أنا لست معلم ولاكن لا تلومون المعلمين والمعلمات إنهم أبرياء مساكين كاد المعلم أن يكون رسولا .

شنو ذنبنا رماضان؟

الناس بتصوم لو بتراجع في هالجو الحار واذا بصومون يعني مايتسحرون واذا اتسحروا بتخترب نومتهم وبدش لامتحان ١٠٠٪‏١٠٠
دايخ /تعبان / مو فاضي الى امتحان وهالسنة اذا مشوا على هالجدول استلمو الى بعيدون السنة

المفروض يقدمون الحلقه الثانيه الابتدائي بما انهم الاصغر سن و ما بيتحملون مو آخر ناس يخلصون رحموا بحال الجهال الصغار

لا مثل ما تحملنا خل يتحملون

الطلاب غير والمعلمين غير
حتى لو خلصت الامتحانات قبل رمضان
المعلمين بيداومون رمضان كله

انزين مردهم بيداومون في رمضان في السنوات الجاية اني وحدة ما لحقت على رمضان في العطلة كنّا كل في المدارس عادي يعني ما يصير بعد يعطلون الدراسة في رمضان لكم ثواب واجر يا اذكياء اقول تعودوا واتركوا عنكم الخيابة متعودين ع الدلع

لو سمحتون المدرسين تاج علي الراس وماليكم حق في التعليق عليهم لان محد وصل الي اي مستوه في التعليم من غيرهم هم تاج الراس واحنا نناشد،الوزاره بان تنظر في تقديم الامتحانات بشكل سريع حتي لا ينجرح اصيام الاولاد ونتبارك بلشهر الفضيل والله يعوده علينه وعليكم بلخير وطبعا كل المراحل اولاد مايتحملون التعب اشلون بلصف السادس والخامس والرابع لا الرحمه في اطفالنا ارجوكم مع خالص تحياتي الي كل المدرسين

صديقتي سكرتيرة وراتبها ازيد من راتب المعلمين من اول ما توظفت
كان زمان راتب المدرس يضرب به المثل

النار ما تحرق الا واطيها

زاءر

الحين احنا نناقش قضية تقديم الامتحانات اشدخل معلم أو معلمة وراتب معلم أو معلمة؟؟؟؟!! وش هالاسلوب ؟؟!! للحين في ناس تحسد المعلمين على اجازتهم؟؟!! حياك جرب ومستعدة ااتباادل معاك بالوظيفة!!ابتلينا أمراض الحمد لله والشكر والمعاشات رايحة على علاج وعمليات في عيادات خاصة خبرك تأمين صحي ما نملك !!

شلون يقدمون الثانوي الكبار و الابتدائي والاعدادي يمتحنون بشهر رمضان ؟ شي مو معقول شلون عيالنا الصغار يراجعون !

كل اللي قالو (كنا قبل ندرس ونمتحن في شهر رمضان) ماعندهم عيال او مو حاملين مسؤليتهم
صحيح احنا درسنا ولكن كان تعب وجهد جهيد، عشان جذي نرفض هالجدول... وخلونا في السنه وخلو السنه الجايه ع الله ورب العالمين يفرحها....
وياريت من المعلقين اللي عنده كلام يخدم الفئه يقوله واللي له وجه نظر مختلفه لان الموضوع مايعنيه يرحم والديه يسكت..

ردا على الحاسد و الحاقد للمعلم

حرتكم الراتب ترى قليل في حقنا ناخذه و نصرفه على العلاج من الأمراض اللي تجينا من عيالكم

اخخخ

مدرسة رياض اطفال في مدرسة خاصه
راتب لايصل 200 دينار
ودوام للثنتين ونصف
وتعب وي الاطفال
اي راتب اللي بنظر له
وبنداوم شهر رمضان كامل
وزوجه وام
والحياة صعبه ومتطلبات كثيره
ودقي ياربابه. ..

رد على كيوت

المعلمين سوف يدامون لنهاية شهر رمضان سواء تم تقديم الامتحانات او لا
فلا تخاف

قديم الزمان
ع ايامنا كنا ندرس ونمتحن شهر رمضان... وصار فترة ان الامتحان في رابع العيد..

