شهرياً هذي الحالة مايجي نص الشهر مصفر

الحمد لله رب العالمين

لا من نهاية الشهر و لا نص الشهر ما يمر تاريخ ١٠ من الشهر بالكثير ١٣ الا المخبى مصفر لا تقولو حق البترول بل قولو هل عندك مصرف للأسرة ان صح التعبير

ويش دراني الناس ماعندها سالفة تطلع تخسر بترول والشوارع كلها زحمة وبعدين يقولون البترول غالي ترس السيارة بترول حق روحة الشغل بس واله عندهم مواصلات مفتكين واقعد في بيتك نام وخلاص للمشاوير القريبة أستعمل سيكل! انتهى الحل!!!

ههههههه

قولوا كم مرة يجي تاريخ ١٠ وانت مفلس

ههههه

واجد

الحمد لله

الحمد لله ما صادتني هالحالة لأن عارف الظروف ومضبط روحي ، بس مستغرب من الناس اللي تعتمد على البطاقة حق شحن البترول، أبي أعرف شلون عايشين ووين يودون فلوسهم !؟؟؟

كل شهر

كل شهر من ارتفع البترول

كل شهر

انا يوصل نهاية الشهر اضرب لفت علشان اروح الشغل و السيارة كله تتنافض من البترول الجيد هدانه ادور حمار اشتريه

خلص الما عاش

كل شهر والله المستعان

انا الحمد لله بداية الشهر اصب فل بترول عقب اسبوعين دينار - والي بعدة 500 فلس وبعدين نهاية الشهر امشي سيكل وبعض الاحيان اتمشى اسوي رجيم وتخفيف وزن نهاية الشهر - واذا طلع المعاش ارجع اصب فل بترول واتعشى مطعم خمس نجوم - ومنتصف الشهر اتعشى سندويش سلف من المطعم فلافل وجبود على روبيتين - صج وسخ الهندي بس متساعد يسلف ويسد الجوع اوقات التقشف - ولو يسلف بعد كش كان شي جميل - وهكذا يمشي الحال - والدنيا قزره يا اولادي - احباب قلبي

الله في الوجود

عايشين أغراب في بلدنا، حسبي الله ونعم الوكيل

بعض العادات في حياتكم غيروها لتوفير بعض النقود للبترول وغيرها

مثلا الوجبات خلوها منزلية ، الي يقدر يرجع بيت ابوه وعندهم مكان ليه يرجع ويوفر نقود الشقة ، المداومة على الصدق تجلب الرزق حتى لو 100 فلسا يوميا ،
بعض المشاوير استخدموا الاقدام إذا كان ممكن بدل السيارة ، إذا كانت مناطقكم متقاربة او في نفس المنطقة ، رتبوا كل مرة دور واحد أتروحون في سيارته لتوفير البترول ، تعلموا كيف توفرون .

انا اصب في السيارة دهن مال طباخ :p
والله لو مو الفيزا جان ما عشنا على الاقل من بعد نص الشهر تغطي الاحتياجات بعدين ادفع اول ما استلم المعاش وكان الله غفورا رحيما

بعد الزيادة ستين بمائة كل رأس شهر حسبي الله ونعمة وكيل

خل ينزل الراتب على الوقت اول
اول ماتدخل بيزات على الشركة ينزل المعاش شهر واحد على الوقت ووالباقي يتبخر والشهر الي عقبه مافي بيزات للمعاشات ومعاش شهر 3 للحين ماشفناه ولا في تاريخ محدد له ......

على طول

كل شهر من يوم انا عزابي للحين كان معاشي 150 والحين تزوجت و زاد معاشي وما تغير الوضع

والله على ما اقول شهيد
سنين اشتغل ونفس الوضعواستلم الراتب اسحبه كله
اوزعه على الجمعيات والديون واخلي لي عشرين دينار بس لنهاية الشهر انعصر عصار هو للتلفون هو للاكل مادري لويش اخليه
قمت استغفر يوميا
اول ما اقعد واني امشي واني اشتغل واني اطالع التلفزيون
الحمدلله تحسن وضعي ببركة الاستغفار لحين مديونة لكن اجد البركة واشتري كماليات

