الرجل الذي يقبل ان تصرف عليه زوجته طبعا ليس برجل ولا يستحق ان يكون رجل وأشباه الرجال في هذا الزمن كثيرون

ليس بالعيب أو العجب مساعدة الزوجة لزوجها في النفقة ولكن كسب العيش والسعي والتعب هو عنوان للرجولة

ان شاء الله اخد ليي اوكرانيه وخليش تعنسين يا ام مشمر حمدي ربش احد يتزوجش طالعي المنظره زين يمكن ماشفتين شكلش لم تشوفين شكلش بتعرفين ليش هالرجال صار عندهم انعدام في الرجوله مسكين يالرجال الله يعينك ع الي تقابله ليل ونهر شلون متحمل

من تصطك عليهم قالوا لينا شرع .....! اي شرع يقولون عنه؟ في الشرع أصلا تعاون وبر وتقوى!النبي محمد صل الله عليه وآله استعان بمال خديجة عليها افضل الصلاة والسلام! ليش هالألفاظ السيئة مثل قلة رجولة وجرح مشاعر الرجال والبهدلة في الطرح وكل وحدة اتجي ترمي وسخها اله في جبدها اهني لينا اتضايقنا؟ هذا زواج لو امعاير وسب وتنابز بالقاب؟

قلنا نبي وحدة ما تشتغل

قله رجوله

قله رجوله اصلا عيب رجال طول بعرض وشوارب وبالاخير يروح يطر فلوس من زوجته

قله رجوله لو. هي منها ومن نفسها اعطتك مره مرتين مو مشكله بس انه الزوج يطلب هاي قله رجوله
والزوج مجبور يدفع مصرف لزوجته حتى لو كانت تشتغل لانها في ذمته بس هي مو مجبوره تعطيه شي

بعض الرجال مب قليلين رجولة، اللي تعطي و تعطي بغباء و بدون مقابل هي من تقلل رجولتهم، و على نفسها جنت براقش

ضدهم
رجل يجلس في المنزل بلاعمل من دون عذر ويعتمد في حياته كلها على زوجته التي تعمل لايسمى رجلا بل هو ليس رجلا حتى وان قام بغسل الملابس وتنظيف المنزل وتربية الاطفال كل هذا لايعادل يسوى شى
احد الاشخاص عندما اراد ان يتزوج قام بالعمل وعندما تقدم لخطبتها وعدها بالحفلة في احدى الصالات المشهورة وعندما ضمن قبولها كانت الحفلة من مصروفها الخاص وبعد الزواج استقال من عمله بعد اشهر قليلة بعدما ضمن انها ستربي ابنهما ولايزال عاطلا بعد 6سنوات من الزواج وكل اعتماده على زوجته التي لاحول ولاقوة لها .

زوجتي راتبها ضعفين راتبي وتاخذ من عندي مصروف بعد وتصرف راتبها علي تفاهات واكبر تفاهه تمشي راتب لاخوها الي ما يشتغل اكثر من الي يبق٣ من راتبي

اخي الكريم الشرع يقول لو الزوجه تملك مال قاروون الزوج مجبور يدفع لها مصروف وماله حق يحاسبها وين قطت فلوسها هاي تعبها ومن حقها تتصرف فيه كما تشاء

عاحين تبون تتسوى المرأه مع الرجل بس توصل للفلوس توقفون ؟!
انا مااايد هالشي انه المراًه تصرف عالبيت لكن بعد خلو للرجل مكانتة انتو اللي سويتو المجتمع جذي لانه قاعدين تساون في كل شي فأذا تبون حتى عالمصروف لازم تدفع نفس الرجل.
#قانون السيداو
#مساواه المرآه بالرجل في المجتمع

الرجال قوامون على النساء حتى لو هي تشتغل انت المسول عن مصرف لبيت

راحت رجال ترفع الدروازة

الرجولة بالمواقف والحب الحقيقي مو بالفلووس والماديات والصرف ياما حرامية مفكرين روحهم رجال من بوق الناس والمتاجره بهم ويازعم رزه وريال. مو عيب التعاون بين الشريكين في الحياة . العيب تخلون الناس معتازه في وطنهم كانهم اجانب وتمكنون المرأة على حساب الرجال يازعم مال اوروبه . خذو من الغرب التقدم والفكر مو الشكليات والسطحيات . شغلو المواطنين الشباب وثقفوهم وما بيعتازن حق احد لا امهم ولا ابوهم ولا زوجاتهم.

