القرار سليم واللي يقولون ظلم
عيل اذا اطبق القرار الثاني اللي بنفس السنه نصهم ايدشون ونصهم مايدشنو اهني القهر والظلم
المفروض وزاره التربيه من زمان هل قرار تطبقه كل سنه بسنته يدش
لانه جذي بيقولون حتى مواليد فبراير انظلما ويكملون باقي الاشهر

صراحه مصاريف الروضه وايد مكلفه ولازم الواحد في هالسنه يدخلهم الروضه يستفيد الطفل اكثر من قعدته في البيت الله يكون بعون الاهالي

قرار فاشل والي بقول مواليد يناير صغار ماعندهم خبره ترى مواليد ديسمبر ما خذو شي من السنه وبكون فرق بينهم وبين يناير كم يوم او بالكثير شهر

النظام التربوي في العالم المتحضر تغير. الأطفال منذ عامهم الثالث يدخلون المدارس النظامية. دراستهم تختلف حيث يتركون ليدرسوا كل ما يرغبون في اليوم الدراسي و المعلمون يراقبون و يرشدون. ثم يضعونها و يدفعونهم للتركيز علي رغباتهم و يكتشفون عبقريتهم. لماذا لا نقرأ او نشاهد دخول صغيرالي الجامعة في بلداننا كما يحصل في الغرب؟ لماذا لا نغير تقاليدنا و معارفنا؟ العالم المتقدم يغير اُسلوب تعليمه كل عام. متي نعتبر أنفسنا بشرا خلق كما خلقوا في العالم المتمدن؟ لماذا نمتلك هذه القوي الخارقة لتركيز و تنويع التأخر؟

اتخذت قراري ورفعت يدي بالدعاء

لاحيلة عندي إلا أن ابقي ولدي في البيت ""اليد قصيرة ""ومصاريف الروضة ماتفرق عن المدارس الخاصة لكن أشكو حزني ولوعة ولدي ع المدرسة إلى الله

زييين يسون .. صراحه ماله داعي يدخلون مواليد يناير قبل بسنه ويتخروجون قبل الي نفس والمواليد في سنه .. يعني بنت اخوي اكبر من بنتي بشهور .. بس لانها مواليد يناير دخلت قبل المدرسه والامثله كثيره .. من لما كنت في المدرسه وانا احاجج على نفس الموضوع

انزين وين الخلل في الموضوع لو دخلت قبل بتش ؟
تحسسيني ان بتش خلاص نهايه حياتها لين تخرجت بت خالها قبلها !

انزين وين خلل اذا تخرجت في نفس السنة مع اقرانها تحسسيني ان نهاية العالم اذا ما تخرجو ويه البعض فية شي اسمة انصاف وعدل محد احسن من الثاني الا بالاجتهاد

ليش زين يسوون شهالحجي بشنو يضرش حجيش فاضي وماله معنى مو حرام تروح عليهم سنه عشان شهر واحد ؟ يعني الطفل يقعد سنه في البيت وينسى اللى درسه في الروضة ..

يووو يفشلون ناس لهدرجة يحطون بالهم على خلق الله وعلى كل شي رزقها بنت اخوش تحسدينها انها تخرجت قبل بنتش يا دافع البلاء الله يساعدكم على روحكم والله يكفينا االشر

غيرانه حتى من بت اخوش

مو سالفه غيره
فهموا البنيه لأن اذا الجاهل مواليد شهر 2 أو 3 أو 4 وش يفرق يعني

حرام تضيع من عمرهم سنه عشان شهر
ليش منقهره ماله داعي الانفعال

وتخرجت قبلها ويش يعني
اني في سنتي كان ويانا فرق بيني وبين 11 شهر
هم شهر 1 واني شهر 12
مو الاولى انهم يدخلون بما انهم شهر 1 ويا السنة اللي قبلها

الا غيرة وحسد يمة شلون ناس جذي حتى من بنت اخوها تغار الله يساعدكم على روحكم ويع ويع يفشلون

