الحمد لله عمرنا ما اخذنا قرض للسفر
لأن إذا بنسافر نسافر على قد فلوسنا
سفراتنا كلها للمراقد الشريفة
زيارة وتجارة
نختار سفرة تناسب ميزانيتنا

والله اعرف ناس وعوايل عندها فلووووووس بحر لكن لو تقول لها سافرتون ايقولون انخاف نركب طياره ههههههههههه

السفر يحتاج إلى تخطيط مسبق ولا يكون ارتجاليا، البعض يرغب في السفر إذا رأى أو سمع أن فلانا سافر أو سيسافر، وفي تلك اللحظة يلجأ إلى القرض إذا لم تكن له خطة مسبقة.
وهذا ينسحب على أمور أخرى غير السفر.

الناس صايرة بالمطالع والنسوان سبب رئيسي الصراحه صايرين من وحدة تسوي شي يصير خاطرها بعد تسوي لو على حساب الوضع المادي للاسرة يعني وش هالتفكير والمنطق تروحين تستانسين اسبوع لو شهر والدين يتسدد في سنتين سافرتين وتجممتين ...الخ انزين يوم رجعتين الاستجمام والوناسة جبتينها وياش هني يعني ورجعت حليمة لعادتها القديمة

كل انسان عليه واجبات اهم من السفر
ليش احمل نفسي ديون الا اذا كانت الديون
تصب في محلها الاولاد العائله
السفر مصروفه عااالي

السفر مو من اولوياتي ... اسافر بس مو على طول .. و لما اسافر مستحيل آخذ قرض ... شلون ارتاح في سفرتي و اني ادري اني مديونة لغيري

اذا كان قرض بسيط وما يخل بميزانيته ويسبب اليه ازمة ليش لا يعني معاشهالف وشوي وبيدفع لقرض 100 عادي ويقدر يخلصه في مثلا سنتين اما معاشه ربيتين وياخذ قرض عشان سفر فاسمحوا ليي هذا مو صاحي مع اني بعد لو في مكان الشخص ابو الف دينار ما بسويها ولا باخذ قرض عشان سفر بس بنهاية المفروض الانسان يكون عنده عقل وتدبير لاموره يعني مثل سخص ويانه بالشغل اخذ قرض هو وزوجته 16 الف دينار الزوجة معاشها 800 تقريبا ما مضت حتى سنة الا مفنشينهم عاد يقول علينا قرض اساله ويش سويت فيه قال سفر وواحين تعال شوفه يطر الفلس

أحترم كل الآراء
لكن بالنسبة لي السفر شي ضروري
حتى لو تسلف يكون بالشي المعقول
مو ياخذ قرض يسدده 5 سنوات
مثلا يسوي جمعية ويستلمها ويطير او عنده فيزا كارد ويسددها اشوي اشوي
في أماكن رخيصة ومجهولة للناس ولازم ياعالم تخططون إلى الرحلة واتشوفون أسعار التذاكر وتسألون اللي سافرو الى المكان اللي بتسافرونه يعني تسوون تخطيط كامل بالمصاريف
افضل السفر من دون الأولاد حتى لو طلعت سناسينهم من لصياح لأنهم بيكبرون وبيستانسون ويه ازواجهم
افضل وقت للسفر في وقت المدارس يكون كل مكان رخيص
الله يوفق الجميع ...

تخلى عن أنانيتك شوي
وفرح جهالك

الوحدة اللي تسافر بدون جهالها تكون انانيه وماعندها رحمه كل همها ادوور في الشوارع تتسوق ولاتدري الجهال ويش فيهم ..

الصراحة مع احترامي لكل من يسافر بقرض من البنك و هذه خصوصيات يتحمل تبعاتها كل شخص معنى بالامر و لكن كوجهة نظر ربما انت ترتاح بضعة ايام في السفر و لكن بعد الرجوع تبقى تدفع في الاقساط مدة ربما طويلة و انت في حاجة لهذا المبلغ و لا سيما في هذه الظروف العسيرة اذن نصيحتي ان لا سفر بدين

الحمدلله ما نسافر ولا نبي نسافر بقروض وان شاء الله الله يغنينا ولا نخلي مكان

هالكلام يعني واحد من الاثنين
يا ما تسافر طول عمرك
او تسافر لما تكون شايب وساعتها تتحسر على ليش ما اقترضت وسافرت في شبابك
عل عموم فيه خيار عجيب السفر منخفظ التكلفة
ابحثوا في ال backpacking و couch surfing و low budget trips