هذي زوجتك شريكت حياتك مهو عيب تطلبها العيب انك تسلف من الناس وعندك زوجه موظفه ترا فاهم الحياه غلط ياطيب اهم شي انك تبني مستقبلك انت زوجتك ندري مهو على المال بس يحدك الزمن مالك الا زوجتك والمره الي تفهم ماتفكر بالفلوس عشان زوجها مايفكر مره ثانيه

قلة رجولة وللاسف قاعدين يزيدون هالنوعية من الرجال الاتكاليين
اعرف وحدة كانت تشتغل ومعيشة روحها في نعيم وعندها سيارة وكالة تزوجت شبيه رجل واستغلها وظلت هي تشتغل وهو قاعد وفوق هاده ولدت خلاها تفنش مايبي يجود الجاهل وسحب تامينها وصرفه وخل عليها ديون من كل مكان والناس تطالبها وصار عليها منع سفر ودمرها تدمير ولا في احساس ولا مسؤولية والى الان تدفع ثمن اغلاط زوجها وحالتها تكسر الخاطر يعني فوق انه ما يشتغل ولا يصرف يسحب فلوسها وادا ماعطته ضربها ويخونها وخله عليه ديون كبيرة
هل هذا يستحق ان يسمى رجل؟؟

لو انا من البنت جان اتطلق ولا أسحب تأميني

اعتذر عن سؤ الفهم الذي سيحصل بسبب ماسأقول (انا ان قبلت زوجتي ان تعمل وتترك عملها الاسمى وهو الاعتناء بالاطفال وحفظ الاسرة فاعتبر نفسي عديم رجووووووووووووووووووولة) طبعا وجهة نظري ومن ناحيت من يصرف انا من ساصرف وان بعت دم قلبي من اجلها

الرجال قوامون على النساء بما فضل الله بعضهم على بعض

راحت رجال ترفع الدروازه وجتنا رجال المصلحة والعازة

قلة ادب
المرأة اذا تأخد معاش اكثر فهي دارسة اكثر وعندها جودة في العمل
مجربة الشغل في القطاع الخاص ويا رجال
كل مهملين ولا يشتغلون عدل
اهمال في البيت واهمال في الشغل
يا دافع البلا
وويش سالفة تخونه كل وحدة تطلع في الشارع تخون؟؟؟؟
بلا استهبال وقلة ادب احنا مسلمين
وروحو اشتغلو يا قوامين
فاهمين الحياة والدين غلط

والله فاهم غلط غير امثالش هم سبب مشاكل المجتمع

تفرج

تفرج هم الزوج عن المصاريف قصبن عليه الواحد اذا احتاج حق زوجته مصاريف اليوم تهز جبال في ميزان حسناتها الله يطول عمر المراة الا اتفرج هم زوجها وابنائها

انا اشتغلت وتعبت وصرفت عليها دم قلبي درستها في احسن الجامعات، واللحين تخرجت واشتغلت شغلة قوية ومعاش قوي وعمري ما قلت ليه ابغى شي، بس اللي قاهرني تقول ليي دور شغلة ثانية لان شغلتك مو من مستوايي، خفي علينا يا ام مستوى شكله النهاية قريبة

هههههههههههههههههههههههه , الحين خلها هيه تصرف على دراستك وعقب اشتغل شغلة عدلة

ضدهم
لاتقولون حرضته عليها
يالحبيب الرد الصاعق عليها : الارزاق بيد الله اما شغلتي مو من مستواك فهذا الكلام مو على هواك والا طرشتك من دون رجعة لبيت اباك والسلام عليكم ورحمة الله وبركاته .

