قال تربويون لـ «الوسط» إن وزارة التربية والتعليم أوضحت للمدارس أن صرف علاوة تمديد الزمن المدرسي في المدارس الحكومية الثانوية والإعدادية مستمر، لكنه بات مرتبطاً بوجود تدريس فعلي للطلاب، وعليه فإنه لن تحتسب هذه العلاوة لهم ابتداءً من الأسبوع الأخير من (مايو/ أيار الماضي)، وحتى بدء الفصل الدراسي الأول من العام الدراسي 2016 و2017 المقبل، لعدم وجود تدريس فعلي للطلاب، على رغم أن المعلمين سيقدمون دروس تقوية علاجية لطلاب الدور الثاني الذي سيعقد منتصف الشهر الجاري.
وذكروا أن «في ذمة الوزارة للمعلمين والمعلمات مبالغ تمديد عن شهر (أبريل/ نيسان الماضي)، و14 يوماً عن شهر (مايو الماضي)، بعد أن تم إيقاف احتسابها لهم ابتداءً من 22 من الشهر المذكور، حيث لا تحسب الإجازات الرسمية ولا الأسبوع الأخير من الشهر الماضي، بسبب انقطاع الطلاب عن التدريس، وبدء امتحانات نهاية الفصل الدراسي الثاني».
الوسط - محرر الشئون المحلية
قال تربويون لـ «الوسط» إن وزارة التربية والتعليم أوضحت للمدارس أن صرف علاوة تمديد الزمن المدرسي في المدارس الحكومية الثانوية والإعدادية مستمر، لكنه بات مرتبطاً بوجود تدريس فعلي للطلاب، وعليه فإنه لن تحتسب هذه العلاوة لهم ابتداء من الأسبوع الأخير (مايو/ أيار الماضي)، وحتى بدء الفصل الدراسي الأول من العام الدراسي 2016 و2017 المقبل، لعدم وجود تدريس فعلي للطلاب، على رغم أن المعلمين سيقدمون دروس تقوية علاجية لطلاب الدور الثاني الذي سيعقد منتصف الشهر الجاري.
وأفادوا أن «الوزارة أبلغتهم أن الدوام سيستمر دون تغيير، أي إلى الساعة 2 والربع ظهراً، من دون أن يتم احتساب أي وقت إضافي للمعلمين، وأنه ليس هناك أي توجه لدى الوزارة بتغيير توقيت دوام المعلمين خلال الشهر المتبقي من العام الدراسي الجاري والذي سيستمر حتى (3 يوليو/ تموز المقبل).
وذكروا أن «في ذمة الوزارة للمعلمين والمعلمات مبالغ تمديد عن شهر (ابريل/ نيسان الماضي)، و14 يوما عن شهر (مايو الفائت)، بعد أن تم إيقاف احتسابها لهم ابتداء من 22 من الشهر المذكور، حيث لا تحسب الإجازات الرسمية ولا الأسبوع الأخير من الشهر الفائت بسبب انقطاع الطلاب عن التدريس، وبدء امتحانات نهاية الفصل الدراسي الثاني».
وانتقدوا «عدم ثبات الوزارة في صرف العلاوة لهم بشكل منتظم، أو على الأقل إبلاغهم بذلك وتوضيح الأمور لهم، بدلا من أن تفاجئهم بين شهر وآخر بوقف صرفها لهم»، معتبرين أن ذلك «لا ينم عن احترام للمعلمين».
ولحد الآن لم تعلق وزارة التربية والتعليم على عدم صرف علاوة التمديد للمعلمين والمعلمات في المدارس الثانوية والإعدادية في راتب الشهر الفائت، كما لا ترد على مطالبات المعلمين لها بإلغاء نظام التمديد باعتباره مرهقا لهم وللطلاب ولا يعود بمردود إضافي حقيقي على الطلبة.
وفي تصريحاتها السابقة، ترى الوزارة أنها لا تصرف العلاوة المذكورة بسبب تمديد دوام المعلمين إلى الساعة 2 وربع ظهراً، حيث إن دوام الموظفين في الحكومة يستمر إلى الوقت ذاته، وان الهدف من هذه العلاوة هو تحفيز المعلمين للتعامل بإيجابية مع زيادة الزمن المقرر للتعلم.
