حرام الناس ضايعه بدونه ليش ما تخلونه يفتح مكانه انا بموت ماخليت مكان من بداية شعر الله للحين علاج طبيعي ١٠ جلسات ما استفدت ومراهم وابر بموت يا عالم يابشر وين الاحساس لا خليت مستشفيات حكومه ولا خاصه ولا صرت زين قبل سنه صادني نفس المشكله ورحت له في ربع ساعه انتهى كل شي بفضل الله وبركات هالانسان الطيب والله وقسما بالله لو في بلد ثاني كان وضعه مختلف والله يمكن يفتحو له اكبر مركز ودعم خاص ..لا حول ولاقوة الا بالله العظيم

اصحاب السمو وصحاب المعالي تدخلو في امر الجهات المعنية لمنحه التراخيص

عليكم تكريم هذا الانسان يا حكومة البحرين
من دولة قطر غازي

جميل جدااا تطيبق الانظمه و لكم حق فى إتخاذ مايلزم ولكن اذ كان استفاد منه الموطن وغيره من جاء يطلب الاستشفاء وثبت جدوى عمله عليكم تكريمه وإصدار رخصه ليستفاد من خبرت الاباء والأجداد وهذا كندز لايقدم...

لنا الله بعدك يالنينون الله يفرج عنك

هذا الخبر احزنني كثيرا ً. لماذا كل هذا ...على هذا الانسان الطيب الذي يعالج الناس باخلاقه قبل يده انا في يوم من الايام كنت اصلي صلاة الظهر وعند سجودي توقف ظهري وشعرت بالم شديد في اسفل الظهر ولم يبقى مستشفى في هذا البلد او مراخ الا وذهبت له و حتى مراكز العلاج الطبيعي وقمت ١٠جلسات متتابعه ولم يكتب الله لي الشفاء وعندما اخبرني احد الموظفين بهذا الرجل ترددت لاني يآس من كل شي وذهبت له وكان هناك في الانتظار من كل دول الخليج وانتظرت حتى جاء دوري ودخلت وكان فترة علاجي ١٠ دقائق وخرجت وكاني اكذب

اتوقع ان فترة الإغلاق مؤقتة ريثما يتم فتح ترخيص بمزاولة المهنة حسب الأنظمة وهذا شئ طبيعي من الجهات المختصة بإغلاق المحل ..
وأتمنى من الجهات المعنية تعجيل الترخيص حتى يتسنى للمرضى زيارة الطبيب المعالج في أقرب فرصة ..

الله يفتحها في وجهك يابومحمد وان شاء الله تكون خيره لك هاذي الايام اللي تسكرت فيها العياده
صحيح ماتقابلت معاك ابد بس السمعه الطيبه اللي تمتلكها لها صيت كبير عندنا بالسعوديه
وقرار ايقاف خدمات مزاوله المهنه قرار خاطئ لان كما سمعنا المركز او العياده لها اكثر من ٥٠ سنه تقوم بمعالجة المرضى وبدون اي مشاكل والمكان نفس المكان لاكن فعلا البحرين بلاد العجائب
مراكز التدليك والمساج في البحرين ياكثرهم واكثرهم بدون ترخيص ناهيك عن ذلك اساسها يعتمد على الجشع بالدرجه الاولى لاكن حتماً ستعود ان شاء الله.

لو في بلد غير البحرين كان من زمان فتحو له مركز ويدعمونه فكريه وماديه ومعنوياً لان الكل يشهد له بخبرته في هذا المجال اللي قاعد يصير خطآ فادح
اتمنى من اصحاب الشآن تدارك الآمر

حسب المعلومات اللي صلتني انه قريب بكمل الاجراءت وراجع لناس اللي ضاعت بدونه ادعي الله يوفقك ويعطيك على قدر نيتك

سمعتك افضل من المستشفيات

الله يفك عوقه عاجلاً غير اجل
ياجماعه الخير ابي معالج يعالج مشكله السرسوف بالتمريخ او مثل مايقال له شلع السره رجاءً دلوني على اي معالج ثقه

انا من الناس اللي عندي الفقرات العنقيه والقطنيه اللي تقريبا يسمونها انزلاق غضروفي وكنت ناوي اروح للمخلص الطيب عيادته وتفاجئت باغلاقها
وش ذنب الرجال لمن يعالجني ويعالج غيري ونقوم نتمتع بالصحه والعافيه
ارجو التدخل السريع من الملك حمد حيال هذا الامر لانه حقيقه قراره ايقاف العياده بدون وجه حق ابدا تسبب في علاج ناس تتمنى العلاج وهالعياده لها اكثر من ٤٠ سنه واليوم تتقفل

باي وجه حق تتقفل وليش طيب؟
والله العظيم سمعتك في السعوديه واصله كل مكان يا (...) وان شاء الله نفرح بخبر اعادتك للعم

الله يسهل عليه ويرجع يخدم المرضى .

