انا الحمدلله مدخولي جيد ولكن اخذت موضوع الازمة الاقتصادية و التقشف بمحمل الجد و وضعت خطة اقتصادية جديدة لادارة متطلبات و مصاريف اسرتي بالتخلي اولا عن بعض الامور الغير ضرورية و البحث عن مدخل رزق آخر و توفير قدر المستطاع من مبالغ مالية للمستقبل الغامض في هذا البلد ،،، لكن هناك صراع بيني و بين زوجتي لاقناعها بالموضوع حيث انها لم تتقبل التخلي والتقليل عن بعض مظاهر الترف الغير مفيدة في نظري و تكرر النقولة المشهورة: ( اصرف ما في الجيب يأتك ما في الغيب ) فهل خطواتي صحيحة اخواني؟ ام زوجتي على حق؟

الفرنسية

اذا راحت بيت ابوها يوم الجمعة الشقة تصير مظلمة من غيراهااا حياتي الغالية

ههههه واحنا متى عشنا برخاء عشان نحتاط للتقشف ترانا من زمان مقشفين، الله كريم

اكثر من هالتقشف الا حاصل من سنين عايشين التقشف من اكثر من ظ¥ظ  سنة

والله اللي بيتقشف وبوفر له جم بيزة وتالي بيستثمرها في إستثمار وهمي وبيخسر كل اللي جمعه أقول يصرف على زوجته وأولاده أحسن والله يفرج

حولوا البيل الى كردت
قللوا الاكل الخارجي والمطاعم
مبلغ النت بعد قللوه
بدال التلفونين والثلاثة تلفون واحد
ما يحتاج غسال وكواي برى تقدر تسويهم في البيت

الأن وصل غالبية الشعبالبحريني الى حالة اقتصادية سيئة ستتأثر بها حتى الطبقة المتوسطةمن الشعب جراء الانهيار الشبه كلي لأسعار النفط على الجميع مراعاة ذالك وعدم الاسراف وحسن التدبير وخاصة الزوجات فهم المسؤل الاول عن صرف البيت والاسرة ..

تقشف وماعندنا والحياة صعبة وعقب عندهم حسابات في البنوك للادخار (ألبعض مو الكل)

أعوذ بالله من الحسد !!

هذي الناس اللي اشتغلت وأمنت مستقبلها يحصدونها في النهاية قل لي أنت ماذا فعلت غير حسد الناس ؟

انا راتبي كحال اكثر من 40% من البحرينين 250 دينار وانا اقترح على الحكومة يقسمونا راتبي على ايجار الشقة وكهرباءوماء وتلفون وسيارة ومصروف .يعني وش نتقشف . الحل بسيط من خلال اخذ ضرائب على الاغنياء والشركات الكبيرة و وخلوا الفقراء .

التقشف مطلوب و لكن

انا اشتغل و اساعد زوجي عشان نقدر نعيش حياة رفاهية من ملبس و مطاعم و سفرات .. بس اني اعاني و اشتغل عشان علف و اساسيات .. ما يسوى افضل اقعد مرتاحة في البيت و نعيش على معاش زوجي

كان هدفي من شغلي اساعد زوجي

اشتغلت عشان اساعد زوجي والعائلة كلها استفادت من شغلي اقصد زوجي واولادي إلا انا نفسي ما استفدت من شغلي الا التعب والارهاق الدايم.
شغل في الدوام وشغل في البيت طبعا لأنه لازم نحاسب للمصرف وللمستقبل و و و و فشغالة مافي!!
فالحمدلله زوجي حصل له زوجة ومربية وشغالة و سواقة و مدرسة وطباخة ولو اعدد مني لبكرة ما بخلص ماشاء الله مليون في واحد.
ازيد من هالتقشف بعد شتبون

الحمدلله تعودنا على هالعيشة من زمان لا ثياب عدله ولا طلعات مثل الناس ولا سفر ولا سكن زين منا ناكل