وكان وزير التربية والتعليم ماجد النعيمي ذكر سابقاً أن «المبلغ الذي تقرر للعاملين في المدارس المطبّقة لنظام تحسين الزمن المدرسي جاء بهدف حفز منتسبي المدارس الإعدادية والثانوية للتعامل بإيجابية مع زيادة الزمن المقرر للتعلم، لصالح الأبناء الطلبة. وعلى رغم أن نظام الخدمة المدنية حدد الدوام الرسمي لموظفي الدولة، من السابعة صباحاً حتى الثانية والربع ظهراً، بما لم يكن يستوجب بالضرورة دفع مكافآت مقابل مدِّ عمل المدارس إلى الساعة الثانية والربع، فقد وافق مجلس الوزراء على منح العاملين في مدارس التحسين مثل هذه المكافأة المقطوعة، دعماً للتربويين في الميدان، وفق الإمكانيات المتاحة في حينه، وتأكيداً لرعايته واهتمامه بالمعلمين، وقد التزمت الوزارة بصرف هذه المكافأة المقطوعة للجميع خلال السنوات الماضية، دون إبطاء أو تأخر».
العدد 5017 - الأربعاء 01 يونيو 2016م الموافق 25 شعبان 1437هـ
ارجو من جريدة الوسط تسليط الضوء أكثر على هذا الموضوع و غيره من المواضيع التي تهم المعلم
تطنيش الوزارة و ترفعها عن الرد أكبر دليل على استحقارها للمعلمين و حسبي الله ونعم الوكيل
والله ما فهمنا هي علاوة تمديد والله التزام والله تدريس؟!!!! الوزارة تحتاج تراجع قراراتها لان واضح التخبط.
مدام مافي مكافأة لأن مافي طلبة ياريت بعد نعطل من يغيبون الطلبة.. ليش نداوم مدام إعتبرونا الوزارة مانشتغل فما نستحق مكافأة بمجرد غياب الطلبة.. يعني يستهبلون علينا مثلا؟ من غابوا الطلبة وإحنا نراقب في الامتحانات ونروح تصحيح ..هذا التصحيح بروحه يبغي ليه مكافأة ..يطالبونا بالحضور للتصحيح بدون أدنى مراعاة لظروفنا وامتحانات أولادنا..غير الطلبات الي ماتوقف من صوب الإدارة..المعلم أصبح بلا قيمة طول ما الوزارة تذله وتحط من قدره ..شيلوا المكافأة خير شر وزيدوا الراتب الأساسي عشان مو كل يوم تطلعون لنا بفنتك
يفضل الدوام يرجع لنا مثل ما كان
ليش الاداريين والفنيين لهم مكافأة تمديد وهم مايدرسون اذا المكافأة تقتصر على الطلبة، وبعد المعلم مو ملزوم بتدريس طلبة الدور الثاني اذا مو محسوبه ساعات تمدرس، اما بقية المهام الموكلة للمعلم من تدقيق وتصحيح ومراقبة وتجهيز لمراكز الابداع والتقوية للفصل القادم وتجهيز ملف الانجاز ،وحضور ورش ،وحضور برامج تمهن خارج وقت الدوام كلها مالها اعتبار عند الوزارة وتعتبر المعلم بلا عمل بمجرد انتهاء المنهج ،فالمفترض توكل لكل من تكرم بصرف المكافأة سابقا وقام بايقافها لحجج واهيه في الوقت الراهن
الحق معاك وكلامك منطقي مئة بالمئة
طيب وطلاب الدور الثاني من بيدرسهم في شهر رمضان
حسبي الله و نعم الوكيل
خلنا من هذا كله ورجعوا دوامنا 1وربع وخلوا عنكم هالهرج وتلمرج لان حياتنا صارت دار ما نشوف اولادنا نرجع 3 ومكان العمل بعيد ما يمدي نقعد ايا الجهال بصورة اخرى ما يشبعون من حنان اهلهم ولا يمدي الواحد ينظم حياة عائلية كل واحد ما يشوف الثاني كله بسة هالتمديد خرب حياتنا كله ف ذمة الوزارة
اسمها علاوة تمديد وليس علاوة تدريس
رجعو دوامنا القبلي والله يغنينا عن هالذل حسبنى الله وكفى
سلب الراتب الصادر يقول علاوة تحسين الزمن المدرسي والوزارة تقول علاوة تدريس! هل كيف چذي يا وزارة
