الشيب وقار
والصبغ حريه شخصيه وحلو الزوج يصبغ لحيته بين فترت وفتره يجدد من نفسه عشان زوجته

لا يصلح العطار ما أفسده الدهر

الصبغ حرية شخصية ..

الهم الى فى الديرة الشباب فى سن العشرين شعرهم كله شيب المشتكى لله

وش فيه عادي

بالنسبة لي الرجال اللي يصبغ و خصوصا اذا كان كبير يصير قبيح عكس اذا بالشيب حده رزه و هيبه

يمكن يريد ايتزوج صغيرة

اشفيه الصبغ عادي خل يصبغ الشيب و يطلع منظر يريح نفسيته
رغم انه في شياب مو حلو عليهم الصبغ لكن هو عاجبه

الحضاب مستحب وزينة للرجل كما هو للمرأة ولكن إختر اللون المناسب لسنك لكي لا تصبح شاذ وملفت للنظر

عادي خله يصبغ ويتشبب وين المشكلة يعني والله حالة كل شي معترضين عليه دعوا الخلق للخالق دام ما يضر احد ولا يرتكب معصية جت عليه يعني اكو يحطون سلاسل وخلاخل

خل يصبغون و يتشببون،صراحة الشيب غازي البحرينيين على صغر سنهم،اذا زوجي يصبغ يرجع ١٠ سنوات ورى،مع انه في نهاية الثلاثين لكن الشيب تارس شعره و لحيته.

الشيب وقار وهيبة, الله يرحمه ابوي كان ما يصبغ ويهبل والله.
ما يعجبوني الي يصبغون كأنه حاطين فحم

عزيزي كلامك عدل بس ليس في منتصف العشرينات من العمر، بس تدري ليش غازي رؤس الشباب من القهر.

ضدهم
الشيب موجود تناتيش بس مااصبغ .
الله يهديهم البعض يخلي شنبه وش قده كأنه عمو شنبو ويصبغه اسود
يا اخي خف الشنب واصبغه اما تخليه كبير وشوي يغطي وجهك لا لا مي مقبولة هنمونة .

يا شياب وَيَا شباب الله ما يسوي شي الا فيه صلاح حق الناس وكل واحد لازم يرضي بله كتب رب العالمين يعني لا تخالف الطبيعه وخل الشيب يطّلع بتكون بعد جميل وبمناسبة الهندام والعطور الاصليه تري في محل في جدحفص يبيع عطورات اصليه من الوكيل ورخيصة

شنو اسم هالمحل؟

البيان في سوق جدحفص

صحيح .. وين المحل

وين في جدحفص وشنو اكاونتهم على الانستقرام

مب مؤيد للصبغة الشعر والشوارب بسبب عقدة الالوان ومدة اطول لاتعديل وتسريح الصباغة

ان الله جميل يحب الجمال .... كل شي جميل يبعث على السعاده والامل والعكس كل شي كريه يبعث على اليأس والكأبه . والشي اللي يزيد عن حده ينقلب ضده
الاتزان بالتجمل شي جميل ونشجع عليه سواء كان صبغ او تطيب او اي شي اخر و
الجهالووو اللي للحين ماعندهم شعرة بيضه لايتكلمون بالموضوع ورايهم صغنووون مثل مخهم هههههه

العصر مجرد رقم ..

وهل يصلح العطار ما أفسد الدهر

مافيه اي مشكلة عادي
اكو النسوان يصبغون الشيب في شعرهم

مستحب استحباب مؤكد تخضيب اللحيه ، فهذا ما ورد عن النبي و اهل بيته الأطهار

أنا ما فيني شيب بس لصبغ لحيتي كل اسبوعين اغمقها يصير الشكل شوي مرتب .. اما بخصوص الشيب فقلت للحلاق ان يجيب صبغ ابيض نصبغ كم شعره بيضا في اللحية عشان نتعود على الشيب بس الله يهديه للحين ما جاب صبغ ابيض

