لعبة شهر ٦

احنا ما طلبنا تعليم بلاش طلبنا تقليل الرسوم رسوم الروضات غالي وش اسوي الواحد اذا عنده 2 في الروضه يدفع 120 دينار للروضه واجار والراتب ضعيف واللي اقولون اذا ما عندكم لا تودونهم اذا ما عندكم في ناس تضغط على روحها عشان تقدر اتوديهم عشان يتعلمون وكل واحد عنده ظروفه مو الكل يقدر يدفع طمع الروضات

الروضه والراتب

نعم كل الروضات باتت تفكر في الربح لا في تعليم الاطفال علوه على ذالك المططلبات اليوميه وفي بعض الدول اطفال الروضات تتكلم لغات ويتخرج دكتور وطيار واحنا حدهم ون وتو واذا راح المدرسه لا يفهم اي شي

صلوا على النبى شكلهم فاضين ويمبون يشغلونكم في الهدرة اللي يمبي يسجل اولاده في الروضات يتوطه حق الدفع واللي يستكثر ويستغلا الشي يتعب على ولده ابروح

محرقية

بعد هالكلام والحجي اللي قلتوه وما خليتوا ولا بقيتتوا عن الروضات احنا اصحاب الروضات أنقول لكم بدل ما أتشكون في الجرايد خلو عيالكم عندكم مادام ما عندكم محد جابركم ولا احد بيطق الباب عليكم وبيقول لكم سجلوا ولدكم واللي يصيح بالويل لا يسجل عياله ذبحتونا عاد ،،،

وين وزارة التربية عن رسوم الروضات الا كل سنة يزيدونها
ووقت الروضة ما يزيد ولا ثانية
المرأة العاملة تحتاج لمكان آمن يضم أطفالها فترة انشغالها

والمدارس

الله الله الي يسمعكم ما يحتاج تراعون للمواطن مو كأنه المدارس الحكومية المصاريف على ولي الامر اعظم وأعظم يالله ما نقول الا حسبنا الله ونعم الوكيل

انا ولية امر مااستطيع اسجل ابني في روضة لراتب الاب المتدني تعبت على ابني بنفسي ليش احط اللوم على فلان وعلان الروضة مثل البضاعة اذا ماعجبتك لغلاء سعرها ابحث عن غيرها ومايحتاج التذمر بدل قضاء الوقت على التلفون في الحش والنميمة علمي ولدش اذا ماتستطيعين تودينه روضة احسن

عجل لو تدرون احنا شنو سوو فينا الروضه .. اخرو التسجيل لين كل الروضات خلصو بعدين اعلنو عن التسجيل علشان ما نحصل مجال .. لكن السنه الجايه بسجل الجهال في المدرسة الهندية رخيص وقوي 25 دينار الشهر والمواصلات 10 ومافي متطلبات ورحلات زايدة دراسة قويه يطلع لك بلبل في الانجليزي

فعلا الروضه صايره عبئا على الاهالي واللي عنده اثنين في الروضه .. زيدو الرسوم من 35 صارت 45 وبدون المواصلات . .. المواصلات 10 وحسبي بعد طلباتهم الا ما يعدي اسبوع بدونها تصك ال60 وفوق وانا عندي اثنين بالروضه يعني 120 بالله قولو شنو تم من المعاش وغير بعد وجباتهم اليومية وووووو اللي ما تخلص

لاسق بعض الاهالي

يستخسرون حتى قيمة الرحله ويقولون غالي زين نحتاج باص وقيمه الالعاب والاكل .. تبون ببلاش مايصير وفي اهالي لما نقولهم بروح رحله الى مكان يروحون يسألون من ورانا تكاليف الرحله .. حسبي الله عليكم

وديت بنتي روضه الـ.... انصدمت ان الصف فيه 35طالب تخيلووا غير جدي انتقل لبنتي قمل بشعرها من ضيق المكان والوجبه مال الرحلات رديئه وكل فتره يزيدوا الرسوم وطلباتهم ماتخلص مصخوها صاحباات الرياض.. وماعليكم والله سافرنا لو ماسافرنا.. بنسافر من اجياسنا مو جياستكم

ان لم تستحي فافعل ما شئت ... ما اشوف الوزارة تحاسب المدارس الحكومية على المشاريع الي تنقط في الزباله ومصاريفها ترهق ولي الامر ... اتمنى بدل ما تحطون عيونكم على رياض الاطفال ... حطوا بالكم على المدارس والمخالفات الي فيها .. ترى ما نسينا جدار مدرسه الدراز الي طاح لانه قديم ولا نسينا الحوادث المؤلمه بسبب التماس كهرباء وراح ضحيته طلاب بسبب اهمال الوزارة ...

