لاحول ولا قوة الا بالله العلي العظيم

ان لم تستح فعفل ما شئت ...

الحمدلله الذي لايحمد على مكروه سواه , شاهت وجوهكم وقبح الله قراراتكم...

ليتني لم تلدني امي بحريني ...
ابشروا بثورة الخبز ... قريب جدا ... بعدها ...........................شعب جائع خرج للخبز ...

اهم شي ان الرسوم خمسة دينار، حتى الحمالي ماقصروا فيه

أستغفر الله العظيم

طبعا الشغل العدل تعطونه للأجانب ولايوجد قوانين تضبط العماله في الأشغال الي ترفع من مستوى المواطن.. اما الاشغال البسيطه تمهدونها وتسهلونها للمواطن عشان تذلونه...

أرى القرار في مصلحة العاملين في هذا المجال. يجب علينا أن نغير فكرنا تجاه الحمالي فهو عمل كسائر اي عمل آخر.
عندنا في امريكا من يعمل في هذا المجال هم أمريكيون ولا احد يهينهم بل يجازون بأفضل الجزاء المادي والمعنوي.
تفكرينا من يحصر بعض الأشغال على المواطن وهذا لا يبني الوطن.
اعانكم الله يا من تطالبون ب VIP

ابن الأرض يستثمر أمواله في بلده لاكن الغريب في وين يستثمر ماله في بلده الأصلي يعني ويش يطلع من الأجانب غير الخساره

لازم تلزمون العامل الي بعض المؤهلات التاليه
1- الطلاقه في اللغات العبريه والانجليزيه تحدثا وكتابة
2- رخصة سياقه العربانات بكل أنواعها
3- شهاده حسن السير و السلوك من الأجهزة الأامنية ...

حسافه على غصن المشموم ورازقي بحريني شلعوه وزرعوا الشوك والحنظل البحريني مستوى تعليمه جدا عالي مقارنه بتعليم الدول الاسيويه الفقيره ومستوى اخلاقه ما في مقارنه ليش العماله الاسيويه مسيطره على اشغال ممكن بحريني يشغلها ويكون احسن منهم حارس أمن بايع موظف استقبال سكرتاريه وغيرها ليش ما يكون في قانون يمنع توظيف الأجنبي في حال وجود المؤهل البحريني في المهن السهلهً حسافه على لؤلؤ ودانات الخليج شعب البحرين يثاقل بالذهب الله يهدي الجميع ويصلح امورنا تعبنا من نذاله بعض الأسيوين في أشغالنا حقرونا انقذونا

ابارك لكم هذا الانجاز واهنئ الشعب الكريم على روحهم وحسهم الوطني وما اوصيكم في جم شغلة جان تدورون ليها: افضل بائع ماي عند الاشارة.. موظف الخبز تاوة المتجول.. بائع الفاكهة الزقرت.. وغيرها وغيرها وش ظل بعد

ونعم المجلس ونعم القضيه

إن دل على شيء فإنما يدل على العدد الكبير من العاطلين في هذا البلد

بالإضافة إلى عدد كبير من البطالة المقنعة.. تحت مسميات مختلفة ولجان مختلفة وكل مسمى ولجنة له مكافأته وراتبه الخاص.. ولو تم صرف هذه الرواتب جميعها لغطت تكلفت جميع العاملين في وظيفة "حمال"..
هؤلاء الجالسين تحت التكييف عليهم خوض تجربت الحمالي ومن ثم التكلم..!!!
بطالة مقنعة بالإرادة والفعل.. في قبال عاطلين مكرهين ومُعَطَلِين..!!!