ممكن تعرضون لنا جدول الامتحانات مال الثانوي للجميع التخصصات للطلاب المنازل يستفيدون شوي

ابو جعفر

اكثر الردود من المدرسين والمدرسات عشان ما يداومون ..يعني ما يكفيهم ثلاثة اشهر صيف وشهر ربيع بعد يبغون رمضان ومحرم الظاهر جازت ليهم القعدة الزايدة في البيت..كل موظفين الحكومة اجازة شهر الا هم كانه على راسهم ريشة..اطالب وزير التربية بتقليص الاجازة لمدة شهر في العطلتين عشان ما يكون في تمييزفي الوظائف ..

يا ريت تداوم يوم كامل في المدرسة علشان تحس بتعبهم
اول مرة اشوف ناس تستهزئ بمهنة الأنبياء
ما تشوف شر

الصراحه وادري كلامي مابيعجب مدرسين واجد وبينتقدوني لكن اللي على راسه بطحه يحسس عليهه بعض المدرسين الاقليه على راسي يستحقون كل تقدير
وشكر ضمير والمهنه قبل الراتب لكن الاغلبيه ماهمهم اله الراتب ومو مفتكرين في شغلهم وبدون ضمير واللي على راسه بطحه يعرف روحه ومابعجبه الكلام وبيىد وبينتقد لانه عارف روحه ومايعجب كلام الحق

الظاهر اللي يقول إن المعلمين إجازتهم ثلاث شهور ماعنده خبر أنها أقل من شهر ونصف بالصبف وعشرة أيام بالربيع وأنه بكل بساطة حسب إجازة الطلاب .. لأن المعلمين يبقون في المدرسة لإكمال أعمالهم وآخراج الشهادات . وأتمنى لك وأولادك عمل المعلمين وإجازتهم هني وعافية

الاخ ابو جعفر مدام انك ما تشتغل في سلك التدريس فلا تفتي في شي ما تعرفه .. اولا اجازة الربيع هالسنة بس سبوعين و اجازة الصيف بس شهرين .. و مو ذنبنا اذا كادر المعلمين يختلف عن باقي الكوادر واكيد هذا الاختلاف نتيجة التعب اللي نحصله في هالمهنة و خصوصا من هالاجيال الصعبة اللي اهلهم مو قادرين عليه فما بال المعلمين .. رجاءا لا تفتي من جيسك و لا تنظر للناس بنظرة الحسد ترى عمرك ما بتحصل شي اذا هذي نيتك

مع الاسف اغلبيتكم ينظر الى الراتب فقط وهذا سبب دمار التعليم في البلد

كلامك يحتاج لاعادة النظر فيه

اوكي موافقين خل يقلصون الاجازة بس نبغيك تبادل بوظيفتك مع مدرس ومو اي مادة تختار ... جرب اتدرس مادة أساسية وعقب بنشوف رايك تتقلص الاجازة لو اتزيد مدتها

تعال درس شهر ، واذا صبرت بالتدريس ليك جائزة ، إجازة شهرين
كأنك جاي من بطن امك متعلم ، والمللمين ما ليهم فضل عليك !!!

مع احترامي الشديد الى أبو جعفر كلامك مردود عليك المدرسين اللي أنت وأمثالك يحسدهم على الإجازة بثلاثة أشهر يا ريت تسوي ما يسوون في العمل الوقت مالهم مفتوح حتى لو رجعوا البيت ما يخلص الدوام بل يحضرون ويعدون لليوم التالي هذا أحد الجوانب اللي الكل ما يدري أو يسوي يروحه ما يدري عنه والجانب الثاني المعلم في الصف وخارج الصف عمله في المدرسة والمعلم يتعامل مع التلاميذ والعدد مجهول طبعا ويتعامل مع الآباء والإدارة والوزارة والقرارات اليومية وغيرها من الأشياء اللي أنت وغيرك يجهلها ونقول المعلمين و 3 أشهر

للتوضيح فقط اجازة الصيف شهرين او احيانا اقل واجازة الربيع اسبوعين مع الجمع والسبت

حتى لو تقدمت الامتحانات

اجازة المعلمين لن تزيد او تنقص وثانيا شهرين اجازة الصيف يعني تقريبا 40 يوم عمل هي الاجازة مقارنة بالوظائف الاخرى 30 يوم يعني الحسد كلها علئ 10 ايام والمشكلة الاكبر غصبا عنك الاجازة في الصيف يعني لو فكر يسافر تكون الاسعار كلها ازيد مو نفسكم يوم اللي تبي تسافر تقدم على اي اجازة تبيها
اترك عنك الحسد