رجعها بيت ابوها...وطالب بفلوس دراستها

خدها علي گد عگلها ، مع تحيات رجل عانى من عقول النساء

البلادي....وين هاي الي تصرف علي الرجال شايفين شي اندور من يعيف ...ما نشوف الا صرف ولا حمد ولا شكور

مو رجولة

عادي خصوصا مع غلاء الاسعار

يعتمد حسب الحالة يعني قد يكون الرجل مفصول عن العمل وحاول بكل الطرق ان يحصل على وظيفة لكن دون جدوى او قد يكون غير قادر على العمل لاسباب صحية ففي هذي الحالة يكون تعاون.. اما اذا كان متكل على زوجته من دون سبب مقنع فاذا هو ليس رجلا واستغلالي.

هذيلين أهل لو وحوش؟ الزوجة بتقتل زوجها على هالفلسين اله تعطيه إياهم! أحد يقتل أهله؟ الواحد يعامل أهله بالمعروف والإحسان مو بالمن والأذى! الله جل جلاله أمر في القرآن الكريم إيتاء ذو القربى حقوقهم! (قول معروف ومغفرة خير من صدقة يتبعها أذى والله غني حليم)! إذا هي أتمن عليه بعدين لما يحصل وظيفة ويعدل وضعة بتندم وما بتسامح نفسها على هذا اله قالته اليه واذته! شيبة الرجال وخلته يموت من وقت وهو صغير!

مافيها شي

مافيها شي اذا تعاونو اشتغل المصاريف كلها علي الحمد لله بس ساعات زوجتي تشتغل وتساعدني اتخفف عني

تعاون .

في الوقت الراهن الشباب عند الزواج يريد من شريكة حياتة ان تعمل وذلك لعدة اسباب
منها ضيق الحال في المجتمع البحريني

ما اعتبره رجولة للاسف استغلال وهذا الشي عيب وغلط

للاسف استغلال

تزوجها وبعد ان صرفت عليه وهو بلا عمل لسنوات وهي تقترض وتدرسه في جامعة خاصة واستلم شهادته .. كشفته يخونها مرات .. فقام وطلقها
فسنين عمرها ضاعت .. وهو بلا ضمير انساني .. قصة واقعية للاسف شاهدة عليها .. الله حسيب ولن يضيع جزاه

تسلفت منها فوقعتني على اوراق ...والله يشهد كل شهر اسدد ليها قسط...لما اعطيها القسط ماتعطيني وصل استلام ... كله خايفه حقها يضيع ...اطالبها بالوصل لو اسكت؟؟

اقول خالط ارجال افضل لك

المراءة التي تعمل فهي تتحمل جميع المسئوليات من الالف الى الياء
تاخذ دورين لتسير الحياة الزوجيةوتكافح لاجل معيشه افضل لابناءها وبيتها
الرجل الذي يستغل راتب زوجته ودون مد العون فهو للاسف ليس رجل
اما اذا كان متعاون مع زوجته فالزوجه لن تقصر ابد على بيتها وابناءها

حسبي الله ونعم الوكيل فيك يالفرنسيه الي اخر يوم في حياتي ما راح أسامحك يا حطب جهنم. اشتغلت مع أنها لاتحتاج وظيفه لانه موفر لها كل شي. وبعد ما اشتغلت قلت لي جيب خدامه عشان تخدم أولادك لثتين لأني مو كلفه ابهم وفعلا جبت خدامه عشان تكوي وتغسل اثياب شغلها وتجهز ليها البطنات. بدال ما تساعدني بشغلها زادت عليه المصاريف. اطريت أجيب خدمه تغطي غيابها. واطريت اوفر مواصلات للمدرسة لانه حضرتها مشغولة مع العلم أنه مطلع ليها سياره من الوكالة والقسط الشهري يساوي مبلغ مواصلات الجهال تقريبًا فطلعت سياره لهااحسن

