الا تتنازل عشان مسكين .. و عقب يطلع طايح حظ و ابو بنات ؟ شتستفيد ؟
لا هي الا استانست ليله العمر و لا الا عيشها حياه كريمه
على الاقل لو سوت ليله العمر اكي استانست يوم واحد

اي والله فيه نسوان ما يتطلبون ورجالهم يحطونهم فوق راسهم وفيه نسوان ما يتطلبون ورجالهم ترخصهم وتعيشهم في فقر مع انه المادية زينة وكل سنة يسافر ويفلت المرة في بيت الابو .. مو كل من يستاهل نضحي عشانه هالزمن تطلبي وعيشي حياتش من الاول عشان يعرف قيمتش لا ينهضم حقش

انا ضد الصرف والفشخرة في الاعراس ولكن بعد اقول اذا البنت في خاطرها شي خل تسوويه ولا تحطه في خاطرها لان رجال اللحين ما يستاهلون الواحد يداريهم ويطبطب عليهم لا اللي مداريتهم مرتاحة و لا اللي شالنة ظهورهم مرتاحة فسوو اللي خاطركم فيه وبس سلامتكم

ام زينبي

الحمدلله كل واحد يمد رجوله على قد لحافه ماليه داعي الفشار هاي من ناحيه الصاله وتلبوفيه وهالشغلات لكن بعد لازم الرجال يعرفون نقطه ترى الحنايات والصالونات يقصبون الظهر نفس الحفه ونفس الخيط بس يدرون انج عروس يزيدون السعر دبل عبالهم العروس على بنك

!!

آخر محصلة لمصاريف الخطبة وصلت لسبعة آلاف دينار ، هذه فقط مصاريف عقد القران والمهر المعادل والحفلة والشبكة وطلبات العروس، لم نحسب تجهيز السكن من أثاث وخلافه ، من جذي كثير من الشباب يتأخر في الزواج وبعضهم يلجأ للأجنبيات

صراحة

زواجنا تقليدي تخرجت من جامعة البحرين وما في وظائف اشتغلت في المركزي وحدي جمعت ١٠٠٠دينار بمساعدة خواتي واتقدمنا وكنا خايفين من الطلبات قال ابوها واعمامها تشتري رجال يصون بناتنا وبس وظلينا خايفين يوم عن يوم نفاجأنا ما في حفلة عقد للرجال لبست العروس فستان بسيط والمهر ٥٠٠ بدون مؤخر ولا شروط وقلنا بنروح نشتري الذهب الأهل ما رضوا قالوا ما نتكلم في الهدايا عطونا قياس للدبلة وسألناها قالت سادة مثل دبلة أمي قلت لامي الله يبلغنا رضاش يارب وقررت منها انشر ثقافة عمي عند تزويج بنات العائلة وبناتي

أمانةً التعليقات توضح لنا مدى ضئالة الفكر في مجتمعنا. قرأت جملتي "ليلة العمر" "الليلة التي تطمح لها كل بنت بعد صبر وجد ومثابرة" كثيراً. سؤالي الى الذين كتبن هذه التعليقات، بالعامي: أنتوا من صجكم للحين تتكلمون وتفكرون جذي؟ قمة الرجعية تكمن في حصر كل طموح وأهداف حياة البنت في بضع ساعات من الفرح وفستان وأكل وديكور! بدل لا تصرف ١٠،٠٠٠ دب في تكاليف الحفلة والفستان مو أحسن لو سوت شي ب٢٠٠٠ وخذت الباقي عشان تحقق احلامها وطموحها الفعلية نفس مشروع تجاري أو دراسة لشهادة عليا أو أي شي أخر مفيد؟

ردي على زائر 121
اي رجعيه بس بفهم؟ اذا الناس بخير وعندها فلوس وال 10 الاف مابتاثر شي في حياتهم
ومابينقصهم شي لين سوو
خل يسون شعليكم انتو لاتسوون خشو فلوسكم للقبر ههههه

اي والله هكو انا من شهر للحين احاول اوفر المهر رحت الجمعيات بعضهم ساعدوني ماقصرو..والحين خلاص قررت اخد قرض .. حق اعقد واسوي الحفلة الله بفرجها علينا..

عليك بالعآفيه يا ابو عبد الوصي

نعم فانساء هذا الزمن مخررررفين رسمي ولا يفهمون شيئا غيرا الصحة والجمال والريجيم والموضة !!!! ولا يعرفن الفن أصيل في انهم يطبقون المثل اللي يقول شيلني وأشيلك !!!!! يعرفون المثل اللي يقول انا القاري وانته الحمار سير

ربينا وربينا وصرفنا وسوينا وعلمناها وكبرناها وفهمناها وسويناها ؟؟؟؟؟انزين وبعدين ؟؟؟باقي بعد تحملنا فيها وطعمناها واكلناها زين مازين وصارت مربربة اي صارت مربربة حق القصاب يوم عيد الاضحى الله يهداكم بس شبهتونها ب........ اعزكم الله

عندنا مفهوم الزواج خطاء من أ الى ي من شروط القبول والموافقه على العريس الى المصاريف المبالغ فيها والي ما تتناسب مع واحد توه في بداية مشواره

العرس لثنين والغربال لمليونين ????

