هيئة التأمينات موظفينها عايشين على افلوس الناس اللي تكرف ليل ونهار
وفي النهايه يطلعون لك بقوانين ضد الفقاره
حسبنا الله ونعم الوكيل

ما يندرى باقي عللي 8 شهور بعد برفعون علينه مو ناقصين ترا شغل كرف ولا اكو تقدير في هشركات

رفع سن التقاعد سيقلص من توافر فرص التوظيف للعاطلين والترقيات .. وبخصوص وظائف التعليم حيث وجود الكثير من المعلمين العاطلين عن العمل لوجود.اكتفاء ذاتي

من صغري تركت المدرسة واشتغلت في سنة 1993 وكل ناس تقول لي ليش وليش ضيعت مستقبلك والحين انا عندي جهال وزوجة وتقاعدت قبل سنة وانا عمري 38 واستلم راتب مع الاعانات 730 دينار ومرتاح كل يوم طلعة مع الاهل والي كمل تعليمة للحين يكرف بنفس براتب اقل من الي استلمة

من هوان الدنيا على الله. للأسف وضع البلد هو ما يوصل الناس لهذا.

اذا هذي عقليتك والنظر للأمور بهذي الطريقة مافي حسافة على تركك للدراسة عشت وراح تموت ولا كأنك موجود!

يعني انت الموجود ولا اني
بالعكس اللي بهالطريقة هم الاحسن
زين سويت عليك بالعافية استمتع بحياتك وانت شباب
واقضي وقت مع عائلتك وهذا المهم
واللي يقول غير هالحجي لان مو قادر يسوي نفس الشي
احد يعوف يطلع مع اهله ويعيش وياهم وهو لحين شباب

محد حاس في مهنة التدريس الا اللي جربها ... يلا قروا وفكونا خلونا نعرف جم سنة باقي لنا ونفتك من هالشغله ... مع تخيات معلمة تخب التدريس والعطاء للطلبة الا يستحقون لكن اكره الضغط ع المعلم من قبل الادارة والوزارة .

الله يعينچ عالتدريس. باين والله. بدال ال ح صارت خ.

ولد البلاد

بصوتك تقدر

حسبي الله ونعم الوكيل

انه الحين عمري ٢٧ سنه وتوني ماكملت سنه شغل بما انه توني مشتغل بالقطاع الخاص ، حسب النظام اليديد لازم اتقاعد متى ؟ بعد جم سنه ؟

بعد ٢٠ سنة خدمة إذا كان عمرك أقل من سن التقاعد

رفع سن التقاعد يعني أنك ستستطيع التقاعد لا بأس، ولكن سيقومون بتقليل راتبك التقاعدي لأنه سيصبح إذا كان عمرك أقل من 50 سنة فإنه سيتم اقتطاع 20% وذلك بدلاً من القانون الحالي وهو إذا كان أقل من 45 سنة. يعني أتوقع ماكو أحد بيطلع إلا باسم تقاعد مبكر، ومقصوب راتبه على الأقل 15% لأن نادراً ما بواصل واحد لعمر 55 وهو يشتغل.

...ما دليلك

و ليش ما يمررونه؟
يداومون كم ساعة يأكلون و يتهاوشون فيها و كلها اربع سنوات و هم متقاعدين براتب ما كانوا يحلمون به

ان تم رفع سن التقاعد زادة البطالة 65 سنة مدة طويلة جدا مانبي اعيالنا يقعدون بالبيت حاصلين على شهادات جامعية وعاطلين عن العمل فعلا كارثة للشباب في مقتبل العمر لا عمل ولا شي ..

يجب أن يتم تعديل قانون التقاعد للمدرسين ليصبح مثل القطاع الخاص خمسة عشرة سنة أو تخفيف الأهوال والمصائب التي يعانيها المعلم والتي لايعرفها إلا هو أو المقربين منه

انا عن نفسي ما أضمن أعيش لبكره مو بعد ل 65. أهم شي راحة البال. والله أحنه نعرف ناس باقي لها 4 سنوات الى 60 ونقول لهم تقاعدوا قبل لا يتطبق القرار. والله ولا يردون علينه يعني احنه بنشتغل الى 60. واذا أطبق القرار بكونون من الفرحانين ويمكن يحتفلون ويسوون عزبمه احتفالا بتمديد السن الى 65. ناس تعبد الدينار ولحد يقول محتاجين والله بدل البيت عندهم ثلاله واثنين منهم مأجرين وعندهم خير ولكن الطمع مع ان صحتهم لا تسمح باستمراريتهم في العمل ويحتاجون راحه وياخذون علاج وادويه ويش نقول لهم الله يشافيهم ويهديهم.

