البحارنة دواعش بنكهة شيعية

احنا البحارنة كله ندعي ان نبي حرية وديمقراطية، لكن لو يعطونه الحكم جان قصصنا روس بعض والسبة عدم احترام حريات الاخرين وان احنا مجتمع يحب يحكم على الناس من كل شي، اني ما اشيش لكن ما اشوف تفرقة بين بنت وولد لو شيشوا، ولا احكم علئ اللي يشيش ان فاسق فاجر صايع ورخيص نفس كلماتكم اللي تدل على سطحية فكرية وعقلية داعشية بنكهة بحرانية

رحم الله والديش

اختصرتين كل مشاعرنا في هالتعليق

استغفر الله

هذا طريق الانحراف ، مقاهي وصداقات وانحلال اخلاقي

الشيشة مامنها فايدة

أبي واحد يقول لي فايدة وحدة من الشيشة و التدخين حق الرجل و المرأة؟
أصلاً التدخين عادة سيئة للرجل و المرأة, وضررها على المرأة أكبر بكون تكوينها الجسماني و يأثر على الجنين إذا كانت حامل.
أنا عن نفسي ما اتخيل أتزوج وحدة تدخن و تشيش, أنا ما أدخن و لا أحب الندخين و من حقي أعيش في بيئة نظيفة من الملوثات.

من التعليقات واضح!

هذه البلد لن تتطور مع وجود مثل هالاشكال اللي تعلق اذا كنت معارض لفكر لا تتهجم عليه احترم تحترم انت تفعل ماتريد انت حر وكذلك الناس تفعل ماتريد اذا لم تعجبك المقاهي استريح في البيت.

الفسق وفساد احترام الرأي الآخر! !!!

فسق وفساد ونرجع للوراء من العربده وتقول احترم الرأي الآخر أي رأي وأي حرية شخصية ...يجب الانتقاد وهذا اضعف الإيمان
من رأى منكم منكر فيرد بيده أو بلسانه أو بقلبه وهو اضعف الايمان

انا في قهوة الحين واشوف المسخرة والخفافه

انا في قهوة الحين واشوف الدلع والتبرج والمسخرة والخفافه. ...انا رجال استحي الله يستر علينا وعلى أولادنا وبناتنا

مجاهرة بالاثم

من غير الائق تدخين البنت داخل او خارج البيت وتدخين الولد والشاب غير مقبول وخطر هذا ع جميع الجوانب الصحية والاجتماعية وغياب الحياء وتقليل من كرامة المرأة وواضح بأن هذا الخط لا يليق بكل النساء فأنت أرقى من هذه الصورة التعيسة

خير يا طير الجزء الثاني

كل الصواريخ الطلقات في عالم الفن و الطرب و التمثيل و الترفيه يشيشون و يدخنون - و كيم الحلوة منهم و انت تقول انها فاسقة لانها من طبيعة المحيط اللي حولها مو منها و ليس دفاع و لكن من المجتمع المحيط - و تراها كيم مضبوطه من اول شعرة براسها الى اخر صبع بقدمها - كلها على بعضها مواصفات عالمية و مقاييس دولية - و الكثير من النجمات - لو تلف اسبوع ما تنام ما بتلقى هالمواصفات - طلقات و صواريخ و اسكود و باتريوت -

سالفة التشيش حرية شخصية محد اختلف

بس تشيش البنات في القهوة هذا يثير حفييييظة الكثير ليش ننكر واجد ناس تنظر بدنو لصاحبات القهوة هذا الواقع حتى لو محد قال في الوجه

الحرية الشخصية المفروض ماتضر الاخرين

بس لما تخل بالاداب العامة وتؤدي الى تضايق فئة كبية من المتواجدين في القهوة والى تخريب سمعة مرتادي القهوة مانعتبر مرتادات القهوة على حق بالعكس اللي يسونه غلط والله ماعندهم سالفة يعني الرجال يبي يروح محل كله رجال ياخذ راحته ولا يقابل وحدة سفور ؟ شنو هذا لكن هذا كله من اشباه الرجال اللي يرضى ويعجبه سفورات القهوة ويرضاها على اهله وين غيرة رجالنه راونه المرجلة لا هني تبين الغيرة

عادي شعليكم

الحمد الله انا ما ادخن باقتناع شخصي وحرية شخصية وما اخالط مدخنين باختيار شخصي خوفا على صحتي... لاكني ما اعتبر التدخين استنقاص في انوثة المراة شدخل الانوثة في التدخين...
التدخين يضر الرجل والمراة وياثر في رجولة الرجل ورغبته وقدرته الجنسية فليش حاطين على المراة وبس

حرية شخصية وكييف ومراجعي

الذهاب المقاهي لاهو بحرام ولا غلط بالعكس متنفس
العيب في اللي يصير بالمقاهي وكل وحدة تعرف نفسها
الشيشة مثل القدو مافيه فرق
اللي يروح قهاوي افضل من الزنا والمخدرات
بعدين مكبرين الموضوع ومهولينه على الفاضي
راح اشرب وشرطي زووج شرااااب
ما فيها شيء حريتي وقناعاتي

