كفاية يا وزارة تربية والتعليم

كل يوم نكره التدريس أكثر. عيب كل مرة تهددونا على 100 دينار الي تعطون اياه تره ذليتونا وايد عيب كل مره تغيروونا معايير استحقاق هالعلاوه علشان بس تحرمون هالمعلم المسكين منه . تره احنه شغلتنا مرهقه وشغلنا ما نقدر نخلصه في مدرسه نوديه البيت على حساب عائلتنا.

مدرسين ومدرسات من غير اسلوب

استغربت من لغة حوار المدرسين والمدرسات بالردود .. هذه مستوى المدرسين بالمناقشات

ولله ابتلشنا

محد مرتاح غير هالمدرسين... و بعد يتحلطمون!!! ابدا مو عاجبنهم شي

دعاء خالص من القلب

اللهم احفظ المعلمين والمعلمات وأطل أعمارهم وألهمهم الصبر على مشقات عملهم وأعنهم وافتح لهم أبواب رزقك سيدي وبارك لهم وبلغهم الآمال واهد طلابنا وطالباتنا الى ما تحبه وترضاه وخذ بأيدي رؤسائنا إلى ما فيه خير البلاد والعباد ولا تسلط علينا من لا يخافك ولا يرحما بسر النبي وآله وبسر الفاتحة

دعاء خالص من القلب

اللهم احفظ المعلمين والمعلمات وأطل أعمارهم وألهمهم الصبر على مشقات عملهم وأعنهم وافتح لهم أبواب رزقك سيدي وبارك لهم وبلغهم الآمال واهد طلابنا وطالباتنا الى ما تحبه وترضاه وخذ بأيدي رؤسائنا إلى ما فيه خير البلاد والعباد ولا تسلط علينا من لا يخافك ولا يرحما بسر النبي وآله وبسر الفاتحة

سؤال

حضرة الفاضل سعادة وزير التربية والتعليم اذا تأخرت أحد الأيام عن الدوام هل يتم استقطاع راتبك ؟

كفايه دراسه التمهن

التمهن الذي يجبر المعلمه على الدراسه لزيادة راتبها وترك اطفالها وزوجها غصباً عنها اصل للمنزل الساعه الثالثة وانطلق الساعه الثالثه والنصف للجامعه واصل المنزل الساعه السابعه والنصف كيف ادرس ابنائي واتابع شئون المنزل

نصيحة لوزارة التربية

ارجو ان تضعوا من ضمن الشروط الجديدة للحصول على العلاوة التسابق بين المدرسين
نظموا في الفسحة المدرسية مسابقة الجري بين المدرسين والذي يصل اولا يحصل على العلاوة و الذي لا يصل تخصم منه
وشكرا
دمتم ذخرا للوطن

اقرأوا الشرووط

أقصد شروط استحقاق العلاوة
مذلة جدا
مسكين أيه المعلم الكل ضدك
العمل الذي يقوم به متعب جسديا ونفسيا
فهو يواجه ضغوط من الطلاب والإدارة والوزارة وأولياء الأماور والكل ينتظر زلة لينقض عليه
أخبرونا ماذا تريدوون من المعلم ؟؟

انا مدرس

يلعن ابوها مهنة لابو الساعة اللي صرنا فيها مدرسين….. صحتنا تدهورت من الانفعالات….. الكل متخلي عن مسئوليته…. كل شي المدرس هو السبب.

حرموني من علاوة التمديد بأسباب تافهه

اغلب الادارات تتشدد وتحرم المعلمات من علاوة التمديد . انا شخصيا حرمت عدة اشهر من علاوة التمديد في العام السابق بأسباب تافهه ومثلي كانت زميلاتي . في مدرسة سار الثانويه يتم حرمان المعلمات عند تأخيرهم دقيقه او دقيقتين على الحصة دون مراعاه للمباني المتباعده والطوابق الثلاث بدون مصعد لذا تضطر المعلمه للجري احيانا بين الحصص للوصول

دولة ..