التأمينات كلها سايبة و هذي فلوسنا و هم قاعدين يلعبون فيها لعب بدون حسيب او رقيب.

لم أمضي إلا ثلاث سنوات في التدريس وشاب رأسي. لا أدري كيف سأقضي سني حياتي المتبقية في هذه المهنة

اني وحده
بغيت اتقاعد من أول سنة تعيين
والحين احسب متى اصير 25 سنوات خدمه وافتك
باقي لي 4 سنين ويقولون السنة الخامسه عادي لو يوم
عجل اقعد بالتدريس لويه بسسسنا ياحسين وابوها فلووس

هههههههههه

أكييد مدرسة مسرح ؟

زائره ٤٧ انا مثلش و اشتريت الأربع سنوات و طلعت ، اشتريهم و دفعي أقساطهم و انتين في البيت و ريحي ررحش

ما اعتقد يرفعون سن التقاعد الاجبارى مجرد إشاعات لا أساس لها من الصحه

عبدالنبي سلمان يقول لو يعني لو عرض على البرلمان بمررونه.

عزيزي القانون الجديد جاهز بس يحتاج موافقة البرلمان

عهههههه هاي اللى تفكرون فيه تايلاند

الفساد احنا نتحمل مسؤليته

65 سنه تقاعد واجد خوك
متی بعد بنروح تایلند
...

منهو مجودنك تروح
كسرت خاطري

ناشفه خوك

أول مرة أجوف برلمان المفروض لخدمة الشعب كل قرارته ضد الشعب والله عجب حسبي الله ونعم الوكيل

والله لوتسوون مجلس البرلمان برچه وتخلون الناس تتسبح وتبرد أحسن وأوفر

احسن اقتراح

اقترح على قراء الوسط يسوون تصويت على هذا الاقتراح الذهبي
نعم = اوافق على الغاء البرلمان و تحويل المبنى إلى بركة مجانية للشعب
لا= لا اوافق على الاقتراح السابق

نعم اوافق

هههههه أوافقك الرأي ولكن هل لو حولوا مبنى البرلمان إلى بركة سباحة سظللونه أم سيترك من غير تظليل كعداري ؟!!

البلادي،،رفع سن التقاعد للمواطن البحريني ،،ما هي المميزات ازاء تمديد سن التقاعد ليش المواطن يتحمل مهاترات وسرقات اموالة وبالتالي يمدد سن التقاعد ،،اعطو المواطن مقابل رفع السن 90 % وبالتالي هذا اقل الانصاف بحق المواطن

لا تقولون القطاع الخاص بعد ترا لا معاشات عدله ولا إجازات ووقت الدوام متعب نحارس التقاعد محارس

لاحول ولا قوة إلا بالله العلي العظيم
حسبنا الله ونعم الوكيل

الشكوى لغير الله مذله
حسبي الله ونعم الوكيل

رفع سن التقاعد!!!ليش يبون البحرينين يشتغلون لين تطيح ضروسهم؟وياليته بالفايده عاد ،الاكله ضد.مصلحت المواطنين

لا نقول الى حسبي الله ونعم الوكيل هؤلاء يمثلون الاموات فقط وليس الاحياء الله لا يفقكم انتم لا تمثلون الا انفسكم????????????????????????????????????????

إذا رفعتم سن التقاعد فمتى سيحصل الشباب على الوظائف؟

النواب أربع سنوات وتقاعدوا ونحن 60 سنة ونتقاعد وشغل كرف وبراتب 250 دينار
مسخرة هالبلد ما فيها شي يجلب السعادة

ما نقول الا حسبي الله و نعم الوكيل كل شي ضد المواطن ما ادري متى بتفرح الناس في البحرين معاشات تعبانة قوانين غير منصفة زيادة في اسعار الكهرباء و الماء و البترول و الأراضي و الاجارات ،،،،، الله يساعد الفقير

ليش المواطن بس يقول الديره ضاجه من البطاله ؟؟؟ ليش
ليش ما تقولوا : الديره ضاجه من العماله الاجنبيه
التي لها كل الحقوق ، حقوق اكثر من حقوق ابناء الديره
وفوق هذا : تستولي علي الأشغال كلها داخل الوزارات
والحكومه والبنوك
وبكل بساطه ويسر وسهوله الكبار ميسرين لهذه العماله
التنقل بين الوزارات والشركات والبنوك بكل راحه وسهوله
ويسر ، وليس من حق اي جهه او صاحب عمل او مسؤل في الحكومه ان يعترض لان الاجنبي الحبيب له كل الحقوق ( وله السيده العظيمه / نافي بيلاي ، التي هي من بني جلدته )