مانبي قصايد نزار

اذا كانت تدعو للانحلال الاخلاقي انتين من صدقش جاية تقنعين المؤمنين بكلام شاعر حياته مغازل ههههههه جيبي لش حديث مفسر اية وتفصيلها مو كلام الغرب المعيود حرية شخصية

لاللتدخين في جميع الاحوال

التدخين مضر فماهو الهدف؟
باختصار لاللتدخين للجنسين
التدخين آفة على المجتمع
فكروا بصحتكم لين شيبتون
الله يهديكم يامسلمين

أحب الشيشة وزوجي بعد

انا وزوجي مشيش مع بعض في مزرعتنا عجيب
بس بالقهوة زحمة ومشكلة
بس زوجي عادي يروح قهوة
في النهاية كل واحد حر
بس رأيي موحلو بنت تدخن وسط رجال

وييي لهدرجة بعض البنات مايستحون

مو كل شي اسمه حرية شخصية البنت شرف غير عن الصبي سواء سويتون روحكم غجر او لا تظل بنت وعيب عليها انها تحشر روحها موقع شباب عيييب هالنوعية بالله عليكم تصلح تكون امهات ومربيات اجيال ترى اجيال قبل تشرب قدو في بيتها واذا علنا مو في مكان اغلبه رجال ومعروف انه قلة من النساء يروحونه مثل القهاوي استحوا شوي ترى الشباب مايهمهم بتعاملينهم كاخوانش مابيرفضون لكن لو فعلا يحبونش مثل خواتهم جان غاروا عليش تركوا عنكم حركات المصبن والمنكرات عيب عليكم تبونا نحب المنكر ونرضى فيه غصب عبالكم احنا اغبياء مثل اهلكم

لاتلومون الاولاد يابنات

الى جميع البنات اللي يشيشون وحتى الرجال باجر اذا الولد شيش لاتلومونه لأنكم أنتم القدوة وراح يمشي مثلكم ...

يعني اللي يستنكر بنات القهاوي صار مثل داعش

الاسلام دين اعتدال طبعا ضد الافكار المتحجرة لكن بعد احنا ضد نشر الفاحشة وتبريرها شنو خانتها البنت اذا سمعتها جفنا بنت فلان طالعة من قهوة نصاص الليالي انتون تدرون القهاوي مايروحونها اطفال وحالها غير عن الاماكن العامة العادية كل وحدة تحترم روحها ولا تستحمل الكلام اللي بتحصله مو كل حرية شخصية يقبل فيها الاسلام ولا اذا على جدي خل نقبل اللي يغلطون على الرسول بحجة حرية اقول كل وحدة تخاف ربها وتتقي مصخت شنو هالسواد الوجه والمياعة بعد مو منكم من اهلكم اللي يوافقون على حركاتكم اللي مالها دخل في التحضر

استغفرالله

ترى روحة القهاوي حزة عن حزة تفرق .. مو الكل يروح نص الليل ، انا وحده اروح واشيش ومافي صبيان الا اذا وحده يايبه معاها واحد هذا شي ثاني ، ومستحيل ادش قهوة زحمة او فيها صبيان ، وماروح قهوة في الليل الا عشان عشا مع اهل وربع و ناخذ روم ، انتو بأي حق تيون تقطون حجي على الي تروح قهوة ؟ وياما بنات يقعدون في بيوتهم ويطلعون بس حق شغل ولا دراسة ومتغطيين ونجوف عندهم صبيان مني ومناك ، ماله داعي قذف كل البنات الي يروحون قهاوي واهما يمكن اشرف من اخوات وعيال بعضكم

حرية شخصية وانفتاح ومدنية

انا بنت وبقول رأيي واللي موعاجبه يطق رأسه بالطوف وبعدين اجوف طالعين فيها علينا احنا البنات ومشهرين على كيفكم .
انا أموت في الشيشة ولايمكن افارقها وبعد أخبركم شيشتي تكون في ...وهذي حريتي وكيفية
أبوي ماحاسبني انتوا تبون تحاسبوني أهو اعطوني عرض كتافكم
وبعدين يامتخلفين الدنيا تطورت وانفتاح وانتوا للوراء
خلوا الناس بحالها ليش تحشروا نفسكم
وعناد لكم بكثر من الروحات المقاهي وحرة تحركم
جد بطيتوا جبدي بط الله رأسكم

لا مو عاجبنه

ومابنطق رأسنا في الطوفة هذا رأي مجتمعنا مو عاجبنش خففي قهرش وبطة جبدش بعصرة لومية وشربة شيشة ويا الرجال يا ام القهاوي

حريه

كيفها ! لمتى بظل مجتمعنا يبي يتحكم بتصرفات الكل !
ولا يعجبكم الي تدخن ! مو لازم يعجبكم هي حره بتصرفاتها
ولو اني اعارض التدخين ك شيء للرجال و النساء بس ما يحق لي اعلق على شخص ليش انت او انتي تدخنين وانتو مقرفين !!!!!!

طول ما المجتمع مسلم

ماراح يكون الاختلاط في مكان مثل القهاوي امر مقبول مو عاجبنش يا ام القهاوي روحي امريكا عيشي هناك

..

