من كلام الناس ...يشكو الكثير من أولياء الأمور من أولادهم في العطلة الصيفية نظراً لتواجدهم معظم الوقت في المنزل، وبالتالي ممارسة الكثير من الأنشطة الحركية فضلاً عمّا يقومون به من "عفسة" طوال اليوم. إلا أن ذلك تقابله الشكوى من الواجبات وطلبات المدارس التي "لا تنتهي" كما يصفها بعض أولياء الأمور.
فأيهما أكثر راحةً بالنسبة لك: العطلة الصيفية أم تواجد الأولاد في المدارس؟ ولماذا؟
مغربلينا ايام المدارس
دلاليع مايبون يقومون
وفي الاجازة
جنهم دب قطبي مو راضي يقعد من النوم
المدرسة اصعب لان احنا الاهالي بنسوي:
نحاول ننبه الاولاد و بلغصب يقعدون
نخسر عليهم فلوس للثياب و المشاريع
لازم نروح ليهم ايام المفتوح
و واجبات ماتخلص
و امتحانات لازم ندرسهم
يعني جوفو هالبلوه
في الاجازة:
يقعدون اسرع و يصلون
ويروحون يلعبون على هالبليستيشن او يطلعون
البيت احسن المدرسة كله امتحانات 3 فصول
مانعرف نتحرك وغير لختبارات الاسبوعية
والله لو الدراسة نفس قبب اريح
عازب لكن اربي جهال المدرسه اهون
العطله .. بعد عدة شهور من التعب بالدراسه وحل الواجبات والمشاريع ..بالاجازة نوديهم نوادي صيفيه او نسافر لو عفسوا هم اللي بيعدلون ويرتبون ..لازم الواحد يسوي برامج له ولاولاده وينظم وقته وحياته ..
العطله افضل اقدر اسجلهم ببرامج صيفيه مثل سباحه وغيرها وافتك من هالاختبارات والمشاريع والتدريس وقعده الصبح
كله واحد ما يفرق
العطلة الصيفية مو في صالح الطلبة ولا في صالح أهلهم! في الإجازات بس طول اليوم خارج البيت مع الربع في الشارع يعني يتعلم بعض السلوكيات الخطاء ولا نقدر نحبسهم في البيت طول اليوم! الأفضل لو المدارس يعطونهم اجازات منقطعة كل بين شهر اسبوع راحة شوي ارحم من 3 شهور مرة وحدة
اعزوبي بس إلي أشوفه من اخواني نفس الشئ يعني العفسه هادهي ماتغيرت
في البيت ما يخلون الواحد ينام و يسون ازعاج لين يبي يرتاح
احسن يروحون المدرسة
تعبهم حلو على القلب لو يكسرون البيت بس خلهم أول يجون الله لا يحرمني من الذرية الصالحة و لا المحرومين
تعبهم راحة ، الله لا يحرمني من تعبهم وأدعو من الله يقدرني أكون قدر المسئولية في العلم و اللعب والحياه حلوة معاهم بكل مراحلها
العطل فيها مشاكل كتيرة ومتعبة جدا
الاطفال يستحقون راحه من الدراسه ... بس معظم البحرينيين شقق صغار او في بيت الاهل, وين يروح يلعب الطفل ؟ بره سيارات و كلاب تنبح.. و بيت مافي مساحه الواحد يمشي مو بعد يلعب واقل طيحه تكسر من الرخام ... مسكينه الام الي عندهه ثلاثه و اربعه شتسوي في عيالهه تقابلهم في غرفه و هواش و ملل ,,, و بيوت الاسكان الجدد اخس من الشقق و اضيق ... وهقه مافي مجال حته الواحد يزرع لوبة في البيت
طول السنة نكرف وي اختبارات وواجبات ومشاريع اعتبر العطلة رحمة من رب العالمين واذا على فوضت العيال سجلوهم في أندية ومعاهد وكان الله غفوراً رحيما
العطله اكيييييييد مللونا هالمدارس كل يوم واجبات وانشطه وهريج وطلبات معذبينا ومعذبين هالجهال خلهم يعيشون طفولتهم وخلونا نعيش
( ملاحظة : اتمنى من الوسط اثارة موضوع الامتحانات في شهر رمضان السنه الجهال صار امتحاناتهم شهر الله تعب عليهم وعلينا خلهم يشوفون لنا حل للسنه الجايه )
البساطة
مرحلة الأولاد في المدرسة أو في العطلة لها جمالها الخاص لكن يجب تدريب الأطفال على الاستفادة من الوقت بعمل برنامج متنوع أو ادماج الأطفال في برامج القرية أو القرى المجاورة ،وعدم تركهم أمام جهاز التلفاز أو الأجهزة الذكية فترات طويلة.
ذوقوا بعضا مما ذاقه و يذوقه المدرسون من " عفسة " .
ايام المدرسة!! اوصل بنتي المدرسة وأروح العمل والظهر أروح أخذها (( لأن أمها تكون في العمل)) .. والحين من الصبح أوديها بيت عمي الى أن أخلص شغلي أرجع أخذها ... وبالنسبة للفوضى والعفسة في البيت أعتقد أمر طبيعي لأن الطفل يملك طاقة كبيرة واذا أخذنا الأطفال للعب في الحدائق والألعاب اكيد يستنفذون طاقاتهم ويرجعون البيت تعبانين يعني بتقل الفوضى .. اذا احنه ما نوديهم مكان اكيد من الملل بعفسون البيت .