قصة واقعية ...احيانا العمة لهادور في قصف العمر

للتو خرج الشاب من السجن ، ليخطب ماتمناه قلبه
لتصر أم خطيبته الا أن يكون المهر 2000 والملجة في مأتم وصادف تلك الليلة احداث في القرية ولم يذهب الا قلة وأن تكون الحفلة في صالة كبيرة ، ثم يتوفى شخص وتؤجل ثم تلغى ! أكرر للتو خرج من السجن فماذا يملك! ، السبب هنا العمة فكلاهما الخطيبان صغارفي العمر وأهل المعرس لايريدون كسر قلب ابنهم

والله الي ياخذ وحده شروطها تعجيزيه وياخذها خروف اسمحوا الي يامعشر الرجال ع هالكلمه مانته مضطر فيه عشره غيرها ليش تااخذون نصكم الثاني بس ع شكل او نزوات حب وياما قصص حب فشلت ..
صدقوني مثل مافي بنات من هالنوع في البنت القنوعه كذا مره سمعت ان وحده طلبت القليل وهكم عايشيين سعداء وجه السعاده بالفشار في الصاله الفلانيه او الفستان بأنامل مصمم مشهور استغرب الي عنده مايخالف عليهم بالعافيه بس ليش هالايام نسمع بموضه حفل استقبال وبطيخ وتعزمهم وغصب هدايا والي ماعنده مايروح وياما ناس تقترض قروض خياليه ......

الحمدلله الوالد لم يكن يهتم لكثرة وغلاء المهر، أهم شي أخلاق وسلوك الرجل ، وكذلك عن نفسي لا أحب إرهاق شريك حياتي ،لأن المشاكل المادية بتعود للزوجة في الأول والاخير والحمد لله زوجي ذو أخلاق ودين وكانت ليلة الأجمل في حياتنا ولا زالت، ولم تكلف شي وحتى المهر رجعته لشراء وتأثيث المكان ، ربي لا يغير علينا

اني بعد نفسش

السلام عليكم و رحمة الله و بركاتوا
تحيات العطرة لكم
اليوم اريد اخباركم ان تضيفوا التعليق جميل

عايش في الخارج ومتزوج من أجنبية وبيتنا للحين مو راضين. ولاحد سعفني. وعايش مرتاح و بدون مشاكل بس من ناحية أهلي. بيتهم يتفهمون الإسلام وهي دخلت الإسلام و تحجبت بس زوجة أخوها للحين مو مقتنعة بالحجاب. و مادفعت إلا 3000 دولار مهر زوجتي و عشاء في مطعم على النهر يمكن لعشرة أشخاص بينهم الشهود كلفني 350 دولار. وراعي المطعم شغل موسيقى و اللي في المطعم قاموا يباركون وهم ماهم معزومين. وتصوروا زوجتي تريد أن ترى النجف وأهل زوجتي حتى غير المسلمين متيمين بحب الإمام على وهو سبب تعرفي على زوجتي. أبو عبد الوصي.

المشكلة أن مفهوم ليلة العمر خطأ وإذا رفضنا التكاليف الزايدة فهذه عقلانية مو بخل لأن هذي الليلة بداية الحياة الزوجية وإذا بنا مخلينها هي بعينها الحياة الزوجية سبحان الله وبعدين يبقى الزوج مديون سنين علشان لا يقولون بخيل ولكن ما يخالف يصير أحمق علشان عيون الناس يعني لمتى نتوارث الأمور الباطلة والمفاهيم الفاشلة

رد على زائر 80

الحال يفرق عن حالنا احنى عندنا إلا عنده دبلوم معاشه 350 دينار إذا ذبح روحه و انتون تتكلمون عن 100000 دينار تكاليف زواج عمره ما تزوج الواحد ولا يخلي عليه قروض هل كبر عشان يوم واحد و يتعذب سنوات هاي إلا يقدر يقول عنها الواحد عقول ناس متخلفه

تقليد أعمى
لا ألوم البنت ولا أمها ولا الزوج (كلهم غلطانين) لكن السبب هو المجتمع خصوصا في الخليج بسبب سياسة البيت المفتوح ولأن الوضع الإقتصادي يتطلب ندخل ناس من كل الدنيا لبلانا صرنا بس نشوف كل ديرة شيسوون لزواجهم وانطبق بدوها بسفرة العجم وبعدين عزيمة المواسة و و و وما بنخلص كل ما شافو شي غير مع إن دخيل على المجتمع لكن المجتمع نفسه صار يروج له.. كلها ثقافة خاطئة والمصيبة نسينا هويتنا في وسط كل هذا واقل تعليق على صور اي زفاف من دول الخليج ... وين هويتكم وفي النهاية خساير عالفاضي

ليلة العمر وزوااااج العمر ♡♡♡
بصراحه كلشي جه منهم و ماطلبت ولاشي
كانت حفلتنا في فندق كلفتنا 10 الاف دينار
والمهر 2000 والطايح 800
ذهب 1500
شهر عسل
شقه ماثثه
وماعلينا قروض
الحمدالله
كل ناس ومستواهم اذا ناس بخير ليش مايسون ويستانسون
واذا ناس على قد حالهم لايسون شي

بالضبط اتفق وياش وهذا الي اقوله
اذا الشخص مقتدر ليش يقصر على زواج ولده او بنته
لكن الي ما عنده ويبي يسوي شي خيالي هني المشكلة

كل يوم مصيبه وبدعه وزيادة مصاريف

لو تخلي النسوان على كيفها جان شهر كامل حفله وﻻ يشبعون موتهم يتعدلون ويلبسون ويراوون بعضهم ما قاتلنهم اﻻ لفشار والتخبل ..

