التميز هو ما تطمح له كل فتاة عندما ترتدي خاتم الزواج، لذا فهي تسعى للبحث عن التميّز في كل ما يتعلق بمظهرها أمام الناس، فتجدها تبحث عن الجديد والغريب، لتبرز جمالها وذوقها، حتى باتت العروس تلجأ إلى تقاليد الزواج من الدول العربية والآسيوية والغربية، كل ذلك سعياً وراء التميّز.
وعليه، فقد أصبحنا نرى العروس بحرينية الهوية، ولكنها في عقد قرانها تظهر بلباس هندي، وفيما تتهيأ للزفاف، ترتدي القفطان المغربي في الجلوة، ثم تمشي في ممر مليء بالورود وتسير على أنغام أغنية حالمة وهي مرتدية فستان الزفاف الأبيض بجميع تصاميمه الغربية في حفل زواجها، تماماً وكأنها أضاعت البوصلة نحو هويتها البحرينية، ومهمّشةً لتقاليد الزواج البحرينية، فهل أنت مع الحفاظ على الهوية البحرينية في طقوس الزواج؟ أم مع هذا التنوع؟ شاركنا برأيك.
المفروض من حفل الزواج إنْ يكون عائلي ولايحتاج الى كل هذا الاسراف والمظاهر التي تتعب الزوج
الافضل ان تتقلص الحفلات على علئلة الزوج والزوجه وفي منزل احدهما
ولا داعي لشراء شبكة او حناء او صالون
حتى في سنة جدي هالحركة ما صارت من شروط الزواج الإشهار وان الله جميل يحب الجمال لازم تتجمل بالمعقول طبعاً دلالة على الفرح وتغيير لنفسي لأنها مقبلة على حياة جميلة سعيدة
هي ليلة تبدأ بها الفتاة حياة جديدة، لابد أن تكون هذه الليلة ليلة طاعة وتقرب إلى الله لكي تسعد وتتوفق هذه الفتاة في حياتها، لكن مايحدث هو العكس تصبح هذه الليلة ليلة معاصي واسراف وتقرب من الشيطان
اكو مال اول يسوون سبع ليالي وحفلات ماصادهم شي
لاتحطون اللوم على البنات في الغلاء
خلوها تستانس بس باعتدال بدون اسراف
والحين ناس واجد رجعو يسوون في ماتم ارخص ويراعون حتى ذهب ماياخذون
على اساس الرجال يصونون الي تراعي ليهم ومايعتبرونها رخيصة ومايتزوجون عليها
ليش ما تدلع الوحده
يا ريت الفلوس من عند الرجال... الا من عندنا ومن عرق جبينا مو من بيزات المعرس
فشااااار
فشار ولا نفيش خخهخخخ
عجبني جووك
زائرة
لبنية ماضربتك على ايدك وقالت لك الاتسوي ليي منت مجبور كنت تقدر تقول ماعندي إمكانية للي تبينه مو تدفع مستانس وتالي تقعد تبمبع ولو انت رجال كفو جان قدرت عليها مو هي ....
و آخر شي ..
اهااا
في هالزمن المفروض اي وحده تأخذ مهر منه ولا تقلل من قدرها لان هالزمن مافي رجال ينوثق فيهم خذي حقج لين تطلع عينه
كونش ماتوفقتين مو معناته ان كل لرجال مثل زوجش ومدام هذا كلامش الله يعينه عليش
اعرف واحد زوجته ماطلبت مهر غير قرآن قام اخذ اللي جمعه للمهر و مصاريف العرس واشترى له سياره بالاضافه الى فلوس سيارته القديمه ! شفتون طمع الصبيان وصل لي وين يعني كان يقدر عقب الزواج لو يقدرها يسفرها برى و البنيه للحين ندمانه اشد الندم بسبب تصرف اهلها و مقوله احنا نشتري الرجال
احنا مو ضد البنيه اللي تحافظ على هويتها و جنسيتها مادري ويش لكن ف النهايه هذي ليلتها من حقها تشوف اللي يناسبها وكل واحد وذوقه يعني من فيكم بتتوطى تلبس ثوب نشل ف عقد قرانها ، الزمن تغير و المهر مايقول شي
في الحنة بحرينية B:
الحمدلله بان زواجي ما كان جدي واله رحنا وطي ههههههههه
للاسف هامنهم حجي الناس مع ان لو حاولتي ترضي الجميع ماراح ترضي اي احد واللي تبي زوجها يحبها لازم تكسب وده وتفكر فيه قبل نفسها
مكياج وشعر = ٤٠٠ دينار
و٤٠٠ دينار تروح تالي في البلاعة مع الغسيل
سحقاً لكم
فشار وزمط لكن إذا الخروف مستعد يدفع خله ياكلها
الحفاظ على الهوية البحرينية بالطبع هو ما يميز الزواج البحريني
بس الحين الكل يتطلع الى التميز بالمغايرة
خالف تعرف وتذكر وتشتهر
الا تبغي تتزوج وتقدر الحياة الزوجية تقنع وتفكر الف مرة بالوضع المادي لزوجها
من تقبل بهذا الزمن تروح بيت الزوجية بعبائتها ؟!
