من كلام الناس... يحدد بعض الأزواج أوقاتاً خاصة لأسرته لا يساوم عليها مهما كلفه الأمر، ولا يقتصر ذلك على الأسرة فقط، بل يلجأ البعض لتخصيص أوقات لأصدقائه، فيما لا يخصص آخرون أي وقت لأسرهم، معتبرين ذلك نوعاً من أنواع "الباور" (تحكم المرأة في الرجل).
هل أنت مع تخصيص وقت أو تحديد يوم خاص بالعائلة؟ وكم عدد الأيام التي تخصصها لها؟ وما هو نصيب أصدقائك من ذلك؟ وهل تعتقد أن ذلك يعد ضرورة ملحَّة؟
يوم للزوجة والعيال ويوم لربعه مابينقص منه شي اذا طلع عياله ومرته احسن من يتركهم ويه الطوف ويطلع ويستانس مثل ماله حق يطّلع لربعه اهي لها حق تطلع لربعها واهلها وتتنفس
يوم واحد وهو يوم الجمعه على وجبة الغداء والاصدقاء لن فضيت في نفس هادا اليوم اروح لهم
تعليقات النسوان تخلي الواحد يعيف الزواج .. كله تحلطم .. خلك عزوبي أحسن
ضرورة ملحة.. قال رسول الله ( صلى الله عليه وآله ) : خيركم خيركم لاهله وأنا خيركم لاهلي.
موضوع مهم
الحمدالله رب العالمين زوجي ما يهملنا وعلى طول ويانا وعندنا يوم الجمعة والسبت مخصصين للاهل طبعا الظهر الغدى مرة بيت ابوي واليوم الثاني بيت العم .. احنا ما نقول قابل مرتك واهلك اربع وعشرين ساعه طبعا له الرجال يطلع ويشوف وفي مثل الوقت اول يشوف زوجته وظروفها وشنو تحتاج له
للأسف الحياة الزوجية صارت بس شغل بيت وتربية اولاد والزوجة على الهامش هذا اللي صاير في معظم المجتمع
انا اعمل 12 ساعة طوال الاسبوع
و مع ذلك مخصص كل وقتي المتبقي لعائلتي و اصدقائي التقي معهم مرة او مرتين في الاسبوع ف أنا أفضل الاهتمام بمتطلبات عائلتي اولا ثم افكر بنفسي الحمدلله على كل حال، الي مافيه خير لأهله ما فيه خير للناس.
جمعة مباركة.أتكلم من قلب مكسور الخاطر.بصراحة اصير خاطري اطلع مع عيالي وزوجي بس صادتنا ظروف طلعت من إرادتنا صرت ما اشوف زوجي كلش حتى عياله يستفقدونه ساعات بس بينا اتصال ها أبو العيال انا طالعة بروح بيت أمي انا بروح المجمع مع العيال ها بو العيال بروح اشتري أغراض وكل بالاتصالات بس يطلع ويانا مرتبط بظروف من بعدما ظروفه حتى ما يقعد ويانا إلا القليل واذا اليوم الي نطلع لازم اصير هوشة لأنه مافي وقت مخصص حقنا بروحنا إلا متصلين ليه تعال الوالده تو الواحد تعبان وده المستشفى وانا شسوي اتنازل لحق يومي وحقه
.....