الشيشة مضرة للرجال و للمرأة .. لكن مجتمعنا يحب يدور زلات المرأة

حرية شخصية

كل واحد يعرف ويش يضره وويش ينفعه لا تتدخلون في حريات الناس. اذا كانت ماقاعدة تشيش في مكان عام وماقصد المقاهي اقصد مكان ممنوع فيه التدخين فاحنا مالنا خص فيها

انا اروح قهاوي واشوف المسخرة

أنا اروح قهاوي واشوف المسخرة والسيلقة من البنات الرجال عندهم خجل أكثر منهم قويات عيون وقليلات أدب العتب على ازواجهم واهاليهم المسخرة إلى الوحدة وفوق الوحدة وكأنها ما وراها أهل ولا زوج ولا بيت ولي وياها زوجها (سكانه مرته)

للأسف تبرج شيشة مقاهي فساد

للأسف الشديد تبرج شيشة فساد لا احترام لديهم لا إلى زوج ولا اب ولا الدين ولا مذهب. ..بحجة حقوق المرأة ولي طالعين فيها مساواة. ...لا انوثة ولا امرأة تصلح أن تربي أجيال. ...وشادة وبووووويه وقليلة أدب وتربية

حجي ابو حسن

اقول حجي ابو حسن.. قعد زوجتك وبناتك وعشيرتك كامل بالبيت مالك دخل بالناس سلامات تطالب بسحب الرخص من الحريم خلك في العصر الحجري الي انت عايشنه بروحك لاتقعد ترمي عقدك علينا لو سمحت
بالنسبه لسالفه الشيشه او التدخين اولا واخرا الحرمه هي المتضرره وتضرر من حواليها اما اذا كانت تدخن بقهاوي للفشار فهذي قله حيا اكو في مقاهي خاصه للبنات وكل واحد وراحته

عجبي

وأين القرآن يا مسلمين!!! أليس كفيلا بتفريج همومكم !! تضييعكم لوقت ثمين كهذا في المقاهي والشيشة لكلا الطرفين أبعدكم عن كتاب الله الذي بات في بيوتكم مهجورا !!!
ولا تقولوا بأنكم تقرؤنه بهواتفكم لأنكم بهذا تتمادون على الله فليس هذا حق كتاب الله عليكم
ابليس والدنيا ونفسي والهوى أين الخلاص وكلهم أعدائي
بعتكم أخراكم بدنياكم
عجبي لمسلمين بلا اسلام

بكل تأكيد

انا انثى مدخنة وبروح اولع لي زقارة مابعد النوم ؛) ماتحترمون ملايين المدخينين والمدخنات في العالم؟ليش؟بسبب العادات والتقاليد،العادات والتقاليد امور وهمية و مغبرة و محلها المتاحف و المقابر لان مضى عليها زمن اقرأوا يا قوم عن عظمة المرأة ومكانتها في العالم،الم تقرأوا قصيدة نزار؟ "دخن "؟ ...........................

يمكن العادات غبرة

لكن الاسلام نزل يوالم جميع الاعراق والعصور والازمان والحالات والاسلام مايتغير بتغير الزمان مكان مثل القهوة مو مناسب لبنت الا اذا مايهمها نظروا لها بوقاحة ورخص المؤمنة اللي تخاف من ربها تحافظ على عهد ابوها وعرض بيت زوجها ووصايا اخوها كبنت اعرف ان وش ابي في قهوة خلصت المطاعم ؟ خلصت الاماكن العامة المشحونة عوايل ؟ ولا بس ابي اروح ادور مكان يثير الشبهة واروحه عشان اثبت لربعي اني كشخة وشجاعة ومايهمني وعادي عندي ؟؟؟ خلش صريحة مافي بنت تروح القهوة مأدبة كلاميا واخلاقيا وتربويا الا من رحم الله

اختي لاتعبين روحش

مايحتاج نلف العالم عشان نعرف مكانة المرأة العظيمة مذكورة في القران والاحاديث ومن تاريخ نساء اهل البيت عليهم السلام وهذي المكانة من الله سبحانه بس البنت الغبية بألفعالها تنزل مكانتها للطين وتبي تعرف قيمتها من الغرب اللي موعارفين الله عز وجل

رد على الشخص الي يقول مافي بنت مادبةً تروح قهاوي

اخوي او اختي والله انا عندي صديقة كاملة في الاخلاق والكامل الله ، بس بعد تروح قهاوي وتقعد فيها واهيه خوش بنية بس مشكلتها تشيش .. انتو مشكلتكم تحكمون على الي تجوفونه جدامكم وانتو ماتدرون عن الباطن .. الحين قذفت او قذفتي جم وحده من الي يروحون قهاوي

الغلط

الغلط غلط إذا سمحتين لروحش تشيشي ويش خلتين لاولادش ..لم تحد فيهم يسألش ماما الغي اشيش نفسش ..ويش راح يكون ردش اتوقع تقولين عندك روحك ياولدي من اللي مجودنك ولين اختربوا في الكبر قلتون خربوهم اولاد السوا ماكأن انتين اللي مخربتنهم اتوقع اللي يشيشون مايمنعهم شراب الكحول والله هو العالم