نحن معك على عملك الانساني وانا لي كم زيارة قمت بزيارة ........ ولا مرة شفت عنده ادويه واللي يبغي الادويه يدل الصيدلية والشي اللي عنده هي منتجات ادمارك وهي مرخصه في البحرين والخليج وبيعها اقل من شرائها والله هذه اللي شفته هذا عنده رساله انسانية وعنده قلب حنون على المراجعين ولا مرة سمعت احد يشكي منه الكل يدعي له بالتوفيق والنجاح وان شاء الله نسمع عنك الاخبار اللي تفرح وتشرح القلب والله ضيعت ناس واجد بتوقفك عن العمل

كلنا نقف بجانبه . لان عمله ليس ربحي ولم يشتكي احد منه ابدا فلماذا تقكعون رزق الفقير ؟! وقبل بيوم تلفزيون البح حسبنا الله ونعم الوكيل

كثير من اقاربي اشادوا بالمراخ ........في حالات كانوا يعانون منها سنوات طوال ومراجعات لعدة مستشفيات بلا جدوى وعشرات الانواع من المسكنات اللتي انهكت اجسامهم وتم هلاجهم بفضل الله ثم بفضل المراخ والآن هم في احسن حال وكنت قد نويت انا اذهب بأمي للهند ولكن بعد ماسمعت عنه قررت الذهاب اليه ولكن تفاجأت بهذا الخبر المؤسف فمثل هذا الانسان لايستحق ان يحصل له مثل هذه الامور

واللة عيب عليكم خلي الناس فحالها بسكم ظلم للمواطن،بس في ناس حقودة،لو بس منقهرين منه،يستاهل ابو محمد،وانزين خير ياطير،مسكرين المركز جن مسوي جريمة احتيال،سنين وبنين ما شفنة منه شي،ولو في شي المفروض يستدعونه ويقولون ليه شنو المفروض يسويه،وشنو الأجراءات ،مال له داعي يسكرونه،ما يستاهل واللة

احنا من الرياض ودينا امي عنده وبصعوبه تعبانه حييل ساعدها كثير الحين تمشي وامورها طيبه والله الرجال محترم ويده خفيفه ولا ياخذ الامبلغ رمزي وادويته مرتبه وموجوده عند العطارين والصيدليات مرخص لها ولا يفرض احد ياخذ من عنده الي مايبي ياخذ من برا الله يوفقه

والله ......... مفروض يفتخرون فيه دولة البحرين ويعطونه وسام ..ودينا امي عنده قبل كم شهر كانت تعاني من انتفاخ وسؤال في رجولها وعطاها العلاج المناسب بعد التدليك بخفة يد ه ماشاءالله الحين تمشي ورجولها رشيقه
صار لها كم سنه تعبانه حيل وكله مرقده في المستشفى

حسب اللي صاير افم انه خرب على المستشفيات وكسر سوقهم
وهذا انتقام منه وتشويهه

صراحة انا واحد استفدت من علاجة ولو هذا الشخص في دولة خليجية انجان حطو على رأسة تاج

نقلاً لاحد الاصدقاء يعني الامر شفته بعيني كان صاحبي يون ونين من الام رجله وظهره ودائماً مايذهب ذلك الالم بالابر وبعدها بساعات يعود وبقي على هذا الحال اكثر من ٦ شهور والوضع يزداد سواءاً لدرجة انه ماصار يمارس حياته الطبيعيه ابداً بسبب الام الرجلين واسفل الظهر وبعد زياره واحده فقط لهذا الرجل الطيب المشهود له فعلاً عندنا بالسعوديه قسم بلله العظيم الرجال بعد نص ساعه اكثر اقل طلع وجواله في اذونه يتصل مطعم في السعوديه يجهز الولايم للاقارب من كثر الفرحه اللي عاشها بعد ماراح ذاك التعب والاااالم

انا واحد من مرضى انا اسميه ( ...المحترم .... ) لانه في ناس مايستاهلون لقب دكتور ماشاء الله عليه مرتب مركزه المتواضع والناس كلهه تشكر فيه وفي علاجة اخذت اكثر من ثلاث او اربع ناس من اهلي كانوا يشكون من بعض المشاكل بالعصب وغيرها وتشافوا بفضل الله ثم فضل الدكتور والله ينصره على الحق ان شاء الله وكلنا معاك ✌️

ماشاء الله عليه رحت مستشفيات ولا استفدت الا علئ هالرجال المؤمن الله يحفظه والله لو يروح اي مستشفئ ويطلب اي مبلغ بياخدونه لخبرته العلاجيه ولتميزه وسمعته الطيبه

الله يفرجها لك يارب ونشوفك بذالك النشاط الذي عهدناك به ...يالطيب ولد الطيب
الموضوع قانونيا معك وقريبا ستشرق الشمس تحت ظل هذة القيادة الحكيمة

والله ياشباب اني شالوني من البيت بالاسعاف ضهري ماقدر اوقف خلاص حسيت نفسي انشلليت في الاسعاف خبروني انه الدسك تحطمت توني شباب وصلت المستشفى قالي انه شد عطاني بروفين ونا يحملوني ربعي ويدزوني بالويل جير ماتحملت الالم رحت خاص صرفت 300 دينار في يومين ولافاد اخرشي صديقي وداني حقه . اول مشافني قالي تعال اعدل ضهرك غضروفك متحرك قلت له بعدم ثقه ونت وشدراك مع اني يائس منه . الله وكيلكم يمين شمال قرطع ضهري وشوي زيت ماصدقت اني قمت امشي طبيعي وحبوب ووصفه وتعب روحه اخرشي 5 دينار مسكين حسابه الله يوفقك ياخويي

