قال عدد من المواطنين إن شارع رقم 14 الممتد من مقبرة الإمام بجدحفص وصولاً إلى قرية طشان، يحوي أكثر من 150 سيارة مهجورة، مؤكدين أنه على رغم مخاطبة الجهات المختصة بالبلدية وأمانة العاصمة، إلا أن الأخيرة في سبات عميق، تاركة الأمر على حد قولهم، مما أدى لانتشار ظاهرة السيارات المهجورة في المنطقة.
وأضافوا أن الكثير من أصحاب ورش تصليح السيارات، مخالفون للقوانين والأنظمة المعمول بها، المختصة بإشغال الطرق العامة، وأن أغلب السيارات مهجورة منذ وقت طويل جدّاً؛ وأن مشكلة السيارات المهجورة أصبحت مصدر إزعاج، نتيجة انتشار القوارض والأفاعي بداخلها، فضلاً على أنها أصبحت تأخذ حيزاً من دون فائدة تذكر. وطالبوا الجهات المختصة، كالبلدية وأمانة العاصمة، بتطبيق القانون على الجميع من دون استثناء.
يذكر أنه في حال توقيف السيارات لمدة طويلة بالطريق العام، فإنها تعد مخالفة لقانون إشغال الطرق العامة رقم (2) لسنة 1996 ولائحته التنفيذية، وعملاً بأحكام المادة (14) من قانون إشغال الطرق العامة يعطي الحق للبلدية بإزالة هذا الإشغال بالطريق الإداري، ولا تسترد إلا بعد أداء ضعف رسم الإشغال المستحق من جميع نفقات الإزالة والمصروفات الإدارية الأخرى.
بارك الله فيهم واخيرا قررو يشيلونهم ويفكونا
من سنين نشكي عدم توافر الباركات وضيق المكان وكثرة القذارات بسبب هالسيارات وعقبال باقي الناس الي يقطون سياييرهم ف كل مكان وعساهم بهالحال واردى
دام مايبون السيارات خ يقطونهم ب اي سكراب بس ليش عافسين الديرة
هم مايبون السيارات واحنه نتاذى من قلة الباركات وغيره
ادعو البلدية لزيارة تفقدية في ازقة القرى وساحاتها حيث تكثر السيارات المهجورة و قوارب الصيد المركونة في اماكن تضيق علة الاهالي حركتهم
ادعوا الوسط لزيارة مدينة حمد دوار 2 مجمع 1204 وطريق 422
صوب البيت واجد سيارات خربانه وفاتح اليه كراج شاون سامحين اليه يفتح طريق 1943
حتى صوب بيتنا فيه سيارات سكراب وتالي ماتحصل لك بارك
تعال شوف منطقة الهملة الصناعية، أعزكم الله حيوان ما يقدر يعيش هناك مو بني آدم.
المفروض تزال كل هذه القمامة...المشكلة وعلى ما أعتقد أنها لأُناس لم يدفعوا تكاليف تصليح هذه السيارات لأصحاب الكراجات وتركوها هناك ونسيت...!
صراحة مو بس هالشارع احنا في الفريق واحد امسوي ليه كراج صوب بيتهم وذبحنا ماخذ باركات واجد وين عنه البلدية اولا مسوي الكراج على الرصيف الي صوب بيتهم و ثانيا السيارات الي يصلحهم في كل مكان مفلتين و ما في باركات للناس الي عايشة في الفريق لازم يطبق القانون على الكل مو ناس يسون ليهم مضلة في طوفة بيتهم جت البلدية اتخالف هالرجال المسكين الي يبغي ضلال لسيارته
عندكم يا جدحفص و عندنا في الرفاع خير نفس المشكلة السبب غير معروف سيارة في حي سكني صار لها أكثر من سنتين لم تتحرك و عزكم ألله الفئران و القطط ماخذين راحتهم في السيارة و الروائح الكريهة للعلم طريق 3944
الحق يقال سابقا البلدية كانت صارمة في هذا الامر
اما الآن حالها حال باقي الوزارات
قصدك الأعور على العميان باشه
ترضون اجي اخدهم كلهم بشيلهم ليكم كل السيارات أو بس بوديهم السكراب ابيعهم
حجي اذا شالتهم البلدية تقدر تدخل المزاد وتشتريهم ومن ثمه تبيعهم على قولتك على السكراب , اما بتشيلهم الان فتعتبر جريمة سرقة حسب قانون العقوبات الصادر.
مايقدرون عليهم ولااحد يقدر يشيلهم وهذلين من زمان وماخدين باركات على الفاضي والايام الجايه بتحدد اذا كانو يقدرون يشيلونهم وكل الي بسوونه لصقات من البلديه على السياره حق ازاله لاغير والكراج مابشيلها
اول ماتمه نقل سوق السبت من عند المستشفى الي موفعها الحالي اﻻن كانت براحت سوق السبت بها سياراث اكثر من دالك وتمه ايزاحه السيارات جميعها وفي خﻻل اسبوم ..
حتى يتسع المكان او البراحه للباعه المتجولين .. وحتى اﻻن البلدية بستطاعتها ايزاحه جميع السيارات ﻻكن هناك من داخل البلدية من يعارض ..
اقول جوف لك موضوع غير خل الناس اترزق الله ازيد سيارات صوب كراج
شارع 14 اسمه ويمتد من دوار الديه الصغير الى طشان نعم ويوجد براحه يطلق عليها مقبرة السيارات تكدس السيارت غير طبيعي في منطقتنا جدحفص كل الكراجات يركنون السيارت في هذة المنطقة لشهور طويلة وعذرهم بأن الزبون لم يأتي الى استلامها. هل يعقل ذلك!!!!!!
ليش تشكون على الفقاره اذا واحد ما عنده محل يعيش فيه حاله حال العالم وين تبي يوقف سيارته اذا ما يبي يبيعه يمكن يبي يصلحها اذا تبي تقدم شكوى على احد وفر ليه البديل ترى البلدية مشددين على الناس والله ملينه من تصرفاتهم الغير لائقة خاصه في جدحفص وما حولها
ما ليه داعي تخصص جدحفص. كل مكان في عفسة سيارات منتهية، وعلى البلدية ازالتها باسرع وقت ممكن. جدحفص متضررة اكثر من غيرها، ويجب تصحيح الامور واعادة التنظيم لهذه المدينة، فلا شوارع عدلة ولا باركات موجودة بسبب هالخمايم
اي والله حتى باركات مافي ذبحونا ياخدون سيارت حق تصليح ويهملونا سنين اتم محلها
معظم أصحاب السيارات معتقلون
الشارع رقمه ١٤ وليس ١٣