لالا خل سالفه القدوع اللي يجي اختياري من حيث الطعام واللي يشارك فيه كذا شخص ربما ...ليش مالوسط تتكلم عن مخاسير الفواتح اللي الفقاره مو حاطين مصريفها ببالهم ولا عاد فواتح النسوان اللي تكلف مايقراب 500دينلر للملايه بروحها وش ...لابه الميت راح ولابه .... من الملايات ؟!!!!

اي اذا ع اهل العروس موافقين ،مو كل مرة يطلعون ببدعة وتعال يالزوج نقها وافتشها ليهم فتاش ،وانت مصاريف الزواج قرض.

عبط وهرار من سنيين طويلة والناس تحط للمواساة قدوع ويش هالشلخ قال ويش ثلاثين سنة يروح مواساة انزين اذا بتشلخ شلخ شلخة ادمية شوي تتصدق ، ههههه
المغزى ان اذا انت فقير مد لحافك على قدمك مو تتسلف عشان تتفصخر وباجر الناس تجي تبغي فلوسها منك الي عنده خير وبركة ومو جذي انصح الناس ما اطالع بعض
على فكرة احاديث الرسول فيها اكرام الضيف صح بس انت روح اقراها عدل انت اول لان مع الاكرام عدم اسراف وتبذير وهذا الي يصير
ننطر القادم شنو بيسوون على قولة الشيخ بيسوون حفلة لان بيروح يخطب ههههه ولله في خلقه شؤؤن

صح كلامش مليون بالمية

زائر 131 والفواكهه والمكسرات ماتعبرينه إكرام للضيف ؟؟؟ يعني لازم لحم وشحم ولا ماتعبرين اكرمتين ضيفش؟ بعض الدول إكرام الضيف عندهم استكانة شاي والسلام وكل الي قاعد يصير تبريرات الإسراف راح يجي يوم تيحون فيه من هالاسراف بدل هالاسراف ساعدوا الفقراء والمساكين

زائر 100

مرة رحنا مواساة وكان بوفيه
بس بعد المواساة كم من سبوع تفركشت السالفة وما صار نصيب

اي والله

اعرف وحده مواساة بوفيه
والملجة عزمو الناس
والحفلة عقب يومين في الصالة كلفت ٥ الالاف حتى عصافير طيرو في الحفلة
واخرتها اطلقو

هو موشرط كل النهايات تعيسة
بس الخلاصة الخطوبة يمكن يصير توافق يمكن لا
ياريت تتكلمون عن حفلات الخطوبة لازم لازم في صالة ابو ٣ الالاف
وش القصة

من قال انه يحطون قدوع في المواساة.. طووول عمري اروح مواساة أزيد من ثلاثين سنة الناس تسوي عشاء.. احين لين جه ليك ضيف باليل على موعد تقوم تعشيه فواكه ومكسرات!!! وين اكرام الضيف وين الكرم العربي والإسلامي؟ احاديث السنة النبوية توصي بالإكرام والمبالغة في التضييف وهو من الأشياء التي لا تعتبر من الاسراف.. روحو ابحثوا في احاديث الرسول عن اكرام الضيف.. مابال ناس جايين يخطبون بتي؟! كل واحد صج وعلى قده.. بس تسوي قد مستوى لين وصل ليك ضيف.. والسلام

والنتيجه

كلما زادت هالبهرجات زادت نسبة الطلاق .. البوفيه لا يقدم ولا ياخر في الموضوع ... هل البوفيه بيجمل البنت في عيون الرجال يعني؟؟
او يا ترى عقب الزواج البوفيه بيتحول لبيض مفيوم او مقلي او عيون؟

السلام عليكم
من الأشياء الجميلة اكرام الضيف ويكون على قدر المستضيف أنا اذكر لما خطبنا حقي في المعادل كان أهل العروس خلوا قدوع معقول معجنات وفواكه ،، لما رحنا حق واحد من اخواني كان بعد معجنات وفواكه وعلى سماط في الارض وكان شي طيب وتوقفوا واخوي الثاني أهل العروس كانوا على قد الحال وسووا بوفية وما كان فيه داعي للزحمه أنا في نظري قدوع يكفي واشياء بسيطة.

على طاري البوفيه ..
وين بوفيه تمام و سعره معقول

ظلم كبير، للناس وتجاهل لظروفهم، ووضعهم تحت ضغوط وحرمانهم من الفرحة بابنائهم، وبالنسبة للزواج فهو وضع للعراقيل والصعوبات أمامهم.

أني أقول الناس ما عدها الا القيل والقال والانتقاد ولو الشي يرجع الى نفسهم جان ما تكلموا بس فالحين ينتقدون في الناس فلان سوا وفلان فعل وفلان وفلان، ربوا ولادكم من صغرهم على القناعه عشان لين شافوا غيرهم سوا هم ما يتأثرون بدل ما تنتقدون، أعرف ناس عدهم خير وبيوت وعمارات المواساة مالهم يكون شي بسيط واعرف ناس حافية منتفة تسوي بوفيهات، احنا ما بنلوم المجتمع ويش يسوي لان المجتمع فيه مختلف الطبقات وكل من بيتصرف على قدة واحنا مو غصب نجبر اللي عندة خير يتصرف حالة حال اللي على قد حالة ( القناعه كنز لا يفنى)