ادارتنا مانعة ان نتكلم في هذا الموضوع في قروب المدرسة بحجة ان هذي قرارات الوزارة والقروب مو مكان مناقشتها!!! عيل وين نناقشها يا حضرة المديرة ؟ في اجتماعات الورق لو وين؟ لو هالقروب بس حق الطلبات و الأوامر في انصاف الليالي و ايام الاجازات؟!!!! ما اقول الا حسبي الله عليكم وعسى ما تدور السنة الا كراسيكم طايرة هالكراسي اللي ذليتونه بسببها ذل عساها ما تدوم لكم يوم واحد يا ظلام
حسبنا الله ونعم الوكيل
وزارة تحتقر المعلم و للاسف سلوكها المعدي واصل لكل من له منصب حتى بعض مديري المدارس ذالين المعلمين يكسدون المعلمين في غرف اشبه بالمخازن واذا تذمرت و طلبت منه مخاطبة الجهات المعنية يرفضون فهم لا يريدون ان يظهروا امام الوزارة بمظهر المطالب بتحسين ظروف المعلمين! المعلم ليس مهم المهم هو المنصب وبقاءه وذلك لا يكون الا بتملق الوزارة
يعني العلاوة مرتبطة بوجود الطلبة اهي اسمها علاوة تمديد ودام جذي ليش الاداريين ياخذون علاوة مثل المعلمين واهم مايدرسون..بس ماراح نقول إلاعليهم بالعافية لأن هذا الشي من حقهم مثل مامن حق المعلمين والمعلمات يحصلون على المكافأة بغض النظر عن وجود طلبة أو لا.. وإلا رجعوا الدوام مثل قبل لأنكم هلكتونه وصارت ماعندنه ولاعند أولادنه حياة اجتماعية ..والغريب تسائلكم ليش المعلم يبغي يتقاعد من وقت والحال إلي انتوا السبب فيه .. العملية التعليمة عملية مترابطة وإهلاك المعلم والطالب لايرتقي بالبلد وإنما يدمرها
صح لسانك
اي والله
هي علاوة تمديد دوام مو للطلبة و كل المدرسة بمختلف وظائفها يحصلون العلاوة يدرسون او اداريين ..واحنا نتعامل مع الطلبة في فترة الامتحانات او تصحيح اوراقهم ...
وين صوت الشعب و ين قلب الشعب وين نواب الغفلة؟ لا بارك الله في الساعة اللي صرتوا فيها نواب
ما علينه من نواب المصلحة و العازة اللي يهمنا الحين مكتب رئاسة الوزراء لانه هو الوحيد اللي راح يضبط وضع هالوزارة التعبانة ويرجع الامور الى مكانها الصحيح، ومن هذا المنبر نرفع المطالبة بتدخل مكتب رئاسة الوزراء لانه الامل بعدما تقطعت بنا السبل
مرة بعد مرة تثبت الوزارة انها أبعد ما يكون عن جودة التعليم، مجرد شعارات و عناوين فارغة لزمرة متجبرة لا تخاف الله،حسبي الله على كل من شارك في هذا الظلم من اصغر موظف الى من أقر هذا الظلم او رضي به ولك يوم يا ظالم
اذا على ديوان الخدمة المدنية المفروض انه تخلونا على الدرجة التخصصية واحنا بنوافق على تمديد الدوام ومن غير علاوة بطيخ
احنا حتى الانتقال من درجة الى الثانية جدا جدا جدا صعب
اتوقع انه اسمها علاوة تمديد وليس تدريس
دوام معلمين المدارس الابتدائية مثل دوام معلمين المدارس الاعدادية والثانوية ومثل المعاش .... صراحة حرام
الفنيات والاداريات عمرهم ما درسو ولا اتعاملو مع الطالبات... وتنزل اليهم العلاوة ... بكل بساطة لانها علاوة تمديد وليس تدريس
رجعو دوامنا مثل قبل وما نبغي علاوتكم.... لانها مذلة الينا
اذا انتون من قبل مو قدها ليش زيدتون الدوام
حياتنا الاجتماعية انلغت بسبب هالتمديد ومو مستفيدين منه شي لا المعلمات ولا الطالبات
اذًا لاتجعلوا المدرسين يتمموا هذا الدوام الطويل ياوزارة التربية!
