اما كل يوم اعتبرها فضاوه .. اذا الرسول ﷺ كان يتخول صحابته بالموعظه مخافة السآمه على اصحابه يعني من وقت لوقت مو كل يوم وهو افضل خلق الله فمابال قوم كل يوم وهم مصبحينك ????

انا ما يقهرني الا الي عندهم انستقرام ويحط ليي صور صباح الخير، والطامة ان حتى مو حاط صورته،
وطبعاً في ناس في الوتس اب همهم يشحنون الميموري مالنا بس صور صباح الخير

اذا طلعت الشمس ولا طرشوا ليي امي وابويي وخالاتي وعماتي صباح الخير اتهوس عليهم الله يخليهم ويطرشون ليي كل يوم

اذا من امي وابويي وزوجي وخواتي وخالاتي وعماتي واهلي مطرشين تسوى الدنيا واذا ماعرفهم الا سطحي بعد جزاهم الله خير صبحوا عليي

بحراني محايد

ما منه فايدة إلا بس من الصبح أقعد أمسح الصور أضيع وقتي

يوجد شخص : كل يوم يرسل لنا الصباحيات ، ويتفقد حساباتنا على مواقع التواصل الاجتماعي ويقرا كل مانكتب ، فلا تسيئون الظن به ولا تنزعجوا كل مايريده : أن يطمئن أننا بخير

مشششكل

يعلقون فضاوة واهم كلش يزعم مايسون اشياء تعتبر من الفضاوة

عادي ومافيها شي

وحق اللي يقول فضاوة اذا فضاوة ليش دخلت واشغلت نفسك وضيعت وقتك الثمين عشان تعلق وترد على المعلقين مجرد تصبيحة الا ...بس اللي نفسيته زفت ويكره الايجابية بيجوف أبسط الأشياء فضاوة شخصيا هالفضاوة افضل من واجد اشياء ممكن نسويها في مواقع التواصل واغلب هالتصبيحات من الاهل الله يحفظهم ممكن هالتصبيحة سخيفة عندكم لكن عند ام او ابو تسوى وترى الدليت مو صعب اذا ماتبون هالصور بسكم مراقبة وحقد على الناس المتفائلة

اكيد انك منهم

يا حبيبي فضاوه لو كان هناك شي مهم ارسله اما الشي الروتيني ياخذ وقت في الفاضي

اذا كان من احد تعرفه زين
المشكلة من ناس ما نعرفعم وضرب تطريش ما تقعد الصبح الا الفين رسالة
كل يوم انزهق افكر احد ميت لو مصيبة حلت علينا ... اخر شي مسجات من ناس ما نعرفهم

هامان

بسيطه بلوك للي ماتعرفبنهم

اما الصراحة الزياده ناقصه ،،، ويمكن لو يشوفك في طريق ما سلم
و يحلف ما يخلي في خاطره يطرش بس مليون ونص صوره غير المسجات
( لازم تخلون موضوع الي يطرش مواعض ولا يعمل بها )

الصراحه

الي يصبح عليك يعني انت شخص عزيز عليه والي يقول فضاوه مريض نفسيا

تعديل بسيط لتعليقك ......

من يرفض مسجات صباح الخير عنده تبلد في الاحاسيس و المشاعر و ليس مريضا نفسيا و الجمود مشكلة صارت عند الناس

بالنسبة لي فضاوة و مزعجة
بترسلون رسلوا شي عدل

صباح الخير لو يكتبونها بجملة وحدة (صباح الخير) بدل الصور والمسجات الا وش طولها ومحد يقراها يكون افضل .. الا اذا كان مسج فيه رواية او عبرة او شي حلو في الصباح ما نقدر نقول انه (مامنه فايدة) بس معظم القروب ما يقرون المسج الطويل ..
انا عن نفسي اي مسج فيه ورود وطويل دايركت اطوفه ..