انا في حياتي ماشفت ريال مثل هالريال اخلاقه جدا راقيه من صلب ريال الله يرحمك يا حجي أحمد من خلف مامات عبدالله مشهود له مو في البحرين بس كل دول الخليج يتعالجون عنده والحمدالله يطلعون من عنده بفضل الله وهالريال مافيهم شي كم مرة جدام عيني مدخلين له وحد كويتي على الكرسي المتحرك جدامي طلع يمشي ويقول مافيني الا العافية وعياله حاملين الكرسي والفرحه على ويوهم ... عسى الله يفتحها بوجهك .......ويخليك ذخر للبحرينين واشقائنا في دول مجلس التعاون

هذا المكان كان موجودا لأكثر من ٥٠ سنة من حيات والده وأنا شخصياً تعالجت على يد الأب رحمه الله والإبن فرج الله شدته ودائماً كان العلاج مفيد وسريع المفعول والخبرة كبيرة من الأب الى الابن والتكلفة دائماً ماتكون رمزية نتمنا اعادة النظر في موضوع انساني بحت مخصص لخدمة الناس

عنوان المراخ لو سمحت

اول ماتدخل الحرين اكتب على قوقل ... وتوصل

بصراحه انا واحد من الناس تعالجت عنده من مرض عرف النساء والحمد لله تعافيت

تصحيح المراخ ..... غير مسجون للانتباه فقط وانما عيادته تسكرت من الحكومه وان شاء الله اجراءات بسيطه ويرجع يزاول المهنه من جديد في غضون ايام معدوده وهذا كلامه لي شخصياً.

الله اكبر كله هذا لان حاط جم كرسي للزائرين وبالرقم يعني اذا الرجل منظم تسويه غير قانوني من سنيين ناس تزاول هالمهنه جت على هالرجال

انا عن نفسي تعالجت عن آلام الدسك عنده من سنتين وبفضل من الله ماشتكي منه الحين ونرجو من الجهات المعنية أن تمنحه الترخيص له بمواصلة العلاج الطبيعي لأنه ريال يستاهل أن يكون معالج والتجربة خير برهان. وشكرا والخبر عور قلوبنا

اخوي هاي مو علاج طبيعي ...هي طب شعبي .... ارجوا تصحيح المعلومة لديكم

بيتهم في المقشع او ما يفرجون عنه علطول بروح له عندي الالام في الكاحل وغلونج في الظهر وان شاء الله ار ما يفرج عنه نروح له

بعض الدكاترة وخصوصا في المستشفيات الحكومية عندهم استهتار في معالجة المرضى ومحد قال لهم شي .. جت على هالفقير

والله الم ظهري ورقبتي مايروح الا على ايده هالطيب واذا تروح عيادة بس تشوف الدكتور قال عشرين وقعتك على الكرسي بخمسه والنظره الاولى بخمسه والتحدث بخمسه والكهرباء الا مشغلة طول ماانته بالعيادة على حسابك وبعدين مافي فايدة

طيب دام انه يعالج الناس يالحكومة اعطوه ترخيص من عندكم مو تحاكموه
مافي تحفيز للشعب
دول الاجانب يطلعوا من الفاشل ناجح وانتو العكس

حرام وله حرام ليش شمسوي هطيب رجل افل من الف دكتور وارث العلم من اجاده جلسه وطيب رافع راس الدوله هاي ولد ....اله يفرج عنك يا ......ليش شمسوي هطيب

شلون ما عندده مؤهل ، هذا الكلام غير صحيح ، الرجال درس في السعوديه و بلجيكا

احنا بيه عدنا في الدوحه والله انه سمعته عاليه جدا وعالج عوائل كبيرة لها سمعتها يعني الرجال مو عاجز يخسر بالملاين في دول اوربا وشاف واحد من المراجعين في ذالك المستشفى في الجيك قال له انا دفعت الاف وماستفدت ورحت البحرين حق واحد اسمه ...... والله كتب لي العافية على يده والله نحن مستعدين نوفر له المكان واللي يبي واحنا نبي الاجر من الله وهوعالج ناس وايد عندنا في الدوحه و دولة قطر تتمنى ان يكون فيها رجل مخلص وامين وقنوع كل الشكر لك وبتواصل مع الاخوان وباخذ رقم الاتصال الخاص بك

صرفت آلاف الدنانير في المستشفيات داخل وخارج البحرين حتى سائت حالتي حتى أشار لي أحد أصدقائي بزيارته، لم أكن ممن يؤمن بجدوى الزيارة، ولكن بعد انتهاء أول جلسة أحسست بأن هناك إعجاز ما حتى طلبت أن تكون الزيارة الثانية في أقرب فرصة… وبالفعل بفضل الله وهذا الشاب، ها أنا أجول وأصول وكأني شخص آخر غير اللذي كان يتردد على مختلف المستشفيات والمراكز وصرف للأموال دون طائل… فالشكر الجزيل للشاب .....، ولو كان في بلدٍ آخر فإنه سيكون محل رعاية ذلك البلد… ولكن نعيش وانشوف وحسبي الله ونعم الوكيل.

