ابصم بالعشر اغلب التعليقات المدافعه للروضات هي لاصحاب الروضات انفسهم وعائلاتهم من طريقة الدفاع واضحه السالفه عدل وفي النهايه
اللي على راسه بطحه يتحسسهه

كل نهب في روضات إني بنتي كل شهر لازم رحلتين غير الاحتفالات في داخل روضه ومهرجانات يعني مو يدفع الواحد الرسوم بس يدفع دبل ولي يقول خل طفل في بيت هدا مال اول تغير زمن هدا يسمى بخل

سؤال للامهات ربات البيوت

ليش تودون اولادكم روضه و بعدين تصيحون ماعندكن؟ خلوهم في البيت يستانسون و يلعبون و اوفر ليكم ! بس خيابه فيكم و تبون تتخلصون من المسئولية

في الي ياخدها ربح و في الي خايف ربه

بسكم تحرطم

الخلاصه بسكم تحرطم ؟؟؟ عندكم فلوس ودوهم ماعندكم قعدوهم بالبيت وقعدو معاهم ..خلاص

اممممممم انظروو من زاويه ثانيه

ترى الروتين ممل والطفل بحاجه الى تغير ومفاجآت ..يحتاج الى رحلات .. حفلات ..انشطه ..عشان يحب الروضه والمدرسه ويبدع فيها ..الحياه مو كلها فلوس الحياه لحضات فرح ووناسه

والله عيب عليكم

يعني هم طلبوو فلوس منكم لعيال ناس ثانيه ؟؟لعيالكم ...احمدووا ربكم هي الانشطه مهمه لتعزيز المناهج وتعريف الاطفال عن مختلف الاشياااء

ياريت على الرحلات بس الروضات صايره طلباتها ماتخلص يوم السلطة يوم الفواكه يوم الحيوانات يوم المهن بس سالفتنا نشتري وبعد يقولون النا تذمر خافو الله اذا واحد معاشه 250 وعنده ثنين في الروضة والثالث مدرسة وهذه طلباتكم ماتخلص ويش تتوقعون ولي الأمر يسوي مهما يكون ولده يعور قلبه اذا حس بالنقص مقارنة بالاطفال الا معاه بالمختصار خافو الله وباهالهرار ماعندكم مناهج عدله وتتفلسفون في الطلبات حتى يخلص الكورس

وانا صغييره

وانا صغيره كان ابوي مايعطينا للرحلات بس اللحين مابي اولادي يعانون مثلي بدلعهم وعليهم بالعافيه

الرحلات أشوه بعد، قول إذا صاحبة الروضة راحت طلعت ليها CD أناشيد وتبي تبيعه على الجهال وهو هرار في هرار، إذا ما تبي تشتريه بصير ولدك ما يدري بالدنيا لأنه يومياً تشغله ليهم في الروضة، غير أنها تبيعه على الصغار فولدك بحس أنه عنصر غريب هو فقط ما اشترى!

توه الناس على الشكاوى

خصخصه المدارس جايه بالطريق والاسعار بتولع نار وبجي ايام تبجون على هالاسعار ...

ليش هالكلام ؟ من وين هالكلام لكم ؟ بس تطلعون إشاعات ؟

ولدي يستانس معاهم

اهم شي وناسه ولدي خله يروح ويستانس ويشوف الدنيا

اكيد حق ارباحهم وتبييم سياراتهم. الذيب ما يهوي العبث. كنا نطلع رحلات وندفع اجرة الباص فقط. وعلى طاري وجبات الاطفال تنقط في الخمام ماتنوكل.

والله اذا مو عاجبكم لا تودون اطفالكم الروضه , غريبه امر بعض الناس على كل شي عندهم غلط او نقد او ينظرون الى الامور بشكل سلبي , خلكم ايجابيين وارتقوا شوي في تعلقاتكم وشكرا .