تفكر

يعني ماصيرون اهل اﻻ اذا عشيتونهم في لليلة لمواسات تقدرون بعدين تعزمونهم في اي وقت
المشكلة بعدين بتصير عادة وعلى ظهر المساكين

أضم صوتي للزائر 115 إذا كانت وحدة على قدها ومن باب إكرام الأطباق إلي يقدرون يسونها الأهل والحبايب وموجودة في البيت بس مو بوفيه المطاعم وتكلفتها فكلش ما أأيد هالشي .. وفي ناس من يبدون شر عنكم بالطلاق ذكروا هالبوفيه الخاص بالمواساة أول سالفة .. الموجود ينحط من باب الإكرام للضيف مو الفخفخة والبذخ والزخم

والله اني خلصت وياهم كلشي عن جريق التلفون لا فاكه ولا غيرها واكي الحمد الله عرست وعيلت لازم لصراف بعد وهلعزايم ولا المشكله بياكلون وبحشون على لثنين الساتر الله

رأي محايد

بالعكس انا ماشوف شي غلط في الموضوع ، اللي عنده ميزانيه وحاب يكرم اهل المعرس يسوي ، واللي ماعنده وعلى قد حاله يخبرهم معادل بسيط مايبيلها شي السالفه

فشله تأخذ بإخراج المفوض تقدم له وجبه بسيطه

بعد عبارة عن ضيوف يجون البيت شلون ما نحط حقهم عشا ????

عساكم بطنه تبطنكم

ترى مو لازم كل هالخساير
احنا نسوي شي على قدنا كل وحده تسوي شي والولد يشتري الفواكهه ونحط الي الله يكتبه وكان الله غفور رحيم
هذا من باب الاكراميه ليس الا مو على ان الناس سوت احنا لازم نسوي
والي نقول ليهم بس البيت اخواني ونسوانهم واخواتي ورجالهم وحتى اهل المعرس ما اشوف يعزمون احد غير بيتهم
هذي ناس عندها فلوس زايده ما يدرون وين يودونها
اقول لهم لو يتصدقون فيها عنهم وعن والديهم واجد احسن ليهم من الخسياره
وانا اؤيد ان يقدمون شي لاهل المعرس ولكن بالشي المعقول

اللي يقول كل بدعة ضلالة، تلفونك مو بدعة بعد؟
شخصيا توني منخطبة وسوينا بوفيه وما كان من برا، خالاتي وعماتي طبخت كل وحدة طبق والا تقدر عليه، وين الاسراف ؟ كل شيء موجود من اصل في البيت وانت تسويه عشا يوميا لبيتكم أو لين بتسوي مولد او تعزم، فشنو العيب ان نتجمع كلنا وكل واحد يجيب من عنده؟ ليش ما تنظرون للموضوع من ناحية ثانية، اذا اهل البنية ما يقدرون، الله يخلي اهلهم بيوقفون جنبهم وبيساعدونهم وترى حتى القدوع يكلف الضعف، روح اسال عن سعر الفواكه و المكسرات بروحهم جم بيكلفون

صح

هذا المفروض الا يصير كل واحد يعيش مستواه
الله يخلي اهلش متعاونين وايدهم وحده في المناسبات

علئ طاري لمعادل ، اذكر اخويي تعادلو بالتلفون ههههه لا قدوع ولا هم يحزنوون ، طبعاً مو استنقاص في حق احد من العائلتين ولكن في ترتيبات مسبقه بين الطرفين والكل محشوم بس في المحصله الاخيره ما سواا اللي يصير احين من بذخ واسراف وقدوع وبوفيه وهيك يعني ، كلشي صار بالتلفون وهالشي شال عبئ كان بيطيح براس هالابو والا اهم على قدهم مو مال مصاريف و الحمد الله ماشيه امورهم احين من بعد كم سنه زواج

...

السالفة كلها من أم المعرس وأم العروس
والضحية البنت والشاب !!
حتى لو البنت أو الشاب ما يمبون بس تعالوا إلى أهاليهم وشوفوا الكلام وكثرة القيل والقال
اذا أهل الشاب ما دفعوا قالوا أهل العروس هذا بدايتها جديه بعدين شنو شكله مصفع وغيره من هالكلام !!
وأهل الشاب يمبون ولدهم يدفع عشان ما ينقال عنهم هالكلام !!

ما في شي من هالشغلات واجبة .. صارت المشكلة كل واحد تطالع صديقاتها ويطالعون غيرهم وهذا هو الهلاك (مد رجولك على قد لحافك) ... زمن المظاهر قبل الاخلاق والدين والقيم (زمن شوفوني) والدليل لو تقول ليهم سوو شي بسيط ردهم جاهز (ويش بيقولون الناس!!!) يعني القاعدة الناس والناس حتى لو كان فيه مخالفة دينية واخلاقية، والمشكلة أساسها نابعة من الرجال فلو لا موافقة الرجل لبعض الترهات لما وصل الحال لهذا الحد.

للاسف محد يتعلم درس من اللي يشوفه حواليه! يعني تسوى ع الواحد عشان ليلة وحدة يتم يدفع في هالاقساط سنواااات! و اللي يضحك اذا المعرس هو اللي يبي يسوي جذي بحجة انها ليلة بالعمر!

