شوفو لكم حل ياوزارة الصحه المرضى تعبو
تروح المستشفى الساعه 9يقولون لك المواعيد خلصت
انروح مستشفى ثاني مايرضون يستقبلونه
والحل ااجل مرضي
يعني لوقت اللي فيه مواعيد

لا تقدير من الناس ولا من المسؤولين . . وش نسوي
الله لنا. . مع اني كلش احب شغلي بس لكن سنتين وشوي على العموم واقعد في البيت ..ما راح انتظر إلى التقاعد. . واعتقد ناس واجد تفكر نفسي.. لا الشغله وهمها تستاهل والله العظيم. ولا معاشنا يستاهل كل هذا الهم والتعب النفسي والجسدي ....وشكرا جزيلا لكم حتى للكارهين لنا

فعلا انا مثلش .. معن تخصصي من التخصصات المريحه نسبيا الله يعين اطباء المراكز

الشكوى لله. ساعات والله اغطي العياده من 7 إلى 2 بدون بريك ولا حتى فرصه أروح الحمام وانتوا بكرامه أو حتى أشرب ماء وما اصلي الا الساعه 2 واني من النوع الي اشرح وافهم واخذ وقت كافي مع كل المريض وهذا يتحرطم وهذا يبغي ويبغي وهذا يبغي يدش قبل الموعد وعندي هناك حاله طارئة وهذا يفتح الباب وبعدها أشوف هذا الحقد والكره والكلام الجارح وعدم التقدير الي في قلوب البعض . . مو مهم عندنا الي تقولونه اهم شي نرضي ضميرنا وربنا وأكثرنا يشتغل بضمير وعن معاشنا الواجد الي تقولون عنه الجماعه ردوا عليكم الرد المناسب ..

اقول احمدوا ربكم يا اطباء ان يسر أمركم للحصول على الشهادة واستلمتوا الوظيفة في ناس اذكى منكم ولكن حرموا من هذا التخصص . ثانيا في دول أخرى يحاسب الطبيب ويحاكم على ابسط الاخطاء واتو متساهلين معكم .

اقول انت احمد ربك انك تتعالج عند اطباء شرفاء وعندهم امانة طبية .. لو ما كانو عند قسمهم كان قروا اللي كاتبنه وعطوك حبة غلط تسدحك .. انت بعد في ناس اذكى منك بس ما حصلو فرصة يكون عندهم تيلفون ونت يستفيدون منه افضل من استخدامك اليه

انا اقتراحي لوزارة الصحة أن يكون زيادة عدد الممرضين وعمل أوقات نوبات
يعني أطباء النهار يداومون دوامهم الطبيعي
وفترة أول ليل يكون دوام لأطباء غير ويكون دوامهم طبيعي
واذا كان في فترة آخر ليل أيضا يكون لهم أطباء آخرين ويكون دوامهم طبيعي
وبذي الطريقة تقدر تسيطر ع الوضع في المراكز الصحية
مثل دوام الشركات يكون الموظفين موزعين على الشفتات
حتى الأطباء والممرضين مايظلمون المرضى
ولا المرضى يظلمون الأطباء
مجرد إقتراح لاغير

يا جماعة الكل درس و اجتهد وتعب وكافح في حياته بس ما فارقت البساطة طبيعتنا وعمرنا ما شفنا الناس بتعالي ولا على طول نكون في تذمر ونقول رواتبنا قليلة يجب التحلي بالاخلاق ولا بس الأخلاق موجودة في العيادات الخاصة والطبيب ما تفوته دقيقه من وقته الخاص ياريت ان يكون هناك أنصاف في العمل بحيث ترى المهنيه هي اللي تسيطر على الأداء سواء كان في العيادة الخاصة او في مستشفيات الحكومة

اذا كان الاطباء وهم قاعدين مكانهم يشووفون هالعدد عجل الله يساعد الممرضات والصيادلة اللي يستقبلون اوردرات اضعاف عدد المرضى اللي يشوفها الطبيب بالاضافة الى مرضى السكلر اللي حولتهم عيادة السكلر على المراكز عقب ما حصلو العلاوة لا واعدادهم هائلة يعطلوننا بالساعات بسبب ابرهم ويش قالو كل مريض سكلر اليه ابرتين يعني اذا هم خمسين مريض هالفقيرة تعطيهم مية ابره وفيها خير تقول بروح الحمام يقلبون المركز بالصراخ والهواش

