ان شاء الله الكل راح يحصل اذا استمروا
الوزارة بتخصيص اراضي وبنائها
وحدات الكل بيحصل حتى الا توهم خاطبين
بس يستمرون ومحد بيضل محروم وماضاع
حق وراه مُطالب.

كرزكان ودمستان حبايب بس عندي سؤال ليش كرزكان مافيها واحد من دمستان ساكن فيها الين فيها واحد من دمستان ساكن في كرزكان اعطي البيت له وشكرا

القرى المجاورة طالبت بحقها ونحن معهم وحصلت ومن ضمنها كرزكان في 2010 حصلوا لنهاية 2003 والمالكية لنهاية 2004 والعام الماضي الهملة لنهاية 2006
وكنا ندعمهم في ذلك والآن لما وصل دور دمستان ومشروعين فيها وهي تطالب بحقها قلبتوا عليها الرأي العام !!!

الله يهدي الجميع
الباين والكل شايف ان اهل كرزكان معظمهم عندهم بيوت في دمستان بس ماعمونا شفنا واحد من دمستان ساكن في كرزكان
للعلم انا مو من هالقريتين

كرزكانية وأقول من حق أهل دمستان السكن بمنطقتهم لهم الأولوية.. حالهم حال كل منطقة.. احق بالأرض اللي عايشين فيها..
كل مناطقنا فيها مجال لبيوت مخصصة لها.. بس وقفوا الأراضي اللي تنبلع ووسعوا لبيوت لاهل الوطن ..
قبور مو بيوت هذي

اشكر سيدي صاحب الجلالة الملك حمد بن عيسئ ال خليفه حفظه الله ورعاه وسيدي السمو الملكي الامير خليفه بن سلمان ال خليفه حفظه الله ورعاه وسيدي السمو الملكي الامير سلمان بن حمد ال خليفه حفظه الله ورعاه الله والوطن والملك ...

الله يهديكم ويصلحكم إن شاء الله على شنو عاد كلكم أهل لا تخلون أحد يتطمش عليكم

زاير ٧٩ و٨٣
صاحين ؟؟

صاحين ونص بس هولاء ومن علی شاكلتهم عندهم حب الذات طاغي علی قلوبهم فيرون الناس تفعل مثلهم فيكنون العداء لهم

لا عندنا حقد ولا انانيه ف دمستان و اسألوا اللي ساكنين من خارج القريه
المسأله أن الأهالي لا يريدون أن تتكرر قصص التوزيع السابقه التي كان المستفيدين معظمهم من خارج القريه

قروض الاسكان ياوزارة الاسكان متى بتنزلونها ؟؟؟؟؟؟؟؟؟؟؟؟؟؟

لا حول ولا قوة الا بالله العلي العظيم
ليش الحقد على كرزكان ليش يا دمستان ترا موحلوه من زمان وانتون تحقدون علينا وتعلمون اجيالكم على الحقد وتقولون كرزكان انانيين

أولا ما أحد جاب سيرت أي منطقه مثل ما تكرمت وذكرت بحقد قرية دمستان علی قرية كرزكان ومع اني ما أنتمي لأي قريه مما ذكر بس كلامك خطر في رأسي فكرة كل من يرى الناس بعين طبعه

الي قاعد يعتب على اهالي دمستان من انهم ما يبغون احد من خارج القرية .... تعال شوف اول الحقيقة وبعدين اتكلم .... شوف المشاريع الإسكانيه السابقه ... لم يحصل اهالي دمستان الأ القليل القليل والباقي من خارج القريه والباقي كل من خارج القريه والكل عايش بكل محبه ... احنا ما نرفض استقبال احد من خارج القريه بس نقول الأولويه من اهالي القريه فحرام ولد القريه يسكن خارجها ... وان شاء جميع اهل البحرين يحصلون بيوت ... وفالكم طيب

حب لأخيك ما تحبه لنفسك ! رسالة لأهالي دمستان الاصليين على قولتهم ????
٣٧ سنه في اسكان دمستان يجي جم واحد يشكك في هويتنا وانت اصلي وانت مزيف والله عقول ماقول غير يخلف الله عليها ! لا وطالعين فيها عالناس دفعوا دينار وبنسهل اموركم وبنوصل صوتكم للوزاره .. طلع الدينار ادفع ونشطب اسمك هههه بس يالله مو جديدة عليهم هالحركات لهم تاريخ في الانانيه والنفاق وحب الذات .. الله يعطيكم يا اخواني وعيال عمي وجيرانا ويوسع عليكم وعلى كل من يحب الخير لغيره مثل مايتمناه لنفسه .. مبارك عليكم البيوت الي حصلوا ????

