لو عرف تاريخ وجدور البحرين مانبيه غير مرحب ابه في البحرين

صاروه هم اعيال الديرة
بعد جم سنة يخذون مناصب في البلد
في وزارة التجارة او البرلمان او الشورى
وينتشرون في باقي الوزارات والمواطن الاصلي ماله
غير القطاع الخاص والمجنس له كل مميزات من وظيفة
لغاية منزل الاحلام .. تعلموا من الكويت شوفو شلون تحترم مواطنيها مب كل من هب ودب عطوه الجنسية الكويت يخافون على النسيج الاجتماعي
مب اهني حتى البنغالي عنده جنسية

ألحين البلد مو قادرة توفر سبل العيش للمواطن

كل يوم قطع للعلاوات ورفع للدعم عن السلع الأساسية،

وجاي تتكلم عن التجنيس بس بإمتحان!!!

مهما كان الموضوع الديره صارت حق الاجانب و هم الاولى
البحرينى هو صار الغريب و قريبا بتختفى الهويه البحرينيه

الديرة ما تتحمل مجنسين
زحمة شوارع
نقص في الادوية
بطالة وقلة وظائف
ازمة مرورية واختناقات
عادات غريبة

يا فرج الله

لاحول ولاقوة الا بالله العلي العظيم
ماعندكم شغل فعدوا في بيوتكم

انزين الامتحان عربي لو انجليزي لو باكستاني لو هندي لو شنو بالضبط؟ وشفهي والا كتابي؟ عبارة ناس ما تعرف تقرا نص حرف . وفي النهاية اذا انحلت سالفة الامتحان ما في وااااو في الموضوع؟ ...

هم يبكي..هم يضحك..ما اقول الا حسبي الله ونعم الوكيل

خلهم يعرفون يلفظون كلمة بحريني أول و تالي يصير خير تسألونهم عن تاريخ البحرين

إلا ماعنده شغله ويش يسوي !! بدل ما تطرحون مواضيع تفيد المواطن تفتحون مواضيع مالها معنى ،، العبوا و امرحوا و اسرحوا الحساب بكون يوم الحساب ،، الحمد لله ما عمري صوت لأي نائب لأن ما منهم فايدة

يفضل لو تسووا لكم مسرح عرض في مجلس النواب ويدخل عليكم المتقدم للجنسية لابس شماغ أحمر وثوب وبعدها تصوتوا إذا يستحق الجنسية أو لا.

أنا لو أقدم الامتحان رسبت
يسرو مثل ما الله يسر ليكم

ليش ما اكتفيتون تجنيس خلاص الديره خربت وصارت من اخس الدول اقتصاديا.واجتماعيا البحريني صار منبوذ خليجيا وفقير اقتصاديا .

ضدهم
انته يسوي اختبار جدي انا مافي مئلوم
انته لازم يسوي اختبار في اسم فليج بهرين انا في مئلوم يئني سيترا انا في مئلوم ديرراز انا في مئلوم( سماج )انا في مئلوم ليش انا في طيارة يشوف سماج كريب من بهر طاس زمان في مئلوم ليش انا في قبل يروه يسوي ترتيب حق جواز يشوف طاس زمان مناك قريب في واجد انا مئلوم الهين وين جواز مال انا ؟

اقتراح

ان يكون ملما بجميع ثقافات الشعوب لأن البحرين بلد التنوع الثقافي والتاريخي والبيولوجي. لسنا بحاجة لتاريخ البحرين فالهدف تحقق وسحق التاريخ والله يرحمه

هذا الاقتراح تعطيل والتفاف لمن يريدون الحصول على الجنسية البحرينية ونحن نفتخر أن شرف الجنسية البحرينية نالته كل شعوب الأرض حتى عدم الناطقين باللغة العربية

انزين وليش ما تختبرونهم بعد في اللهجة والزي البحريني جوفوهم يعرفون لو لا ... لأن بعضهم لين راح سوق
السمج يقول حق الي يبيع السمج بشم الشعند؟ او إذا راح عند الهندي مال السمبوسة يقول له: بروبية سمبوسة
وبروبية شباتي او لين راح القهوة قال: استكانة كاي بدل الجاي .. وتلاقيه كاشخ بثوب ولابس تحت الثوب
زنجفرة حمرة دعاية من شركةبتلكو وبانطلون جينز وجبلية ربل وفي يده مسباح... أقول سلمو أهل البحرين

اختراع واجد زين فيه نفرات واجد داخل بحرين معلوم تاريخ مال بحرين يعني بسير ناجح في امتحان بعدين بسير مواطن / فكر انا خوف بابا زابت انا