على ايامنا رحلة في السنة ، خل الجهال يستمتعون بطفولتهم وراهم أيام صعبة

اغلب التعليقات لاصحاب روضات او عاملين بها

خلهم يستاااانسون

ترى بجي ايام مايحصلون فيها اكل

الصراحه مثل المواطن البحريني ماشفت

كل يذمر ويشكى ويبى خدمات راقيه ببلاش ورخيثه للمدارس الخاصه يدفع ومايناقش لكن للروضات يبطل بوزه ويهذر ويماطل .. حقهم عم يتعبون مثل المدارس الخاصه ماتتعب شنو فرق اللحين

للي ينتقد الوجبات السريعه

الوجبات السريعه مناسبة للرحلات والتنقل والتيك اويه .. والاتبونهم مساكين الروضات يطبخون بعد ؟؟؟؟ولين طلبوا منكم اجيبون نص الاسر مااجيب بحجه الوقت والشغل ؟؟؟لاجديه عاجبكم ولاجظبه عاجبكم

شدراني خوب هم يعلمونهم ان اكل مو صحي اذا كلته يوميا بس ما فيه مضرة اذا اكلته مرة بالشهر او بالشهرين والاطفال صاروا يعرفون هالشي فعادي اذا ودوهم محل فاست فود او اكلوا حلويات خوب انت ما بتحرمه على طول الخط وطول حياته

اسعارهم معقوله فليش التذمر

هالشعب مايقدر على اللي ينهب راتبه وشافطه اجي يتقوى على الفقير وهم الروضات كل يشكون عليهم ويتفلسفون عليهم تبون تدريس زين والطفل ينجذب ويستانس وفروووا له كل شي ..لين الطفل صاح ورفض الروضه قالوا ماتسون انشطه ماتودون رحلات

أرباح 100‎%‎ خصوصاً الروضات !
كل أسبوع يبغون شي !!!
مثلاً : اذا بيروحون رحله مدرسيه يأخذون ع كل طفل 3 دينار هذا اقل شي ويحسبون ع كل شخص دينار واحد للمواصلات وصف فيه 30 طالب احسب عااااد !!! علي الهملي

في حل للي يذمر

نطلب من الروضات توفر نوعين من الرحلات ..رحلات راقيه للي يدفع واللي مايدفع يطلعون ولده في باص مافيه ايسي واقرب حديقه مكسره ...ها شرايكم راضين

مرحبا

نظام ترفيهي ممتاز والمفروض يكون شهري

ولدي مدرسة خاصة .. ماودوهم الا رحلة وحدة الفصل الاول وكان المبلغ المطلوب ٣ دينار...وماراح يومها لانه كان مريض ورجعوا المبلغ.. كنت اتمنى لو يودونهم رحلة هالفصل عشان يستانسون ويغيرون جو .. بعض الروضات ياخذون مبالغ معقولة وبعضها over

بعض الروضات ياخذون مبلغ معقول وبعضها مبلغ مبالغ فيه .. بس في الاخير اهم شي سعادة اطفالنا وسلامتهم

البلوي ان الطفل يروح رحلة الروضة او المدرسة وبعد يبي يطّلع نهاية الأسبوع يعني صرف من الصوبين

كله كوم و مطاعم الوجبات السريعة كوم ثاني. المطعم جنب المدرسة و كل يوم و الثاني عطوا الجهال محاضرة عن الاكل الصحي و طرشوا لينا نشرة عن اهمية الغذاء الصحي و بعدين من يبغون يطلعونهم رحلة ودوهم مطعم وجبات سريعة و اشتروا لهم شوي فاست فود

خلكم من الرحلات تعالوا لين خلينه لولدنا حلاوة قالوا موصحي وممنوع ويعطونه محاضرة ومن يصير مناسبة قالوا جيبو حلويات .وين الصح الغلط غلط بس المصلحة فوق كل شي

عليهم بالعافيه

يكشتون عيالنا ويونسونهم ويراقبونهم عليهم بالعافيه واذا بطالعون فايدتهم ماراح تكون مثل فايده الحكومه طالعه نازله تشفط من مخابيكم

تشمل الترفيه والربح .. وهذا من حقهم .. مافي شي بلاش

بعض المدارس

بعض المدارس يطلبون من المطاعم السريعة للطلبة وولي الامر يتحمل المصاريف مرة وحدة اطلبو حق بنتي يوم ثاني ماراحة المدرسة صادها الم بطن