مسكين لا فاتح مركز طب بديل ولا شي. رسميا بعرف نفسه كمراخ شعبي، وهي مهنة بحرينية قديمة يتدارسونها ويتعلمونها بالتدريب جليلا بعد جيل، لا يجوز مصادرتها. وهو نفسه عالج اخي بالمساج من آلام في الكاحل بسبب إصابة رياضية بعد أن عجز الطب الرياضي ومركزين علاج طبيعي عن علاجه، وعالج قريب من آلام ظهر مزمن لم يفده العلاج الغادي. الرجل يقدم نفسه كمراخ ولم يقدم نفسه كطبيب. هذا ظلم. نفسها الوزارة تتغاضى عن أخطاء طبية فادحة لاطبائها وتتجاهل شكاوي المرضى، الآن تستعرض عضلاتها وكأنها لا تعرف تاريخ البحرين؟

الصراحه انا كلمته اليوم على اساس بحجز موعد عنده وتفاجئت باغلاق العياده مؤقتاً والله العظيم كنت ناوي اجيه من السعوديه للعلاج بعد السمعه الطيبه جداً للمرضى اللي تعالجو عنده وانا اليوم عجزت القى حل للاوجاع اللي اعانيها في ظهري ورقبتي ورجلي وعزمت السفر لهذا الرجل الطيب اللذي يمتهن مهنة الطب الشعبي النبوي واللذي لايوجد منه اي ضرر ابداً ولاكن تفاجئت باغلاق العياده حالياً
حقيقه الامر احزنني كوني اريد العلاج اللذي سئمت منه ولاكثر من مستشفى زرته ولاكن دون فائده
الله يسهل اموره وتنفرج وهذا مصدر رزقه.

اول مرة اسمع ان العلاج الشعبي لازم ترخيص ههههه)
وبعدين انتو بما ان تشوفو الناس تطيب ع يده ، المفروض انكم تدعموه وتفتحو انتو له مركز .
ولا بس شاطرين تحطمو البشر .

ممكن احد يوصف لي عنوانه اذا الله فرج عنه وطلع ابغي ازوره لاني اعاني من الالم مزمنه من فتره طويله وشكرا للجميع

هو موجود في قريه اسمها المشقع..اول ماتدخل البحرين وانت قادم من السعوديه روح طوالي لحد ماتوصل كبري وسط المدينه اطلع معاه ورح على طول واسأل اي واسال اي واحد راح يدلك عليه...اسمه .....الرجل حبوب جدا اعرف ابوه الله يرحمه

في نظري طريقة عرض التقرير ضرته. .. هو مو فاتح مركز علاج طبيعي ... لو ذكروا انه قاعد يمارس مهنة الأجداد و الطب الشعبي جان محد فكر يداهم بيته. .. و موضوع الأدوية على قولتهم لو صح فهو غلطان... أما إذا كانت مجرد زيوت فهي عادي.... خلوا الرجال يترزق هاي طب شي شعبي و تقليدي و الله ييسر أموره

أعتقد اللي ضره طريقة عرض التقرير على أساس أنه مركز للعلاج الطبيعي ... إذا المذيعة ذكرت انه يمارس مهنة الأجداد و الطب الشعبي محد ضره أو جاء صوبه...

ممكن احد يوصف لي عنوانه اذا الله فرج عليه وطلع ابغي ازوره

والله الصراحه، رحت أكثر من مستشفى و كل دكتور ادخل عليه يقول لي لازم عمليه في الركبة، واحد من الشباب قال لي روح حق واحد اسمه ........ و أخيراً عرفت وين يسكن و رحت له و الله شاهد أن زيارتي له كان عشرة دقائق بس و في اليوم التالي صرت مثل الحصان و خذ مني خمسه دنانير ، المستشفيات الخاصة نتفوني من الفواتير ولاكن ........ خمسة دنانير، احب اقول الدكاتره في المستشفيات دارسين بلاوي ولاكن واحد يموت تحت أياديهم، ........ الحين عرفت انه مو دارس بس موهبة من رب العالمين وانشالله أمور طيبة

رجال يترزق الله ..ليش الحقد والحسد .. يمرخ ويسوي حجامه ترخيص ويش بضبط

بالامس القريب هيئة الاذاعة والتلفزيون تقوم بزيارة للمركز وتمجد في ........ وابوه وجده واليوم تغلق المركز بحجة عدم ترخيص ماشأن مراكز المساج بشارع المعارض وفي ارجاء مناطق البحرين هل لديها تراخيص

قطع الاعناق ولا قطع الارزاق رجال قاعد يمتهن مهنة اجداده وقاعد اعالج الناس،، الي الدكاتره الموئهلين مايقدرون افيدونه... رحمو الناس عاد تعال طلع ترخيص وطلع سجل وطلع هرير علشان اتشفطون فلوس رجال في بيته قاعد يشتغل ماليكم شغل فيه

بصراحه اهو افضل شخص يعالج بطب البديل ، واكبر دليل على انه الافضل توافد الجميع من دول الخليج و البحرين بشكل يومي ،، من تجربه شخصيه و اسال الله ان يساعده في محنته و ، و وزاره الصحه تجد له حل .

