كل موظف وضعه أسوأ من الآخر، ونحن نريد أحداً أن يسمعنا، فنحن مواطنون بحرينيون، هل تكفينا 50 ديناراً أو 150 ديناراً في الشهر لتيسير شئون حياتنا المليئة بالالتزامات والقروض، وفي ظل الوضع الصعب الذي نعيشه مع مصاريف الحياة؟.
هذا تساؤل يصف معاناة موظفين بحرينيين في شركتي أمن، عانوا من عدم تسلم رواتبهم لعدة شهور؛ مما أدى إلى تراكمها وفاقت المبالغ المستحقة لأحدهم الألف دينار، مشيرين إلى أنهم طرقوا كل الأبواب، ومنها وزارة العمل، ولكن دون جدوى وتقدم في الموضوع، في حين أنهم يعانون من ظروف صعبة مع مصاريف الحياة المكلفة.
وقال الموظفون، إن عددهم حوالي 300 موظف بحريني في شركتي أمن من إدارة واحدة، وبدأت معهم المشكلة بشكل تدريجي منذ سنة ونصف السنة، إلى أن وصلوا إلى مرحلة لم يتسلموا فيها رواتبهم لشهور متتالية، فيما يتم تسليمهم 50 ديناراً أو 150 ديناراً في بعض الشهور، إلا أن المشكلة تستمر ولاتزال قائمة.
وقال أحد الموظفين: «نحن نداوم بالتزام تام، ولم نضرب عن العمل ولم ننظم اعتصاماً، ونعمل أكثر من وقتنا المحدد في الدوام، بحيث يمتد عملنا إلى وقت إضافي وعليه تزيد مبالغ رواتبنا المستحقة، فبعضنا يداوم 16 ساعة في اليوم»، مضيفاً «أنا مواطن بحريني لا أتسلم رواتبي وأتسلم في بعض الأشهر 50 ديناراً فقط، وأطرق كل الأبواب ولا أرى حلاً لمشكلتي؟، إذاً عند من نشكو حالنا لحل الموضوع؟».
وقال موظفو الأمن إن مواقع عملهم متعددة وأبرزها مؤسسات حكومية مثل، وزارة «البلديات»، وشئون الزراعة، وبلدية المنامة، ووزارة التربية والتعليم.
وأوضح الموظفون أنهم يواجهون صعوبات جمّة، تتعلق بمطالبة هيئات وشركات لهم بدفع الرسوم المتراكمة، ومنها شركات الاتصالات، والبنوك، والتأمين وغيرها، فيما كشف أحد الموظفين عن فاتورة من شركة اتصالات بلغت قيمة المبالغ المتراكمة عليه 800 دينار.
وقال الموظفون: «في حالة تقديمنا لشكاوى لوزارة العمل والجهات المعنية، تقوم الشركة باتخاذ قرارات تعسفية، تتمثل في نقلنا إلى أماكن عمل أبعد من سكننا، فمثلاً من يسكن في الدراز أو باربار ينقلونه إلى عسكر، لأنه طالب بحقه في الحصول على الراتب».
العدد 4988 - الثلثاء 03 مايو 2016م الموافق 26 رجب 1437هـ
سبام عليكم انا اشتغل في شركه ..... معاهم انا من شهر 1 الى يومنه هاذا تاريخ 7شهر 5لحد الحين انا مومئمن معاهم والمعاش ماعطوني معاشاتي كامله وذا نكلم المسئولين يجذبون علينه ومسئول الكنترول اسمه رام اجنبي هاذا واحد مايستاهل يشتغل في هشركه لنه يحذب علينه ويهددنه بلفنش اذا نضرب ابسنت ً...الشركه دمار وماتستاهل اخد يشتغل فيها
عطونا 150 دينار و سكتونا حرااام والله حرام انا واحد من شركة و وعدونا يوم الاحد بيعطونا باقي
عطونا ١٥٠ و وعدونا يوم الأحد الإسبوع القادم بتكملت الراتب و انشاء الله هذا الموضوع صدق
لأن يا جماعة في ناس متضررة و انا من الناس متراكمة علي الديون و هاذي ال١٥٠ ما تكفي مصروف البيت و لا الأولاد
و غير القروض ..حسبي الله
سلام عليكم يا ناس رحت الشركه قالو ان اليوم راتب شهر 3 بيعطونه 150 منه يا ناس يا بشر هذا مو حرام
احنه في شهر 5 من يسمع إلينا وزاره ...
