ارحمونا ارجوكم

ارحمونا ارجوكم ، راعوا مشاعرنا نحن القطاع الخاص.
غير علاوة المواصلات ما عندنا ودوام من الصبح للعصر.

الحين معاشاتهم تنزل عادي مافي اخطاء جت العلاوة وصار في اخطاء مانقول الا ...

اوقفوا هذه المهزله

اذا لم تستطع وزارة التربية و التعليم ادارة معهد البحرين للتدريب بما يكفل الحفاظ على جميع حقوق منتسبيه من موظفين فلتتجرأ بالشجاعه لاعادته لمظلة وزارة العمل

اين ذهبت حقوق موظفي BTI

اتفهم استياء المعلمين للاجحاف المتعمد بعدم صرف مكافئة تمديد الدوام
و استغرب من مسماها صراحة
ماكو شي اسمه مكافئة يا وزارة التربية بشروط قراقوشية
هذا دوام اضافي يعتبر بحسب قوانين ديوان الخدمة المدنية
حيث ان عدد الساعات للمعلمين تم تغييره بالزياده خلافا للمعمول به سابقا
لك ان تتصور عزيزي حال موظفي معهد البحرين للتدريب مع هذه الوزارة
و بالاخص المنقولين منهم
لا سمح الله اذا تعرض احد منهم لحادث = راحت عليه
لانهم غير مسجلين بوظائفهم الحالية بشكل رسمي
رواتبنا نستلمها بإسم جهه مغايره

الشكوى لله

اقول يعل اللي للحين ينظر للمعلم على انه شخص مرفه وعايش حياته...جرب عيش اسبوع معلم...وعقب اتكلم...والاجازات اللي حاسدينا عليها كل سنة اقل من اللي عقبها..ويومنا ماينتهي بالدوام ...روح تمهن وادرس لليل وخل ولادك ايربيهم الشارع
والمعاش اللي للحين اتشوفونه آلافات في عسن العدو...ترا حتى فراش ومراسلي الوزارة(مع احترامي الشديد لهم وليس انتقاص من مهنتهم) نفس معاش المعلم
بس وش نقول...الشكوى لله ...

لا تحرقون روحكم

اللي يقلل من شأن المعلم وينكر فضله في تخريج أجيال الأمة مثل اللي ينسى تعب أمه وشقاها في تربيته ويذلها بعد ما يكبر..
يبقى المعلم (اللي يشتغل بضمير) تاج على روسنا ويستحق كل التقدير والاحترام


(قم للمعلم وفه التبجيلا.. كاد المعلم أن يكون رسولا)

موظفي معهد البحرين للتدريب

احنا لا زيادات سنوية و لا مكافئات و لا ترقيات و لو بكيفها الوزارة ما كانت صرفت لنا رواتب اساسا
الله كريم
منقولي معهد البحرين للتدريب

الله يساعدكم

الزبدة يا اخواني البلد يعيش في ازمة اقتصادية وقد طفحت للسطح وكلام الوزراء لن يخفي هده الازمة فجميع وزارات الدولة قد اوقفت العلاوات وعلي جميع المواطنين ان يعتادوا علي حياة الفقر والله كريم .

وزارة بالبركة

وين التخطيط و الرجل المناسب في المكان المناسب
حوافز طارت و ترقيات طارت ووووو

لاتعليق

لفت أنتباهي شئ مهم توظيف 400مدرس جدد أني بكمل الثمان سنوات بدون شغل قرارات الوزارة ستؤدي الى تراجع مستوى الطالب والمدرس قرارات مدروسه لاحباط الطالب وتدني نسبة النجاح

الأمة التي لا تحترم معلميها

الأمة التي لا تحترم معلميها .. أمة لا تستحق الحياة
فقط...

كلمة حق يراد بها باطل

خلها مستورة الله يعزك

أعطوا المعلم حقه حتى لا يطغى'

المعلمون في الأونة الأخيرة أصبحوا يلهثوا وراء التعويض بالدروس الخصوصية حيث أن البعض منهم أصبحى شعاره من يساعدني اليوم لن أبخل عنه غدا وذلك لما يجد في نفسه من ضغط الحياة وظلم الوزارة على حساب التلميذ وولي الأمر.

قولي سلفة

كلام فاضي الرقم الشخصي ثابت ما يتغير والدرجة ماشين بوزنا منها والرتبة سنوية عن شنو تتكلمون؟! اذا تبونهم سلفة قولو وفكونا هي جايه علينا يعني.