الحين جايين نافضين بشوتكم على الناس واجتماع أمانة العاصمة آخرتها هذا التحتاح اللي طلع منكم !! بدل ما تقولون نوفر ليهم فرص عمل أفضل .. تقننون الحمالية !!! احنا ما نبي قوانين وأنظمة وناس تعرف تدير شؤون البلد نبي ناس تعرف تتكلم تعرف تصافف حچي موزون حتى لو چدب اهون من هالنقيصة هذي... واااغوووفاا لله

حسبي الله ونعم الوكيل

احب ابارك لكل البحرينيين على هذا الخبر اللي كنا ننتظره من زمان .. ما صدقنا صراحة جزاكم الله خير ... و بانتظار باقي مهازلكم

ان شاءالله انشوف اقرب الناس لكم في هالوظيفه مع مرتبة الشرف وان الله يمهل وﻻ يهمل والفرج قريب وكل واحد بيكون في مكانه الصحيح

الي وين وصلنا ، الاجنبي يشتغل ويسكن ويسرح ويمرح ، والبحريني يفكر شلون يطلع له لقمة تاكله وتاكل اولاده.

انشاء الله الحمالي في الامانه العامة بحريني امرخص مو اجنبي ايسمونه مراسل من شركة تنظيفات

{وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ }
...

يشجعون البحرينيين يشتغلون حمالية إلى هالدرجه وصل مستوى المواطن البحريني الأصيل بدل ما يعطونه وظيفه تناسبه رواتب يليق به كمواطن !!للأسف الشديدالوضع مخجل ????

حي الله المجلس البلدي والله رفعتو راسنا بس بغيت أقول ليش ما تجربون هالشغلة اول وبعدين وظفو إللي تبونه لان هذي قدركم.... في التوظيف والأجانب منعنشين أقول عساكم ما عشتو .....

صوتي يا انشراح اللي جاي اوسخ من اللي راح

ليش ما تبحرن المهن السهله اللي ما تحتاج خبره عاليه سكرتيره استقبال وظيفه اداريه مبتدا محاسب ميتدا بايع حارس مدير مواردبشىيه. فالحين بس تتمرجلون على حمالين

حسبنا الله على كل ظالم و من شارك في ظلم هذا الشعب

الساعة بخمسة جنية والحسابة بتحسب ههههههههه صدق فشلتونه

بصراحة الخبر فلتهِ' انا سمعت بس فكرت مزحه' الحين الجماعة الي امسوطين ورافعين ايدهم 'يرضون على أهاليهم هذي الوظيفة.

اقترح إلغاء هالمجالس و المراكز الرسمية اللي ما وراها الا المساهمة في مذلة المواطن و توزيع فلوسها على الشعب المحتاج

الله يبلغكم في اعز ناسكم ياللي طلعتوا هالقرار

بعد خلوا الأولية للبحرينيات للشغل في (....)

لاحول الله ، يعني بعد فيها فرق عمل تحسين وجودة ، بس السؤال فيها ساعات تمهن محسوبة !!!

كل الي وافق على هالمقترح

خل يوظف أقربائه أولاً!

الحمد لله ، ياجماعة تفاءلوا خيرا ( بحرنة الحماليين ) اول مهنة تبحرن ، ولولي ياعطياااات

مع احترامي وتقديري لشعبي العظيم شفتوا لوين وصلت المسخرة فينا
حامل ماجستير
وعاطل

حسب ماقال احدالاخوة الافضل لصاحب الاقتراح يجرب هو أول ويعطينا الفيد باك!

حرام عليكم

هذي آخرتها الأجانب يشتغلون في وظائف بمرتب عالي جداً بالاف والبحريني تخلونه حمالي؟؟؟ قهر قهر

حسبي الله ونعم الوكيل على من اكل رزق المواطن

هذي حالة!!

الحين اكيد الشهاده المطلوبه اقل شي ماجستير ولايفوتكم خبره لاتقل عن 15 سنه

السالفة كلها تتمحور حول الخمسة دينار

اوادم تفتر و تطلع الناس على ارزاقها فلافوا على خمسة دنانير من عند الفقير الحمالي
وعلى اساس يتمرر القانون قالوا حمالي نموذجي

ابي افهم لويش ما تسوون لينا النائب البرلماني النموذجي
و تقصون من عند كل نائب 3500 دينار شهريا؟

لو يوم نقص مدخولكم طالعتون الحمالي؟


انذركم بثورة الخبز، احذروا من هالجياع اذا ما حصلوا شي ياكلونه، افتحوا الأبواب و حلوا المشاكل

ليش ما تجربون الشغلة بالاول كم شهر مع راتبها بعدين لين شفتونها تصلح بعدين عطوها الناس..