و الله تزوجت بمهر بسيط و حفلة بسيطة جدا و الحين ام ل 4 اطفال و زوجي الله يحفظه مو مقصر .. التبذير مو مقياس و ثانيا ليلة العمر القصد فيها راحة الزوجين و دخول حياة جديدة و ليس الفشخره و الكلام الفاضي .. مهري كان بسيط و ذهبي ب 170 هذا بعد كنت ما ابغيه بس قالو عروس لازم ذهب و في النهاية اللي بتتواضع بتتزوج و بتعيش مرتاحه و زوجها بيقدر انها ما كسرت ظهره على طلبات فاضيه عشان تفوشر قدام الناس و اللي كسرت ظهر رجلها بيعيش يدفع قرض ليلة العمر سنين و بيضيق عليها بسبب الاقساط .. من ترضون دينه و خلقه فزوجوه

سويت أزيد منش

مهر ماخذيت
ملجتي بيتنا
شقتنا اني رممتها وتأثيث بعد
وسافرت بفلوس من عندي بعد
والسااااان هالطوووول
وأمي نصحتني ولا سمعت ليها
وحتى أخته كلمتني وكانت تبغي حفله وحفل ولا رضيت
لو يرجع ابي الزمن
بالمره ما اعرس
مافيه إلا صراخه
وابتسامته ما تطلع إلا تاريخ 26 من كل شهر
في رجال يستحقون
أما إذا نفس زوجي يعتبره استرخاص
رخصت بروحي ومفكره انه بيقدرني

مهري 500 دينار
و الذهب 600
ليلة العرس في الماتم و مافي أحسن من مباركة أهل البيت

ليلة عمر بالنسبة للزوجه فقط والله من زود الضغوط والمصاريف مانه عارف أتصنع الابتسامه في التصوير، و كل ما تقول هالفلبينيه سمايل اكشر أزيد، وصرت أكره أصور في أي مناسبه لأنها تذكرني بهالأيام. وآخرتها تجيك المدام تقول يا ريت أقدر أعيد هالأيام .... 3 سنوات وللحين مانه قادر أثث الشقه!

الموضوع يبليه توجيه عقول البنات اولاً وامهاتهم قبلهم.. ترى البحريني شعنده الا حاطين في راسه ليلة العمر وهرارها اللي اصرفه على الناس وبالتالي مايعجبهم , ولا بيعجبهم اي شي تسويه لو تنزل ليها القمر مايرضيهم . فيا امها اقتنعي واخدي رجال واتركي بت فلانه سوت كذا وكذا وقيمة بتش مو في شوية ليتات زايدة او اصباغ مزقرشة او مهر بهالقيمة , بدل ماتقولين ليلة العمر , قولي اخدنا رجال يحميها طول الدهر, ترى والله الفشخرة مابتنفع يوم اللي يوتعي الرجال من الكف ويصحى تاليها مشكل كبيييير

قصفة العمر
استغرب من البنات اللي يدافعون عن الموضوع و بعضهم يلومون الشباب لانتقادهم الموضوع.
خل البنات يدفعون الاشياء اللي تخصهم والرجال يدفعون اللي يخصهم. جان يسكرون صالات الحفلات في جم شهر. الصالونات نصها تبند.
تره بس العرب عندهم جدي باقي العالم كل واحد يدفع عن روحه..

ضحكتني
من قالك ان كل شخص يدفع عن نفسه
يحطون ميزانية مسبقة ويخططون لكل شي
احمد ربك هني ما يهتمون بالورد نفس ذيلاك
جان بتحط ميزانية 500-1000 دينار للورد بعد
قال كل واحد يدفع عن نفسه قال

عندي ليلة العمر انا

خطوبتي المهر كان 500 والطايح 600
وسطح البيت هو المسرح
واستانسنا وللحين مستانسين
وتكلفت هذه الليلة من غير المهر
الذهب 350 دينار
الوجبات 120 دينار
والعصير 20 كارتون
هي للنساء
أما الرجال
المآتم منشحن حده ودخت من التبويس والمبارك
كان مكسرات كلشي بيمين و 50 كارتون عصير
وشكرا لكل من بارك لي زواجي

اي سنة متزوج خوك؟

القناعه وبس

الحمد لله زوجت بنتي بمهر وقدره 140 دينار فقط بمحض ارادتها ودون اقناع من أي احد وبعد الزواج كافئها زوجها بزيارة الى الامام الرضا ع وأكي حامل وبتجيب لينا اول حفيد وعمرها لا شكت من شي قاصر ولا شئ

ويش هالهم.. الواحدة تنسد نفسها عن الزواج بسبب النفسيات..
اذا ما فيكم شدة زواج ارتاحوا
يعني الوحدة تتعب على روحها دراسة وسهر لين ما تحصل شهادة جامعية وشغلة زينة..
وسي السيد يبيها مرتبة له بدون حتى ما يفكر بمشاعرها واحلامها والليلة اللي تطمح لها كل بنت
وبعدها لين تزوجوا الراتب كله راح ينسحب منها حق مصاريف وغيرها
اكو في السعودية اعراسهم تكلف بالعشرة آلاف دينار فما فوق
الخدم لين جبتونهم يكلفونكم مبالغ ضخمة والمرأة مستغلينها تخدمكم وتربي عيالكم وتاخذون راتبها وتبخلون عليها بليلة؟!