خلهم يعفسون ويكسرون بس لا اقعد اراجع وياهم عقدونا في حياتنا هالمدارس
ننتظر العطلة بفارغ الصبر، لم نذق طعم الإجازات طول السنة، من بداية السنة حتى نهايتها إختبارات وامتحانات بلاتوقف. حتى في عطلة الربيع عطوهم واجبات، قمة في الجنون هذه المدارس
طبعا ابني في مدرسة خاصة
الراحه من المدرسه
الصراحه انا ارتحت من عنجهيه الاداره الخاصه بمدرسه بنتي ولعانتهم وتفلسفهم ويارب يقويني للسنه الجايه ...ماادري وين الوزاره عنهم
...الخايبة تمبه كله هايمة في الأسواق والمجمعات وهاده أولادها على الخدامة واذا رجعت البيت تصارخ على الخدامة وأولادها وزوجها....الفقير يجحت كل يوم من الصبح عشان زحيرهاوطلباتها وبعد مايسلم من طول السانهاالخايبة ...........
اول مره اجوف رجال يحطم على زوجته الخايبه
اعرف ازواج راضيين بالهيامه واهمالها للبيت وزوجها واولادها وهو قايم بدزرها في الاهتمام بهم بس هو ساكت صاحب المبادئ لان تجيب له فلوس يصرف على البنات اللي ...........
قولي خير او سكتي! عن احساب صايمه! الرجال جضران ابحظة عجل واسيه! لا يقسوا قلبش مثل الحجر واتجضرينه ازياده!
اذا رجال يعرف يصرف او يلعب مثل بقية الرجال وطنش
كلامي له لا بزيد ولابنقص مجضر مجضر يجوف له حل
جضران لو ضجران؟ هدويه هههههههههه
راحت علي
ساكن في شقة او جيراني من المواطنين الجدد أمطلعين أعيوني حتي لين المدارس مفتوحة.
البيت بيت ابونا والقوم حاربونا خلهم يلعبون ويعفسون ويخربون هذي طعم الحب والسعادة والحنان كفاية نص الوقت في مدارسهم وانجوفهم والحين خلونا نستانس بهم ياحلاتهم بناتي الله يخلي الجميع وسلامتكم
المدرسه
العطله الصيفيه - المدرسه - الأولاد - طلبات المدارس - كل هذا هو تخصصها ، دعها تنورنا فلننتظر قليلا فهي قادمه لا محاله !
بعد صخب المدارس و الأنشطة و الامتحانات من حق الطالب و المدرس الراحة في الاجازة الصيفية و هناك من يسافر او يدرس في المعاهد او يلعب في الطرقات من المهم الابتعاد عن المخاطر مثل برك السباحة و الاستفادة بالقراءة او تنمية المواهب الأخرى و مراقبة الأهل مهمة (ام محمود)
احنا ما نتمنى تفتح
بالنسبة لهم المدارس
لأن يفتكون من أولادهم
وهالشي بالضبط يقولونه قدامنا خل المدرسة تشيل اشوي
متى تفتح المدارس
أما اني فأقول عساها ما تفتح
معلمه مكرووووفه
فى الاجازه المشكله انهم يسهرون ومافي نظام اما عن العفسه الحمد لله ان بناتي لو عفسوا هم اللي بعدلون
النظام بكون ايام المدرس هدوء والنومه منوقت لكن عوار راس مع الطلبات
الزوج عاطل والمرة كل يوم تتهاوش وياه! وأطالع الخبر إلا أشوف أنه الناس تتهاوش ويا الرجال ليش متزوج لما أنته عاطل بدل ما يهدون المره ويساعدون الرجال ! المهم, الأمر إنتهى بطلاق الزوجه عن زوجته وطفاشهم من بعض ومحاولة مرضى القلوب إستغلال الوضع بين الزوج والزوجه! هذا اله فالحين فيه! يخربون البيوت ويبهدلون الناس بدل ما يسوون أمرهم بالتشاور لعلاج المشاكل! من يخلي الأمور بأيد النسوان يختفي التشاور واتصير المشاكل! والمشكلة بعد لما الرجال مخمليين ولا يفكرون بالعلاجات الحاسمة لأمورهم ولا يؤمنون بالتشاور
في الحالتين بلش ????
المدرسه متعبه
لان يعطونهم واجبات كل يوم خميس شكثرررر وانشطه وبحوث وهرار ماليه معنى ومكلف وغالي ونحاسه المدرسات اللي ماتخلص واختبارات سخيفه
اكيد العطلة، مساكين الولاد .. طول الوقت يدرسون يكسرون خاطري
عدلوا أمر البلد وسووا مكان لعيالكم بدل ما تقتلونهم بين هالطواف الضيقة! الظاهر ما تعرفون العالم ايقد وسيع! طبيعة الصغير يبي يردح ويستانس وجسمه وطبيعته وسنة جذي!
المدارس اريح ابواجد بالنسبه حق الأم
العطله الان المدارس صدق تعب بس ارقدون من وقت و الأم ترتاح نفسيا
متقاعد
تربية الأطفال هي نعمة و متعة ولا تحرموا أنفسكم منها بالاعتماد على غيركم في تربيت أبنائكم.
إن لم نستوعب أطفالنا ونتذمر من وجودهم معنا ونيل حقهم بالراحة بعد تعب متواصل من الجد لا بارك الله بنا من آباء وأمهات