البحرنة في شغلة حمالي؟؟
هذا مستوى البحريني؟؟

ويبون نحبهم ونرضى عنهم

..هذي الامانه الي اديتوها. ..حفظتون حق الشعب
جامعيين وقاعدين ف بيوتنا الله ينتقم منكم

شكرا لكم على حفاظه على كرامة المواطن البحريني وتكريمه بهذه الوظايف.

الله يبلغكم في اعز ناسكم!!

حسبي الله ونعم الوكيل

الحمدلله الدنيا لحين فيها خير .. و وفعتوا راسنا امام الدول المجاورة و بينتو للخليجين شنو قدر البحريني

متن الخبر يبكي و يؤلم .. يزاحم البحريني الحمالي ؟! وضع ضوابط للحمالي ؟ رسوم و إيقاف و تجديد و بطاقة ؟
البحرين صغيرة و لكن كأن أعضاء الأمانة ملوك و الشعب شحاذ .. ينظرون لهم باحتقار و دونية و يستكثرون عليه عمل الحمالي

الأولوية للبحريني في شغلة الحمالي؟
ما استحيتوا على هالقرار؟
خليتوا الشرطة و الجيش و التعليم و الطب .....الخ الناس معلقة شهاداتها تطالع فيها و هم عاطلين و حن قلبكم على الحمالي؟

اللي صوتوا عيالهم مو محتاجين للشغل ايديهم بماي بارد وكل شي يوصلهم جاهز.... شوفوا الوزارات اللي يدرس من وقت الوزراه لاحسيب ولارقيب

بمشي معاكم بالتي هي احسن .. سؤال يسدح نفسة خلنا نطبق هالخبر على دول مجلس التعاون ونقول الحمالي النموذجي في سوق المباركية للكويتين فقط ولن يسمح للاجانب بمزاولة المهنة حيث عليهم تسليم البطاقة حال انتهاء الدوام .. يركب الخبر يا ناس .. لا ويضحك بعد ههههههههه
بس في البحرين الخبر كلش عادي ويالله عقبال تصفيت السمك وعقبال السوبرماركت واللي يعلبون

انا ابي اعرف، هاذلين مشغلينهم علشان يضيقون علينا والله انا غلطان !!!
والله يعجز اللسان عن التعليق في هالقرار !!!
والله حسافة ، الكراسي الي قاعدين عليها .
حسبي الله عليكم

سفاط السمك

الخطوة الجاية لا تنسون تضعون نظام لعاملي تنظيف السمك ( سفّاط السمك) ورسوم الرخصة عشرة دينار سنويا لأن مدخولهم أكثر من الحمّالي ، وبهذه الطرق الذكية بتختفي مشكلة البطالة في البحرين

هههه حتى الحمالي يبون من عنده خمسة دينار

كل عمل عمل شريف لا عيب فيه ولكن بحرين دولة صغير وعدد سكانها لايتجاوز ٨٠٠ الف ولديها نفط فهل من المعقول لاتوجد وظيفة غير الحمالي للمواطن لماذا لاتصبح الوظائف الاخرى حكرا على البحرينين ! ياللهول ، صدق علي يوم قال : اوال ومابها من اهوال لو كنت طيرا ما حللت على غصن من اغصان اوال

الله كريم وين دول الخليج خل تجوف الرفاهيه اللي احنا عايشين فيها
مواطن وعليه اجار وقروض
بالله عليكم شلون نعيش
الا بسالكم مافي حمالي بارت تايم جوب حق النسوان
رحت ادور جان اشتغل في روضه قالو لازم عندش شهادة في رياض الاطفال ولاااا يطوفكم ب150 دينار ولو مشرفه باص ب60 هذي الستين اتريق فيها ولا اصب بترول????