ما في شي من هالشغلات واجبة .. صارت المشكلة كل واحد تطالع صديقاتها ويطالعون غيرهم وهذا هو الهلاك (مد رجولك على قد لحافك) ... زمن المظاهر قبل الاخلاق والدين والقيم (زمن شوفوني) والدليل لو تقول ليهم سوو شي بسيط ردهم جاهز (ويش بيقولون الناس!!!) يعني القاعدة الناس والناس حتى لو كان فيه مخالفة دينية واخلاقية، والمشكلة أساسها نابعة من الرجال فلو لا موافقة الرجل لبعض الترهات لما وصل الحال لهذا الحد.

خساير حق للفشار بس
وبعدين تشوفهم يطرون ويصيحون في الجرايد لو ترتفع السلع ١٠٠ فلس صادتهم جلطة
هذا كله هرار واسراف وبدون معنى

قضية الزواج ومصاريفها من الألف إلى الياء كلها تبذير وهرار ومرار من المقابلة الى المعادل والملجه والخطوبه كله هراااااااااااااار

ماليهم غير تفاحة وسكين والي مو عاجبه ينقلع XD

احنا نسوي بوفية (مقبلات معجنات معكرونة مشاوي هريس حلويات)
لكن مو كله من برا
يطبخون البيت جم طبخة وبعض الاكل من برى
وارخص من القدوع والفواكة والمكسرات والحلويات والعصاير

اذكر اخت صديقتي خسرت خساير المعادل كان حفلة كاملة طبعا سوت فوق الخمس حفات معادل وملجة وحنة والخطوبة وبعد اسبوع سووا لها عشا طبعا الي خسر مو المعرس لا اهل العروس يبغون يسوون هالشي ، بعدين اسال صديقتي وين بيقعدون قالت في حجرة في بيت اهله ، البنت اهلها بخير بس لان عندها اعاقة بسيطة فوافقوا المهم ضحكت قلت لو موفرين الفلوس وعاطينها البنت تبني لها شقة مو احسن
مخوخ الناس معووجة ابويي يقول احنه اذا رحنا نخطب لاخويي بنشرط على اهل العروس لا يسوون بوفيه ولا يتعبون روحهم ههههه اي والله خساير

كل زمن له عاداته واذا سويت شي بسيط او عكس ناس تكون في نظرهم بخيل او ماعندك ذوق

اسراف و تبذير و فضاوة..
اصلا تجهيز الخطوبة وجع راس و مصاريف يحطون ليهم سوالف زيادة و يعسرونها على روحهم عشان الناس اللي نصهم جايين يتطمشون بت فلان بتاخذ من؟ و هرار النسوان ما يخلص!

ياليت 4000 الا6000 وبالاقتصاد عن حسبه والله حرام وبعدين يعرس يضل يشحت العيشه شحت لمدة 6 الى 7 سنوات ليش عاد ارحموا من في الارض يرحمكم من في السماء

وين المؤيدين

كل الي علقوا رافضين الفكرة معقولة ولا واحد يأيد !!!
عجل من الي مأيدنها ويسويها اذا كلكم رافضين

انا اؤيد
صح على قد حالنا
لكن هي مناسبة في العمر
وبنسوي عشا ما بنسوي شي خرافي ولا خيالي
ناس اول مرة يدخلون علينا نطلعهم بلا عشا؟
وهم حاضرين بيتنا حزة عشا مو حزة قدوع
واولردي اي حفلة عقب بتصير في ماتمنا يعني ما بنكلف عليه شي

مو بس مصاريف القدوع اهل المعرس ما يراعون لحجم المكان عن نفسي احنا بيوتنا صغيره وفي المقابله اهل المعرس شافو هالشي بس في المعادل ما تم احد ما عزموه صرنا في موقف محرج مسكين ابوي تم واقف مافي مكان يقعد

وليش تعتبرونه بدعه..هوو فعلا تم الاتفاق على كل التفاصيل والمهر..بس مو لازم أهل المعرس يتعرفون على اهل العروس..هي كأنها تعارف بين الاهل..فشي طبيعي لما يجيك ضيف راح تكرمه ..مابتقعده من 7 ونص ل9 مثلا وبتطلعه بدون عشا.. حالها حال ايي عزومه عاديه..ومو معقوله بنتي بزوجها بواحد اخواني وخواتي ماتعرفو عليه وعلى اهله..فهي مجرد عزومه للتعارف بين اهل الطرفين.. والله يسعد الكل :) ؛ )

مصاريف تضاف على كاهل ابو العروس وخسائر مادية قد يقوم من خلالها بالتدين لهذه الليلة اني فتاة ولا أوافق على هالعادة الدخيلة على مجتمعنا

الاغلب يتكلم من جيسه وحسب معلومات قديمة عنده مافيها اي تحديث
مو عن معايشة للوضع
اولا الحين صح المعادل يعزمون وعشا
لكن الملجة بعد بسيطة تكون وفي البيت
وما يسوون حفلة خطوبة
واذا سووا تلبس ابيض عشان لا تسوي حفلة زواج مرة ثانية
يعني الحين اقل من قبل
قبل كانت
ملجة
حنة
خطوبة
ضيفة
هذا كله حزة الخطوبة واذا وقت الزواج
ترد تسوي حنة
ضيفة
جلوة
زواج
ويوم ثاني مبارك ولا مولد