في كل الحالات

مع ان الشيشة امر مضر للجنسين إلا أن نظرة المجتمع للمرأة المدخنة مختلفة عن نظرته للرجال المدخنين ... وفي كل الحالات كما ان هناك نساء لا يمانعن تدخين الرجال فإن بعض الرجال لا يمانعون تدخين النساء

المساواة تكون في ما يرضي الله

مو في شي مو زين ويساعد على فساد الأخلاق انا بنت مع التطور وعمل المرأة لانه شي مباح وحاجة احيانا ومن متطلبات الحياة اللي يوافق عليها الشرع لكن ضد روحة المرأة القهاوي بشددة ولما الشخص يمصخها لازم يلقى اللي يوقفه عند حده وين إخوانهم وازواجهم وابهاتهم عنهم

لفيتون على الشيشة

حريه شخصية واللي موعاجبه يشرب من ماي البحر

قال الله تعالى

الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ وَاللاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلاً إِنَّ اللَّهَ كَانَ عَلِيّاً كَبِيراً ) اي مساوة؟!!! لي تتكلم عنها

زائر

عزيزي يفضل تفهم تفسير الاية عدل بدل ماتقعد تطلع الايات الي حافظنها عشان شي وشي

لاتستغرب اخوي

الاسلام يساوي الجنسين طبعا بعض الاحكام تختلف مثل الميراث وشهادة العدل لكن الله سبحانه يجازيهم على اعمالهم سواء الله سبحانه انصف المرأة والرجل تمام وكمال الانصاف لكن بعض الناس مو عارفة لانها مو متعمقة في الإسلام كل شي له أحكامه جوف بعض الحقوق اللي مايرفضها الاسلام من حق المرأة المطالبة فيها مثل العمل بحدود الشرع وأشياء غير بس اشياء مثل القهاوي وأشياء بدون حاجة وفائدة ومضرتها فساد السمعة لا هذي ماتعتبر حقوق في طرق واجد زينة ترفه فيها عن نفسها ماليه داعي قهاوي

إسترجال

حده مقرف

وي

شحال البنت اللي تدخن ريحتها وين إناقه البنت يع مو حلوه تقابل زوجها او أهلها بريحه الدخان حلاتها كاشخه والبخور ريحتها والعطر نفسها لكن وينهم اللي يهتمون بنفسهم

اوه لحظه

انا ضد تدخين البنت ليست قله أدب وإنما حريه شخصيه ولكن منظر البنت ادخن اعتبرها بدون انوثه صراحه احسها مسترجله مع احترامي للبنات قروب الشله

بووووووووووووووووووووووويه

لي تشرب شيشه بوووووووووووووووووويه شاذه خارجه عن المألوف وتسقط انوثتها

شارك برأيك ؛

بعد هذا المارثون الطويل والهزيمه النكراء للنساء اللواتي يتسكعن في مقاهي الشيشه وافواههن العفنه ،،، هل يا ترى ستذهب النساء إلى المقاهي مجددا ؟ ( ما تم أحد ما داس في بطنهم اليوم ، إذا بعد راحو ايشيسون عاد ما يستحون على وجوهم في هذي الحاله يجوز ضربهن ضرب مبرح )

تعليق ساذج وغبي

تعليقك يضحك ههههههه سلملي على امهاتكم وجداتكم شراب القدو وبعدين انت اشحارك باللي تشيش يعني انتقاداتكم وقلة اذبكم تضنونها رادعه مثلاً ههههههههه

الثقة

هزيمة نكراء؟ إذا اتضح شي هو أن الرجل البحريني منافق وما عندة حجة للنقاش. قال هزيمة قال.. لا رايك ولا راي الدواعش ربعك هام أي أحد، يمكن اللي ما يشيشون الحين بيشيشون عناد في التخلف

شيشي عناد بروحش حياتي

الحمد لله لا شيشيت ولا رحت قهووة ولا ابي اروح الحمد لله يارب الله يرزقش قدرش ومستوى اعمالش ونصايحش

كل شي له شي

عادة ضد عنف المرأة وبقوة وماكنت افهم الرجال اللي يستخدمونه على نسوانهم لكن لو في فعلا بنات همهم القهاوي عبالهم رجال ولا يدافعون ويبررون هالمنكر هذا الشي ممكن يكون من حقوق المراة عند الكفار اليهود المسيح المسلمين بالاسم اما ماتخيل بنت مواضبة على صلاتها مطيحة في القهوة مايركب ولاتخيل ابو يعطي بنته فلوس ويقول لها بابا استانسي في القهوة وين قاعدين ؟ هههه الا اذا مسكين مايدري شيصير من بلاوي هناك

نعم صايعة وخارجة عن المالوف

نعم صايعة وخارجه عن المألوف وشااااذه والعتب على أهلها وزوجها

من رأيي انا

بعض المجتمع دايما يحكم على المرأة باحكام تظلمها متناسين ان لها رب المراة في السابق كانت تشرب القدو ، و الي ساكنة معاها في البيت البعض يتضايق من الشي نفسه .. بينما اليوم اصبحت تروح القهاوي وبعضها خاصه بالنساء والعوائل وفيها غرف خاصه ، فانت بأي حق تقول عن روحتها القهاوي وتدخينها ان اهوا شي يضايقكم وشي غلط ؟ اهيه تروح للاماكن المخصصه وتدخن

وانا اضيف على كلامك

والي يقولون فساد المراة ، عزيزي مخك الي يسبب هالفساد و هي دامها عارفه الي تسويه وراضيه فيه محد له شغل فيها خلاص عاد بسنا هالحركات الي تقولون قلة ادب وماعرف ايش .. هذا الشي في مخكم انتو بس !