زوجتك رافسة النعمه
الخدامه ومواصلات مسئوليتها بدفع المصاريف مادام اهي اشتغلت بدون رضاك وفضلت العمل على القيام بهالاعمال
فانا زوجي ما يدفع راتب الخادمه ولا يدفع للمعاهد او المدرسين الخصوصين لعيالنا ولا يدفع للمدرسة الخاصه لولدنا
لاني اذه اناقشه يقول لي ما امبي خدامه ولا تودينهم معهد والولد حوليه عالمدرسة الحكومه

لهلدرجة ماكو ثقة ههههههههههههههههه

كلامه صحيح انتين زايده عبء عليش

قلة الرجولة كلمة غير مناسبة, قلة الاحترام او قلة الادب اعتقد انسب من قلة الرجولة .. مو من حق الرجل ياخذ راتب زوجته , ولا الزوجة مجبورة تدفع فلس من راتبها للبيت , اذا دفعت وساعدت من نفسها "خيرا فعلت" واذا ما ساعدت "مو مجبورة " وله من واجبها حتى تصرف فلس على بيتها , الرجال هو مسؤول البيت وهو الشخص اللي مفروض يصرف على بيته.. استغرب ان كيف بعض الرجال ياخذون كل راتب زوجاتهم ! وفي بعض الحالات الزوجة اساسا ما تكون راضية ! ولكن ما تقدر تسوي اي شيء .. الله يساعد كل زوجة مبتلية بهاي النوع من الرجال

صح كلامك قلة الرجولة غير مناسبة

كلمة قلة الرجولة توجع الرجل و تسبب له الاهانة و يقصد بها اشياء ثانية غير ناجح فيها و يحتاج الى علاج ليكون مثل باقي الرجال و الكلمة الصح قلة الشهامة او قلة المرؤة

سلام الله ع عزة النفس , أرجوا من أخواني جميعا العمل الشريف أينما كان , لأن العمل عبادة . اللهم صل ع محمد وآل محمد .

لان اصبح توظيف البنات اسهل ومعاشاتهم دائما افضل. الرجال يتعب ويدرس واخر شي وظيفة 400 دينار بالصعوبة. ولبنت تخلص دراسة وتلاقي وظيفة احسن ما يكون علشان مظهر الشركة وهذا الواقع. البنات مو كلهم يشتغلون او يدورون شغل. فرصهم في العمل افضل. وانا ما الوم الرجال اذا اخد من مرتة حق مصاريف البيت. يعني هي تروح وتشتغل ومعاشهة افضل واخر شي تبون كل شي على الرجال. خوش شي

الله قال الرجال قوامون على النساء
ملزوم يصرف ليها من الألف إلى الياء ولوحبت تساعده طيب منها مو اجبار
ومايحق للزوج يطالبها بمعاشها

اني اعرف نموذجين من بنات أزواجهم ما يشتغلون وهم يصرفون على البيت في بنات تاخذ حريتها تطلع وتدخل وتخون زوجها لانه اتكالي وفي وحدة ثانية لا زوجها خاين وياخذ بطاقتها البنك وياخذ من عندها وهي ساكتة عنه ولا يصرفهم على البنات

هذا خروف مو رجال اللي ما يشتغل ومرته تصرف عليه
وش فايدته في الحياة اذا مو قادر يوفر ليها الأمان ان انا موجود وقت الا تبين تفنشين فنشي ومعاشي نعيش فيه على قدنه ؟
اذا كان يشتغل وفنشوه غصبن عنه هذا شي ثاني اما اللي مريح عمره ما يدور ليه شغل ويصرخ مافي اشغال هذا مو رجال ولا فيه رجولة
والشره على البنية اللي تاخذ واحد ما يشتغل وتجوفه عقب ان مو تعبان على روحه عشان يوفر ليها لقمة العيش وساكتة عنه لا والمصيبة تخلف ولاد منه ! يا خراااااشي البنات اغبياء واهلهم اغبى واغبى بعد اللي يزوجون بتهم لواحد فاشل

