بصراحه في ناس فاضية بس يسوون روحهم يردون ع الكلام وكأنهم كلوفين ع غيرهم ويسون روحهم هم اللي فاهمين وينصحون غيرهم يا اخوان كل واحد يعبر عن اللي يحس به ويشوفه انتون شكو تدخلون في خصوصيات الناس . لاتردون على اي تعليق خلو الناس تفضفض ..

طبيعة المرأه اتحب اتغير جو عن كرف المطبخ وتنضيف البيت فلازم الرجال يقدر الزوجه وايعطيها جم قرش علشان تفرح واتشك البوز???? بس ادا الرجال على كد حاله لازم اتقدره وتحمد ربها والله كريم

جدحفص
لان السوق هو المكان الوحيد الي يبعد الزوجه عن مسؤوليات وضغوطات الحياه الزوجيه
فالنساء كالعصفور السجين والسوق كباب القفص ما ان يفتح تراها ترفرف بجناحيها فرحا وما ثلبت ان تعود إلى ذاك السجن ليتعود للروتين اليوم
النساء تعتبر السوق كسر للروتين

زوج أختي... راتبه ع قد حاله... يدخلون كذا جمعية في وقت واحد... 90% من الجمعيات... تروح ع التسوق... و اللبس.. و زوج أختي... لين أنفجر... صار يقول ما تعرفيني الا اذا كنتي تبين تتسوقين...
أحنا ندوم نكلم أختي..
ترد و أتقول...
كيفي...
و هي وحدة متخرجة من الجامعة..
ايش هالعقلية...

*

أحس روحي مُسرفة ، و ما أطبخ !
و أغار على زوجي من أبسط شيء و أحبه و لكن غيرتي = دائما خلاف يؤدي الى زعله .. و أتضايق و أوعد نفسي ما أكرر الشيء و أرد أكرره و أحكم قبل ما أفهم الأمور في الغالب .

اكيد المقولة صحيحة
لأن النسوان كل شي يصدقونه ويمشون وراه
ولين يبون يسوقون لحاجة يصيرون ازيد من الشعب (........)

هههههههههههه

واحد يقول..
زوجتي جاتها أعراض الولادة فجأة..
وبدأت تصرخ وتستغفر ..
وأخذتها بسرعة للمستشفى ..طاير بين السيارات واقطع الإشارات حتى وصلت للمستشفى والحمد لله وولدت بالسلامة ..
بعد الوﻻدة بأيام تقولي أبغاك توديني لمحل التخفيضات اللي شفته على الطريق يوم وديتني للمستشفى أولد !!!

علي يا علي....
جد يعني...
النسوان عليهم حركاات...
جد يعني حتى الجامعية و المتعلمة
سااعاات تحسهم "نص مكينة" ^_^

جد يعني انكم شلاخين ...المراة وقت الولادة ماتدري عن عمرها موبتقول شافت محل تخفيضات ... صدق شلخه قويه

ما كتبه زائر 21
نكتة للضحك متداوله في الواتس اب منذ أسبوعين و ليست حقيقة ...

اذا تبي تبدأ مشروع ابدأ بواحد من ثلاثة
١- محل اكل مميز
٢- محل يستهدف النساء
٣- محل يستهدف الاطفال
والخير فيما رزق ????

المرأة هي سيدة المنزل و العارفه بأموره واحتياجاته وما ينقصه ، اعطوها بعض المجال للتسوق احتياجات منزلها ، منها تغير جو وتتغير نفسيتها ومنها تشتري الاحتياجات ، عني انا اشتري ما احتاجه بسرعه لا احب تضييع وقتي في السوق ...

مهما أكون... مو حلو تتكلمين عن شريك حياتش بهالطريقة...
عندش شي... تقدرين تشكين لاهلش.. لاهله.. هذا بعد ما تكلمينه...
جد هذا يعور القلب...
ما أقول الا الله يرزقني بزوجه تحترم زوجها..
ع قولة امي... الله يعطيك زوجه مثلك...

