المعلم مظلوم

????????????لم أندم انا وكذلك كثير من المدرسين زملائي الحاليين والسابقين على شي ...قدر ندمنا على الاخراط في ذا السلك ال.. اللي ...

طبعا هذا السلك ليس ..بحد ذاته ولكن ما استجد عليه من ظروف و قوانين مقيدة ومفسدة للطالب وللعملية التعليمية من مثاليات تافهة عفنه جعلت الموضوع على ما هو عليه الآن من فقدان المعلم لاحترامة من طلابه والمجتمع بعد اذلالة ماديا ومعنويا وكسر شخصيته وتحويله الى متسول بثوب استاذ ????
وبعد أن أصبح فرجه لكل من هب ودب ...????

وزارة التربية تحتاج صدمة قويه لتستيقظ , والصدمة أحيانا مفيدة , يا الله الفرج .

حمدوا ربكم

اي حمد ربكم احنا سنين نقدم وبالاخر صكوا التقديم حق تخصصاتنا وملعون خيرنا بالخاص ولافي زيادات لنا . ثانيا الايقارن نفسه بالعاملة ومحتج ان حاله حال العاملة وانه مدرس لازم له قدر وقيمة ليش هالعاملة مو مواطنة وانسانة وتكدح وتستحق والله مغترين بالشهادات ترى نص الديرة اذا مو كلهم دراسين وبالنهاية هذا مو كلام مدرس مثقف يربي الاجيال

تخبط

زادات تخبطات الوزاره كثيراً في الاونه الاخيره المقروض يبدلون الوزير فهو لا يستطيع اداره الوزارة

اقول للزائر 60 عن توحيد اللباس حتى البقية الباقية من الطلبة تنام بالعكس لو كنتي معلمة وتلاحظين انه المعلمة اللي تلبس وتتعدل تجذب بناتها ويحبون مادتها اكثر من المعلمة اللي نفول عليها ميتة واتحدى احد ينكر فلو وحدنا اللباس شنو بيصير ملل في ملل في جماااااد

نطالب بجلب منظمات او شركات علاقات عامة تخص التعليم في العالم
التعليم في البحرين من ناحية منهجية دمار ومن ناحية ادارية دمارين
تسيب المدرسين واجد زايد في الخمس سنوات الاخيرة واللعبة والاهمال كبير جدا
المسالة مو مسالة فلوس حرام الي قاعد يصير انا مدرس واشوف بعيوني الظلم والاهمال المسبب لضياع شريحة كبيرة من الاجيال القادمة بسبب طرق التدريس واكمال المنهج
صحيح تاخير كبير في الدروس ولا من رقيب

..نطالب الدولة بالزام المدرسين بالبس الرسمي الثوب جان تصير ليكم هيبة عند الطلبة وبالنسبة للمدرسات موحد تنورة وقميص وجاكيت

احنا غير العباية

ما بنلبس
حتى لو فنشونا
فلبس بناتك ولبس روحك تنوره مره وحده فهمت

اسمها التربية وبعدين التعليم
ويش تنورة ههههههه
صاحي انت
الناس فهمت الحين وحتى المجتمعات الغربية يطالبون بالحشمة في مجتمعاتهم ماعليك من الافلام والاسواق في اوربا.... ترى هم يطالبون بالمبادئ اكثر منك
وش قال قال تنورة ههههههه يا وجه استح

معلمة

أني ألبس دفة والطالبات يحبوني
نفسية الطلبة تتعدل بمعاملة المعلمة لهم وسلوكيات وطرحها وطرق التدريس مو الدفدة تعرقل ، ويانا معلمات يوميا كاثرين بدلة غير لكن الطالبات ما يبون يدرسونهم

شكلك من المأجورين عند الوزارة..اول صحح معلوماتك وتالي تعال تحجى..بديت اشك ان اللي يسحبونه من الناس يعطونه امثالك عشان يكتبون حجوتين في النت يدافعون فيها عنهم

كثير من أولياء الامور مضرر من الدوام الطويل لأولادهم ليش الطالبات يرجعون وينامون وموعد الغداء الافراد بالاسرة مشتتين والمعلمات حالتهم حالة والمناهج طايح حظها وما تواكب الحياة وكثير من الدروس ماتفيد الطلبة وهالحشو , متى نتطور ؟

كلش ماليه داعي تمطيط الدوام فاشل وياريت الدوام يرجع مثل ماكان , وثانيا على المعلمين التجمع أمام الوزارة للأحتجاج عن حقوقهم المسلوبة من ضياع وقتهم للساعة 2 وربع ليش يضيعون الاسر ويشتتونهم بالدوام الطويل ويتعبونهم . والمعلمات يرجعون منهد حيلهم ليش .