واللي ما يشتغلون بدون أي مبرر وشغلته الوحيدة مكينة إنجاب وسهر بالليل ونوم طول النهار ومعتمد على أبوه وأمه يأكلونه ويأكلون اولاده ومرته !! ويمشون ليه مصروف اسبوعي او شهري وياخذ قد اللي يبي وقت اللي يبي وش يسمونه ؟؟ حسبي ونعم الوكيل في هالزمن الأقشر اللي يخليه يقدر زوجته اللي تفرخ على حساب والديه المساكين !!!

التعاون بين الزوجين ضروري جدا ...

الحياة الزوجية صعبة جدا و تتطلب التعاون من الطرفين في المصروفات و الزوجة الموظفة والعاملة يعتمد عليها الزوج في شراء الكثير من الأشياء و هو عليه قسم كبير مثل فواتير الكهرباء و جلب الخادمات و رواتبهن و التذاكر و تأمين السيارات خاصة ان السيارات الجيب تصليحها مكلف جدا يصل الى مئات الدنانير
قلة الرجولة في اشياء ثانية مثل الخيانة او اللعب او ترك المسئوليات بشكل تام❤❤

خفي علينا

اقول خفي علينا ياام الجيب ياام الخدم ????????????????????

الى 73 كلامي واقعي و ليس مفوشر

عندما بنجرت السيارة علي في منطقة سار هو ذهب للكراج في نفس الوقت و اشترى اطارين ب 300 د.ب و عندما اخترب مكيف السيارة و طلع كمبيوتر السيارة فيه خلل هو دفع 700 د.ب للوكالة لإصلاحه و هذا تعاون لاني بمفردي لا استطيع ان اعمل هذه الأشياء و هكذا لان في ازواج يتركون زوجاتهم في الكراجات لوحدهن و في مكاتب الخدم ...

هذا مو واقع وفشار وهرار مثل المكتوب واله على راسه بطحهه يتحسسهه هههه

كلامك سليم يا جولييت ..
سيارات الجيب صيانتها و اسعارها مرتفعه و خصوصا الاوربيه والامريكيه .. لا عليك شاركي بكل ما تحويه جعبتك و بكل الامور و لا تلتفتي للناعقين .. اليوم فاتني و لم اشارك بسبب ما اصابني من ارهاق نوبة اخر الليل .. روميوا

الحمد لله رب العالمين

بصراحة تصرفات زوجي لا تدل مطلقاً على أنه طامع براتبي فهو يصرف على البيت بجميع مصاريفه بالرغم من كوني موظفة وراتبي 3 أضعاف راتبه ولله الحمد. .الله يحفظ زوجي الحبيب ويخليه لي ياااااااااااااااارب

بالضبط .. وهالشي انا ذكرته بتعليقي الأول .. زائر رقم 23

ان كان ما تقدمه المرأة بطيب خاطر فهو لا ينتقص من رجولة الرجل شيئاً
اما ان كان بضغط او بكسل من الرجل فهي قلة أدب وشهامة ورجولة
بس عاد المرة اذا رجلها معاشه دايخ تتصبر عليه اذا ما تبي تساهم

ياليت احصل ليي مرة تصرف عليي ، وانا مستعد انظف البيت واجود لعيال واطبخ ليهم .

ههههههههه لانك ما جربت

على الاقل الوظيفه ليها وقت معين و ترجع البيت و وراها راتب ،، كرف البيت و الجهال ما يخلللللص يا حجي من الصبح الى آخر ليل و بلوشي بعد ????

