ولأنه سهل لهم من تساهل الادارات التي أعمت عيون الجميع من المتسابقبن والمتجمهرين
حدث ما حدث - المهم :أن لا تفوت هذة العبرة من الجميع

هادي مو اول مرة يصير هالشي صحيح على فترات متباعدة بس صار قبل عشان جذي هدلين ما يتأدبون يا كافي الشر الا لما تصيهم مصيبة او كارثة اخو زوجي انقصت ايده قبل سنوات طويلة يتسابق على الموتر سيكل احين تعال شوفه يعض اصابعه ندم لكن عقب ويش طارت الطيور بارزاقها الندم ما منه فايدة لو ويش يسوون الي انكسر ما يتصلح عجزوا منه وهم يحذرونه لكن قدر الله وما شاءالله

تغمده الله برحمته وألهم أهله الصبر والسلوان والشفاء للجرحى والمصابين، وهذا اللعب الصبياني المراهقي حتى لو صار في حلبة سباق وسيارات خاصة معدة لهذا الغرض لن يخلو من هذه اﻷمور، وليس كل من بلغ سن السياقة هو قادر على أداء وادارة المركبة في الطرق هناك فنون معينة ﻻ يتقنها أي شخص عند القيادة هناك سرعة معينة ينبغي أن تراعى في التجاوز والمراوغة وهناك مقدار ومسافة وتحكم فطري وهناك سرعة بمقدار معينة وقوة للانعطاف ذات اليمين و ذات الشمال.
كذلك هنا هذا التجمهر غير قانوني و هنا هذا التجمهر خطير وهنا غير مصرح

السايق ...ويشتغل .....وكان تحت تاثير الكحول .. ودعم الجماعه ونزل من سيارته يبي يشيل ارقام السياره و يقول للناس الي هناك انهم يشردونه من المكان .. وخذوة معاهم ودوه المركز على طول بماذا سيعاقب هذا المستهتر المتهور ؟؟غرامه وانتهى الموضوع ؟؟اليس من الشريعه ان القاتل يقتل ؟؟
ارجوا ان يتم تطبيق القصاص منه بحق ارواح البحرينيين الذين قتلهم بدون حق ..

تعليق للزائر 30 أقول اذا هذي افكارك عن الحريه الشخصيه وانه انت فله لانه مغرور وتسوق بتهور العقليه باينه تمام وارواح الناس مش مهمه ادري انه الا يروح يطالع غروركم مسئول عن تصرفه بس وين وازعكم الديني بالحفاظ على ارواحكم ترى عندكم اهل يخافون عليكم ولو بيصيدكم شي بيموتون من الخنقه لكن مثل ماقلت الغرور الا تارس راسكم يخليكم عميان قلب واتمنى انك تتجه للرياضات الحقيقيه مو اطق السرعه وتقول هذي رياضه وبعد كيفيك لاتسمع الكلام بس انت محاسب عند ربك

ترى المرور احنا مانشوفه إلا وقت المعاشات حق المخالفات ولفلوس بس مانشوفه بكل وقت شمعنی وقت الرواتب هذا قانون لو تجارة..التعليق الثاني من القهررر

حتى عند الفورملا تصير ريسات وهالسوالف واللي في المرور يعرفون بهالشي ليش مايسون كبسات والا لين طاح الفاس عالراس قالوا قوانين وأنظمة الشي من أول لازم ينردع وانا مالوم المستهترين فقط ألوم عدم وجود الرقابة الجيدة والكافية علشان ما يتكرر هالشي مرات الله المستعان

انا اروح هذه الاماكن و انا اتسابق و انا اتجمهر و انا اسوق بغرور..
انا هذي هوايتي مثل كثير من الهوايات خطره و فيها حوادثها و للي يقول في حلبه الحلبه شهر كل ثمات اشهر و يبون بيزات مو بلاش ف لو سمحتوا لا تقولون ان مايصير و واحد يلوم السايق و واحد يلوم المرور محد له خص هذا حادث يعني محد متعمد و حوادث في رياضات تصير و في شتا انواعها و ع فكره كل شخص طليق و حر يسوي اللي يبيه...
للي يقول حطو كاميرات هناك ترى فيه كاميره و حتا لو زادوهم نعرف وين نروح ..
مع كل احترامي هذا كلامي

مع احترامي امبين من تعليقك مراهق ومب عارف مصلحتك، يعني هالناس اللي تصوبوا واللي مات شنو ذنبهم في استهتاركم، ما اقول الا الله يهديكم بس واتمنى المرور يزيد من دورياته ووانزال عقوبات رادعه

احلف بس حريتك اليك بروحك بس اذا حريتك تضر بالاخرين خلاص هني تكون ما اليك حرية بتاتا قال ويش حادث يا كثر الحوادث الي تصير ويروح ضحيتها هالشباب روح انت بعد انتحر وفكنا لا كل يوم تسوون لينا افلام ومسلسلات

الرحمة على الاموات
و الشفاء للجرحى
و اللة يعين السائق !!!