البلديات و التربية

أنا من زمان قدمت اجازة لشهر رمضان
إضافي مافي مع أننا نشتغل إجباري لأننا
نعمل نظام شفت
وهي كم شهر ما ينزل لنا إضافي
العيد الوطني و المولد النبوي
ببلاش اشتغلنا

خلهم زين ليهم لا يدرسون عدل وظلم في الدرجات وغرور وتسيب وما يدور يعرس الا في وقت الدراسة والمنهج كله متاخر
واكثر الوقت قاعدين يسون بزنز في وقت الدوام بالتلفون
زين الي يظلم الناس في الدرجات الله يسلط عليه من يظلمه

دعوة للمعلمين

لم تكن الوزارة تجرؤ على هذه التصرفات لما كانت جمعية المعلمين فعالة، ومع حلها وانشاء جمعية التربويين لم نجد اي جهة ترد على تصرفات الوزارة المهينة للكادر التعليمي، ندعوا المعلمين للشجاعة والتحرك من جديد من اجل احياء جمعية المعلمين

الحل ترجيع الدوام لما كان عليه سابقاً

نداء لوزارة التربية ارحموا أولادنا يرجعون البيت خلاقين من التعب وبدوا ينفرون من المدرسة طويل واجد الوقت وماأشوف مع تمديد الدوام طلعوا عباقرة بالعكس مخوخهم فششت خصوصاً احنا في البحرين الجو حار مايتحملون هالساعات الطويلة في المدرسة يرجعون ويفلتون روحهم واحنا نقعد فيهم ياولدي يابنتي قعدوا حلوا واجباتكم مايقدرون يقومون من التعب

توجيه للزائر 12

لماذا لا تذهب لديوان الخدمة المدنية أو لوزارة التربية للتأكد من مدة إجازة المعلمين فهل هي شهران أم ثلاثة ؟؟؟!!

نداء لوزارة التربية والتعليم

رجعو الدوام مثل قبل. اساسا ما عندكم خطة مدروسة للتمديد ومعظم الوقت اللي زيدتونه هو وقت ضائع ومهدور.

الله يعطيكم العافية معلمين ومعلمات

حرام عليك يا زائر رقم 12
أولا نصاب المعلم الأسبوعي يتراوح بين 18 و 20 حصه في المرحله الثانويه و الإعدادي و الابتدائي يصل أكثر من 20 حصه
ثانيا: الإجازة الصيفيه شهرين فقط وهي مفروض على المعلم
لا خيار له فيها مثل باقي موظفين الدوله.
ثالثا: جميع المعلمين يحملون شهادات جامعيه و بعضهم معه شهادة الماجستير و الدكتوراه فمن حقهم أن تكون الساعه ب 10 دينار مثل بقية أصحاب الشهادات العليا.
بعدين يا أخي المحترم
اذا ما تفهم في مهنة التدريس و متطلباتها من الأفضل لك و لغيرك أن لا يتدخل في الموضوع .

ياجماعه حرام النعمه زواله

فعلا من الخطأ ان يقصون من رواتب المعلم التعبان المنهك ..بس ياجماعة الخير ..لما صار التمديد وعطوكم المكافأه كلكم قلتون احنا مانبغي الفلوس ورجعوا الدوام ..يعني بالله عليكم ..اسالو انفسكم هل بيرجع الدوام ل وحده ونص؟ أكيد تعرفون الاجابه ..بس لا تكررون احنا مانبغي المكافأه ..ومستغنيين عنها ترى الله يسمع ويشوف

الظلم ظلمات

اذا دعتك قدرتك على ظلم الناس فتذكر قدرة الله عليك ، المدرسين مكروفين طوال العام يشتغلون في البيت والمدرسة ولا في رحمة خافوا الله شوي واذا ما عندكم تدفعون اجور المعلمين كاملة رجعوا الدوام السابق افضل للمعلمين ولأولياء الأمور والطلبة.