بل بل حسود وحقود
اذا قلصوا اجازتهم ، بتزيد اجازتك؟؟
يعني ما بتستفيد شي
الله يجزي العبد على نيته
فخلك صافي النية وشيل الحسد من قلبك وبتسعد
الحسد ما ياكل الا صاحبه
اعوذ بالله
مع العلم اني مالي صلة بالتدريس

من قال؟؟

من قال ان اجازه المدرسين ثلاثة اشهر؟
هي اصلا شهرين ماتتكمل
من بداية 7 الى نهاية 8 نداوم. .؟؟
وين 3 اشهر خافو الله
وبخصوص الامتحانات يقولون بمعده خاليه وين راح السحور. .
والمناهج صدق صعبه بس مو توه يومين ماخذينها طول السنه اكو يدرسونها
درسنا في رمضان والدوام كان في الحر الهجير
وكانت الاجازه يوم واحد ..يوم الجمعه فقط

في كل الحالات المدرس بيداوم خلال شهر رمضان فلا تتعب روحك وتطالب بتقليص الإجازة المشكلة اللي احنا نناقشها هم أبنائنا الطلبة من الصعب عليهم تقديم امتحانات في شهر رمضان

اتقي الله المدرس اجازته فقط ٨ أسابيع
و ما تعرف انت مقدار تعبه في عمله

شهر خمسه يكفي

يمديكم تخلصون مع الطلبه في شهر خمسه احنا امهات وتعب علينا

يومين

ارحمونا وخصوصاً بدايه شهر رمضان تعب على الطلبه اشلون يستوعبون

حتى لو تقدم التاريخ يا جماعة.. السنة الجاية لابد من الامتحان في رمضان

ليش ماتقدمو هل يومين ا يكون احسن

جدول سيئ

فمن الناحية الزمنية،فكيف للطلاب أن يقدموا امتحاناتهم في شهر رمضان؟هذا إجحاف للطلاب؛لأنه من الصعب المراجعة بمعدة خالية،و من الصعب أيضا التركيز بها.ولا ننسى الطلبة المرضى.وأسوأ ما في الأمر الرهبة الشديدة التي ستقطن قلوب الطلبة،والتي سيكون لها عائد سلبي غير مرغوب به في الدرجات ونسب النجاح و التفوق.من الواجب على وزارة التربية والتعليم تقديم الامتحانات أسبوع واحد،فهذا الأسبوع لا يؤثر على العملية التعليمية،أما بخصوص الوقت المعطى لكل امتحان فالرياضيات هو الذي يستحق ساعتين ونصف وليس التربية الإسلامية

الى ٢ رمضان يعني لوي الثانوي قدمتونهم ماتقدمون الاعدادي لازم كل المدارس تخلص في نفس اليوم او حتى على الاقل قدمونا يومين مابينقصكم شي ولا بتنعفس الدنيا على يومين بس والوزارة مابتنقص اي شي اذا قدمتونا.
ضلللللللللللللللللللم

لا اجد اي مشكلة وضرر في ذلك

لو سمحتون يا جماعة الخير.. رمضان لم يوجد للراحة.. فلا ضرر في ان تكون الامتحانات يومين في ايام رمضان.. و انه قرار من الوزارة لمدارس الحكومة.. اوتعلمون ان مدرسة من مدارس الخاصة ستداوم ٢٠ يوما من ايام رمضان؟ ارضوا بما لديكم.. وان كان هذه السنة يومان.. واخروهم.. وانتهى الدوام المدرسي هذا العام قبل رمضان.. السنة المقبلة؟ الن يكون في رمضان؟ كيف سيؤخرون الامتحانات.. لا اجد اي ضرر وخلل في هذا الموضوع.. و بما انهم يومان يستطيع الطلبة ان يرتبوا اوقاتهم كي يستطيعون الذهاب والنوم مبكرا وعدم السهر..
شكرا

لازم الطالب أو الطالبه ما يقدمون الأمتحان بمعده خاليه معروف الشي حتى في ورقه الجدول كاتبين! !