لو من كذب فقد البصر كان انت ومن علی شاكلتك عميان

بللللل جتكم حووومة يوم عطو جم واحد من كرزكان هههههههه
اعتصمو للصبح الغانون غانون

(و يمكرون و يمكر الله و الله خير الماكرين)
اوقفو و اعتصمو لعقب باجر لبيوت من حق الكل وعليهم بالف عافية الا حصلو بيوت امس والي بيحصلون
طلبات مجمع ١٠٢٢ راح تمشي رضيتون أم أبيتون
قال شنو قال مو اصليين خفوو علينا يا مؤسسين حضارة تايلوس

لان دمستان تتميز بالاخلاق والكرم والطيبه فمن جدي يبون يتلصقون فيها مثل الحلاوة الا ملتم عليها الذباب.. غير المناطق الثانيه اللي تتميز بالانانية وما يبون احد يشاركهم في ديرتهم اهل البغض.. والوحدات اللي في وسط دمستان من المفترض ان تكون لاهالي دمستان... استحو على وجهكم عاد يالكرازنه ما يبونكم وسط الديرة عندكم اللوزي .. تبون تحوشون من كل صوب

ارتقوا بأسلوبكم احنا كلنا ابناء هذا البلد ليش تبون فقط أهالي دمستان يحصلون بيوت وغيرهم لا والرسول ص يقول : " ضع يدك على رأس من شئت وأحبب له ماتحب لنفسك "
ترى الحضارة مو شكل ومضهر الحضارة في الاسلوب والتعامل وحب الخير للآخرين
ودمتم بخير

اوووووه ومن متى انتون تحبون الخير للناس... يوم صارت في ديرتكم قلتون مانبي احد من برا الديرة وانتون تبون تلصقون روحكم

بخصوص اللي يقول انا من حي الرضا فعلا حي الرضا فعلا حي الرضا لبيوت معظمهم مو من دمستان كلها من كرزكان و ثانيا اللي يقول ان الاسكان القديمه توزعت كلها لاهالي دمستان فتح عيونك شوي لان معظمها من برى جم بيت من دمستان بس ، ما اشوف يوم اتوزعت اسكانكم ي الانانيين واحد من دمستان نط و قال انا ابي و كل المناطق توزعت بس للاهالي ما تكلمتون شهالحقد يعني ترى مثل ما انتون تحقدون علينا و ما تحبون لينا الخير احنا بعد ما انطيقكم و لو قريتكم تختفي من صوب دمستان واجد ارحم لينا ،، خافو ربكم شوي ي حمالين الحطب

شهالمصخرة يالبحرانه
الناس قاعدة تضحك عليكم عاد
ألتفتو لروحكم ولا تضحكون الناس علينا
قاعدين تتهاوشون وية بعض
شصاير في الدنيا
ما صار هذا بيت اللي بيخليكم تحقدون على بعض
اوتعووووووووووو اوتعووووووووو

منظركم وانتون تتهاوشون على هالقراقير مضحك جدا
مو ناقص إلا تدابحون
اللهم ثبت علينا العقل والدين

الصراحة اللي يقرأ ردودكم يستغرب منكم كلكم أهل وحبايب وإخوة حب لأخيك ما تحب لنفسك الأراضي اللي انبنت عليها اسكان دمستان هم لآباء أهااي دمستان وما تنازلوا لوزارة الاسكان الا لمن حصلت التأكيدات على أن جميع الوحدات للأهالي وهذا حقهم ٩٧ وحدة سكنية حاطين محالكم وياهم !! والله عيب !! عليهم بالعافية الصراحة اللي حصلوا كلهم أهالي المالكية ودار كليب والهملة وكرزكان ودمستان وجميع القرى الصراحة من حقهم يحصلون وأنا من اسكان دمستان القديم عشت مع أهالي دمستان ما وجدتهم أنانيين كما قلتكم بل العكس طيبين ..