اي جرم من هذا وزير التربية الذي يفرض وقتا اضافيا من جيبه ويجبر المعلمين على للعمل الاضافي دون مقابل ودعنا نقولزان الشخص لم يلتزم يوما من الايام فما ذنب الايام الاخرى من وقته وجهده لا يكون عبدك وكانه الملك الفرعون الذين تحته يتصرف فيهم وحتى الاخرين من البشر العاديين من قال انكم تتحكمون اعطوهم العنوهم هناك قانون ولكن ليس هناك حق الدفاع فهذه مشكلة الغطرسة والتحكم في العبيد

بسنا ظلم

اتفق مع جميع التعليقات ماعدا الزائر رقم 5 الظاهر كان نايم وتوه قاعد من النوم

,اجراء ممتاز..

زين عشان في واجد معلمين يحبون يتجمبزون.

لا تعمم

مو تعلمون، لا تنسون أن في معلمين ومعلمات مرضى يعني يحتاجون يروحون المستشفى وخصوصا إذا كانوا مصابين بأمراض مزمنة فهم يحتاجون لأخذ أدوية و لهم مواعيد في المستشفى ، فليس تعممون ياا وزارة ، وليش التعليق يا اللي قاعدين ما تدرون بحال المعلم في المدرسة و اشلون قاعد ينزل
ولكن لا نقول ألا حسبي الله ونعم الوكيل

قرار ظالم

تاخرت في شهر ستة يومين يوم ثلاث دقائق ويوم دقيقتين يعني مجموع التأخير في اليومين خمس دقائق والوزارة تحق للموظف ان يتاخر مرتين وفي كل يوم تصف ساعة وفي خبر اليوم تحق للموظف ثلاثة ايام ويطلعوني المدرسة غير مستحق ليش الظلم يا ادارة ما تخافون ربكم حسبي الله ونعم الوكيل

فاشل

برنامج فاشل، لم يراعي الطلبة فيه
التمديد يشمل المعلمين والطلب
وتسبب بكثير من المشاكل وعقد حياتنا

رد على رقم 7

كلامك صحيح مليون في المئة لازم اخبار المعلم في حال التأخير لمرتين والمره الثالثه سيتم حرمانك من المكافأة ولكن للأسف بدون علم المعلمين وبدون توقيعهم ولا حتى اشعارهم تم خصم المكافأة

اضراب

كل دول العالم عندما يتعرض الموظفين للظلم يضربون عن العمل الى ان يتم تسوية المسائل الا في بلادي العزيزة يتم قمع المضربين و فصلهم من العمل لمطالبتهم بحقهم المسلوب..ما تريدون يا وزارة تدفعون فلوس التمديد رجعوا الدوام مثل قبل لوحدة و ربع ..محد بيقول فشل المشروع..لكن بنقول قلب الوزارة على موظفيها و اهل البلد

مانقول الا حسبنا الله ونعم الوكيل عليكم

وسيعلم الذين ظلموا اي منقلب ينقلبون والعاقبة للمتقين،الله يلعنه من دوام ويلعن الساعة الي مددوه فيها، مايصير چديه نموت على شانها، ترى احنا مو مغفلين الكل يعرف انه قرار سياسي بحت ليس الا، غرضه ارهاق اكبر شريحة موظفين في الدولة وكذلك جيل الشباب، وترى اذا بغت الناس المطالبة بحقوقها مابيجودها شيء لاتمديد دوام ولاغيره، واقول بسكم مسخرة على الناس وعلاتكم جمعوها نحتاج اليها يوم الفزع الاكبر
اهناك بنوقفكم على الصراط وبنشوف اين المفر؟؟؟؟؟؟

الغلط منكم

الحره يالمدرسين ....موافقين تمديد الدوام انتون الغلط مو الوزارة مثل مافتكرتون بحالنا ....خل الوزاره .......اسالفكم ...شددي عليهم خل يضوقون المر مثل ماضوقونا المر .....ونرجع البيت تعابه ويش انسوي .....وبعدين اجي ليك الاستاد وين الواجب ... ياحظي مافي وقت تدرس ..... هلكتونا الله ...