وقت الاسرة مخصص لاهله ولعمله ولعمل الخير واني وعياله اخر ناس يفكر فيهم خاطري نطلع مثل هالاوادم ساعات احس اني العيال مو عياله ماعمره قال بفرحهم بطلعة حتى هم اذا يبون يطلعون يجون لي وصباحية الجمعة الناس تتبرز للصلاة زوجي تلاقونه مقابل خواته ويلف بيوت اخوانه وهذا البرنامج اليومي اللي يسويه من الساعة 4 العصر لليل حياتنا متوقفة وماادري لمتى بصبر
خل يسمعكم
عند زوجي اني والعيال الرقم الاخير في حياته في السنة حسنة يطلع عياله حديقة الفريق مايدري عن بيته وعياله لبسوا ناموا اكلوا اهم شي اهله تصدقون ان عمره مافكر يجهز لعياله اغراض المدرسة ويراكض لعيال الناس يشتري لهم اغراضهم بزعم انه عضو في الصندوق الخيري الله المعين
الله المعين
للاسف زوجي كله طاير برا البيت يرجع من الشغل ينام وتالي يطير عند اهله ويوم الجمعة من غبشة في الدوام يكمل اشغاله وسم ضروسه اقول له طلع العيال كأنهم عيال مرته مو عياله وعشان يفكر يطلع العيال حديقة لازم تصير مشكلة كبيرة في البيت واهدده بالطلاق يتسنع يومها ويوم ثاني ترد حليمة لعادتها القديمة
انا بعد الشغل اخصص كل وقتي لزوجتي وأحتياجاتها. من تولد لازم اخذ اجازة شهر واكون وياها من الولادة واساعدها في رعاية الطفل الجديد واساعدها تاخد قسط من الراحة فهي بشر ولا يمكن انا اتركها بروحها، فهم اولادي بعد. اعيالي الكبار اساعدهم في حل الواجبات وألعب وياهم، على الاقل ثلاث ساعات يوميا. واطلع وياهم كل اسبوع ويا ام العيال نبدل جو ونتمشى ونشرب شاي. سألوني أصدقائي شلون تقدر تساعد زوجتك واجد قلت ما ادري. بعدين اكشفت ان ابوي كان يسوي نفسي واكثر يوم انا صغير وحتى الطباخ يطبخ. الله يرحمه.
ونعم الطينة إلي جيت منها.
الزائر 33 بارك الله فيك
والله يخلي ليك لعيال وأمهم ، ولا يغير عليكم لآخر العمر ،تتحمل بها وتتحمل بك .
خيركم خيركم لأهله
ضروره ملحه
هو شي اساسي في تربية الاسرة وتكوين صلاة ترابط بين العائله لكن بعض الزوجات يمصخونه زياده
زوجي يظن انه غير مقصر بينما هو ع طول في المقهى ولا يدري شو اللي صاير بالبيت بس يجيب المصروف ويعلق بأننا مسرفين ولا يعرف شو احتياجات الاولاد من دروس تقوية الى والى ...لا نزهات لا طلعات لا زيارات للأهل ..ويبقى الحال كما هو ...
ضربتوا على الوتر الحساس
الله يهديه
الحمد لله
زوجي يعمل صباحا وعصرا مع هذا ما أن ينتهي من عملة حتى يتصل ليطلب مني اجهز نفسي لنخرج معا للتبضع ،وإذا مافي طلبات ، لنغير جو في شوارع المنطقة ، او في الحدائق ، ولو أرفض يصر عليي .
إذا الرجل قلبه مشغول ببيته سيفكر فيهم مباشرة ويحدد لهم وقته وإذا قلبه مع الربع والقهاوي فما أن يجد فراغ حتى يرتب معهم بس هذا مو صح ﻻنه الزوجة والعيال يحتاجون للمة الزوج ،الأب و الجلسات العائلية توثق العلاقات بين الأسرة ، تريح النفس ، تشعر الزوجة بالحنان والأهتمام ، لا يعرفون الرجال أثرها على نفس الزوجة !