انتوا يالبحارنة ما بتعرفون قيمتهم الا لما الحكومة تخلي الحكومة المراكز غير مجانية .. هالفقير يدرس له اكثر من 6 سنين وتكاليف واخرتها مكروف ويجيك مواطن يبي اجازة مرضة ويتحلطم على الزحمة .. دام هالاشكال موجودة اكيد بصير زحمة .. اتقوا الله في هالمساكين والله يصيدونكم اطباء الخاص يمصون دمكم

اللي يقول عادي العدد للمرضى
جرب انت انت تشوف زبائن كل ثمان دقايق او تشتغل ٧ ساعات متواصله بدون اي بريك الا ال١٥ دقيقه المخصصه
و انت يكون عليك لزاما انت تداوم ٣٩ الى٤٠ ساعه شهريا ( بمعدل ١٠ شفتات عصرا من ٥ الى ٩)
و بعدها تكلم!
لكن الاحترام للطبيب فقد و اصبح الانتقاد هو الشي المتداول

حرام والله الدكاترة مضلومين رواتبهم وقللوها يخلونهم يداومون نوبات واجد ويدفعون ليهم اقل .. اذا الدكتور هالكثر تعبان ولا يتقدر من الحكومة ولا الناس ومهان شلون يقدر يعطي بحب .. الدكتور في كل العالم رفيع الشان الا البحرين

انفي وجود عدد من الاطباء اللغير كفؤيين و هذا شانه شان جميع التخصصات الاخرى
لكن عندما تجد مقال ينتقد الاطباء و تصفق له و تنتقد و انت نفسك قبل يومان تعالجت و حضرت و عالجت أمك او اباك و لم ترى من الطبيب الا كل خير و بشاشه .. فهذا يعتبر ظلم و اجحاف في حق الطبيب
و كل كلمه تحاسب عليها يوم القيامه
و ان لم ترحم لن ترحم!

و اللي يقول عادي العدد للمرضى
جرب انت انت تشوف زبائن كل ثمان دقايق او تشتغل ٧ ساعات متواصله بدون اي بريك الا ال١٥ دقيقه المخصصه
و انت يكون عليك لزاما انت تداوم ٣٩ الى٤٠ ساعه شهريا ( بمعدل ١٠ شفتات عصرا من ٥ الى ٩)
و بعدها تكلم!
لكن الاحترام للطبيب فقد و اصبح الانتقاد هو الشي المتداول

ياجماعة غالبية الأطباء يقومون بعملهم على أكمل وجه...اذا في أي أحد مستهتر فهم قلة...ولا تتجاوز نسبتهم أي مكان عمل آخر...ولكن أحنا نلاحظ هالشي بسبب تعاملنا معهم...أللي يتكلم عن تسيب الأطباء يعرف تمام المعرفة أن نفس نسبة التسيب موجودة في كل أماكن العمل ولكن بسبب عدم وجود التعامل المباشر مع أماكن عمل كثيرة لا نلاحظ ذلك....نشكر الأطباء الجادين على جهدهم وانشاء الله تقوم القلة الغير ملتزمة بالتركيز في العمل ولا شيء آخر...

الناس ماتقدر تتكلم الا عن المراكز الصحية...تكلمو عن المستشفيات الحكومية الكبيرة اذا تقدرون...

جوفو حال الطوارئ شلون ، اني دكتورة ووديت بتي رضيعة عمرها شهر الطوارئ عطلوني ست ساعات وفي النهاية ما كملو فحوصات الطفلة وضيعو عينة البول اليها واضطريت اطلع من المستشفى واوديها مستشفى خاص اللي انتهى الفحص خلال نص ساعة .. وين الناس عن التعليق حال الطوارئ وبعدين شهالعقلية اللي تعتقد ان المراكز الصحية فاتحة عشان تغطي وتعالج الحالات الطارئة .. اسمها رعاية صحية اولية معناتها الوقاية من الامراض والاكتشاف المبكر للامراض .. يعني الطبيب اللي اختار تخصص طب عائلة غير مجبر على العمل ساعات اضافية للطوارئ

ما أنسى يوم رحت أنتظر ساعة بدون صلاة وهم ضحك ولا هامنهم ويوم طقيت البداب وسألتها أذا أنا وياها أو لا تقول بكل أستعلاء (أنتظر لما أناديك بأسمك) وكان وياها دكتورة يسولفون سوالف خاصة والناس زهقانة تنتظر ! أقول سكتوا بس وستروا على روحكم ترى الناس صارت تكره شي أسمه مستشفيات

