ياليت كل الرجال جذي والله

انا ضد ربع السؤ لكن فرصة نعبر او نوضح صحيح ساعات امشي مع شلة اغلبها تسوي اشياء احرام لاكن موجود فيهم الزين و كثير منهم جدي ربع يعني معقولة كل النسوان اللي تحت كتبو من النسوان كل ربع ازواجهم مو زينين هذي قوية و على فكرة الضاهر ساعات يخدع ا..اعيدو النضر و يا نسوان في اشياء الازواج ما يقولونها ليكم يعني مو كل شي تحكمون عليه و انا عندي قروبات صبيان تحط صور خليعة بس لين انا ما ابي ما بنزل الصورة هذا رايي الشخصي وشكرا

قاطعت الربع ...

احببتها على طريقة قيس و ليلى فذقت الامرين مع الاهل و الناس والعذال ، الا اني ضفرت بها و اصبحت با النسبة لي هي الزوجه و الصديقه و الام التي تحنو علي ، فعفت الربع و الاصدقاء الذين حاولو جري الى معاقرة الدخان في القهاوي ..

-+// مرت درازي \\\\+-
ودي احجي واقول لكن صعبة ما احب اتكلم في غيابه
بس اقدر اقول حسبي الله ونعم الوكيل على ربعه الي من استغل زوجي للمصلحته وحداه على الديون
ناس مرضى يغارون من المعاملة الحلوة والي تعطي زوجها من فلوسها ويقعدون يفتعلون مشاكل بين ربعهم وزوجاتهم
حسبي الله ونعم الوكيل على من في بالي سبع التحاسيب

للأسف من تجربتي كان من أقوى العوامل لتخريب حياتنا الزوجية. لما يتم إعطاء الأولية للربع على حساب قضاء وقت مع الزوجة والأولاد فالملام الأول هو الزوج الذي لا يعرف كيف يوازن بين الاثنين.
وفي حالتي للأسف كان صديقه المفضل نصائحه هي اللي كرهتني في زوجي وقطعت حبل المودة.

زوجي يسهر كثيراً في القهاوي مع اصدقائه يعرفهم من ايام المدرسة و كلهم متزوجين و هالشي ريحني كثيراً في البداية بس مع الايام اكتشفت ان عندهم "خرابيط" خطيرة صور خليعة في قروبهم و فيديوات و من هالقبيل و زوجي و لله الحمد ملتزم و عمري ما شكيت فيه من هالناحية و لكن الصاحب ساحب لما حسيت بسوء خلق اصحابه بدأ الشك يزداد.و اكتشفت ايضاً انهم يتداولون حسابات سناب لبنات ترقص و تعرض اجسامها و كل هذا و هم متزوجون و فوقه يروحون محاضرات و هالشي سبب خصام و شجار بيننا هو اتعظ في النهاية و لكن ماذا عن البقية؟

لو مو نفسهم

ما رابعهم

ناوين تشبونها يا الوسط ????

أحاديث أهل البيت عليهم السلام هي الخير
طبعاً لابد من الصديق والروايات حددت صفاته وحدد الحقوق والواجبات
والصديق المحب لصديقه يساعده في بناء حياة زوجية سعيدة
وليس من الصحيح طرح الموضوع بهذا العنوان

هبالتج يالوسط
ويش هالهبل يعني لو اصدقاء زوج سوء بيخربون والعكس صحيح مللتونا من مواضيعكم تعال علق على صورة من فنان الخليج وهالهرار الي مايخلص

حسبي الله ونعم الوكيل على كل واحد يخرب بين الرجال ومرته وأولاده الله يبليهم نفس ما بلونا

زوجي واصدقاءه مايطلعون واجد
من الاحظ تغيير فيه ادري ان طالع وياه
بعض الصبيان فيهم حسد غير طبيعي

مو متزوجة ولكن هذا اكثر سبب مخوفني في بعض الرجال - اصابع يدي مو سوى صح , لكن الاكثر يهتم لطلعاته و ربعه و ينسى زوجته و عياله في البيت ياليت مره او مرتين في الاسبوع طول الاسبوع برا و لين نص الليل اغلبهم جذي و هذا ما احسه استقرار مثل ما قالت وحده من الخوات اذا الزوج بيتابع ربعه لا يتزوج , اللي بيعادل بين بيته
و اصدقائه و عمله الله يوفقه , اهم شيء الشخص له شخصيته و محد يأثر عليه

