مرحبا

السحور فقط ليله الاجازة لتغير

..... اقترح مواضيع مثل / ماهو البرنامج العبادي الذي تقوم به أو البرامج التي تستمع لها أو تشاهدها وهي مفيدة أو الأعمال المميزة التي قمت بها في هذا الشهر .

أعزوبي
والله لي حد الآن شريت مرتين من المطعم من بداية رمضان ولباقي أطبخ في البيت آخر عمري صاير مثل أم أعليوي...الله كريم.

هل رمضان مختص بالاكل ؟ الصيام ليس الهدف منه ملء البطون بالاكل ، والله انا آخذ اجازه في رمضان علشان العباده و اطبخ اقل القليل علشان اتفرغ للعباده فقط ! الوقت اللي بقضيه في الطبخ اقرأ فيه جزء من القرآن ينفعني و ينفع امواتنا ، الحمد لله على كل حال

اااااخ بس لو طول السنه نفس وقت دوام شهر رمضان جان نادرا ما اكلنه من هالمطاعم .. مافي عذر في شهر رمضان لعدم الطبخ .. دوام وقصيير .. مو مثل الايام العاديه ل5 في الدوام ترجع مشلخه مالها مود تسوي شي بعد

من قال ما ليها عذر في شهر رمضان شهر رمضان صح دوام الشغل قصير بس دوام البيت طوووويل غسال المواعين بس كفايه ناس صيامه وحر وتعب وتعالي اطبخي وتالي غسل مواعين

الفرنسية عندها مطبخ ويش قده وراقي وفي من كل شيء وفخم ومكلفني اكثر من 3000 الف دينار ولكن الحقيقة كله مجوده النوم لاشغله ولا مشغله والخدامه صارت كسلانه وانا المغرب اروح عند المضايف مال المساجد اكل لي شيء خفيف لانه حضرت الفرنسية تروح بيتهم كل يوم تتفطر وتقول لي روح الي امك وتفطر وياها. اقول لها اوكي بس مستحيل اخلي امي تدري انه ماعندي مكان اكل فيه . اولا فشيله وثانيا مو ملزومين فيني وثالثا ما ابغي اتعب امي وشغل بالها بعد ورابعا لانه كل اهلي رفضو الزواج من الفرنسيه ولاكن انا اصريت وخبز خبزته اكله

عليك أرد

الأعوب أو العوبة هو من كتب التعليق أعلاه

سؤال

ومتى تتعبدين بالطيبة في هذا الشهر الفضيل؟؟؟ بس ورا بطونكم !!

حاشا والله

شخصياً لا أرضى بأن تتعب زوجتي وأم عيالي دقيقة واحدة . أوفر لها كل مالذ وطاب من بيت الوالد وبيوت أخواتي وأخواني الذين لا يقصرون معنا أبداً ، ناهيكم عما أجابه لها من المطاعم الفاخرة ليس في رمضان فحسب بل طوال العام . أهم شي عندي راحتها اللي يحدها عليها كل من يعرفنا .

اني الحمدالله اطبخ للفطور والسحور

وجبة رئيسية تعودنا على وجبة واحدة تعدد الاطباق في رمضان عادة خاطئة يجب تصحيحها هل كل الوجبات تأكل ام ترمي

زائر 4 و6

شتعرفون عن المره وظروفها في بيت عمها؟ وليش هالالفاظ في شهر رمضان ..؟ يمكن بيت عمها مايسمحون ليها باستخدام المطبخ ..مو كل چنه عايشها مع بيت عمها مرتاحه ..أني اعرف كذا وحده شاربين المر من العيشه مع أهل الزوج وضيق المكان وظروفهم ماتسمح يطلعون في شقه لحالهم ..وماعندهم اي خصوصيه… والعمه ماتسمح لزوجة ولدها تستخدم المطبخ ..ارتقو شوي في كلامكم

مسكين

الظاهر انك لا تفرق بين المطاعم الجميلة وبها مالذ وطاب وما تشتهيه الانفس والكافيتريات اللي في الفرقان !!

اذا اشتهينا شي اخذنا من المطعم ...
احنا اثنين مو كل شي نطبخة ..
مثلا هريس ما يسوى انسوي حق شخصين
او معجنات ..
والتنويع وايد زين

الونيس

حنا البارحة تسحرنا في مطعم

المطعم حق المسكين اللي ماعنده احد يطبخله لكن اللي عنده مرته ومدلعته بالطبخات لا والله الا قاعد بالبيت ويضرب بالخمس والحمدلله.

امس اني اتفطرت في بيت عمي بصراحة الكل جاب من برة بحجة راحة وبريك والله في خيرات واااجد صراحة كل انقط محد اكله منه إلا شوي وظل صفرية ثريد ورغبوا حق الحلويات ووالقيمات وحق المجبوس. .حتى حو بخاطري النعمه والخيرات في ساعتن وحدة بتنقط...حتى قلت لهم لحفظ النعمه طبعا اعطوني شوي بخليه حق سحورنا أو بغذي فيه الجهال حق بأجر..اصلا مافي ولا يعلى على اكل البيت بس الي عنده جهال والتزامات وش اتقولون عنه بس خيابه على الرغم منظمه وقتي بس الوقت يمشي الحمدلله على كل حال
أم فطوم

محد عنده حجة، في رمضان الوقت طويل والكل يقدر يطبخ على راحته واللي يعتمد على المطاعم هؤلاء كسالى من جد

لو زين الحياة كلها مثل شهر رمضان

... عيارة ومتفلسفة ودليعة تمبه لازم مطبخ بروحها والا ماتطبخ ويش قال خصوصية سليمة جبتش انتين وخصوصيتش روحي ..اطبخي في الحر عشان تتأدبين .... الحريم العيايرة..

.. ...والله أشك انك مو صاحي

عيار يرفسك من باب بيتكم الى الخرابة

الحمد لله نتفطر من أكل الوالدة فقط
ونتسحر من طباخنا احنا الاخوان
يومية نسوي لنا حاجة نعفس فيها
الله لا يحوجنا للمطاعم

هريجش
نزلي ويا عمتش وساعديها بالطبخ
و قالت مطاعم وخصوصية
حجايج العوبان

الي ما يقدرون يارب الله يحطكم في موقفنا واخس عشان تعرفون شلون تقدرون الواحد طاح حظك لاني صايمه ماقدرت ارد عليك

المطاعم

لماذا المطاعم في شهر رمضان ؟؟؟ واللي يفضل في الفطور ناكله في السحور والمطاعم ويش فيها غير هالسندويشات والمشوياااات اللي تعطش في شهر رمضان

افضل اتفطر واتسحر في المطعم طول ما اني عايشه في بيت عمي وما عندي خصوصيتي
بس لو كان عندي مطبخي الخاص راح افضل الفطور يكون بالبيت والسحور من مطعم

هي حجج الكسالى المعتادة لانه مايبون يطبخون

بسم الله الرحمن الرحيم
(يَا بَنِي آَدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ)
صدق الله العلي العظيم