سلام عَلَيّكُمّ السلام وَ رَحْمَةُ اللهِ وَبَرَكَاتُهْ

انا من المملكة العربية السعودية وشهرة ......وصلتنا الى ابها وكل انحاء المملكة واحنا سمعنا عن عن طريق شيوخنا في المملكة وعالج واحد ماكان يشمي له سنين سوى له تدليك كم جلسه وقام يمشي يا اخوان هذا الرجال يده مبروكه والله اني مريض اشهر ما عالجني الاهو قسم بالله ادعو ملك البحرين التدخل للمصلحه العامه وهذا طب نبوي شعبي قديم من الاف السنين

اخوكم من المملكة العربية السعودية

لو تكرمتم تعطوني عنوانه بعد ان شالله مايفرج عنه
اصلا المستشفيات مامنهم فايدة خساير فلوس على الفاضي ماعندهم ضمير

هل في أضرار وراء علاجه

فأذا كان المراخ ........ الذي تم غلق محله فما أقول الا حسبي الله ونعم الوكيل أنا أحد المرضئ الذين كانو يتعالجون عنده وكنت أعاني من أوجاع والألأم في ظهري ولله الحمد بفضل الله وبفضلة تعافيت وتشافيت من الأوجاع والألأم التي كنت أعاني منها وحاليا أمارس حياتي بشكل طبيعي

الشي الغريب مركزه صار له اكثر من اربعين سنه ومتوارثه من ابوووه شمعنى الحين وقفوه ؟ السالفه كلها حسد لما شافو رزقه زاد

حسبنا الله ونعم الوكيل. الله يفرج عنه ويرفع عنه الظلم

ههههه ، من حلاوة قوانينكم يعني ، يعن مايصير يعالج الناس ويداويهم الا بورقه اسمها "مؤهل" ؟ ، والله هذا الشخص احسن من أطبائكم

اخواني واخواتي انا اعرف اركب دشات بس ماعندي ترخيص والان عندي مشكله بالدش وخايف اركب فوق السطح اصلحه تساعدوني تشوفوا احد عنده ترخيص؟؟؟؟؟

الامس تمدحوه بالقناه واليوم قلبتو عليه !!

خل يروحون الانستجرام ويشوفون البيع والدجل والطب البديل

هذا نهج جديد عند الحكومة تسلط الضؤ على الانشطة المعيشية ومن ثم تتبعها بعقوبات عليهم او فرض ادوات تعتبرها ادارية الغرض منها هو الحرمان من العيش بكرامه. وهذا ليس وليد اليوم لكن الان اتخذ اشكال اخرى واعطته مبررات ومسوغات اخرى.

فاضين

المراخ او التدليك حالها حال الحجامه وناس واجد في البحرين تسوي في بيوتها حجامه و ........ حجامه و مراخ وبفضل الله وبفضل خبرته فاد الناس وااااااجد وارتاحت منه انا عن نفسي صادني الم في الركبة تعبني سنة ونص ما في مستشفئ ما رحته ما لقيت العلاج بس بفضل الله وخبرة هذا الانسان عالجني

بل غضبت عليه الإلهه، أمس مخلين عنه تقرير في تلفزيون البحرين ويمدحون فيه واليوم يحبسونه ههههههههه أما البحرين بلد العجائب !!!. ههههههههه

بالنسبه لي الموضوع وراه ناس حاقده والله الناس مستفيده من علاجه ومشهود له ..

تبون تقطعت أرزاق الناس بكل الطرق..وهذا الشخص مرات ومعروف وواجد اشتغلوا بدون ترخيص ومحد وقفهم

فاغصين المواطن من كل زاوية

يستاهل عجل تعال افتح مكان بدون ترخيص علي أساس انكً مراخ

..... عنده تصريح لمزاولة المهنة

حسبنا الله ونعم الوكيل

شخص معروف من سنين مو وليد امس ومزاول المهنة اليوم وعنده ترخيص .. بس عشان يضيقون ع المواطن ويقطعون رزقه .. حسبنا الله ونعم الوكيل

الحق يقال
بدون عاطفه ...
مافعلته الهيئة صحيح لحماية المواطن وصحته من اخطار كثيره.
في رأي صاحب المركز تمادى شوي وجعل منه للعلاج الطبيعي وبيع الادوية ....لو ماسواه مركز وخلاه عادي انشان مالفت الهيئه له و حتى بيع الدواء شئ غير صحيح

انا اسوي في بيتي الغدا وريوق وعشا واحيانا اسوي تدليك لعيالي وين اطلع رخصه عشان لايداهموني كلشي يصير عاد

ياربي ليش جدي الدنيه صايره غلط في غلط حرام اناس مستفيده منه

البحرين موقعة على اتفاقية تسمى اتفاقية التنوع البيولوجي وهذه تنص على المحافظة على المعارف التقليدية باعتبارها ارث ثقافي.. يمكن للمحامي الذي سيدافع عنه الاستناد الى هذه الاتفافية الملزمة للبحرين اثناء المرافعة.

