ليش. الحين محد يبي الامر بالمعروف الله يحغظ شبابه وقوم بسللامه

اي والله، انا أشتغل مع مجمع… الموظفين يسألون عن حزة الاذان عشان يوقفون الموسيقى… والبعض ولا هامه شي. الله يهدي الجميع.

مسؤلية حفظ الأمن تقع على الدولة لحفظ أرواح الناس و الممتلكات العامة والخاصة ، وساحل المالكية يعج يوميا بآلاف الزوار من قرى المنطقة الغربية ومدينة حمد والمناطق الآخرى وحتى الأجانب وعلى المسؤلين توفير الحماية الموطنين والمقيمين الأجانب

لاحول ولاقوة الا باللة لهدرجة الناس صارت جدي اللة يقومةبالسلامة

في الغرب لا يوجد اسلام بل ترى من يحترم الاسلام. ولكن هنا يوجد الاسلام ولكن لا ترى المسلمين

قاتل الله الجهل

صدق ناس ما تستحي الحين صار الامر بالمعروف غلط

من اليوم ورايح سوف ترون شباب المالكيه سوف تقف على كل شخص يعتدي او يخرب في ساحل وخصوصا اصحاب الجتكسي وغيرهم
من يحترم . يحترم

انا أطالب أهل المالكية بالتصدي للمراهقين الصيع من يوم رايح وجاي والضرب بيد من حديد على كل من يخرب الساحل أو يسبب إزعاج للأخرين

اولا كل عام وانتم بالف خير
اقول كلمة مختصر جدا . . لابد كل انسان يحترم الاذان .
نأخد . . عبرة من الرئيس الهندي كان يخطب الجمهور
عندما سمع الاذان نزل المكريفون . . كم هى عظيمة امام المسلمين في الهند . . علما بأن الرئيس هندوسي الديانة .

انا اشتغل في احد الهايبرماركت الكبيرة..وويانا هندوس وسيخ وغيرهم وكله اغاني طبعا بحجة الترويج للمنتج..لكن من يجي وقت الاذان وبدون محد يخبرهم سيده يبندونه احتراام للمسلمين..مو هالغجر والجنقل الا عندنا..تبي تروح ويا زوجتك واهلك مكان هدوء تلقاهم في وجهك يخربون عليك من ازعاج وسب وشتم في بعضهم البعض

انت رجل يا ولد درويش ابوك عرف يربيك