انا والله اقول البحرينيات كفو وينحطن على الراس..ويا زينهن ربي عطاهن من الجمال الكثير..والله اتمنى أخذ بحرينية ما أبي من بلادي..ههههه...حشرة معنا شاباات ناار.. ..كنت ف سفر للعلاج وصادفت عائلة بحرينة ويا زين طبعهم وأخلاقهم والله ما أنساهم ولو اعرف بيتهم بزورهم ف البحرين...

امي صديقتي

انا كتاب مفتوح للي يكون معاي كتاب مفتوح بس الي تقعد تخش حملها وخش سفراتها وغيرها واعاملها بالمثل

امي اول شخص يعرف و ما اخبي عنها شي تقريبا
و الاهل و الربع مو دائما يعني ما يحتاج فشار و زمط :) باقي الاخبار الي تصير من زواج و حمل و هالسوالف احس عادي يعني ليش نخبي جدي جدي بيعرفون الناس اماسالفة يسالون واجد دي تضايق لان السؤال تحس ان يعطيك نغزة او يضايقك عالعموم بين الاهل عادي بس اذا وحدة من بعيد يضايق الشي صراحة و مهما كان مو كل شي ينقال لازم في خصوصيةي

اني ما احب القيل و القال و السوالف الفاضية اذا صارت مناسبة للموضوع اقول و اذا ما صارت مناسبة ما اجي مني و الدرب و اقول يا جماعة ترى اني حامل و ترى اشتريت كذا و بسوي كذا لكن مو من باب اني اخش الموضوع و عادي لو احد سألني اقول له. بس طبعا امي و عمتي ام زوجي ما يصير ما أخبرهم

يا دافع البلاء اني مرت اخوي تخش انها حامل حتى الشهر السادس واكثر ما ادري ليش مع ان احنا عندنا اولاد ولله الحمد تخش لش ياترى

كيفها

في اشخاص كثر يسالون اسئله ماليها لزوم بتاتا وين يشتغل زوجش وكم معاشه ولما تلزمين الصمت تقوم عليش الدنيا وتقعدها ( قاتل الله الجهل )
امة تعبانه شو يخصك تسالين في وين وكم هي كلها ابواب للحسد والمقارنات ارضي باللي قسمه الش ربش لاتطلعين في الناس شو عندهم وشو ماعندهم والله لو كل النسوان عندهم خصله القناعه ماصارت هالمشاكل ادفع الله البلى يحسدونك حتى ع زياره ايمتنه الا من سنين ماشفناهم ترى هالخصله في الكل من باب الغياره بس ناس تفوق عن ناس بشكل اوفر لين الاخت اجي اطالع اخوها او العكس لزمن الخصوصيه ...

اني وحده

ما اشتهي النوعية لي تسأل
حتى لين وصل عمر بنتي سنتين ثلاث سنوات وين بتودينها
تخلينها عند أمش لو الشغاله يووو عند الشغاله جيف اتامنين
أنزين وبعدين أعطيها عمتش أنزين عمتي متوفيه اقطها الشارع وأمي ماتقدر
وش اسوي حطيتها بحضانه وتستلمها الشغاله يرجعها الباص
اي جم تدفعين
وتتحجى بتش انجليزي لو لا
خليتيها في خاص لو حكومه ايي
أن طلعناها من الخاص قالوا ماعندهم فلوس
وان دخلناها قالو فشار
أحد يفوشر بالضغط على روحه ماديا

بصراحة ساعات الاهل ما يخون شي الا يفضحونك فضاح
قلش المفروض يضل في البيت و بين العائلة الديرة بكرها تدري

