وخصوصا اذا تقدم حد من الاهل يقولون اخلاق وهم ما سالو عن اخلاقه يعني نادر يسالون عن اخلاق الولد اذا كان من الاهل هل هذا صحيح .. ويتاخذون قرار حن م اتخذناه والسبب حن ادرى بمصلحتك والقرب اهم شي

امي ترفض الناس من الاتصال تاخذ المعلومات واذا ماعجبها ترفض فنفس الوقت من غير استشارتي ..... وبعدها تقوليي اتصلو خطابه جذي مواصفاته ورفضته !!!!!! فهل يجوز هذا ترفضهم بدون اخذ رايييي ؟؟؟؟؟
بيني وبينها خلاف كبير فهالموضوع حاطه شروط اني مو مشترطتنها !!!
عمري 26 وللحين ماتزوجت والسبب شروطهااا الاوفر .... الخطابه يا تردهم من الاتصال يا تطفش اهله من المقابله وعقبها تقولي ( اني اعرف الزين لش) وانتين ما تعرفين مصلحتش

حلو الام تعطي رأيها لبنتها بس بدون اجبار يعني تنصح بنتها والباقي على البنت تتحمل مسؤوليه اختيارها والاب لازم يكون ليه دور لما يشوف الام من هالنوع لازم يتصرف صح عشان لا يضيع مستقبل بنته

نقول للامهات : استريحوا ولا تتدخلون بحياة عيالكم
ترا هم مو عبيد، قدموا النصيحه والتوجيه لهم بس وهم يختارون

لاحول الله

للحين في ناس متحجرين

الام المتسلطة هي صاحبة الشخصية القوية فهي تفرض رايها على بناتها وعلى الناس عموما

كثير من الامهات يتشرطون من الطرفين سواءا البنت او الولد اعرف شخص مسكين يبغي بس يتزوح امه بس شايلة شلايلها ومن بيت لبيت تدور اليه وحدة وكل ما راحت لوحدة ما تعجبها وهو بس ينطر الام تقرر عنه مو مناقص ان تلبس ثوبه وتتزوج عنه اصلا هالاشكال تخافين تتزوجينهم يطلع عبود وسكانه امه وما عنده شخصية والام بعد حدث ولا حرج تحط الف عيب وعيب في هالصبي الا قصير الا اسمر الا على قد حاله الا والا وعاد جود الطلبات وهادي سالفتنا الدائرة ما تخلص ولا توقف دام يطالون المظاهر والبلاوي بيكون الوضع من سئي لاسوا

انا امي موصتني ما آخذ من الديرة خير شر .. تقول مال الديرة ينقلون مشاكل البيت الخاصة لمال الديرة .. لكن الغريبة بتكون ستورة من ناحية هالأمر

اني عكسكم امي لا تتشرط ولا شي بالعكس تبي تقطني على اي واحد تبي تفرح فيني وتصفق و تجبب و بس!!!

كلام جميل ...الله يفتحها عليج و يوفقج إن شاء الله ،،، وانا علي نفس الحال ابحث عن الشخص المنتظر و الانسان باستثناء الماديات و المظاهر لانها لا تعجبني و لا اعتقد ان الحياة تحلو بها و إنما الأخلاق و الاحترام هم من نفتقدهم في وقتنا الحالي

فعلًا كما تكونوا يولى عليكم!

غريب أمركم أيها الأمهات والأباء، تأنون من خنق الحريات وحرية الاختيار والتعبير والتمييز الموجودة في البلاد، ثم تمارسون جميع ممارسات الاضطهاد والتعذيب النفسي وخنق الحريات لأبنائكم.. (كلش ما راحت الحكومة بعيد ترى)... الله يساعدكم على أنفسكم.