اني أوافقكم الرأي
الكل الحين يسوون بس ملجه و خطوبه لابسه ابيض ،، اذا جت تعرس يسوون مولد وتسافر اذا عندهم ميزانيه لو يومين دبي
مو نفس قبل و ثانيا الحين بنات وأيد ما يأخذون مهر كبير بس مهر السيده فاطمة الزهراء سلام الله عليها وهو في الوقت الحالي يساوي بين ٢٧٠ دينار آلى٣٠٠ دينار
وإني وحده منهم صراحه مافيه ع سيدة نساء العالمين
فليش مو من باب التعارف انعشيهم جايين حزة عشى و اهلي سوو ع مستواهم واغلب آلاكل من البيت
و الحمد لله عايشين

الحل
جعل المعادل فترت العصر ويكون الطلب من اهل الزوج راح يكون قدوع خفيف ولاعشاء ولابوفيه

البساطة

افتقدنا البساطة...وصار الترف عنوان كل شي.

لاتركنوا لابعض

البعض يقوم به فقط وياريت الاسر توقف في وجه هذه البدعه
بركة خفيفة وخلاص
الاسراف الزياد راح يسبب مشاكل مادية مستقبلية

ايها الشاب تبغي تنام مرتاح ما تفكر تحط راسك وتغط في النوم خدها مني وانا خوك مقتدر تزوج ما عند لا تفكر حتى بالارتباط ولا تشبرك روحك بديون وقروض ولا تقول غيرك متزوج ومرتاح احمد ربك وده جزء من البلاء في الدنيا فاصبر على ما اصابك ان ذلك من عزم الامور

!!

نقرأ التعليقات الكل ينتقد العادة لكن في الواقع محد يطبق ، وين الخلل ؟؟

بس فسق وخساير ...
ملجوا وخلاص ... سوالف ومخاسير ...

!!

أول كان المعادل كلش بسيط يقدمون بعض الفواكه وشوية حلويات للحضور ، الحين العادة صارت شيء مو معقول من الاسراف في الاطعمة ، والمصيبة الأكثر أن حضور المعادل كأنه حفل عقد قران ما يخلون أحد ما يعزمونه مع ان المفترض يكون المعادل مختص بس بين عائلة الولد والبنت الام والاب والاخوان

مالاه داعي كل هذا سويت بديك القيمة وازيد من خواتي والرجال بس جوا لان النسوان كان قبلبس قدوع لكن لما اكلوا قبل لا يطلعون قلنا لهم اخذوه في بارسلات حرام ينرمى بديك القيمة ليش فشار كان ولكن حبينا نبيض وجه اهلي لكن في النهاية طلينا شهور طلع الرجال مو وجه نعمه معقد همه الاكل والفلوس جاي يبغي يكوش على الفلوس ما عرف اشلون .. وكلا راح بطريقة عساه عن صلاح الحمد لله رب العالمين

عن نفسي لقد ذهبت للمعادله مع والدي فقط وكانت الاجواء بسيطة جدا
ووفقنا الله
وحاليا في حياتنا كلما كانت زوجتي بسيطه تيسرت احوالنا وكلما حاولت تقليد زميلاتها واهلها والتنافس فسي الماديات وغيرها كلما خسرنا التفاهم وعشنا في ضنك

تبذير على الفاضي بصراحه ما ليها داعي كل هالبهرجه والاسراف والتبذير حتى لو كنت متمكن وشكرا

المعادل صار كأنه عقد

كل الاهل معزومين و العروس تروح الصالون و تكشخ ،، و العقد اللي سابقا كان في بيت العروس صار الحين يستأجرون صالة و معازيم و يسون حفلة ملجة غير بعد حفلة الخطوبة يعني يستأجر صالتين و الله يعين هالمعرس يكسرون ظهره

المشكله انه صار عرف

يعني حتى اللي مو مقتنع بيسوي لبنته لان ما يصير يكسر بخاطرها غير بنت عمها او بنت خالتها او صديقاتها فحتى لو الابو على قد حاله لازم بيدبر روحه و يسوي

اول خطوة لافشال هذه البدعة

لوقف هذه البدعة وافشالها يجب مقاطعة هذه العادة، فاذا تم دعوتكم لمثل هذه المناسبة يجب الاعتذار عن الحضور والاكتفاء بحضور حفل عقد القران

بوفية المعادل او قدوع المعادل واجب وكل يسويه ، اي ولحد عنده ضيوف لازم يكرمهم وكل واحد على استطاعته
المشكلة في الطلبات اللي تكسر ظهر الرجال عقب من ملجة وخطوبة وحفلة عرس وفلوس تتعدل فيا المره
وصار متعارف عليه في المجتمع ان اي واحد يبي يتزوج يبي له على الاقل 4000 دينار
المشكلة كل في النسوان كل وحده تسوي روحها المعتدله التي لا تسرف وتحش في الناس حش على الاسراف واذا جا دور بتها قصبت ظهر اهل المعرس

اسخف حفلة، ماحب انعزم لها كفاية ملجة وحنا وخطوبة وعرس وجلوة واستقبال صراحة متنا وذاب شعرنا من الف حفلة لشخص واحد و تعال اشتر اقلها 4 فساتين ووقت مافي ورانا دوام تعالي ارتزي يوم ثاني عيوني حمرا من السهر اسبوع كامل .. ولا منها فايدة لا للمعاريس ولا للمعازيم وبالنسبة للبوفيه الناس شبعت ولاعت جبدها من بوفيهات و خرابيط وكل وحدة تسوي فيها برستيج ولا تاكل اصلا .. مصيره الزبالة، ذبحوا ذبيحة وزعوها على الفريق ياكلون منها وقت ما يبون هو عمل خير وهو اشهار بالمناسبة. وبتحصلون دعوة طيبة من الناس

في الصدقه بركة

قلبش متروسه من الحفلات ????