ههههه
اقدح من رأسك
مصاريف وتبذير وهذا حرام ..والمستفيد التاجر اصحاب المحلات..فستان اجار ليلة وحده جم ساعه ب 200 دينار وفوق والله حرام ..وعقب لين زوجها قصر عليها تقول قصر عليي مو انتين قصفتين ظهره بألاغراض مال الحفله 7000 دينار تطير على هرار..سوي حفلة بسيطه وسافري وياه بالباقي بدل هالهرار الاتسوينه للناس واخرتها الناس الاتعزمينهم على هالهرار يحشون فيش ..ستانسي وياه بسفره لروحش بدال لاتونسين الناس بهالهرار ..وبس باااي ويش اقول وويش اخلي باااي بنتحر
أحيانا يكونون أهل المعرس هم الذين يجبرونه على هالتكاليف الضخمة في الزواج بحجة إنهم بيفرحون بولدهم وتكون المرأة أصلا مقتنعة بأبسط الأمور
التجدد و التنوع شي حلو و لكن لايكلف الله نفسن الا وسعها و كل واحد و حسب ميزانيته و لكن ما يمنع الابداع في الاعراس .
يخرب بيتكم حاسدين البنية على عرسها ، و تعالو تعالو ، اللي بيتزوج وماعنده فلوس يصرف على البنية لا ينفخ في روحه ويتزوج ويقعد في حضن امه احسن ليه . مستوى تخلف في الكومنتات مستحيل واغلب كومنتات " الفشخرة " هم الصبيان اللي مو دارس ويبي يتزوج وولا وحده قابلة فيه .
اسف .. منطقك منطق متخلفين
اثبتين أنك مفوشريه وابصم بالخمس أنك توك مشتغله وشايفه الدنيا .. شوفي شفت اعروس اجانب اوربيين العجز منك بحكم شغلي ومعارفي . بساطه في حفلاتهم واكلهم ومكياجهم لانهم متحضرين ودارسين وفاهمين ..
أنا بنت ولكني لا أؤيد البذخ الحاصل , شبابنا نحن أولى برحمته لماذا التضييق عليه في نصف دينه من أين له أن يدفع تكاليف عدة حفلات. من تريد الستر وبناء عش زوجيه بعيد عن القروض فعليها بالمحافظة على عادات أجدادنا وجداتنا عندما يعلنون نحن نشتري الرجل فلا يهمهم مهر كبير ولا حفلات ومن يستطع منهم الدفع لمقدرتهم المالية فلا خلاف في ذلك. لماذا تكون هناك حفلة خطوبة وحنة وجلوة وbridal shower , وحفلة زواج واستقبال. لانريد لشبابنا أن يتزوج من جنسيات أخرى يرى بها الرخص ولكن يقصم ظهره بعد ذلك, خلو دهنه في مكبتنه.