انا لله وانا اليه راجعون .. بسكم حقد لاهالي هالبلده الفقيره الي من سنين ماحصلو شي... ويوم الله بيفتحها عليهم قمتون حطيتون عيونكم عليهم..كرزكان مايرضون احد من برا يطلع ليه بيت ف ديرتهم وبعد يبون بيوت غيرهم

الاقدمية يا وزارة الاسكان
كلكم تستاهلون يا شعب البحرين الاصيل
لكن لازم التفاتة للطلبات القديمة مثل الحجي الا صار له 23 سنة ومرتين معتصم
يعطون مال المنطقة لكن لازم تخصص وحدات للطلبات القديمة ولو مو من منطقتكم

هل مناطق طلبات المنامة ومدينة عيسى أحق فيها من غيرهم
مو كل من بنو في منطقته قال نبي البيوت لينا
بسكم جمبزه وباليسات

لان من كم سنة البيوت الي وزعوها في دمستان فقط لاهالي دمستان ووصلو ل٢٠٠١ او اكثر

قصدك بيوت كرزكان الي توزعت على اهالي كرزكان فقط ول٢٠٠٢
بيوت دمستان اله توزعت اخر مرة الى ١٩٩٨ والبقية عطوا كم وحدة من بيوت الهملة
وبيوت دمستان ياريت كلها لدمستان اله على كل الناس لكزكان وللمالجية ولغيرهم
ياريت توزعت لاهالي دمستان بس جان حتى احنا طلبات ٢٠٠٥ حصلنا !!!!

اول ناس قبل كم سنة وزعو عليهم ل٢٠٠١ حتى الي توهم متزوجين حصلو بيوت

خلاص الحين يبدأون بالاقدميه افضل
ناس تتمنى هالبيت قبل لا تموت
وان شاء الله جاي الدور عليكم بتخصلون بيوت وزارة الاسكان مو مقصرة بتبني 45 الف وحده سكنيه
اني طلبي 2000 وننتظر الفرج
والله يفرجها على الجميع

اني من سماهيج و ساكنه ف الاسكان القديم دمستان و دمستان من كثر اللي فيها من مناطق برى ماتقدر تفرق بين اللي من دمستان و اللي من برى و انتون جايين تتفلسفون تركو عنكم كلام الانانيه الا دمستان ما تقدرون تقولون انانيين لان خيرهم لغيرهم للاسف و اني اشوف كلها دمستان ساكنين فيها مال كرزكان

شمعنى احين بس دمستان اللي مسوين الوقعه عليها !!
كلهم وزعوا و حداتهم السكنيه و لحد تكلم بس من يجي دور دمستان قمتون بقومتكم

يا جماعه هذي المعتصمين اصغار في السن أنا صار لي 23 سنه للحين ماحصلت

وليش ما انت قمت اعتصمت مدام انك كبير في السن .. الناس تبي بيوت و هذا الشي من حقها .. انا انت قاعد في محلك و تبي يتصلون ليك ما يصير .. و للاسف هذا الواقع اللي صاير الحين في الشارع العام تريدون النصر ان يأتي على صينية من ذهب دون جهد او دماء او تضحيات

الفال اليكم يأهل دمستان البقييه ان شاء الله وزارة الاسكان تلتفت الشوي لي توجيهات صاحب السمو رئيس الوزراء

الحاره كراكات لو تروح تشوف اسكانها 95%من الإسكان لأهالي كرزكان
عليهم بالعافيه ومن حقهم لأن الاولويه لأهل المنطقه
حب لأخيك ما تحب لنفسك

انا بصراحه قاعد اطالع ردودكم واضحك على الوضع اللي عايشين فيه

الوحدة السكنية لم توزع على كيف اللجنة الأهلية لدمستان وإنما على كيف الوزارة وكفاكم حقد وغيرة على اهالي قرية دمستان انا طلبي ٢٠٠٢ ما اتصلوا فيني ولكن ننتظر الرزاق وهو الله وعليهم بالعافية اللي اتصلوا لهم امن اخون اهالي دمستان هذي مشكلة ..... المالكية وصلوا ل ٢٠٠٤ محد تكلم عليهم ... كرزكان الى ٢٠٠٢ محد تكلم عليهم ... الهملة وصلوا ل ٢٠٠٦ محد تكلم عليهم ... الزلاق وصلوا ل ٢٠١١ محد تكلم عليهم .... الجسرة الى ٢٠١٠ محد تكلم ... الحين تحسدون الفقراء اللي انظلمرا سنين على ٩٧ وحدة سكنية يا شوم عليكم،،، ع

كلامك منطقي ويارب يلتفتون
للشعب كله يحصل تعبنا من الايجار
والأولوية لأهل المنطقة .