مافي احلى من لمة الاهل الله يحفظكم لبعض
كلما نسمع عن موت الفجاة الله يجيرنا يخليك تفكر باولوياتك
زوجتك واولادك رقم 1 بحياتك بجانب الوالدين والاخوان
ما احلى الايام واحنا صغار
نتريق ونتغذى ونتعشى جميع ونشرب الجاي وقدام التلفزيون كلنا مع بعض ونحل الواجبات واحنا مسدحين صوب بعض
وينتهي اليوم وننام كلنا بغرفة
اوقات العائلة لا تعوض
الزمن الجميل
موضوع مهم
انا بطبعي انعزالي ما احب الزيارات المستمره وبرنامجي على طول في البيت مع زوجتي واولادي يعني من البيت للعمل ومن العمل للبيت اما زياراتي لآهلي فيوميا لازم امر بيت الوالد واقعد وياهم واشوف طلباتهم مثل ما اشوف طلبات بيتي الحمد لله الامور طيبه
العدل في الامور سيد الموقف
الحمدلله ماعندي يوم مخصص ليهم بس منسق الامور كما هيه صبح شغل ، عصر نادي ، فليل معاهم
يوم نتغده بره ، يوم نتعشى بره
يوم بحر ، يوم مجمع ، يوم حديقه
التنويع زين و التخصيص يوم بعد زين بس اهمشي ما يكون مهمل لعائلته حتى لو فالسبوع مره يطلعهم او يقعد وياهم
و لي يقول سكانه مرته ده مريض نفسي ، لان الزوجه و جهالك هم بتمون معاك للابد اما بقيه ربعك ف اقل مشكله بصيرون مثل البلياردو تتفرقون من اول ضربه
ابن عمي المتخلف ..
يحرم ابن عمي المتدين و المنغمس بين الكتب الدينيه التي تعج بها مكتبته الخروج للمتنزهات و الحدائق العامه بل و يعتبر جلوسه مع عائلته امام الناس انتقاص لشخصه و هيبته .. لذالك اصبح ابنائه كا المتخلفين بسبب بقائهم اغلب ايام العطل في المنزل .. تثور زوجته المتنوره و التي تشغر وظيفة محترمه بعد الحاحها عليه دئما ان يسمح لها با الخروج مع الابناء دون جدوى .. كم نصحته و كم من المرات افهمته بأن عليه ان يتنازل عن كبريائه .. فهو لا يسمع سوى نداء عقله المتخلف و المتعجرف…
لا يرحم ..
لا يرحم و لى يخلي رحمة الله تنزل…
خلصنا من خالي
جينا لبن عمي ههههههه
محرومين ..
حرام عليه اللي يسويه فيهم .. لو اني طلقته
سلم على خالك
اكيد ولد عمك لابوك
وخالك اخو امك
لان ما نبي نسويك كذاب
كل يوم خالك المتدين وخالك المتدين والحين ولد عمك المتدين ،، اذا عندك عقدة من المتدينين فهذة مشكلتك ولازم تروح دكتور نفسي يعالجك، واذا صادك موقف مع متدين فمو معناته انه كل المتدينين سيئين ، وتجي تألف قصص عنهم علشان تسيء ليهم ، واذا كنتي امرأة مضطهدة من قبل اخ او زوج متدين الحل مو باختراع قصص عن المتدينين وتشويه سمعتهم ، الحل تواجهينه و توجدين حل ، حتى لو يقرأ الجريدة و تتوقعينه يقرأ كلامش ويتغير ،اعتقادك خاطيء ،بزيد في اضطهادكً
عن نفسي ...
بيتوتي ولا احب اطلع الا قليل مع الاصدقاء ولا احب اقيد روحي بشغل او هياته ما لها داعي .. يومي اقضيه بشغلي ومع عائلتي وتلبية حاجاتهم ..فرحتي بشوفتهم فرحانين ..
اما بخصوص الزيارات للاهل فكل جمعة نلتقي وبالمناسبات
العائلة أهم شيئ بالنسبة للزوج المسؤول والذي يحرص غلى تنشئئة أبناءه على الصح يجب أن يستغل كل الأوقات ليكون قريبا منهم ويسمع اراءهم ومشاكلهم !!! حسب رأيي اليقاء مع العائلة أهم من تمضية الوقت مع الأصدقاء في المقاهي وووو. أطلع مع الأصدقاء عندما يكون هناك ظرف قاهر وما أقدر أطلع مع العائلة لسبب من الأسباب . أنا أعطي حق عائلتي 100% . المهم في الموضوع ان أحس برضا النفس !! وأن لا أندم في يوم ماعلى تقصيري مع عائلتي التي أتمنى أن يحفظها الله .