العلاوة تخص تمديد الدوام وليس تمديد التدريس!!!
حسبي الله ونعم الوكيل… الله فوق
كل شوي طلعت بحجة وقصت من العلاوة… .تبي ترتقي بالتعليم وهي تذل المعلم وما تعطيه حقوقه… ..لكن ما اقول الا لينا رب فوق ياخذ حقنا ويقتص لينا مث هالوزارة ...… .
حتى يكون المعلم فعال ويعطي بكل طاقته لازم يكون مرتاح ونفسيته عال العال… .يبون تدريس نفس اليابان وسنغفورة وهم حتى ما يعطونا حقوق المعلم فذ الدول النامية… .
حسبي الله ونعم الوكيل
صراحه ما اليه علاقه بالطلاب والعلاوه تتعلق بالوقت وليس الطلاب والوقت ينجز به عمل
علاوة اذلال
لماذا التمديد اذا لم يكن طلبة ولماذا يتساوى المعلم البحريني مع الوافد اصلا طالما ان الوافدين يعملون بعقد ويكلفون الميزانية لماذا هذا المن الدائم على المعلم نطالب بإلغاء التمديد
ياريت يرجع الدوام القبلي وقابلين بدون علاوة
الغريب في الموضوع أنه بدلا من تكاتف الجميع لرفع الظلم عن المظلوم نرى البعض يحاول تمرير الظلم و تهوينه بمقارنته بظلم و اجحاف آخر.. كون القطاع الخاص مظلومين لا يعني أن ظلم المعلمين او غيرهم مقبول .. الواجب هو تصحيح وضع الجميع ومساواتهم في العدل وليس مساواتهم في الظلم... فمتى ننتبه ليكون تعاضد الجميع قوة؟..
اتوقع و الله يستر ان الوزارة عشان تتطيب خاطر المعلمين راح تخلي دوام جميع المراحل الى ثنتين وربع عشان محد يزعل من باب حشر مع الناس عيد.....
مافي علاوة
اذا ما في طلبة خلاص رجعوا الوقت الاصلي هالايام حتى نرجع من وقت ...و بوقوا بيزات التمديد لهالشهرين
الله يعيننا على هالتصحيح و كسرة هالظهر من الصبح لبعد الساعة 2 وربع و بعد ايام الاجازة نخلي عيالنا و نروح تصحيح و جاي شهر الله و صيام ولا في مراعاة ...ما اقول الا المشتكى لله ...الله يعيننا على هالمصايب و حرام اللي قاعد يصير
اذلال المعلمين
اهي جت على العلاوة !معلمين انهو التمهن وتماطل وزارة التربيه باعطاءهم الدرجه والبعض اكمل سبعه شهور من انتهائه من التمهن
والمعني يعني لازم يكون في طلبة علشان تعطونهم علاوة عجل خل الطلاب يداومون او خل المعلمين يطلعون نفس الوقت السابق
فوق كل هذا كل الوزارات اتداوم في شهر رمضان 8 واحنا انداوم 8 إلا ربع ....