صح لسانك

للأسف

ما اشوف طلابات الرياض مبالغ فيها ، جم بكلف الزي الرياضي مثلاً؟؟؟ وبعدين عن رسوم الباصات هذي شروط راعي الباص لأن اغلبهم يتعاقدون مع سواق الباصات وش يجبرهم يوظفون واحد ويغيب وما يلتزم يوصل الجهال وغير عن هذا تكلفة الباص اذا بتشتريه الروضة مو شوي
وبالنسبة للرحلات ترى المفروض الطفل يطلع كل شهر رحلة. اللي ما يقدر مو مجبور يودي عياله ولا مجبور على هدية عيد الأم ، والهدية مو بقيمتها اللي تبغي طقم دهب هاها الهدية بالمفهوم والتقدير والقيمة اللي راح تنغرس في الطفل
لكن بعض العقول مثل المينو

كلام سليم

انة مدرسة رياض اطفال وبالفعل كلامش سليم 100% محد مجبور يسوي لكل الفعاليات
وانة شخصيا تهمني كلمة الشكر لانها ترفع حتى من شخصيتي امام نفسي وتعجبني كلمة الذم لانها تساعدمي اني اوصل للافضل
وكلمة صغيرة ودي اوصلها من خلال جريده الوسط الى الوزارة .. ياليت تنصفون حق المدرسه في رياض الاطفال
دوامنا من 7 الى 1 والراتب 120 دينار

خافوا ربكم

تبون كل شي ببلاش ورخيص وتبون معامله خاصه لاطفالكم لاينشمخ لاحد يلمسه ليش مااكل ليش وليش وهالاطفال بعضهم مايسبحون وصخين ريحتهم بووول ومافي رعايه ليهم وبعد موعاجبهم

فعلا انا ضد هالشكاوى

الموظفات يتعبون الصف كم طفل يبون رعايه وهذا غير التبديل والاكل وكل يجيبونهم مرضى مايبون يغيبون والالعاب اللي تحتاج صيانه دوريه وطلبات الوزارة من صوب لو مدارس خاصه تدفعون بس احنا مستكثرين علينا حسبي الله ونعم الوكيل حسبي الله

انا مديرة روضة فيني قهر علي اللي يكتبون ضد الروضات وما يدرون معانات الروضات انتوا تبون الروضات يقدمون لكم خدمات مجانية هذا اللي قاصر تري اللي يقول الروضة فيها ربح جذاب تعالوا معاي وسمعوا الرسم الشهري اللي ادفعونه 30 دينار ايجار مبني الروضة 1000 دينار رواتب المعلمات علي 150 دينار الكهرباء والماي العاب الروضة داخل وخارج الألعاب التعليمية الوسائل التعليمية القرطاسية رواتب العاملات المعلمات من أكل الاطفال ودخل الحمامات كل هذا وأكثر مقابل رسوم زهيده وانتوا تصرفون ال 30 دينار علي وجبة في مجمع .

اللحين انتوا مستكثرين علي الروضات هذا المبلغ البسيط اللي ادفعونه عيل شتقولون عن الروضات الvip اللي تاخذ بالكورس ودفعون من دون تحجج والسبب المظاهر المزيفة بس روضاتنا لما تطلب 40 و50 و60 قلتوا بووو وايد شله هالكثر واللي يود عيالكم من 7 الي 12 الظهر ومن درس ولعب ودرب وربي ..حتي الخدامة اللي ماتعرف تكتب معاشها 120 وفوق وحب خشوم ولا تقبل لكن تدريس عيالكم الرسوم وايد .. شتبون (( بلاش ))

خلكم منصفين شوي

الروضه فيها معلمات والمعلمات يبون رواتب وشغلهم صراحه متعب واجد.. أطفال في. هالمرحله واجد صعب التعامل معاهم .. اني عندي توم ودايخه منهم الله يحفظهم مابالش بصف فيه ٢٠ طفل او اكثر اني أشوف المبلغ اوكي واذا زاد شوي ما عندي مشكله .. للعلم اني موظفة في وزارة بعد لا تقولون عندي روضة

مديرة روضة

اللي بيوتم يم الروضات علي قولتهم ثلاث دقايق محد جبركم بالمواصلات وعن التفلسف ولسياق الزايد الا اذا فلوسكم زايدة وبعدين ما فيه داعي حق الشكاوي والامر في يد ولي الامر تري من عقب مشاكل المواصلات جميع الروضات شالت يدها وصار الامر بين ولي الامر والسايق .