ابو حسن

يعني ما بنخلص من هسالفة..ما كان المفروض يعطونهم علاوة من بداية الشغلة لان الدوام ما زاد عن باقي الوزارات واقل من القطاع الخاص .صراحه ادا يستمرون في صرف العلاوة يكون ظلم حق الموظفين الباقين الي في الوزارات ولا ننسى ان المدرسين يستلمون اكثر الرواتب بنسة لباقي الوظائف واكثر من غيرهم في الاجازات ثلاثة اشهر في الصيف و شهر ربيع واكثر الحصص فراغ

زائر 11

اجازتنا مو ثلاث شهور
8 أسابيع لو سمحت
والربيع 10 ايااام
ارتقي اشووى

اذيتنه يا وزير التربية كل يوم عندك مشكلة .. محرقي

روح اجلس في البيت ورتاح وريح العالم من قراراتك كل يوم طالع لنا بشي يديد ليكون مفكر روحك العبقري الفذ الذي انتشل التعليم من الحضيض الى القمة ، هذي اللي يقول فتح وشاف الديك (اخوان سنه وشيعه)

وين المراجعة

المفروض بعدما ترسلالقوائم من المدارس تقوم الادارة المعنية بمراجعتها والتدقيق عليها ومن ثم ارسالها لديوان الخدمة لان وجود أخطاء يكتشفها ديوان الخدمة يعتبر تقصير في عمل وزارة التربية لانها الجهة الرسمية المسئولة أمام ديوان الخدمة المدنية هذا أولا ثانيا المفترض ان الوزارة لديها قاعدة بيانات لوظفيها حالها حال الوزارات الثانية يمكن ادخال الاسم أو الرقم الشخصي وتطلع بيانات الموظف كاملة بما فيها الساعاتالاضافية وإلا اشفايدة جهاز البصمة

عاد كل مدرستنا ماينزل ليها!!!!

ماتجوزون عن الكذب
والله عيب تربية وتكذبون

كذب

مدارس بأكملها تم صرف علاوة شهر واحد فقط بدل شهرين كيف يكون خطأ

اخخ على الوزاره

معقوله في معظم المدارس اي تتكلمين عنه يا وزاره كل يوم يطلعون كلام قولوا ما فيه ميزانية كل شهر يمشون اليهم ويش معنى شهرين ما عرفنا اليكم مره اتقولون ما فيه ميزانية ومره اتقولون خطأ اداري والحين اتقول بيانات ناقصة حددوا بالضبط ويش مشكلتكم

هههه

يعني الاخطاء ما صارت الا السنة .. كل سنة يمشي الوضع طبيعي الا السنة!!
لا والاخطاء بالجملة مو واحد او اثنين!!

الحمد الله والشكر

صج عيال فقر يالمدرسين الي يسمع هالعلاوة من سنين تمشي توها كلها سنة وحده اذيتونه بيعطونكم اياها صبرو اعنبوكم بروحكم رواتبكم وايد مال اغنياء كله ثمانمية وتسعمية وفوق

مساكين المعلمين صايرين كبش الفداء

خلوا المعلمين مرتاحين ووفروا ليهم الحياة الكريمة واعطوهم من خير البلد واقروا الكادر مو ذابحينهم ومنشفينهم تنشيف هؤلاء بهم تنهض الامم فلولاهم لما اصبح لدينا الطبيب والمحامي والقاضي وووو

هلا هلا!

اسكت يا خوك وخلها على الله . ألحين بيطلع لك واحد من اللي خبري خبرك وراح يقول "تداومون أقل من غيركم.. ومعاشاتكم بالألوف...واجازتكم نص سنة... إلخ" . صدقني من كثر ما أقرأ هذه التعليقات المنحطة صرت أقول "يستاهل مجتمعنا وخصوصا هؤلاء الغوغاء كل ما يجري عليه من الهوان لأنه في البدء لم يعتد أن يحترم أو يقدر او حتى يقول كلمة شكرا لمعلميه وهم أساس نهضة كل مجتمع بل وهاجمهم وسعى لظلمهم وتضييع حقوقهم"

وماذا بعد الخطأ؟

طيب الخطأ وارد وسبحان من لا يخطىء .. وماذا بعد؟
من يخطىء يعتذر عن خطأه ويستعجل تصحيح الآثار المترتبة على خطأه ويعمل على تعويض من أخطأ في حقه ويحاول تجنب تكرار الخطأ ، ومع شوية انصاف يتم محاسبة من أخطأ .. والسلام.
حتى لايكون الطابع العام للخطأ كأنه تنصل وهروب الى الأمام .. أنا لست مدرس ولست صاحب مصلحة في هذا الأمر .. مجرد رأي

انا مستفرب من ها...

الا كاتب الحمد لله والشكر ... كاد المعلم ان يكون رسولا .. شكلك فاشل في الدراسه
معاشاتهم مقارنه بالدول الغير جدا هابطه ..ع العمل الا يقومون فيه