الحمدلله ربع زوجي كلهم زينين وطلعاته وياهم تريحني مع ان يرجع من الشغل متأخر واذا طلع وياهم ما اجوفة الا قليل. بس مرتاحة واذا أيام قلت طلعاتة وياهم بالعكس اني أقول ليه اطلع روح وستانس. مع اني ما اقدر اطلع وية صديقاتي من كثر المسؤوليات الي عليي. واحاول ما اتصل فيه وقت الي هو وياهم إلا في حالات الضرورة

ياريت كل النسوان مفلش

سيدة الزمن الجميل

عندي قانون عايشه عليه ٢١ سنة ما يدور بين الرجال للرجال لا دخل للنساء فيه والعكس صحيح يعني لا داعي لنقل المعلومات التى تدور في الجلسات هنا أو هناك لذا لن يكون هناك مشاكل أو ملاحقات ونحوها

درر ياخوك...

دائما العصى لمن تنمسك من النص احسن لكلا الطرفين ،، الزوج تره يحتاج انه يكون عنه ربع ويطلع معاهم والزوجه المفروض تفهم ذلك وايضا الزوج عليه انه يختار الصاحب الي يعينه على كلشي حتى الوقت والأهتمام بعائلته والصاحب ساحب وياخذ براي مرته ويشوف من الممكن هو في شي مو شايفنه في صاحبه وانه مأثر على حياته في النهايه هادي زوجته وعياله مو معقوله بيهدم بيته عشان هلاصاحب الي من الممكن مو صاحب بل ساحب للهلاك

اف من الربع ما تصير 5 المغرب الا بالاتصال بتلفونه من الربع ومن 6 أوت اف أردر سهر ويتعشي وياهم ثم للبيت يرقد والمرأه والعيال ؟؟؟ للربع يومين بالاسبوع المفروض والباقي للأسرة , والشباب معذور يسهر أما خمسيني ويسهر يتعب روحه من السهر ليش متى يستيقظ ؟؟

ايام ما كنا ساكنين في شقة في قريتي ما كان يطلع ولا عنده ربع غير ربع الشغل ووقت الدوام بس يكون وياهم بعد ما رحنا بيتنا جارنا فتح طبيلتهم وعتمه كل يوم لوقت متاخر الا يحز في نفسي الصلاه الصبح ينام ما يقعد كل يوم قضاء واني اعصب غير الجهال اسبح واعشي وانيم وهو بره وانام بعد من التعب وقلبي قارصني من هالجار ويقول ما تبيني استانس اخرتها ضرب عليهم كلهم مبلغ وكل واحد راح له بوجه ويوم اكتشفو قال احساسي مكانه واعترف تالي والحين ما يطلع وجارنا كلهم هدوه وما يبين سكر طبيلته . الحين ربعه اولاد عمومه واخوانه

اخلاقهم زينه بس خمه مايتكلموون الا عن .... وهالسوالف من جدي ماستحملهم !

لا لرفقاء السواء ..

ليس عندي رفقاء او اصدقاء سوى عائلتي ..

تهديد بالطلاق لانه رجع الساعة وحدة و نص و شافني نايمة؟؟؟؟ علما بان عندي دوام من الصبح و دوامي قبل دوامه؟؟؟؟؟ او لان سويت عشا ما يحبه؟ ما اضمن انه يرجع متعشي خوب هالطلعات ماليها قانون يوم عازمنهم يوم عازمينه و يوم يتعشون في البيت. و اذا ما حطيته في الثلاجة تتوقع يخطر على باله انه يشيل الاكل بنفسه و يخليه في الثلاجة اذا ما يبغيه؟
أقول احسن شي اسوي اللي اسويه و اني اضحك و اتعامل معاه تمام و هو يتعدل
اما المرأة اللي تسوي روحها سوبروومان و تراوي زوجها انها قوية و تقدر تأدبه هذي تجني على روحها.

يعني وي؟؟؟؟؟؟؟؟؟؟؟؟؟؟؟؟؟؟؟

عدل كلامش

شخصي الزوج تلعب دور ، اذا كان اجتماعي وايد او قليل ، ويعتمد على الشخصية ادا كان ذات شخصيه قويه ما احد يقدر يأثر عليه
صديقات الزوجة نفس الشب ينطبق عليهم فيهم الزين والشين

انا زوجتي سوت مثلش وهدتها بالطلاق ،ترى النحاسه مو زينه تهدم البيت

بمجرد انك هددتها بالطلاق .. ماعاد فيه أمان العيشه وياك .. مسامحه اذا تدخلت بس عمره التهديد ماكان أمان لشريك الحياه ولا استقرار ..