كل واحد على حسب مقدرته وظروفه اللي يريحه يقترض ويسافر سفرة عدلة هو حر في نفسه واللي ما يناسبه يسكت ولا يقعد يتفلسف اعم شي لا يقول للناس والمقربين ان السفرة قرض يروح ساكت ويرجع ساكت ويدفع قرضه واهوة ساكت لان اذا درت الناس بيلومونه واخر شي بعد ما بيدفعون عنه ديونه وسلامتكم عودا حميداً

اذا كان القرض للسفر ما اظن ان الواحد بكامل قواه العقليه يقترض علشان يسافر يرفه عن قلبه وهوه في الاخير بيدفع الي اقترضه سنوات للبنك

ونجدد هذه الدعوه وهي انشاء مصرف/بنك متطور يقدم خدمات جليلةوساميةوهو(مصرف القرض الحسن)أو وحدةمصرفية داخل بنك،ومصرف القرض الحسن هو مشروع انساني واسلامي وهو اقراض العميل من دون الربحية بحيث يحصرعلى اﻷقل لفئةذوي الدخل المحدود،ومن هم تحت خط الفقر/المعسرين والذين يريدون أن ينأوا بعيدا عن المعاملات المصرفيةالربويةالمتعفنة وهم عدد كبير ما يساهم من رفع معاناتهم ومعوقاتهم اﻻقتصادية وتعزيزهم إلى أفضل الحاﻻت،ويمكن اﻻستفادةمن تجربةبعض الدول القريبة التي يتمتع مواطنوها من مثل هذه المصارف.
(علقت تحت زائر 36)

السفر من الأمور الكمالية مو الأساسية
فيه أمور أهم
اذا كلش ضايقه الوسيعة ، أسافر بيت الله بمبلغ بسيط و ما أخم السوق أحاسب أهم شيء ، هي راحة نفسية و هي قرب من رب العالمين و هي مساحة للتنفيس و تغير الجو حتى لو كانت اسبوع أو أقل

اذا كان للحج فذلك جيد

أحيانا قد يبدوا أقربائك غاضبين عليك وليسوا راضين عنك بصورة دائمة وقد تتعجب من السبب ولا تعرفه! فأغلب الظن أن السبب لذلك هو أنهم يريدون المال وقد يكونون فعلا بأمس الحاجة للمال ويستحقونه! فأوسع صدرك لهم وإبدأهم بالإحسان دون أن يسألوا!
يقول الله جل جلاله: (فهل عسيتم إن توليتم أن تفسدوا في الأرض وتقطعوا أرحامكم أولئك الذين لعنهم الله فأصمهم وأعمى أبصارهم).
وورد عن الإمام الصادق (ع) : صل رحمك ولو بشربةٍ من ماء ، وأفضل ما يُوصل به الرحم كفّ الأذى عنها. وصلة الرحم منسأةٌ في الأجل.

في هذه الضروف الصعبة التي يمر فيها الناس وإرتفاع الأسعار!
قد يتغير بعض الناس المقربين لنا ويبدون لنا أنهم غاضبين وليسوا راضين على من حولهم بصورة دائمة مما يؤدي إلى نفور أقربائهم بعيدا عنهم وعدم توافر الوقت لدى أقربائهم لهم!
وقد يقومون بتجاوز حدود اللباقة والشتم وحتى القذف وحتى أذية أقربائهم وقطع أرحامهم ليقبلوا بأكل الحرام وتدمير شرفهم وشرف أزواجهم!
وقد نستعجب من تصرفاتهم التي يحاولون أن يبررونها ببعض باللغو من الأعذار!
أوسع صدرك لهم وإبدأهم بالإحسان دون أن يسألوا وتفهم أوضاعهم الصعبة!

السبب لهذا الغضب من بعض الأقرباء أنهم يريدون المال! عشان الفلوس!