زوجتي الحبيبية ما تقصر كلها خير..
وما تبخل على الأسرة..
لكنها تضعف أمام رغبات الأطفال.. تدبير الرزق والمعاش مسألة مهمة.. لكن ينبغي أن نؤمن بأن الله هو الرزاق.. وهو خير الرازقين

في البحرين يستطيع الإنسان أن يتعشى بـ 200 فلس أو 6 دنانير.
بمعنى، إن عشاء لمدة شهر بـ 200 فلس، يساوي عشاء ليلة في مطعم.
الإقتصاد نصف المعيشة،
ينبغي علينا العودة للطبخ في المنزل، والإقتصاد في الأكل وعدم رمي البواقي، بل تؤكل في اليوم التالي.
تقليل فواتير الهواتف والإنترنت، وعدم شراء الأجهزة بالأقساط
استخدام الملابس أطول فترة ممكنة، واهدائها لمن يرغب من الأهل، وتقبل ذلك منهم.
تنويع مصادر دخلنا، التجارة بالإنستقرام، العمل الإضافي والجزئي، تعليم الآخرين.
بقلم: مديون حتى النخاع جراء بناء منزلي

sunnybahrain
السلام عليكم ،،الفئة الكادحة في بلدنا قد تعودت على الحياة البسيطة ،،لانه ومن الاساس مدخول ومدخرات البلاد ومنذ امد بعيد { لا تدخل جيوبهم } فهم تعودوا وكما يقول المثل ان { يمدوا ارجلهم علي سعة اللحاف } ونسأل الله للجميع ب الستر وسعة الحال ،،موفقين جميعا ،،السلام عليكم .

الحمد الله ع كل حال

الحمد الله احنا بخير و نعمة إذا وصلنا لزمن ما فيه خبز مثل قحط مصر يوم النبي يوسف نجى أهل مصر من الهلاك بعدها بنقول إن الوضع تعبان اللهم لك الحمد و الشكر و لعل كثرة الحروب و انهيار الاقتصاد و زيادة الظلم و الفساد ظاهره نقمة او شر او بلاء و لكن باطنه رحمة بإذن الله

>>> حقوي تقلبون مواجع الناس بكبرها الناس في هم الحمدلله والشكر كل يوم سالفة عندكم وبلوة البحريني ميت الله يفرج عنه جميع بس في ناس اخس منا حب اهل البيت يكفينا صلوات الله عليهم وعسسسسل عيشتنا بحبهم

الصراحة الاسراف يأتي من بعض الرجال وانا واحد منهم مافي كنترول اثناء الشراء زوجتي تكتب لي في ورقة اغراض المنزل لشهر وانا اجيب مال شهرين حواس ماميش ارجع البيت اقول ليها اشتريت بمائة دينار تثير ثأرتها كيف وان الاغراض اللي كتبتهم تعد على الاصابع يعني العيب فينا ايضا والكل ليس منزها عن العيوب

الحالة فشرة

متحسرين حتى الطائرة لعيال . يحلموا يركبونها وانتون تقولون تقشف وانا اقول تفقر اعوذ بالله سلامتكم

زائر 61 يرحم أمك شكلك ما تحس بالمعاش أبداً لو تاخذه بتعب ما تصرفه ببرود ..

ماتقدر تتقشف ووراك امرأه فاكثرهم مسرفين نصحيه اللي يبي يتزوج يغير رايه في هذه الفتره حتى يقدر يعيش واذا احتاج >>>يبحث عن متنفس اخر وفي الاسبوع مره واحده حفاظا على صحته

يعني

يعني ويش أدور على متنفس اخر فسره لينه لو سمحت

هذه النصيحة بتم في ميزان اعمالك

الحمدلله على كل حال واشكر الوسط على طرح هذا الموضوع المهم والهادف وتعليقي على هذا الموضوع هو إن كان هناك حسن إدارة بين الزوجين لما " تقشفووا" انا من نظري بخصوص موضوع الاعانات لا اعتمد عليه فنصيحتي لكم لاتعتمدوا عليه من ناحية " الشخص مشترك بجمعيىة , القسط , الأجار و و و" والكثير يستخدمها لهذا الغرض وليس الكل طبعا ولو قطعت الإعانة المالية سوف تعانون كثيرا من هالناحية وعلى الزوجة الصالحة ان تتفهم وضع الزوج وكذلك العكس الحياة الزوجيىة الممزوجة بالحب تفاهم بين الطرفين وان وجد التفاهم حلت السعادة.

