من كلام الناس...عندما يتبضّع الصائم ويرى المواد الغذائية بشتّى أنواعها؛ ما يجعله يشتري أكثر من حاجياته، ظنّاً منه أن كلّ ذلك سيكون على مائدة الإفطار.
وكذلك عندما تدخل المرأة المطبخ في شهر رمضان فإنها تطبخ ما لذَّ وطاب، ولكن في النهاية ما يُشترى، غالباً ما يكون زيادةً عن الحاجة بكثير، كما أن ما يُطبخ لا يؤكل إلا اليسير منه.
البعض يقول إن الصائم "رزيل"، هل تتفق مع ذلك؟ وهل يؤثر الصيام فعلاً على تبضُّعك؟
امي الله يطول بعمرها علمتنا من واحنا اصغار مانسرف بالنعمه كل يوم فطورنا طبق رئيسي واحد والطبق الثاني يا كباب او كستر او جيلي شي من هالقبيل
اساسا الواحد بس يفطر ياكل تمرتين يشبع
شكراً لك سلوم أبو تيلة
ويش انسوي بعد اذا ضرب الجوع مالينا الا الطباخ المصيبة في شهر رمضان كل شي نشتهيه حتى فلح البرتقالة مانشوف الدلع والسفرة العامرة الا في الفطور علينا وعليكم يهل بالف خير وسلامة
تقبل الله طاعتكم
مشكلة بعض لبيوت اذا اذواقهم مختلفة تضطر تسوي جم طبق لكل شخص عن لا يصير حمس
الله يعطيها العافية امي ويخليها ويعودها
احنا عائلة صغيرة بس اثنين وولدي عمره سنة يعني ماياكل كلشي ناكله..وفطورنا وجبة رئيسية وحدة من الثنتين دجاج او لحم حتى ما ناكل سمج لااني ولا الحجي ولا ربيان الحمدلله..وجم نتفة سمبوسة او بدالها فطاير او اي شي كطبق ثاني صغنون..الحمدلله مايزيد عن حاجتنا..وبالنسبة لموضوع التسوق في شهر رمضان وان الصايم ياخذ اكثر من حاجته ! اذا الكل يقولون هم مايسرفون عجل من الي مسوي هالزحمة طول العصرية صوب سوق جدحفص !، لعشرة ايام جذي الزحمة تظل تالي تخف تدريجياً لان يشبعون هههه
فطورنا صالونة
عيش وسمج
عصيدة
زعفران وجلي وسلطة وسمبوسة ومحلبية
والحمدلله ما ينقط شي واذا فضل من الفطور ناكله في السحور
للاسف بيت ابوي اللي ينقط اكثر من اللي ينأكل
تعبت وانا اتكلم ما احد لك
اليوم فطورنا عيش وسمچ صافي وصالونة لحم وكباب وهريس وبلاليط ونخج وعدس وباستا وبيتزا وكباب دجاج وسيزلنغ روبيان وكيك وسربت لومي وشربت ورد وشربت زعفران وچاي احمر وچاي حليب ومكسرات وتمر وزلابية بس شكرًا ومبارك عليكم الشهر (سلوم بوتيلة)
هههههه يضحكون اليي يقولون ان ما يتسوقون وقت الصيام يعني اذا جذي اني بخيلة لان عادي اتسوق وقت الصيام واخذ بس الي احتاجه يمكن اخربط شوي اخذ جبس زيادة جلكسي يعني الي اخذه عادة بس المقاضي لرمضان احاسب ان ما ازيد عن الي ابغيه لان من خلال خبرتي من السنوات الي طافت تعلمت ان بعض الاشياء اخذها حد الحد وقت الي ابغي عشان ما يجي وقت الي يخلص شهر رمضان وهي عندي عشان جذي مقاضينه للشهر الفضيل ما تختلف كثيرا الا النذر اليسير قليل جدا سمبوسة سبرنج رول بف باستري يعني سوالف رمضان واشتري بالحبة وكل مايخلص اخذ زيادة
ما يصلح ابدا تتسوق وانت صايم .. بتخم المكان كله ... واذا ما اشتري احس روحي فقيرة وما ليي سند في هالدنيا وزوجي بخيل ... فأرحم لنفسيتي نشتري عقب الفطور
من خلال الردود يتضح لنا ان الكل ما يسرف والكل يسوي قد الحاجه
اعتقد الان ان الكثير من الناس ان لم يكونو معظمهم يطبخون ما يكفيهم فقط وان زاد الطعام اكلوه في السحور او وضعوه في الثلاجة مرة اخرى - كفاكم ...اتهام الناس بلاسراف فشعب البحرين كريم و متقف بالدين وملتزم ب مبادئ الاسلام - كلوا واشربو ولا تسرفوا -
احنه بيت ابوي ما يتغير علينا شي الوجبة الرئيسية وسلطة وقيمات او كباب او بلاليط واحد من هالثلاث وجم سمبوسة ما يتعدون العشر حتى شربت ما نسوي نشرب كل ماي وتعلمت امي تسوي كلش شي بسيط عشان ما ينقط حرام اما بيت جدي اوووو حدث ولا حرج يسوون ما لذ وطاب بس ما ينقط لان عندهم ماتم ويتم للقراءة بس اشوف عوائل واجد مسرفة يشترون ويسوون بالهبل الحمد لله احنه خلاص تعلمنا ان نسوي على القد وصراحة مقولة الصايم رزيل صدق لان اشوف بعيوني ناس جدي كانهم مجوعين طول السنة مو كان صايم جم ساعة الله يساعد الفقير عدل
الحمد لله رب العالمين
شهر رمضان المفروض يحسسنا بالشعور بالفقير ، ويجب أن نكتفي دون الاسراف
وذكر المحروم والحمد على النعمة وليس العكس .