الام سبب الطلاق الهائل الآن في المجتمع البحريني وانا احد الضحايا التدخلات في أمور كثيرة خاصة بين الزوجين والنتيجة بنتها عندها وبتعنس رغم ان حياتنا كانت سعيدة

الى زائر 37
ويش دة الشيء ؟ انقذنا

عندنا بنات في سن المراهقة، من الحين الأم تهدد وتتوعد أن هي من تقعد مع الخاطب وتدرس أخلاقه زين وبعدين تقرر أنه يصلح حق بنتها أو لا
اش رايكم ؟؟

ظ..

من البداية يمكن. اول مقابلة بس بعدين تتغير الافكار والاطباع وكل شي. حتى ردو افعال الناس بتنتبه اليها. وبتغسر. فبيطلع كلام على الفاضي

نورنا ناخذ خبرة يا الخال

الانسان الذكي يتصرف ام زوجتي حاولت التدخل بس سويت لها شي حلو خليتها ماتستغني عني

طبعا الام متسلطة مو بس على بناتها حتى على اولادها .. و الاثنين صايرين يطالعون الموضوع بسطحية جداً !! يعني الولد لين بيخطب يبي ثلاجة (بيضة وطويلة وتشتغل) و البنت تبي واحد عنده فلوس! وبعدين في امور الحفلة ساعات ام الزوج هي اللي تشرط الصالة الفلانية الاكل الفلاني الطقم الفلاني عشان تحر صديقاتها وتقول ولدي سوا و سوا! و ام الزوجة ساعات اخس يعني ماخذين بتنا ما تسوون لها حفلة في المكان الفلاني ... الخ الخ الخ .. ومسكين الرجال يحط على راسه ديون عشان ليلة وحدة وعقب هو ومرته يعيشون في ضيق طول العمر!!

فعلاً كلام صحيح جداً و في اغلب الأحيان البنت نفسها تكون هيا من يطلب و يطلب و يطلب و النتيجة حياة مليئة بالمشاكل المادية و الديون .. ارض الواقع الزواج في ادني مستوي و الطلاق في اعلي مستوي ... حصاد الطلبات و التكابر و المظاهر الكذابة !!

تضحكين /// تضحك ع من ؟!!
يعني ويه اجون اشوفون البنيه ولين من مواصفات الي يبغيها ولدهم ماقط علي هالامور كلش في مواضيع الزواج انتون اشكره من هالنوع الي من بنت الى بنت ادورون الجمال والعز عدكم الماده في المرتبه الاولى ماسالوا البنت مخلصه دراسه اول سؤال سألوه تشتغل !

الى زائر ٢١ ،،
مو متفق وياك /// وياش
احنه مو من عادتنه هالحركات نفس ماخواتي تزوجوا ع العادات والتقاليد الصحيحه اني بعد ولله الحمد اجي الصبي هو الي يتقدم مع امه او اخته مايجون العائله الكريمه وهو لا؟!! هذا ماصار ولاستوى وبعدين ماجوا الي يعرفون مواصفات البنت خصوصا انهم مو من الديره نفسها من عمري ماشفت ولاسمعت الا اذا انتون من هالناس هذا شي ٢ اولا مضيعه للوقت ع الفاضي لان مافي بنت بالكون بترضى بهالحركات البنات بنات ناس مهي بضاعه يتفاروون ع الناس بالبنت الاجمل الي تشتغل وعقب يشفط فلوسها ( البعض)

اي اني بعد بنتي ما ياخدها احد من ولاد عمها لو تنقص رقبتي ما تاخدهم

بالعكس

ويش فيهم اولالاد العم ستر وغطى... الله يرزق

نعم أمي وعمتي بهدلوا عيشتي لأني انا وبت عمتي نوينا نتزوج وكنا مابيننا الا الخير ولكن راحوا سوو مصايب بدون شيء مسبق ماكان بينهم وبين بعض مشاكل وبالتالي قالوا هي ماتصلح لك وضليت ووصلت عمري 25 سنة بلا زواج مومترقع !!!!