واي تقشف هذا والراتب يختفي من نص الشهر اعان الله الفقراء والمفصولين والعاطلين لاحول ولاقوة الا بالله

فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنت ويجعل لكم وانهارا

تعبانةةة من التقشف

توي اقول خاطري اغير جو الواحد يبي يسافر لو اربعه ايام امبي اروح كربلااا...لكن ويش انقول الحمد لله وجاية إجازه اكو بنسوي لينا برنامج في البيت ناخذ اشرطة ديفيدي ونقعد وي الجهال مساكين واللي يقول الزوجة ماتحاسب لزوجها اقول خله يسند وينام...من خذيته واني محاسبه ليه ولما جبت الجهال واحاسب اكثر....بس من خذيته فقير امبي اتحرر مسكين دابح عمره وشاقي...وما يجي نهايه الشهر الايصير عصبي ومزاجه ضارب للسما...اكثر المشاكل سببها التقشف العووين الله

الحمدالله على كل حال

احنا متقشفين من قبل لا يفنشون زوجي و الحمدالله (ما دابة في الارض الا على الله رزقها) . بس طبعا نسينا المجمعات و الالعاب و نحاول نمشي روحنا على الي عندنا و الله الحمد .. الله ما يعطي الصابرين الا خير .. ارد و اقول الحمدالله ،،، ترى من النسوان الي ترفع الضغط و اصابع ايدك مو سوى اخي المعلق .. ترى بعد في بعض الرجال يجيبون الجلطه مو الضغط و السكري .. و دمتم بخير

من زمااان متقشفين :(

ولد زويد

إلى الإخوة والأخوات الكرام .
الي كل شهرين أو ثلاثة طقو الوجه إلى زيارة الأماكن المقدسة في إيران والعراق وحتى المدينة المنورة خفو شوي ترها مو ضرورية لحد ينط لي ويقول ويدندر هاذلين أئمة وهذا نبينا عليهم جميعا أفضل الصلاة والسلام بس عاد خلاص أنت زرتهم مرة مرتين ثلاث بس كفاية أحتفظ بباقي الفلوس أو تبرع فيهم إلى المفصولين عن العمل أو .... لانه الأيام القادمة ستكون صعبة على الجميع

حتى

حتى لو صرنا منتفين أبو التنتيف ما بنترك زيارة الأئمة عليهم السلام

على حافة الفقر

لايوجد مجال للتقشف كل مانقول بندخر مبلغ لأيام العوزه تطلع لنا مصيبه جديده الحياة المعيشيه الصعبه محاصرتنا من كل مكان لامجال للتنفس. ...

نفس الشئ عندي ادخر و تطلع لي مشكلة تاخذ كل ماادخرته

اضحك والا اصيح الحين انا ؟

عزابي وهذا حالي متقشف وبروحي لا روحي ... من اقرى التعليقات صراحة شكلي بنكسل الطلبية لان مكلم البيت يسوون لي طلبية على بنية

المشكله ان عرسناا واويلاااااه وان قعدنا عزابية واويلاااه .....

كمل نصف دينك

كلنا متقشفين ويش انسوي ولين هي بت حلال بتحاسب لك والله يعينكم ع المهر والصالات الا ماليها داعي هههههههه اكو صالات بعدين يعيشونا بقروضهم وفقرهم الله يعين لرجال والله يعينا عليكم وع فقركم