خخخخخ
اي احسن انتو لو فاطمه بنت النبي محمد !!
مع العلم فاطمه الزهراء لاحد يتوقعها. فقيرة
امها خديجه من اثرياء قريش
سوت عرس حالها حاله الناس مو ازيد من الناس
وانتو تتحدون الي تسوي ازيد
خيسو في بيوتكم

اذا صرتون رجال نفس علي بن ابي طالب.. ذيك الحزة اطلبوا زوجة نفس فاطمة بنت محمد
ولعلمكم ايامهم كانت الذبايح سبعة ايام
مو ليلة واحدة وقاتلين انفسكم تبون تكنسلونها

عجل خلك في بيت امك ويا شهاداتك لا تقولين تبغين زوج

في الصميم

تزوجي و روحي تونسي مع فارس الأحلام في شهر عسل أبرك من هالبهرجه اللي ما ليها هدف غير وناسة الغير

عجل روحي السعودية وتزوجي هناك والزواج مو شهادة جامعية وسهر لو الزوج ماخذ وحدة ثانوية وتقدر ضروفه احسن من الجامعيات الي تقصف عمره بالديون

السعودية

ياللي تتكلم عن سعودية هناك المعاشات مو نفس معاش عندنا اهنية و اهنية عندك دبلوم و معاش 350 من وين 10000 دينار
و انا مجنون عشان اعرس ب 10000 دينار

اعزب ،

تتكلم عن السعودية ان يوصل إلى 100000 هناك الحال احسن من حالنا و احنا متعلم و عنده دبلوم و معاشه 350 دينار من وين يجيب 100000 دينار حق زواج مالكم ، بعدين يقولون شباب ليش ما يعرسون خل شي بمعقول يعني

ليش تعطية راتبش ؟؟؟؟مو من حقة ياخد راتبش !!!!!!!

تحلطم ونقد في الجريدة وفي أماكن اخرى

بس اذا جينا للواقع احنا اللي قاعدين نرتكب الأخطاء
اعرف وحدة من ماتم بمأتم وإذا الناس تكلمت عن مصاريف الزواج دخلت روحها تنصح لا تكلفون على الشباب وضعهم يعور القلب
لكن يوم جا خطاب حق بنتها
بس الخطوبة ثلاث ليالي
الملجة عشا في ماتم
ليلة الحنة مع سفرة العجوليلة الخطبة حفلة في صالة شكبرها
والمعازيم في هالثلاث لا تحجي عن عددهم
ويش نقول

قل لن يصيبنا إلا ما كتبه الله لنا

اني على ايامي قلت إذا الله رفع حظي باخذ مهر 800 دينار وما ابي طايح بس ما الله كتب ما صار لي نصيب الحمد لله على كل حال

هنيئا ليكم أبغض والله يعطيش فوق نيتش وإن شاء الله تتوسع عليكم لكن خلش صبوره

جاااب????????????مابي اشوف ولا بنت تعلق في هذا الموضوع كل وحده اطم بوزها لا بارك الله فيككم .. ايي مهر مليون وبي ذهب ابمليون ابي بيت فيه برجه .ابي سياره كشخه نفس بنت عمتي . ابي اسافر ابي ريح البين في عمري لابارك الله فيهم من بنات الحين آخر شي مو كفو تقلي بيضه . عمبالهم احنا ولاد الباليوز

..

على ويه الفشخرة الزايدة الى تقصف العمر الرجال
اللي مو قادر افهمه البنت مهرها اللف والصالة اقل شي الفين
الصاله اغلى يعني

اعرف بيت اذا جو حق بتهم يقصفون الرجال قصاف من الشروط عادي لو يسوي ليها المستحيلات بس يوم جو بيخبطون حق ولدهم يوم بس البنية طالبت مسكن ومصاريف وفستان قالو عنها لا واااجد وااااجد أخذت الحين انتون مارحمتون الرجال الي جه حق بتكم يوم جه دور ولدكم قلتون واااجد وش هالحاله

خل اللي تبي تفوشر خلها عند أمها ..مشكلة بنات اهني كل وحدة تطالع رفيجتها شنو سوت وشنو فعلت مايدرون الشباب وعليه عليهم يموتون على ماايمعون لهم جمن بيزة لامعاشات عدلة ولاشي. واتييك البنت باردة مبردة حاطه ريل على ريل وتقعد تصف من هالطلبات.

لست هنا بغرض الدفاع عنا كنساء فأنا اعترف بأن مانفعله خاطئ وناتج عن عده عوامل منها ضغوطات الاهل ..حين خطبتي مثلا رفضت الكثير من الطلبات ولم اكن مقتنعه بها اصلا لأجد اهلي لي بالمرصاد : غيرش مو احسن منش ماتاخذين ذهب..وبنت فلان وبنت علان سوو ليها ليش بنتنا غير..والكثير الكثير الذي اضطرنا للرضوخ لهذه الطلبات انا وزوجي فقط للملمه الموضوع والابتعاد عن المشاكل!!
عامل آخر جشع محلات تجهيزات الاعراس من صالونات ومحلات تأجير فساتين و.. فالمبالغ التي يطلبونها خياليه جميعهم بتفاوت الارقام !!

خرابيط زايده عن حدها وكل يوم بدع زايده

شنو حفلة استقبال وحفلة .. وخرابيط ..وكل مررره زادوا ليله على ليالي العرس ..وفنادق وصاﻻت فخمه ما في احد يقتنع ...والله سنبتلي بالمجاعه والفقر ادا ظل حالنا على هدا ..

