يعني اولا هذذا النظام جدا جظيل بحيث انه يخلي الربيان يتكاثر
لو بيتم على الصبادين بينشفون البحر من الربيان ولا بيفتكرون اهم شي يبون فلوس ..
الرجاء الالتزام بالقوانين .. بسكم هلاقه ولحد يطلع هوق هوقن ويقعد يتفلسف علينا قالو ممنوع خلاص التزمو الين يجي موسمه

وفي اشياء ثانية غير الربيان يقدرون يبيعونها ولا تقعدون كل مرة تبربرون بطالة وبطالة
بالعقل الي يبي لقمة الحلال يعرف وينه والي يبي الطمع والجشع يعرف طريقه
طالعو اغلاطكم وعقب قولو مساكين
محد مسكين الا الي تعب وشقى ودرس وتخرج وقاعد ينتظر الوظيفة ومسكين الي ضحى بدراسته واحلامه عشان اهله
بالعقل والتفكير والقناعة الواحد يعرف شلون يشتغل ويطلع لقمة حلال من غير ما يلجئ الى اساليب تسيئ لنفسه والمجتمع والديرة الي هو قاعد فيها
ومنطق فلان سوى انا بعد بسوي تركو عنكم -- هذا التفكير هو الي ضيع الديرة

هههههههههههه هذا الي يقول ما قدر على الحمار نفر العدة قانون حظر الربيان قانون مجحف وضعي ظالم هالقانون منع الناس انها تترزق الله من قال لك ان الي يشتغلون في بحر مستفيدين من التقاعد المبكر والهرار الي قلته مسخرة والله ناس اساسا كثير منهم شباب مو محصلين شغل فلجاوا للبحر عشان يترزقون الله ، الله يوم خلق البشرية حط قانون للدنيا انت اي مكان تقعد فيه يصير مكانك اي مورد رزق تشتغل فيه يصير رزقك لكن قوانيين الارض الوضعية ما خلت شي عشان جذي قاعد يزيد الظلم والفساد هم يستفيدون بعدين يقطون الفتات على الشعوب

لو مافترة الحظر عشان الربيان يتكاثر جان انقرض ياجاهل تترزق تخلي الربيان ينقرض عشان الناس تنحرم منه وانت تربح شهالمنطق السخيف
اللي تمشي عليه ولاتبوق لاتخاف اما انك تتصرف بانانيه من اجل ارباحك وتخلي الربيان ينقرض وتحرم الناس منه وتقول رزقي اخجل من تصرفك لو انت صاحب ضمير ماسويتهه ولو ماقانون الحظر جان من زمان ماكو ربيان بالبحرين محد قالك خالف والرزق مو بالبوق وهي بوق وبلا تفلسف ومنطق اسخف

نسيت اقول لك شرايك نسوي لك اغنية باسمك انسميها وانقرض الربيان من غباء الهبلان هههههههههههه والله حالة الله يعافينه من الغباء المستفحل قال ويش جان من زمان انقرض

ههههههه الله يساعدك على نفسك كسرت خاطري انك مظلوم وتعبت وشقيت لحد ما تخرجت
بهذا المفهوم التشائمي عمرك ما بتتحرك من مكانك دائما تشوف نفسك مسكين وضعيف
ترى الدنيا متروسة مساكين مو بس الي درس وشقى وتعب الدنيا كلها شقى وتعب وناس اخس منه عايشين الضيم انت تقدر تكتب وتقرا في جريدة وعندك فلوس ناس ما عندها تاكل وتشرب ولا شي بالحياة
الحمد لله على نعمه كلها
لا واجد تلعبون دور المساكين الي درس وتخرج وحصل شهادة بالعكس انسان ناجح ولا هو مسكين ولا شي انا اعتبر من المحظوظين بالعالم لاني قدرت اكمل تعليمي

لو يسمعون الحجي ويلتزمون ما صار الي صار
قالو لكم ممنوع الصيد الجائر للربيان خلاص احترمو القانون وحافظو على الانتاجية البحرية مو لمصلحة الجميع
وقالها الشيخ هاني البناي حرام تشترونه لانه مخالف القانون ويكثرهم الي يتاجرون بالممنوع تعال لهم في بيوتهم يبيعونهم وخلون نسوانهم بالقروبات يطرشون اعلان حق وتوصيل وتقشير ابلاش لانه يعرف انه مسوي شيء غلط فما يتجرأون يبيعون بالعلن والي يقول ما في اشغال ومن البطالة كلنا نعرف الي يسون هالحركات هم المستفيدين من التقاعد المبكر والجمبازية الي يموتون على الفلوس

المفروض عقوبة قاسية مثل توقيف البانوش وقطع رزقه علشان يكون عبرة لغيرة..
يصادرون الربيان كأنه يقولون ليه دش صيد بعد..
إلتزمو في القوانين لا بارك الله فيكم ولا في رزقكم..
بعدين قولو خلص الربيان

اكيد الروبيان رجعته الثروة السمكية للبحر

يعني الاحسن يطبون على البياعة في السوق ويسوون افلام هندية لو يراقبون البحر ويمنعون الصيد اساساً؟ من كثر البحور اللي عندنه عقب الدفان؟ وهدلين البياعة مشترين الربيان من صيادين بفلوس يعني خلاص انصاد الربيان ومات وما يصير يرجع إلى البحر وانباع ! وها البياعة وراهم التزامات ودنيا صعبة ولا دولة صارفة عليهم ولا مشغلتنهم ولا بعد تطاردهم في الشوارع واللي ما قدروا يصادرون الربيان عنده قاموا صادروا حتى السمج من باب انتقام! الأهم اللي يتصادر ويش راح يسوون فيه اساساً؟ مو حرام ينكب في الزبالة لو هو نهبة وخلاص؟

اكبر عقاب ليهم ..
عشان مايشترون الربيان من عند احد لانه ممنوع

مصادرة الربيان

صار مموش البارحة

برأيي طريقة التعامل مع المخالفة غير سليمة .. المفروض يعطونهم مخالفة و غرامة مالية كبيرة أفضل من مصادرة نعمة الله .. لأن هالكمية حرام يرمونها .. وما راح يقدرون يرجعونها البحر .. أنا ما اشجع على صيد الربيان في وقت الحظر لأن غير سليم ويأثر على كمية الربيان و توالده.. بس هدر كمية من الربيان بمصادرته بعد غير سليم.

منهو قايل ليك بيرمونه
اي والله يرمونه

ههههههههههه ضحكتني سنيين اهلنا وعزوتنا يصيدون في السمج والربيان لا تاثر ولا صاده شي البحر فيه خيرات والله خلقه للانسان عشان ياكل ويعيش ويترزق منه بس تاثر من هالبلاوي الي صارت بالبحر
وثانيا من قال لك بيرمونه والله كلنا نعرف وين بيروح لكن ويش نقول حسبي الله ونعم الوكيل

اكيد مصيره حاويه ..
والله اعلم

اي حاوية الله يهداك
الا راح في بطون ....

انزين ليش يعني يخالفون ،

ما هو مصير الربيان المصادر
هل تم سرقته ام التبرع به

بل طبخه للفطور