قاصر عن التجنيس بس دخول الامتحان عن تاريخ البحرين كأننا في حاجه للتعريف بالبحرين يبا ينابي/ادخل من غيرها بلادنا نسميه روحها وما يحتاج امتحان رأسها مرفوع ومعروف عند كل الألم هي زهرة الخليج

لا للتعقيد

ما تهبون روحكم يحصلها وهو في بلده الأم

رب ضاره نافعة كل شيء في هذا الكون مدبر انت ترها غير جيد الان ولكن للله اسباب يقول المثل إذا إراد الله هلاك نمله عطاها جناحين

بعد شنو
بعد خراب البصرة
بعد ماتم تجنيس عشرات
الإلاف ومايتحجون حتى عربي ولامناطق البلد ولاتاريخ ولاهم يحزنون بعد شنو
بعد التقشف
بعد العجز
بعد البطاله مازادت
بعد مازادت الازمه الاسكانيه
كملو نومتكم

المشكلة ان الاجانب ما يتقدمون للجنسية .. الحكومة تجنسهم وخلاص.
اي تاريخ هذا اللي لازم يدرسونه

اولا يا حظي الدول اللي تجنس, تقدم اختبار التاريخ نهاية الفترة الشروطة من الاقامة للحصول على الجنسية.
مو تعال قدم اختبار و خد جوازك.
ثانيا, البلد ما عندها موارد تصرف على هالناس كلها, لا تدمرون البلد

غنمه الفريج ماتحب الا التيس الغريب
هذا حال البلد للأسف

ههههههههههههه .. المواطنين الأصليين ينسون التواريخ الي تعلموها في المدرسة .. وش فايدتها

أعوذ بالله
اقتراح مخجل جدا و يدل على أن من حصلوا على الجنسية حصلوا عليها للتو و لم تمض عليهم سنوات تصل لعشرين و خمس عشرة سنة كما ينص القانون كنا نمني أنفسنا أن يخرج من هذا المجلس من يدافع عن وجود و هوية هذا الوطن قبل أن تضيع و لكن ذلك مجرد حلم

يانواب تركوا عنكم ... والبحرين الي فيهة كافيهة وبلاتجنيس والتجنيس خرب البلد تخريبا .

اقتراح فاشل من فاشلين بدل من هذا الاقتراح اوقفو التجنيس....

خلهم يعرفون يتكلمون عربي قبل لا يعطونهم الجواز
عشان تسألهم عن التاريخ !!

لا لا ما يحتاج طالما ..

عطوهم الجنسية
الخير كثيييير مغرقنا
و السعادة غامرتنا
تلتفت يمين او يسار تلقى ...

الناس في زلزله ولعروس تبي ريل انتخبناكم وبتلشنه حبطون الناس بقتراحاتكم ....

هههههه.شلون تعمل له اختبار وهو ما يعرف يقرى ولا يكتب ولا يتكلم اللغة العربية.اي عادت وتقاليد يا الطيب.انتون خليتون فيها عادات وتقاليد.لا ويطلع لك واحد ...ويقول حنا نحافظ على عروبة البحرين.هي تم فيها عروبة بعد حتى ...الي يغسل سيارتي عنده جواز

تصفييييييييييييييييييييييق
حااااااااااااااااااااااااااااااااااااار
للشطططططططططططططار

ولازم يكون زراع ويقعد في الاجارات 25 سنة حاله حال الخلق وعقب يستلم الجنسية وما يكون عنده حساب خارجي او اي نشاطات تجارية يكون موظف في أدنى الوظائف ويجاهد ولا يستحق اي من علاوات السكن وغلاء وغيرها
الا على طاري العلاوة متى بتنزل مال دعم اللحوم ؟

الامتحان بأي لغة ؟
اوردو ؟
لو هندي ؟
او بنغالي ؟
ابي ضروري اعرف الامتحان بأي لغة

اول شي خلهم يطبقون الشروط اللي تستوفي الحصول على الجنسية البحرينية.. بعدين يقدمون المقترحات..

المفروض بعد من الشروط إتقان اللغة العربية تحدثا و كتابة و إجادة اللهجة البحرينية

بدل ما توقفون في وجه التجنيس و ترفضونه قاعدين حضرتكم تشجعون عليه باقتراحاتكم التعبانة
التجنيس هدر لأموال الدولة و مقدراتها لمن لا يستحق
حسبنا الله عليكم

بابا زابط

ليش ما تعطونهم الجنسية انا مب محتاج مكافئة التقاعد وياليت تسون لي الراتب 60% لانه راتب التقاعد يكفى ويزيد

اتفق معك مائة بالمائة...