والله عاد مجنونه

مجنونه
لي تروح تدفع لصاله مبلغ وقدره
ومصاريف أكل وشرب على ناس تدش الصاله تزحر وتقر وتاكل
والله هالبيزات كلها وفرتها على روحي
جولة بسيطه نفنوف بسيط حتى لو كان مبلغه شوي عود
وسافري معاه
على الأقل بتوفرين نص البيزات اذا مو ثلاثة ارباعها وبتستانسين اذا سافرتي
ولا اصرف على أحد
تخلين زوجج يقترض وسنين يدفع في حفلة جم ساعة
منو صاحين
صديقتي زوجها يدفع في قرض عرسهم لحد ما وصل ولدها إعدادي
على وووويه
قلت لها قمة الهباله

مااضحكني الا بعض البنات في صالة الاعراس اتشوفهم اول الناس وعند البوفية اول الصفوف وشاقة الحلق من الفرحة واذا جة حزة عرسها مابعزم احد مايستاهلون اسوي بوفية واخسر على الناس زين وهالطنات اللي تاكلينها في كل عرس زين بتسوين عرس على قدش مافي داعي تسمعين الناس انكم غير مرغوبين

زائر 63

اصلا انا مو من هواة حضور الأعراس

ما في بنات مثلج

وين اللاقيهم والله انا موتي السفر ابي وحدة بس من هالنوع وشوف شلون نعيش

طل

المفروض الواحد مايخلي شماعه في حياته ايعلق عليها اخطائه ومثال ذالك زوجته فأنت رجل المنزل وبيدك الامور كلها ولا مانع من مشاورة الزوجه في بعض الامور ولولجب علا الزوج التصرف بحكمه فأنت عندما تشعر ببرد تلبس مايقيق البرد وهنا اقصد عندما ترا الازمه الاقتصاديه في المنطقه فاعلم انها ستنعكس بشكل مباشر او غير مباشر عليك فعليك باتخاذ الخطوات التي تجنبك الازمه

التقشف جاي جااي والرزق عند الله

صباح الخير

بدأت اولي حالات التقشف بعدم شراء حليب الاطفال
التوقف عن لعب الاطفال في المجمعات
عدم شراء الوجبات السريعة
والحمد لله رب العالمين
اخوكم كاشخ ومفلس

ذكرتني

بنتي عمرها الحين 11 سنة واحنا من زمان تقشف
كان ما عندنا نشتري اليها حليب حدنا واحد بالشهر وبقية اليوم اي عصير وبالاخص حليب الفراولة لحد ما خربت أسنانها كلهم وسوووها عملية وشالوهم كلهم
والحين الحمدلله ع الاقل طلع اليها 8 أسنان وجم ارحاة

النجار

لو نتقشف ازيد نختفي خلاص.
زوجتي ما تبي تشتغل، رغم انها متخرجة معدل امتياز. فانا مسؤول عن كل المصاريف ولازم امشي ليها مصروف.
لو ما الاهل يساعدونا جان رحت مسيرة وما امشي الا في الجيب، واكل واشرب على حساب الحكومة.

عليها بالعافيه

ما تشتغل
انا لو افنش عشنا على فيض الكريم
الحمد لله

البحرينيون في تقشف اصلا منذ زمن طويل، الفرق الآن هو أن الطبقة المتوسطة ستتآكل و تندثر.
أخطاء كبيرة في تخطيط اقتصاد ورطوا المواطنين في سياسات اقتصادية و اقتطعوا رواتبهم كاقساط للأراضي و السكن و هم معرضين الآن لزيادة في قيمة الاقساط كذلك لتصحيح الأوضاع الاقتصادية.

الحمدلله على كل حال

مستعده للتقشف من ثلاث سنين ... من الوسائل الا قمت اسويها ... فتحت لكل واحد من الاولاد حساب بنكي وخليت فلوس الاعياد والمناسبات فيها ... واخصص ليهم يوم ترفيهي واحد فقط ومبلغ محدود جدا للعب وللاكل كل ويكند ... توقفت عن شراء الملابس الكثيره .. لكن ايضا احيانا ينتهي الراتب وللان لم ادفع رسوم الروضه ... ناهيك عن طلبات الروضات المبالغ فيها ..