صباغة الشعر او ذقن راح يساعد على زيادة انتشار الشيب وهالايام وايد اشوف شباب فيهم شيب واعمارهم في العشرين او اقل

ذهب الشباب فما له من عودة **** وأتى المشيب فأين منه المهرب
------
سلام الله عليك يا سيدي ويا مولاي يا أمير المؤمين الإمام علي بن أبي طالب كلامك درر وفي الصميم

السؤال ... هل الصبغ الاسود هو نفسه الخضاب؟

لا عزيزي
الخضاب هو الحناء والصبغ صبغ ويأتي عدة الوان منه الأسود والأشقر وغير

أنا ما أصبغ، بس هذا حرية شخصية.

ههههههه احنا بنغير الموضوع شرايكم في الرجل الأقرع ؟

صراحة
أحسن لك إذا راسك قرعة ومافيه شعر - بدل ما تروح كل اسبوع المحسن وتتحسن وتخسر لك من 5 إلى 10 ربيات
ههههههه

أنا أصبغ
مو غلط ولا عيب بالعكس لما تصبغ تحس نفسك نشيط وتحس روحك شباب ويكبر عندك الأمل في الحياة وتحس في نفسك التجديد وطبعاً الكلام اللي أقوله تأثيره معنوي وينعكس على النفسية بشكل أيجابي ونصيحتي للشباب بالتجديد دائماً عشان حتى الزوجة ترتاح نفسياً وما تحس روحها مأخذة شيبة وأنصمت فيه ولا سمح الله تراجع حساباتها في موضوع علاقتها بزوجها خصوصاً إذا كان الزوج أكبر منها بكثير

ماشاءالله
البارحة امناقشينة في لقروب او طلعلنة واحد من الشياب اب حل يقول عليكم ب الخميرة في كوب ماء او شربة والله ماني عارف مقلب خايف اشربلي كوب او انتفخ وأصير مثل الكيكة يبيلي أشوف واحد أخلية كبش فداء او اجربة فية.

صح،ذكرتني بالمعلومة
اني من قبل سمعت من مختص انه الخميرة الحية مثل اللي في المخابز،روح خل يعطونك قطعة

لا حول ولا قوة الا بالله , ذكرتوني برواية عن أمير المؤمنين علي سلام الله عليه كان يقول لمجموعة من الناس ( سلوني قبل أن تفقدوني ) وقف له رجل أحمق يسأله كم شعره ف ذقنه ؟ ! , هناك مواضيع أكثر أهمية ..............................................

شكله إلي طارح الموضوع شيب
ومتردد
وخجلان
انا من المؤيدين لك اصبغه من الان لان البعض الناس تعتاد عليه شيبه عشر سنوان وبعدين كأنه حاط ليه فحمه سوداء

ولد زويد
لا أؤيد صبغ الشعر للرجال ولا بس للنساء خلو عندكم قدوة في بابا نويل أو ما يسمى (سنتكلوس) يوزع الهدايا في الكرسمس لابس ثياب حمراء اللون وشعره كله أبيض هههههههههههههههه الشيب وقار يا رجال

بابا نويل شعره مو أبيض، هذا من زود الثلج الناعم اللي طايح عليه في ديسمبر

هههههههههههههههه
أي والله لعن الله الشاك

زائر 4
ماشاء الله عليك والله يزيدك من خيره صراحة ذكرتني بصديقي علي جعفر ....الله يذكره بالخير كان كله كاشخ
ويحب العطور والسيارات الكشخة.. صراحة في بعض الناس الله يبارك فيهم مسوي روحه كشخة وتلاقيه صابغ
شنه ولحيته وفي عز الصيف يا يلبس له ثوب ازرق أو اصفر كأنه كركم والغترة مب مكوية والثوب مكرفس ومن
يدخل عليك المكتب تلاقيه معرق وحالته لله وحاط له خنة حزرة وفي يده مسباح ولين قعد صوبك دور راسك.

والله سؤال غريب
يعني تيونه يصبغ شعره باللون الأبيض !!

