نستقبل رسالة استلام الراتب في الهاتف وبعدها نستلم 5 رسائل من البنك .. يعني اذا رحنا للبنك مرة وحدة وسحبنا منه نحمد ربنا .. بعض الناس البنك يتعامل مع الراتب كامل .. ولو نفترض ان هذه القروض للرفاهية لعذرنا انفسنا .. الا ان هذه القروض للضروريات فقط .. نسكن في دولة كل السلع فيها نفس دول العالم او الخليج خصوصا ولكن رواتبنا اقل رواتب الخليج ..

الاسباب معروفه لقله البركه في الراتب منها اكل الربا وسببه القروض الشخصية ومطالع الناس والتقليد الاعمي

الناس تعيت كل شياء غالي والحياة صعبة وزاد الطين بلة سعر البترول مؤخرا 60% كانت كارثة على رؤوس الناس والكل ماكل تبت دخيل بالله تنتبه الحكومة حق هالناس والله في ناس مو لاقين ياكلون شيسوون والله الفقر كافر لو لا الواعز الديني لرايت ناس فقرارة تعرض اجسادها والله حرام انتبوه يامسئولين للفقارة والله فيه ناس مرضى بسبب التخمة وغاضين الطرف عن المحتاجين .اللي قاعد ايصير حرام. حرام.حرام

الراتب...
ريحته مثل العطر و بعدين يتبخر مثل الهوا

الله يرزقنا الحلال الكثير

الحمدلله لله رب العالمين
الراتب الشهري كالتالي القرض الإجار الروضه فواتير الكهرباء الإنترنت التلفون تغسيل السيارة حفاضات حليب بترول. ....وووو حدى خمسه أيام. الله يكون بلعون.

للأسف عقب اسبوعين يخلص الراتب مع انه احاول قدر الامكان اصرف للاشياء الضرورية فقط.
الراتب قليل والاسعار مرتفعة.
الحمدلله على كل حال

هذا حال كل مواطن بحريني
ادخار ما في بتاتا
الراتب حدة 5 ايام
مصاريف كثرت بترول، تلفونات، ماجلة البيت، كهرباء، جمعيات، مطاعم، روضة، مدارس، عيد.. الخ
بله عليك حالة شعب يبي شاي يروح يشتري له شاي كرك ب3 دنانير او كوفي او كابتشينو
بيشتري له قرص بيض مقلي ب 1.500 دينار ما عندكم مطبخ في البيت او الشقة؟؟!

أنا بصراحة و لا أفكّر بتاريخ الراتب و يمر علي ذاك اليوم و لا كأنه شي أصلا نسيت تاريخ 26
هذا لأني مقطوع الراتب لسنة و نصف و الله المعين بس و الله صمووووود

لقطري يقول للبحريني :راتبي بالدينار
900 أساسي
و 500 بدل سكن
و 300مواصلات
و 200 بدل ماي
************
قال البحريني: أنا 250
قال لقطري: بدل وش هذي
قال: بدل طرارة

أي والله بدل طرارة المعاش قبل لا ينزل موزع العيشة مر حتى أغراض المدرسة موقادرة اخد نخاف تجينا مناسبة كل شيء يبى ليه فلوس

كل ما ذكر من الأسباب صحيح
التضخم المتسارع بشكل جنوني للأسعار منذ أكثر من ١٠ سنوات إضافة إلى ذلك اختلاف نمط الحياة و سوء التدبير أحياناً و مواكبة الموضة و الخجل من تعليقات الناس و جشع أصحاب الأعمال و التقشف الأخير في الموازنة.

لازم الواحد يحاسب لمصروفاته ويحاول قد ما يقدر يوفر لنهاية الشهر لو 10 دينار عيالنا يحتاجون في المستقبل قللو المصروفات وسوو جدول لمصروفاتكم صدقوني بتوفرون والله يساعد الجميع

انا متقاعد وعمري 65 سنه وعليي ديون حوالي عشرين ألف منها 15 الف قرض بنك بسبب ترميم البيت وآخرها 5 آلاف من التسهيلات وهم 4 الآف فاتورة الكهرباء مرات ادفع ومرات ما اتمكن وزادت الضريبه والارباح ومتوهق والباقي من راتبي حتى مصروف يوم ما يكفي والصندوق الخيري يعطينا سلة المبرات الخيريه كل شهرين وعايش في اطبيلة بعد ماراح البيت وانا عندي بنات ثنتين ويطلبون لكن ما باليد حيلة إلا الصبر حتى يفعل الله ما يشاء والله الطف وارحم

بالنسبة لي ادفع جميع المستحقات اللي علي وعقب يبقى من الراتب
1.220
وهذا الحال كل شر
الله يعينه

اللي راتبه اقل من 600 دينار لازم يأخذ له وحده تشتغل، اقل من ٦٠٠ ما يفتح بيت.
اللي ما يقدر على اقساط قرض وأجار شقه لا يتزوج
اكثر من اثنين عيال لا تجيبون
غير چذي بتتغربلون وبتفلسون

المشكلة هي الفرق الكبير بين زيادة الأسعار و زيادة الراتب و الأسعار أصبحت مثل الطقس حار نار و بالله المستعان بالإضافة لضعف الرقابة على التجار (كل تاجر يرفع السعر و المواطن دايخ)

اللي راتبه 250
لا تجيبون درزن اولاد وبعدها تصيحون
الواحد يجيب اولاد بالعقل
حدكم ثنين او ثلاث

اقتراح للحكومة الموقره
ليش ما اتخصص الحكومة مبلغ سنوي لكل أسره لمصاريف المدارس و اﻻعياد و رمضان فقط تدفع مره كل سنه.

ادعوا الله يبارك بالراتب ... واتبعوها بالصدقة .... وشوف كيف راح يتغير معك الوضع

تخطيط

نعم يوجد كثير من الناس الراتب لايكفي لاكن يوجد الكثير من الناس من يملك الأرصدة في البنوك ويبكي الحمد لله على كل حال

اي والله امس نزل الراتب ( وبنفس الوقت رجعت الفلوس لاصحابها عليي ديون ) والحين مخبايي مافيه ولا شي ( الحمدلله على كل حال )

يوم الجمعه
يتريقون الناس على بيضه مقليه وفاصوليا ما عندكم ببيوتكم وعقب تقولون مفلسين لو اللي قاعدين بالقهاوي والكوفي كان من قبل فاضي نوعا ما الحسن ما يحصل الواحد مكان وتقولون الفلوس خلصت

الفلوس لي خذتها طبيعي ترجعها ولي عليه قرض صرف افلوس القرض لو تبغي قرض وما تدفع