حسبنا الله ونعم الوكيل

اذا ما فيه ميزانية يرجعون الدوام للوقت الاصلي وحدة وربع
مي حالة كل يوم وطلعتون بقرار وقصيتون من هالمكافأة
وفي الاخير بشيلونها كامل والتمديد بخلونه واللي رايح فيها المعلم المكروف
رجعوا الداوم لوحدة وخلاص

تابع للكلام

هذا رزق من الله ..وصدقوني ان بعض الموظفين يتمنى زياده في راتبه عشرين دينار ومستعد يشتغل للمغرب ..وانتون مكافأتكم مجزيه وممكن تحل لكم معظم المشاكل الماديه اللي يعاني منها المواطن .. ترى تكرار كلامكم مانبغي المكافأه كأن رزق من الله وانتون ترفسونه ..أدعو الله دعاء خاص أن الله يفرج ليكم وتتحسن اوضاعكم واكيد رب العالمين بيسمعكم

احترام المعلم عند وزارة التربية

المعلم لدى وزارة التربية هو مخلوق يجب الانتقام منه لانه يخلص فى تعليم الطالب لذلك تجد جميع القوانين ضده

الجودة

الجودة تمثل القضاء التعليمى النزيه الذى يتغاضى عن تكدس الطلاب فى الصفوف

...

هههه دوام لثنتين وربع و تقولون طويل؟
شنو حالة الا يداوم للساعه ثلاث ونص او خمس؟

اللي يده في النار

يا اخي ما اعتقد انك اذا رجعت البيت تواصل دوامك .. المعلم او المعلمة في البيت اما يرجع يصحح اوراق يجهز خطط يحضر دروس ويعد دروس الكترونية ويكتب تقارير .. الخ يعني دوامه متواصل لين أنصاف الليل

ما تقدر

لن تفهم التدريس الا اذا جربته ، نحن نفرح عندما ننشغل بالتصحيح ولو داومنا وقت إضافي لانه ليس بصعوبة التدريس ، عزيزي

الحبايب

بيرجعونة لي زمن العبودية ولو العبودية متواجدة عندنة نوعا ما...الله كريم!

وزارة ...

حسبي الله و نعم الوكيل على كل ظااااالم
ربنا ياخذ حقنا منهم
كرف و عدم تقدير و بعد بشيلون الفلوس
رجعونا للدوام القديم
مافيكم شدة و لا عندكم تدفعون..كنسلوا المشروع ..اعترفوا انه فاشل

رجعوا التوقيت لمثل ماكان

و وفروا بيزاتكم

الاسوء

لم تمر حقية على وزارة التربية بأسوء من هذه الحقبة على جميع الاصعدة .. التعليم في مهب الريح

موزين الطمع وحاسبوا لغيركم عاطلين أو رواتبهم 250 دوامين وما يتذمرون نفسكم

هذا حقنا

حقنااا
وعلى اساسا بيشيلون منا وبيعطونكم

اخذ البيزات واعتقنا الساعه ١:٣٠ والله قابلين .. لاعت چبدنا.. ومشروع التمديد فاشل .. اعترفوا وفكوا عمركم وفكونا وياكم ووفروا بيزاتكم بدل كل يوم ما اطلعون لينا شي اتقصون من وراه من هالزيادة المدمورة.. فكروا زين .. ريحوا وارتاحوا .. انتون تبغون بيزاتكم واحنا نبغي وقتنا يعني متفقين

ما الفائدة المرجوة

ابغي اعرف شنهو فائدة تمديد الدوام غير ارهاق الطالب والمدرس وولي الامر وزحمة الشوارع ، الطالب هالوقت ما عاد يستوعب شي وبيوصل البيت مرهق ما يقدر يسوي واجباته وينعكس سلباً على جميع الاسرة

14 ساعة

اعتقد انه تم احتساب 14 ساعة بسبب وجود اجازة الربيع.