الخير جااااااي لاتحاتون

خصخصه المدارس جايه بعدين خل نسمع ابداعاتكم

للعقول الراقيه فقط

اللي يشتغلون بالروضات بشر يتعبون ويعانون ويبذلون طاقه كبيرة المفروض تشكرونهم مو تشكون عليهم ..الحل خل الحكومه توفر ليكم روضات ..ولو ان خضخصه المدارس جايه بالطريق

المشكلة في أولياء الأمور

لأنهم ما يبون يكسرون او يهضمون عيالهم فهم يحسبون انهم مضطرين لدفع وعمل ما تطلبه الروضات
ولو حطوا أيديهم في أيد بعض ورفضوا المصاريف الزائدة الروضات ما راح تتعدى حدودها

لزائر 19

ماتبي الملابس على دينار احسن ؟؟؟؟ الاسعار في متناول الجميع

لا تعلق في شئ ماتعرفه

وين الجديد

كل الروضات والمدارس بكل الدول تطلب احتياجات وليها طلبات وكله للاطفال ..العيب فيكم شعب كل يصرخ بالفقر والحاجه ..

كل يشكوووون وبس

حتى الباصات ماتبون تدفعون ليهم وتبون احسن الروضات واحسن المدارس وتبون لغه ومعامله خاصه ببلاش ؟؟؟ماعندكم فلووووس الغريبه ان عندكم للسفر بالصيف سنويا

للعلم فقط اللي يشتغلون بشر ويحتاجون رواتب

روضة أم مدرسة

بعض الروضات وحسب تجربة ( يطلبون مشاريع نفس المدرسة ) مثال - سوو بحث عن موضوع الفلاني و سلموه للروضه ،، انزين الطفل ما وصل لمرحلة ان يقرأ بطلاقه فشلون يسوون مشاريع و بحوث !!

الحين بجونا اصحاب الروضات وبيبتدون الدفاع المستميت على بلاويهم

طلب

اتمنى من وزارة التربيه تحدد وقت زمني لبدايه ونهاية دوام في الروضة .. عني الباص يجي لولدي الساعه ٨ متى يوصل ابروضة اذا افترضنا واني متأكدة ان ولدي مو اخر واحد ياخدة ... اتصورو ان يرجعه الساعه ١١ ونص ..وش اتعلم تلطفل في هالثلاث ساعات؟؟ .. برايي مو صح النفر ض يحددون لهم وقت ويكون اطول من جدي

موضوع الروضات متعب
هو جت على الثياب بس

اضطريت اتسلف مبلغ بداية السنة عشان اوفر زي الروضة لولدى لان الروضة طلع تتعامل مع محل في مجمع ...
بعض اولياء لبسوا اولادهم الزي بدون الشعار لان ما اشتروا من المحل طرشوا عليهم لازم الشعار موجود على الثياب
انزين عشان هالشعار اطر اشترى بداك المبلغ ثياب
وفروا الشعار بمبلغ بسيط خل الناس تختار اللى يناسبها لتوفير الزي

زيادة الرسوم

زيادة الرسوم تعال حق المدرسين حتي ثانوية ما عندهم

الروضة

ليش ندفع نصف شهرسته والروضة أتخلص 4/6 مو حرام ويبغون رسوم السنة الجايه من الحين وينش ياوزارة التربية كلموهم خلو الرسوم والمنهج والزي موحد

يلزمونا ندفع شوي وشويات على الزي
العام صاحبة الروضة مخليه محل معروف يجهز الثياب وخذتها تجارة علينا تبيعهم علينا بدبل في الروضة
باعتنا الفانيلة ب 4 والبنطلون ب3
وقماش القميص والبنطلون مقطع وجاهز ب 5 دينار والشعار مالهم بدينار
مسخرة والله مسخرة

جان كلموهم عن رسوم شهر يونيو ياخذونه مع التسجيل وهم يدرون الاطفال مابتداوم،المدارس مافيها دوام لنهاية يونيو جيف هم