يعني ساعات انا اقول الكرم ما ينزل عليكم إلا برمضان طول الأشهر ما تطبخين الحين يازعم بطلعين ابداعاتش وانتي صايمة شوف شلون التفكير والله أغلب البنات جدي حق المفوشر والغيرة بارزين اليها
اني مااطبخ امي تطبخ الصالونة والقيمات او اي شي ثاني وانا اسوي السلطة والسمبوسة وخلاص لا ابغي اطبخ عشان المفوشر ولا شي بس تعب وحالة في هالحر عني ما فوشرت هههههه
ما عندهم سالفة الي يفكرون جدي ههههههه
عدل كلامش اني وحدة بعد ما احب افوشر نسوي الشىء الا ناكله فقط وكل شىء على قدنا مو زين الاسراف
يشتري دون حساب وتطبخ دون توقف والنتيجة. ... اجي نص الشهر ماعندهم ياكلووون هذا احنا جبتونها على الجرح أخ بس اخ
لعبت اعلانات الاكل والطبخات دور كبير في ان يفقد الصائمون القيمة المعنوية للصيام وتم تبديل قيمة الشهر من عبادة وصلاة ودعاء والاكل بما يقوي الصئم للتعبد الى التباهي بأصناف الطعام فيفقد الصائم الروحانية والهيبة الايمانية وكل هذا بسبب الغرب والاستكبار الذي يريد ان يفقد االمسلمون روحانية العبادة بكثرة الاكل والتنشغال بالطبخ كانه شهر المباراة في الطبخ
الحمدلله اذا فضل شي في الفطور نأكله في السحور و فضل شي ليوم ثاني نقلل الطبخ عشان لا يزيد و الكل متعاون و لله الحمد .. الله يتقبل
زحمة في المحلات التجارية كأنه أحنا في حالة حرب! وبعض الحريم الله يحفظهم تبي تطبخ كل الأنواع يعني هي اتكون صايمة والجو حار وتعب وبعد تعب الطباخ واخير شي ما أحد ياكله! هذا تبذير وتعب
قصدكم (تشتري) بدون حساب وليس (يشتري)، لأن الفقير معمته تبدأ فقط عند الكيشر ..
التفكير السائد أنهم يصومون حتى يأكلون إنها قسمة ضيزى الصيام له أبعاد إصلاحية وليست إنتقامية ينتقمون من الجوع بأكثر من وجبة ويخسرون القيمة المعنوية للصيام اللهم لا تجعلنا من المسرفين نسأل الله العزيز الجبار أن يبارك لكم جميعاً بهذا الشهر الكريم .. أنفاسكم فيه تسبيح ..
سمح وعيش وشوية سمبوسه
انا احب السمج فى وجبة الفطور وبعض الايام نسوى فريد اي عيش وطبق اخر يومية كفاية
???? جزاك الله خير
الصيام في هذا الجو الحار يجعل النفس تهفو كثيراً نحو شرب الماء و الشربت و العصير و الجح ،
طبعاً هذا الكلام ينطبق اكثر شي على الاشخاص الذين يعملون في الاماكن الغير مكيفه
كلام سليم 100%
الحمد لله اني وحده ما اشتري الا القليل فقط واذا ابغي شي اكو البراده صوبنا ليش الاسراف هذا شهر الصيام مو الاكل اسوي طبق رئيسي عيش لو ثريد وحلو وسلطه بسسسسسسسس اصلا مافي وقت للبلع هو فطور وهو سحور .... استغرب من الناس اللي ياخذون بالعربانتين حشه بتجي المجاعه البحرين ........