من أمن العقوبة أساء الادب
اعرف واحد من ضمن اللي ما عطوهم رواتب عنده مولودين توأم عمرهم سبع شهور
هذا شلون يغطي مصاريفهم من حفاضات وحليب وأكل اطفال .. حرام عليكم ارحموا المواطن
السلام عليكم انا احد موضفين شركة ...علي قرض 213 ....و50 لبنك الابداع وصار لي 3 اشهر مو قادر اغطي لديون الي عليي ما اقول الا حسبي الله ونعم الوكيل في الي كان السبب
سوْال ..: اين المسؤلين أين وزير العمل عن مثل هاذى الشركات ،، والله لو هاذى الامور صارت في الامارات او الكويت قامت الدنياء ولا قعدت ،، ليش ما يوصل الموظوع الى ارفع من الوزير اذا وزارة العمل ما تقدر تسوي شي ...؟ فل يوصل الى رئيس الوزراء ٣٠٠ موظف من يحميهم او هم من يحمون ممتلكات حكومية ...؟؟؟؟
بكره يقولون فى تجمع لحراس الأمن فى مكتب الشركه الساعه 2 أتمنى أن يكون أحد المسؤلين في وزارة العمل موجود معاهم أو أحد الصحفيين للتصوير ونقل
ما فائدت التجمع الساعة ٢ او بكره الخميس ...؟
أتمنى انه أحد المسؤلين أشوف ويش يصير عشان لا تزيد ردت فعل الموظفين بعدين
وحسبي الله ونعم الوكيل على كل ظالم و الساكت عن الحق شيطان أخرس
لان نحب الديره فنخدمها بدون مقابل وصابرين بدون راتب الى ماالله يفرجها ،، #البحرين_اولا
راعو الله فيهم هذولا الموظفين أولادكم بكره مسؤولين عند الله تعالى
يالله و راتب 100 هل مره
بكره قالو بيعطون تكميله الراتب
وينك يا مدير الشركة .........
حسبي الله و نعم الوكيل عليهم
الا اولاد البلد مو محصلين اشغال نفس الاوادم ويجون هالشركات يذبحونهم ، مساكين الي متزوجين وعندهم عياد زادت ديونهم والسبب لانهم بلا رواتب
هداي شركة ......
..ماراح انساك إلى يوم الدين
خلاص ملينا
للمعلومه الاكثر الحين هذا السالهر الثالث بدون راتب والسبب منصور السباع ونصر عبدالواحد
حسبى يالله ونعم الوكيل هذي معاناة مواطن االبحرينى هل ترضا الحكومة بهذا الشي هذا سوال يوجه إلى معنيين بالأمر.
وضعهم صعب
ويش حادنك على المر قال الا امر منه
لو محصلين شغلة ثانية بيقعدون في هالاشغال أصلا الاشغال للبحرينين كله جذي ياكيشر ياحارس
وانتون ما رحتون تشتغلون الا في شركات أمن .. ما أنصحكم فيها .. شوفو لكم عمل ثاني
يله على ايدك برز لهم الشغل.
اذا عندك لهم شغل من حقك تتكلم واذا لا فرجاءا لا تطلع فيها
ماادري صاحب شركة والا معاه عندهم احساس لو لا ٣شهور ١٥٠ دينار !!
للأسف الشاكي قال انه مواطن بحريني
لو قال هندي تحركت ليه سفارته
والله حرام اللي قاعد يصير ومحد مفتكر.. اكثر من مرة اكلم وزارة العمل لاكن بدون جدوة ومنفعة منهم لأن موحاسين بالشي ..ثلاثة شهور ننتظر الراتب وفي الأخير يعطيك 150. وين قاعدين احنا ؟ اشلون انمشي امورنا في الحياة
الحمدلله على كل حال
احساس مافي