بالنسبه ليي قله رجوله الا ياخذ من زوجته
عيب عيب
انا اذا كنت محتاج حدي حدي اخذ 20 من عند زوجتي ولكن ارجعها لها اذا نزل الراتب
ومستحيل اخذ من عندها بس جذي او حق لعبه
ما اخذ الا حق شي ضروري
واقول للشباب استحوا على وجهكم وخلوا عندكم عزه نفس

ترى واضح انه اسلوب بنت مو ولد هههههه

واللي تصرف على أخوها اللي بلا شغلة ولا مرجلة ولا فايدة

تعاون احتمال رجال ماحصل شغل

ما بسامحك يا سيد...
اشتغل في روضة وراتبي 80 دينار ياخذها كامل
حسبي الله عليك

ظالم ياسيد .. استح

منك لله ياسيد قاص على المسكينة
طلقيه وانا باخذش الثانية وبحط عليهم عشريين ويصرون لش 100 دينار شهرياً ????????

المفترض المعاش يصير لزوج ادا كانت تشتغل لان هي ملك ليه ومن حقه يتصرف فيها مثل ما يبي

خوش .. واهي حمارة تكرف للساعة جم ويجي ياخذ فلوسها ويطيرها بهواه وحسب رغباته من غير استأذان !!!! وش هالعقلية اللي عندك يا اخي ؟؟ شي غريب يجيب القهر .. والله يساعد زوجتك اذا كنت متزوج

أستغفر الله ربي،، شنو ملك له ؟؟
عبدة هي عبدة؟
تفكير متخلف ورجعي صراحة
وانجان انت متزوج الله يعينها على تفكيرك المتحجر والأناني

جارية مو زوجة
قاتل الله الجهل

شكلك من احفاد ابوجهل خوك

انت بعد ملك لزوجتك عطها راتبك كله وانت منجب الله ياخذ هالتفكير المتخلف ، اذا مو متزوج الله لا يعطيك مرة طول عمرك يا رجال يا بتوع المدارس . اوادم ترفع الضغط وتجلط

خوك انت مال زمن الجاهليه وش الي مولدنك في هالزمن

قلة رجولة

هههههههههه .. هالنوع من الحالات الزوجة تلعب لعبتها على الزوج وتطلع وتدخل وحتى تخون لأن زوجها مستضعف وصاير طرار من مرته .. بالطبع قلة رجولة .. الرجل هو من يجب أن يشد حزام الأمور ,

استغفر الله ، الغيرة من التعاون بين الازواج وما تسوي الله يعرسش

قلة رجولة في زمن كثر فيه أشباه الرجال

اذا كان الهدف من الزواج بان تصرف عليه او ياخذ اموالها مثلا ( بنيه مبطنه ) فهي قلة رجوله طبعا .. اما غير ذلك فهو تعاون

قلة رجولة

من واجبها ان تعطي الرجل الفلوس لانها اذا تشتغل بتكون مقصره على الزوج والبيت والاولاد
الزوج بيتأثر من كل النواحي والاولاد عنده يربيهم بدلها والمصاريف اكثر خادمة واكل من بره وغيره

شدخل ؟
ياما نساء اشتغلوا ورجعوا البيت كرفوا وربوا وماقصروا ويا زوجهم
وهي اذا بتروح تشتغل ، شكو هو بيربي ؟ جي ما وراه شغل يروح إليه ؟ وهي شغلها طول اليوم ؟
و أصلاً من واجبه يربي ، ترى هم ولاده مثل ماهم ولادها !
وهذا الشي معظم البحارنه شكلهم مايعرفونه .. لنه نجوف الأولاد كله مفلتين على أمهم
وانته واجبك كأب وش صار عليه ؟
لا تقط اللوم على المرأه لنها تشتغل ما دامت تقوم بواجباتها وأكثر على أكمل وجه