زائرة

انا بأيد هذا الكلام وملاحظة من التعليقات ان الناس مخها مافيه مساواة بين الرجل والمرأة بس فيه انتقاد للمرأة والموضوع حولوه من شيشة الى لبسها وغيره ..!

اتفق معك

كلامك صحيح بس في ناس للحين متخلفه مو راضيه ترتقي بتعليقاتها والشيشة حريه شخصية وكل الأماكن فيها اختلاط ما جت على هذي

الشيشه

اللي نشوفهم في المقاهي من البنات والنسوان معضمهم مطلقات وسيلون روحهم وبعد يمكن يصير ليهم نصيب من الرجال المدخنين .... ...المقهى مو بس لشرب الشيشه لا اكثرهم للمغازل؟

وي قال قال مساوات مساوات في المعقول مو الفساد

يمكن من حقوق المراة بعد القران يقول الرجال قوامون على النساء
لو تبغون الدينا على كيفكم للتبرج والشيشه والمسخرة

ويش هالهرار

هادا الي قاصر بعد لو تشيش حشيت رجولها .. بعملها تشيش عدل في الانعاش
اي والله قال تشيش قال!! نسوان اخر زمن
بابا زااابط انااااا D:

اي تعجبني

البنت ماتروح قهوة الا رجالها راضين

زوجي المدخن

القهوة صارت برنامج للرجال مو حق الشيشة بس .. ولكن لتغيير الجو ولقاء الاصدقاء ...
ما اقدر امنع زوجي لان ديرتنا ما فيها مكان الواحد يطلع فيه
وبالنسبة للتدخين اني اكرهه ولا اتحمل ريحة الدخان من الضيقه
وللبنات المحششات ما اقول ليكم الا الحياء نعمه لو البنت تستحي ما سوّت هالشي

خوش موضوع اليوم

ولكن اتمنى العدل وتخلون موضوع بكره عن تدخين الرجال، علشان ننتقد ونستنكر ونعبر عن شعورنا بالإشمئزاز منهم.

سالفة تشييش شي

وسالفة تشييش في قهوة شي ثاني

الحين استلم

بيجون لك بنات القهاوي يدافعون عن منكرهم هههههه

هرار

اتوقع هالموضوع ببدي مثل البنات الا بدو يتدربون سياقه هديك الايام .. هواش وشيوخ وحاله والحين الكل يسووق .. يمكن الموضوع يختلف شوي بس النقاش هذا هو واحد

بس ياخوي

السياقة من متطلبات الحياة اللي أحلها الله وافتو الشيوخ بحليتها غيير عن روحة مكان كله رجال بدون هدف غير الجمبزة والهياتة جوف الشرع رأيه أول كل قضية غير عن الثانية

لا تفرق

لما المرة تروح بدون حاجة لمكان كله رجال وشباب وتدخل بينهم وتقعد وتشيش هذي مو أخلاق مؤمنة تقدر تشيش في البيت السياقة حاجة ومن متطلبات الحياة للجميع اما القهاوي شنو العذر والحجة حقها الله يهدي الجميع

حافظوا على نفسكم

بغض النظر عن راي المجتمع وبغض النظر عن راي الناس وبغض النظر اذا كان حرية شخصية او لا وبغض النظر عن الشرع وحرمة التدخين .. الامر يسبب ضررا صحيا للشخص سواء كان للمراة او الرجل .. والجسم امانة حافظو عليه قبل لا تندمون بالامراض لاحقا ...

طبعاً

قمة في الانحطاط والتخلف

اي واحد

راضي على أخته أو بنته او مرته تروح قهوة مو رجال وقليل غيرة واقول هالكلام وانا بنت بعد صدق اللي استحوا ماتو احنا نبي مساواة في اشياء من حقنا مو في اشياء تؤدي إلى خراب المجتمع عجل الرجال مايلبسون حجاب عجل من حقنا مانلبس حجاب وش هالمنطق تبون حرية شخصية كيفكم بس لاتسوون روحكم تعرفون الله وتبررون هالمناكر وتفتون من كيفكم ان عادي ومافيها شي اي والله شنو بنت واروح قهوة وأهلي يرضون محد بيغصبكم ماتروحون بس ماتقدرون تغصبونا ان نحترم هالمناكر كل واحد ومبادءه

بنت عليوي

حريييية، قبل النسوان تشرب قدوا عند ابواب المأتم ولين يروحون حمله ينزلون من الباصات متكدسين صوب الباص بقدوهم ومحد تكلم عنهم الحين الشيشه بتتكلمون عنها ليشش يعني ذيك دواء وهذي وباء، على العموم اني اسبوعيا اروح مقاهي سواء مع زوجي او مع اهلي او مع صديقاتي ولا يهمني القيل والقال وكل واحد يهتم بشؤونه