صراااحه الاولويه دمستان لحين في ناس ماحصلت

العوين الله
عليهم بالف عافيه اللي حصلوا والفال للبقيه ويستاهلون اهالي دمستان سنين وهم مظلومين
شمعنى الحين الكل ضاج على مال دمستان !؟

الله يرزق الجميع إن شاءالله
دمستان في الاسكانين القديمين من كل قرى البحرين ولم تعترض... جت الحين ع كم شخص اللي نادوهم الحين للبيوت محد يقدر يقول عن دمستان أنانية... الله يهنيكم أبناء قريتي الحبيبة ويرزق الجميع

ههههه شقالو على ارضنا حبايبي لا كرزكان ولا دمستان اسمه الوزي

مشروع اسكان ابورمانه 97 بيت مفروض حق اهالي دمستان و باقي هناك مطالبات جاده لهم با بيوت اللوزي يعني اهالي دمستان مو ظالمينكم بيوت اللوزي 800 بيت بيعطونكم منها لا تخافون الكل بيحصل و تركم عنكم هل حركات الكل بيحصل

لو ركضنا ركض الوحوش غير رزقنا مانحوش محد ياخذ رزق احد ف هالدنيا خلوا عنكم الغيره و تمنوا الخير للغير

سلام عليكم
انا من كرزكان اقول من حق الجاره دمستان تستفيد من مشروع ابورمانه بالكامل ومشروع الوزي يتوزع على قرية كرزكان ودمستان وين المشكله كلنا أهل وحبايب ومبروك وألف مبروك حق إلي استفادو من الوحدات..
ابوشهد

كفو عليك يالجار هذا الكلام السنع اللي ماتعودنا عليكم تقولونه بس انت نعم الرجال و الرجال قليل.

عدل شغلكم يا وزارة الاسكان بكره ان شاء الله طلبات ٢٠٠١ من جميع مجمعات دمستان ومن ضمنهم مجمع ١٠٢٢ فرحونا بكره بالاتصالات ولا عليكم من الاعتصامات

لا اللوزي في دمستان

غالبية التعليقات للأسف لا تراعي الأخلاق الإسلامية أنا من سكنة قرية دمستان أبا عن جد وطلبي ٢٠٠١ وللآن لم يتصلوا لي ومسلم أمري الى الله وهناك أناس يتهمون اللجنة بالعنصرية من الذي أسي العنصرية؟؟ اسكان كرزكان ٣٥٦ بيت سنة ٢٠١٢ من الذي حصل غير قرية كرزكان؟؟؟؟ الى ٢٠٠٢ حصلوا اهالي كرزكان وعليهم بالعافية الحين جت على اهالي دمستان ؟ كفاكم حقد على دمستان كل القرى يعطونهم لسنوات قريبة ولا أحد تكلم والان جت على قرية دمستان !!!! اتقوا الله

اكثر من 60% من طلبات دمستان هي لمواطنين من خارج قرية دمستان ومع الاسف وزارة الإسكان ماتوضع هذا في الإعتبار في التوزيع.. مساكين الاهالي الاصليين مال قرية دمستان

الارض ارضنا و الأولويه لدمستان

الحمد لله حصلت بيت والشكر الله اولاشي وبعد الشكر صندوق دمستان والشكر يلي ماقصر بس بعد مال دمستان ماحصلو

في مشروع ويش كبره في اللوزي دمستان اعطوا اللي ساكنين منه وأهالي دمستان اعطوهم في قريتهم الأصلية

اللوزي اسم إلى دمستان واكبر المشاريع الإسكانية في دمستان لكن أهاليها المظلومين طلباتهم حتى ماغطيت لعام 2000 ويش هالظلم

بسم الله الرحمن الرحيم / ويمكرون ويمكرون والله خير الماكرين/ من كان يريد الشر إلى غير أن الله موجود

يجب على وزارة الإسكان الالتزام بما تم الإتفاق عليه من معايير خاصة لهذا المشروع وهي ان يكون خالصا لأهالي قرية دمستان… هم الا 97 وحدة!!

اقول بسكم بصقتوا ويا مسرحيات الاعتصامات...التوزيع بالاقدمية وانتهى الموضوع...