انا مسوية حصاله

نحط فيها عبادي اليهاال
وشهر يا انحط فيها
وعندنا حساب للطوارئ
الحمد لله
تقشف بس عايشين
بس تقشفنا ما يشتري بيت

اني من زمان توقفت

عن شراء الملابس لبناتي مع أنهم كبروا وصغروا عليهم
و ما اقدر أجمع حتى روبية من الفقر ومن عيارة زوجي .. بموت واني افكر بأجر واللي عقبه شنو ااكلهم

من زمان الناس متقشفة

والأسعار رخيصة وكل شوية تقول لينا الحكومة فكوا الحزام فكوا الحزام
من زود ما فكينا الحزام نخاف الصروال يخلس
بغض النظر عن الطنازة اللي فوق الناس متقشفة من زمان لان الرواتب ضعيفة ولا بيتغير عليها واجد لانهم الفئة المغضوب عليها اللي ماتتوظف في الحكومة واللحم مو لازم تاكل وعلى قولتهم اعادة توجيه الدعم للأمور الثانية مثل البترول وغيره يعتبر عندها مصدر دخل ثاني في حال تنزيل مبلغ في حسابهم والله المستعان على ما تصفون

بومريم

احنا ماعندنا راتب علشان نتقشف كل اعتمادنا على الله ومن ثم الاعانات انا دخلي فقط 150 دينار راتب التقاعد والباقي كلها اعانات حكومية اذا وقفوها نبربق

ان شاء الله ما تبربق والله كريم

هي حال اغلب الناس عايشه على الاعانات والحمدلله رب العالمين نعمه واحسن من غيرنه والمشتكى الى الله الواحد القهار
اذا وقفت وحده من الاعانه مايدري الواحد ويش يسوي معتمدين عليها في الاجار وينه نروح تالي

احنا راتب زوجي بما انه عيار زين اذا كمل للقرض

والا بقية الشهر نعتمد ع الإسكان والغلاء واسبوع بالكثير طاروا ... وعندنا عدة أماكن ومناطق يطالبون زوجي بفلوسهم .. واني بس احاتي اولادي شنو ااكلهم وهو مو هامه شي

مهوسات شراء الملابس والكماليات تالي كل هذا مابتنتفعون منه وبالنسبه للتقشف احنه من زمان متقشفييين والحمدلله ع كل حال

شغلي اليوم بس ارد

مو الكل اني زوجي بالعكس يحب يشرى لروحهه
و يشتري بعد أشياء ما اليها داعي .. واني اللي حارمة نفسي من كل شي محاسبة للظروف وللاولاد

النساء هم السبب الحقيقي لامراض الضغط والسكري

النساء هم الاسباب الحقيقية لارتفاع السكر وضغط الدم والكلسترول في ازواجهم الرجال ، فهن لا يراعون ازواجهم في اي شي، طلبات ما انزل الله بها من سلطان تبدء من الصباح وحتى الليل ولا يعيرون اي اهتمام لزمن التقشف المخيف العاصف بالمنطقة ،، نصيحتي لكل عزوبي: اذا كنت تريد تحافظ على صحتك فابقى على عزوبيتك لان بعد زواجك بتبتلي بالامراض المذكورة

بوعلي

اقسم بالله كل الي قلتة صحيح كانت طليقتي اخس من الي قلتة وكرهت النسوان بس غيرت رايي وقلت بجرب وتزوجت من زوجتى الحالية بصراحة ذهب الله يخليها ويطول من عمرها ولا يغير علينا انسانة راقية بكل معنى كلمة يعني مو كل النسوان نفس بعض تفائلو بالخير تجدو

الناس في زلزلة

وبت مكي تبغي رجل

زائر 9 أرجوك تنزل راسك اشوي

امممممممممممممممممه هذي بوسه عوده على راسك ،، أنا أختارك الحين انت ( رجل الموسم ) الصراحه لسانك ينقط عسل وتهد درر ، رحم الله والديك.