منتهى الاجحاف في حق المعلم

خل الفاظك تعكس شخصك يا هذا. ولا تقط فشل دورك كولي أمر على المعلمين. ما بيتغير شي في الديرة إذا هاي معدن قلوبكم.

ياعزيزي من قال لك ان المدرسين موافقين

يازعم سوو استبيان صوري مجرد ابرتوكولات وكلنا كتبنا غيييييير موافق ويعدين اتفاجأنا بالنتيجة :( والواجبات وباقي الالتزمات مو من المعلم من الوزارة الي تطالب المعلم بأثباتات على انه عطى الطالب وحسبنا الله ونعم الوكيل :( والفرج قرررررريب ان شاء الله

مجبورين

حبيبي حتى الواجب المنزلي المدرس مجبور يعطيه للطالب و طلبة هالزمن بسرعة ايدهم تعورهم من الكتابة

تقصون على من

دوام الوزارات الحكومية حتى الساعة 2.15 ما عدا يوم الخميس الساعة 2 .. يعني شلون بتقسمون الدوام يعني يوم الخميس

التربية

والله بلاوي... ويش هالمعايير بعد... يشيلون هن هاللنگة ويحطون في هاللنكة
ما أكثر المعايير عندنا في البحرين ... الله يفرجهاعليهم ويحصلون بيزاتهم .

لا يستحقون كل هذه العلاوات

يداوم المعلمون سبع ساعات مثل باقي موظفي الحكومة لذلك لا يتميزون عن غيرهم بإستحقاقهم للعلاوة خاصة أن رواتبهم في الأساس كبيرة وتفوق معظم رواتب موظفي الدولة إضافة أن البلد مقبلة على أزمة إقتصادية خانقة قد تؤدي إلى شحة في وجود السلع الإستهلاكية الأساسية.

خل يحلون الأزمة من راتبك !!!

مسوي روحك خايف على وضع البلد .. لا يكون تبغى تحل الأزمة الإقتصادية على حسابنا .. والله حالة ... الله يساعدك على روحك ....

نعم فأنت الخصم وأنت الحكم

كيف يمكن لرب العمل زيادة وقت العمل دون مقابل ثابت في الراتب الاساسي، بل جعلها علاوة .... مهزلة بكل معنى الكلمة

الافضل تعلنوها صراحة ما عندنا بيزات

مسوين هل المهنة مهنة اشد من العسكرية في قراراتها المجحفة و التعسفية
بصراحة قولوا انه ما تبون تعطون المكافاة الى المعلمين من دون لف و دوران
ثانيا الا يخاف هذا المشرع العبقري من حساب يوم يقف و يسال عن حرمانه لمعلم يحرم من راتبه بسبب مخالفات بسيطة كالتي ذكرت هل هناك نظلم في العالم يحرم الموظف من كامل استحقاته المالية لمجرد مخالفات بسيطة ؟

هكذا يكافأ المعلم!!

هل هكذا يكافأ المعلم ياوزارة التربية بالتهديد والوعيد ومأن المعلمين عبيظ لديكم ... لم تمر ادارة على وزارة التربية ايوء من هذه الادارة على جميع المستويات .. البعثات .. توظيف الاجانب على حساب البحريني .. تهديد المعلمين وكأنهم اطفال

عجبا لأمر المعلم

لماذا في مملكة البحرين لا يوجد من يدافع عن حقوق المعلم الا النادر القليل .فلا تجد نائب صادق يحمل هم المعلم ولا تجد صحفي منافح يتبنى بث هموم المعلمين ولا تجد نقابة تقف في صف المعلم ، اذا أردت أن ترتقي بشعب اجعل المعلم راضي عن وظيفته كمعلم سعيد فيها غير مظلوم ، اجعل وظيفة المعلم من اعلى الوظائف ثم انظر الى النتائج.لك الله يا معلم هذا الزمان

بوعلي

ردو الدوامات نفس الاول ووفرو فلوسكم ووفرو تعب الجهال واولياء الامور

خوش رأي ..