بخصوص تعليق ان بنات البحرين اقل مهر في الخليج الحين اقل مهر ألفين والشبكة الرجال يجيبها ودبله وحفله خطوبه وحفله زواج وشهر عسل وحفله استقبال وفستان خطوبه وفستان زواج وووووو الي ما تخلص لو وفرت كل هال فلوس جان عاشت مرتاحه ارحمو من في الارض يرحمكم من في السماء
اه يا قلبي تذكرت اول يوم زواجي سويت حفله على مستوى لكن للأسف صار شجار بين الحاضرين واتعفس كل شي وطار فلوسي
تبذير و اسراف والله ما يحب المسرفين ليلة وحدة تكفي و توفي و بعدين وين الحيا يعني العروس ما تستحي كل يوم قعدت كانها تنبال قدام الحشر و البشر العفة و الخجل و الحيا مطلوب من جهة نظري لا يطلعون عارضات ازياء كل يوم ستايل و تعالو شوفوا
الامة التي لا تحافظ على عاداتها و تقاليدها تنتهي. دخلت علينا عادات و تقاليد غريبة على مجتمعنا و ديننا كل هذا بسبب مسلسلات التلفزيون التي تحلل الحرام و تحرم الحلال.
عنبوكم حتى العروس ما تبغونها تلبس وتستانس !!!
واللي يقول المهر غالي ترى البحرينية مهرها ما يجيب شي في هالزمن كل شي ارتفع الا المهور
اشجع الشباب على حمله عنسها شوف تتادبون يا بنات وتصيرون سيده لو ويش
جيفه بناتنا كارتون طماط اما انتون بعد غير شكل
هههههههههه انت عايش في اي قرن؟ ترى كلش مابموتون البنات لين ماعرسو احين كل وحدة حامله مسؤولية روحها
ترى ماتوا البنات الي ميتين ع الزواج .. بكم و بدونكم عايشين و مستانسين ✌
حلو التجديد والتنويع والله يهني المعاريس ويستمتعون في حفلاتهم وايامهم السعيده
التغيير شي حلو .. بس اهم شي مايتعارض مع الشرع .. وخلو بناتنا تستانس
أشكرك جداً
" أهم شي ما يتعارض مع الشرع " خطّين بالأحمر تحتها
" خلو بناتنا تستانس "
والله لو كان ابوها الا يدفع التكاليف هذي كلها كان صار زواجها علئ سطح بيتهم .. لكن التكاليف هذق والجخه كلها الا بيدفعا البحارني من القرض الا بياخذه .. من جذي يتفننون ..
كلها مصاريف مالها داعي نفانيف حق ساعتين وتالي تنفلت ليش عاد هالمصاريف المفروض كل وحده تفكر تستخدم لفلوس لنفسها تسافر مده اطول شهر العسل او تكمل اثاث البيت او تتعاون وياه يشترون بيت او ارض وخل الخرابيط والفشخره اللي مامنها فايده وصدقوني كل وحده متزوجة چم مره في السنه طلعت ألبوم العرس. الجواب اول ثلاث سنوات مرتين وتالي كل عشر سنوات او يمكن ضاع
خير ان شاء الله انت روح تقدم ليها بشورت بعد حق تكشخ في المقابلة والمواساه خساير ل
الالبوم والصور ذكرى جميلة تكون تتحتفظ بها العائلة
ابداع وتغيير جميل والله يهني العروسين في حياتهم، خاصة اذا الميزانية تسمح والا تكتفي بحفل بسيط معبر
زائر ٩ نفس معاناتي بس انا صحون من غير طبخ ولا استخدام نسوان اخر زمن بس مظاهر
خلوها تستانس مردها الى المصروف الشهري 20 دينار لين ماالله ياخد امانته
الحنة والجلوة لازم زي شعبي بحريني وتقاليد بحرينية بس حفلة الزواج اكيد فستان ابيض وستايل غربي عادي يعني وطبعا هذا كوني بحرينية وافتخر ببلدي بس اني ما سويت لا حنة ولا جلوة بس حفلة زواج
كل هالصرف حق الناس وآخرتها ما في حب ❤
ليش كل هل اسراف والي متى بيحسون في هل الفقير اللي يطلع الدنيه لليل ويرجع الدنيه الليل (بسم الله الرحمن الرحيم إِنَّ الْمُبَذِّرِينَ كَانُوا إِخْوَانَ الشَّيَاطِينِ ۖ وَكَانَ الشَّيْطَانُ لِرَبِّهِ كَفُورًا صدق الله العلي العضيم )
تعليق واقعي
واخر شي يصرخون من القروض و مفلسين نص الشهر و لو يقتصرون على شي واحد اوفر و اريح للبال بدل سو و جيب و ود و جهز بدون صرف الفلوس هذا يكفي وجع راس
و اخر فكاهي
التجنيس و مايسوي ????????????