والدكاترة صارو يكرهون شي اسمه اوادم .. اللي يجون ليهم حتى ما يكونون مرضى مجرد ناس مو عاجبتنها حياتها وتبي تطلع حرتها على الدكاترة .. وبعدين كثر الدق يفچ اللحام .. كلامكم جدي على الدكاترة راح يكرههم فيكم وديك الساعة بيصرون نفسكم وقحين وقليلين ادب ويمشونكم بدون ضمير

أللي قاعدين يعلقون ويطلعون حسدهم على رواتب الدكاترة ويقارنون شغلهم ورواتبهم بالدكاترة ماعندهم سالفة....اذا تبي يالحبيب يعالجك شخص راتبه مثلك وعلمه مثلك تقدر تروح لأي واحد في الشارع....هذلين تعبو في الدراسة للوصول لهذه المهنة....ووقت ماكانو يسهرون الليالي ويجتهدون كنت أنت يا إما تلعب كورة أو تدور في الأسواق أو تطالع التلفزيون....فإترك عنك الحسد واذا ماعندك شي تقوله أسكت أبرك لك...

30

أتفق معك ، كلامك صحيح وبارك الله فيك.. لكن خل انقول مثلا من ال100 طبيب لازم فيه على الأقل من 6 إلى 8 أطباء عيايره وبالفعل يسولف ويا ربعه أو يلعب في التليفون لكن الأكثرية منهم بارك الله فيهم.

لا انفي وجود عدد من الاطباء اللغير كفؤيين و هذا شانه شان جميع التخصصات الاخرى
لكن عندما تجد مقال ينتقد الاطباء و تصفق له و تنتقد و انت نفسك قبل يومان تعالجت و حضرت و عالجت أمك او اباك و لم ترى من الطبيب الا كل خير و بشاشه .. فهذا يعتبر ظلم و اجحاف في حق الطبيب
و كل كلمه تحاسب عليها يوم القيامه
و ان لم ترحم لن ترحم!

و اللي يقول عادي العدد للمرضى
جرب انت انت تشوف زبائن كل ثمان دقايق او تشتغل ٧ ساعات متواصله بدون اي بريك الا ال١٥ دقيقه المخصصه
و انت يكون عليك لزاما انت تداوم ٣٩ الى٤٠ ساعه شهريا ( بمعدل ١٠ شفتات عصرا من ٥ الى ٩)
و بعدها تكلم!
لكن الاحترام للطبيب فقد و اصبح الانتقاد هو الشي المتداول

في التعليقات كميه حقد غير طبيعيه على الاطباء
الطبيب درس و اجتهد علشان هالوظيفه و يستحق الراتب ( اللذي يعتبر في دول اخرى قليل)و الاحترام على الاقل ان لم يكن تقدير له..
و على فكره الطبيب يقدم خدمه مقابل راتبه مثل اي موظف اخر..
من حقه البريك ( اللي تقلص الى ربع ساعه) و من حقه ان يتنفس..و ان يعاين المرضى باريحيه ليعالجهم بطريقه صحيحه و يرجع الى اهله و بيته و اطفاله معه طاقه ليكون معهم

ما قدرت أقرأ التعليقات من اللي فيها .. الناس مو عاجبنها العجب .. دلين أطباء بحرينين .. وساعات العمل ليهم مجحفة شلون تبون طبيب يعاينكم وهو حتى وقت للراحة ماعنده .. اللي يشتغلون لا تقولون ما تاخدون وقت راحة ما تروحون الحمام ما تشربون شاي ما تاكلون ولا تبون تفهموني إن طول الوقت شغل وكرف .. أكبر مشكلة تواجهه الأداء الصحي هو عدد المرضى الكبير .ز والمشكلة اللي يجي يبي عذر يقعد يألف ليه مرض ويضيع وقت المرضى اللي محتاجة ترى دلين دكاترة تعبوا على روحهم علشان يصيرون في هالمكان عيب عليكم تجحفون حقهم

كان عندي موعد بعيادة الحوامل ظليت انتظر ينادوني 3 ساعات تقريبا عشان ادخل على القابلة الي ظليت عندها 5 دقايق بس. ولما قلت ليها واجد تاخرت قالت عندهم مرضى واجد واخذو بريك الموظفين. بس اني ماشفت اكثر من 10 مرضى دخلو عليها. يضيعون وقت وياخذون بريك اكثر من نص ساعة في وقت الذروة.