هذه مهنة شعبية متوارثة... يعني تراث!! أين الخلل؟؟؟؟؟؟؟؟؟؟؟؟!!!!!!!!؟؟؟؟؟؟؟
انت نفر في مخ؟؟؟؟

تاس ماعندهم تراث ... ويش تقول

خوش عياده بصراحه انه رحت له جم مره و استفدت وايد .. للاسف الشديد اقرى هالخبر

ادا كان شفاي عندة بروح آلية عن ارادتي ....
الصحة فتحت باب وهي مو من كدها

والله ما خليتو للعيب عيب
وكل هذا بيد من حديد !!
على شنو يا حظي يا الي ما تعرفون اصل هالبلد وناسه الطيبين كل هذا ما راح يغفر لكم رب العباد
حسبنا الله ونعم الوكيل فيكم

محاربة الفقير حسبي الله ونعم الوكيل

ترا قولوا لهم الرجال يمرح معنه متوأرثه في البلد والبحرين مشهورة بالتمليك من قرون يا نهره ولا أو احد

يادافع البلا اللي كاتب حياة الناس مو لعبة جي الرجال وش مسوي عمليات مستعصية ؟؟؟ بعدين اللي يجون بإرادتهم محد مغفل مايدري انه ماعنده مؤهل والقانون اصلا مايحمي المغفلين بعدين اصلا اكثر زباينه سعوديين وكويتين ولا مرة طفنا صوب البيت مافي سيارة سعودية وهذا دليل انه الكل مستفيد وله صيت واسع ولازم ترخيص وهرار بس يبغون يطلعون فلوس هذا طب شعبي مو عملية اطفال انابيب !!!!

اعرف ..... من زمن ابوه والناس مستفيده منه حتا المستشفيات الحكوميه يودونه

محارب الفقير على لقمة عيشه والحراميه محد يحاسبهم ولا يدري عنهم

خل اجيبون الاولين الي علي زمن ابوه وحاسبونه ليش ماعندك شهاده وماعندك سجل هذي طب شعبي ياعالم ياهو الي ابوق مايتحاسب والي ياكل لقمت عيشه بالحلابعد يبون اشاركونه

رحم الله والديه اصراحه نفع ناس واجد الي منهم يأس من انه يقوم من مكانه

تاريخ 11\\6\\ يمدحونه ويخلون عنه ريبورتاج في التلفزيون ا...وتاريخ 12\\6 يداهمون بيته ويحولونه الى النيابه چان داهمتون بيتهم على حياة ابوه لانه كان مراخ ويعالج الناس بالمراخ والله احنا في بلاد العجائب

مسكييييييين ماعنده واسطة خخخخخ

اشوله عاد؟! اعرف ناس في الرفاع والزلاق ومدينة حمد والمحرق يشتغلون نفس الشغله ليش مايروحون لهم يعني لازم لقبه يكون ....والله العظيم في الدول المجاوره هالناس الي عندهم هالمواهب حكوماتهم تساندهم وتوفر لهم كل وسائل المساعده وتفتخر فيهم مو تسجنهم وﻻ تحولهم على النيابه مو حرام الي قاعد يصيرفي هالديره نفس ماقالو مناكرها اكثر من فعايلها ماقول الا بقبق والله مصخره الله يكون في عون هالشعب

حبكت يعني !!!! اللي يقرأ أو يسمع يقول إنجاز إمسويين هههههه

حسبنا الله ونعم الوكيل

ويش هالحالة يبون يقطعون رزق الرجال الأخ ...مشهود ليه بالكفائة و الدليل الوافدين للعلاج عنده من كل دول الخليج يومياً حرام عليكم

الرجال يسوي مساج وتدليك ويمرخ الجسم او المكان المعلول ، وفي منزلة والادوية هي زيوت طبيعية ، فوين المشكلة في الموضوع ؟؟!!
والرجال ماقال انا دكتور او صيدلي !!
مجرد طب بديل يقوم على اسس التدليك والاعشاب ، لله الحمد استفاد الكثير منه ، ولم يأذي احد !!
لاكن اقول دققو في شهادات وحسن وسيرة الدكاترة الا السلمانية الاجانب بتلاقون مصايب .
احدهم مطلوب في بلدة بسبب اخطاء طبية.
واحدهم مزور شهاداته الجامعية .
وغيرة من البلاوي .
فلا تجون على الناس البسطاء ، وكل الدول فيها اناس تتعالج بالطب البديل.

هذه من مكرمات تلفزيون البحرين
بعد نشر مقابلته جاء الرد الطبيعي
لا حول ولا قوة الا بالله العلي العظيم

الهدف من الشهاده والترخيص التاكد من الي يعمل يكون مؤهل لهذا العمل وانا اقولها شهاده حق انا مدرس من منطقه نجران تعالجت عند الدكتور جلست عنده ربع وتم الشفاء باذن الله عياده نظيفه ومنظمه ومفيده وليست ماديه تعالجت بمائتين ريال لو مستشفي كلفت مبالغ كبيره احمد الله واشكره على الشفاء ونتمنى ان نشوف الدكتور فاتح العياده

تقدمت بشكوى الى هذه الهيئة وعلى الرغم من وضوح الخطأ الذي ارتكبه الطبيب الا أنه تعذروا بأنهم ليسوا جهة تنفيذية ذلك ان الطبيب عربي، ورئيس الهيئة عربي والضحية بحريني.
شكرا للهيئة الوطنية ولوطني العزيز

هههههههه أمس مخلين عنه تقرير بالاخبار (تلفزيون البحرين ) ويشيدن به و اليوم حولوه النيابة، ،،، ههههه مسخررررره

يالله خذ بس .. ما اشوفهم راحو السلمانيه شافو الي اذبحون الناس واهم عندهم شهادات جودو هالفقير الي اعالج بمراخ ديرة العجايب والغرايب هالديره لا وقبله بيوم تقرير في تلفزيون البحرين يشكرون فيه ههههههه

عندما يسلط التلفزيون الرسمي الضوء على مساهماتك في علاج الناس بكل حفاوة وتقدير، ثم تكتشف أن هناك أمرا بغلق محلك والقبض عليك، فكيف ما تستغرب!!