استغرب بصراحه من هالناس

مو لازم ادخلون اولادكم الحضانات اذا غالي عليكم مو لازم يدرسون .. اذا ماعندكم طلعوهم او دخلوهم مدرسه على طول

إختيار الروضة

على أولياء الامور أن يختارو الروضة او المدرسة الا تناسب ميزانيتهم من البداية
وعلى الروضات ان لا يتمادو في الطلبات

جان تكلمتون عن دفع مقدم رسوم شهر يونيو

ندفع لشهر يونيو مقدم من بداية السنه والاطفال ما يداومون ولا يوم منه ؟ ليش ما تخلون اخر يوم دوام نهاية مايو ؟ قاصين علينا حرام ندفع و الاطفال ما تداوم

اي والله صدق

اني الروضة طالبين عليي شهر ستة كامل قلت لها ليش محد بيداوم حتى الحلقة الولى بيكونون قاعدين الا اتقول احنا بنداوم وانتون موقعين في العقد هاذي القوانين

الرسوم الشهريه

الرسوم الشهريه جدا مناسبة وارخص من جديه مافي قارنوها بالتعب والجهد والصف كم طفل ..كل يبون بلاش

أويد القرار بشدة

ما ليه داعي ثياب رياضه كل في الصف اذا كلش يلعبونهم في العاب الحديقه بس يمسرون ظهر ولي الامر ما يقارب 20 دينار كل روضه تتفنن في السعر

صراحة

واجد مبالغ في رسوم التسجيل بالإضافة الرسوم الشهرية! !!!!! ..

والله الصراحه

طلبات الروضات اللي ماتخلص
كل يوم حاجه وشغلة

للي تنتقد

عندكم فلوس للمدارس الخاصه بس الروضات ماعندكم وتشكون عليهم ...

الناس احرار

الناس احرار ولا يحق لاي روضه تجبر ولي الأمر بأن يودي ولده الرحله ومن واجب الروضه تأمين من يرعى اولادهم لان الروضه حاسبه تكاليف كل يوم يقضي فيه الطفل في الروضه فهم لا يعلمون او يهتمون بأولاد الناس تطوع لا انما مقابل فلوس

فعلا ردك غريب

اللي انتقد اكيد مو مودي اولاده مدارس خاصة .. لو عنده جان سيده وداهم خاص
الحين معظم الاهالي "مجبورين" يودون اولادهم روضات لان اذا دخل المدرسة والطفل ما راح روضة مستواه راح يكون اقل من زملائه وراح تتعب وياه الام والسالفة فيها رسوب !!

غير صحيح هالكلام

مافي رحله ماتناسب عمر الطفل بالعكس الاطفال يستمتعون بالرحلات بس ماعندكم للرحلات فلوس عندكم للاسفار السنويه ...عجبي

والله

طفل عمره ثلاث سنوات ويش يسوي بمحمية العرين يادووب يتكلم هههههه والله حالة وتحاسبون أولياء الأمور ليش يسافرون مايكفي كررف وعمل وتدريس طول السنة يعني مابيرتاحون وليش ضل حدي يسافر الحين بعد هالغلاء ياعجبي لك الكلام

حرية شخصية شدخل ما تودي ولدها رحلة بسفرة
مافيه وجه مقارنة بين السفر والرحلة على الاقل السفر باختيارها والرحلة باجبارها

...

شهالاسلوب الركيك في الرد الاهالي كيفهم لو بيحرقون فلوسهم وما يبغون يدفعون للروضات
وهالمصاريف والزيادات ليش هل بيزدون رواتب المعلمات؟ هذي رواتبهم ما تتغير بس تتغير فوائد الروضة
مبين من الردود الثلاثة المتتالية ان الي يرد شخص واحد ومبين على صاحب الردود انها صاحبة روضة ومتضايقة من القرار

للاخت اللي تتشكى

لاتودين اطفالش الروضه ماحد غصبش ..