هرار اللي يقترض عشان يسافر ... يبي بس يفوشر ... منو يطيق يتحمل دين عشان شي مثل السفر... جمع لك جمن بيزة وسافر على قدك ... اما تقترض عشان تعيش شي مو على قد لحافك يعتبر جهالة عقل

انا ماخد قرض للزواج وتعديل باقي الشقه هالسنه توي جم شهر ادفع في القرض ومتنذم قد شعر راسي اليوم تاريخ 7 والراتب مابقى الا ربع الراتب
الله كريم شالواحد يسوي في هالديره خيرها لغيرها

في مقول تقال
عشقت السفر من غدر البشر
يعني لو ماعندي اتسلف واسافر
حسبي الله ونعم الوكيل

غلطان و بقعد طول عمرة مايملك شي
مااختلفنا المفروض يكون نفسة اول بعدين يتمتع باللي يبي
او عالاقل يجمع له و يسافر لانه القروض عليها فؤائد اكثر منها

صراحة السلف والاقتراض من اجل الكماليات بداية لانهيار مؤسسة الاسرة
السبب الاول هو النساء والمفوشر والمطالع
لو كل واحد عاش على قد ميزانيته بيقدر يسافر في وقت من الأوقات بدون دين

يقتل نفسه بالديون طبعا

اضهرت دراسة ان الاشخاص الذين يعيشون في دوامة الديون والقروض هم اكثر الناس سعادة واستمتاعا في الحياة واطول عمرا .

ممكن تقول لنا اسم الدراسة و متى نشرت يعني بالمختصر عطنا المصدر

من قبل كنت غير مؤيد الاقتراض من البنوك ولما احتجت رحت الي من يقرض الله قرضا حسن ودلين قلة و قاسو الامريين من المقترضيين فبطلو يعطو الحل البنك الي يعطي لبقاء نصف الراتب وجربنا و شفناها حلوة لذلك خذو و لا تترددوو وخاصتا القرض مؤمن .

المهم أسافر أساغر أسافر..... و ارتاح مع الشلة.
وا متع الخاطر الخاطر الخاطر.... عن جدر الباجلة.

مد رجولك على قد الحافك

كل واحد له ظروف والتزامات خاصة وميول خاصة ايضا فتجده لا يميل حتى للسفر. اعتقد بأن كل واحد يقدر وضعه الاقتصادي والاجتماعي والتزاماته. هناك عدة عوامل والشخص ابخص بنفسه والافضل تقديم الالويات الملحة على السفر اذا كانت هناك ضغوضات مالية مترتبه على السفر.الله يرزق الجميع

لا أؤيد الاقتراض بمبلغ كبير للسفر
لكن لو كان قادر على تسديد المبلغ خلال شهر او شهرين او حتى ثلاثة
فليست هناك مشكلة
أحياناً لا يتوفر المبلغ حالاً ولكن الوقت ملائم للسفر
فلا ضرر لو عمل جمعية أو اقترض من أحد
لكن الاقتراض من البنوك لا أؤيده

شي مو مهم يعني انك تسافر
ما عندك اقعد مكانك .. لو كل من طق طبلة قلت انت قبله
تشترك في جمعية و بعدين تاخذها و تسافر اوكي ... اكو تسافر بفلوسك يعني
اما تاخذ قرض قرض عشان سفر لا ما يستاهل الموضوع

السفر للترفيه وراحة البال
مو وناسه جم يوم أحط ديون في رقبتي لين اموت

ماليه داعي يقترض ويؤذي روحه عشان چم يوم؛ نعم إذا كان السفر حالة كلش ضرورية وملحة يتوقف عليها مصير أمر من اﻻمور ديك الساعة بعد من نقدر نقول شئ ياخذ قرض وقرضين ويسلف ! أما بروح يسافر بس سمنديقا ﻻ أنا أقول خلك في ديرتك مع أهلك وعساك ما سافرت طول عمرك..
مع خالص تحياتي،،،
..الفقير..

لا اؤيد الاقتراض اؤيد الجمعية و ما فيها شي الواحد يسافر بين فترة و فترة من رده. مدفون

المثل يقول ماعنده عشا يتعشى عنده بقل يتجشى هذا حال بعض الناس ما عنده ياكل يسلف عشان يفوشر

عادي بالعكس اشجع هالشي على الاقل يستخدمه للترويح عن نفسه وتغييره جوه
اغلب اللي اعرفهم يضبطون جمعيتهم شهر الي بيسافرون سواء زيارة او سياحة

الاقتراض غير محمود للسفر ولا اؤيده بشدة .. ان مسالة صرف مدخراتنا او ما تبقى في رصيدنا من اجل السفر والراحة تجعل من السفر قضية للنقاش في بيتنا بين مؤيد ومعارض .. لم يتم السحم فيها الى الان :)