من زاد السعر واحنا نطر بيزات البترول

ولا مرة صار عندي للبترول نهاية الشهر

وقل استغفروا ربكم انه كان غفارا
يرسل السماء عليكم مدرارا
ويمددكم باموال وبنين
ويجعل لكم جنات ويجعل لكم انهارا
.....
عجبت لمن لا يجد قوت يومه ولديه صلاة الليل

لاعت جبدنا صرنا نقعد في البيت وخاصة الي مايشتغلون يعني لابداية ولا نهاية السيارة والله صارة لها اسبوعين واقفة لان افلاس ،، الوضع مضحك في الديرة يعني القهر لو صدق ماعندنا شهايد وكفائة بنقةل ماعليه بس القهر القهر بندخل في حالة نفسية واكتئاب من الي صاير

الحق يقال

جداب الذي يقول يجي نهاية الشهر وما عنده بيزات بترول لان نهاية ااشهر الراتب توه طالع غير ان الراتب يزيد عن الحاجة .الحكومة مي مقصرة كل سنة هناك زيادة رواتب

انا من بعد نص الشهر استخدم لكردت كارد منذ سنتين حتى وصل استخدامي الى 2200 دينار قابل للزياده في حال لم نحصل على راتب اكثر من 400 دينار يغطي متطلبات الحياة المعيشيه الصعبه

الموتر 8 والقروض دبحة وطارت فلوسك يصابر

واجد وهي چت بس على البترول بس اشياء واجد

من نصف الشهر اوقبله

من نصف الشهر ندخل عن طريق الصراف دينار حتى تكمل 10 دينار ونسحبها

١٢ سنه احين من اشتغلت ولا شهر كمل على خير. تاريخ ٢٠ خلاص تمشيها لي نهايه الشهر بتلويص. يا ريوق ما فيه او غذي ما فيه او عشي ما فيه خلوها على الله و الحمد الله.

انا عن نفسي متقاعد وساكن بشقه اجارها 250 دينار وانتظر الفرج لبيت الإسكان فمن البديهي أن لا بيزات بترول ولا بيزات الماجله ولا بيزات بيل الكهرباء موجوده. والحمد لله على كل حال.

خلصنا اسبوع من ابريل ولحد الان لا نعلم متى نستلم راتب شهر 2 وراتب شهر 3

ولد فتيل

الحمد لله انا شخصيا ما صار لي بس أصدقائي و جيراني زملاء العمل شفت منهم الكثير الي مر بهذا الظرف وكل مره أتخيل نفسي لو مريت بهذا الظرف وش راح اسوي

خل ينزل الراتب

احنه تأخير في الرواتب شهر ونص يالله يفكرون يعطونه هل ينزل راتب حق نقول فيه أو لا مانقول غير حسبي الله ونعم الوكيل

بداية كل شهر ندفع السلف واخر الشهر نرد نتسلف. وبطتنا بطت بطن بطتكم

كم مرة ؟

المفروض تقول .... كم مرة خلص معاشك في اول يوم تستلم فيه معاشك؟

كل شهر

كل شهر اشيل ٦٠دينار على صوب حق البترول حاله حال باچي المصاريف شنسوي

..

من ارتفع سعرة

زائر

الراتب حده اسبوع حتى لعيال يروحون المدرسه بدون مصروف نام بدون عشاء وام عن البترول السياره ما نطلع فيها لان ما في فلوس للبترول

كل شهر نهاية شهر اتوهق ماعندي دينار واحد اصب به بترول وأضل محتار اتسلف من عند من ؟ الحالة كشره

المفروض السؤال يكون كالتالي : كم مرك ( جت ) نص الشهر وعندك ( بيزات تمشيك ليوم المعاش )

كل شهر على هالحال اخر اسبوع مافي المخبه ولا شي من زادت الاسعار اندمرنا دمار

.

220 يوم ف السنة

لأنه متأكد بتصيدني هالسالفه ، اشتري دفترين بترول ليي و للمدام من اول يوم راتب للشهر كامل بالأضافه الى دفع فواتير الهاتف و اجار الشقه و مره وحده آخذ حفاظ و حليب للجهال عشان ماتورط نص الشهر لشغله ضروريه لأنه بالتأكيد راح يخلص الراتب

الحمدلله على كل حال ..