تاريخ 11/06 عارضين له تقرير في تلفزيون البحرين وتاريخ 12/06 يغلقون محله ويحولونه للنيابة.شاهد الحقد لوين واصل في البحرين..حسبي الله ونعم الوكيل

مؤسف ما يجري. الشكوى لله

وماذا عن يمارس الحجامة دون ترخيص
وهم بكثرة في مناطق البحرين
علما بأنها اكثر خطورة من العلاج الطبيعي

معناه أن التصوير ما كان لله ولكنه كان كمين ومكيدة
ودليل إدانة وضبط جرم مشهود

الرجال يمرخ الاوادم وتسوون جذي

تدليك الجسم ممنوع في البحرين ؟

نصيحة على الأخ ان يتوجه الى تمكين فهي تمنح رخص عمل من المنازل...وبالامكان التعاون بين الهيئة وتمكين وإيجاد حل لهذا الموضوع...الهيئة تبي رخصة مزاولة المهنة...وتمكين دورها دعم المواطن...الكرة في يد تمكين

تمكين لا تعطي رخص مزاولة مهنة، لا منزلية ولا تجارية. الرخص المنزلية من ضمن اختصاصات وزارة التنمية

نعم الرقابه تفيد ولكن هل يطبق على الكل طبعا لا ،
لأن حتى المرخص منهم لا يحاسب، أحد يقول لي في أحد حاسب المستشفيات الحكومية والخاصة اللي أعطوا المرضى دواء سواء حبوب أو أبره بالغلط في أحد حسابهم ولازال هناك مصابين كثر منهم ولم يفعلواولم يحاسبوهم ولم يغرموهم ولم يدافع أحد عن المرضى الذين وقعوا ضحايا هذه الحوادث فلا ينط واحد ويا زعم أنه خبير ويقول حياة الناس مو لعبه والهوامير ما ليهم أحد يحاسبهم وهذه الحكومه هي المسؤولةاولا وأخيرا،وما حصلوا إلا هذا الفقير اللي يزاول المهنه من زمان بس لان يبون فلوس.

والله العظيم هالبلد على المواطن بس. محلات التدليك والمساج تارسه البحرين من تايلنديين ومغربيين وحتى بنات يدلكون بعد وهل هذيلا القانون ماينطبق عليهم؟ هل عندهم مؤهلات وكفائات؟ بسكم ظلم للمواطن الاصيل . هالرجال الطيب انا رحت عنده واستفدت من عنده وغير اهلي وربعي وكل من اعرف وغير اهل البحرين واهل الخليج. شنو تفكر فيه الحكومه لما اقدمت على اعتقاله ؟ قانون؟ طبقوه على الحراميه والمتجاوزين اول . بغض النظر ان كان مرخص او لا شوفو ايجابية الشيء اول

عجل المراخات الي امرخون الولد بالبيوت مخالفات وبتودونهم نيابة !! الطب البديل ما يحتاج رخصه ومن اسنين في ناس امرخون لان الناس قاعدة تستفيد على ايدهم وبدل ما تغربلون هالفقير الي شهد ليه الناس ببراعته وانها ورث تعلمه من جده حققوا وياه وانصحوه وطوروه بدل هالنيابه حرام عليكم لين دبح احد تالي مرمروه

أعرفوا السالفة أول تالي قولو قانون وقانون ،الرجال عنده خبره من أبوه الله يرحمه وما سوا إجرام ولا قتل أحد ،حسبي الله ونعم الوكيل

مافي احد جه إلى عيادته وقال ماستفدت يجون له من كل مكان لو مايستفدون كان مايقطعون مسافات طويلة إلي يجي من نجران والرياض

الرجل يعالج بالتدليك والزيوت
يعني مابيسوي عملية قلب او بيشيل عين
وهالمهنة من زمان متداولة فمالذي جد؟؟
وبالامس تلفزيون البحرين عمل تقرير يكرمه فيها وهكذا يكون جزاءة؟!

علي الفقاره بس

ماله دخل فقاره لو مو فقاره !! حياة الناس مو لعبه

لان بحراني من جدي تقول حياة الناس مو لعبة .. واللي يمارسون نفس المهنة في الرفاع والمحرق هل طبق عليهم مثل هذا الأمر وأغلقوا مراكزهم .. واللي جايين من الخارج المصاروه الا يشتغلون اطباء في المستشفيات نصفهم اذا مو كلهم عندهم شهايد مزورة ماشفنا قلتون حياة الناس مو لعبة .