مسامحه

من حقها اتودي اطفالها الروضه ومن حق اولادها التعلم ويا اصحاب الروضات اتقوا الله ولتجعلوه امام اعينكم ولتعملوا بضمير في كل خطوه ليوفقكم الله ولا يتهضم عليكم اولياء الامور ويكون حسابكم طويل امام الله

شكلش صاحبة روضه

لا تعليق

اللي ايده في الماي غير اللي في النار

يقول المثل ( قل خيراً او اصمت ) يجب ان يتحلى الجميع بثقافة الرد و بأسلوب ،،

رد على زائر 5

صاحبة روضة انتي والا شنو ؟ هاذي مشكلة شعب كامل مو بس وحدة او ثنتين .. ارتقوا شوي

الله يهداكم يا التربية

اهم بس يقتصرون على الزِّي الرياضي!!!
كل مناسبة واحتفال عندهم قالوا لبسوا اطفالكم ثياب جديدة
على سبيل المثال : يوم يخصص للون الاحمر: تعالوا يا أولياء الأمور لبسوا اطفالكم ملابس لونها احمر ، اشتروا فاكهة لونها احمر ووو
غير وغير الحين هابين في موضة هدايا عيد الام لمعلمات الروضة
تعالوا يا أولياء الأمور الفقير والغني دفعوا مبلغ عشان مشتري طقم ذهب او ساعة فخمة لماما فلانة بمناسبة عيد الام
والمفروض الروضات ما تقبل هالأعباء الإضافية على أولياء الامور

لا

خلهم يولون ماادفع لهم غير حقهم لا ألبسهم لا أحمر ولا أصفر ثياب الروضةومشترتها من الخياط أو ثياب أخ له من قبل لا وتسأليهم ليش هالمصاريف يقولون إدراة الروضات ماتساعدنا بشي واجد تتطلب علينا شغلات شان سلامة الأطفال يعني بعد لازم ما يحرصون لسلامة الأطفال بس يبون فلوس

مسامحة بس اني عندي عادي لو خصصوا يوم للون في أطفال لأن يجخلون الروضة ومايعرفون كل الألوان واورادي الروضة اول مراحل الدراسة خلهم يستانسون ويتعلمون بأساليب حليوة وفكاهية حتى
ومحد مجبور ياخذ او يدفع اذا موجود كان بها واذا لا عادي
مافي اي مشكلة
مرة من المرات صارت فعالية وماعندي ادفع ليها فاخترعت شي بالورق ولبسته بنتي وكان حليو ومختلف وفي نفس الوقت لازم افهم الطفل ان عاد الواحد يبدع يعني الحاجة ام الإختراع
ماليه داعي التكلف عند عدم الاستطاعة
وبالنسبة للفاكههة اذا موجود عطيت واذا لا خلاص احط بديل
وكلش كلش اروح اشتري من البرادة بالوزن احط حبة لو ثنتين من المطلوب وادفع بس ليهم عشان ماتتهضم بنتي

اسعارهم مبالغة

اسعار التسجيل والزي ووالخ مبالغ فيها
تخيل احد الروضات تطلب رسوم مواصلات ٢٠ دينار واما بقية الروضات ١٠ دينار واما الرسوم الشهرية اغلبهم ٣٥ دينار اما تلك الروضة ٤٠ دينار يعني المجموع ٦٠ دينار وغير رسوم الرحلات اللي تعملها الروضة بين الحين والاخر يعني توصل ٧٠ دينار، ويش اللي بقى من الراتب؟!
يا ادارات الروضات اتركوا الجشع والطمع كونوا قنوعين وحاسبوا لاهالي الاطفال

ليش

ليش vibهههههههه

صحيح

روضة ولدي تبعد عن البيت أقل من 3 دقائق بالسيارة وندفع 15 دينار قيمة المواصلات .. واغلب الاوقات انا اوديه واخوي يرجعه بطريقه . شنسوي مايمدينا انناقشهم او انقول اقتراحنا ووجهة نظرنا جعمونا بكلمة قوانين

كل يوم

عندهم مصروف جديد رحلة ماتناسب عمر الأطفال وإذا مابتخليه يروح الرحلة والأم تعمل غيبه لا تجيبه يعني غصب عنك تعال ادفع طالب يغيب يتصلون في أهله الظهر موفي بداية الدوام تفادياً لأي حادث تسجيل فوق ١٠٠دينار ورسوم شهرية ٤٥أو أكثر كأنه مدرسة خاصة يعلمون الطفل انجليزي يعني!!!! ويطلع بلبل واجد الروضات متفلسفيين ومستغلين حاجة الأهل للروضات وبعد تهوية رديئة في أغلب الروضات وصفوف ضيقة جداً

كلامش سليم للاسف اغلب الروضات تنظر الى الربحيه فقط