حدي الشغل والنادي والبيت ربعي بس في النادي في البيت اكون مع الأهل , الأول كنت اطلع مع ربعي نروح نتعشى او نروح نلعب وارجع والحين ما اطلع لأن الربع كلهم يروحون قهاوي وانه كلش ما احب الدخان اقعد في البيت احسن

اول كان يسهر معاهم الى الساعة وحدة و الى وحدة و نص و تالي قررت اني امشي حياتي مثل ما ابغى لا انتظره يرجع و لا شي. اذا قمنا من العشا اشيل الباقي في الثلاجة و في كثير من الأحيان اسوي شي نحبه اني و الجهال و هو ما ياكله. او اسوي سندويشات على عددنا. و اذا رجع و هو ما تعشى مع ربعه خله يصرف روحه. و لما يجي وقت نومي انااااام ما انتظره. و طبعا ما ابين له اني مسوية هالأشياء من باب النحاسة. و شوي شوي قلل السهر.

حركات النسوان بعد ههههه

النسوان الشككات يطيحون فيها،،
لأان كل دقيقة تتصل إليه وين انته
وهو ويا ربعه، وينحرج أو انهم يقومون يقولون الحكومة متصلة خلاص ما يقدر يسوي شي فيقلب عليها وتروح عليها

انا شايب

حدى الماتم وبعض المجالس التى تفتخ ابوابها الى الساعة عشر وبس وارجع البيت وبعض السفرات الى الاماكن المقدسه مع الزوجه او مع العائله وانا فى اجازه مفتوحه والحمد الله

وهي إذا تبغيه كل قاعد وياها ..وإذا طلع تتصل فيه تخليهم يعيبون عليه وتالي يقلب عليها

بس يقولون إليه باور يقلب سوبر مان عليها مسكينة

ههههههههههههه
زوجة صديق زوجي تسمي زوجي ضرتها ههههه
زوجها يتصل لزوجي في أي وقت و يطلعون مع بعض واجد. خلهم يطلعون. اهم شي اني ضامنة انهم و لله الحمد بعيد عن الخرابيط و الطريق الاعوج زوجي يرتاح اذا يطلع مع صديقه و تصير نفسيته زينه. و عكس الحالة لما يزور اهله مع انه يواصل ارحامه حتى من غير مناسبات لكن يرجع متضايق لان اطباعهم غييييييير عن اطباعه. و هذا الشي يخليني اقدر علاقته بصديقه.
بس ما ادري ويش فيهم في الفترة الأخيرة ما اشوفهم يتصلون لبعض او يطلعون مع بعض. و اساله يقول ما في شي.

كلهم من غير شخصيه والدليل انهم يتبعون كلام "الربع" ومو واثقين من رجولتهم فيطلعون هذا "النقص" على زوجاتهم واذا مافاد راحو يملون هذا "النقص" في اللعبه برا مع بنات الشارع و يتحدثون عن افعالهم امام "الربع" عشان يتفاخر برجولته الناقصه.

ولو كان بيتوتي مايطلع مو حليو بعد لان في هالحاله بيعتمد اعتماد كلي ع الزوجه في مستلزمات البيت والساذجه الي تعوده ع جده لااا كثره طلعات ولاكثره قعده في البيت اكون اساوي الطرفين ..

اذا عطيت كل واحد حقه مابصيدك مشاكل
مفلاً تخصص النهار للعمل و المغرب حق العائلة وساعتين فلاف للربع ورد ترجع للعائلة من جديد انتهى الأمر
و بعد خصص يوم او يومين في السبوع كشت ام دشداشه كودري و اولادكم روح وياهم ادنات مجمع حديقه مطعم يعني من هالقبل
الحمدلله هذا روتيني و الحياة بصره عندي

البعض منهم اكونون عامل تخريب للأسف ولااحس كثره قعداتهم مع بعض ليها اهميه تذكر نفس مالنسوان تحش هم بعد كذلك ويعرفون الصغيره والكبيره في الديره
والبعض منهم كذلك احرضونه ع زوجته ليتزوج بثانيه ..
ويتخذ هالربع متنفسه اليومي ينسى ويتناسى عنده زوجه وولاااد يسألون عنه ؟!!! يدخل البيت ساكت ويطلع ساكت وعند ربعه ريدووووو من سالفه لسالفه ...
مايخالف خل يطلع ويريح بعد عناء الشغل وهموم هذه الدنيا بس عااااد مو كل دقيقه .. اجي بس يسال عن بطنته يآكل ويمشي ..