التمسوا لهم عذراً

شكراً الي كل الاطباء و الطبيبات الذين يحملون فوق اعتاقهم هذا الكم الهائل من الاعباء المناط اليهم و بالخصوص ابذين يعملون بالمراكز الصحية المكتضة بألالاف المرضي و ازاداد في الاونة الاخيرة من هذه السنوات لدخول الاي صحة و تدخيل كل ملف مريض حالته الكترونياً ،،، فألتمسوا لهم عذراً هم بشر و ليس بالالات

مستشفى سترة عاد بالأخص ما ينراح من الزحمة والأطباء طاقينها سوالف ويا بعض ولا هامنهم شي ومرة أشتكوا عليي الشرطة لأن بغيت أجازة مرضية ،حسبي الله ونعم الوكيل

شكلك ماكنت تحتاج أجازة ياخوك ولما مارضيت تروح يابو لك الشرطة لخوفهم منك...الإجازة المرضية مب إجبارية على الطبيب يعطيك اياها...

هذا انت قلت تبي اجازة مرضية .. الدكتور هو اللي يحدد تحتاج راحة او لا مو انت .. لو خليت خربت

يعني ويش 8 دقائق
مريضة سكري اخذ حبوب وامشي دقيقتين وعيادة السكري على حسب الموعد
الا اذا يقيسون نسبة السكري ارجنت والضغط والوزن لابأس به

اني نادرا اروح المركز كلش ما احب
وتخيل يصير نصيبك دكتورة والله العظيم تكتب على الواتسب
في وجودك
وعقب يتحلطمون
ولا بريكات الجاي والقهوة والريوق
اسفة بس ما احترمكم ابدا

مدام ما تروحين المراكز الصحية ما تحتاج الدكاترة احترامش .. وبعدين جربي تقعدين يوم واحد في العيادة من الساعة سبع الى ثنتين وربع وبعدين من خمس الى تسع وجوفي اي قد تتحملين بدون اي اتصال الى احد او الكلام مع احد بس الاستماع الى مشاكل الناس والتحلطم وبعدين قولي الدكاترة قاعدين على الواتس اب وما اقدر احترمهم .. وبعدين قارني امانة واخلاص الطبيب في المركز كموظف مقارنة بموظفين الوزارات الثانية والاماكن الثانية كلها الا تطرين من عندهم لحظة عشان يرفعون راسهم من التلفون .. خلي ارائش حق نفسش اقول

الشركات الكبيرة اول ما يجي الموظف تصف جدامه شاي و قهوة و بسكويت و فواكه علشان يصحصح و يقدر ينتج بكفاءة. لكن انتوا اول ماتشوفون دكتور يشرب شاي او قهوة تحسسونا انه شارب من حلال ابوكم. مو كانه بشر يحتاج يشرب و يجدد طاقته علشان يقدر يستقبل و يتحمل نوعيات اشكال و الوان منهم الصالح الكفؤ. و منهم الرديء امثالك.

الاطبااااااء بشر
من يقدر يخلي اهله وبيته ١٠ ايام في الشهر حق ينام برا البيت وويجوف ١٠٠ مريض اقل شي
الي ايده في الماي غير الي ايده بالنار????

انتاجيه علاجيه ضعيفه
هذا ظلم للمواطن
وتعسف في حق الدكتور
دكاتره واجد بلا توظيف .. ونظام المناوباوت للدكاتره قاهر للرحمه
اتمنى عرض الملف العلاجي وايجاد حلول سريعه
زياده سكانيه بينما الطاقه العلاجيه في ترااااجع ملحوظ

تعليق 2
كفاية دكاترة الاسنان الي من تروح متاخر شوي يقولون لك ادا مو طوارئ ما ندخلك وهم طول الوقت قاعدين يسولفون ويحشون في بعض بس ورغم انه دوامهم ما انتهى يقعدون بدون شغل ولا انهم ياخدون مريض ترةح حق حشوة اسنان يعطونك عقب شهر او شهر وشوي انا اقول سترو على روحكم احسن ليكم ترا الناس طفحانة منكم ومن تصرفاتكم

عیاره

قمت اروح عیاده خاصه وادفع ولا اروح المرکز..حتى لا اروح الساعه 7 اشوف الدكاتره رايحين جايين والمرضى ينتظرون..وحتى البريك ..اول مره اسمع ان كل الدكاتره ياخذون البريك كلهم مع بعض والمرضى قاعدين ينتظرون..تفلسف على قلة الفايده وچان زین یعرفون کوعهم من بوعهم