عن نفسي تقريبا نفس إلي قالوه غيري ولا اختلف عنهم بشعرة
بطبعي احب اكون كتاب مفتوح وعبالي الدنيا نفس قبل بخير
اتذكر قبل اروح ويا امي نبارك للجيران والناس لفرحهم والمواساة واخبار الحمل والزواج كان شي مفرح وبعيد عن الحسد
بعدين اكتشفت الحين ان الناس قست قلوبهم واسودت وصاروا يخشون كلشي عن اقرب الناس إليهم
مع ان العائلة قبل كانوا يفرحون لفرح اي طرف منهم ومافي موضوع الحسد ولا الشلخ
ومازلت اتعامل بالطريقة هذي لحد ما انصبت من اشخاص قريبة مني عدل
تدخلت مرة وانتقدت شي فيهم عبالي يحق ليي كوني تقريبا اخت وندمت قد شعر راسي لأني ابديت برايي الي اصلا مو مطلوب
تعودت في بيت ابويي الصراحة في كل شي وعند بيت عمي اكتشفت العكس عنا مع اني اعزهم واااجد بس هذي طريقتهم قبل وطبيعتهم
وحاليا برمجت نفسي اني اطنش كل شي واتعامل بنفس الطريقة وياهم وعاهدت نفسي اني ما انتقد اي احد حتى لو قريب مني عدا بيت ابويي لأنهم يتقبلون النقد والنصيحة بصدر رحب. وتقبلت أكثر فكرة لهم دينهم ولي دين ولكل واحد وجهة نظر خاصة فيه وماني ملاك ولا معصومة عن الغلط بعد فأكيد في شي مايحبونه فيي
وفي النهاية ما اعتقد ان لازم الواحد ينشر كل غسيلة للغريب لأن في اشياء فعلا خاصة جدا خصوصا بين الزوجين

خو البنات كل شي يسوونه يعتبر مفاعل نووي سري

ههههه

صراحه في الصميم جا كلامك ترا هذا واقعنا وهذا اللي نشوفه

الحين اصلا صاير العكس
بفضل الانستغرام والسناب شات والواتسب
صايرة الناس تفوشر في الرايحة والجاية
اذا تبي تعرف ويش اكلت فلانة وشنو شرب فلان ووين راحوا وشنو فستان زواجها ووين بتتعدل
بس افتح حساباتهم وبتلقى كل شي
الناس فصخت عقولها وتخلت عن تحفظاتها وصارت الرغبة في الظهور والمفوشر اكبر من حب التكتم
صار الهوس عكسي وصار مرض السلفي
لو عساهم يدشون قبر ويصورون سلفي والدمعة تطيح في القبر.. عادي تصير

الخصوصية ما فيها عيب، المشكلة في الفضول والتجسس على حياة الآخرين ومصادرة رغباتهم في الاستقلالية
وين السفر وليش؟ ليش ما خبرتين عن حملش، وشنو نوعه؟ ما تزوجتين؟ الله يرفعش.
الموضوع لو كان مجرد اعلام لهانت، بس الناس ما تشبع من التسلط على حياة الآخرين ويحبون يتعمقون ويعرفون كل اسرار وامور الغير
يعني لازم انشر غسيلي وحياتي لكل من هب ودب. الناس طبعهم فضولي والافضل اعطائهم على قدر الحاجة فقط، اذا كان في لزوم لذلك.
في اشخاص تحتاج تخبرهم لقربهم منك، بس محدودين وليس كل فضولي.

استعينوا على قضاء حوائجكم بالكتمان
في اشياء لازم تكون مخشوشة عن الكل وما يعرفها الا شريك الحياة لأنها لو طلعت لشخص ثالث خلاص ما بتكون امور خاصة
كثير من الأمهات اللي تنشر غسيل عيالها عند بيت ابوها بحكم انهم مقربين ليها بدون ما تفكر في النتيجة
عن نفسي ما احب كل شي بالخش والدعس لكن بعض الأمور افضل انها تكون بيني وبين زوجي او بيني وبين امي وابويي وساعات اخواني
مرة كنت صريحة في موضوع يخصني وخبرت اخواني واختي وامي وابويي وليومي هذا يعايروني فيه ف كان درس ليي ان افكر قبل ما اتكلم عن حياتي الخاصة

أستغفر الله في ناس واجد يبالغون !
صح "استعينوا على قضاء حوائجكم بالكتمان" بس عاد كلشي خش ودس .. ويش صاير ؟ :)
وسالفه السفر والطلعات ووو .. عادي لو دروا الناس شفيها ؟ ليش بالخش ؟ بايقه شي ؟ لو طالعه بفلوسهم ؟
وجان على قوله الناس يخافون من الحسد ، اللي مكتوب يصير
سواء "حسدوك" أو لا .. اذا مو مكتوب لك تسافر .. عادي تتعرقل في المطار وتتكسر وماتقدر تسافر :) !!
اللي يخاف من الحسد يقرأ المعوذات ويطلع صدقه ويوكل أمره لله