أصلا كل هالموضوع ربع ساعة وتخلص الحلاوة ... ويش ليهم بالخسارة

صراحه مالا داعي إسراف واحراج لبيت العروس ان المعرس كانها حفله..

الاسلام امرنا باكرام الضيف
واللي عندة يسوى بوفية وبلا فلسفة زايدة
اللي بتخسره على القدوع اكثر من قيمة البوفية

أول أسباب زوال النعمة هو الإسراف والتبذير ... إن الله يحب أن يرى آثار نعمته على عبده ولكل إنسانٍ سعته ومقدرته ... هذه الظاهرة وغيرها ما هي إلا بداية لتهوين قدسية الزواج وجعله مقتصراً على المظاهر والبدع ... للأسف، أصبح الزواج مقتصراً على المادة وما دوافع الحب عند المرأة إلا بمقدار ما ينفقه الرجل ... مفاهيم جديدة ليست من الإسلام في شيْ

اني سويت قدوع ومكسرات وكيك وعصاير وحلويات
لو زايدة عشرة ولا عشرين عليهم كفى لعشا وبوفيه
يعني القدوع مو سهل بعد
الله يبلغني في الي بالي واسوي ليها احلى عشا واحلى بوفيه
عليهم بالعافية اهلنا واهله
الله يسر للي بالي يا كريم

بعد 9 سنوات من الزواج لغاية الان ما قدرت اسدد تكاليف خطوبتي اضطريت اتسلف من شخص قريب لي في ذاك الوقت عشان اوفر طلبات (عمتي) وليس زوجتي ما يقارب ال 3000 دينار صرفت في ليلتين من اجل ان تتباهى ام زوجتي امام الناس ...واليوم انا وبنتها ندفع تكلفة هذا التباهي...الغريب في الامر انها لما جت تزوج وولدها طلبو على ولدها نصف اللي طلبته عليي قومت الدنيا وقالت هذلين ما عندهم احساس ولا يقدرون وضع الشباب!!!!!!!

مافي رحمه

أقول هاي الواقع اللي صاير الحين من صوب المعرس يذبحونه بس اذا من صوبهم ..........

المشكلة مو بوفيه او قدوع
الله غني ويغني
ويش فيها لو تعشوا هذيلين بيصرون اهل
المشكلة يقولون بجون بس اربع نسوان
عقب تشوف باص مشحون فيتسبب ربكة لاهل العروس

أكثر شي يقهر لما نشوف ناس فقراء جدا على قد حالهم ومسوين معادل وحفلة عقد وحفلة خطوبه ويصرفون صرف عشان رضا الناس فقط لأن المستحبات اصلا مايسونها في العقد كل هذا الصرف عشان عيون الناس ورضاهم. صدقوني اني اعرف زوجه صرفت تقاعد زوجها كله عشان حفلة خطوبه بالله عليكم هذا عقل ؟ راح يجيكم سخط من رب العالمين جهزوا روحكم

ويش دراش يا عالمة الغيب ان بس للفوشار
لا تدخلين بنية الناس
هم حبوا يكرمون بتهم ويش دخلش
ما طلبوش فلوس

محد جبر احد بشي
مو معقولة اذا هذا كان نوع حياتي اغيرها عشان احد ثاني
اذا اقدر وفيه وقت مناسب وابي اسوي حفلة حلوة للمعاد لوتكون هي اول مرة للتعارف بين الاهل واول انطباع
مافيه اي مشكلة
وخصوصا ان هذا من اهل العروس محد كلف على اهل المعرس شي
مع العلم اني سويت بس قدوع
لكن عادي لو كان الوقت مناسب اسوي بوفيه وعشا لاهلي واهله مافيه مشكلة
بالعكس مناسبة جميلة وبداية حلوة
والله يوفق كل المعاريس يارب ويزيد افراحنا

مادري من بدع هالبدعة ووهقنا، انا ماسويت واكلوني اكل وبعد ماسويت ملجة للنسوان ولا خطوبة بس الرجال الكبار والنسوان المقربين جدا و اكلوني اكل .. ويوم سويت عرس محد طب وتعذروا بألف عذر والي حضر كنهم حاضرين فاتحة ولا وحدة كشخت. كله سخافة و بذخ ماله داعي الي بيتوفق في حياته مو الحفلة الي بتوفقه، والي بتقول لا يسترخصها و هرار تره النذل نذل والبخيل بخيل ماراح تغيره مظاهر. الابو خله يشتري لبنته بهالمبلغ شي يساعدها في شقتها مكيف ثلاجة غسالة واجد افضل، لان عقب هالفخفخة يقعدون ثنينهم ع الحصير ولا احد يفتكر