تعبنا وباح حسنا ... خلوا فلوسكم حق مشاريعكم اللامعة وحق المدرسين الجدد الفنتك .. وخلنا نرجع لعيالنا أبرك لنا ولكم ..

كله تهديد

كله تهديد ومذله كان الوزير ينتقم من المعلمين
لو تاخرت 3 مرات ينخصم عليي شهر هذا ظلم والله عدل

لكي يرى العالم بلادي

كيف نظرتها للمعلم
ولا ويدرسون الطلاب عن احترام المعلم وكاد المعلم أن يون رسولا وقف للمعلم والتبجيل ووووو
وهم يعاملون المعلم كأنه متهم في قضية

ليش هذا التعنت يا وزارة

هذا هو تقديركم للمدرسين الذين افنوا عمرهم في الدراسة بتفوق والحصول على الدرجات لينالوا هذه الوظيفة
هكذا تعاملونهم وتحطون من كرامتهم بهذه القرارات البوليسية
اذا انتم لم تحترموا المعلم وتنكلون به وتحطون من قدره في كل مرة والتشهير في الجرايد ويش خليتون للتلاميذ. وهل تريدون من التلاميذ احترام المعلمين وهم يرون معاملتكم لهم.
كنسلوا التمديد وفكونه وفكوا المعلمين من هالعذاب

موظفي الوزارة

عزيزي الوزير كنت بصدد مراجعة في الوزارة بصفتي معلم ، لاحظت خلال هذه المراجعة وجود عدد كبير من الموظفين بلا عمل طوال الوقت أو أن عملهم قليل ، وذلك يعني البطالة المقنعة ، ولاحظت أيضا تلهي الكثير منهم في تناول وجبات الفطور لوقت طويل ، الرجاء تقليل عدد الموظفين بما يتناسب مع الطاقة الإستيعابية للأقسام ، ولَك أن تعيد قسم منهم للمدارس كمعلمين للاستفادة من خبراتهم بدلا من الأنشغال بوضع معايير ظالمة على المعلمين

طلبات الوزارة مشروعه

المطلوب هو عدم التسيب واثبات سبب التأخير .... هذا الحد الأدنى منكن ان تطلبه اي جهه من موظفيها. الله يعطيهم العافيه

لا تكن للظالم عونا

المشكلة ان في ناس تاخذ ذنوب بسبب دعمها و وقوفها الى جانب الظالم.. شبتستفيد غير الذنوب ياالأخو.. اللي يتأحر ثلاث دقايق في الشهر يشيلون منه 100 دينار ؟

لا تعليق

اقووول
ترى وايد من المعلمين ما نزلوا لهم علاوة التمديد هذا الشهر.
حرموهم من التمديد بسبب اعطائهم مبلغ زهيد عن الوقت الاضافة للتصحيح ايام الامتحانات العام الماضي.

التمديد بأختصار

هذا التمديد بأختصار هو كزيادة عبوة منتج ما دون زيادة كمية المحتوى بل بتخفيف جودته ، البعض يقول أن التمديد كان لدواعي أمنية ، وذلك من أجل شغل وقت الطلاب في هذه المرحلة عن الأشتراك في التظاهرات و غيرها، أظن البعض لا يزال يتمسك به فقط من أجل هذا السبب . الهدف ينبغي أن يكون في تطوير المناهج وتحسين المخرجات وليس الزيادة الكمية ، أخواني انا معلم الرجاء عدم الحسد وشيلو التمديد بمستحقاته وريحونا .