طلبت خطوبة خاصة كلش بين بيتنا وبيتهم وانسويها في بيت ابوي بس اهله بغوها عامة وفي الزواج قلت له هالفلوس الي بنصرفها في الزواج احنا اولى بها نسافر مكان سوريا اوفر وفي نفس الوقت هو شهر عسل زوجي مارضى يقول انا اول ولد عند امي وابوي مايصير مايسوون لي عرس
الي ابغي اقوله ان مو شرط العروس الي تتطلب احيانا اهل المعرس

عني شخصيا مهري كان كلام.على ورق ما اخذت منه شي كلش ، كان الخطوبة برمضان سويتها في صالة مخفضة والتجهيزات كلها وياها من ديجي وكيكة واكل وشبكتي كان سعرها 400، والعرس ما سويت شي بالمرة نهائيا وسافرت ايران وانتهى الموضوع. اللي كاسر ظهرنه الاجار بس واللي يزيد عن 200 شهريا واتقاسم دفعه ويه زوجي ، ماحب اكلف عليه ابدا وكانت هذي قناعاتي من البداية ، وبعد محنه مرتاحين من تكاليف هالدنيه بسبة القروض اللي كاسره ظهر زوجي ولا نقدر نحصل من الاسكان الا ارض او سكن اجتماعي ، المعاش زين بس شكليا والا الوضع دمار

ليلة العمر

الصراحه اسمها ليلة العمر
الوحده أسوي ال خاطره فيه ولكن بحدود المعقول
والرجال ما عليه من عمته
لان بتنتفه بدل للقرض بتخليه ياخد قرضين
الحين الموضه ال طالعين لينه فيها عقب الزواج يوم استقبال مصاريفها أزيد من الزواج
اتقوا الله في الشباب

ربوا بنتاكم على القناعة وافهموهم المسئوليات بدل من الكماليات الا في النهاية فقط ديكورات امام الناس علموهم معنى الزواج والهدف منه
وكلما كان الزواج بحسب إمكانيات المتقدم كان هو الافضل لراحة كل الطرفين

مسكينه يا ام علي .. الخطوبة فوق سطح بيتهم والعرس في مجلسنا .. ومشينا ..... وبلا صالات وبلا زمط .. وعشنا وجبنا اولاد والحمد لله

العقد
سويت حفلة عقد في بيت العاقد الظهر على ان تكون الحفلة في الليل في البيت وعائلي وبعدها صارت حفله ولكن المتطلبات اللي باسم عيب ما نسويها وكل البنات يسونها طلعة اكثر من الصالات
الشبكة
كان مفروض 500 الى 700 يوم رحنا لمحل الذهب غير الاحراج اللي خلوني فيه هي وامها دفعة 2400 او 2500 ما اذكر
العرس
كان مفروض عائلية بحت يعني اسرتي واسرتها فقط ولكن بشكل ومكان راقي وبوفيه وغيرها يا زعم نوفر من اجل السفر لشهر عسل
لكن بعدها طلبوا حفله ثانية والمشكلة الاخرى لشهر العسل من1500 صار 3800.

..

يا جماعة

نداء للعلماء للأهالي للأفراد

ويش هالموضوع زواج 6000 دينار ؟!!

مهرها 300 دينار ..

يبدو أن التطور اصبح يؤثر على كل امور حياتنا , فبعض الأهالي هدفهم تسهيل و تشجيع الشباب على الزواج , و البعض الاخر قد يكون هدفهم الشهره و البذخ لتصبح قصة زواج ابنتهم يتداول صدى اخبارها الجميع. اما با النسبة عني و عن زواجي البسيط عندما كنت اعمل لدى احد المقاولين براتب زهيد لا يتعدى 95 دينار فطلبت مني عمتي رحمها الله ان ادفع مهرا لها 300 دينار ,و كان شرطها الوحيد في ورقة العقد هو ان يكون لها غرفة نوم , كانت بسيطه كبساطة زمننا الجميل الذي مضى و انقضى الى غير رجعه و تم العقد و تزوجنا و انجبنا الأولاد

الحفلة البسيطة اريح للعروس والمعرس لا تحاتي ولا شي والاهم ان بتوفر الكثير لتأثيث الشقة وبعدين مستلزمات الطفل خصوصا اذا انجبوا مبكر. لا تتندمون على الأشياء الي سويتونها بس هذا درس لينا ولعيالنا عشان ما نغلط نفس الغلط ونطلب من خطيب بناتنه طلبات مكلفة.

واذا ام الزوج هي المصرة على الفخفخة والمظاهر والكشخة والمبالغة

حاطين بس على البنت واهل الزوجة مسكينة
شفت اكثر من حالة قدام عيني ما سمعت عنها . لا . صارت لاشخاص اعرفهم
خوات الزوج هم الي يطلبون ويبون الفخفخة واحنا ما نسوي الا في هالمكان الفلاني
وماناخذ الا من هالمكان الفلاني ويسيطرون
والبنت ترضخ ماتبي من البداية تسوي مشاكل
والدفع عقب على الزوج نفسه والي تعاني وتنظلم الزوجة

من الآخر .. فيه ناس حواليك و في مجتمعك تحاول تبهرهم و انت بالذات لو شنو سويت بيطلع كخة .. لو تسوي عرس في القمر قالوا لك ترا قديم المريخ اجدد. لكن من صوبهم لو في زرايب الغنم يطلع واو شعبي كلش فن. نحاول نتجنب هالاشخاص لان ما راح ننال رضاهم. والي يحبنا صدق لو عقد في المحكمة بيفرح وبيجبب وبيكون اسعد يوم في حياته ما دام احنا راضيين به. ليش اسعد يوم في حياتي اسويه بطريقة الناس الي ما تحبني؟ عمرهم ما بينبهرون ولا بيرضون عني واخرتها بيتشمتون في حياتي الصعبة عقب القروض

حفلتي كانت بسيطة كلش ومكان عادي وصغيرة بس كلفتني مبلغ كبير
لو مسوية في هالصالات كان اوفر ليي
لان بيوفرون لي الاكل والدي جي والتصوير وخدمة الضيافة بدال ما ادفعهم بشكل منفصل

ناس حالتهم المالية والمادية زينة فعادي لو سواا حفل زواج يكلف 4000 او 6000 لان ما بتاثر فيهم
لكن اذا ناس على قد حالهم ويقترض عشان الحفلة بس حرام لان بيكرف عشان يدفعها سنين طويلة

حتى لو كان حالهم بخير ماله داعي كل هالبذخ و الاسراف على حفلات بس الى فخفخة و مفوشر..