أنه ما أشتري من نفسي ... ترسل واتس اب بالمتطلبات وانه اجيب لها .. واخر شي نص الليل اطلع اوديهم في الزبالة :)
تشتري دون حساب مو يشتري :) ... انه اقول لها يابنت الحلال انه ابي اكل شعبي ما ابي مال الانستقرام والخرابيط اللي اكله بززور بس علشان لا تزعل .. ذبحونه بالطبخات اللي تسد النفس (اللهم اني صائم :) ) .. مافي على أكل الوالدة الله يحفظها أكل شعبي ثريد مجبوس برياني محمر في قاعته مطفي وجذي .
هههه ضحكتني اني اشتري اللي بطبخه ما اخد زود واني احب الطبخ الشعبي وخصه الكباب يوم وترك لازم اسويه او سمبوسه ولازم كل يوم صالونه ما احب اكل شي يابس بلعيش اني احب الطبخ بس اسوي طبختين بليوم جلي وسمبوسه او كباب وحلاوه بس ما ازيد ولازم اوزع على جيراني ومبارك عليكم الشهر اليوم ان شاء الله بسوي هريس اول مره بحياتي اسويه الله يستر ان شاء الله ينجح
معظمنا يخطأ بعض الأحيان، ويتسوق وهو جائع، أو صائم؛ فيشتري زيادة في الأطعمة، وما لا يؤكل.
عن نفسي، أفضل التسوق في شهر رمضان بين الفطور والسحور، والشراء من قائمة معدة سلفاً.
في المنزل لدينا قاعدة (خمس أطباق - مالح وحلو)، 1- اللقيمات مع اللبن أساسي قبل الصلاة، 2- الثريد أو الرز، 3- المقليات (سمبوسة وخلافه)، 4- حلويات (بلاليط، عصيدة، ...)، 5- الحلو (جلي، محلبية، كرمل، ...)، بالإضافة الى السلطة.
كثرة الأطباق ترهق المرأة، المعدة، والميزانية، الإعتدال أفضل.
كلام سليم
من اليوم بطبق هذي القاعدة
بس كنك نسيت الشربت والهريس
وانتين خليتين فيها اعتدال بعد .. ما ضل شي O_O
الله يهداج الحين هذا ترشيد؟؟ ماتم شي مهو على السفره محطوط !!
مبارك عليج الشهر
تقول لك احد هذي الاصناف راح يكون موجود
ههههههه
انا عن نفسي الشي زود .. سمبوسة وفطائر خفيفة فقط
ولا كل يوم.. الطبق الرئيسي شوربة وسلطة
وكان الله غفورا رحيم
زائر 15 رجل وليس امرأة
نسيت أكتب (أو) بين الكلمات فحصل الإشتباه.
قاعدة 5 أطباق ليست كثيرة، فمثلاً (لقيمات + ثريد + سمبوسة + عصيدة + جلي) بالإضافة الى السلطة والشربت.
واليوم التالي (لقيمات + مجبوس + كباب + بلاليط + محلبية) وهلم جرا.