ليش؟ ؟؟
حرااااام
احمد ربك الف مرة القطاع الخاص مايتغير عليهم شي دوامهم يبتدي نفس وقت قبل شهر رمضان
اكثر وزارة متعبة موظفينها وخصوصا المعلمين
حسبي الله ونعم الوكيل عليكم ياوزارة التربية والتعليم
كفاية اذلال وإهانة للمعلم
اكثر الدول العربية ان لم نقل كلها دوامها ينتهي الساعة الواحدة او حتى قبل الواحدة و لايساوى المعلمين بغيرهم في الدول العربية بالنسبة للوظائف الحكومية .... حتى الدول الاكثر فقرا يحترم فيها المدرس اكثر من البحرين و لايزايد عليه في اجازاته فلتنظروا الى مصر مثلا كم هو عدد الاجازات و اعتقد انه لو نظرنا الى الدول التي خفضت اجازة الصيف الى شهرين او اقل لما وجدنا في الدول العربية غير البحرين
اذن لا داعي للتمديد في ظل عدم وجود الطلبة
اني شكلي بفنش من هالشغلة كلش كلش كلش ما تسوى ندفع معاشاتنا للعلاج من هالامراض ديسك الرقبة والظهر ودوالي الساقين وكثرة اوجاع الراس والضغوط النفسية لابارك الله في اليوم اللي صرنا فيه معلمين كرهتونا في التعليم
يعني الدوام مثل مدارس الابتدائية
ادا مافي علاوة معناتها الدوام يرجع مثل قبل مثل المدارس الإبتدائية ....والله في رأيي ثاني؟!!!
جاينكم اليوم يا وزارة التربية يلي تتأسفون للمعلمين ومن يضحك بالأخير والقضاء بيننا سوف تفاجؤون
هههه ضحكتني واجد عايش الدور اصحه من الحلم اللي انته فيه
اوقفوا تخبط ادارة التعليم ...
شغلة اتفشل
الاصلح والاولى اتصارحون المعلمين ان الوزارة خلاص ما راح تدفع وما تمبي تعطيكم
على بلاطه
تبريراتكم مضحكة
خليتون المعلمين مثل اللي يتسول حقه
قرارات تدل على التخبط وعدم تقدير للمعلم وقد كانت العام السابق تُحتسب فما حدا مما بدا؟!!!
معقولة الوزارة ما تقرأ التعقيبات
مافيه إدارة علاقات عامة
ويش وظيفتهم بس التلميع والتصبيغ
يوما بعد يوم تصبح الحاجة ملحة لنقابة المعلمين.. وحتى ذلك اليوم والى أن نسترد الحقوق المسروقة حسبنا الله وتعم الوكيل
هذا بيت القصيد . و من له حيلة فليحتل.
الايااام جااية يا وزارة وحكومة
بينقلب السحر علي الساحر ومحد بياكلها غيركم
حسبي الله ونعم الوكيل على كل من أكل حقوق الناس
معلمين الحلقة الاولى والثانية مرفوع عنهم القلم يطلعون 1 وربع والاعدادي والثانوي إلى 2 وربع
وين العدل يا وزارة وحكومة
لو كان دوام المعلمين إلى 2 و ربع لما كانت الوزارة تسمح لمعلمي ا لابتدائي بالمغادرة 1 وربع . و لما كانت تسمح لمعلمي الإعدادي و الثانوي من قبل بالانصراف أيضا 1 وربع ِ ثم لماذا سنت الوزارة علاوة التمديد إن لم تكن على قناعة بأنها مقابل مادي عن الساعة الإضافية سواء أحضر الطلاب أو غابوا ؟ !! المسألة أصبحت في. قطع العلاوة دون وجه حق.و في في تناقضات الوزارة و تهافت قراراتها. و نكوصها عن وعودها و التزاماتها التي قطعتها على نفيها عندما كانت تبشر بالتمديد منذ ثلاث سنوات !!!! لعل الوزارة بلا ذاكرة !!!!.
اخوي اطلب تحويل للمرحلة الاولى والثانية جان ارتاح .... يوم كان في تمديد كلكم هربتون وتبون تدرسون اعدادي وثانوي والحين تبي تفر الوزارة على الفقره بهالمرحلتين بحجة عدم العدل والانصاف ....لمن يساونهم وياكم بالوقت راح ترتاح يعني ... محسود الفقير على موتت الجمعه ... درس حلقة اولى وتكلم
وين جايين تتهاوشون..