وشنو عن سالفة "التصوير" اللي سابقا كانت ب 3 دينار، والحين ب 8 دينار؟؟
جمبزة ولعبة وبوق
ويستغلون تعاطف الوالدين مع "ذكريات" ابنائهم بطريقة سمجة لا تليق

القهر.. هالجملة المتكررة دائما من الروضات..
خلوا اطفالكم في بيتكم اذا ما بتوافقون على روحتهم الرحلة..
يعني شنو؟! ما يصير يقعد في الروضة ويحصل الاهتمام اللي من حقه الحصول عليه، حاله من حال اللي بيروح الرحلة؟

حيرتونا وياكم
اذا ما في رحلات، قلتون هالروضة ما عندها تنوع ومو نموذجية
تبون الروضة تسوي لكم كل شيء ببلاش؟؟
وانت اعرف برواتب المعلمات اللي يا دوب 150 اذا وصل
لازم يكون عندكم انصاف
شلون الروضة تسدد كل مصاريفها من ايجارات وكهرباء وماء ورواتب ومواصلات
والوزارة تضغط عليها
وآخرتها يجي اشخاص متفلسفين يرمون تهم بدون ما يحسبون التكاليف
دامكم تعرفون ان هالروضة في برامجها رحلات وخطط
فلا تقعدون تتحلطمون وابلعوا لهاتكم لأجل راحة اطفالكم

الروضات وما أدراك ،، مؤسسة ربحيه بحته ، أنا ما بعمم على الكل على اللي شفته وجربته ، تدفع مقابل تسجيل الطفل ( التسجيل الاولي ، والدفع الشهري ، والرحلات ، أعياد الميلاد ، المواصلات ، الصور ، عطفا عن ذلك القائمة التي تثقل كاهل الأسرة التي تعطى الطفل في أول أسبوع ، فالمطلوب من الأسرة توفير كل شيء للطفل من بداية العام من قصص وألعاب وقرطاسية عامه وكتب ودفاتر واقلام وحتى أوراق الطباعة للطابعه A4 !! بالله عليكم ما ذا تتحمل هذه الروضة؟ وما يتم أخذه شهريا ليس بالشئ الزهيد والقليل وهو في تصاعد شهريا !! ؟

اس مافيها شي

مافيها شي لو اخذوو فايده شوفوا عدد الاطفال بالرحله ويحتاجون مراقبه وتعب ومن حقهم يطلعون ارباح والكل اللحين يطلع ارباح ويستخدمها لشراء ادوات جديده للروضه والمدارس

عادي

خلهم يستانسون اليهال و الفلوس تروح و تجي

تشمل الاثنين معا، الترفيه والربح ،والجانب الربحي هو الأساس حيث احتياج المدرسة او الروضة لتحقيق ربح معين لهدف معين (كزيادة الميزانية والربح) تقوم الروضة او المدرسة بعمل رحلة ترفيهية (في يوم دراسي من المفترض)

تجمع الربح والترفيه والتعليم وهي انشطة ممتازة وغير مكلفة

احس أسعارهم معقوله احنى لين نوديهم نصرف اكثر وخل الجهال يستانسون كل شي تعليمي خل يتنفسون شوي خصوصا مع هالمناهج الي كارفينهم كرف .. كل شي يتحلطمون .. جان فيكم خير تكلموا عن سالفة التقاعد اباجوف والله

اهم شي وناسىة ولدي

أغلب المدارس الخاصة تأخذ فلوس على الطفل بمبالغ خيالية في الفصل 3 مرات رحله يأخذون ذيك القيمه. .بحجة ترفيه وترفيه يعني مايقارب الطفل 7 دينار حرام عليهم ناس ولبها على روحها صراحة تغطي مصاريف عيالها ولا تأكلهم مو كفاية كل سنة ازيدون. ..ومنها الروضة ربحانه ربحانه من ظهورنا. ..بس هذي بدعه جديدة اذا ماوديتونهم بتكسرون خاطر الجاهل أو مابصير له ذكرى حلوة..مع الطلاب.يعني لو قلت محرومين من الطلعة قلنا طلعوهم والقهر الجهال كليوم يطلعون إلا وقت الامتحانات باستثناء..