النساء شر لابد منه لكن قص طريقك وروح وكل اللي يسوونه قطه بحر وسوو اللي في خاطرك تبي هادي تبي هديك تباهم ثنتينهم رووووووووح انطلق بعد اللي تقوم تتدلع وتبي وماتبي انته احكمها شيل روحك وقول ليها سلام عليكم ماضل مايسوونه ليننه لين بنتزوج بنتهم بعد شوي ويقول ليننه ويش تقول لين بتبدي صيام متى يصلون صلاة العيد وتجاوب ويقول لك انته جاي حافظ هالاشياء !!!!! ولا يقعد يتشمم ... احنه موفاهمين احسن شي تسوونه حطوا استمارة شروط ونشيك روحنه واللي موجودة فيه الشروط يروح داخل مافي يهررررب

تقدم لي شخص كنت موافقه عليه وهو موافق عليي بعد ، بس أني ما عجبت أمه الحوبه تقول عني قصيرة وأوصل لأباط ولدها ههههههه ، بس الحمد لله عساه عن صلاح وله هذه شلون بقدر أعيش وياها شيطانه ومتحكمه وشايفه روحها وكل جيرانها عابوها لما سألنا عنهم ، الحمد لله ربي جبر بخاطري ورزقني عمه من شافتني أستجنت عليي وما تسميني الا الرازقيه وشايلتني وشايله عيالي في عيونها ، عسى ربي يخليها لنا ويطول بعمرها ، صدق أحمد ربي ليل ونهار ان الله عطاني هالعمه الحنونه .

يا حلاة القصار خصوصا السمران .. وييييلي

ههههه عجبني الرد
صباح الورد

ليش اذا كان الولد غني و عائلته تمتلك الملايين اهل العروس يوافقون بدون ما يفكرون انهم يسألون عنه بعد عشان
سمعه اهله و مركزهم في البلد حتى لو كان الولد طايش و ما يصلي و احتمال يشرب بعد ؟؟؟ راعوا الناس لي متى
هالشروط التعجيزيه و بالنسبه للأولاد اللي يتشرطون و يبون البنت تشبه ملكه جمال لبنان و عقب ينصدم فيها
بعد قلعتك لان كان تفكيرك سطحي وما كنت تفكر في الاخلاق , ساعات الناس تشوف اشياء ما اعرف من اي جانب

مو شرط هالكلام , لكن كل شي في الدنيا ماشي بالبيزات كلشي , والام بصفة عامة تبي الأفضل لبتها ، والأدهى الام تتسلط في اختيار الولد خد دكتورة خد ممرضة ، حبيبي الدنيا ماشية بالفلوووووووس , الله يعطينا نمشي العالم على هوانا ههههههه

عمتي ام زوجتي من النوع المتسلط على كل شي
ودائما ماتاحول تتدخل في حياتنا وتبغي تمشي كلامها علينا بس ماعليي منها ودايما اذا قالت يمين اقول يسار
لدرجه كذا مره تقعد تصيح وتسوي روحها مسكينه
بس انا ليي شخصيتي وماقدر اخلي احد يمشي كلمته عليي واسوي الا هو يبغيه
لدرجه ان تتدخل حتى في بنتي
بس هيهات انا لها بالمرصاد
ونصيحه للكل اوقفوا جم مره في وجههم لين يتعلمون ويحطون حدود لهم ومايتدخلون في امور مالهم خص فيها
وصباحكم عسل

انزين يالفرنسيه انتي لين زوجتين ابنتك بتسوين نفسها واخس بعد .. كلكم مكاريين وبالغدر معروفين كيدكم عظيم .. أعوذ بالله من شركم. ويش قال قال بخلي ليها حدود .. الله يعينها عليك الفقيرة المسكينه .