الحمد لله انحلت مشكلة العاطلين الجامعيين بهذا القرار

ممتاز .. وبعد جهد جهيد وبما ان هناك بطالة رهيبة تحتمت عليهم بحرنة الحمالية.. شكرا لجهودكم المميزة
وعجبتني شغلة الرخصة وترقيم العربات بس ياريت تسوون تأمين اجباري للعربات لأن مرة واحد دعمني بس ماعرفت اقاضي الحمالي .. لأن العربة ماعليها رقم وغير مؤمنة وبعد ما تجمعت الناس هرب وضاع حقي…
يقولون إلا ما عنده شغلة ..
يالله خير وخاتمة خير.

الى من طرح او فكر في هذا الموضوع وطرحة اشرايك انجرب الفكرة على ابوك

ما اقول الا طاح حظكم من ديرة تجيب الخمام والمواطن منطحن ويهان..

الاجانب في البحرين الي محتكرين الوظايف اغلبهم من حامعات معدمه في بلدانهم.. تعليم البحرين متطور عنهم بمراحل ومع هذا هم محتكرين الاشغال يعني موهلاتهم اقل من بحريني بكثير في الواقع ناهيك عن الامراض النفسيه اللي عندهم كونهم من بلدان تعاني فقر وفسا وارهاب للنخاع نحن في ازمه حقيقة نحتاج للتعاون مع بعضنا لحل المشكله بحكمه

من حيث المبدأ اقتراح ممتاز .. وهذا مطلب ملح لحمالية السوق .. باعتبار ان الفري ويزا امزاحمينهم حتى في هذه الشغلة ..
بس سالفت تسليمه للبطاقه و في بداية الدوام وانصرافه وبقية الإجراءات تدعوا للشك هذه بداية خصخصة الحماله.
بالنسبة لتطوير كورنيش الملف نحن في انتظار هذا التطوير. الانارة وتنظيف البحر وتشغيل النافورات وغيرها

حسافه عليك يا بلد اهلك من طيبها تثاقل بالذهب يجي هندي باكستاني من بلد كله عقد وجرايم يتامر على بحريني يذله ويقطع رزقه ويختقره هم شافوا منا كل خير واحنا ما شفنا الاالذل منهم وهم مسيطرين على اقتصاد البلد مع احترامي للاقليه المحترمه من الاجانب الاان اغلبهم يعاني من حقد وامراض نفسيه يفرغونها فينا يحسدونا على بلدنا وخيرها اصحوا عندنا مرض سرطاني ينخر فينا عماله اجنبيه مالها لزمه تحتاج علاج فوري حسافه عليك يادانه الخليج وعلى اهلك ضاع عزك

والله شكرا على هلاهتمام متقولون ولاتحجون ياشعب يلا الباب مفتوح روحو اشتغلو حماليه بلا منازع ولاتقولون مافي وظايف

الله طيح حظج يا امريكا

الحمد لله أول أنجاز ينحسب لمجلس بلدي العاصمة بعد التعيين الحمالي النموذجي حلم كل شاب وننتظر بفارغ الصبر مغسل سيارات نموذجي ل....كما نتمنى من مجلس بلدي العاصمة النظر في بحرنة الخباز والبناي لنعيد أرث أبائنا والنظر في توفير عربانه كهربائية وتوحيد الزي للحمالية على نفقت البلدية وذمتم في خدمة الوطن والمواطن

فعلا اذا قالوا عش رجبا ترئ عجبا
وهانحن ع ابواب شهر رجب الاغر

خووش خووووش.. البحريني يزرع.. والاجنبي يحصد
حمااالي عاد!!
ناس عندها شهادات ويسغلون سيارة.. الحين شهادة وحمالي؟
لاتنسون تاخذون الموظف الحمالي بناءا على خبرته في الحمل والتحميل والشهادة العليا اذا ممكن!
الوضع صار من سيئ الى اسوء
اني اقول لو يكنسلون هالامانة والبرلمان اشرف لينا وعن الخساير.. كله من جيب المواطن اصلا
حسبي الله ونعم الوكيل على اللي كان السبب
الله يجزيهم واحد واحد