إذا مو عاجبتك العيشة مع زوجتك نجوم السما أقرب لك وعيل تتكلم عن زوجتك بهذا الكلام واذا كنت فعلا متزوج ولا تعمم الكل اظاهر انت من النوعية الي تحرض أغلب الشباب على زوجاتهم وحاسب على كلامك انت بكرة محاسب عليه لأن من كلامك بأجر تهدم بيت ولا تخرب علاقة بين شخصين بسبب انك عممت علينا النساء احنا بس اذا مو عاجبتك أتكلم معاها ولا تنشر مرضك اهني

حسبي الله ع اشكالك

اني اللي اشوفه زوجي هو اللي جاب لي الامراض .. اللي أكبر مني يمشون طيارة واني كان عمري 70 سنة
وجاب اللي الهم والنكد وعيني حياة غير اللي عشتها وصابرة ولا فيه فايدة و غير وغير

اولا نصيحتك تعارض كلام الله

الحين انته قاعد تنصح بشي يعارض كلام الله خلك عزوبي ؟؟؟؟
ثانيا اللي متربي في بيت ابوه على عدم الاحترام والتقدير والتعاون و التذمر من الحال يقول كلامك
كل واحد يعكس جو تربية بيته له
احنه عشنه ورحنه بيت ارجالنه ما قلنه لرجال ابو المصايب والبلاوي والامراض ووووووو
الواحد اذا فيه نقص او عيب يحاول يغير انظار الناس عنه عن طريق تشويه صوره الغير
اذا تقدر تربي اولادك على القناعه بدل هدرتك لانه من كلامك يبين مشحون من اشياء واجد ومو مقتنع بحالك

تجربتك الشخصية تمثل واقعك انت فقط!!

والله يا اخي الكريم ما له داعي تعمم في كلامك كل النسوان، اذا تجربتك الشخصية مريرة ووصلتك الى هالمرحلة من التفكير العقيم فأقول لك ان في نسوان ذهب ، هم اللي ينظمون كل ما له علاقة بالمصاريف ويشجعون أزواجهم على الادخار، وهالنوع من الحريم يخلون حياة الرجل خاصة والاسرة بشكل عام من احسن ما يكون.

خاف الله

انا والله الحمد أخاف على مصرف زوجي واقتصد حد الحد
ولي خلص راتبه يتم المبلغ لي براتبي عشان نصرف منه
هذا غير اللي ادخره من وراه
وافاجاه واقوله لإ عليك ما وفرنا شي واهو يدري بهالشي عددل
فددديته أحببه
عصبي وحاد بس الله يحفظه
احبه الله يخليه لنا يااارب

محد ياب لي الضغط والسكري

الحين غير كلامك
يا أخي وقف روحك بروحك واذا هي مجنونه وتبي بس تصرف ليش تعطيها
أعطيها مبلغ شهري بروحها فقط وان خلص خلها نطق رأسها بالطوف
احسبها صح

الكلام مظبوط 100%

حزة بناء بيت العمر تعال سو لي مطبخ داخلي مصنوع في افخم المصانع ويطلع عليه ب 5 الاف دينار وبعد ابغي مطبخ خارجي خبرك نحب السمك وعن الريحة وكذا والرجال ان شاء الله طلباتك اوامر ، انزين وبعد ابي زاوية في الكامبون للباربكيو والريال يقول تم، وبعد ما يتحولون،، الزوجة تتصل لزوجها .. حبيبي جيب معاك غدا رجعتك من الشغل ، والمغرب حبيبي جيب معاك رجعتك عشا جيب بيتزا لولدك الكبير وشاوارما لبنتك الصغيرة ومشويات للباقي ..... انزين وسلسلة المطابخ اللي مسويتها في بيتك ؟؟؟؟؟؟؟؟؟