خلوها تخيس
المفروض نرفع شعار خلوها تخيس وتعنس في بيتهم اللي تتطلب في الخطوبه

اي والله خلوها تخيس ... حفلة بصالة 2000 دينار حق يرقصون فيها جم ساعة .. فستان بالف دينار .. الصبي اذا بيسوي حفلة للرجال كلها غترة وثوب صار لهم عنده من من سنين في ماتم او بيتهم والعشاء بمئتين دينار ... خلوها تخيس .. واخر شي تقول لك اني كانت حفلتي بسيطة 3000 دينار في جم ساعة بسيطة صارت عندها

ارتقوا شوي في التعليقات

ترى البنت كلللش ما بتتعطل على الزواج ، تفكر هي سلعة اذا ما اخذتها بتخيس !!!!

كل وحدة تتمنى تسوي حفلة زواج حلوة وتستانس لكن لازم تفكر بمستوى الرجل اللي مرتبطة فيه هل يقدر او لا
اذا هي تبي شي اكبر من مستواه لا ترتبط فيه وتقصب الرجال خلها تنتظر لين ما يجيها الا يعجبها ماديا عشان بت الحسن والدلال تستانس
مساكين الرجال بعضهم من حبهم لزوجاتهم يسوون اي شي عشان رضاهم وبعد ما يبين في عيونهم عقب
اني سويت خطوبة بسيطة وابغي اسوي زواج بعد لكن على قد الميزانية لأن في اولويات وفي النهاية العرس للناس تتمسخر ولا يبين في عيونها وزين هذا اذا جو بعد !

ظاهره غريبه والان اصبحت عرف وهي ( المبالغة في الخطوبة والاعراس )
يا بنات يا نسوان بنسوي ليكم حسبه بسيطه اوكي
الشباب اول ما يفكر في الزواج لازم يكون مسوي له سكن ( شقة ) على اقل تقدير 7000 دينار
الشي الثاني اذا كسرتون ظهره في تكاليف الزواج ووصلت الى 5000 دينار
بعد فتره بسيطه بكون الانتقال الى البيت ( العرس ) ويحتلج تأثيث خلنا نقول 3000 دينار
اي اصبح الزواج وما يتعلق ب 15000 دينار
غير شهر العسل والاشياء الثانيه
وفي هالزمن انتو تعرفون لا اشغال عدله ولا رواتب يطر الواحد يأخذ قرض وضل يدفع

...
الحين انتون سويتون العرس خلاص افرحوا واستانسوا واحتفظوا بهالذكرى الجميلة
ذكرياتكم ودخولكم الصالة وفرح الاهل فيكم تسوى هالمبلغ
لا تتحسرون لان اللي طاف خلاص ما بيرجع ولا بيتعدل
مو استانستون حزة الحزة
والحين بتندبون حظكم
( لو تفتح عمل الشيطان - حديث شريف)
ونصيحة للي مقبل على الزواج سوي الي يناسبك انت وشريك حياتك فقط
سواء عرس كبير صغير بدون حفلة كيفكم
اهم شي اللي يرضيكم وماعليكم من احد

باختصار اللي يبي الدح لا يقول اححح

وإذا خطبتوا لأولادكم تبون تخفيض وتقولون مسكين ما عنده ترى حتى بنات الناس بعد يبون مو بس بناتكم وتبين الزين لبناتكم وتدورون الرخص لأولادكم .

المحامية

ليلة العمر الحمدلله حفله بسيطة خواتي و خواته اجمل ليلة كانت بحياتي جميلة وبسيطة و احلى وقت

من غير المعقول أن يتم التعويل على هذه الليلة كمقياس لسعادة الزوج والزوجة في حياتهم، أستغرب كيف يتم طي السنوات التي سيعيشها الزوجين في ليلة واحدة. صرف الآلاف من أجل ليلة واحدة والشاب لا يملك هذا المقدار من المال سينعكس على حياتهم لأيام وربما أشهر وسنوات لو كان هذا المبلغ مقترض في الأساس. ألا يفكّر هؤلاء أنّ الزوجين قد يعيشان حياةً تمتد لسنواتٍ طويلة يتقاسمان فيها الجميل والسيء، والسيء هنا أن يتقاسم الزوجين معاناة أيامٍ وأشهر بسبب ليلةٍ واحدة للأسف ...

يعتمد على التربيه والاساس ..وكل واحد لازم يختار العائلة الي تناسبه مو شرط اغنياء او فقراء بس في ناس شايف نفسها

السبب هو من الحريم ، جعلوا للعرس والخطوبة اعراف وعادات ومنها
صالة افراح
جلوه
المبالغة في الفستان والتعديل
المشكله كلها في امطالع كل وحده تطالع الثانيه شنو سوت وتغار منها
انا عن نفسي متزوج منذ ثلاث سنين كلفني الزواج 4500 والى اليوم ادفع فيها لاني ماخذ قرض

مو من حق احد يفرض رايه على الثاني .. الا يبي يسوي ومقتدر بحفله لاصارت ولا استوت خل يسوي ويستانس ويفرح والا ماعنده يسوي على اللي يقدر عليه ولا حرج في ذلك و اهم مافي الزواج شريك الحياة سويت عرس غالي او رخيص اني متاكده بعيش حياه سعيده معاه وفاهمين بعض وماعلينا من احد وبس

باختصار
"اني لازم اتميز عن ربعي"
"مامبي شي اقل من الي سووه خواتي"