أين العدالة

بما أن بند الانظباط في دخول الحصص لا ينطبق الا على المعلم فهو الأكثر تعرضاً لقطع المكافأة ، هل يوجد بند للإداريين وللمعلمين الذين هم بدون جداول ولمن هم خارج نطاق التديس مقابل بند الانظباط في دخول الحصة لتتحقق العدالة بين الجميع

والله ذلونا

ما يسوى علينا هالتمديد. ذلونا ذل
رجعوا دوامنا وفكونا
بروحنا هالشهر ما نزلوا لنا ولا روبية.
الله كريم

الله ينتقم منهم

حرام عليهم هذي الشروط الي حاطينها مو من حقهم يحطونها .. التمديد مو اختياري انفرض علينا فرض .. و من حقنا هالعلاوة مو مكافاة هذي .. حسبي الله و نعم الوكيل ..

التربية في الميزان

معظم وزارات الدولة تدافع عن مشاريعها و تطمآن موظفيها و المستفيدين من خدماتها بأن التقشف لن يضر بمصالحهم و ها هي مي الخليفة مثال على ذلك في عدد الوسط لهذا اليوم الا وزارة التربية فكل يوم لها تهديد و وعيد.
الله يعين المدرسين

اذا لم تدفع مبالغ زيادة الدوام

يمكن رفع دعوى قضائية وانتزاع الحق قضائيا

هذي علاوة انضباط في الدوام لو وقت اضافي

هذي علاوة انضباط في العمل وليس وقت اضافي ، يعني المدرس يشتغل طول الشهر وقت اضافي كل يوم ساعة واذا غاب يوم او اتأخر يقصون الساعات كلها ؟؟؟؟؟

ابومحمد

ياسعادة الوزير الم يحن الوقت بارجاع الدوام الي سابقه البلد لا يتحمل استنزاف الاموال واولادنا تعبو من دوام مرهق اليهم والينا نظام تمديد الدوام فاشل

ليش العلاوة

يشتغلون سبع ساعات حالهم حالي باقي الوزرات واقل من القطاع الخاص وهم مميزاتهم احسن من الوزرات الثانية ويحصلون اكثر الرواتب والحوافز السنوية ويحصلون ثلاثة اشهر صيف وشهر ربيع ودون الايام الميتة الي بدت من الحين لنهاية لمتحانات وايام المهرجانات والرحلات الي ما تخلص والجاي والجرايد والتلفون و الريقات وقت الرحلات على حساب الوزارة واختيار اي مدرسة يرغبون فيها

لربما يكون المعلق ليس لديه اقارب مدرسين

مبين عليك انسان جاهل من تعليقك وانا متاكد لو كان وضعك المادي جيد و عرضت عليك مهنة التدريس لما قبلت بها
الاجازة يا الحبيب لم تعد 3 اشهر كما اسلفت هي صارت اقل من شهرين ، ثانيا اغلب الدول المدارس تفتح للساعة الواحدة ظهرا و لم يتكلم احد هناك كما تكلم هنا بعضهم عن ان الدوام يجب ان يكون 7 ساعات في احد الدول العربية لما اخبرت احد الاشخاص عن دوامنا ضحك
الجاي و الجرايد و الريقات يمكن من حسابك الشخصي لم ارى يوما ان الوزارة عطتنا شاي ع حسابها ، اما الرحلات اكثر المعلمين يهربون منها لمشاكلها

لا حوووول

الأخ في أي كوكب عايش؟!..

صدق

يالله هذا الميدان ي حميدان تعال يا بطل اشتغل هالشغله المريحه ام فلوس واجد وسمعنا صوتك

ولا تبخسوا الناس أشياءهم

عيب هالكلام
اذا كنت لا تعلم فالصمت أزين
الوزارات غير التعليمية، حدك تشتغل في الوزارة، وأما بالنسبة للمعلمين، فهم وببركة (القوانين الجديدة، التحسين، الجودة) مشغولين بهم وظيفة التدريس، فهم ينقلون أعمالهم لمنازلهم، ويتحملون بعض التكاليف المادة من جيوبهم، وبين نار تعليم الطلبة ونار البيروقراطية الادارية.
ليس من السهل أن تكون بين مطرقة الوزارة وسندان الطلبة، فهذا الأمر لا يطيقه إلا القليل ممن اضطر لهذه المهنة، وكثير قد فروا إلى مهنٍ أخرى أكثر راحة وملائمة، فالمميزات لا ترقى للبقاء حاليا.