إذا في أحد منكم يسلافني من نص الشهر أكون له من الشاكرين

والله احنا في هالديرة دايخين ..
خل تصير عندنا فلوس نامل فيها اول عشان نقدر نتحمل ندفع فلوس البترول.

وله مره والحمد الله

اللهم لك الحمد

سنوات الوفرة كانت سنوات جميله... أما هذه السنوات فهي سنوات القحط لو ما علاوة الغلاء و علاوة السكن كان الحال أصعب جداً ..اللهم لك الحمد.

ولا مره لني مرتب أموري

المفروض تعديل السؤال الى چم مرة جت نهاية الشهر و ماعندك بيزات تاكل.... بعدين نسأل عن البترول

الحمد الله على كل حال

شهرياً هاسالفه تصيدني ????????

عن نفسي اموري طيبة بس اعرف ناس ماعندهم مبلغ لشراء خبز ناهيك عن تزويد السيارة بالوقود

أعتقد إلي من ربعنا ابو راتب 300 دينار تاربخ 10 ماكو فلوس

هههههه مصيبه والله :) كل شهر على هذا الحال، تدور الخرده يمين يسار علشان جم ربيه على بعض تعبيلك دينار جيد يا دوب توصلك الدوام و تردك، و اذا كلش قفلت روح للمحطة و قوله فل و سوو نفسك نسيت البوك و عطه الذكيه ولمه ينزل المعاش ردله و ادفع و اخذ بطاقتك.

البترول والسيارة على حساب الشركة ولله الحمد
لكن لو كان عليي جان تاريخ 20 اتم ابيع جرجير صوب مدخل البديع (:

للأسف واقع

ولله هذا الواقع والا ما يصيده جذي يا مجموع دخله فوق ال ٢٠٠٠ او ال ١٠٠٠ او من ٧٠٠ الى ١٠٠٠

ربعي يشتغلون في ... وجذي حالتهم

ههههه ما اقدر اعلق على الموضوع لان وش نقول وش نخلي

نهاية الشهر

تقصد كل نهاية اسبوع إذا الراتب 300 دينار والشغل فالمحرق وساكن فالرفاع والحسابه بتحسب

المفروض ينعكس السؤال كم مره وصل نهايه الشهر وعندك حق بترول

ولد العوضي

من تاريخ 30 إفلاس

اخ يا قلبي سؤالكم واجد صعب
من ثالث سبوع السياره ناشفه ومافي فلوس للبترول
السؤال القادم خلوه جم شهر كفاكم المعاش ????????

الحمدلله رب العالمين .. احس ان بعض الردود فيها مبالغة احنه صدق مو عايشين نفس الاوادم بس مو لهالدرجه

لهذي الدرحة واكثر ... انا متزوج .. عاطل عن العمل من 7 شهور .. عندي شهادة بكالريوس مع خبره 4 سنوات وللحين مومحصل شغل .. تتوقع اقدر اصرف على بيتي ؟ من اول ماتنزل معونة الغلاء اشتري الاشياء الأساسية .. وتبقى سيارتي بدون بترول واستعير السيارة من الاهل او الاصدقاء حتى اقضي مشاوير الحياة

الله يعين خلوها على الله
مانلحق نحصل فلوس المعاش من صوب والا تطير من صوب ثاني هي مصاريف البيت و اهي للبترول و الله المستعان

مو مزحة صدق هذا الكلام واقعي، مو نهاية الشهر، اصلا في القطاع الخاص الراتب ما ينزل في وقته يتأخر ليه كم شهر... صديقي ٦ شهور بدون راتل، يوم راجع الوزارة قالوا قدم قضية عمالية ما نقدر ننزل لك تعويض ٦٠٪ الا لمن تنطرد من شغلك!
ولليوم لا حصل ال٦٠٪ ولا نزلوا ليه الراتب، ولو ما الله ستر عليه وحصل وظيفة ثانية للحين في حيص بيص