بدل ما كو معلمين وخريجين فنون وديكور وآدب وحوزات شغلوهم هالفترة لو براتب 300 دينار ما يبون ازيد
انتون يالوزارة التربية متضررين قبل الطلبة وأولياء الامور
كل مدرسة خلو فيها صف واحد بس و يطلق عليه صف المميزين
عربي ورياضيات وانجليزي وقرأن تفسير وحفظ ورياضة ورسم خلوهم كشافة استفيدو منهم لقلة عددهم لا تحطمونهم ولا تكسرون مجاديفهم فجرو طاقتهم وحببوهم بالدراسة
من أجل الوطن
شنوها حملة على الوزارة التربية
#مستقبل_أطفال_يناير

شوفو
الحل الوحيد انه الحكومة بهذا القرار لازم الي اتخذته بدون سابق انذار
يجب عليها توفير صف واحد على الاقل كل مدرسة بس مجرد انهم يروحون الاطفال المدرسة لو بس يعطونهم رسم ورياضة ونشيد وقران
منها تجربة تعليم القرآن حفظه وتفسيره في المنهج الدراسي ومنها تصحيح غلط من الوزارة على هذا القرار التعسفي
وعلى اولياء الامور الي اطفالهم مواليد شهر يناير عدم تسجيل اولادهم بالروضات وتلي سجل يحول لحضانة
ويلتحق في العام التالي بالروضة
وغير مرة يوزارة التربية لاتسوين هالحركات بدون تفكير بالطلبة

تعلمو نهم حفظ القرآن و تفسيره في سنة أولى ابتدائي أي عبقرية لدى أولادكم !!! يفسرون القرآن بعد !!!! ياالله يالله يكتبوا بعض الحروف .

اتمنى من وزارة التربية اعادة النظر في هالقرار حرام يظلمون أولادنا وخاصة انهم تهيئوا لدخول المدرسة وتم تخريجهم من قبل الروضة.او على الاقل يتم تطبيق هذا القرار في السنة القادمة عشان الواحد عنده مجال يهيئ فيه طفله الى هالقرار .

تقدرون تدخلونهم مدارس خاصة بس أتوقع خلص التسجيل .. والمشكلة رسوم المدارس الخاصة مو كل من يقدر عليها يعني ولي الامر حاير بين امرين يا يدفع اللي وراه واللي جدامه وينقذ سنوات ابنه او ابنته يا يضيع سنة من عمرهم والولد لما يكبر يحاسب أبوه .. وغير ان شرط المدارس الخاصة ان ولي الامر لما يطلع ابنه من المدرسة الخاصة الى المدارس الحكومية راح تقبله على عمره الحقيقي بتنزيله الى الصف الحالي ..
الوزارة تقول انه مواليد شهر واحد اصغر من انه يستوعبون الدروس .. ليش ما يكون المدرسين اللي وظفتوهم غير مؤهلين ؟

ردينا على المدرسين
ليش ما تعينا حضرتك وتروح ترشح روووحك من ضمن اللجنه
لوعتون جبدنا عااااد
كل كلمه والثانيه المعلمين

شكلك من المدرسين المقصودين من جذي تعبان من الحجي ومو عاجبنك... طبعا مو كل المدرسين اللي يقصدهم صاحب الرد، فقط الي طافو بها ايام 2010 وبعدها ممن لم يكمادلو دراستهم الجامعيه حتى .. عند ولد اخت من هل الطخه

زائر 26
خخخخ
ولا معلم من عقب 2010
في ديك الفتره قعد بالتدريس كلهم مهامهم اداريه صارت عقب والجامعي بس خلوه
وهالشي صار بمدرستي وزعوهم مصادر تعلم فنيين فني أمن وسلامه وهلم جرى فلا تألف هديله مايتحملون حصه وحده
وإني معلمه بمدرسة ثانويه