اقل النساء مهر هم بنات البحرين
سوال الشباب جم معاشاتهم
متوسط معاش الشاب 300 دينار لازم الشاب يجمع معاش سنتين حق هي تستانس في 3 ساعات أبها مو حرام صحيح لازم يسوي ليها حفلة بس المبالغة مو زينة
اي مهر ؟
ليش تتحلطمون الا يسمعكم الحين تدفعون خمسة الاف وفوق مسكينات مهورهم كل على ألف .. المهر من حقها والحين كل شي غالي ولا هالمهر مايجيب حتى ذهب .. البنات البحرينيات أكثرهم قنوعات ومن حقها عروس وتجهز نفسها وتستانس .. والبحرينيه اقل مهرا بالنسبه لبنات الخليج .. اذا مو عاجبنكم روحوا تزوحوا من برى .. والله العظيم صابرين على كل شي وبعد مو عاجبنكم
اقول حجية ليكون الشاب يدفع بس المهر الالف دينار وخلاص انتهى الموضوع..؟؟
اصحي يا ماما
ترا اقل شي يكلف العرس الشاب 5 آلاف وكل هذا على راتب 250 دينار
الى الزائر 10
البنت من حقها تستانس بس على حدود امكانيات الشاب المتقدم ووضعه المالي
مو معناتها انها ليله في العمر وتبغي تستانس تكسر ضهر الشاب في المصرف
لما اتقولين اللي مو عاجبه خله يروح ياخد من برا
روحي شوفي نسبه العوانس كم صارت نسبتها في البحرين
مواعينا احسن من اكلنا هذا رايي بدون لف ودوران
حتى الزوج ما يفكر يتزوج عليها فيرها عن اربع نساء.
ههههه
طبعا العروس البحرينية هي اسعد زوجة في العالم و لكن رفقا بالرجال لان المصاريف الزايدة راح تطلع في الغسيل و راح تكون قروض ثقيلة طول الحياة.
اربعه في واحد ، يشوفها بكذا ستايل
شنوه الفايدة من كل هالفشخرة...وبعد شهر ترجع لبيت ابوها مطقلة ....
اكثركم بركة اقلكم مهرا
ما اخدنا مهر ورجعنا بيت ابونا. ظلما وقهرا. وحسبي الله ونعم الوكيل. البلاش لااااااااش
لنكن صريحين المرأة البحرينية في الخليج اقل النساء مهرا واكثرهم بركة كما روي هي تستحق ان تسعد في يوم انتقالها الى ولاية زوجها وال
مو الكل
الحنه واللبس خليجي .. وفي الجلوى اللبس البحريني الاصيل بعد المغاربه ماعندهم سالفة سبعة مشامر .. بس ليلة العرس ايه غربي حلاتها بالأبيض .. الله يزوج كل البنات ويوفقهم
كلها فشخرة وحب للظهور والتباهي
شنو المعنى من كل هذه
مايسوه على الفقير هالخط
نعم وفي كل الاحوال هي غبية
خلوها تستانس كلها ليلة وحدة بالعمر و البنت الى يعتمد عليها لحياة زوجية سعيدة و الاختيار فارس الاحلام المناسب ما راح اسبب الطلاق
محامي
اكثر محاكم الديرة بسبة فلوس و هاي مفنش وهاي امها توزها عليه وأبوها مادري شعدالة وبنهاية تقول تبي تتطلق.جهنم
كلمن يرى الناس بعين طبعه :)
بس تدري ؟ هي غبيه في شي واحد
انها لين تزوجت هاللي يتكلم بالسوء عنها من وراها .. ( تحبه وتخدمه بعيونها )
وجان زين يبين في عيونه