ها وين بتسافر؟
اذا بتروح مشهد.. ابي كيلو زعفران وحلاوة المعصومة
اذا بتروح سورية جيب ليي دلاغات من ذاك النوع
اذا بتروح العراق ابي تربة ومسباح وخاتم در نجفي
اذا بتروح العمرة جيب عصير رمان من المدينة
ما بتروح هالأماكن؟ بتروح تايلند؟ ليش عاد خلصت الأماكن الزينة ورحت اماكن ما يحبها الله
ما خبرتينا عن حملش؟ هالمرة بنية بعد؟ الله يرزقش صبي
ويش صار عن الخطبة؟ ما صار نصيب؟ الله يرفعش
الواحد مو فاضي تتكسر مجاديفه من اشخاص فضوليين همهم اشباع رغبتهم وتفريغ شحناتهم السلبية

بصراحة يعتمد على الأمر والأشخاص ،
عن نفسي فيه أمور احب تكون مخفية ومحد يدري فيها وفيه أمور عادي عندي اكشفها للناس بس الناس الفضولية ماحب اشبع فضولها والي يبيني اخلي حياتي مكشوفة له اباعدهم عنييي لان اكره ماعليي الفضوليين
و المشكلة في مجتمعنا ان مو كل شخص يعرف حدوده فيه ناس مايعرفون حدودهم فتتطر انك تتباعد عنهم ويمكن البعض يقول خدهم على قدهم بسس المشكلة انهم عادين نفسهم مثقفين وفاهمين فالمفروض انهم يفهمون .. على سبيل المثال ام الزوج، اخت الزوج ، الخالات ، او اي علاقة كانت

والله موبس البنات مساكين حتى احنا الرجال انا اخوي ماخبرني بيخطب الا ليله المعادله وانا اخو الكبير وانا الي ربيته ودخلته الجامعه وخواتي ربيتهم ودخلتهم الجامعه الحين هم وبناتهم ورجالهم ميسوون شي الي خبروني صارو البنات احسن لو الرجال

اني زوجي كلش ما يخش شي عن اهله بشكل مبالغ فيه
حتى السوالف الا اقولها له اتفاجأ أنه يقولها لأهله ولا يطلب مني اكمل السالفة قدامهم ..خير؟!!
ما ادري شلون يربون أولادهم على هالشي .. مو حليو كلش إن حياتك تكون على المكشوف
ولا أدري شلون أغير فيه هالطبع .. مغربلني واجد

الحل ان علاقتش تكون رسمية جدا بأهله وبيتعود شوي شوي على الوضع

المشكلة هو الا ينقل الكلام ليهم
فحتى لو اني رسمية وياهم .. هو يطيح هالرسمية بكلامه
وترى نفس الشي يسويه ليي .. كل شي في بيتهم ينقله ليي
واني كلش ما اشجعه ولا احب اسمع اخبار
بطبعي ما احب اتدخل ولا احب أحد يتدخل فيي
الله المعين

ههه اني زوجي مثلش ، قمت ما اعلمه شي عن لا ينشره،يعني يعرف الاشياء العاديه،بس اللي مابيه ينتشر ماعلمه اياه ،طبعا مابيني وبينه شي مخفي خطير بس اقصد اشياء عاديه بس انها ماحبها تروح للاوادم فأكتمها مثل سالفة في بيت ابويي او موقف محرج ليي،واذا درى بعدين اقول له خير ويش هست!!الشي هذا يخصني وما يضرك في شي ابدا يعني لازم اقولك عشان اختك تدري واخوك بعد، فعلمته ومشيته عبود بدون هواش ولا قلة ادب،وخليته يحس بشي اسمه خصوصيه وانه خسر انه يكون ملاذي ومتنفسي واللحين حس بلذة انه كاتم اسرارنا وصار الوضع اوكي بينا