هههههه

مو منش من زوجش واهلش اذا عرف السبب بطل العجب شنقدر نقول غير الله يهديكم بعد اذا رب الاسرة راضي شتتوقعون من الباقي ولايهمهم

ردودكم وقاحه وقلة ادب

أمهاتكم شراب قدو فلا تطلع فيها من فضلك، تكلم عن اصل اهلك واخلاقهم ومالك شغل بخلق الله، القدو مب احسن من الشيشه

مو مسألة تشييش

المشكلة في المكان لان القهوة مجمع رجال زينة ورجال مو زينة ماليها داعي بنت عفيفة شريفة مطيحة هناك لكن اذا الاهل راضين لو تصرخ غلط ليوم القيامة محد بيفتكر أهي راعية قهاوي كيفها بس لاتشجع على هالفعل وتحد عليه لان في الواقع روحة البنت القهاوي مامنها فايدة غير خراب السمعة واستهتارها الله يهدي الجميع صدقوا المعلقين لما راعي البيت يقبل بتصرفات جدي أتوقع من باقي البيت يمشون على طريقه وعيونهم مغمضة حتى لو غلط قلتون حرية شخصية صح بس هذا مايخلي روحة البنت للقهاوي شي صح الله يصلح الحال

صح القدو مو احسن من الشيشة

ياما وياما سمعنا الناس تعيب على شريبي القدو وبنظل نسمع الناس تعيب على شريبي الشيشة. اذا ماوصلكم الحجي مراعاتا لمشاعركم لان جداتكم يشربون قدو مو معناته ان الناس عادي عندها

وش هالمنطق

هذا ما وجدنا عليه آبائنا. بس لانه اهاليكم مشو هالدرب مب معناته صح وانتو وراهم.....زمنهم ما في وعي وانتو زمنكم فيه كل سبل المعرفه. ...لا كان اجتماعيا مقبول ولا صحيا ينفع..غير هدر للوقت و تشجيع على هدم قيم...شوفو إثر هالافعال مستقبلا وبعدين سموها حريه.

لو كانت بنت متربية

ماراح تدخن
الله يرحم في السابق كان اذا احد تقدم لزواج وهو يدخن يرفضونه

يعتمد

تشيش في بيتها مافضل بس كل واحد وكيفه بس في القهاوي لا عيب حتى الفساد الأخلاقي سموه حرية شخصية الحرية الشخصية المفروض ماتضر المجتمع خصوصا ان مجتمعنا مسلم والشعب محافظ ونبيه يضل جدي لاتخافون الحقوق مابتضيع لان الله منزل حقوق الرجال والنساء من عمل وغيره بس قهاوي مو عدلة شنو بنت رايحة مكان كله رجال بدون هدف ومايروحونه كل النسوان غلط فكروا فيها انتشار الفساد لايجعله مقبول عند الله ومدام الوحدة تعرف ان القهوة تجيب الشبهة لسمعة البنت المفروض تأخذ حذرها مو زين نحب ان تشيع الفاحشة

الرجال هم المسؤولين

الأمر كله تحت مسؤولية الرجل ف الاب اذا سمح لبناته والزوج اذا سمح لزوجته والاخ اذا سمح لاخته فلن يسمعوا برأي الآخرين !
يعني باختصار اني من اشوف هالمنظر اقول الشرهه على اهلهم اللي مخلينهم جذي فكل واحد يجود زوجته وخواته وبناته ومابصير هالشي

سلوم بوتيلة

انا سلوم بوتيلة أقول للوسط مواضيعكم للتسلية لوللنقاش المفيد؟ اذا بس تسلية وتضييع وقت خلاص بس اذا للمناقشة المفيدة فالرجاء اختيار مواضيع مفيدة واذا كُنتُم لاتعرفون مواضيع جيدة اتركوا الامر للقراء ليختاروا الموضوع يعني اثناء مناقشة موضوع اليوم مثلا في نهاية المداخلة يضع القارئ اقتراحه لموضوع باچر ثم تختاروا على حسب الموضوع اللي يحصل أعلى ترشيح من القرّاء موأحسن لينا من الشيشة والهواش والجدل العقيم؟

من رجالهم

اللي مخلينهم مفلتين هدد

اخجلوا من انفسكم

والله في بالي المووضوع نشكر الوسط على اتحاتها الفرصه للناس للتعبير عن مدى قرفهم واستنكارهم لمجموعات من البنات للاسف تخلوا عن انوثتهم وادبهم ويشيشون ويطلعون الدخان امام الناس بدون حيه ولا ادب دائما اتسائل وين اهلهم عنهم؟؟ ماتت الغيره والشرف في هالزمن لو شنو والله عيب مره رحت مطعم تتواجد فيه الشيشه مجموعة بنات يشيشون بكل ثقه وسط الرجال حسيت بالغثيان من منظرهم والم في قلبي على هالحال اللي وصلنا له ,,

....