اللي ياخذ قرض عشان زواج او بناء بيت او شراء سيارة هذا مافيه إشكال ، لأنه شي بيدوم وبيستمر معاه لسنوات .. أما اللي ياخذ قرض عشان ترفيه وسفر وشراء كماليات ماليها داعي .. هذا الصراحة ...كامل ...
تحياتي .. العصفور

لا أؤيد بشدة .. السفر هو للاستجمام وتغيير الجو.. تعدل نفسيتك اسبوع وتخربها بالديون سنين؟ ..
اذا تبي تسافر ودخلك بسيط .. تعلم الادخار..

يا جماعة نصيحة لوجه الله وان شاء الله احد المسؤلين يشوف نصيحتي..المفروض يمنعون البنات الي يسافرون بدون رجال ترى الي بصير برة ما ينسكت عنه ..واتمنى من الوسط تحط استفتاءاستفتاء عن البنات الي يسافرون بروحهم.وبتشوفون البلاوي الي تنقال..

اقعد في بيتي أكرم ليي من اخلي ديون فوقي زياده حبيت اسافر أجمع فلوس على قد فلوسي بسافر
مد ارجولك على قد لحافك

طيب ايه الحل لو الانسان بياخد حقه يقدر يعيش حياته بدون ديون بس الظروف بتفرض عليه امور كتير الان مثلا الفرق كبير بين المرتب والاسعار ما. في نسبه وتناسب من اكل وشرب ومدارس وبترول وو. وووووووووواشياء انتم تعرفوها ولكن الحمد لله الحمد لله

اني اقترضت مبلغ ستة الالف دينار وطرت ويه زوجي اوربا واستانسنا حدنا وادا خلص القرض بجدد وبسافر ..اهم شي نستانس جم مرة بنعيش ..حلمي اروح كل مكان في العالم ..ولفلوس وسخ دنيا

الفلوس وسخ دنيا انت غلطان الفلوس وسيله لتعيش حياتك لو كانت الفلوس علي قولك وسخ دنيا عطني وياها باشوف كلام بس لو فعل

بالنسبة لي على حسب ظرفي و لكن الجمعية الاهلية هي افضل شي . لكن ما اعارض اللي ياخذ القرض من أجل السفر بس في الجانب الاخر ما يعد القرض عامل من عوامل الانهاك بالنسبة للفرد بمعنى قسط بمبلغ صغير و لسنوات قليلة ممكن

ام عبدالعزيز - كرباباد
لا يجوز ان نقول ان الفلوس وسخ دنيا لأنه هو زينة الحياة الدنيا(المال والبنون زينة الحياة الدنيا)
المال يجلب الراحة والحياة الكريمة وليس السعادة ..
وهو ضروري للمعيشة الكريمة بعيدا عن الذل والمهانة لكنه لايجلب السعادة والراحة النفسية فكم من فقير سعيد وكم من غني تعيس ..
لوكنت مريض وميئوس من شفائك ومرضك لاعلاج له ..لن ينفعك المال ولن يجلب لك الصحة ولن يصلح المال ماأفسد الدهر ..

أكبر غباء من يقترض ليسافر و سمعنا في ناس تاخذ قرض ربوي عشان تروح الحج ، خش حجة !!

مستحيل اسافر بفلوس سلف لو على قص رقبتي ومستحيل احمل زوجي هذا الهم وارهق ميزانيتنا عشان سفر كل سنه نسوى جمعيه مخصصه للسفر وبلا سلف بلا هم

لا يستدعى موضوع السفر الأقتراض لا من البنك ولا من اى شخص

للأسف هذا الواقع!
المجتمع يحتاج لتوعية وإدراك أكثر للواقع. لكن حب التباهي والأستعراض عبر وسائل التواصلل الاجتماعي مثل الانستقرام وسناب چات. مو بس عالسفر.. حتى على الأكل.. تعال إدفع دينار عشان بيضة مقلية بـ 4 آنات. وغيرها وغيرها..