العكس صحيح فالعيب بالاشخاص لا الاجناس

لا تتحدث عن أموالك أمام فقير ، لا تتحدث عن صحتك أمام عليل
لا تتحدث عن قوتك أمام ضعيف ، لا تتحدث عن سعادتك أمام تعيس
لا تتحدث عن حريتك أمام سجين ، لا تتحدث عن أولادك أمام عقيم
لا تتحدث عن والدك أمام يتيم ، فجراحهم لا تحتمل المزيد
زِن كلامك في كل أمور حياتك وَ اجعل مراعاة شعور الآخرين جزءاً من شخصيتك
حتى لا يأتي يوم تجدك فيه وحيداً مع جُرحك فلا ترقص على جراح الآخرين .. كي لا يأتي يوم تجد فيه من يرقص على جرحك

انت حكيم…
لا ادري إن كنتي امرأه ام رجل , فوالله اعجبتني كلماتك التي خرجت من فاهك و من لسانك الذي يقطر عسلا , سلمت و سلمت تلك الانامل التي خطت هذه الحكمه و التي اعمل انا .. لن انسى ما قلته ما حييت فقد اعجبتني مشاركتك و شدتني دون سائر المشاركات فلك مني الف تحيه و سلام .

هي كلمات للدكتور إبراهيم الفقي خبير التنمية البشرية

انا مشفت في حياتي العن منكم يلبنات الحين الي يقراء تعليقاتكم يقول كلش مساكين موكنا كل وحده تموت وتعرف اسرار الثانيه انا زوجتي اتكفر حياتي وش قالو خواتك وش ملابسهم وش تسريحتهم وعلى فكره انتون ماعندكم سر اصلا صدق حطب اجهنم النسوان الله يغربلهم

الجنة اللي فيها المتخلفين مثلك ما تنداس ترة! جهنم أبرك منها

الحسد موجود صح لكن في ناس تبالغ

ما يبون احد يعرف عنهم شي كلشش حملت لاحد يدري !! خير يا طير حملت او انخطبت لا اول و لا اخر وحدة ،، اعرف ناس حتى السفر كله بالخش ليش ما ادري احس الموضوع وسوسة زيادة عن اللزوم

والله استانس أقول عندي و رحت و جيت وسويت ويش علي من الناس
القران يقول ليكم و اما بنعمة ربك فحدث .. قولو للناس اله عندكم و احمدو ربكم كل شي يصير قضاء و قدر كتبة الله مو كل شي حسد

انا رجل لكن أمنا علمتنا ما نخش شي عليها مهما يكون تافه. لكن الامور تغيرت من بعد موقف.. زوجتي حملت و من أول يوم عرفنا انها حامل قالت لي روح خبر امك خلها تفرح فيك و في اول حفيد.. تفاجأت بعدها بأن كل افراد المنزل بأخواني الصغار و الخادمة يعرفون بالموضوع مع العلم انه زوجتي نفسها ما قالت لأحد فصارت تحت ضغط نفسي و لم يصل الحمل الى 3 اشهر, هي كتبة رب العالمين لكن من بعدها ما قمنا نقول الا في الشهر الرابع حتى لو هم شاكين.

شلمانع لو دروا ومانشرت الى بسبب فرحتها فيييك ولو أمر سيء مانشرت

انا صبي وما احب احد يدري عن اموري خير شر , حتى بالنسبة للسفر ما يوتعون الا يوم السفر اقول مع السلامة , واتمنى شريكة الحياة تكون ما تخورها وتفوشر على اقل شي لا العن قفدها , انا عندي الخصوصية في كل شي حتى مثلا في الهدايا , جبت لش هدية مثلا لا تفوشرين في سناب وانستا واحبك ومادري شنو , تحبيني قولي ليي في الوجه ما يحتاج الهريج والمريج في وسائل التواصل , اتمنى من شريكة الحياة تكون عاقلة , افشاء المعلومات هي سبب الحسد والمشاكل وعدم التوفيق .