اي سنوات ضايعه الي تتحجى عنها الطفل عمرة ست سنوات شنو يعني يدخل عمرة سبع بس قدراته افضل وشخصيته افضل يكون اكبر واحد في صف ولا يتنمرون علية الغير ترى نفسيىة الطفل اهم وتكوين شخصيته احسن من التعليم فقط ترى في نهاية بيتعلم وبيتخرج بس فيه فرق لما يتخرج وشخصيتة ونفسيتة صح

صادقة احين شدخل المدرسين بلوة والله اصلا لا الطالب اليه دخل ولا المدرس الاثنيين عندهم قدرات انا ولد اختي ما شاءالله ذكي واحين نوديه يتعلم انجليزي المدرسة تقول جدا ذكي ويبغي يتعلم واكو بتضيع عليه السنة شلون يعني ما يستوعب يعني اذا الوزارة قالت شي يعني صحيح هذا كلا كلام فاضي وتبريرات واهية الله يعينه على هالحالة حالة كسيفة وقشرة

البعض يقول وده مدرسة خاصة
يا اخي القرار يشمل المدارس الحكومية والخاصة
وفي حال اي مدرسة خاصة قبلت مواليد يناير هي تتحمل المسؤلية

بنت المحرق
في حل بسيط وهو انكم تدرسونهم في البيت مواد الصف الاول والسنة الياية لين دخلوا الصف الاول رسميا قدموا لهم امتحان للترفيع للصف الثاني واذا مستواهم صج يسمح بينجحون ويروحون للصف الثاني ولا بتضيع عليهم سنة
وبالله المستعان
الحين انتو تحنون على مواليد شهر يناير عيل شلون لو عرفتو ان بعد سنتين مابياخذون حتى مواليد اغسطس من نفس السنة لتكدس هالوافدين علينا في الصفوف ولتقاعد الكثير من المعلمين!!!!

هااا مواليد أغسطس مصخت السالفه عاد

اصلا هذا القرار صح 100 لاسباب نفسيه للطفل نفسة ترى الفرق شاسع بين اعمار الطلاب ولا تتيح لفرص موازية حتى تنعطى لمواليد شهر واحد فرص افضل للتفوق موازيه لاقرانهم خاصه ان شخصية الطفل تتطور بالعمر والخبرات

اي فرق شاسع اي بطيخ اكيد تطنزين مو صدق كلامش

اقنعتيني الحين خلاص عااد

صاروا ويانا اوويا أولادنا مال شهر يناير ولاحسينا ابهم اصلا فيهم الشاطر اوفيهم العادي حالهم حال غيرهم ""وش هالخبرات الي بتزيد يعني ""

نناشد الله ان يسبب لنا سبب في قبول اولاد شهر يناير في المدارس لانه الله ما يقبل بالغلط
ونشد على يد المسئولين ان يعيدوا النظر في هذا القرار

برايي لا تدخلونهم الروضة
دخلوهم دورات تعلم القران او دورات سباحة
لان ما شاء الله عليهم الحين اليهال يطلعون الروضة اعرفون كل شي القراءة و الكتابة
يتعلمون شي جديد احسن من يتعلمون نفس الشي
و الا وش رايكم

المشكلة وقت المدارس والروضات ما في هالفعاليات قليل جدا ولو موجودة في المنطقة الي انت ساكن فيها يكون العصر انزين والصبح شيسوي الطفل يقعد بس جدي هني الوهقة بلوة واللة ولد اختي مسكين جدي واكو متحيرين فيه يعني احين حتى الحمل المفروض االناس تحسب صح عشان ما تتوهق في هالسوالف حسبي الله عليهم الناس بتحصلها من وين والا وين

أني بتي سجلتها في الروضة مرة ثانية.. مسكينة ٤ سنوات بتم في الروضة.. معلمتها اتقول خسارة ترجع تعيد السنة ما شاء الله عليها شاطرة ..
بتي الثانية كنت بدخلها الروضة.. بس يوم طلع القرار كنسلت.. لأنه ما نقدر ندفع أقساط الروضة لثتين ..