أمانة وأمانة هذا اللي قدرتوا عليه!! آقول بق بق
بدال ما تفكرون في ايجاد فرص عمل وزيادة دخل المواطن ليعيش بكرامة.. هذا اللي قدرتوا عليه صج الشغل مو عيب لكن عيب الديرة تهدر ملايين على خرابيط والمواطن يصير حمالي محترف.
قمة الانحدار في فهم كرامة وحقوق المواطن البحريني????

ياريت يكون البحريني ليه الاولويه في كل الوظائف كو بس لوظيفة الحمالي طبعا الشغله شريفه وعاشو منها عوائل، ولكن من بدال من نحسن وضع هالحماليه بأيجاد لهم وظائف بديله بمدخول افضل بكثير نقوم نرزهم في مكانهم ونقول ليهم خلكم في ضيقكم في الدخل المحدود، المفروض تشغلونهم في الوزارات في الديوان وتخلون وظيفة الحمالي للاجنبي لكن العكس هو الصحيح الاجنبي يشتغل في الوزارات والبحريني خلك في ضيقك يوم حمالي يوم تصفط سمج يوم سكيورتي هنود ومجنسين في الوزارات ممرضين فني كمبيوتر محاسب اخصائي والبحريني الجامعي عاطل

وظايف السكرتاريه وحراس الامن والاستقبال وبايع كلها. وظايف بسيطه وكاتب ومحاسب مبتدأ لا تستدعي خبره عاليه لماذا الاجانب مسيطيرين عليها. وذالين ذل خصوصا المدراء الهنود وباكستانيه يحتقرونا في بلدنا الحقوا علينا ذلونا ما يبغون اي خيرللبلد اغلبهم ناس مرضى حقوده

نتقدم بجزيل الشكر الى امانة العاصمة و الحكومة ! المواطن كان ينتظر هذه الوظيفة بفارغ الصبر. نبارك لشعب البحرين حصوله على وظيفة حمالي و عقبال وظيفة منظف حمامات نموذجي.

التضييق على الشعب في كل جوانب الحياة، لماذا؟!
سؤال يحتاج إلى تأمل؟

تفاهة في تفاهة

اي يتناقشون على الحمالي تناقشوا على شي ينفع الشباب على وظائف عدلة يستفيد منها الشاب في بناء حياته
اقول راحت رجال ترفع الدروازة

هذا للحمالي زين و اللي ينظفون الاسماك (( يسفطون السمچ )) ما ليهم رب يعني
حتى في هذي المهزلة تمييز بعد ھًٍۂْھًٍۂْھًٍۂْـ(????)ـھًٍۂْھًٍۂْھًٍۂْ

مبروك يا مواطن هالشغلة العدلة
أقول لاتنسون الفحص السنوي على العربانة ودفع رسوم الفحص بعد. ديرة تزرع جح يطلع بصل.

زادوا الحمالية بديرة ماشاء الله على ديرتنا

الي اقترح هذه الفكره ة صوت عليها ويش رأيك انت تشتغل هذه الشغله والي ترضى إلى غيرك مفروض ترضى إلى نفسك بعد

الحمد لله، كنا ننتظر بفارغ الصبر هذي القوانين السنعة اللي تعبوا النواب عليها واشتغلوا وتفتقت عبقريتهم بها

الله يا دنيا احنا عندنا بكالريوس 8 سنوات عاطلين عن العمل ونشوف التمييز في التوظيف بدون شهادات يتوظفون في الوزارات واحنا اخرتنا نشتغل حمالية وباشتراطات حسبي الله ونعم الوكيل

بصراحة انجاااااااز رااااائع يخدم المواطن ماقصرتوا طيب وماذا عن الوظائف ال ،،،،،،

مايجوز ذي كﻻم مواطن يكون حمالي صج شغل مبو عيب بس كرامة مواطن فوق كل شي. شقول عنا الخلجيين لما يشوفون حال مواطن وصل إلى هذي درجه.