الخصوصية مطلوبة فليس كل شيء يقال، لكن ليس أن تكتم كي شيء فذلك ليس في صالح البنت أصلا

مع الاسف ماتوقعت من البنات مهما كبرنا ورحنا وجينا ، امك ثم امك ثم امك الام هي وطن الى ابنائها تنسون من عظمها الله سبحانه وتعالى..

طبعي كتومة و لا أحب الفشار و الزمط و البهرجة. و ما اعرف الصراحة مني و الدرب اشوف احد اقول له ترى اني حامل و ترى اشتريت و بشتري ...اذا كانت في مناسبة للحديث عن الموضوع اقول لكن بس نشر أخبار عني او عن غيري ما احب القيل و القال

هو كل انسان عنده سر ولازم يحتفظ مو مسألة حسد او شي بس لو مثلا أعلنته يسبب مشاكل وفضائح اما امور عادية مثل السفر او الحمل او مشترية شي جديد عادي اقول وأما اذا أعلنت عن هذي الامور بيصيدني حسد هذا كله كلام فاضي وثقافة سطحية عند العرب ذكرتوني بمرت اخو زوجي بناتها من حلاوتهم من جمالهم سمران وحتى ملامح مافي تخاف عليهم من الحسد ما تدز صورهم لأي احد الحمدلله والشكر انا أرسل لها صوري وصور اهلي بيضان وشعرنا احلى منها بمليون مرة استغفر الله بس يضحكوني هالناس نحسدهم على شنو

في ذمتش هذا عدل اللي قلتينه
راجعي نفسش اقول

اختي اسمحي لي تفكيرش واجد سطحي

مسكينة انتين

عاهات من صباح الله خير ، حجية ارتقي شوي بالرد اللي تكتبينه وخلي مستواش اكبر .

سمران بيضان
اختي ويش هالعنصرية
وشعركم احلى منهم والله هذي خلقة ربش

الله يديم عليكم النعمة... بس تذكري ان النعمة زوالة.. و هذا لا يعطيك الحق بأنك تسخري من خلقة رب العالمين.. كل أم تجوف اولادها اجمل ما خلق الله.. و هذلين اللي تجوفين اولادك احلى منهم احتمال انهم في نظر الاخرين اجمل.. استغفر الله ربي وأتوب اليه

انا مو عنصرية ولا استهزأ بخلق الله بس اضحك على تفكيرها السطحي ولا اقول هذا ابيض او هذا اسمر بس تفاهة البشر كل واحد يقدر يجيب اولاد ومثلهم

حقها ما تطرش.. اذا انت نسيبتها وتتطنزين.. شلون عن الناس
اهم شيء بياض القلب مو البشرة

اختي الحسدج موجود رضينا او ما رضيناوالدليل السوشيل ميديا الي جم شخص طاح منها بسبب العين والحسد بس الانسان يقول ان ما يبغي يركز بهذي الامور لان الحافظ الله وبالنسبة لانهم سمران وما تبغي اطلعهم كيفها هي حرة في اولادها عادي ان ما تبغي تعرضهم وتحطهم لاي احد تقولين ما في حسد بقول ليكم قصة وحدة اعرفها والله انصدمت تقول صديقتي تقول حقي اني احسدش لان ما تزوجتين بكرة الله بيعطيش زوج من الجنة شوفوا وقاحة الناس وين وصلت مو تقولون ما في حسد احين عيني عينك تقول وتحسد بس الانسان يتوكل على الله

اذا تبون الحق ..
كلامها مضبوط .. اذا وحده جلحه ملحه و بناتها طالعين عليها شعرهم عبل جنه ليف من بيحسدهم .. الناس تحسد الجميل و الوسيم و الغني مو وحده منتفه .. حرام الهجوم على المراه اللي قالته عدل و اوافقها الرأي ..