انا اقوله عيش الشباب ما بيرجع و لا الصحه، البيزات مو وصخ دنيا اهيه نعمه لنتمتع فيها..ولكن طبعا مو بجنون..وانا اشجع على الجمعيات للسفر..وسافر على قدك مو فشار تموت يوع

ولد زويد
يقولون..( الفلوس وسخ الدنيا )
والله يقول ( المال والبنون زينة الحياة الدنيا )
مشكلة الناس منزهقة أمجودين كلة على الزيارات الدينية ما يدرون انه هناك أماكن في العالم مناظر خلابة وجميلة.

هههههه تضحكون والله انا لفيت من لروبا لتركيا ومصر ولفيت اماكن واجد واخواتي بالمثل لكن يتم العشق للزيارات الدينية عبالكم يعني الي يروح الزيارات ما يعرف للامكان الثانية يعني لا كثير من العوائل الي ويانه كزرت سنوات يروحون فرنسا ولندن وغيرها لكن مهما لفوا وداروا عمرهم ما يبتعدون عن هالزيارات هي صمام الروح اني السنة خيرت بين تايلند وماليزيا ورجحت زيارة الرضا ومو ندمانة وقبل سنتين خيرت بيت زيارة الرضا وجورجيا واخترت الزيارة ولو خيروني الف مرة باختار الزيارة هالاحساس الي يفكرك تفكيك ما بيحس فيه

وعلى فكرة الي يروحون الاماكن الي تسميها فيها طبيعة خلابة هم الي منزهقين وحالتهم حالة خاصة اذا يروحون اول مرة هههههه لا ويرجع ويفوشر ويتفلسف على الي يروح الزيارات ترى احنه في سفرات الزيارة يمكن ندفع اكثر منهم يعني نقدر مو ما نقدر بس للقلب حالات

في خيار ثالث انه يعيش حياته ويسافر قد فلوسه مو لازم يقترض اصلاً السفر مو لازم له فلوس واجد وقروض ادا تبي السفر الصدق تعيش مثل معيشة الناس اللي بتروح ليهم ومعظمهم حياتهم صعبة ولاهي مترفه ومرفهه مثلنا وتكاليف معيشتهم مو قدنه هم لين بيجون عندنا بيعانون مو احنه.

لو الفلوس وصخ دنيا
ما تصارعتون عشانها
بدون الفلوس ماتقدر تعيش تأكل تشرب تسكن تلبس تدرس وعشان الفلوس تشتغل

ما تسوى

اللي يأخذ قرض خله يفكر أول لانه مو بس يدفن نفسه الا يسوي ليه بئر و يهد روحه فيه

دفان دفان

اكيد يدفن نفسه لأنه فقيروو يبي يصير حاله من حال البشر يعيش ادمي مو .......يصير في خاطره ويتحسر ينجبر ياخذ قرض علشان اجوف الدنياة شوي بس في الأخير ما يسوى عليه لأنه بيستانس فقيرو شهر وبينعصر وبيتنتف 7 سنوات هذا اذا ما جدد القرض بعد الله ليك يا فقيرر

الناس الصيح كله مفلسين بس من اتجي العطله الصيفية شالو اشناطهم وسافرو تستغرب ليش الفشخرة الكذابة
اجيك قهر اذا ساعدت احد وقدمت له العون وتحرم اولادك من السفر وهو يبكي ويصيح باانه مديون وماعنده بيزات
وماجي العطله الصيفية شالوا شناطهم هو وعياله وسافروا
انا اقول عليهم بالف عافية لكن لايرز وجهة ويتسلف

لا

مشكلت الناس مطالع وأفشار العائلة الفلانة سافرت احنا لازم انسافر صدقوني دفعت إلى أطفالى 1000 دينار لمدة أسبوعين بس كانو نايمين في الفندق خطأ ودرس تعلمت منة ولايمكن أكرر نفس الاخطآ في المستقبل

أولويات البيت والأولاد ضرورة

من الضروري أن يعيش الإنسان في مكان يرتاح فيه مع أسرته فبدلا من إنفاق الأموال على السفر في كل عام على الإنسان أن يبني له منزلا أو يتم الاستفادة من المبلغ في الصيانة أو الدراسة أما السفر فإنني أراه ليس ضروريا بسكل سنوي وإنما كل 3 أو4 سنواصل

حقيقة
المسالة من ناحية علمية واقتصادية
تعتبر هدر للمال
ولكن من ناحية نفسية وثقافية
المال خلق من أجل راحتنا
والكل في هذه الحياة مديون
ولا فرق حين إذن لإضافة دين على دين
ما دام هناك سعادة ووجود