ويش فيك تخربط

من كلامش مبينة ويش هي شخصيتش

الله يساعد أهل زوجش عليش

بل عدال يا حظي

واضح انش متعاليه وفاهمه الشخصيه القويه غلط اخذيها بالمداره والتفاهم ومو معقوله كلشي تقوله غلط وتسوين عكسه عموما اكيد ماراح ترضين زوجة اخوش تعامل والدتش بهالاسلوب

الشره مو عليش

الشره مو عليش ع زوجش اني متزوجة ومستحيل اتكلم عن بيت عمي بهالطريقه احبهم من حبي لزوجي والله الله يعينش ع نفسش

ترا اللي كاتب الرد رجال ....

ترى هذا رجال يا جماعة.. وام زوجته متسلطة وقاعد يفهمكم الوضع..

يتبع///
مع العلم البنت جميله ومتعلمه نيتهم ياخذون بنت تشتغل حق تساعد ولدهم واني الي اشوف ان الصبيان هالايام هم الي يتشرطون واعرف وحده تروح حق البنات الجامعيات للهدف نفسه وتتقدم حق البنات الي من عائله ميسوره بس كل هذا ماصار في الاخير لان قدمت الطمع وعندها الماده اولى الاولويات بقصه مغايره وحده اخذت لولدها الاخلاق والسمعه الطيبه وحصلت كل شي منها وعايشين مع بعض بكل ود وسعاده ( انما الاعمال بالنيات) النيه لما تكون صافيه مع الناس والقلب ابيض الله يعطيهم كل مايتمنونه بأضعاف جوهر البنت روحها الطيبه...

اذا كان

والد الفتاة الذي هو وليها لايحق له ان يرفض من هو كفئ لابنته واذا فعل ذلك تنتقل الولاية الى القاضي..
فكيف بالام!!
نعم رأي الام محترم ولكن يجب تجنب الرفض لاسباب واهية وغير حقيقية

في بعض الناس للحين متخلفه مره من المرات متقدمين حق بنت من عائله محترمه مايسألون عن الاخلاق والسمعه الطيبه كثر ان يسالون البنت تشتغل ؟!!! والغريب في الامر اجون بدون ( ولدهم) ويش قالوا ولدنه قال نجي نشوف المواصفات وبعدين نخبره!؟؟؟؟ لهدرجه ناس سطحيه متخلفه وكلمه التخلف قليله عليهم واني ع يقين ( الحريمه ) ماتزوج نفس ماتمنوا الروح والاخلاق هي الي تبقى شفايده جمال واخلاق يادافع البلاا والله هالاشكال امرهم غريب العادات والتقاليد الصبي الي يتقدم مو امه او اخته جه انتون الي بتعرسون او هو ..

ولد زويد

الله يستر علينا وعليكم وعلى بنات ديرتي وربي ييسر كل واحد و واحدة مقبلة على الزواج بحق ميلاد سبط الرسول الإمام الحسين عليه السلام وإنة فعلا زمن مخيف أن نسمع مثل هاذي القصص صار السؤال عن المادة والمنصب أكثر من السؤال عن الدين والأخلاق وبر الوالدين

يجون الاهل يشوفون البنت مثل المواصفات اللي يبغيها ولدهم وبعدين يسوي مقابله احسن من يروح ويشوف فلانه وعلانه وهي مو نفس مواصفات اللي يبغاها

ليش بضاعة هي !!

يوم اللي يروحون النسوان ولدهم وياهم يدخل المقابلة خو هو اللي بيتزوج مو أمه و أخته ،، أهم عامل التفاهم و الراحة النفسية و قد يكون فيه انجذاب أهم شي تعجبه هو لان هو اللي بعيش وياها

واذا الصبي ما يبغي كل يوم يتكشف على بنات خلق الله ويش هالكلام يعني اذا يبغي طويله وحاط في باله طويله وراحو الاهل شافوها قصيره مو لازم بعد يدش مقابله ويحرج البنت واهلها

و أنتون بس هذا هو طويلة و قصيرة بيضا و سمرا
أنا صبي و اقولكم كبروا عقولكم شوي ذي البنية بتربي اولادك و أحفادك يابو ذوق إنتا
أسالوا عن فكرها و علمها و ثقافتها و اهم شي أنتون مرتاحين لها
البنية مو سيارة تفصلها ع مواصفاتك

وليش يكلفون على روحهم ويكلفون على الجماعة الي بيظيفونهم وبيستقبلونهم في بيتهم يسألون الناس الي مدلينهم على البنت عن شكلها اذا هم بهالسطحية ويدورون الجمال الخارجي والطول والعرض واللون ...