كل واحد وكيفه ، هو وميزانيتة
مو حكم فرعون هو لازم بوفيه

طبعا غلط...واللي يسوي روحه كريم أقول في اشياء أوجب وما يحتاج أقول الك لو الكرم بس في المظاهر والفخفخة....
وبعض المعلقين يقولون ما اليه علاقة بالسعادة وأنا أشوف العكس..لأن إذا الحياة من البداية مصاريف زايدة ومظاهر فمعناتها تعاسة قائمة على الافلاس ودفع القروض ووووو. إلا أن تنالهم رحمة الله

هذا أمعادل وبفيه وهرار
عجل لو غالبين 8-صفر ويش سوون

يجب

يجب القظاء على الظاهرة
وظاهرة الصالات المترفه

ما له علاقة

الموضوع غلط والأغلب متفق عليه
لكن ويش دخل السعادة والتعاسة؟ ما له علاقة!

كيفي بسوي بوفيه أعزز من بناتي اللي تعبان عليهم ومربنهم. ليش أبخل على نسبان بناتي إحنا كريمين وهم يستاهلون.

المشكلة انك وغيرك تبتدع أمور مع الزمن تصير واجب..واكثر ظهر الفقراء

الله يزيد خيرك ويبلغك في بناتك
اتفق وياك كل واحد وكيفه
هو عشا لجم شخص ما قلنا اخذوا اكل وارموه
الي معترض يعني الحين انت ماعمرك عزمت احد على عشا؟
ولا وجبت ضيوف او اهل؟

بدعة

بدعه اسراف
بدعة اسراف
ما انزل الله بها من سلطان

هلل

ويش دخل البوفيه بالسعادة والتعاسة
انا اعتقد البوفيه شي طبيعي ولا ضير منه خصوصا في المجتمع البحريني بالعكس حتى لو المرأة مو كلش الرجل اذا شاف البوفيه ...

بدعة لمزيد من الإسراف وتحميل الأهل تكاليف لا داعي لها.

لمعادل ... هرار اليوم ... الجماعة حتى المهر متعادلين عليه من قبل .... بس ديزاين ... والله البدع قايمه سوقها ... هو معادل مو عقد بوفيه وغيره وهرار .... يعني الناس كله ورى الفخفخة ... وينكم وين أبناء الخليج البقية .. يسحبون منكم كلي يوم علاوة وانتون عيدي يا بلادي ... يعني مو بس الجماعة يطبلون احنا فيه جماعة ترقص

الناس

صارت الناس تمشي وراء المظاهر
يعني ماصار نصيب ويش حالة اﻻب يعني كل مرة يسوي بوفيه حرام ماليه داعي

الحين ما ايوون حق لمواساة اللي متفقين على كل شي حتى المهر جم
بس هذا مجرد اعلان

عشان يعرفون أهل العروس كرماااء عشان بعدين يطلعووون أضعافها في الزواج والخساااير .. هذا كلام وحدة من صديقاتي اتقول انضيفهم احسن ضيفة وأرقى معادلبس بعدين انا وأمي وخواتي . نقوم نتشرط في الزواج احنا بعد كرمناكم الحين بعد كرموني بشي طيب ... عرفتون شنو الحكاية

هرار ويش هالحجي
اسوي عشان اكرمهم مو عشان اطلبهم اضعافه
هي غبية العروس اذا هي خواتها وامها بيكسرون ظهر المعرس
لان هذا زوجها هي الوحيدة اللي بتتاثر
اسوي عشا عشان اضيفهم ناس داخلين بيتنا
نسوي للغرب ونعطي
ما نعطي اللي بنناسبهم؟
عليهم بالعافية

صحيح فشار و زمط لكن اللي ما يسون ما يسلمون من السن الناس بخلة وماسوو لينا و ما جابو لينا

خذوا من المصريين عبرة

دائماً أقولها المصريين في زواجهم يوزعون شربات وأكو معرسين وجايبين أولاد وعايشين أحنا صرنا بس للتفاخر و الفوشرة فقط لا غير وهذه المبالغ التي تصرف على حفلات الزواج في الصالات الغالية هناك صالات في المأتم مخصصة لزواج بمبلغ زهيد وفلوسك تذهب الإمام علية السلام بذل هذا البدخ هناك ناس لا يستطيعون الزواج عينوهم بدل ما يتجهون إلى اللعب بأعراض الناس يتزوجون صرنا لا نهتم بأمور المحتاجين أبداً صرنا همنا نفسنا فقط لا غير
تحياتي لكم أبو نور

دابحين الناس

احس يجيبون وياهم الشيخ ويعقدون
وخلصت السالفه

اول لا عشيات ولا هلهرار تمر وقهوه، احين لازم بوفيه ،، ولازم المعرس يعزم اهله كلهم وادا اقتصر ع الاب والاخوه لعموم زعلو ،، لازم ننظر ف سلوكياتنه اخاف عقب مااتزوج واجيب عيال البنات لازم يوفرون بيت للي بيخطبها!! ماستبعد

بدعه

" بس صدق شي ماله داعي كلش " في بعض الأسر من اهل المعرس متفهمين يصرون على اهل البنت ان مايكون في كلافه وان الحضور يقتصر على المقربون كلش