فضاوه

ناس فاضية وتخلف وبالذات لمن تدخل على موظف في الوزارات الحكومية تسلم عليه وما يرد وتشوفه جالس على الواتسب ولا يعطيك اي اهتمام إلا لمن ينتهي من مراسلاته الفاضية..

أما ...

أما بالنسبة لي آنا ...
فأخذت قرار وهو ...
أن ارسل رسالة واحدة في الاسبوع
وهي "اسعدالله صباحكم" وتكون يوم الاثنين ...
ورسالة ثانية ...
تكون رسالة "الجمعة" ...
ملاحظة ...
واستقبال جميع الرسائل الواردة لي من الاهل والاصدقاء في كل يوم وفي اي وقت
اخوكم في الله ابوحسين الغالي ...
مع السلامة ...

نفس الإيميلات قبل بالضبط.. أول ما يعرف هذي الوسيلة الناس يتهافتون عليها، ولا ضابط لما يرسل.. وهذا راجع لثقافة الناس لما يجب أو لا يجب أن يرسل .
اللي يقول انه هذي الوسيلة تعويض عن التواصل الفعلي.. الأفضل الإتصال أو إذا كان ما يبغي يصرف تسجيل صوتي على الواتساب لأي شخص يريد معرفة أحواله والسؤال عنه وليس بإزعاجه برسائل وصور لا تفيد غير أنها تستهلك باقة البيانات!

صباحكم جميل

احلا تواصل صباح الخير مساء الخير دليل على أن الشخص بخير والحمد لله ولا عيب في ذلك

حنان وذوق وتواصل مو فضاوة

حنان لين تكون من أبوي اللي نظره ضعيف وصار ليه نصف ساعة يحاول أطرشها ! ، وذوق لأنه صاحبها يذكرك ، وتواصل فقد وصلتني بأهل قد أنقطع الحبل معهم !
صحيح أنزعج أحيانا ، وأفضل من يرسل حكم ومواضيع هادفة قصيرة من مسجات صباح الخير

المسجات الصباحيه جميله وتفتح النفس بس مو اكثر من مسج

صباح السعاده

صباح الخير

بنسبه لي عند 50 شخص امسوي ليهم ابلوك بسبت صباح الخير والغريب انا بعظ من يطرش لاتربطك به صفه

التواصل الاجتماعي

مسجات صباح الخير هي من وسائل التواصل الاجتماعي التي حلت تقريباً محل الزيارات بسبب صعوبة الحياة ومشاكلها فهي وسيلة جيدة لبقاء حبل الترابط الأسري والاجتماعي

روتين

تبحث عن صورة من هنا وهناك لترسلها لا تعني التواصل الحقيقي والمشاعر الحقيقية تكون بعبارات مختارة

شغله مالها داعي

شغله مالها داعي وازعاج خاصه اذا عندك اثنين اوثلاثه يدوخونك اربعه وعشرين ساعة شغالين تطريش

فضاوة

فضاوة و ليس لها أي معنى

فضاوة

فضااااااااااااااااااااااااااااااااااااااااااااااااااااااااااااااااااااااااااااااااااااااااااااااااوة

تكملة

للتعليق السابق

ترا الانسان لما يطرش مو معناتها ميت عليك يطرش ليك ولكن كان حاط لك مكانة خاصة وانت باسلوبك...الوضيع خربت هذي المكانة عنده

فضاوة

حتى طرح مثل ها الموضوع لللنقاش فضاوه

غلطان يالحبيب

المشكله مسوي لسته ونسى من الي موجود باللسته

اذا كان الموضوع فضاوة

عجل ليش رديت على الموضوع عجل انت فاضي بعد خخخخ

يعني مثلا يوم الجمعة ماعليه

بس كل يوم لا

اتفه شخص

الي يطلب من الي حاط له اعتبار ويطرش له ويتذكره انه لايطرش
هذا هوه الشخص الفاضي والي مايستحي
وقليل ادب وذوق

صح كلامك

لكن أصابع ايدك مو سوى والناس أذواق مو الكل يستحق واللي مايقدر هالاشياء انسان متشائم ويكره العفوية والروح المرحة ..