محد يعرف الكوع من البوع غيرك رايحين رادين لان يتمشون يلعبون تيله ويدورون بوكيمون
اذا ماتعرفون آليات الشغل لاتهذرون وبعدين ترى لينا الحق ناخذ بريك لان احنا مو مكاين

عيارة وكذب من جانب بعض الاطباء وتقول فئة كبيرة مو محتاجين وفئة كبيرة يبغون عذر يعني شنو وبعدين رواتبكم مو شوي في غيركم رواتبهم اضعف بواجد ومجبورين يشتغلون اكثر منكم وبعدين الاطباء اكثر ناس تضيع وقت في سوالف وضحك وفرارة وبعدين وعاينتون 100 مريض في عشر ساعات دوام وش فيها يعني معدل كل مريض خمس دقايق وانتون تبغون دكاترة وتبغون الناس تحترمكم وتبغون رواتب عدل اتحملو مو بس هريج وتحرطم على المرضى ولحد يجي يدافع ترا الكل عارف نظام المستشفيات وكفاية دكاترة الاسنان

تعليقات مريضة

إذا كان الموضوع عن المدرسين رأيت بعض التعليقات تتسم بمرض نفساني وعقدة عصية على العلاج وها هم يعاودون التغريد في موضوع اﻷطباء بنفس حاقد ، ﻻ أعلم هل من جماعة بشت المدير في تلك الوزارات ، فتعليقاتها توازي ما يصرح به بعض المسؤولين في تلك الوزارات . نحن لا نقول بأن كل البشر أسوياء فالبعض يشذ عن الذوق العام في عمله من مدرس أو طبيب أو غيرها وهذا لا يسوع لنا التعميم .

شكله ألي متعاطفين معاهم كله أطباء والله أحنا نشوفهم أغلبهم ما يشتغلون والسكليف ما ياخذ وقت بس الجمبزة والمزح والسوالف هيه ألي تعطل المرضى أهتموا في شغلكم وأحمدوا ربكم هاكو ناس عاطلة بلا عمل وساعدوا الفقارة ولا تتكبرون

و اءا معظمهم سكليف و ما فيهم شي يعني ما ياخد شي منهم . بس ورقه او كتابة ظواء شلي يتحججون بعد

مشكلة الاشخاص الي تعلق وتعكس مشاكلها الشخصية للمواضيع ولا تنصف حق الموضوع
لو موظف واحد يكرفونه الكرف الي يكرفه الطبيب كان من زمان فنّش! الي ما يعرف آلية الشغل والضغوطات الي يعيشها الاطباء يسكت ابرك! والي بيتكلم كانه مو شايف خير عن المعاشات فهذا سلم وظيفي حكومي مو من مخابي الناس! وهذا رزق تعب عليه الطبيب من سهر وتضحيات على حسابه وحساب اهله ! يمكن الاولى عليكم تعلقون على معاشات النوّاب الي لا شهادة ولاعلم ويحصل راتب ٤٠٠٠ دينار ومعاش تقاعدي ٢٠٠٠ دينار بالعافية
الاطباء بشر مو آلات ! بس محد يقدرهم!

من الي يشوفونه الناس منهم مو شوي
شفتين في عمرش دكتورة مع مريض ودكتورة ثانية قاعدة وياهم بس عشان ما يقطعون الحش
وين خصوصية المريض
والله ان الموقف حقيقي
دخلت والدكتورة موجودة ودكتورة ثانية قاعدة تسولف وياها (عن زوجة دكتور يشتغل وياهم)
لين طلعت وهم يسولفون

اولا اصابع اليدين مب سوى !!
ثانياً الحين اخذتج الغيرة على خصوصيتج من طبيبة زميلة للدكتورة اللي تعاينج واللي على فكرة ممكن اهي الي تعالجج في يوم من الايام في حال غياب زميلتها .. ولا تخذج الغيرة من الاوادم الي كل شوي اتطق الباب: متى موعدي ؟ متى دوري ؟ جم مريض قبلي ؟
ما اشوف مرضى يقولون للي يطق عليهى الباب انتظر/ عيب !!
صج لي قالوا : قل خيراً أو اصمت

حرام من يقدر يعاين ١٠٠ مريض .

ماتشوف المدرسين شلون في اليوم اذا شرح 4 حصص يعلم 150 طالب تقريبا ويصحح كراسات ودفاتر ليهم غير تصحيح الاختبارات والتحضير للحصة الي يتم في البيت.