وين مراعاة ظروف المرأة العاملة المربية ام يتامى .. اشلون يبخسون حق الامومة وواجب العائلة ؟؟

الشيخة سبيكة شنو تقدرين اسوين الينه ف هالموضوع ارامل تعمل وترجع بيوتها تعبانة فقط للستر والتعفف ع الاحتياج للاخرين

هل راح اتخفضين سن التقاعد للمرأة ؟؟ او شنو مصيرنه ؟؟

هالبرلمان المستفيد الوحيد منه اعضائه والعاملين فية، ولا الشعب مب مستفيد بشي، لو تسكرونه وتسوون لينا بالفلوس مشاريع تفيد البلد او بيوت اسكان ابرك

البرلمان برو برو تعو تعو

اختصرها في كلمتين (ديرت العجائب )????

نعترض وبشدة ليش ما يشوفون راي الاغلبية ويكون هناك تصويت وشفافية
هل المواطن موافق او يرفض ع هالمهزلة حرام عليهم يسنون قوانين ع كيفهم

شنو استفدنا من هالبرلمان غير جم ........وبعدين يتقاعد ....تمرر قرارات ....بإسم النواب اللي همهم بس بطنهم وشبر تحت بطنهم ! في ذمتكم المتخرجيين اليدد وين بيشتغلون !! مو كفايه الديرة ضاجه بالعطاله وبعدين المواطن بكون من التقاعد للمقبرة لانه إنأخذ لحم وبينقط عظم يا نواب يا عظامه في علوج الشعب ياللي ماجفنا منكم غير هواشكم ونتوا مب قد هالمناصب ! الله ياخذ حقنا منكم

في الصميم

استفدت علاوة الغلاء و علاوة الاسكان .. بعد ويش يا ربي سووه النواب و الله نسيت .. ذكروني ?? .. تذكرت .. ...... ما قصر بفضله استوى الجسر الذي فوق النهر الفاصل بين داركليب و مدينة حمد .. بعد فيه شئ سووه ??

حرام والله من يتحمل يشتغل الى فوق ال ٥٥ و ال ٦٠ و الشباب العاطلين متى بيكون ليهم مجال يشتغلون الكل خسران في ها المعادلة اوقفوا تشغيل الأجانب و وفروا فرص للبحرينين الي راتبهم نصف راتب الأجنبي

الحمدلله تقاعد نا. ..

فكر في اولادك

الاجاتب اخذو يسرحون و يمرحون و يصولون و يجولون في هذا البلد و يزاحمون المواطنين في ارزاقهم,شغلي يختص في الامن و با التحديد ادارة مجموعه من حراس الأمن,مكتبي يقع بجانب البوابه الرئيسيه للشركه التي اعمل بها, استقبل عشرات الاجانب في اليوم بسيرهم الذاتيه يبحثون عن اعمال

أتمنى تخفيض سنوات تقاعد المهن الفنية المتعبة الو ٥٠ سنه فقط

وماذا عن ما تبقى عليه بضعة اشهر للتقاعد

لا حول حتى لو جبرونا على الاستمرار شكلنا من العمل للمقبرة لأن عملنا عاصر فأحسن حل هو الاستقالة

من يحاسب من ؟

سنويا تكون هناك مشاكل وعجز بالتأمينات سؤالنا نحن كموظفين اموالنا أين تذهب! اذا رفع سن القانون ستكون هناك طامه كبرى على الرؤوس

اي انتو بوقها والشعب المسكين هو الضحية ويش و راكم لا شغل ولا مشغلة غير هرار في المجلس وبعد اربع سنوات تقاعد ومالي جيبك من هالفقاره والبوق واخر شي ينرفع سن التقاعد على هالمساكين ما اقول الا لا بارك الله فيكم ولا في برلمانكم

خوش خوش
المتخرجين وين بيروحون
تاخر في العمل
تاخر في الزواج
تاخر في طلب الاسكان........الى اخره
مصيبه

لا تنسى السادة النواب يا أقتصادي يا محترم. 4 سنوات لازم ما يستحق التقاعد

عيشة تقصر العمر...الموظف يشتغل فوق عمره؟!!!