اناتلفوني متعمده ان ما فيه نت

علشان لا اتعامل بالواتساب ولا البطيخ! كلها مضيعة وقت و فضاوه

صباح الخير في المسجات اذا كانت عامه .

فهي فضاوه كأنه واحد مسلم عليك وهو طايف .اما صباح الخير الخاصه لك تعني الاهتمام .

طرشت هالموضوع لقروب بس عندهم صباحيات، بالعناد قاموا و طرشوا بعد 5 صباحيات .... وش تقول

انه عن نفسي عندي قائمة بأقرب الناس لي ارسل لهم ويرسلون لي ... واللي ما يرسل ما ارسل له لأن اقول في نفسي ما يحب المسجات الصباحية فما اضايقه

تمام

شى ابجابى بعبر عن طيبت الانسان واجتماعية واندماج مع الاخرين وهذا شعب البحرين الطيب يكثر فيه مثل هذا المسجلت عكس الدول الاخرى ولكن بكفى مسج واحد فى الصباح الباكر ولاداعى لتكرار صباح الخير او اى تحاي اخرى وسلامتكم احبائى

احبهم

هذا يعني ان الناس تتذكرني
عادي حتى لو فاض التلفون من الصور
أمحيهم في الويكند
بس أقول لهم لا ترسلون: هذي تفلسف وقلة ذوق

اذا كان من شخص احبه واعزه حلو على قلبي اي ليش لا ؛) ..

المشكلة ان معظم اللي يطرشون هم كبار السن آبائنا وأمهاتنا اللي توهم متفتحين على التكنلوجيا قبل ماكانوا يعيبون علينه ايام الكل معتكف على النت والمسنجر ، وفاهمين موضوع صباح الخير غلط على مايبدو . لا وفي بعضهم يزعلون بعد اذا ماطرشوا ليهم صباح الخير ، عجل جيفة اطرش ليهم ومايطرشون

فضاوة

هذه المسجات قمة في الفضاوة وتجيب الضغط ، لاعت جبدنا واحنا نمسح في هالصور البايخة ، والي يبط الجبد أكثر أن بعضهم ما يرسل غير صباح الخير سواء صورة او مسج ، وما تحصل شيء منه بالمرة حتى سوالف ما يسولفون ، يا أخي حس على روحك شوي ، ما تشوفني ما ارد عليك التصبيحات اترك عنك هالهرار يا اخي !!!

اللي بدة هالحركه وبدعها يمبة ليه ضرب بهووز على الضهر صراحة .. لا وطالعين ليك فنتك جديد الحين بعد ، يجيك يحط ليك 16 صورة صباح الخير في فيديو ويحط وياهم موسيقى .. ويش ترد عليه ده يعني عقب ماتنزل الفيديو وتجوف كله صباح الورد؟؟؟

النسوان عاد يمصخونها ........

سابقا النسوان كانوا يطرشون مسجات صباح الخير مع آذان الفجر او قبل شوي من الساعة 4 او 5 الفجر تبدأ البرودكاست و كانوا يمصخونها عندما يرسلون قصة قبل النوم الساعة 2 الفجر او اقوال جميلة او قصة لها عبرة او اضحك مع محشش و انت تقفز من السرير لاعتقادك ان رنة الواتس اب في الوقت المتأخر من الليل لشيء مهم و تطلع أشياء عادية و تافهة.

صباح الخير أقولها بس حق الأقرب الييي وباقي مايعنون لي شي اصلا ولا شي مابي اضيع وقت وياهم...