وووووووووووجع على هالتعليقات اللي تفشل يا ابا جهل للحين ما انقرضتون اللي تفكيركم جذي وويع

الرجل هو المسؤول وليس المرأة
الشرع مايقول للمرأة تعالي صرفي ع البيت ممكن تساعده اذا كان رجل معاها
بس في رجال حتى بطاقة بنك زوجته معاه ولاعب ب فلوسها لعب هذا مو حرام حتى ع البنات اللي يعرفهم يصرف من عندها

بس السيادو اللي طالبتو به يقول مساواة بين الرجل والمراءة يعني لازم تصرف على اابيت وياه قلنه لكم انه مخالف للشرع قلتو تبونه فلا تتكلمون عن الشرع
والله بس في اشياء واشياء تبون السيادو

اي أكيد الي يعجبني في السيداو بقبله اما اني اصرف ع رجال باجر يروح لوحدة غيري لا طبعا الا اذا كان صدق رجال أمين وأساعده واعرف ظروفه وشخصيته ملتزمة وقليلين هالرجال في هالزمن

السيادو يساوي بين الاثنين يعني لازم تدفعين مثله هي السيادو وانتي بعد مثل ماقلتي شالضمان انه يصرف عليش ومابتخونينه ؟
المساواة ماله علاقه
بهرارش والله تبون مساواة ومن تيي على لفلوس قلتو لا الشرع يقول اذا الشرع يقول سكتو ولاتقولون سيادو ومساواة المساواة يعني متساويين في الواجبات والالتزامات والحقوق وكل شي من ضمنها مصاريف البيت وعن الخيانه ممكن تصير بالعكس هو يصرف عليهه واخرتهه تخونه محد نشر المشاكل اللي من هالنوع غير امثالكم اصحاب التفكير السطحي

والله عاد الرجال اذا خانته زوجته ما يضره شي ما يتأثر لكن المراة عاطفية تنكسر بسهولة

من أراد الذل والهوان والتشهير فليأخذ منها قرش أسود
السيده خديجه لاتقارن مع أم ركبه سوده مع احترامي للنساء

خليت فيها احترام

إذا كان مني ومن نفسي أعطي زوجي كمساعدة اذا الرجال غير عينه قوية يعطيها من صوب وينهب منها من صوب ثاني هذا بعد وش اسمونه

اذا كان اتفاق بينهم و متفاهمين اهوه يهتم في التربيه و اهيه تشتغل لان راتبهه قوي و يغطي كل تكاليفهم اي ليش لا ... ترى شغل المكاتب وااااايد اسهل من شغل البيت و الاهتمام في الاطفال و اريح ... اهم شي الطرفين راضيين ,,, لكن الي يشتغل و يبي مرته تشتغل و تصرف عليه و تكون ام و مربيه و خادمه في البيت و بعد يبيهه زوجه هذي عاد يكون ماعنده رجوله خير شر .. من تكلمت قالهه ماعندي انتي تشتغلين عطيني قليل حيا و تربيه و مايستاهل مسمى رجال.

الحياة الزوجية تعاونية في البناء ويعتمد استخدام راتب الزوجة على مقدار الظروف الاجتماعية والاقتصادية للاسرة وحسن التفاهم بين الزوجين بحيث لا يكون استغلال من الطرفين لأي طرف اخر سوى الزوج او الزوجة

أنا أعرف واحد هو اللي يطبخ ويكنس وينظف و زوجته هي اللي تشتغل وتكد على البيت ., وياخذ مصروفه منها هههههههههههههههههه طبعا هاذي قلة رجولة وفيه نماذج كثيرة من هذا القبيل في مجتمعنا للأسف الشديد

نزلو الموضوع في عدد اليوم 17 مايو

نزلوووووه !

