احتجَّ عددٌ من نشطاء الرفق بالحيوانات الأليفة على معاملتها بقسوةٍ داخل حديقة حيوان بمنطقة الجنبية، مطالبين الجهات المختصة بالتدخل وإنقاذ ما تبقى من تلك الحيوانات الأليفة.
وبيَّن النشطاء أن الحيوانات داخل الحديقة مثل القردة والقطط والكلاب لا تلقى المعاملة الحسنة من قبل القائمين على الحديقة، وقد طالب البعض منهم المسئولين عن الحديقة بمراعاة ظروف تلك الحيوانات وتوفير البيئة المناسبة لها، غير أن تلك الوعود التي أطلقها القائمون على الحديقة لم ينفذ منها شيء على أرض الواقع. وأضافوا أن ناشطة أميركية مقيمة في البحرين قامت بإنشاء صفحة خاصة عبر برامج وسائل التواصل الاجتماعي، لإنقاذ الحيوانات الموجودة بالحديقة، واستطاعت إنقاذ بعضها ونقلها للخارج، بينما لايزال هناك عدد من الحيوانات بحاجة ضرورية للعلاج وإنقاذها.
وطالب النشطاء الجهات المختصة، بإنقاذ تلك الحيوانات وإلزام الحديقة بتوفير البيئة المناسبة لها.
اشلون
بااال 151 دجاجة قوية
4
انسان وإنسان الإنسان يقدر يتكلم وينطق ويوصل إلى شي يبي أما الحيوان لاحول له ولا قوة واذا النشطاء تكلموا ودافعوا عنهم الكل يتمسخر اذا تحقدون على الحيوان الله يعين معاملتكم مع الانسان
يبدو لديك مشكلة مع الإنسان،وإنك تعطف على الحيوان أكثر من البشر.
ياريت هالناشطة الأمريكية تتعطف عليّ،وتاخذني وتأكلني وتشوف لي مأوى وتوديني معاها للخارج..
مو مزاح..كلموها ياجماعة،تراني أليف وخيّر وطيب..مابتتعب وياي.
بشر ضروسه مسوسة وطايحة مو دايرين على كلاب ضالة
حسبي الله ونعم الوكيل ,الله لا يسامح كل من يرتكب جريمه فحق هالكائنات الي ماتقدر تنطق وتدافع عن نفسها
انا اضن صوتي مع الكاتب .. الحديقه وصاحب الحديقه انسان فاشل وعديم الرحمه خذيت قطاوتي عندهم وعقب فتره سالت العامل البنغالي قال ان القطو مات وسالت صاحب الحديقه قال ما اعرف عن الموضوع شي.
خله يجون مال حقوق الحيوان ياخذون الكلاب الضالة اللي في الفرقان يفترون و يرعبون المارة و يطلعون عليك وانت تسوق! بعدين لا دعمتهم قالوا انت تضر بحقوق الحيوان! تعالوا اخذوهم وربوهم وما بيصير فيهم شي ان شاء الله
الحين ماحصلتون احد اعذب الحيوانات عشان تسجنونه .
جه الدور على الحدايق وبعدين روحو فتشوو في لبيوت بعد
زين ايسون فيه لانه عديم الاحساس والانسان اللي ما ايحس في اي شي له روح اهو عديم
وين نشطاء حقوق البشر عنة واللة امطلعين سرسفيلنة!!!
رفقا بهم
ليش كل إهمال بس لأنهم حيوانات اتفكرون انهم مايحسون بالالم والمعاناة
إنسان
أتمنى احصل على حقوقي من وظيفة تليق بشهادتي الجامعية كما يحصل الكلاب و القطط حقوقهم
الكلاب الضاله تارسه مناطق البحرين . شوفو لهم حل لا يصيدهم حالات اباده من المواطنين مصخت السالفه ترى
الي قاعد يتعاطف مع حيوانات تعاطف اول علي الانسان الي صار يعيش مع كلاب الضاله ونتو قاعدين تطالعونهم شلون تسرح وتمرح بيت منازل تنظرون لي اليهال تروح او حريم تروح فيها تالي تقولون لزوم تنظرون في مشكله يوم كلاب يتعذب الكل يقوم يدور معذب يوم انسان يتعرض للهجوم من كلاب الكل سكوت يوم الحضائر ينهجم عليها من كلاب الكل ساكت ظاهره الكلاب انتشرت في البلد شوفو لكم حل صارات الكلاب تلعب عند بيوتنا بس يوم يدخلون بيوتنا اتعامل معه وضربه والله اخليه يسرح ويمرح داخل بيتي الي يقول قلقون وتعذيب حيونات يفكر في الناس
هجموا على مزرعتي واكلو 151 دجاجه وتركي وأرانب
وليش لحين قاعد فالبيت قوم حرك عمرك وافتر على الوزارات والقطاع الخاص ولا لازم تبون وظيفة تليق بشهاداتكم؟ قزرناها نشتغل في مطاعم نقدم اكل حق الناس واني بنية وعندي بكالريوس ومن بره البحرين بعدين، ما قلنا نبي حقوق وحقوق، بس بارزين للتحلطم، عيونكم وسيعة تبون حقكم وحق غيركم، حاسدين هالحيوانات على جم واحد اهتم فيهم، بدل ما تضيع وقتك في الرد هني جان طرشت السي في مالك حق جم شركة