لا ما يتذكر ، عنده مجموعه في قوائم الرسائل الجماعيه يطرش الى اكثر من خمسين شخص ولا يتذكر احد منهم

فضاوة

الايطرشون تصبيحات يومية في لقروب بس انافاتح البيت والمجلس ما جوف احد ايزورك في المجلس

لا

في نظري ان الموضوع ليست في محتوى الرساله
من ورد او كلمات
الموضوع معنوي اكثر
هو ان الشخص تذكرك في الصباح

!!

غلطان اخوي ، اكثر الناس عندهم قائمة اسماء ترسل المسج الواحد للكل في وقت واحد ، يعني انت صح موجود اسمك في القائمة لكن مو معناه ان المرسل تذكرك شخصيا لما وصلك المسج

أطرش لولدي وإبنتي صباح الخير ولايوم طرشوا لي تصبيحة وعندي ناس إذامااطرش ليهم يطرشون لي وناس أطرش لهم من يوم جمعة إلى يوم جمعة.

ويش الواحد يقول

الواحد ينحرج يقول لااطرشون صباحيات صوره ثنتين ومايقهروني الا عندي وياه مثلاً بقروب العائله قروب البنات قروب الاصدقاء تقوم اطرش الصوره بلقروبات كامل الااني وياها وفوق هذا بعد اجي خاص واطرش في هالحالة قولوا ويش ارد عليها يعني الصوره تنزلها ست مرات وهي غوري يطبخ صباخ الخير...وبرودكاست نفسه في عشره لقروبات وبعد خاص اسألها اهني بما انها ماتعرفني ويش اتحس فيه؟؟ غربلتونا هالفئة صراحة جوزوا اني منقهره لأن صباح واسمها بكل لقروبات وخاص

وبعد ارد ع تعليقي الفوقي

فوق هذا كله تركب سيارتها وتشغل ابا ذر صباح الخير وتخلص اللمت كامل في لسناب شات ومايصير نحذفها ولانسوي ليها حظر اتصير مشاكل انزين نسينا الواتس اب ولسناب افتح الانستغرام يمكن عشر صور صباحيات ...لين تعبت في فتح صباحياتها يرن التيلفون اشيله اتقول ليي صباح الخير وبدون قصد او اي شي صراحة في تيلفوني سميتها صباح الخير هذا ويش وين قاعدين كرهتونا بالصباحيات

أكره شي، و مامنهم فايدة، أنا عن نفسي ما عمري قريتهم، حتى لو كانوا سطر واحد

صباح ألخير

معلق 12 شلون علقت

يووووه

مو لازم يعلق من تلفونه
يمكن عنده لابتوب ونت وقاعد يعلق
ويش هالحالة؟؟؟؟!!!!!

!!

عندي لابتوب التفاحة آخر موديل أحسن من تلفونات اللي علقوا كلهم

علق من اللابتوب ... نفسي الحين
انا عندي سمارت فون بس للاشياء المهمة مو للخرابيط
مثل برامج الهرار سناب وانستا واسك وهالطخة (ما عندي هالبرامج)
وعن تطريش صباح الخير هذي اللي تجيب ليي مرض من الصبح
لكن الحمد الله 5 بس اللي يطرشونها ليي ويمونون علي ومو كل يوم بعد
وعقب ما زفيت باقي اللي يطرشون انقرضوا الا ما رحم ربي

هو احليو الواحد يصبح بالناس و يستقبل برودكاست لكن في ناس يبالغون في الشي خمسطعشين الف صباح الخير و مساء النور
يالله قازره كل خير

في مثل مصري يقول كثر السلام يقل المعرفه
عندي أخو زوجتي يطرش لي خمسين برودكاست يوميا صباح الخير طفشني حتى بغيت أطرش بتهم إليهم بس تعوذت من الشيطان
ناس فاضيه تطرش بالدرزن
حلو الواحد يصبح على أهله و ربعه عاد مو جذي يكفر الواحد

ومن الحب ماقتل

شكلة خايف على أختة ومن هذا المنطلق يطرش لك
صحيح من المفروض صباحية واحدة في اليوم مو درزن على بالة الناس فاضية اللة بعينك على نسيبك.