الحسد كلامي فاضي؟؟ شكلش ما مرة قريتين القرآن لعرفتين انه في سورة الحسد

صباح الخير

من حق الوحدة تصير عندها خصوصيات وماني مجبورة كلما بسوي شي أو بخطط حق شي اسوي اعلانات واخبر الجميع البيوت اسرار
عن نفسي اذا بنسافر اعلن قبل السفر بكم يوم واذا حملت راح يبان بهد ماله داعي تعالوا اني حامل واذا شريت شي جديد اللي بجي عندي بشوفة وخلاص

عندي خوات كل يتسألون ويخشون اي شي يخصهم مع اني حتى ما اتدخل في خصوصياتهم واذا رحت بيت أهلي اي شي آخذه يعدون ويكتبون ويوقفون على راسي شنو اخذت وكم أخذت مع اني ادفع مبلغ شهري للبيت واللي آخذه شي زهيد ومن اعطي أحد شي قالوا عندش فلوس مع ان ما يخصهم حتى أمي يحرضونها انهي تتسأل فيني واي شي اقوله ينتقل في البيت كله مع ان ما تنقل لي اي شي يخصهم وكذا مرة اكتشف انهم محرضين امي عليي

من أفعالش الشينه

مع الاسف الشديد ماعرف اخبي شي عن احد ولين احد يسالني ماعرف الف وادور وهالشي مسبب لي مشاكل .. وبالنسبه حق امي الله يحفظها اذا اخبرها شي واوصيها لاتتكلمين يوم ثاني البحرين كلها تدري..والنبي محمد ص يقول :"استعينوا على قضاء حوائجكم بالكتمان فإن كل ذي نعمة محسود "... ومو شرط حسد ناس تعاني من نقص ناس محرومة وهالشي ياثر.. فعلا في بعض الامور لازم تكون خاصه ..

استعينوا على قضاء حوائجكم بالكتمان. . سرك أسيرك. . إذا أردت أن تنشر خبر في المدينة فأبحه لامرأة!!!

بارك الله فيك على هذا الإستشهاد بحديث كهذا ....

كلمة مختصرة

عدم ثقتها بنفسها و بالآخرين

احيانا امي من غير قصد اتهاوش ويه زوجي وتعرف السبب ارجع يوم ثاني الاقي ابوي واخواني وخواتي كلهم يدرون . عجزت واني اقول لا تخبرين احد واغلب الاوقات ماقول السبب وبعد تخبرهم اني متهاوشة وياه!
شي ثاني اتساعد ويه زوجي باغراض البيت والمصاريف ، مع ان عليه الماجلة ساعات اروح وياها سوير ماركت واشتري جم شغلة لاقيتها مرة تقول قدام نسوان عمومي فلانة حظي تروح تركض تدفع فلوس عن رجلها ردت عليهاوحدة حليو التعاون له وسكتت . لكن متاكدة واجوفها تراعي ابوي،بكل المصاريف عشان ما تخسره! خلونا نعيش مرتاحين احسن للجميع

اذا الأم مشخال وتفضح عند الكل من حقها البنت تستر على روحها.

ذكرتم امس موضوع ان البنات بينهم غيره وحسد وهاي اهم الاسباب الي تخلي البنت تخفي اشياء مثل الحمل وغيرها

في بعض الاشياء تكون خاصه ولازم تخفيها البنت وعن نفسي في اشياء اخفيها عن امي لان اذا اقول لها بسوي هالشي تقول تفسفسين فلوسج ع هرار جمعي لليوم الاسود

سافر ولا تخبر أحدا ، عش قصة حب ولا تخبر أحدا ، عش سعيدا ولا تخبر أحدا ، الناس تفسد الأشياء الجميلة ..... جبران خليل جبران

اني وحده

أسافر ولا أقول لأحد
وأهل زوجي وحتى أهلى مايدرون إلا يوم السفر طبعا لو افتقدونا وسالوا
وحتى اعيالي أسأل لي وياي عن مدرسة خاصه زينه وبحدود امكانياتنا فضحوني شهروني بالشغل كااامل
إلا اتقولي بدرسين ولادش ماجستير واللي دكتوراه وش خصكم لكن اني الغلطانه
والله قهرتني وحده قلت لها والله لو تقدرين جان دخلتين اولادش
وقمت ما أخبر ولا أقول
وهدد على زوووجي تهديد
اني ما اتدخل في غيري لأحد يتدخل فيني

اكيد

من الحسد الناس لو تروح البرادة تتسوق يحسدونك على انك غني

ألحين صارت النساء وكالة أخبار وتجيب لنفسها وزوجها وعيالها المشاكل بهذا السبب نقالة الحجي ماتبلع السانها