كني جوعتكم؟
مبارك عليكم الشهر،،
إسراف
صحيح بعض الناس تبالغ بالشراء والطبخ بشهر رمضان الكريم وبالنهاية الأكل ينقط بالزبالة .. ما يمنع التنوع ولكن ضمن كميات قليلة ما يبقى منها الكثير .. والأفضل شراء الأغراض حسب الحاجة بدون تكديس .. بالنسبة لينا الحمدلله ما يتغير علينا الا الشي البسيييط جدا ويكون الفطور غالبا مثل الأيام العادية لأن بشهر رمضان الرغبة للأكل تقل مع الصيام والحر وكثرة شرب الماي خصوصا هالسنوات وقت الافطار قصير وما يكفي لأكل وجبات متعدده .. الله يبلغنا وجميع المؤمنين صيامه وقيامه وكل عام وأنتم بخير
اكييد
الصايم زلوع نفس
كل شي اشوفه ياخذه
لا والله
الي عندي بخيل حده ويشتري شوي ونطبخ طبقين ع الفطور بس
الحمدالله
مو بخيل ليش بخيل بالعكس مو لان رمضان لازم تطبخين جم طبخة بلعكس عادي احنا سستمنا في رمضان ما يتغير عن العادي ابدا الوجبة الرئيسية وساعات نسوي سلطة وساعات لا والكباب والقيمات على النوية اصلا في رمضان الواحد ما يقدر ياكل واجد
احنا نظامنا ما يتغير ... وجبة اللي كنّا نأكلها في الغدا اللحين نسويها على الفطور و اوقات نسوي سلطة او كباب ... يعني شي ثاني مع الطبق الرئيسي ...اللحين الجهال بدأوا يكبرون و يحبون ان نسوي ليهم أطباق جديدة ... بس بعدنا على نفس النمط لأن حرام نعمة الله تنقط و حرام نأكل فوق طاقتنا لمجرد ان احنا صايمين
كلمة
التحليل بسيط.... الرجل يشتري من غير تفكر والمرأة تطبخ من غير توقف... معادلة رسمها القدر لتكون النتيجه رزق للقطط والكلاب وما لا يأكله الحيوان فمصيره النفايات... الحمدلله على نعمة وكل عام وانتم بخير
صباح الخير يا وطن
فعلاً الصيام يؤثر على تبضّع لأن الصايم يشوف كل شيء قدامه ويشتهي أكله وعند الأفطار ما يأكل شي منه , عن نفسي لا أشتري شي إضافي بعنوان دخول شهر رمضان بل بالعكس الصايم يقل أكله في النتيجة بيكون التبضّع أقل .
الواحد وقت الجوع ساعات مايفكر يتراواله بياكل كل الموجود و ماراح يشبع ... بس طبق رئيسي واحد و ليم زاد يتم ليوم ثاني و معاه شي جانبي و فواكه تكفي و الحمدالله
صح على قولتهم الصايم رزيل نصيحتي
لكم الي بيدخل السوق يدخل في الليل
لاني كذا مرة اروح واني صايمة واشتري
كل شىء وبعدها الواحد يحس بالندم ليش
مشتري كل هالاشياء ؟ لأن كان صايم وكل
ما جاع اشترى أكثر .
هذا يعتمد على عقلية الاشخاص والله احنا نطبخ بأعتدال يمكن يزيد شي بسيط بس في العموم كميت الطبخ قليله لازم نحافظ على النعمه لانه النعمه زائله نتمنى من الوسط تضع برامج تثقيفيه على كيفيه المحافظه على النعمه عدم الاسراف في شهر رمضان
شهر رمضان شهر عبادة
المفترض الفطور أكل محدود مو مبالغ فيه
انا مائدتي الرئيسية ثريد لحم ، البقية مجرد زوائد
متباركين بهالشهر
عالعموم معروف شهر رمضان يتفلت الاكل فيه بزوده
لان الصايم رزيل
كل يحس ما بيكفي الأكل
ام زينب
الاسراف حرام والنعمه زواله
اذا الشخص حط بباله ان الهدف من الصيام تذكر الفقراء والمساكين والجوعى هنا تلقائيا يستحي من ربه غيري ما عنده ياكله وانا اسوي كل ما لذ وطاب وبالاخير نصه ينقط بالخمام
انا بيت ابوي شهر رمضان الفطور بس فريد وصالونه دجاج او معكرونه طبق رئيسي واحد والحلويات حلى الجيلي فقط
لكن بيت عمي يسون لقيمات والسمبوسه والطبق الرئيسي والشربت واخر شي ما يكملونه حرام هاي لعبه بالنعمه
الناس شكلها خصت شهررمضان باصناف معينه من الطبخات وكانها حرمت بغير الشهر. لو كانوا يطبخون بكل شهر صنف من اصناف العايله بترتوي عيونها
كلوا واشربوا ولا تسرفوا
هناك من يسرف في شراء الأطعمة ويبالغ في الطبخات ويكون ذلك على حساب أمور وحاجات ضرورية أخرى فعلى الإنسان أن يوازن في الصرف
اني وزوجي ناكل وجبة وحدة الا ناكله في الايام العادية على الغدا ناكله على الفطور ونفطر بتمر ولبن وقليل اذا نسوي جيلي وكريم كرميل لانه جربت قبل اسوي كلشي مايناكل بعد الحين المفروض الناس تحافظ على اجسامهم ولاتكثر حتى سحور مااتسحر وشكرا وتحياتي العلمية والعملية