ضغطي روحش ودخلي الجااااهله

حاولي تدخلينها الروضة اختي
الله ييسر ليكم
بس حاوووولي بكل الطرق ان تدخلين الصغيرة بعد

فرصة لتعليمهم القران

بعض اولياء الامور يلحقون اولادهم بتعليم القران عصرا من يحب ان يعلم ويبني اسس ديني صحيح لابنه لا يحتاج الى ان تضيع عنه سنة دراسية ليلحقه بتعليم القران !؟ كان الله في عون الاباء قليلين الدخل وعون الامهات اذا كانوا ابنائهم مشاغبين او كثيرين النشاط ... نتمنى دراسة القرار كي لا يؤثر سلبا في المستقبل ..

قرار غير مدروس، و بتوقيت خاطئ، فعلا " شقاعدين اتسون يا وزاره التربيه،،،فكروووو شوي"

مرحبا

الزمن تغير كان الطالب يوصل الصف الرابع يالله يعرف يقرأ ويكتب اليوم خريج الروضة ملم بالقراءة والكتابة حرام تضيع علية سنة

هذا حظ بنتي مسكينه، بهذا القرار ... المهم خلاص بالغصب حصلنا لها بمدرسة خاصه ولا منت الوزارة بقراراتها الغير مدروسه

مسكينه بنتي هيئتها نفسيا للمدرسه و الحين بترجع للروضة من جديد،شتسوي في البيت تطبخ عني الغدى مثلا، و القسط الي ادفعه للروضه كنت بدخل فيه جمعيه و بروح الحج ،حسبي الله هو نعم الوكيل

الحمدلله اني بنتي كانت شهر يناير وقبلوها الحكومه قبل جم سنه ...

عسى ما شر للحين نايمة
يقول هاي السنة ما قبلوهم ويش جاب سالفة الماضي إلى الحاضر

تشكر ربها أن بنتها الحمد لله اخذوها والقرار ما طلع في زمن تسجيل بنتها

بصراحة توهقنا .. نتمنى من سعادة وزير التربية والتعليم إعادة النظر في هذا القرار وإلحاق أبنائنا من مواليد شهر يناير 2011 بالمقاعد الدراسية كالسابق

لا حول ولا قوة الا بالله
حسبي الله ونعم الوكيل

الله يعيين الاهالي بعد تفعيل هالقرار ؛ وبواصلون أكيد الالتحاق في الروضه .
أتمنى من وزارة التربية إلغاء هالقرار

انا لله وانا اليه راجعون

في حلين
يا أما أولياء أمور بيخلون اليهال يعيدون الروضه وهذا الغالب علما بأن في اوادم كثيرة تدرس منهج الصف الأول وفي حسابات واااجد أو أمهم بيلحقونهم بالمدارس الخاصه علما بأن حتى غالبية المدارس مشت بهالقرار

نفسيتنا تعبت مانعرف ويش نقول لأطفالنا ليش مابروحون المدرسة وليش مابروحون روضة مانقدر نعيد له الروضة اخوه بيدخل الروضة ومعاشاتنا جم عشان نقدر لمصاريف ثنين ياريت ونتمنى انه بداية المدارس انهم يغيرون القرار حراام انه يطلع قرار فجأه وينحرم الطفل من الدراسة في المرحلتين والطفل يتحبب للدراسة لين صار وياه اطفال كثيرة يتشجع غير عن البيت بيلعب وبيتهرب ولا بيفهم.. عدنا امل 1/100وان شاء الله وزير التربية مايخيبنا

حرااام والله حرام اني ولدي 1/1/2011 يعيد السنة عشان يوم واحد فرق وهو متحبب للمدسة وكله يسألني ليش مايبوني المدرسة ويش اقوله.. اقوله إن شاء الله تفتح المدسة ويقولون يبونك