انزين وشلون الابتدائي والثانوي ؟

على الوزارة تقديم امتحانات الحلقة الثانية من التعليم الابتدائي لان مو معقولة الثانوي والإعدادي يكملون امتحاناتهم قبل شهر رمضان والحلقة الثانية صغار السن يلخصون بعد كل المراحل فى 4 رمضان هل هذا معقول يعني راعوا هؤلاء لصغار يا وزارة حرام ذلين صغار أو يعني ذلين موصيكم يعني المفروض هم أولى فى تقديم الامتحانات لهم نرجو اعادة النظر فى جدول امتحانات الحلقة الثانية بأسرع وقت مراعاة لهم ولي أولياء أمورهم

هذي وزارة تفهم

يعني ما نقدر نقدم يومين تعتفس الدنيا والوزارة تتهدم

هم ما يقدمون او يأخرون اذا الله بأخر رمضان كيفه كل شي بأمره

قدمو لمتحانات

جهال صايمين والجو حار حرام عليكم اتقوا الله فيهم يعني ويش صار اذا قدمت الامتحانات تقوم القيامة لا حول الله وجعتون قلبنا هي مو مسألت اعماد يعني

يعني يومين لا تقدم ولا تاخر

قدموا الجدول يومين وانتهينا
هذا جدول مو قرءان
لكن الشي الي يبون يغيرونه يغيرونه
االعكس صحيح

قرار فاشل صراحه بدايه رمضان الكل يكون دايخ مو مستوعب شي هذا اشلون الطلبه بركزون نتمنى من وزاره التربيه التراجع هالمره لصالح الجميع يومين لا بتقدم ولا بتأخر

يمكن الاعدادي صايمين بس ....واهاليهم بعد..
والابتدائي هم واهاليهم من كفار قريش ????

دزوا رمضان شوي لعقب الامتحانات ????

الحلقه الثانيه ابتدائي ؟؟؟؟

نعم

الحلقه الثانيه من الرابع الى السادس

رحيل

نطالب بتقديم الامتحانات للاعدادي ارحمونا لو سمحتو
يا مسؤوليين ارحمونا في شهر رمضان ولكم الأجر
الله يرحم والديكم ..

الرجاء تقديم الموعد

هي يومين ليش ما يقدمون الامتحانات عشان قبل شهر رمضان؟ والحلقة الثانية من التعليم الابتدائي المفروض يخلصون مع الحلقة الاولى ليش يصيرون هم آخر الطلبة دلين اطفال ليش يمتحنون الى ٤ رمضان ما يقدرون البنات مكلفات وصائمات لا يحسبونهم فاطرين وعادي الامر الرجاء تغيير المواعيد في اسرع وقت

هلا هلا !

تمدرس .... لازم تعرف أن السالفة لا تنازل فيها ... 180 يوم تمترس !

الصحيح فعليا 180 يوما " ترمس " يُزجي الوقتَ !!!!!!!!!!!!!!!

كيوت

مرحبا شهر رمضان السنة الجاية بكون تقريبا في شهر ٥ درسنا قبل وتخرجنا وكانت امتحانات في شهر رمضان وكذلك الدراسة ما قلنا شي والحين دلع تبغون اجازة في شهر رمضان

رحيل

والله مانقدر حرام عليكم صيام ومراجعة وين انلحق وشغل بيت وأعمال رمضان راعونا شوي راعو الشعب خففو شوي علينا اﻻ صيام وبعد امتحانات والله حرام وين لهم مزاج الطلبه للتركيز والحل وين؟ ؟

بداية رمضان الواحد يتعب وصيام وجهال حرام عليكم قدمو الامتحانات

موفقين

الله يرحم ايامنا
صغار وصيام وحرر ونداوم المدرسه مو بس امتحانات. . دوام كامل
الله ينجح ويوفق الجميع.

فعلا كان على أيامنا رمضان في المدرسة لكن هناك فرق كبير في المناهج في السابق والآن... أطالب بتقديم الامتحانات كمعلمة وولية امر

الدوام اشوى

على ايامنا كان دوام وصيام بس كانت الدراسة والواجبات خفيفة بس اذا امتحانات صعب بيصير ضغط واجد والجهال صايمين مايقدرون خصوصا ابتدائي وتوا متكلفين