اممممم

كل شهر نفس الحال

نهاية الشهر

انا بداية الشهر ماعدي مو النهايه ان هل شهر لو مو علاوت الحوم ماعدي رببيه حق خبز

يالله بسترك الحمد لله الغرب عايش احسن منه في البلاد

يالله بسترك الغرب عايش احسن منه في البلد

Fatemah

الحمد لله

مسوي ميزانية

أم علي

أقترح يتبدل السؤال
إلى كم مرة جا أخر الشهر وعندك فلوس للبترول .. بيكون أسهل عشان الناس تحسبها .. أما جا أخر الشهر وعندك فلوس للبترول صعبة نعدها صراحة
الله يكون بعونكم ياشعب البحرين

و لا مرة ما جت

الشعب البحراني متعود على الافلاس قبل نهاية الشهر بسبب ضعف الرواتب ، الفرق بعد رفع سعر البترول ان اللي يفلس تاريخ 20 صار يفلس تاريخ 15 .. و حسبنا الله و نعم الوكيل

الچيس خالي يا بوي !!

بصراحة من كثر ما سيارتي (إم تي) أوقات أفكر أخلط البترول بماي چان مثل صابون اللكس!

مرت عليّ سنين ... اذا قرب العيد أكون في ازمة، وأي أزمة عندما لا تجد ما تشتري به ملابس العيد وصحيفتنا تتكلم عن البترول؟

كل شهر

من زاد سعر البترول و قبله اللحم، كل اسبوع عندنا نهاية شهر

رد على زائر 21

انزين غير مو لازم تأكل شاورما أكل سمبوسة جباتي

ضدهم
اويلي على قلبي
حدك اسبوع او اذا كلش قبل منتصف الشهر تنقصف

هههههه

اعكس السؤال اسهل علينا قول جم مره صار عندنا نهاية الشهر مصروف اريوق اولادنا مو بترول بعد

نهاية الشهر

قول منتصف الشهر اقعد بس اتسلف من فلان وعلان واذا نزلت الغلاء والاسكان ادفع السلف والباقي للبترول

شهرياً

كل شهر آخر الشهر ما عندي بيزات بترول و اتسلف و ما ارجع السلف

مرة واحدة

مرة واحدة وكانت مرة حيث كنت طالبا في جامعة الصخير البعيدة وكان الاهل مسافرين

استخدام النقل العام

النقل العام ممتاز وفيه نت ونظيف في الغرب حتى الرئيس يستخدم النقل العام لماذا عندنا حتى الفراش يبغي سيارة خاصة لا تشترون سيارات اي واحد راتبه اقل من ١٥٠٠ دينار لا يشتري سيارة

الحمدلله حمدا كثيرا

صح تغير مصروفنا للبترول لما ارتفع السعر بس الحمدلله ولا مره صار ما عندي فلوس للبترول
و للاسف الكثير من الناس عنده ويقول ما عنده
خلو في بالكم يا جماعه من تفاقره افتقر
قولو الحمدلله و حاولو تسون كنترول لحياتكم و الله ما راح ينساكم ابد

اوووه لاتعد

المفروض تقول جم مرة ظل راتبك لاخر الشهر

هههه

شهرياً ويومياً
عايشين ع البركه البحرينين

شهرياً

كل شهر آخر الشهر ما عندي بيزات بترول و اتسلف و ما ارجع السلف

بحريني

مراااات بصراحه ما أتذكر

الحمدالله

الحمدالله على كل حال أفضل من غيرنا

الله المستعان

الله يكون بالعون

....

بداية الشهر هب نهايته بعد ، ربي يعين

كل نهاية شهر لازم فلوس البترول اتطير ومو شرط نهاية الشهر ساعات من نصه رغم انه من رفعو الاسعار امس اول يوم اشحنها فل ????

حمدلله

ولا شهر مد ا رجولك على قد لحافك

شهريا

شهريا

الحمدلله على كل حال

كل واخد ينظم مصروفاته وبيقدر يعيش وبيقدر يخلي بيزات حق كل شي انه راتبي 250 وعندي مصاريف كهربا واجار شقة و تلفون ووووووو....ومن الأساسيات اني اخلي لو 20 دينار ف السياره حق البترول ويكون خاص للبترول

نهاية الشهر

خلوا الموضوع الجاي عن منتصف الشهر علشان اعرف أرد ؟؟؟

شهريا

كل شهر بس البترول كل شي حتي اعيالي صارو بئسا من كثر ما قول لهم ماعندي حتي صارو ايعرفون متي ينزل المعاش يوم المعاش تحصلهم ينطروني عند الباب