كلامك عدل
مو ذالحنا الا المطالع

والله عن نفسي

لا اقبل بديون علي او مبلغ مبالغ فيه
اللي اوجدك أوجد غيرك

الصراحة مظحكة لين يخطبون البنت يقولون تعبنه وربينه ونبي نفرح أبها ولين يخطبون للولد يقولون مطالبهم كثيرة أنفصال في الشخصية. تره البنت لين بتتزوج بتتزوج ولد ناس مو شخص من الشارع. تفكير الناس لازم يتغير واذا فعلا أهل البنت يبون وعندهم طلبات أو اهل الزوج عندهم طلبات لازم يتشاركون ويحطون يدهم بيد أبنائهم عشان يساعدونهم. كل الي صرفتته يوم العرس ماستانست فيه كلش دش صور أو أطلع بنصور ده الي اذكره من ليله عرسي واتذكر بعد سيارتي بتريها انتهى اطريت اتصل لشباب يضربونها جارج.

الله يهديهم بنات هل الزمن لازم صالات وبديك الحچايه....وين علي ايام زمان في المواتم اصلا الله يبارك في زواجهم والحين صالات واغاني ورقص.... والمقتدر اسوي وياخد راحته والا ماعنده لازم اهل العروس اقدرون ضروفه

ولا ازيدكم من الشعر بيت قرضيني الي خذتهم راح اضل ادفعهم لي 2021

جان خليته إلى 2030 أشكل

جبتوها ع الجرح ..
انا ع ن نفسي كلفني زواجي 6000 دينار مهر و 1500 شبكه
وحفله الرجال كلفتني 2150 دينار وحفله النساء كانت على اساس ان بس للاهل فقط وكلفتني 1170 و المصورة للرجال 150 وللنساء 250 و تزيين البيتين 300 دينار تزيين السيارة 35 دينار الديجي 390 دينار و شهر العسل 4000 دينار حفله استقبال 2000 دينار
الفندق لليله الدخله 230 حنه وجلوة 600 دينار
بختصار الي صرفته حق هلخرابيط تقريبا 19 الف دينار .. غير الولاده و الغرف الخاصه و سعر العمليه .. و اخرتها البنت كانت قليله ادب وطلقتها

بل... هالتعبة كلها وآخر شيء اتطلقتون؟

..

عندك اخو ????؟

في الاساس ال بيتغربل بكل هالمصاريف بعدين هو الزوج و الزوجه

إلى زائر 8
أنا صاحب القصة الثانية ال 9 سنوات
من حق كل ام واب يفرحون ببنتهم أو ولدهم لكن الفرحة الحقيقية للابوين أن يشوفون أولادهم عاشيين حياة مستقرة نفسيا وماديا أمافرحة ليلة وحدة اللي تخلي الأولاد مدينيون لسنوات طويلة وانتي تشوفين الناس تتطور واولادك لازالوا يدفعون ثمن فرحتك في ليلة وحدة فهذي يسمونها فرحة وهمية غير حقيقية وبالاحرى هذي مو فرحة هذا مجرد تباهي على الناس ولو كان ولدك هو المعرس اكيد ما راح ترضين له بالهشي

اه و اه

اة و اة منها ايام لم اعشها مثل باقي الناس و السبب هي ام زوجتي و نحكماتها فيني و في بنتها طبعا كلة بطريق غير مباشر ....امامك مراية و وراك سلاية و انا من زود ماني طيب و احب الناس ما تصورتها بهدة الاطباع اللة عليها اللة عليها.....خسرتنا احلي ايامنا و ما زلنا نعاني

يصرفون آلاف من الدنانير على اربع ساعات
هذا وش يسمونه
تبذير واسراف

شلون يعني عنده أرض وباعها وتسلف عشان 3 آلاف دينار وصار له 9 سنين يدفع فيها ؟
لا يكون الارض اللي عنده بمئة وخمسين دينا ؟

اقرأ عدل..كاتبين لك هذا واحد غير.... ومن قال الك 3 آلاف دينار ..شكلك ما تدري ويش صاير في الدنيا

الحمدلله

الحمدلله الذي رزقني زوجه صالحة وعمه ولا أروع تكاليف زواجي
المهر 1000 دينار ماقصرت زوجتي رجعته اشترينا فيه غرفة النوم والمطبخ
الطايح 400 دينار
الطقم 350 دينار
صالة المآتم 140 دينار
أكل الحفلة 190 دينار
أكل عقد القران 100 دينار
التصوير 60 دينار
الصالون مع الحنه 80 دينار
الفستان 40 دينار
أغراض زوجتي 200 دينار
الشيخ 20 دينار
الحمدالله على اتمام نعمته والله لا يغير علينا جبنا عيال ولله الحمد والخير يزيد من رب العالمين ببركة هذا إكمال نصف الدين وببركة محمد وآل محمد

ما عندها اخت حق الزواج

هذا سنة جم؟؟
اكيد بداية الالفينيات لان كل شي كان ارخص

الله يهنيك... صدق خليتني اتحسر على روحي .. الله يسامح زوجتي

لا تتحسر على روحك ولا شي
يمكن زواجه سنة 99 و لا 2000 كل شي غالي
الحين الصالون بس يسمعون انها عروس يسون التسريحة ب100
ماقلت ليهم اني عروس وسوا لي ب25 دينار
وهي نفس التسريحة
وقيس على الحنة والماكياج والحفاف وكل شي
بس يسمعون عروس دبلوا المبلغ اضعاف

جنه احنا اقل منك

لان الصالة وأغراض زوجتي أرخص بواجد

مشكل الوضع ليلة العمر تعتمد على البنت ادا كانت قنوعه بتقبل باللي تقدر عليه اما ادا تبي تفلهت على ظهرك .. ما راح تفتكر
هالايام الشباب زواج مايسووون .. خطوبه وكم شهر يسافر اليه ويعرس وانتهى الموضوع
250 ويبونه يفلها فل ..

{ كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ }
كأن ظاهرها يدل على أن هذه الأمة لم تنل ولن تنال الخيرية في آخر حياتها وعمرها

إن الله لا يغير ما بقوم حتى يغيروا ما بأنفسهم
الحين الي صار للشاب البحريني الحرام اسهل من الحلال
صار الزواج شبه المستحيل للبعض
لان يتقيد بقيود المجتمع الساذجه
وهذا المجتمع بعد سنين ادا ما تغير بيتجه اغلب الشباب و الشابات للحرام
بالرغم من الضغوط الخارجية ع الشباب المجتمع يسوي ضغوط داخليه
هذا المجتمع بعد فترة من الزمن يصير مجتمع فاسد ادا استمر على هذا المنوال
لذالك لم ولن يتصر هذا المجتمع على اعدائه لانه لم يتغيّر و ينتصر على نفسه
إن الله لا يغير ما بقوم حتى يغيروا

عين العقل

ليلة العمر من اجل الليالي للطرفين ولكن بالعقل وبالميزانية المعقولة . للأسف الشباب هم السبب في هذه التصرفات يقبل شروط الخطيبة وامها ويتحمل فوق طاقته وعقب يصيح الا خلقها خلق الف غيرها يعني معقولة ابيع ارضي علشان تكاليف زواج !!

نربي في بناتنا سنين ونكلف عليهم الألوف.. وآخرتها.. حتى ليلة في العمر.. ما تبون نستانس بهم..
من حق الأم انها تفرح ببنتها وفلذة كبدها ..
واللي ما يقدر يتزوج.. الله يرزقه على حاله

..

و لين عندش ولد بعرس بتقولين يبالغون في الطلبات..

هذا كلام فيه من الجهالة ما فيه..يعني الامام علي لما جا للنبي ولا عند أي شيء وتزوج أحسن زواج في الكون كله ..
قال اليه النبي روح ما عندك بيزات..إلا إذا قدوتش غير النبي والزهراء وعلي هذاك شيء ثاني...
ثانيا:في أي عقل اصرف في ليلة وحداه وافلس طول عمري هذا صراحة "..."

لازال هالتفكير الجاهل موجود للأسف..
معنات كلامش أنه من حقش تنتفين الفقير إلي ماخذ بنتش وتخلينه على الحديده بس علشان لفشار..
على هالحالة خلي بنتش طايحة في جبدش..
بعدين لين أخذنا الأجانب قولو خلصو بنات الديرة..

لازال هالتفكير الجاهل موجود للأسف..
معنات كلامش أنه من حقش تنتفين الفقير إلي ماخذ بنتش وتخلينه على الحديده بس علشان لفشار..
على هالحالة خلي بنتش طايحة في جبدش..
بعدين لين أخذنا الأجانب قولو خلصو بنات الديرة..

تفرحين ليلة و هي تتمرمر ويا زوجها و القروض.. تحكيم عقل بس يبا له الموضوع!

ولد زويد

من حقش أن تفرحي في بنتك ولكن
هل من حقك أن تحجزين صالة 3000 دينار
هل من حقك أن تكسرين ظهر الرجال الي راح يستر على بنتش .
هناك في بعض المناطق توجد صالة تتبع المآتم الحسينية وهي غير مكلفة .
لا يهم ما يقوله الناس المهم أن أرى ابنتي عايشة مع شريك حياتها وهم في حب وسعادة.

لا اعلم سبب قلة الردود و لكن الموضوع مولم لمجرد التفكير فيه للعزاب و المتزوجين

القناعه

اذه الناس مقتدره ويفضل التباهي لكن اذه شخص على قد الحال فيمد ارجوله على قد الحافه

انا اقول الحين لازم تلواحد يكون روحه الى اخر درجة واهم شي المكان يعني علشان يبتعد عن الاجار ... قصوا علينا وعرسنا صغار هههههههه

الحمدلله رب العالمين خطبنا و عرسنا و جبنا ولد ما كلفنا العرس ٢٥٠٠ دينار ، لكن الي يمبي يفوشر و زمط قدام الناس خل ياكلها
بلا ليلة عمر بلا ليلة هم
كل واحد يمد ارجولة كد اللحافه

ويش جماعه ناوين نلغي الزواج

بختصار شديد القناعه هي اساس المعيشه بس المشكل بان امطالع غيرك هو ما اوصل المجتمع الى هذي الحاله

هههههه

(أجنبية) أرخص رخيص وقوي
500 دينار ماتكلف

وين الاجنبية الي ب 500 دلنا يا رجال.

حلاة الثوب رقعته منه وفيه بس اذا كان كل هالمصاريف اقول اخلع الثوب يابويي والبس التاي وقول هاي هاي

حدث العاقل بما يعقل الموضوع مافيه توازن وجرد عمل بلبلة بالمجتمع اي ارض الي سعرها ما يغطي تكاليف زواج حشئ ماخذ تذاكر مسفر المعازيم ومسوي الزواج في جدر الهاواي حنا ناخذ قروض نشتري ارض لمدة تسع سنوات وهو 3000 ما قدر يسددها قي تسع سنوات وين صارت وبعدين كل بنت تحط شروطها والزوج يوافق الله يتمم له ما يوافق بلاقي نصيية عند غيرها كل .واحد عقله براسه ويعرف خلاصه ومن حق كل بنت او وولد يحطون شروطهم اتمنئ تنزلون مواضيع تدخل العقل