سوبر لايك

اتفق معك وبشدة

الرجال لايقومون بأنفسهم بالاقتراض من اجل السفر الا لضرورة مثل العلاج اما النساء وبسبب ......... وحبهن للمفوشر فهن من يفعلن ذلك ولا يقترض الرجل الا بسبب الضغط الشديد والحنة الزائدة من زوجته التي دائما تقارن نفسها بصديقاتها والاخرين. بعض النساء تجبر زوجها الفقير على السفر الغير ضروري فقط للمفوشر في لسناب چات والانستغرام . اما الرجل فهو يسافر لأمور معقولة وضرورية مثل العلاج والدراسة . ثم تبدأ بعد انتهاء السفر في الحنة من جديد بسبب احتياجها للفلوس في أمور المدرسة وثياب الاطفال ولكن لاينفع الندم

ولد البلاد

الحمدلله على كل حال انا شخصيا صارلي خمس سنوات ماسافرت صادني البنيان وشوي مصاريف زايده وبرغم من حبي لسفر إلا أني مستعد ما اسافر طول عمري ولا اتدين فلس واحد الحمد لله ماعلي اي ديون وعايش مرتاح

في ناس وااااجددد جدي
يقترضون عشان يسافرون
وعقب يقولون الحياة صعبه وعلينا قروض
أو اللي ما تخلي إجازة ربيع صيف عمال جمعه وسبت تأخذ مرضيه وتغيب يومين وراهم جمعه وسبت عشان سفرة صغيره وبالخش والدش
وعقب تقعد تتحلطم ماعندي فلوس غسالتي خراب هدي صارت قدام عيوني

طبعا اا لا
بس اعرف وحده اتقول يقترض زوجها أو تقترض عشان يسافرون
وكانت تعيب عليي اني ما أسافر خخخ
وكنت ارد عليها
اقترضي فرحة أسبوعين عشان تدفعين فيه ثلاث أو أربع سنوات

لا اجد اي مشكله في اخد قرض او الدخول في جمعية من اجل السفر ، الشخص يحتاج يرفه عن نفسه بين فتره وفتره، ان كان قسط القرض او الجمعيه مابسبب لي اي احراج فما المانع منه، اختصر المسأله بدل تجميع المبلغ لسنه او سنتين لأجل سفره معينة..

عدة طرق للسفر مثﻵ اسافر لوحدي زوجتي تسافر مع اهلها ايكون المصاريف اخف بدل السفر جميع ويكون التكلفة باهظة الثمن

فكرة عبقرية

لا أنصح بالقروض مطلقا و لأي سبب، البنوك و اصحاب البنوك يرتفعون على ظهورنا، و الا ياخذون قروض ما يترقعون

كثير من الناس يشتكون بأن ما عندهم وانهم مفلسين وبعدين يسافرون وسفرات غاليه والمشكله انهم طول السنه يقولون ماعندي ومافي فلوس ويعيشون كأنهم على باب الله. يعني الواحد لازم يحمد ربه مو طول السنه يقول ماعندي وهو عنده بلاولي او العكس ما عنده ويتسلف عشان يسافر عاد هذا يبغي له رد واحد يقول له انت كذاب اذا ماعندك ليش تسافر او تغير سيارتك كل سنتين او تشتري موتر سيكل مجرد للتسليه او تغير تلفونك كل كم شهر. بس في ناس كلش ما تصرف والله لو بموت ما يطلع فلس من جيبه ويصرف ويفوشر من جيب زوجته وعزايم على حسابها

إن كان السفر مع العائله فلا باس من الاقتراض خصوصا اذا كان الراتب متوسط او عالي,عن نفسي اقترضت عدة مرات من عدة بنوك و لكن قروضي لم تذهب سدى,القرض الاول لبناء الفيلا و الثاني لعلاج والدتي و اخر مره لشراء سيارات لابنائي و زوجتي بعد اكتمال الفيلا,و لاني اتقاضى راتب عالي فلا ضير

نصبحتي للاخوة ولوجه الله ان لازم بسافرون على الاقل في السنة مرة يطلعون من الصحراء
سافروا سفرة منخفضة التكاليف انا واجد شفت في منتديات مثل المسافرين العرب تكلفة سفرة 3 الاف دينار ويوم رحت صرفت 350 دينار!!