ههههههه و الله حاله
دي اول مره اسمعها بعد ، انا معرس جديد ، ليلة لمعادل بس انا و اخويي و خالي الي رحنا و النسوان امي و اختي و بقية العائلة خارج الدعوه ، حكويش هالخساير ، اذكر كان القدوع بسبوسه و هريس و معكرونه و فواكه و مكسرات خفيفه و عصير ربيع بلا بوفيه بلا زحرمان ده معادل مو عرس و حتى العرس محنا مخسرين متفقين نسويه في ماتم و صحون برسلات و قوطي عصير و خل الزمط و لفشار و العادات الغبيه لاهلها

يالرزييييييييييل

ما عليك منه

اشدخل الرزالة

ههههههههه

ضحكتني

الله يوفقكم ويهنيكم ويسعدكم
ما عليك من الي يقول رزالة
كل واحد يسوي الي يعجبه
اهم شي الحياة الزوجية عقب

الله يبارك ليكم

معاك حق أخي. .هذا الكﻻم العدل

ماشاء الله عليك,,حافظ ويش كان قدوع لمواساة عن ظهر قلب ههههههههههههه

ماعليك

كل واحد على قده ويش فايدة لين خسر على الناس جي الناس تالي بتنفعه لين صار عليه اديون الله يوفقكم ويبارك ليكم وماعليك من الناس ترى الناس تاكل وتتكلم

الله يهنيك

لو كل شاب وشابة فكروا نفسك جان ارتاحوا عقب

ام محمد

مافي

ابتعاد الناس عن نهج النبي وآل سبب كل المشاكل

المشكلة مو هالسالفة .. المشكلة الاهل يتشرهون ليش ماعزمتون ماقلتون يعني جنا مو معادل .. مسوين الشي ضخم باقي بس يجيبون الشيخ ويعقد !
ولازم لبنية تتمكيج احين وفستان وحاله ويش هالدواهي !
واذا ماصار نصيب يعني .. يظل خاطر لبنية مكسور مو حرام .. هي خنقة مشااعر وهي كسرة ظهر ع الخساير ..
ويش نسوي بعد صار الشي عرفي مانقدر نرجع لورا

عرف يا ابو العرف

في البداية كلامك زين في النهاية خمبقت الكلام يا ابو العرف

فشار وزمط وبدع للخساير، اقل بوفيه اليوم كم بكلف؟ مو أقل من 100 دينار في أحسن الظروف، وإذا ما صار نصيب بس أنت تعال كليوم سو بوفيه لأنه متقدمين لبنتك؟!! إذا واحد الله منعم عليه وهو يبي يفوشر كيفه بس مو لازم تروحون تسون نفسه وصير تالي هذا الشي تقليد حاله حال الصالة؟! مالت على البمبرة

اتقوا الله

ماليها داعي هل بوفيهات وهل الفشار
كل اسراف

الله المعين

الله يكون في عون الاب لي عند اكثر من وحدة

مظاهر هرار... ويش هالزمن الأغبر ... صرف بيزات في هرار وبعدين الاحتياجات الاساسية ما عندهم ليها بيزات

كل مرة بدعة

إن ابتعادنا عن النهج اﻻسﻻمي
سبب لنا هذه المشكﻻت
اﻻ والمشكلة كل هل خساير ومايصير نصيب

بدعة

احنا ويش دابحنا غير البدع التي تنتشر في مجتمعنا
وحنا نقبل فيه ونعملة
المفروض نقظيه على هذه الظاهرة

زائر

ليش الناس تتصنع وتحرج نفسها(ولينفق كل ذي سعة من سعته) فلو عودت زوجتك أوأعيالك أوبيت عمك (أنك أسد بس أنت !!؟) ماتقدر ترجع (ريوس أو لو رجعت يشنقونك) من أول موقف وأول ثانيه كن صريحا وصادقا حتى تدوم العشره ولا تأتي النعره وتحدث العركه وتسيل العبره!!؟

فشار ياعمي فشاار

والفقير الا يطيح فيها ويصير مكسور الخاطر

والله بايدنا انا انحد من انتشار هالظاهرة . صديقتي توها منخطبة ابوها قال بس لاخوانه وقال لاهل المعرس بس خل يجون كبار العائلة وقدوع بسيط وخلاص .. اللي بيحط باله وبال المظاهر يتعب واللي بيعيب خل يفل جيسه

كﻻفة

احسها كلافة على اهل زوجة بالخصوص اذا كانو على قد حالهم

هي المشكله

انهم على قد حالهم بس مايتركون الفشار علشان بت فلانه سواا ليها بوفيه وهي اقصاها سويده والمعرس حافي منتف ••••

الكنج

تقعد بالبيت وتربي عيالها ابرك لها والرزق بيد القوي العزيز ومانحن الى نسعى من اجل الحصول عليه

الكنج

أم ركبة سوده هي تعاسة الاسرة فتجي بمصائبها والوسيم بنفس الوقت يخطو خطوة الزواج ليتعسها أكثر للوهم الذي يعيشه قبل الزواج بإنه سوف يشتري جارية لتخدمه بكل ماؤتية من قوة

الوسيم هااا ..