ارحمي آدم يا حواء .... تراه مزنوووووط

قبل لا يطلع الحجي من البيت يسأل زوجته: أم فلان انا طالع تبين حاجه غرض؟ لا مو ناقصني شي سلامتك. ويستانس الحجي ويروح شغله وفي نص اجتماع هام بجيه تلفون من الحجية: جيب خيشة بصل. وبعدها مسج واتساب جيب معاك بهارات من المكان المغصغص في ذاك الداعوس، وامبي خبز من خباز فريج ..
، لا تشتري خبز من خباز فريجنا مو شي ؟؟؟؟؟ وآخرتها ينزف زوجها من مديره لانه ولا عارف ويش في الاجتماع ولا موضوع الاجتماع. يقول لها حجية حاسبي في الصرف ترى الاوفرتايم قطعوه ترد عليه اصرف ما في الجيب يجيك ما في الغيب .وينك يبو جهل هههه

تقريبا

احاول بس المعاش مايضل منه شي حق اتقشف فيه هذا هو من ينزل قرض ومصاريف بيت واولاد و خلص مايتجمع منه شي و العوين الله

8

بصرف النظر عن جوهر الموضوع .. من اللي دفع الضريبة غير المواطن بفعل السياسات الخاطئة والتسرع في القرارات .. وغيرها من التهم

الله المعين.

حالة التقشف لايفهمها الا صاحب العيال واما النساء بعضهم يساعد وبعظهم تقولك موشغلي تصرف انت وحظك.

بالعكس

اني احن ع زوجي حاسب ع المصاريف ومن سنين
والحين احن عليه أكثر لما تقشفنا أكثر لأن ظروفنا صعبة وهو يقوللي خليها ع الله
والنعم بالله بس الواحد لازم يحاسب له

زائر 6

بالعكس
انا وزوجي الحمد لله
متعااااونييين
يد وحده مستحيل اتصفق
الله يديم النعمه
بعد الحمد لله
احسن من غيرنا

متقشفووون

احنا متقشفين اوردي ما بيتغير شي

للأسف ندفع أخطاء الاخرين

عندما تتكلم تصبح عميل صفوي مجوسي ادا تتكلم عن إصلاحات اجتماعية اقتصادية بعيد عن السياسية التجنيس يكلف الدولة والمواطن من كل النواحي والآن نستعد لتقشف! !!!

صح

هذا الي صاير

لا يا عزيزي انا بدون ما اتكلم صرت عميل. 3 سنوات عاطل عمري وصل 28. ما اقدر حتي اتزوج. في احتمال اطلع من البحرين الي الخليج لكي احصل علي وظيفة

قديمة

حالت التقشف صارليها سنيين عندنا ، الملابس تطلع روحها على ما نبدلها ، وطلعات اولادنا كله على البحر والمنتزهات الى بدون افلوس ، والاكل الوحيد الي ما تغير لانه بالاساس محد اكيل عندنا ...

الله كريم

يفرجها عليك ويوسع ف رزقك

متعوده دايما

هو يظل شي من الراتب حتى نسوي تقشف ... الحال ريوس ... الحمدلله على كل حال

هذا اللي الخوف منه

احنا من زمان متقشفين وشكلنا بنتقشف أكثر والله المعين

ولد زويد

عندي نقاشي مع زوجتي العزيزة البارحة عن هذا الموضوع وانه يجب علينا أن نقتصد في بعض الأشياء علما بأنه مثل ماقال أحدهم هل يبقى من الراتب شي لكي نحتفظ به حاله البحريني حاله لايعلم بها إلا الله وحده لا شريك له رواتب ضعيفة الحياة جدا صعبة ومع ذلك البحريني قادر بعون الله أن يتأقلم مع كل هاي الأمواج العالية والصعبة لأنة يقول الأرزاق بيد الله سبحانه قاعده زوجتي تقول ( أصرف ما في الجيب ياتيك ما في الغيب ) علما هناك أشياء كثيرة أقوم بتأخيرها وهي ضرورية بسبب عدم وجود المال للقيام بها وربي يفرج للجميع

الميت ما تضره الطعنة

من تزوجة وانا احاسب الى زوجي حتى بعد ما لله فتحها علينا وتضاعف راتبه لكنه بدل ما يوفر لفلوس صار يلعب فيها يمين ويسار غير الستغلالين الي حوالينا الا ناهبين الاولي والتالي ومو مخلينا نعيش مرتاحين

الحال من بعضه

إلينا الله