كل شخص وله وجهة نظر ولا كلنا ننظر بعضنا مثل النظره لكن يجب أن نكون منصفين سواء شاب او شابه وانا أحد الشباب المدخنين التدخين له أضرار كبيره وله نظره معينة عند كل شخص كان الشي عادي أو لا لكن ناخذ الشي بالعقل بنت تروح قهاوي أو تدخن جدام الناس بتكون لها نظرة قبيحة في أغلب الناس ف لازم تتجنب هذا الشي وتكون ساتره ع روحها عشان نقدر نقول حرية شخصية غير جذي نقدر نسميها قلة ادب بصريح العبارة. .

لو ننظر لها من زاوية ثانية

ليش الشباب اللي في المقاهي ما يغضون انظارهم؟ وما يتحرشون؟ وما يسيئون الظن؟ وما يقذفون المحصنات؟ وما يروحون قهوة مكس؟ ليش ما يحترمون نفسهم؟ وتنتهي مشكلتكم التافهة.
أما تعالوا بنقعد البنية في صندوق في كبت في حجرة مقفولة في بيتهم عشان "الناس" تقول احنا زينين، لكن أولادنا يهيمون مبققة عيونهم عادي؟ مشكلتكم انكم منافقين ولا تدرون شتبون! تبون ترضون الناس وقوانين المجتمع اللي انتوا تخلونها. الموضوع اصلا ما يستحق نقاش وهالكلام كله. عالجوا نفاقكم ومعاييركم المزدوجة وفكروا شوي قبل لا تنطقون

التدخين

الي يقول عادات وتقاليد وحرية شخصية وغيره فكرو في صحتكم قبل كل شي

مواطن

تدخين الشيشه بالنسبة للبنت يفقدها انوثتها الحلوه وفوق هذا بعد جلوسها في مجالس الساقطين في المجتمع ( القهوة الشعبية ) تخلي عليها علامة استفهام كبيرة

ردودكم تعكس تربيتكم

اللي قاعدين يقذفون ويوصفون البنت اللي تشيش بالرخيصه والزانيه والعاهره روحو شوفو بناتكم وخواتكم في السناب شات ووسائل التواصل الاجتماعي ويش يسوون من وراكم ، البنيه السيده ما تقدرون تحكمون عليها من شيشه ولا حتى من حجاب ، التربيه والاخلاق هي اللي تحكم.

الحمدلله

علقنا على حركات الرخص واحنا ماننشر روحنا سنابولا شي ومحافظين على نفسنا احنا نذم تصرف قبيح ينشر فساد الشباب مشكلة هالبنات عبالهم الشباب الغرب مثل إخوانهم بيحافظون عليهم في أماكن جدي مثل القهاوي ترى هالشباب مابيرفضون رفقة بنات لأنه شنو خسران اهو صبي احنا ماقلنه زنا قلنا فساد أخلاقي ترى مهما سوه الشاب نفسه منفتح على هالاشياء مردة بيطالع اللي ساترة نفسها أفضل من صديقة القهاوي مالته ترى القهوة للشباب مو عدلة بنت ترز روحها بينهم اللي عندها اخو شريف تعرف أنه غلط لأنه عيب

ههههه

الله يالدنيا صحيح في محجبات من تحت لتحت لكن شتتوقعين ينقال عن وحدة مو متحجبة تروح قهاوي وتبرر اكيد ماتتوقعين يفهمون صح الكلام يعكس الأخلاق بس ماتحسين ان الأفعال بعد تعكس الأخلاق والتربية لما شخص يفعل فعل يعرف أنه ممكن يجيب لروحه كلام مو زين منه من الأفضل يتركه اختي القهاوي فيها كل أنواع الرجال اصلا جوها ماتحسينه جو عوايل ميناسب بنت اذا عندش اخو ساليه اذا يرضى عليش شرايش نقارن وحدة متحجبة شريفة في وحدة مو متحجبة مطيحة في القهاوي مافي مقارنة ذيك تتعب عشان تحافظ على روحها وذيك مو مفتكرة

ماقذفوا اللي تشيش

اهم ذموا اللي تشيش في القهاوي فعلا مو حلوة بنت تشيش عموما لكن كيفها اكو مال أول يشربون قدو لكن في بيتوهم مو قدام مصبن والمتحجبة اختي التزمت في فريضة اما سالفة منافقة او لا تتحاسب بروحها لان ماندري منافقة او لا لكن الظاهر غالب اما ان نوافق على منكر علني هذا غلط اختي

والقهاوي بعد

تعكس تربية بعض البنات

بسم الله الرحمن الرحيم

وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المؤمنون لعلكم تفلحون
صدق الله العلي العظيم

شنو هالمناكر

فسق وفجوى اصلا أغلبهم أهاليهم لاهييين عنهم او فريييي من غير الحد وماعندهم غيرة أنصح كل وحدة تروح تترك هالاشياء مو حلوة انتين بنت بس ماتعرفين تفكير الصبيان وانتين قاعدة قدامهم مادة هوز وتشيشين استحوا شوي توبوا مردش بتحسين بالرخص حتى لو اتعودتين على هالمناكر احنا نبي مساواة بين الجنسين في امور الله يرضى فيها مو امور تغضب الله وتحرض على الفساد هذا مو تحرر هذا فجور الرجال لهم أشياء واحنا انا أشياء اللي يصير غلط خافوا الله