يعني تبونا اندش بيوت الناس ونشوف بناتهم سواء جادين او لا ؟ يمكن عنده مواصفات وما يبي يجرح البنية بالرفض ويعقد المسألة .... كل واحد ياخد رزقة .....

خلكم جادين واسألوا من اول عن الصفات بدل لا تتكشفون على بنات الناس وبعدين تطلعون رافضين البنية الخلوقة لطولها او لون بشرتها ...
حسبي الله على الاخلاق المتربين عليها الاوادم الا عبالها داشة معرض والا مزاد.
واقول للامهات الا تختار لولدها او العكس الا تختار لبتها وما يعجبها المتقدم، خلوا اولادكم آجار معلق في رف البيت احسن.

في امهات يركزون عل اختيار البنت الى ولدهم تكون جميله ومتعلمه ومتخرجة وعندها سيارة وتظل تدور هالمواصفات الى ان يكبر الولد وتصير فرصه اقل ، هالايام ما يسالون عن الدين والخلق

مرض نفسي يفرض رأيه علي علي الاخرين دون علم او دراية بسبب الجهل. اضافة الي الجهل بالجهل. مصيبة البشر علي هذه الكرة.

مرت عمي تتحكم في اختيار زوجات ابناءها ، وتبقى ترفض هذه لانها انفها كبيره وترفض تلك لانها سمراء وتتعدد الاسباب والرفضُ واحد . ولا تقبل ان تزوج احد ابناءها لاحدى بنات العائلة ! ومع انها تحكمت في شكل زوجات ابناءها الا انها لا يعجبها العجب و دائمة الشكوى من زوجات ابناءها ولا نسمعها تتكلم عنهم بالطيب ولا تمدح شكلهن ولا اخلاقهن ..

راي الام مهم وعلى الابناء اخذ الراي اذا كان في مصلحتهم والنظر الى الامر بالعقل وليس بالعاطفة كما يجب اعطاء الاولاد الحرية في حياتهم الشخصية وعدم التدخل في كل صغيرة وكبيرة والله يوفق الجميع

صباحكم سكر، ،المفروض ألاهل يتقبلون البنت أو الشاب لأنه بالنهاية أهم اللي راح يتحملون المسؤلية موب مشكله الأمهات يوجهون أو ينصحون بس بالنهاية الاختيار للشاب والبنت لأنه الزواج اختيار و ليس إجبار،،????

وايد امهات واباء يخطبون لابناءهم

والنتيجه زواج مستمر وحياة مستقره بعكس اذا اصرت البنت على شخص الاهل مو موافقين عليه نهايتها الندم ويمكن توصل للطلاق

مو تسلط حب

ليش انقول تسلط هذا حب الأم وخوفها ع مستقبل بنتها خصوصاً بهالزمن الشباب زين تحصلين لش واحد عدل فلازم الإم بتمنع بنتها وبتقول رايها وبتختار ليها شريك حياتها....اني لين كبرت بنتي شي أكيد بختار ليها شريك حياتها من حبي وحرصي عليها مااعطيها رجال الا واثقه كل الثقه فيه باسلمة جوهره وقطعه مني مو تسلط حب