هني نقاش مشكلة.. عليهم بالعافية ابتدائي. محد يحسدهم.. و مو تعميم ان اللي في الثنوي هاربين من ابتدائي يبون علاوة في اولويات اجتماعية اهم من المادية بالعكس اغلبنا نتمنى يرجع وقت دوامنا مثل ما كان بدل الهلاك اللي عايشينه و الذل على هالبيزتين اللي كل شهر و الثاني مشتغلين علينا تقصص
لإحياء ولا خوف من الواحد الأحد
لكم حساب عسير لظلمكم للناس
هههههه وزارة القرارات الفاشلة
....
الصراحة من حق الوزارة تسوى اى شى او تصدر اى قرار مادام مفى رد فعل ولو بسيط ...
انا معاك
ماخذه راحتها الوزارة والي تحتها مساندينها علشان مصلحتهم والي طايح فيها الحلقة الأضعف المعلم
أصبح المدرس
أصبح المدرس والمدرسة يستحون من وظيفتهم عندما يسألون لكثرة الذل والهوان الذي يتعرض له خلال السنة من الدوام الفاشل إلى الترقيات والمناصب البعيدة كل البعد عن الإنصاف والعدالة والتمييز الطائفي البغيض ....
خلاص عجل رجعوا الدوام السابق مي حالة كل الوزارت تطلع 2 يوم الخميس حتى هذا محرومين منها أي عطاء تبون نعطي حسبي الله ونعم الوكيل
وينكم يا وزارة ليش مافيه تعليق من طرفكم؟ احترامكم لنا يتمثل في التعقيب على هذه الشكاوي والتساؤلات..
بتشيلون مبلغ التمديد مو مشكلة .. بس رجاء نبي مساواة مع معلمين المرحلة الابتدائية
الوزارة تهين المعلم وتجعله يستجديها وتعلل وتبرر فقط كي تستقطع بحجج واهية ضعيفة ركيكة
حسبي الله ونعم الوكيل
قرارات غير محسوبة ابدااا ... وغير مدروسة ..الوزارة كل ما لها وترجع الى وراء .. ما في رؤية واضحة .. ارقام مزيفه .. نجاح ع الورق فقط
يا مدرسين يا موظفين الحكومة ترى الموضوع جدا عادي كلها إلى 2 وربع وطالعين من الدوام
وانتون تدرسون فعلي ما لا يزيد عن 4 حصص في اليوم والباقي جاي وسبوسه وسوالف .... وبرواتب وحوافز واجازه يومين مع هذا تذمرون
تعالو اشتغلو في الخاص من 7 إلى 5 وبعرفون الفرق مع راتب 300 و 400 دينار كل هذا يوم واحد اجازه ( الجمعه )
خلوها على الله بس
حياك التدريس وبتعرف انت بنفسك الفرق
ما راح تتحمل ساعة يالطيب
الموظف يرجع البيت يرتاح
المعلم يرجع البيت يصحح ويحضر ويجهز للاختبارات ويرصد الدرجات وغير متطلبات التحسين والجودة الا كل يوم لازم يكتبون ليهم تقارير وحالة .
المعلم أكثر مهنة متعبة
(لست معلم او معلمة ولكن أرى معاناة المعلمين البحرينين )
من قال ان المدارس تلتزم ب 4 حصص في اليوم ؟؟
كل شي معلقينة على شماعة المهام الموكلة للمعلم من مراقبة ومناوبة صباحية وفي الفسحة وبعد الدوام وجرد اصول المدرسة و اعداد التقارير والتوثيق واعداد المتطلبات الورقية لمشاريع التحسين اللي ما تنتهي غير عن المطالبة بساعات التمهن اللي نروحها العصر من 4 الى 7 .. وانت مطالب تكمل 360 ساعة تمهن علشان تقدر تطالب بدرجة ...غير عن التحضير اليومي واعداد الاختبارات و اعداد المناهج والالتزام بالتدريس الالكتروني وتطبيق استراتيجيات مختلفة في حصة تعليمية .. والقائمة تطول
انزين اذا ما في تدريس أو طلبة نمشي الساعة 1 وربع وغلا ليش نقعد لي ال2 وربع
هههههههههههههههه....عجيبة وزارة التربية صراحة...