لا تتكلم بدون معرفة

ارجع لجدول الرواتب بعدين تكلم
رواتب المعلمين اقل من باقي الوزارات
وجدول الترقيات يختلف حيث ان كل الوزارات يحصلون الموظفين الرتبة السنوية وبعد انتهاء 15 سنة ينتقلون الى درجة جديدة ولكن هذا الوضع يختلف للمدرسين حيث ان كل ترقية ترتبط بساعات تمهن يدرسها المعلم خارج وقت الدوام
والاجازة كلها الصيف والربيع ما تجي 3 اشهر والدوام طول اليوم لان المدرس يحضر ويصحح ويجهز انشطو في بيته ووقته الخاص
وبلا فلسفة علينا

يالمتحذلق

يالمتفلسف
إجازة الربيع عشرة أيام مع الخميس والجمعة
والصيف صارت شهر أسابيع طبعا من ضمنها خميس وجمع وإجازة العيد عساهم يعيدون فيك
اتحداك تشرح ساعه وحده لولدك مو بعد ل 37 طالبة
شهادتنا اللي مشغلتنا فاهم ولي ما يذوق العنب حامض عنه يقول
أنا صار لي 14 سنة قارن بين راتبي الحالي وراتب اي موظف بالحكومة
راتب اختي تشتغل بالإعلام صارلها 5سنوات يزيد عن800 دينار غير العلاوات
راتبي انا 14 سنة تدريس 998 بدون تمديد تفهم تستوعب طبعا لا بالتمديد يوصل الف وشوي
أشكالك ينحطون في خيشة وينحرقون بقاز

ياجاهل

الجاي وثلاجتنا وحتى الماي بفلوسنا
كولرنا شارينا بعد بفلوسنا مو ميزانية الوزاره
لي شجعنا الطالبات بعد بفلوسنا
آخر فعالية سواها قسمنا يوم اللغة العربية صارفين عليها 70 دينار من جيسنا عشان الوزارة اتجي اتطالع مو من ميزانية المدرسة من مرتباتنا والله يشهد على كلامي
ولا يستاهلون ولا بنسوي شي بعد خلاص دام هذا حجيهم نصرف من جيوبنا عليهم ولا يستحون
واي رحلات لي تتحجى عنها خخخخخ
ومنهو يروحها غير المجانين نفسك
مستانس أبها تطلع أزيد من بيع السوق
اقول انطم احسن
والمدرسة ما يعطونك فلس استح على وجهك بس

قل خيرا او اصمت

وين عايش عفر .. للحين في ناس تتكلم چدي .. اني مو مدرسة بس عندي اخوات مدرسات واشوف معاناتهم مع المديرة والتلميذات .. تعب نفسي وجسدي الله يعينهم ومعاشهم يستحقونه ويستحقون مثله مكافأة ..كفاية انهم يقابلون في الصف اكثر من 30 تلميذ 7 ساعات.. وانت ما تقدر تقابل اولادك ساعة .. استغفر الله العظيم .. ناس شغلتها بس تتحلطم .. ولو حطوه في مكان المعلم يوم واحد چان صاح بالويل والثبور وعظائم الامور

يالمتفلسف

يلي ما تستحي
اتكلم عن المكافأة لي تنزل للاخوه المصريين والأردنيون
200 دينار شهر 12
سنويا
واحنا هال 10 دينار لي حاسدنا عليها
طاح حظك
ليتك تقرع وتطيح ضروووسك
الله يغثك انت واشباهك
انت ما تتحمل تدرس أو تقعد مع ولدك ساعه بالبيت
واحنا 30 طالب ورايح
في صف واحد
4 أو 5 حصص باليوم
جعل يحصحصون فيك يااارب

هههههههه ..