اي

من قبل كانت حياتي مشكوفه الحين صرت اخاف من كل شي مع ان حياتنا عادية وأقل من مستوه عادي مثلاً لو بروح اي مكان بسافر بشتري مااقول ولاامبي اقول واهدد ع زوجي لاتقول لإن اكتشفت لين قلت الكل بقول رايه ليي ويتكنسل الشي وبعدين هم يسوونه ليش عاد عوار الراس

موضوع تحب طرحه للنقاش
هذا بغينا بكرة اوكي وسط
ثانك

شنو الحل

عندي صديقه كلما ابتعدت عنها ما تخليني في حالي كل ما حصلت فرصه اتصلت او زاتني واسئله على كل شي جم راتب زوجش من وين هالشغله ولدش وين وضفوه وزوجته حامل لو بعدها السنه وين بتسافرون وتبدي المقارنه بينها وبين غيرها والمشكله دايما تشتكي ماليها حظ ويا الناس وما يتواصلون وياها

مرض و هوس نقطة على السطر ..

صباح الخير ..اعرف ناس اقولون لامهم سر واااحد تنصدم انه كل الأفراد الأسرة يعرفونه في ولا ساعات افشلون الوحدة يعايرونا على هالسر من نوع الخصوصية .في مرة انا قلت سر عن حياتي سويته قلت حق أمي انصدمت اختي الكبيرة تسألني فيه ومن يومها تندمت اقول لأمي سر من أسراري بعدها تراضيني ها فلانه زعلتين اكيد ازعل لأن هذا انا بيني وبينش انصدم انه انتشر ..والقهر اذا أجذب يصدقوني واذا أكون ويأهم صادقة غصب يطلعوني جذب من يومها كل اقول عن حياتي كل بالكذب مشت وياهم السالفة في أغلب الأمهات يفشلون بناتهم ماتضمن سر واحد

حتى الاخت تحسد

وتحط بالها على كل شي_ طيب لما تشوفين شخص يحاول يبتعد عنش وما يتدخل في خصوصياتش يعني اعرفي حدودش ولا تكثرين الاسئله

الناس في تناقض غريب

بعضهم من تلقاه يشتكي من الهموم والفقر والمرض والمصايب وفي نفس الوقت عيالهم يحطون صور في السناب والانستا فراره ووناسه والدنيا ربيع

يعني تبي الناس تموت عشان تصدقهم لازم بيطلعون وبحاولون ينسون الهموم والمصايب وش ده !!

معضم البنات ما يقدرون يخفون اي شي حتى عن صديقاتهم

الخوف من الحسد اولا وثانيا الاحتفاظ ب الأسرار و الحياة الخاصة ....

بعض النساء لا تعلم بحملهن الا بعد الشهر الثالث او الرابع اي بعد اتضاح شكل البطن و البعض تعرف من اول اسبوع لان هناك تغييرات و وحم خوفا من الحسد ولكن الحافظ الله سبحانه و تعالى
و هناك من يخبيء خبر الخطوبة و الزواج و عقد القران و لا تعلم الا بعد الملجة ايضا خوفا من الحسد
اما شراء الاشياء و السفر فصارت معروفة من صور الانستغرام و السناب شات و الواتس يعني مفوشر و دعايات اعلامية
و هناك حديث شريف بمعنى ان الحسد يحرق الحسنات كما تحرق النار الحطب ....

صلو على النبي

يا دافع البلا يخافون على روحهم .. انا حماتي عندها 3 ويوم حملت وصلت الخامس انا دريت اني حامل طبعا زوجي من انا في المستشفى خبر الدنيا والدين ويوم رحت لهم قالو لي انها حامل شدعوة بحسدها ترى مو اول حمل عشان يخشون .. اكو انا صار الداخل والطالع يقولون له عن حملي واهيا محد درى الا يوم انتفخ بطنها
من جديه افضل يكون كل شي سر ولا اقول لاحد من اليوم وطالع بس الغاليه بعد عيني امي ما اقدر اخش عنها شي .. الله يخليها وخواتي بعد الله يحفظهم