كيفه هههههههههه
كل واحد حر يصبغ يحلق أهم شي يكون نظيف ومرتب

العكس المراة اذا جافت ريلها الخليجي متهندم وثوب وعطر وصبغ اسود .. ما بتطالع غيره وبتحبه اكثر .
مثل ما تحبون نسوانكم شباب هم بعد يحبون الاعتدال

انا امرأه ولااحب الصبغ .. افضل اللون الطبيعي لشعري

كتب الله علي ان ارى الشيب من صغري… ولكن نظرة الناس كلما رأوني قالو امسويه روحش عجوز صبغي شعرش .. بالمختصر يعني لو انا رضيت بالشيب غيري مايرضيه ويبيلينا بعقد حتى ننتظطر لصبغ الشيب…

اسمحي ليي،الشيب يشوه
جربي تصبغين و شوفي الفرق،بتتغيرين عدل و بترجعين ١٠ سنين ورى

ليش ما يحلق ويبين نظيف احسن

ليش الواحد مايصبغ.
مثلي الأعلى الممثل الكبير سمير غانم.

لابس باروكة ....

مثلك الأعلى لابس باروكة هههههههههههههههه

له أفلام قديمة يبين أصلع كامل

الفنان الكبير سمير غانم صحيح يلبس باروكة لكن ميزته انه قوي ولازال يمثل على المسرح كأنه شاب في الأربعين.
وفوق كل شىء ازگرت ولا يبين عليه أنه فوق السبعين.

عادي لكي يتحلى في جمال وجه ولكي لايطلع الشيب ويغطيه

الشيب جمال لرجل… الله يخلي والدي ماعمري رايته خضب شاربه او شعره

الله يساعدنا من صغرنا اتعلمنا على الصبغ لكوني امرأه فلابد من التجمل واخفاء الشيب…

في هناك بعض العوائل يظهر ليهم الشيب في سن الشباب يعني لازم يصبغون و على طول ... بالنسبة للرجال العاديين اللي يظهر ليهم الشيب بداية الخمسين أتوقع مافيها شي لو صبغ ... أصلا الاسلام حثنا على التحسين من أشكالنا و مثل ما الرجال يحب يشوف المرأة بمظهر الشباب المرأة بعد

صباغة الشعر خصوصا الذقن والشنب شغلة قديمة وخضابي بعرصة كربلا ماريد انا خضاب

اطلق على اصدقائي العجوز الزقرت لتعلقي في شراء اجود انواع الثياب و الاحذيه و من افخم الماركات بما فيها العطورات,احلق لحيتي و اصبغ شعري و اهتم بمظهري و استحم كل يوم 3 الى 4 مرات في فصل الصيف,ابنائي و بناتي و خصوصا الطبيبه يحلو لها النوم في حضني لتشم رائحتي لتتذكر طفولتها كنا تقول

الله يخليهم ويخليك ليهم وعليهم بالعافية ........ ياريت كل الرجال يكونون بهالطريقة

عادي،مافيها شي

اصبغ شعر رأسي و شاربي كل اسبوع,لا افضل تربية اللحيه و ازيلها اي احلقها كل يوم منذو كنت اعمل بشركة اتصالات عريقه النظافه و الهندام هو عنوان موظفيها حتى تقاعدت منها و درجت على هذه العاده,اتنظف و اتهندم لزوجتي و اشتري افخر انواع العطور كما هي ايضا تتنظف لي و تتهندم

مب تشبب

ما اعتقد تشبب ، أنا أعرف شياب يخجلون من الشيب ، الحين المشكله مو بس صبغ اللحيه والشنب ؛ لا السالفه امصخت قام يصبغ كلشي شعره ولحيته وشنبه وحياته وحتى يمكن رموش عينه !!! وفي المقابل تحصل جلدة جسمه ذايبه وتجاعيد ومتلتل جسمه من فوق ليه تحت ! الشيب وقار.

انا امرأة
ولكن يعجبني شكل الرجل عندما يصبغ ذقنه او لحيته ولكن المشكلة تكمن في قابلية ازدياد الشعر الابيض بعد التعود ع الصبغ