ترقبوا قريبا الإصدار الجديد لمسرحية الحمالي من تأليف كتابات زوار جريدة الوسط وتمثيل البحراني الأصيل إخراج أمانة العاصمة في صالة السوق المركزي

قمة الاستهانة بكرامة المواطن.

كنت أعمل في هيئة حكومية، تضاعف عدد الموظفين أضعافا كثيرة، أغلبهم أهل وأقارب، بدون اعلان وظيفة طبعا وبعضهم بدون مقابلات، توظف طائفي بإمتياز، قدمت شكاوي عديدة لعدة جهات بالوثائق، لكن لا فائدة، وعمك أصمخ!!!!! أما أنتم المغضوب عليكم، ليس لكم إلا الله.

تخصصي اداره اعمال والموارد البشريه وثلاث سنوات مو محصل وظيفه...يلا ماعلا خلوني الاتش ار مال الحماليه ههههههه ...شيل علييييه

هههههههههههههه ضحكتني الله يرزقك من اوسع ابوابه

عندي دبلوم تقنية معلومات من جامعة بحريني بوليتكنك، اعرف اركب جي بي اس في العربانه اذا احتجت موظف

هذا مصير المواطن في وضح النهار ،، وصلنا لحال انه الحمالي وظيفة رسمية يعني بشكل غير مباشر كلكم روحوا اشتغلوا حمالية ماليكم وظايف

تبا لي كبحريني هكذا تهينون الشعب البحريني ...

عيب عليكم.. الحمالي ليه اشتراطات والموظف ليه واسطات

وهل يقبل هاذلين الي صوتو ان يكونو ابنائهم حماليه ؟ في عطله الصيفيه لو ما الحاجه ما اشتغلو ...

بالإجراءات القانونية والإدارية والتنظيمية >>>>> مو حمالي على باب الله يشتغل اعتقد بيشتغل في البنتاجون ,,, سد الله باب رزقكم

بدل ما تقولون مافي شي اسمه حمالي وتوظفون البحرينين الا هناك في وظائف لائقة. تطورون الشغلة الى ليسن حمالي هههههه، وش هالسالفة الجديدة ، ياحمالي عندك ليسن

الحمّالي يشترط فيه أن يكون بحريني بينما إذا وجد مثلا مدير حمّالية فلن تجد لهذا الشرط أثر!!

وحتى هذه الوظيفة المتواضعة البسيطة يشاركهم البنغالي بدون قيود عليه وكفيله هامور ولن يمس البنغالي والمواطن عليه رسوم 5 دينار وغرامه وفك واربط وسلم بطاقة وسجل حضور وانصراف .. يقعد طرار اشرف له ! صدق قلة رجال وقلة وطنة تتجسد في الحكومة بكل كادرها .

{وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ }

هذا قدر المواطن ....

عسى الا اقترح هالاقتراح يارب نشوف فية يوم يشتغل ...

زيدوا في ظلمنا ففي ذلك نهاية لكم يا حكومة التمييز .... تظنون ان في ذلك قهرٌ لنا !؟ ...بل أنكم تزيدوننا اصرار وعزيمة على المواصلة في درب النضال السلمي حتى ننتزع كامل حقوقنا

الان الاجانب محتكرين أغلب الوظائف المرموقه في الشركات وبرواتب فوق متوسط دخل البحريني بأضعاف ... يعني تبون تقولون حرام الاجنبي يشتغل هالشغله لانها ما تناسبه وتناسب البحريني فقط .... لكم يوم يا حكومة الظلم والتمييز

لن تستطيعوا إهانة مكون كبير سنفضحكم أمام العالم ولكم وعد لاثقة فيكم ولكم وعد سننتزع حقوقنا طال الزمن أو قصر وسنقلم أظافر ظلمكم

السالفة ومافيها هالخمسة دنانير. ما تحملوا يشوفون واحد يشتغل من غير ما ياخذون عليه جارج. شلون تشتغل وماتدفع لنا مايصير.