هذا ما يسمونه باور
هذا يسمونه تفاهم
شتسوى الدنيا بدون الأهل.. صلة رحم وثواب وطولة عمر
يوم ويا أهلها ويوم ويا أهله ويوم طالعين مع بعض ويوم مع ربعه ويوم مع صديقاتها ويوم فرح ويوم حزن والحياة ماشية
صباح الخير انا الحين توني مخلص غسال الحوش وطلعت الحم اليوم الغداء مندي وزوجتي وعيالي نايمين مو احسن من اطلع خارج البيت اليوم اجازه اكعد مع زوجتي وعيالي واطبخ واغسل مو عيب مساعده الزوجه وتشجيعها مطلوب احسن من الهيامه خارج البيت يوم بريك للجميع انشاء الله
زائر 9
انت عسل
الله يديمك فوق روسهم وعسى عينك ماتبجيهم ولا يبجوووك
????????????????????????????
ام زينب
ضروره ملح لازم يحدد وقت خاص لاسرته لان بالنهايه هو المسؤول عنهم لازم يغير لهم جو ويكسر الروتين
اااقولهااا
اشوف اصدقائي للاسف بعضهم
شايت الدنيا جوتي مايهمه اي شيئ
بس عن نفسي مخصص ليلة الجمعة
لزوجتي واولادي وهذا اليوم لو ويش يكون عندي
ما افرط فيه اطلع وافرح وافرح اسرتي
بس بعض الاوقات يكون هذا اليوم يصادف مناسبة او شيئ
اهم فأعوضه بيوم اخر
على فكرة الي يقول سكانه زوجته
هالمثل صار منتشر بصورة كبيرة
الحين اذا خصصت يوم لاسرتك صرت سكان يعني
هي الي تكرف وتتعب علشانك وعلشان اولادك
ماتستاهل يوم تتنفس فيه بعيد عن الشغل والكرف
وتعشيها برى!!
عجبي لشباب الي همه ربعه ومايفتكر في احد
عجل متزوج ليش!!!
وقت الأسرة يخصص أما للتسوق أو إلى الذهاب في نزهة أو للمطاعم و أغلب الأحيان الوقت يخصص المعاشرة الزوجية فلا يوجد وقت مخصص للجلوس و التحدث و التشاور أما للسوق أو المطاعم غير هذا لا
باخبركم قصتي. انا تعودت من الصغر بزيارة بيت ابوي وامي في ايام الخميس والجمعة و نشوف الاعمام والخيلان.
ويوم اتزوجنا اكتشفت زوجتي ما تحب زيارات الأهل بلا سبب وجيه، كالملل وشاكلته. وعجزنا نقنعها وقطعت الزيارات من سنين وبس بالرغم من انعدام المشاكل.
في البداية ما عرفت اجاوب ليش ما تجي، وبعدين محد قام يسأل من اهلي عن الأحراج.
اما بيت زوجتي ما يحبون الزيارات الأسبوعية فتروح يا ما تحصلهم او الباب مقفول. فصارت الزيارة العائلية لبيت ابوي ويوم ثاني بقاية اهلي بروحي للأسف
الله يهدي الجميع
يمكن خجولة ...
لأن الخجول يحب العزلة وهذي حالة نفسية بالمقام الأول ..
أنا العكس ...
أحن على زوجي خل نزور بيت أبوك وأهلك وهو كله متملل ومطنش .. هههههه .. أقوله على الأقل مرة وحدة في الإسبوع أحسن من القطيعة وذلين أهلك وعزوتك ... لكن لا حياة لمن تنادي ...
لازم
ع الرجل تخصيص وقت لزوجته واولالاده ويشوفطلباتهم ويقعد ويلعب وياهم ترى هم الباقين ليه ولين زوجته بتحلل لايفرط فيها يطلعهم ولايقصر عليهم حق هي بعد ماتقصر عليه وتتحمل فيه يلا يارجال اليوم كلكم قعدوا وي نسوانكم واولالادكم ..حت لو الجمعه ولمة الأهل ترى كل واحد مكمل للثاني
إن شاء الله تم
شوركم وهداية الله
يخلف الله علي
خاطري نطلع ليالي الجمعه مع بعض يكون يالبقهاوي او بالشغل مااطلع الا يوم الجمعه بيت امي وبالحسرة .