حرام عليكم يا وزارة الصحة!!!!
هؤلاء الأطباء هم بشر ويحتاجون وقت مثلهم مثل باقي الناس لرعاية أولادهم والاهتمام بعوائلهم. اذا كان هذا الطبيب يعمل كل هذه الساعات يوميا ويكشف على عدد كبير من المرضى فكيف له القدرة على الاهتمام والكشف على المرضى في فترة 6 دقائق؟!!
وكذلك كيف لهم الذهاب لمنازلهم بعد العمل والاهتمام بأولادهم وأزواجهم وعوائلهم!!!
أتقوا الله ياوزارة الصحة في أطباء المراكز الصحية ولابد من تقليل عدد الساعات الإضافية والأيام حتى يتسنى لهم تقديم أفضل خدمة للمرضى والاهتمام بعوائلهم

ارحموا الأطباء، هؤلاء بشر اختاروا الطب المهنة الإنسانية ليقدموا العطاء والتضحية، لا تستنفذوا طاقاتهم وامكانيتهم الجسدية والنفسية.. من حقهم الحصول على الراحة الجسدية والنفسية من أجل ان يقدموا الأفضل، انصفوهم فهم أمهات وآباء وأبناء وأهل وأصدقاء ولديهم واجبات أخرى خارج نطاق العمل.

حرام عليكم الاطباء بشر حالهم من حالنا
عيل من وين تي الاخطاء الطبية ؟؟؟؟
من الارهاق والتعب عالطبيب والطبيبه
هم بشر مب مكاين
وظفوا اطباء وريحوا الطبيب جسديا ونفسيا عشان راحه المرضى

الضغوطات اللتي تحصل على الاطباء يتحملها المرضى
فالطبيب الغير مرتاح في عمله يؤثر سلبا في معاملته للمريض

نطالب وزارة الصحة تنصف الاطباء والممرضين وتزيد العدد وتعطيهم اوقات راحة لإستعادة نشاطهم لأن بين ايدهم ارواح ناس
وفي نفس الوقت الزام الاطباء بالوقت وعدم الخروج من الغرفة الا وقت الراحة او لظروف طارئة لكي لا يتكدس المرضى وهو يسولف او يشرب سجارة

نعيمي
بعض الاطباء وانا شفت هذا الشي بعيوني يطلع المريض من عنده لازم ياخد ربع ساعه عشان ينادي غيره المفروض يكون عليهم رقيب مسؤال يروح ويجي عليهم

الله يعطيكم الصحة والعافية
من أشرف وأفضل المهن الإنسانية إن لم تكن أسماها، والاحترام لجميع الأطباء المخلصين واجب إنساني، وأتمنى من الوزارة أن تنصف الأطباء بما يتناسب مع مسؤولياتهم الحياتية الأخرى ولو بالتعويضات المادية المحرزة.

يتبع. أول ما دخلت على الدكتورة وقلت وش فيني كلمتني بطريقة غريبة وبأنزعاج وهم يطلبون الرحمة وهم في المكيفات وأذا راح ليهم واحد يشتغل في الحر وراتبه 250 ومكروف كراف ما رحموه ، أنا ما أحب الغياب بس هذاك اليوم تعبان وصار لي ستة شهور ما غبت عن الشغل ورفضت تعطيني أجازة

بسكم كذب ، ولا تتحلطمون ومن خلال تجربتي في مراجعة المستشفى وآخر مرة بالذات كان موعدي الساعة 8 وعشر دقائق ودخلوني على الدكتورة الساعة 8 وأربعين دقيقة وأنا قاعد جنب الغرفة أشوف الدكتورة ويا دكتورة ثانية قاعدين يمزحون وسوالف والمراجعين ينتظرون .يتبع

بصراحة في من يخاف الله ويشتغل بضمير وهم قلة وتلاقيه يعطي اهتمام للمرضى . وفي الا ماله خلق يكلم المريض ويلعب بتلفونه وكأن المريض ماله وجود وياخذ له عشر دقايق راحة بين مريض ومريض. ان قلنالكم انصفوهم اغلبهم ما يستحقون الانصاف وان قلنالكم مايستاهلون راح نظلم الا عندهم ضمير

والمطلوب؟ ما نتعالج يعني؟

كل ما اروح المركز . و ادخل على الدكتورة ما تقعد معاي لست دقايق او ثمان. حدها دقيقه ما على اذا شي بسيط لكن اذا حبيت استفسر و اسال عن مشكلة او مرضي من خقي اتجاوبني و اترد علي من دون ما اتعجلني. و معظم الوقت يناخد بالاتصالات و المريض موجود .