فعلا الاحترام جدا جدا جدا مهم بين الازواج
الله يرزقك ويرزقنا على قد نياتنا

بعض الحريم اشوفهم في السوق كانهم منزهقين مو عارفه شنو تأخذ وتصرخ ع عيالها وعافسه روحها المفروض اللي تروح السوق تحط في بالها رايحه لشغله معينه مو تأخذ الكو والماكو

انا بنت واروح السوق اسبوعياااا
والله اكثر اللي يشترون رجال ليش كلة حاطين على النسوان.
بشكل عام التسوق علاج فعال للنفس وللراحة .. يحارب الاكتئاب ويجيب السعادة

يشترون للنسوان ترة
لان النسوان اتكاليين بعد
يبون الشي يوصل لعندهم

الرجال بطبيعته يأفأف وكل شي يبه من لطرارة مايبي يدفع شي من جيبه وإذا خلص الغرض من البيت قال تلعبون بالغراض وان حنا مسرفين بس يبي المطبخ كل شي من عند امي أو ابووي حلاوت الرجال من يخلص الغرض في البيت يجيبه بدون عوار رأس بس يازين لغراض اللي يجيبهم من كل شي واحد فقط وكأنه عزوبي ما عندة يهال الله يخلي امي وابوي اللي معيشيني والخبول اللي عندي بس ياكل

ليش جذي النسوان لما الواحد يقرئ ليهم تتقزز نفسيته؟ أكثر النسوان هالجذي أسلوب كتابتهم! ما يفكرون قبل لا يكتبون؟ على الأقل خله يكتبون بصورة أتريح النفسية! صبحكم الله بالخير! أشوف الرجال يكتبون بأسلوب ألطف من النسوان وأطيب! (وهدوا إلى الطيب من القول وهدوا إلى صراط الحميد) الله يهديهم إلى الطيب من القول! مو يتكلمون كأنهم أرجال! لا حول ولا قوة إلا بالله العلي العظيم

انا ايضا اتعجب من اسلوبهن في الكتابه ! عندما اقرأ تعليقات النساء اشعر بها كأنها تصارخ او على قولتنا تلعلع ! البعض ينقصهن اللطف والاسلوب الجميل في الكلام ، واكثرهن طيبات القلب وحنونات وسنعات لكن تنقصهن الذرابه لا اكثر ..

كل وحدة تكتب و حجيها يعتمد على شريكها اذا مو مرتاحه منه بتشوفها جدي لكن لو العكس ما بتكتب جدي اكيد يعني
اني من لتعليق اقدر اتوقع شنو الي خلاها تكتب جدي
بما اني مو مرتبطة فبس اقرا و اكتب رايي فقط

مادري ليش يعني كلكم حاطين على رجالكم
كل نفاق في نفاق
اهني تسبلون في حظهم وبعدين تروحون شوي وتبوسون رجايلهم
وخاصه ..........
يعني بلا نفاق يا نساء
ماجوف روحي قلت شي غلط عن زوجي
بالعكس مو مقصر
واذا يقصر اقدر ضروفه
كفاكم نفاق احبتي

عيب والله عيب
الحين انتين الملاك يعني؟ .. والله شي يبط الچبد
تقولون عن أزواجكم چدي لكن خل وحده تطالعه وتحط البال عليه او اهو يشوفش خبلة مثل ما تشوفينه ويدور له وحدة ثانية ما بتخلين ولا بتبقين
وين المودة والرحمة؟ وين احترامكم للزوج بحضوره وغيابه؟
ابو اولادش يا فلانة .. حاسبي بكلامش عالاقل عشان الاولاد اللي بينكم!
تكرهون الواحد بالزواج اللي اهو سنة حياة!