ما في احد يحاسب الوزير

كيف يتم احتساب العمل الاضافي للمعلمين بهالطريقة! الدرجة 4 يحسب له 4 دينار! والدرجة 5 يحسب له 5 دينار! في المقابل العاملين في الجداول الاعتيادية والتنفيذية يحتسب لهم على الجدول المعتمد من ديوان الخدمة!

التمديد من أساسه خطأ.. والاستمرار فيه خطيئة
ما يجري من ظلم على المعلمين سينعكس سلباً على عملية التعليم والتعلمّ، فإذا كانت الوزارة تنشد جودة المخرجات التعليمية فعليها دراسة واقع أطراف عملية التعليم، 70 دينار فارق بين راتب يناير وفبراير ؟!!
مزيد من الإخفاق يسجل على الوزارة وبعدكم ما شفتوا الأيام الحلوة

أولا ساعة المعلم تصل 10 دينار وهذا يعد تبذير واسراف في المزانية وهو غالبا يقضيها بالفراغ لأن عدد الحصص لا تتعدى 12 حصه في الأسبوع ..
وثانيا اجازات المعلم تتعدا 3 شهور في السنه ومع ذلك تصرف العلاوات والتمديد
ثالثا المعلمات يقضين العام الدراسي بين أجازة الولاده وساعات الرضاعه والأستاذان
وعليه يجب انصاف الوزارة فهيا تسعى للوسطية والمحافظه على المال العام مع احترامي للجميع

أنا لست معلم

لكن من كلامك وايد شايل (متحامل ) على المعلمين ،، لكن جهز روحك حق الردود إللي بلتعن صيرك الحين.

أنت ما خليت فيها احترام يا خوك
المدرسين يچحتون في هالساعات الفاضية على قولتك و في بيتهم يشتغلون ( بتحسب ليه الوقت الي يقضيه في البيت يشتغل ) و في ناس اعرفهم جمعة و سبت يشتغلون
أقول اذا ما لك في الغنم تيس اكرمنا بسكوتك
أنت ليكون تحسب معاش الوزارة مغري روح باقي دول الخليج و شوف كم راتب المدرس
أوادم ما أدري چيف تفكر ساعات
تفكر في مضرة غيرها حتى لو ما بتحصل هالفايدة الي تأيد سلبها من الطرف المقابل

الحل

الحل أيضا بإلغاء الوظائف الإدارية والتي تعتبر غير منتجة ويقضون وقتهم بتناول الفطور والصلاة ، ووقت الفراغ كم معاملة،

نصاب المعلم

20 حصه أسبوعيا
تعال شوف الجداول اذا ما كنت مصدق
عام تنبط عيونك
ثانيا ساعات الرعايه ناخذها عقب ما نخلص حصصنا يعني تكون مرتبه بالجدول
ثالثا الحال والولاده يصير لكل الموظفات مو بس احنا
واجازتنا شهر وثلاثة أسابيع ومحدده
خل يعطونا شهر واحد ونختاره بكيفنا في السنه
الله عليك

فراااغ

خاف ربك
أي فراغ الي تتكلم عنه واحنا إلى نص الليل شغل تحضير وأنشطة واختبارات وتحليل
لكن الواحد ما ايقول إلا حسبي الله ونعم الوكيل

طنبورها

اجازة المعلمين صارت شهرين اذا كنت للحين مغفي و الفضل يعود لأشكالك، و انتون 45 يوم يعني مو فرق وايد، و الحصص 22 حصة اسبوعيا والي جدولة اقل يعطونة حصص احتياطية و اشغال ادارية

(ومن شر حاسد إذا حسد)

مشكلة لما الواحد يتدخل في أمور ما تخصه ومن غير دراية ، هذا كلام الجهلاء اللي ما يعرفون قيمة العلم وقيمة المعلم
اللي ما يخوض المعركة ما تقدر توصل له ما يجري في الميدان
حسبنا الله ونعم الوكيل على الظالم و على المؤيد له

انعيش ونشوف

يا جماعه يبون يقولون ليكم بس مهم عارفين زكاة العلم تعليمه فأنتم منّ الله عليكم بشئ من العلم وعليكم زكاه فيجب عليكم اخراجها وهذه الزكاه حالها مثل زكاة الأموال تحتاج الى مراقبه وتنظيم من قِبل المسؤولين .