حياة الناس وينه في القضية الرجال يمرخ مو يزرع كبد وكلى وموس صغير مال تنضيف ما يستخدم شلون بعرض حياتهم للخطر انت شكلك من الحاقدين على المواطن البسيط لين استفاد ربيتين

حياة الناس شنو يالحلو هذا تدليك بزيوت مو فاتح بطن او قلب يالحبيب عجل لا اتخلي احد يدلك رجلك اءا تعبان

نعم للقانون
منذ زمن والمواطنين يطالبون بتطبيق القوانين والرقابة والتفتيش والضرب بيد من حديد ضد كل من يقوم بهذه الافعال وهاهو حان الوقت مع الهيكلة الجديدة للمهن الصحية
دام وطني البحرين بالف خير

حاسب لا ينط لك عرق

كلامك صحيح أخي العزيز يجب تطبيق القانون. عاد نط لنا عرق لو نط لنا فضولي جاهل مثل زائر 3 مو مهم. صحة الناس مو لعبه.

صحة الناس مو لعبه ..كلام صحيح ..لكن اخي العزيز ..ولد بلادي ..انته تدري شنو كان يسوي هالشخص .. انته زرته مثلا .. احد من اهلك راح له وتضرر منه ..حبيبي انا واحد من الناس اللي استفادو منه ..طق علي ظهري وما خليت ..لا مركز صحي ولا استشاري ولا طب بديل مال الهنود ..وشهر وانا اذا قعدت ما اقدر اقوم واذا قمت ما اقدر اقعد ولا اقدر اجفس ظهري .. والله وبالله عرفت عنه وما جذبت خبر .. والله نطرت عنده نص ساعه ودشيت عنده خمس دقايق ..وطلعت اركض ..

القانون يسير حسب ما يشتهيه اصحاب النفوذ للاسف - مخالفات كثيرة وبالجملة لا رادع لها لان ف نهاية الاسم توجد اسماء تحتها خطوط حمراء - عندما يخرج تلفزيون البحرين للمديح فيقوم امثالك ايضا بالمديح ولكن بليلة وضحاها يصبح مجرم ويتحول الموضوع لضرب من حديد - فباختصار انت تنعق مع الناعقين -

اعتقد ان شاب يمارس هذه المهنة وعندة خبرة وسمعة طيبة في البحرين والخليج يجب تشجيعة وتصحيح وضعة إذا كان غير قانوني يجب اتخاذ الإجراءات القانونية اللازمة ومحاولة المهنة بشكل أفضل وصحيح وتفتخر البلد به أيضا

حسبي الله و نعم الوكيل

يد من حديد صج على الفقارة بس للأسف من خمس سنوات واختي تعاني بسبب ابرة غلط والوزارة لم تحرك ساكن رغم اننا قدمنا شكوى ولكن لا حياة لمن تنادي.

كلامك سليم مئه بالمئه

هذا الرجل كان اكثر لاعبين منتخب البحرين الذين يعانون من اصابات في الظهر او اليد يذهبون ويستفيدون على يده و انا احد اللاعبين

وين القانون عن المتنفذين أصحاب مشاريع مساج الدعارة وما يمارس من لواط وزنا .. طبعا القانون فقط يسري على البحارنه . ...

إذا كان مخالف شلون القناة الرسمية للمملكة تنشر عنه وتشجع الناس على التعامل معاه !!!؟
عيش رجب تلقى العجب

هذا الفن الديرة مو سهلة ????

روح امسك قبل لايأذن ????????

اتمنى القانون يتطبق على محلات المساج اللي فيها يتحول المساج الى مداعبه جنسيه. نظره واحد في وجه التايلندي وسوف تعرف انه لا يفهم في المساج او حتى يكون حامل اي شهادة. طبعا عند إغلاق هذه المحلات سوف يتاثر الاقتصاد و وووو بس على الفقير
لكن حسبي الله ونعم الوكيل

انا شخص من الي تعب من زيارة عيادات العلاج الطبيعي لألم في الكتف ولا استفدت شي وعلى يد هذا الإنسان راح الألم من جلسه واحده
ومع اني دفعت ما يقارب 200 دينار ولا استفدت هذا بجلسة واحدة وب 5 دينار فقط

الشهادة لله اناصادني الم في ظهري،ولله عجزت ابيه يروح،ماتم دكتور مارحت له،والله في جلسه وحدة على الاقل90%راح الالم،وصديقي نفس الشي مع ركبته،

المشتكى لله

انا بنتي طاحت من مكان مرتفع و تعورت قدمها و وديتها له كانت صغيرة 4 سنوات مرخها و طلعت معاها و صارت من احسن ما يكون الله يفرج عنه يا رب

انا طلع اليي واحد تضرر من هد شخص ابوه حجي احمد لله يرحمه كان معروف عا مستوه ومن كل مكان يجون اله ماعنده رخصه

نعم للقانون ولكن على الجميع ... وليس على الذين يفيدون الناس باالعلاج الشعبي كاالمراخ والتدليك وماشابه من المهن القديمة التي تنفع ولا تضر

رب العالمين عليه ارحم هو الا بينصرة انشالله

فعلاً شيئ مؤلم شخص عالج ناس كثير والكل يدعوه للعمل في بلده وانا منهم ادعوه لنقل عمله للسعوديه . الرجال الكل يتمنى له الصحه والعافيه لما وجد من المصداقيه بالعلاج وعدم المغامره بسلامه المرضى .