تعليقك يحسسني ان الرجال ملائكة والنساء شياطين يا اخي ترى الشااشة خداعة والكتابات هني هرار وحجي فاضي ياما نشوف ناس يكتبون عن الرجولة وانا وانا وهو ما يحمل من معاني الرجولة الا شيفته ههههههه
بس خلاص ترى الهجوم المضاعف الي تشنونه على المراة صار مستهلك دوروا اشياء ثانية اوووف ناس تعبانة تلوع الجبد قال ويش كتابة الرجال تفتح النفس ماادري ويش والنساء هرار وماادري ويش صراحة سخافة وقلة فهم وقلة ادراك الله يساعدكم على نفسكم هههههه

أحسنتم يا وسط على هذه المواضيع الرائعة الصادقة والعفوية! بارك الله فيكم وجزاكم الله خير الجزاء! مواضيع ثمينة وقيمة واقعا نحتاجها! لأنه فيه نسوان واجد ما يخافون من الله ويلعبون بالفلوس وجيرانهم جواعى ما عندهم ياكلون! وكذلك الرجال أيضا! لكن النساء أكثر بحكم أنهم أوقات فراغهم أكثر ووقتهم متوفر للمجتمع أكثر لأنهم ما يشتغلون! (وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ)

ويلي على السوق و مصاريف السوق اعتقد محد يشبع من السوق او السوبر ماركت للحاجة او حتى لو ما كنا محتاجيه
بس اكيد ضد الصرف المجنون اللي يصير تجيك وحده راتب زوجها 300 دينار وتسوي عبايه 120 ههههه ويش احنا وين قاعدين حرام تضغط على الرجال ما تراعي ظروفه الا اذا كانت ماتحبه وتبي تنتقم منه ههههههههههههه

بالنسبه لي مو مجنونه سوق مثل البعض اللي اشوفهم حولي بس اذا رحت السوق مستحيل ارجع خاليه
ماعرف ماشتري هههههه , لكن ما عاد السوق يهمني اذا بغيت شيء طلبته من موقع امزون ويوصل للبيت
اما الثياب مو دائما اشتري يعني استهلك اللي عندي اول وفالاعياد لازم نشتري لو بدله هالشي طبيعي

سوق النساء سوق مجنونه ، بما اننا على مشارف النصف من رمضان روح جوف الوضع عندهم اذا راحت تشتري حق بناتها بتشتري ليها فستان اقل سعر ليه 35 دينار القماش تبعه ب 1.5 دينار ويجوفونه يتحلطمون عليه لاكن يشترونه جاهز من مكان مسوي روحه متخصص فساتين بديك الحسبه ، اذا رحت حق التوزيعات بعضهم يشتري جاهز الحبه تطلع عليه ازيد من دينار واحد على سكسبال ريحته عفن بينما تقدر تسوي في البيت وتحط ليها 500 فلس وتحط فيه كم شغلانه حلوه بنفس السعر على الاقل الناس بتستفيد منه حتى لو كان غالي، سوق ملينا مستهليك سلبيين .

اللي يبي زوجته تكشخ طول الوقت ولا يبيها تشتري ثياب وماكياج
ويبي طبخات واكل بيت ولا يبيها تشتري الاغراض
ويش تسوي هي في عمرها
خليتون بسبب مواضيعكم المراة مسرفة حنانة زنانة مسترجلة والرجل بخيل خاين مزواج
وين المواضيع اللي تركز عالبناء بدل ما تشجع عالنقد اللي ماله داعي

كلامك جدا صحيح اتفق معاك

مرحبا

اهم حوائج النساء أواني الطبخ وكل ليلة العشاء من المطاعم افتكر أفضل طريقة لشركة أبل وسامسنج لترويج لهواتفهم إرفاق صحن أو مقلة مع الهاتف لزيادة المبيعات

مو كل شي

اكثر ما يستهويني الاشياء التي تضفي لمسات جميلة في المنزل واضغط على نفسي اذا ما اشتريه

هههههههه

انتوا بعد فاتحين مواضيع النساء فعدد التعليقات اليوم يجيب على السؤال