الحمد لله

أشوه تليفوني نوكيا بو روبيه ونص مفتك من ها الخرابيط.

شلون علقت وشفت الخبر في الجريده

هني الفضاوة مو ناس إلا تصبح على معارفها واقاربها ..المشكله الا تكون ان الشخص يكون كبير في السن وتوه محصل تلفون متطور يدز صباح الخير من الليل بس اني اشوفها عاديه بالعكس شي زين ان احد يتذكرك ويقول صباح الخير

طلعت ذكي

شلون شاف التعلييق...اتلاقيه منحرج من الصباحيات الا يدزها ههههههههه

!!

حبايبي اللي علقوا على الرجال لا تنسون في اختراع اسمه الكمبيوتر قبل التلفون يقدر يشوف الوسط منه ويعلق

الى زائر 12

كيف رديت ان كان تلفونك نوكيا ابو روبيه ونص
على كل هي وسيله تواصل جيدة ان استخدمت صح وان اختار كلمه صباح الخير او مساء الخير بالصورة التي استطيع ان اقدر ردة فعل المستلم فمثلا زوجي مسافر واهم شي عنده الشاي ابعث له كوب شاي بالصورة مع صباح الخير يشعره باهتمامي وتفكيري به وليس العشوائية بارسال صور تثقل ذاكرة الجهاز

الجريدة تقدر تقراها في الايباد والكمبيوتر

يجوز انه ما عنده

أنا انظر له تواصل اجتماعي حتى ولو لم افتح المسج
فهو يذكرك بأصحابك
كنت انتقده سابقا لكني وجدت فائدته مؤخرا

فضاااااااااااااااااااوة

ما اقدر عليهم هالمسجااات

القاعدة ان تكن وسطيا

القاعدة العامة في كل شي هي الوسط وبرامج للتواصل الاجتماعي يجب ان تكون لها اخلاقيات وقوانين تجعلها نافعة بعكس ما نشاهده في مجتمعاتنا دائما نحول الاشياء الجميلة الى غير مرغوب فيها من كثرة الاسفاف الزائد والمبالغة فكما تتطرح الوسط بخصوص هذا الموضوع نرى ان التكرار يعكر الاصبوحة الجميلة والكثرة تقتل التحية التى نبدا بها اليوم

برودكاست صباح الخير يشعرك بالتفاؤل طول اليوم .......

شيء جميل ان يبدأ يومك باستقبال عشرات الصور ل صباح الخير و البرودكاست و الأذكار و الآيات القرآنية مما يشعرك بالفرح و الاطمئنان والأمل و السعادة و انا ادخل على النت على موقع صور صباح الخير و أحفظ الأشياء التي تعجبني خاصة التي بها ورود و كلمات مؤثرة و جميلة أنها بالتأكيد للتواصل الاجتماعي الراقي و ليس للفضاوة أو الدلاعة أو مسجات قلة الأدب التي يرسلها البعض مثل الرجال و الأشياء التي يرسلونها لبعض وتجلب لهم الذنوب .

انت واحد فاضي على أصول

صح كلامه

وانت الفاضي عجل لأنه ضيعت وقتك ورديت عليه كل واحد مسوي روحه المشغول اللي مايبي تصبيحات بس حق ...بارزين وعندكم وقت اقول استريح ياسلبي ناس مثل تفكيرك ما منها الا الاحباط

ستراوي 30

100% فضاوة وما ليها داعي من الاساس .. عجل طاسة ورد وعليها صباح الخير ويش اسوي فيها .. لو قلاص چاي وصباح الخير .. انا مو قاهرني الا اللي يصمم صباح الخير بالاشكال .. فاضي عدل