لاتعليق يبو ركبة اتلق

الله يالوسيم

إذا هذا كلامكم مايطرح عليك كنج .... وخلك يا مهند زمانك
لايكون ف بالك أن المرة جارية عندك..ترضاها ع اهلك

بدع ما أنزل الله بها من سلطان

عدل عدل،، هذا اللي قاصر بعد

انزين اسمها ( المعادل ) يعني اذا ما صار اتفاق خساير البوفية راحت فلوسك يا صابر خخخخ

احسه تبذير وعادات جديدة ما ليها داعي واليي ما عنده

من اقبح ما رايته هذي العاده السيئه .. المعادل يجب ان يكون بين النساء وعدم اقحام كل شخص في هذه المواضيع .. الحمد لله بعض القرى لا تعترف بالتفاهات

والله ما احد غاصبهم
بس لناس تحب خناقها
للفشار والاستعراض
يحطون قدوع كشخة وانتهينا
بس هم يحبون الفشار خله ياكلونها

المشكله الاعظم

بما ان تسمية المناسبه بالمواساه او المعادل في ما لو تم رفض المتقدم او مثلا عرضت عليه اشتراطات لا يمكنه تنفيذها فكم سيكون حجم الحرج امام الكم الهائل من الناس من كلا الطرفين ومن سيأكل البوفيه حينها

!!

زائر ٧٩ ، الحين يتفقون على التفاصيل في اللقاءات الفردية بين العروسين واهلهم او بالتلفون ، واذا اتفقوا على كل شي يعلنون للناس بالمعادلة حق الفشار بس

بوفيه المعادل

طقس غبي وتافه

يسوون ليهم بدع وبعدين يصيحون

والمشكله كل بدعه الناس يسوونها البعض ياخدها عاده فلانه سوت اني بعد نفسها ،وتصير عبا علي أهل الزوجه وناس تقدر وناس لاسف ما تقدر ٠

بدعة

كل بدعة ضلاله وكل ضلاله في النار.

مصرف ما له داعي

في رأي ان الموساة لازم تقتصر فقط على الاهل المقربين جدا ولا بشرط يحضرون كلهم اذا كانت العائلة كبيرة جدا يكفي كبار العائلة احين اشوف عوائل كبيرة يعني الخوات والاخوان درزن ونص يروحون كلهم بالاضافة الى نسوان الاخوان والخالات والعمات والعم وعم العم والخال وخال الخال وببت الخالة وحتى الجيران والاصدقاء بدون مراعاة الى ظروف عائلة المتقدمين لخطبتها وحجم منزلهم
يعني اذا ساكنين في شقة او بيت صغير يضطرون يدورون لهم بيت كبير في العائلة عشان يشيل الجماعة

خسااااير

للتباهي والتفاخر وتكبد الخسائر فقط ... كل شئ جميل في الزمن القديم

موب العروس ..

اذا تم الاتفاق بين المعرس والعروس وبعد نتيجة الفحص تتم المواساة لتحديد المهر اهني يسوون بوفيه وغالبا المعرس يدفع بطريقة غير مباشرة من ضمن التجهيزات .. واذا مامداه يعطيهم تتسجل بالدفتر وعقب العقد تدفع العروس لبيت اهلها المبلغ .. طبعا بطرق غير مباشرة .. باختصار كله من جيب المعرس ومن هبل العروس .. واخر شي شهرين ويتفنقش الموضوع .. ماناسبوا بعض

يا حكيم زمانك من قال ليك هالكلام
اني سويت من عندي ما طلبت لا من اهلي ولا من خطيبي
ولا دفعته المبلغ ولا سجلته بالدفتر على قولتك
وحطيت من عندي مبلغ ازيد من الي عطاني اياه للتجهيز
ومبلغ التجهيز ماقلته جم هو من عنده
فلا تهر من راسك وانت ماتدري

مو المعرس بعد..

صدق..وتتفرقش السالفه..
اقول لا افراط ولا تفريط..
كل شيء غالية ألحين...
كان قدوع او بوفيه مصغر ..وشوكرن

ولد زويد

هاذي هي المصائب التي يقوم بها الناس من اختراعات لا أنزل الله بها من سلطان وخسائر لا داعي لها وحتى في ثلاثة أيام الفاتحة عندما يموت أحد حيث يقوم البعض من أهل المتوفي بعمل غداء وعشاء لمدة ثلاثة أيام وهو أيضا إختراع جديد من البشر لماذا كل هذا هل هناك حديث نبوي أو آية قرآنية على فعل تلك الأعمال الذي لا داعي أصلا لها حيث يقتصر في السابق على الشاي والماء والقهوة والآن قام البعض بوضع عصائر اللهم عفوك ورضاك يا أرحم الراحمين .

الحمد لله هالبدعة ما مشت علينا

وما طبقناها لانها هرار وما لها داعي وتكلف اكثر من حفلة الملجة

موبس جذيه

ياخوك موبدعة بس الشره على رجال هاالزمن مافي رجال في بش وبغال الله يعز السامعين سكانهم نسوانهم المرأة هي اللي تفصل والرجل قصدي البشّه هي اللي تلبس يسمعون كلام النسوان وهم وراهم انا قلت لبض الناس في المادل مافي داعي لهاالمخاسير قال لي النسوان يبون جذيه الله يغربلهم غربلونا قلت اتفضل اتكلم والله قلبتون الآية النساء قوامون على الرجال مسخرة مابعدها مسخرة الاول نفرين يروحون المعادل الاب والعم ويتفقون ويحددون اليوم ويروح الرجال يجيب قدوع بدون ماياخذ أمر من زوجته ماتشوف الاجايب السامان