وزارة التخبط

يوما بعد يوم نكتشف أن لا وجود لتخطيط في هذه الوزارة .. فالحين كل يوم تعميم بضوابط الحضور والانصراف والاستئذان وهم لا يعرفون أبسط أبجديات التخطيط السليم .

التوقيت

رجعوا التوقيت السابق تعبنا الى الساعة الثالثه والنصف نوصل البيت من الزحمه وعيالنا من التعب مايقدرون يتغدون ولا يدرسون من التعب حرام والله

الى متى هذا الحال

على الوزارة الغاء المشروع والعودة للدوام السابق

ههههه .. هالوزارة تضحك !!

مو عارفة شلون تتصرف !! الشره مو عليكم ... على المعلمين إللي ساكتين عنكم !!

غيرو التوقيت

خاطري ايرجعون التوقيت. الى ما كان عليه رحمة بالطلاب و المعلمين و اولياء الامور عن زحمة الشوارع التي لا تطاق

!!

يكون افضل جدا

اقتراح ولي امر

الافضل الرجوع الي الساعة الواحدة والربع، افضل للميزانية، والطالب وولي الامر.

الرجوع الدوام السابق

الافضل يرجع الدوام مثل ماكان افضل للطلاب والمدرسين وأولياءالامورواصلاًهذاالنظام فاشل ولاشفنامنه فايدة غيران الطالب طاقته تخلص والشوارع تكون زحمة لان الدوامات والمدارس نفس التوقيت وغيران فسحتين تكون مامنهم فايدة

اكل حق المعلم

في السابق كانت الوزارة تحاسب عن 18 ساعة رغم ان المعلمين يداومون 20 ساعة وفي بعض الشهور 22 و23 واستبشرنا خير لما قالوا ان الوزارة بتحاسب على عدد الساعات الفعلية الا ان الوزارة قلصت قيمة الساعة! وهذا ظلم للمعلم وهضم لحقه

انا معلم. احقاقاً للحق فان عدد الساعات تم تقليصه بسبب عدم حضورنا في شهر يناير بالاسبوع الاخير (اجازة الربيع) وهذا صحيح ولكن بالنسبه لتقليص قيمة الساعه الواحده دون تعميم او قرار واضح فهذا ظلم.. بأي حق تتعامل الوزاره مع المعلم بهذه الطريقه (اخر من يعلم)

من العبقري

انا ابغي اعرف من العبقري اللي قرر ان تكون اجرة المعلم اللي بالدرجة الرابعة 4 دينار واللي بالدرجة الخامسة 5 دينار! هذا لازم يعطونه جائزة نوبل، لكن الموضوع تعسر في الدرجات الاعتيادية فالتزموا بجدول الديوان

لا حول ولا قوة الا بالله

المعلمين لا حول لهم ولا قوة! يخافون يعترضون ويحولونهم لجان تحقيق وما في احد من النواب او اصحاب السلطة يدافع عنهم ويرد تخبطات الوزارة!

تخيل

اني معلمة من 10 سنوات وعلى الدرجة الرابعة كنت استلم 107 دينار والحين عاطيني 56!!
لا والعاملة بالمدرسة على الدرجة 2 عاطينها 40!!
يعني فرق بيني وبين العاملة 16 دينار
ليش ينزلون مستوى المعلمين؟

وكم صافي الراتب لها ولك ؟ ياالي اطالعين ارزاق الناس حتى على 16 دينار على قولتش اطالعين فيها

هل فقط مكفاءة التمديد

يا جماعة لجنة الجودة وظيفتها تبرءة مسؤولين وزارة التربية من تقصيرهم فى تخطيط النظام التعليمى وتكديس الطلاب فى الصفوف ونقص المعدات من داتاشو والحواسيب المقطنة التى اكل الدهر عليها وشرب وزوع

يا وزير الوزارة كافية خسارة و الحكومة محتارة

كل يوم إضافة مادة يعني كتب جديد مدرس محلى عفوا ..أو خارجي زيادة ساعات الدوام مدرسين أجانب يعملون في مهله خاصة العصر حق نفس المادة كأنه عايشين فى وزارة حق وزير كل شى على كيفه و الباقي يأكل تبن.