ما ضحكني إلا سالفة الريوق على الوزارة ... من متى الوزارة صارت حاتم الطائي ؟؟!! . الماي اللي نشربه من فلوسنا .. فعاليات المدرسة من فلوسنا .. هدايا الطالبات من فلوسنا ... آخر رحلة رحتها مع الطلاب دفعت رسم الدخول حق روحي .. وذا جاي يقول الوزارة تريقكم .. هههههه ..

تكمله

ثاني شي الوزير يقول حالكم من حال الوزارت الاخرى. تعال يا وزير فهمنا جان خليت الدرجات حالها من حال الوزارات الثانيه. ما ربطتها بالتمهن.

نصبر

اول شي الحين بيطلعنا لينا واحد من غير المتأكد انه من البشر او بيقول هالمدرسين كله يتحلطمون. او يبون او يبون. بتجيك ناس لغويه. من الحين اقول ليهم موتو بغيضكم. الوظيفه الي انته عاجز عنها. احنا نشتغلها و بفخر. و اذا تقول انته رجال تعال يا حبيبي مهنة التدريس و احنا بنشوفك شنو بتسوي. اولادك انته درسهم ما يحتاجون يدرسون من ناس على قولتك ما تشتغل او تتحلطم. ننتظرك تعالج مرضك النفسي.

لا شكلك انت أو انتي تبين علاج نفسي

اشتغل ع راحتك بس أهم شي بضمير .... واللي اتكلم عليكم وقال انتوا تتحلطمون انا معاه بس طبعا مو كلكم .. وغير إهانة الطالب و الضرب و ما أنكر بعد فيه طلبة يطفشون. .. ووووو

اسمعي.

لا يكون وظيفتش مستشاره دوليه .انتوا داوموا اول وحللوا رواتبكم بدل هالكلام الفاضي.مظلومين.مهمشين.تحلطموا لين ما تقولون بس.نتمنى من وزاره التربيه التشديد وخاصه على المعلمات.

موظفي المععد مظلومون

يتجلى الظلم من وزارة التربية ان تصرف علاوة دوام لموظفي معهد البحرين للتدريبا لجدد بمزعم انهم مبتعثين والذين يداومون مثل موظفين المعهد 8 ساعات يوميا . ولكننا نحس بالضطهاد ففي كون ان الدوام طويل يمتد للثالثة والنصف والذي يستهلك كل طاقة الانسان ترى الظلم في حرماننا 15% زيادة سنة 2011 لكل موظفين الدولة وكذلك حرمانا من الفرق في الدوام

غرباااااال

حسبي الله على كل ظالم..و على اللي جاب هالتمديد التنكيد اللي ملهوز حياة الناس من موظفين ز طلبة و اولياء امور

صح الكلام

بالامس سمعت إحدى المدرسين أخبره أن يأتي ليوقع على أن هذا الشهر ة يحصل على التمديد والأسباب هي التأخر لمدة ثلاثة أيام للعلم الوقت من دقيقتين إلى ثلاث دقائق وهل يحرم المدرس من التمديد وليش المشرف ما يخبر المدرس عندما يتأخر صار له مرتين علشان يتفاجا من حرمان التمديد وشكراً

رجعوا دوامنا مثل قبل

مانبي تمديد ولا تشددون ولا تلوعون جبدنا ما صارت 100 دينار الوزارات الثانية عازة ورازة موظفيخا الا احنا والمتطوعات اللي يستنزفون الوزارة رافعين عنهم بس احنا اساس وقلب التعليم لاعبين بحسبتنا حسبي الله خربتون التعليم

متى أتقاعد ؟؟

وأفتك من هالإذلال ؟؟ والله فضحتونا .. ما تم جرايد ولا منشورات ولا محاضرات إلا وهددتونا وحذرتونا فيها .. كل هذا على مئة دينار إللي يقول مليون .. يا عمي خلوا العلاوة في جيبكم وتهنوا فيها وخل نرجع بيوتنا أبرك لنا ... هالعلاوة ما جابت لنا إلا المرض والتهديد والوعيد من الوزارة والغيرة والحسد من الناس .. إلا يسمعكم عاطينا مال قارون !! !