المفروض اذا ما في تدريس طلاب بشهر سته
حتى الروضات والمدارس الخاصه ما ندفع ليهم شهر كامل وعيالنا بالبيت
يعني عادي نتأخر الصبح عن الدوام مدام هالشهر مافي تمديد
بعد ايام سوف يستحق المتفوقين البعثات والمنحة الدراسية .. هل هناك مجزرة جديدة .. نتمنى من وزارة العمل و وزارة الصحة مشاركة وزارة التربية في توزيع البعثات.
زيدوووووو في الظلم للمعلمين
وبتزييييد نتائج مدارسكم لغير ملائم
ماشاء الله عليك يا وزير
دايماً تأخذ القرارات الصحيحة في الأوقات والظروف المناسبة
وزارة المهازل والتخبط والشوووو
مسخرة
مو عارفين وش ايسوون بالتمديد
صيروا رجال لمرة وحده واتخذوا قرار لمصلحة الجميع
الحين مدرسين الحلقه الاوله والثانيه بيطلعون الساعه 1:15 والي يطلعون 2:15 نفس الراتب شلون صير هاذي.
وش هالوزارة
تخبط في القرارات
وزارة مستحيل تتراجع عن قرار ...
..ترى عااادي الواحد يغلط ياوزير
تلاعب الوزارة معروف ومكشوف
المعلم يعمل في البيت و في المدرسة
ليس مثل الموظفين في الوزارات الاخرى
المعلم يعد الدروس في المنزل الا يستحق مكافئة على ذالك
المعلم لا يمكنه ان يحضر الدروس في المدرسة اثناء الدوام الرسمي
بسبب متطلبات الادارة والطلبة
الي متى هااظلم
تاكلون فلوس الناس وتعبهم عيني عينك
حراام عليكم زقوم في جبودكم يالحرامية
وتلومون المعلم اذا قدم استقالته
والتصحيح والمراقبة ببلاش
جميع الوزارات تنتهي دواماتها ثنتين وربع والعلاوة ما اها داعي..والمدرسين اكثر موظفين عندهم اجازات ثلاثة اشهر صيف وشهر ربيع وعشرة محرم مافي طلاب وتلاقيهم في الماتم ورحلات ومهرجانات ومفتوح وورش
استغفر الله العظيم
حاسدين المعلم على شهرين إجازة و علاوة التمديد و هو طول السنة دوام من الصبح و تعامل مع طلبة و كل واحد له مشاكل معينة لازم المعلمة يتكيف معاها و غير طلبة صعوبات التعلم و اللجان و فوق كل هذا حتى حياة اجتماعية مثل العالم و الناس ما عندنا لأن من نرد البيت تحضير و إعداد اختبارات و تصحيح و غير باقي المتطلبات و الويكند ما نحس به لأن بعد في الويكند كرف للمدرسة و الرحلات و المهرجانات و الورش الي تطالعونا فيها نضطر بسببها ناخذ حصص إضافية حتى نعوض الحصص الي ضاعت و حتى مجال للريوق مافي
استح على وجهك
ما صرت في وظيفتك الا بفضل المعلم ... اوﻻدك من يدرسهم .. شكلك أنت قاعد تحلم شنو اجازة 3 شهور .. باختصار انت انسان حقود عندك مشكله روح تعالج
نتمنى يرجع الدوام مثل قبل
الحبيب اجازة الربيع اسبوعين واعتقد ها الاسلوب هابط من يدرس عيالك ؟؟ واجازة الصيف شهرين فقط ، والريوق وورش العمل حق كما لك الحق في شغلك انت .. تعال جرب يوم واحد تصير مدرس قسم بالله بتخق من اول وهلة يا التعبان .
ها ويش
سرقة حقوق الناس حرام
سرقة حقوق الناس في وضح النهار ولاحسيب ولارقيب في هذه الوزراة.. محاولات جادة لممارسة سياسة التطفيش لإرغام المدرسين على التقاعد.. احذرو يامعلمين هذه اللعبة.. فالوزراة لديها توجه لسياسة احلال معلمين اجانب مكانكم. من المفروض معلمين الاعدادي والثانوي يقاضون وزراة التربية ...