أوفقك الرأي 100% في ناس فاضية بشكل غير طبيعي، والي يقهرني زيادة الي يردون عليهم

مو فضاوة

انت بالنسبة لك فضاوة وأنه شخصيا اجوف انك من الفضاوة قعدت تحلل وتفكر على هالصور الناس جافت صورة لطيفة طرشتها عادي منو زخرفها ومادري شنو ههههه الناس لازم ماتنظر بعين وحدة

كل هرار اذا بردكاست اذا خاص على العين و الراس و ذا يعود لضمير الشخص لان ما ينعرف بالعادة اذا هو خاص او برودكاست و صباح الخير

الدرازي 87

في نظري ليست فضاوة لانك اذا تذكرت اشخاص
مهمين في حياتك على طول تصبح عليهم بالخير

شي جميل ولكن ..

شي حلو ولكن بالحد المعقول ويكفي مرتين بالاسبوع لان كثرة هالشي تزعج

فضاوة

ناس فاضية
وغربال مسح لصور

بالعكس شي ايجابي ولا يضر اي احد ..
ان شاء الله يكون صباحكم جميل يا قراء الوسط

فضاوة و مضيعة للوقت

بضغطة زر في ثواني اشغلت وقت المئات و ضيع وقتهم يوميا على مسج .. و كل هذا لأنه ببلاش كثر منه و اللي يحب يتواصل و يسئل و يصبح الافضل يستخدم اسلوب ارقى من هذا

ايجابي من وين

اذا ايجابي مثل ما تفضلت اقعد كل يوم الصبح و اتصل في اهلك و اسئل عنهم على الاقل صلة رحم مو طق و الف صباح الخير كل يوم من الصبح تشغلون العالم و تضيعون وقتها

صحيح

واللي مو عاجبه يطلع من القروبات

ادمان

هذا ادمان وازعاج وخلونا لا نقرا رسائلهم بالكامل وحتى لو هناك امور مفيدة اصبحنا لا نقرئها بسبب الارسال الروتيني الغير مفيد

امر جميل إذا كان بالحد المعقول، فجميل ان تصبح على الناس وتدعو لهم في كل صبيحة، لكن يكون امر قبيح إذا بالغ فيه الشخص بحيث يرسل اكثر من رسالة في كل صباح ويشمل ذلك صور وغيره، فتكون هنا فضاوة

فضاوة من الزين وما لها داعي اصلا

اتفق في جزئية

صباح الخير يافلان مثلا أفضل من تصبيحة بصور مصممة ..لأنها استهلكت وما عادت التصاميم تلفت الانتباه لكن كلمة صباح الخير كل يوم تقوي ترابط المجتمع والدعوة بالخير في الصباح هي أجمل الدعوات ..ولكن بلا برودكاست مصمم يزعج النظر ويؤذي الروح بعد استهلاكه

انسان بحريني

فضاوة ....وفي نفس الوقت ايضا تواصل اجتماعي

الله يرحم ايام الاس ام اس

ايام زمان كانت بفلوس و الناس تتواصل معاك اما بإتصال او برسالة كل بين فترة و احين صارت ببلاش وين ما تروح تلاقيه في وجهك يصبح عليك في اليوم عشر مرات و برودكاستات مالها داعي

الواتس اب قرب المسافات و اختصر الزيارات و العلاقات الاجتماعية اصبحت ايجابية و بلمسة يد ......

من هي الفئات المستهدفة لارسال مسجات صباح الخير ؟ الاجابة هم الاخوة و الاخوات و زملاء العمل و مديرك في العمل يعني هم الناس الاقرب الى قلبك ...

أحسنت

أحسنت، فضاوة ومن الزين ومالها داعي، أعتبر الواتس شيء جيد حبنما يُستفاد منه في أمر جيدبنعلومة لطيفة أو سؤال عن أحوال أو تعزية لشخص بعيد عنك وووووالخ
أما ما يحصل فهو فضاوة، لكن للأسف ما تقدر تقول للآخرين فضاوة لأنهم بيزعلوووون