انا ماقول غير حسبي الله ونعم الوكيل في ربعه ومايتسمون ربع هذلين لانهم ربع مصلحه وفوق هذا اخلاقهم سيئه جدا اصدقاء سوء الا ياليت ماعرفهم ولا عرفوه وسبب اني في حياة جحيم بسببهم وسبب كلامهم بين بعض ومعايرهم وكل واحد يبي يثبت من ارجل من الثاني على انه "باور" على زوجته وانه يسوي الا يبيه
سحقا لهكذا عقليات اكرهكم ويعل حوبتي ماتتعدى ولا واحد فيهم ولا يتعدى ولا احد من امثالهم لانهم خربو حياتي وبيتي وراح اتطلق بسبب وجودهم الى هذا اليوم حوالين زوجي وماقدر استحمل اكثر ومابسامحهم ليوم الدين ..

في السابق كنت اتضايق من أصدقاء زوجي لان يطلع وياهم واااااااااااااااااااجد. و يسهر معاهم.
لكن شوي شوي اني تغيرت وجهة نظري بالنسبة لطلعاته و ياهم و هو قلل من السهر معاهم و صارت طلعته وياهم معقولة. حاليا اعتبرهم نعمة لكن طبعا الحلو ما يكملش. و في واحد الله يهديه ما احب زوجي يقعد معاه حتى لو كان الوقت مو متأخر في الليل او لفترة قصيرة.

قبل بدونهم كانت حياتنا جميلة وعايشين تمام ومن رجعت علاقته فيهم من جديد زادت طلعاته ليل ونهار واحنا حتى لو محتاجينه وقت طلعته وياهم ما نحصله ومن هنا ابتدت المشاكل والقهر من يرجع من الشغل ابتدأت اتصالاتهم اللي بيتابع الصبيان لا يعرس

بالعكس ميزه

الرجال اذ عنده اصدقاء نعمه مسكين يروح يطلع وياهم بس اهم نقطه مايدخلهم بيته وفي أموره الشخصيه وزوجته لأن بعض الإصدقاء خراب لسعاده الزوجيه..بالنسبه لي زوجي بيتوتي ودائماً اقول له غير جو مع ربعك ولين طلع اطنقر مسكين

مثل

مثل زوجي مسكين مايرضى يطلع كل قاعد ويانه

نص / نص

يعتمد عليه اذا كان ... اتبع النص ... و اذا كان مضبوط اتبع النص المضبوط...

ربعي

الحمد ربعي قله .. وصاير ربعي مرتي ولاولاد .. وناس واجد يقولون لي ليش انت دائما منخش في البيت .. بس الكلام ما ياثر فيني .. ربعي واضدقائي مرتي والاولاد

الغريب

عن نفسي مالهم دخل في حياتي الشخصية واخرج معاهم متى اكون فاضي .. مااخذ وقت الاولاد وزجتي حق ربعي ..

بارك الله فيك

خوش شي

أبراهيم الدوسري

أخطر علاقه يعيشها الفرد في حياته علاقة الأقران سواء كان طفلا ام رجل ستينى

يعتمد

اذ ربعه بتوع قهاوي ونقزات وسفرات
والعكس صحيح
زوجي متعلق بزملائه بالعمل ضروري يطلع معاهم عند قلبه شفت وعند كل اجازة
وحتى لين نطلع يدقون عليه او يبون يمرون عليه وهذا مايزعجني صراحه...

شخصيتك اهم من ربعك وزوجتك

الرجل العاقل هو من يفصل الاثنين عن بعضهما البعض تلافيا للكلام الزائد والمشاكل المتتابعه، يعني لاتدخل ربعك في حياتك ولاتدخل زوجتك في علاقتك مع ربعك ، وعيش مرتاح

ولد زويد

الحمدلله ما أحب الطلاعات وربعي اتواصل معاهم بس في الواتسب قبل لا أتزوج وبعد ما تزوجت هذي حياتي ربعي وأصدقائي وحبايبي هم زوجتي ولدي وبنتي أطلع معاهم وسافر معاهم واللعب معاهم حتى لو عرض علي سفرة مدفوعة التكاليف بعد ما بروح من غيرهم الله يحفظهم ويخليهم

الله يهنيك ويكثر من امثالك