ولد زويد

إنش تختارين إلى بنتش الله يحفظها ويستر عليها رجل ثقة وقد المسؤلية هذا كلام صح ولا جدال فية وهو من حقش خصوصا في هذا الزمن الي إحنا عايشينة ولكن إنش تطلبين طلابات تعجيزية وتكسرين ظهر زوج بنتك بقروض وديون لا أنزل الله بها من سلطان وخسائر لا داعي لها فقط للفشار وعلى شان تحرين فلانة وتراوينها أن زواج بنتك في الفندق أو الصالة الفلانية فهذا ليس من حقك

عجب!!
يبين إنش متسلطة وتبررين هذا التسلط بأنه خوف وحب واجوف اغلب الردود تبريرات وانه مو تسلط
انا أخويي كان يشتغل شغلة مرموقة وميسور الحال وتقدم لوحدة أمها متسلطة مثلش وتبين انها تخاف ع بنتها وبعد ماسألو عن اخويي وعن العائلة تمت الخطبة وبعد احداث فبراير ٢٠١١ فنشوه وصار بضيقة مالية وبدت المشاكل وسببها ام البنت على رغم ان البنت تبغي اخويي وهو بعد يبغيها بس أمها ما تبغيه ونفصلو وكانت تقول ان مايصرف عليها وهذا ما نفته بنتها بس شنو استفادت هدمت حياة بنتها بيدها هل هذا حب ؟!!

يتبع
ومثل ماقلت ان اخويي والبنت يبغون بعض ومرتاحين من بعض بعد ما تعرفو ع بعض اكثر وللعلم انه زواج تقليدي
لكن انتها بانفصال
يعني هذا الحب والخوف كان مادي على رغم ان اخويي ولله الحمد إنسان خلوق وابن اجاويد ومن عائلة محترمة وهذا عرفوه من السؤال علينا وهم بعد اهم من عائلة محترمة
لكن أمها متسلطة لأبعد الحدود حتي مع أزواج بناتها الثانين
وللأسف احنا موالين لأهل البيت بس ما نعمل بطباعهم
خلو عنكم المظاهر والمادية تحت غطاء الحب والخوف

يعني الحين

يعني الحين لين الواحد يخاف ع بنته تسلط ويش جاب الخوف والطلبات واجد بنات مساكين مطلقات بعمر الزهور ليش لإن اغلب الشباب صايع ومو قد مسؤليه اقوم اغربل البنت واعطيها واحذ وبس خلها اضل عندي وعند ابوها مدلله حتى لو معيشينها ع قذنا لكن يعزه...بغض النظر عن الطلبات نتكلم عن الإخلاق وتصرفات

تسلط ام حرص!!

الام الحريصة الي تهمها مصلحة بنتها تشارك بنتها في اختيار زوج المستقبل على اساس اخلاق الشاب ودينه بالاقناع مو بالفرض
والام المتسلطة الي تختار على اساس المال
عنده يدفع ليها لتكاليف حفلة في صالة باهضة الثمن
ومهر وقدره كان بها ما عنده حتى لو كان من خيرة الشباب واخلاق ودين وطيب وما ينعاب يرفضونه

تقدمت الى فتاة وتم التفاهم ما بيننا ولكن ام الفتاة متسلطة وتريد هي من يقرر وتفرض شروطها على من يتقدم للخطبة وتزيد الطلبات والمتطلبات. الفتاة تجاوزت السادسة والعشرين لكنها لم تتجاوز تسلط امها عليها في اختيار شريك الحياة.

شكرا" لكم يا جريدة الوسط على هالمواضيع القيمة لكن نبي موضوع عن تفرق حب الأم بين الأبناء

لازلت أبحث عن فتيات لأخوين
لأن أمهما فرضت شرط أن يكون فرق العمر بين أولادها والبنات من 10 - 8 سنوات !!!، ولاني متوفقة أحصل ، هل السعادة لأولادها تكمن في فرق العمر !، وليش ماتأخذ أصغر منهما بسنتين أو ثلاث !! تدخل سبب تأخر زواجهما.