ترفية
الاطفال يستمتعو اكثر مع اصدقائهم ، والمدرس تاخذ مبالغ متساويه مع الصرف

اكيد ارباح .. ياخدون مبلغ خيالي بالنسبه للمكان الي بودونهم اياه .. يعني مو معقوله بودونهم مملكة الاطفال ياخدون ٤ دينار للطفل الواحد

ارباحية

وبدون وجبة بعد وانت يا ولي الامر اعطى الجاهل دينار ونص للوجبة بعد غير الايسكريم والنفيش والحلويات

صراحة الروضة التي بها ابني نزيهة و أسعار الرحلات مناسبة و لم نلاحظ أنها من أجل الأرباح

صح اذا بطلعه بدفع اكثر بس بطلعه على حسب ظروفي مو اي وقت والا يقول خله بالبيت بالنهاية هذا طفل يعتبره كسرت خاطر قعدته الخميس بنتي رحلة وعندها الثلاثاء والاىبعاء بعد رحلة يعني خلال اسبوع ثلاث رحلات وفي مدرسة خكومية ويحددون المطعم الا بيروحون اليه بعد واحنا مجبورين

فقيروه
اللي اعرفه انها تستنزف ميزانيتي ، ما أقدر ما أوافق على الرحلة لأنهم يخبرون الطفل عنها قبل ولي الأمر ويجي الطفل متحمس ومالي قلب أكسر بخاطره يشوف أصدقاءه بروحون وهو لا .. والرحلات في روضة ولدي يمكن ما تكون ربحية بس أكيد مو تعليمية ، أغلبها حدائق وألعاب

ترفيه وتغيير عن أجواء المدرسة من الاول كنا نستانس ايام الرحلات والحين أولادنا نفسنا ليلة الرحله ما تجيهم النومه

بالصراحة اذا نودي الجهال الالعاب نصرف اكثر من ٢٠ دينار ..
والروضة حد اقصى تطلب ٣.٥٠٠ بالاكل .. بصراحة كلش تماام..
وفي هالديرة كل شي غالي مافي شي رخيص

للي يشتكى

اي واحد يقول غالي وغالي خل ولدك بالبيت وعن الهدرة

أرباح

ارباح طبعا، نفس روضة بنتي ٧ رحلات ٤ منهم بالوجبه الله والوجبه غوزي ب ٣٥ دينار حرام واستغلال ...
بس تقول ما تبي تكسر بخاطرر البنت

ضرب عصفورين بحجر هذا هو الهدف من الرحلات ....

المدارس تكافيء طلابها بالرحلات للصفوف المتميزة و التي حصلت اعلى الدرجات او التي نظفت الساحة او التي عملت مشاريع او اي عمل ارتقى بمستوى المدرسة و لكن المدرسة ايضا تعاقب صف بحرمانه من الرحلة و لكن هذا لا يمنع بعد ذلك بمشاركة جميع الصفوف في الرحلات و المدرسة تكسب الاموال التي ستصرفها على الطالب و المعلم و في شراء الاوراق و الحبر و ايضا هذه الايام هناك تقشف و الميزانيات مهزوزة ما في بنر او رسمة جدارية الا عملوها .. من اجل الجماليات و ايضا من اجل رفع مستوى التعليم

ميزانيات المدارس تنتعش من الرحلات .....

هناك نوعين من الرحلات الترفيهية مثل رحلة الى محمية العرين او الى المجمعات والالعاب او تعليمية مثل رحلات الى متحف البحرين الوطني او الى معارض الكتب او الى المختبرات العلمية او مراكز الموهبة و المبالغ المتحصله تستفيد منها المدرسة في التجميل و تعديل البيئة المدرسية و الآن كل مدرسة صارت الافضل في المنافسات ل لجان التحسين و الجودة و كل مدرسة بذلت اقصى الجهود و هذا هو المطلوب الذي تريده الوزارة عمل كل الانشطة التعليمية الحديثة من اجل الطالب و المعلم يتعب يهلك و يتقاعد ... و لكن الرحلات ممتعة جدا

اربااح بمعنى الكلمة

عصفورين بحجر