ردوا الدوام القديم ما استفدنا من التمديد شي عبء على الطالب وثقل حقيبة زيادة لان زيادة حصة وعبء على ولي الامر توفير وجبة ومواصلات وتعب على المعلم الي واقف طول الدوام ويتعامل مع الطلبة وبعد ما بيعطونه حقه شلون تبونه يعطي وينجز وهو يحس بالغبن
وين الحكومه
مستكثرين على المواطن هالجم دينار
اذا رجعونا لدوامنا السابق
والا صحيح خلص التدريس لكن توابعه موجودة الا نصحح امتحانات الا نراقب قاعات
والله ان دمار اي أمة يكون في اسقاط قيمة المعلم
الويل لكم مما تصفون
يافشيلتنا والله مابين دول الخليج
المصخرة بس عندنا ذي وإذا احد من دول الخليج قال كلمة. قالوله روح جوف البحرينين اشلون لي متي بس مانبي شي نبي كرامه. نبي حقنا
كفاكم تخبطا" ...
أنا ما شفت وزارة مفضوحة في الجرايد مثل وزارة التربية !!! جايبين الكلام لروحكم من زود التقلبات والمزاجية إللي تعيشون فيها ... إرسوا لكم على برّ واحسموا الموضوع وخلكم أصحاب قرار .. مو كل يوم لكم مقلب !!!
خلاص ارجعوا التوقيت السابق من غير تمديد على قولتكم مرتبط بالطلبة
حسبي الله ونعم الوكيل
إذا مافي علاوة المفروض يرجع الدوام الطبيعي بدون تمديد
ويستمر المسلسل... اذلال المعلم صاحب الأنبياء من اصحاب قرار كانوا يوما #طلبة يحتاجون لترفيع
شهر رمضان بطوله دوام
حملو لكم ودمتكم وورق السمبوسة طبخو وولفو سمبوسة بدل قعدتكم جذيه
ويش نحمل .. ومن بيصحح ومن بيشتغل في الكنترول الى الليل
ونواب الغفلة وينهم ؟؟؟!!!
لو بس فالحين في المناكفات واستعراض العضلات ؟؟!!
حسبي الله ونعم الوكيل ....
حولتون المعلم إلى طرّار يطالب بحقوقه عنوة ...
كل فلس تاخذونه في ذمّتكم ... وبيننا وبينكم رَبّ كريم ....
مشروع تمديد الزمن المدرسي فشل ، وهناك جهود خفية من اجل ربط دوام المعلمين مع دوام باقي الوزارات و كأن مهنة التدريس متساوية مع اي مهنة ! تكفي الامراض التي يصاب بها المعلم .
متساويه بالفعل لانه كل الوظائف مهمه حتى الصغيرة من خباز وغيرها وكل وظيفه لها دورها في المجتمع قبل ولاتقل اهمية وظيفه عن اخرى ولانستطيع ان نستغني عن اي وظيفه مهما كانت صغيرة فهي صغيرة في
نظر بعض الناس ولكنها مهما كما الكبيرة
حسبي الله ونعم الوكيل
ليش معلمات يطلعون وحده وربع والباقي 2 وربع ونفس المعاش
المفروض كلنا نفس الوقت اذا ما في علاوة تمديد
مو محللين وراكم حساب وكتاب بأجر
صحيح ان جميع موظفي الدولة ينتهي دوامهم الثانية والربع حسب ديوان الخدمة إلا أن المعلمون ومهامهم الملقاة على عاتقهم ليست كباقي الموظفين
اذا مافي علاوة ليش الإداريين لهم علاوة ما يدرسون وثاني شي مافي فائدة التمديد لا للطالب ولا المعلم الوقت الزائد يضيع في الفسحة الثانية وبرامج غير مفيدة أرجو ان يعود الزمن المدرسي الاول
ارحمو المدرسين ذليتونا علي هالعلاوة كل شهر قانون مانبيها نبي الدوام القبلي والمشتكى عليش يا وزارة