السلام عليكم ..
لنعكس السؤال، كم شهر استطعت ان تكمله و انت تملك فلوس البتروووووول ..
بالنسبة للكثيرين هذا هو السؤال المناسب ..
اعتقد اني كنت في اصعب الاوقات املك النقود للسيارة لانها من اولويات متطلبات الحياة
لكم التحية

كل شهر

أول يوم ينزل معاش اشتري دفتر كوبونات و أعطي الأولاد كل واحد مصروف مع امهم واشتري اغراض مال شهر كامل و تضل عندي 20 دينار تقريبا اقزر بها ☺

بوووووووووو كل شهر

نشتري 6 شاورما ب 4 دنانير والبترول يومياً 2 دينار + مصاريف النت وغيره.. تكسرنا

واااااجد صارت
لا في معاش و لا في بيزات بترول

سؤال وجيه.

ولا مره .

...

المفروض السؤال يكون
كم مرة جت نهاية الشهر وعندك بيزات للبترول ؟!!

وين قاعدين اسم دولة نفطية بس الشعب ميت والمعاشات من أول يوم تطير
الله كريم هو الرزاق
ما جاع فقير إلا بما متع به غني

شكله بتفتحون جمعية الى الا وضعهم جدي او تفكرون تفتحون صندوق سلف حسن

اووووه وايد

قبل لا يغلون البترول اتيي نهاية الشهر وما عندنا انحط بترول
والحين بزوده
حتى اليهال ما خليهم يروحون برادة بس مرتين بالاسبوع

نتمنى خفض سعر البترول للتر الواحد كما في السابق واللحم وغيرها من أشياء ذات السعر المرتفع

الحمد لله

الحمد لله ما وصلت لهذا الحال للآن ...

طول عمري

^

من خلقت وإلى الآن.

من الاسبوع الثاني ،، المعاش٢٥٠

عادي انا اصرف على جميع أسرتي من بترول وكل شي

ولا ألف مرة

شهرياً اخر سبوع مانقدر نشحن بترول حقيقه????

قصدك كم مره اتسلفت قبل نهاية الشهر حق مصاريف البيت والمدارس والروضات والبترول والكراجات خلوها على الله لا تقلبون المواجع

الله كريم

قول جم مره يمر عليك نهاية شهر ما عندي مصروف لاولادي للمدرسه .
المعاش 220 دينار اخده مني ويخلص بعد يومين وقعد انتطر معونه الاسكان والغلاء

الحمد لله

الله يرزق الجميع ويجللنا بستره

طاير

كل الشهر ومحد عنده فلوس بس حسبي الله في ارتفاع الاسعار

كل شهر

ما تنحسب يا الوسط

من كثر ما جت ايام ما عندي فلوس للبترول ما اقدر اعدها ومرة ترست بترول ب 500 فلس

جم مرة جت نهاية الشهر بيزات البترول مافي

لا بيزات والبترول منشفط مايعوق وخلص ونحاول نقصر من مشوارنا حتى يزيد البترول لا حول ولاقوة إلا بلالله

راتب شهري

انا كل شهر سلف على معاشى 50 واكثر

صراحة وايد

خصوصا حاليا .. نحن موظفي الحكومة علاوة المواصلات 20 دينار وفل السيارة 13 دينار
مشواري م وين لوين ادفع فوق العلاوة
ليش ما ازيد الحكومة علاوة المواصلات تزامنا مع ارتفاع الاسعار

خصوصا الموظف الاجنبي علاوته 80 دينار للمواصلات والبحريني 20
قمة الظلم

من يوم ارتفع سعر البترول

الوضع مأسات

من ارتفع سعر البترول ما اضلع مكان إلا وقت الحاجه الملحه

اي بيزات بترول الله يهداكم بس

300 دينار المعاش وينشال منها التأمين واجار الشقه 180 وغير رسوم الروضه حق الولد والبنت والزوجه جامعيه بدون شغل

هلاج

شهرياً كما هو الحال ..

اذا طلع المعاش ندور على الديانه نسلم ليهم مايضل لاكراج ولا براده من مكان لمكان اندور به جنه الرايه يادافع البلا ويخلص تاريخ 30 من الشهر

هههههههه عجبتني الرايه