طريقنا طويل لكي ننتزع حقوقنا وهذه الوظيفة باستطاعتنا تحويلها إلى حراك شعبي سلمي بوضع فئة كبيرة في خانة التمييز والتهميش المتعمد من يملك القرار انا جامعي عاطل مند سنوات طويلة ساتوجه للتسجيل ستكون شهادتي على ظهري وعربتي ليعرف العالم حجم الظالم الواقع علينا رب ضارة نافعة فاستعدوا يابلدية وياكبار

افضل فكرة لحد الآن ... وانا حانلة بكلوريوس ادارة اعمال من سنة 2008 لكن الله العادل المنتقم العالم بالحال الله على كل ظالم والدنيا تدور.

لن يقف حراكي السلمي حتى انتزاع حقوقي وإلغاء التمييز والتهميش الغير مكتوب عار عليكم كلكم كباركم وصغارهم الذين هم انتم هذه الوظيفة

ان لم تستح افعل ما شئت

يعني الحين انتون مسوين روحكم مطنزه للي يسوي والي ما يسوى روحوا جوفوا الشركات الاجانب محتلين الوظايف ورواتبهم بالهبل ما قلتون احتكروا الوظايف للمواطن ! يعني هذا قدر البحريني الاصيل ؟؟ حمالي يا .... بسكت احسن لي

الصراحه هم اخبر. لانه لا يصلح لهذه المهنه الا البحريني متدرب جيداً على هذه المهنه طول عمره وهو حامل بلاوي الدنيا على ظهره . الله ليك يالبحريني

بسكم هرار عاد

الوظائف للأجانب ولفئة معينة من الشعب وحرمان ابناء طائفة بشكل متعمد من التوظيف
وبعدين تقولون ما في استقرار

الحين ماحصلتو شغلة تحتكرونها للبحريني الا حمالي؟ حاولت أفهم ليش بس الظاهر السبب يمكن يكون دعم السياحة..!!!!!

الله ف عونك يا شعب البحرين

العمل ليس عيبا ولاكن هل هذا الاقتراح يرفع من مستوى وكرامة المواطن

والله عيب

انتوا ما تقرأوا الجرايد
وظائف برواتب تفوق ٢٠٠٠ مسيطر عليها الاجانب وجايين تبون البحريني يعمل حمالي ،لا وبرسم خمسة دينار وفيها مخالفات وتوقيف رخصة
روحوا للهوامير
شوارع خراب وفضيحة ما سحبتون رخصهم
مشاريع معطلة ما سحبتون رخص
مخالفات بالهبل عند التجار واصحاب الملايين ما وقفتونهم
الفقير اللي يترزق الله
توقيف
وسحب رخصة
وخمسة دينار
اللي تعالوا
وش سالفتكم ويا الخمسة دينار؟؟؟

اعربي

رحم الله والديك، انا اشهد انك ولد حمايل. والمسؤولين ذهول كلهم عديمين مروة

مقترح جميل

بس ان شاء الله للمواطنين

حديقة ستره بلا حمامات

اينكم عن حديقة ستره الكبرى لايوجد لديها أنارة
ولامرافق مياه

ولد فتيل
العمل الشريف ما يعيب صاحبه بس لما ينهان الموطن في وطنه هذا هو العيب يعني الحين من بين الاف الوظائف ما حصلتو غير الحمالي الي تناسب البحريني المتعلم المتفوق الخلوق الطيب المتواضع ان يحتكر هذه الوظيفه

وأخيراً ... ألف مبروك يالبحراني الأصيل .. جاك الخير وبعد أمل طال انتظاره تحققت آمالك في العهد الزاهر وأصبحت مهنة الحمالة حكراً عليك .. الفال ليكم يا عمال البلدية .. شوية حيا ..

انا من رأيي ايضا تلزمون الحمالي التقيد بحزام الامان والزامه بالتجديد السنوي للعربانة والتأمين