المسؤول الاول والأخير إدارة المرور
انا شخصيا اتصلت مره في اداره المرور
بسبب تجمهر وسباقات بالقرب من بيوتنا
ولم يأخذون في شكوانا
المرور عندهم علم بأماكن السباقات ولكن لا يستطيعون إيقافهم

أوافقك. الوقاية خير من العلاج. اتصلت مرة و مهرجاني الموظفة التي رددت علي التلفون. المرور تركيزهم علي الغرامات و ليس منع الحوادث. يجب نشر ثقافة المرور في المدارس و جعلها موضوع الدراسة و التعليم بدلا من العلوم التي تنسي بعد السنة الدراسية.

الشارع كان يشهد تجمهر للسيارات وتجمهر الشباب والملاحظ اثناء الحادث وجود مثل المركبة التي صدمت معها لذالك التوقع الكبير انهم متسابقين وقد تم التستر علية

الشوارع الهادئة تلاقي هذه التجمعات بكثرة
شارع عسكر
شارع العرين
المنطقة الصناعية - سترة
كل مكان فيه كامرات
ليش ما يركبون في هالمناطق؟

الله يرحمه ويشافي اللي تضررو بس المرور قاعد قعده حق المخالفات وكيمرات كل شارع اتمر اتحصل ٤ رادارات وشارع العرين ولا كيمرا ولا دوريه مع ان البحرين كلها تدري ان كل ويك اند يسوون ريسات هناك بس اهمه مب خايفين على ارواح هاليهال يحاتون المخالفات ويزيدون اسعارها واخرتها يقولون اولياء الامور تبونه انحط رادار في سياره الشباب امرو شتبون

معروف الفورد الموستنغ من يستن ما يجود بريك :(

الخبر يقول لازم اولياء الامور يراقبون عيالهم يعني قوم طق سلف واطلع وراه وين مايروح مايصير ياجماعه في البيت قلنه اوكي بس برع هذي اختصاص المرور

ومنذ متى هم يتحذون تلك الالعاب بالسيارات ويتسببون لأرواح الناس للمخاطر وليس هناك من يردعهم

اكيد السائق المتسبب في الحادث واقع تحت تاثير الكحول او المخدر والا كيف يترك الشارع ويتجه نحو الشباب .. هذه جريمة قتل

للاسف عدنا في قرية السهله الشماليه
مستهترين لدرجة من الغرور والكبرياء
في السرعه واستعراض وعدم المبالاه او الاحترام الذات وشكراً

لا حول ولا قوة الا بالله . ناس في ديرتهم ماعندهم يشترون حماره وهني عافسينه عفاس انا لله وانا اليه راجعون

الموستنق المفروض سياره ممنوعه سريعه

احمد

يجب على الإدارة العامة للمرور إتخاذ إجراءات فعاله ضد هؤلاء المتهورين ومن دون تساهل او إعفاء

إدارة المرور على طول مقصرين في واجبهم

في ستره المنطقة الصناعية كذا مره اروح اجوف استهتار في الارواح وينكم عنهم

وشدد نائب مدير عام الإدارة العامة للمرور على أن الإدارة كانت ومازالت تقوم برصد تلك السلوكيات الخاطئة وتتخذ ضد مرتكبيها التدابير القانونية ومن ثم تقدم المستهترين للعدالة
الى الادارة العامة للمرور .نحن أهالي منطقة اللوزي القريبة من بحيرة اللوزي وعند الشارع الجديد نعاني كثيراً من المستهترين الذين يسببون لنا الازعاج صباحاً وطول النهار وليلاً حتى الفجر وعجزنا واحنا نتصل للمرور ولا حل لهم الى الأن صرنا نخاف واحنا داخل بيوتنا .

الاداره ما تتحرك لين ما يموت واحد...بعدين تتخذ الاجراءات

صدقني عاد اكو عندنا مزرعه لصالح الأوقاف الجعفرية بمدخل قرية شهركان يجيبون سيارات بدون ارقام ويفخخونها ويعفسون المكان ولا أحد ليهم وهذا الشي قدمناه للاوقاف بس بدون فائده شباب طائش

وين الدوريات الشارع معفوس عفاس في الويكند

صح كﻻمك و كل ويك اند محد يفدر ايجازف ايروح ها المنطقة من كثرة التجمهر و ﻻ وجدود دوريات و الشباب ما خدين راحتهم.

اقول لك عاد مرة كنا اجعة من طريق سلماباد الا نفس الشي ثلاثة يسوون سباق وشوي ويدعموني الا اقوم اتصل على الشرطة الا يقول تعالي قدمي بلاغ اقول اليه على مااجي خلصوا وما يندرى ويش يصير طرش المرور قال ما يصير ويش هالهرار هادي تعتبر مشاعة في حماية المجتمع من المواطنيين لكن هالشي ما يسوونه وسكرته ولا صار شي من امن العقوبة اساءا الادب لو يتعاقبون ما سووا هالشي

يعني مو قصده يدعم؟ نطالب بإعدامه

ما كان قاصد .. كانوا يفحطون في الشارع و فقد السيطرة عالموستنق و ضربهم

علشان يكون عبرة لغيره ممن يستهترون بلعباد ومن أمن العقوبه ساء الأدب

الله يرحمه ويشافي المصابين ..

المفروض مايروحوون يجمهورون في هاالاماكن ..

لو سمحت مكن اسماء الي وقع في الحادث