الرجل هو المكلف في راعاية زوجته سواء عملت أم لم تعمل إلا أن الحب المتباذل بين الطرفان يجعلهما متعاونان بدون حدود ولكن بعض الأشخاص يستغلون المرأة لصالحهم لطلبها للعمل او بعض متطلبات الحياة لتكون وكأنها أجيرة لديه.. بعيدا عن أن الرجل بحث بشكل جيد ولم يحصل على العمل

يعتمد على التفاهم والموده والالفه بينهم اذا حياتهم حلوه وعلى احسن مايكون اكيد يعتبر تعاون لان الزوجه مستعد تضحي للي يحبها ويقدرها بكل ماتملك
لكن اذا حياتهم كله مشاكل ومو متفاهمين فيسمونا قلالة حيه وقلة رجوله ومعذره عالشفافيه

خفي علينا ياجولييت

ظروف الحياة الصعبة تحتم مساعدة الزوجة زوجها وأولادها ، نستثني من يملك المال و يخبئ مالة ويصرف من مال زوجتة والعطالين البطالين ، سوى ذلك اذا كان برضاها فلا حرج ، فالإسلام قام على مال خديجة ....

الحياة تعاون..اذا هو يعمل وهي تعمل عادي من وجهة نظري يأخذ منها تأخذ منه ماشوف لي ضرر بس اذا كان مايشتغل وبدون أي عذر مقنع الصراحه المفروض ولا فلس اعطيه بس في ناس يضطرون يعطونه ومنهم الكثير وهذا الشي علمهم يقعدون لاشغل ولا مشغلة..بالنسبة لي شخصيا عادي اعطيه ويعطيني..الحياة صعبة تمشي براتب واحد

صار حتى الابو الحين يأخذ من بنته ولا يأخذ من ولده... ليش لانها معاه في البيت للحين ما تزوجت ما عندها صرف

قلة رجولة و استغلال اصبح الرجل يبحث عن المرأة العاملة لمالها

لو ماتشتغلين مانفقتين حسنتش الوحيده.... ولو الرجال مو رحيم وعطوف عليش چان طبق عليش شرع الله وقفل عليش باب البيت ماتطلعين منه قال ويش قال قلت حيه

يوجد خلط في معنى الرجولة و استغلال المرأة وتعاونها فلا نستطيع ان نعممها لان كل حالة تختلف عن الأخرى على حسب الظروف لان الرسول صلى الله عليه وسلم كان متزوجا السيد خديجة رضي الله عنها وارضاها وكان يدير لها تجارتها وسيدنا ايوب عليه السلام عندما مرض كانت زوجت تأتي له بالطعام وتعالجه اثناء مرضه فليس عيبا انا تتعاون المرأة مع الرجل اما عن اجبار المرأة على العمل والانفاق فهذا الذي يسيء الى معنى الرجولة.

هلووووو راحت الرجال قله حياء يصرفون عليهم الحريم استحوا عاد حرمه تصرف عليكم

ألا من حبها و طيبتها تصرف لكن في رجال فيهم نذالة ما يحس بقيمة زوجته و يعتبرها بنك و يستغلها لمصلحته
ما فيها شي المرأة تنفق على عيالها و تساعد زوجها لكن التقدير و الاحترام مطلوب لهذه المرأة

كنت أعطي زوجي كل نقودي بدون حساب وبرضاي ليصرف على المنزل أنا عودته ،فمعاشي أضعاف راتبه ،بعدين أستيقظت من كلام صديقتي ، قررت أن يشاركني في بعض الأمور ، ولا يعتمد كثيرا عليي ، كما إنه يحسن معاملتي ، ولم يلعب في نقودي ، مع هذا بدأت أوكله له مهام دفع بعض الأمور .

المشكله لما تبدأ الزوجه اتعاير الرجال انه سوت وعطت ودفعت انه عن نفسي تأبا المروأه اني اخد فلس حمر من عدها لانه ماكو ضمان لمعاير والمنه امر لا بد منه ستظهر عندحدوث اقل مشاجرة اوزعل