توجيهات رئيس الوزراء هي تخصيص الوحدات لأهالي دمستان الأصليين من مجمع 1019 بس مع الأسف وزارة الإسكان ماتبي تفرح أهالي دمستان اللي انظلموا من مشروع 1978 الى الآن هذا غير القسائم السكنية اللي توزعت من السبعينات والثمانينات واهل القرية مچنزين في بيوت أهاليهم… حرام عليكم

ما شاء الله عالكلام الطيب و المصداقية جبت لي الغبنة الصراحة ههههههههه

مسوين هالاعتصام والفوضى لأن عطو كم واحد من طلبات 2000 بلا أنانية

هههه الي يقول انه كرزكان حصلو الى 2006من وين المعلومه انا طلبي 2004ولحين ماحصلت

مساكين أهالي توبلي

مساكين أهالي توبلي والمناطق المحيطة بها بس وزعوا الى سنة 95 بس والله حرام وظلم عشموهم بيعطون الى سنة 208 وتالي خذلوهم ما نقول إلا الله كريم

مال الهملة الى ٢٠٠٧ والمالكية ٢٠٠٨ كرزكان ٢٠٠٦؟وانا دمستان حدهم ٩٩ الى ٢٠٠٠ والقهر على ديرتها ويبونها الغربان واذا تساله من وين يقول من منطقته الاصليه ما يقول دمستان بس يبي بيت فيها نعم

أنا أبي أعرف من وين هالارقام الي حاطنها، مع التصحيح كرزكان 2002 فقط

مال كرزكان اللي حصلوا حدهم ل2002

مو حرام يعطون أهل كرزكان ل 2002 قبل كم سنه ساكنين ومتنعمين وحنا ل 99 بعدنا من اجار لاجار وتبون ما أحد يقول عنكم انانيين

حرام عليكم 21 سنه نحارس بيت لو وين يعطونا و انتون توكم جم سنه تبون دمستان حكر لكم ... ليش احنا من بنغلاديش يعني ؟

دمستان تتكلم عن الأنانية وهي في قمة الأنانية وإلي تم توزيع الوحدات كلها من أهاليم ومحد من بره قريتهم ومايبون احد من بره ويش هالانانية

ناموا ناموا طارت لطيور بارزاقها توكم الحين تعتصمون صح النوم ياعرب

والله حالى وياكم احنا حي الرضا وماتبون يعطونا وتعيبون على كرزكان وتقولون مو اصليين يعني شنو عيب والله عيب وتقولون دمستان من المطافي الى مطعم القائم ويوم التوزيع تقولون انتون مو اصايين

حي الرضا ها؟ لما يسألونك من وين ماتقول دمستان اتقول حي الرضا ولما صار التوزيع صرت من دمستان ولما صار. التوزيع في كرزكان كنتون من اول المعتصمين ويا مال كرزكان تبون اسكان كرزكان فقط لاهالي كرزكان والله مسخررررة

بلاوي
الحين يوم توزعت بيوت كرزكان ولاواحد حصل بيت من دمستان ونفس الحاله في الهمله والماالكيه ولاواحد من دمستان ويوم صارت على ديرتهم مساكين االكل يبي والكل يشوف الاسكان اللي توزع ٢٠٠٣ من الهمله وكرزكان والمالكيه وكل ديرة ومال دمستان حتى الربع ماحصلوا
اتقوا الله

تركوا عنكم الأنانية والباليس بلا اعتصامات وبلا مشاغبه عطوكم بما فيه الكفاية .
الكل يعرف سبب اعصامكم لأن وزعوا وحدات المشروع بأقدمية طلبات دمستان بما فيهم مجمع 1022 و بعد أن تم اكتشاف تلاعب أعضاء اللجنه في توزيع الدفعه الأولى .
اما سمو رئيس الوزراء فقد أمر بتوزيع الوحدات بطريقه عادله ونتمنى عدم قلب الصورة

ابي بيت انا من دمستان

اكو عطو مال كرزكان 2004 وحناء ليش لا

انا ساكن في مجمع 1022 طلبي 2004 ماحصلت للحين ولا أحداث فيني

الله كريم يرزق الجميع بيوت سواء كرزكان أودمستان أو أي منطقة

الله يرزق الجميع بيوت سواء من كرزكان لو من دمستان أو أي منطقة كلنا أخوان

انا مجمع 1022 وطلبي سنه 2000 وماعطوني للحين شسااااالفه