المشكلة مو بالتدخين المشكلة المقهي وجلوس النساء وسطت رجال بوسط الشارع لتدخن

التدخين هو حريتها والاسباب اللي جرتها للتدخين ومضارها الا لابد وان وصلت لمسامعها .من زمن القديم والنساء تدخن الكدو ولكن بمنزلها ومحشمة ولاحد يدري فيها .ولكن المصيبة نسوان وبنات هالزمن لاحياة ولاذوق تراقيهم بالمقاهي ويدخنون الشيشة وسط الرايح والجاي وبصراحة النظرة لهنساء نظرة استخفاف وعدم احترام

اخوي

الحمد لله نسبة قليلة من البنات تسوي هالاشياء للحين في بنات ناس

اكره الدخان

الشيشة نفسها القدو والنارجيلة والجقاير
فاذا عادي النسوان يشربون قدو فالبنات عادي يشربون شيشة
مع العلم اكره الشيشة والقدو والدخان لان مضر بالصحة
واللي يدخن وخصوصا في مكان مغلق فهو اناني جدا لان يخنق غيره وممكن يسبب اذى للاخرين

سحقا للدخان سواء كان رجالي او نسائي

الرجال الا يشرب شيشة وجقاير وصخ ومعفن
المرة الا تشرب شيشة وجقاير وصخة ومعفنة
يعني مادري ليش حاصرين الموضوع بس ع البنات
ترى الجقاير والدخان شي مقرف والا يدخنون اكثرهم ما عندهم ذوق وعديمين احساس ناهيك عن اللي يجقرون في الحمام الله يعزكم .. وش هالاحساس المعدوووووم .. أرررررررررررررررررررررررررررررف

كبنت احس

كلش كلش مو عدلة اني اروح قهاوي عشان افشل ابوي وأخرب وسمعة إخواني وسمعتي نسوان قبل يشربون قدو في البيت إخواني يروحون قهواهي بس هم رجال غير القهوة في رأيي مكان رجال الإنسان مايحط روحه محل تهمة مو زين الصراحة مكانتي ماتسمح أروح قهاوي استغرب من بعض البنات عمل المرأة وتطورها ماله دخل في الفسق والفجور عمل المرأة شي مباح اما الاختلاط في أماكن تثير الفتنة والشبهة كلش مو زين اللي عنده بنت يجودها ويحافظ عليها لان في ناس ماتستحي على روحها تأخذها فرصة للعب على بنات الناس

مقزز

مقزز و مقرف و الجلوس وسط المقاهي و التدخين يعد قلة حياء

خير ياطير

قالو تشيش - مو مخدرات و لا قاعدة غير محتشمة تماما وسط الناس بملابس تكشف تفاصيل جسمها و منظره امام العموم او انها تتكلم عن اشياء حتى الرجال يستحون من ذكرها هي فقط تدخن الشيشة مثل تشرب عصير او جاي او ماء او قهوة او غيرهم من فترة شرب اطول من المشروبات السابقة - اذا كيم كرديشيان القطعة العسل الصاروخ تشيش شنو مشكلة بقية البشر؟

لا لا صح خير ياطير

اللي ماعنده غيره مايفتكر عادي مدام وحدة فاجرة مثل كيم تسوي هالاشياء عادي بنات المسلمين يصيرون نفسها القهوة محل شباب التنفيس عن الهموم وللوناسة وللتشيش والمباريات ولتقضية وقت شبابي مو عشان يقابل في وجهة بنت ضحكتها لوين قاعدة تتحدى الأخلاق العامة بحجة الشجاعة والجرأة هذي قلت أدب وسواد وجه وكبنت اقول لك ماعندها سالفة رازة روحها بين رجال عييب وين الغيرة مو منها من الرجال اللي عندها مخلينها

حجي خير يا طير

بس باقي تقولون اللي تطالع مباريات فاسقة وفاجرة ومسترجلة وصايعة ووين أهلها!! ؟وبعدين تعال، من حدد عادات واعراف البلد ذكرني؟ شكله هذا قانون بيتكم تبي تمشيه على الكل.
لو واحد منكم كفو، چان قال البنت لا تشتغل ولا تصرف على البيت لان هذا اللي ياخذ من أنوثتها لمن تكون تصرف على عائلة

كن

انتين لو اهلش كفو ما خلوش تشيشين

مقزز ومقرف

توي من جم يوم شفت بنت تشرب شيشه صوب قهوة وهي بالسيارة استعجبت الامر بطلت عيوني عشر اللي وياي ضحكو علي يقولون ماشفتي اللي اسوا من جذي صج سخافه كلش مو حلو بنت تكون بذا الوضع

قمة التخلف

قمة في الانحطاط الاخلاقي والتخلف

التدخين وععععع

اني اكره التدخين بصورة عامة لا جقارة لا شيشة لا قدو كلهم نفس الشي
واكره الشباب والبنات المدخنين
واجوف البنت المدخنة منظرها اخس واطقع واقبح من الرجل المدخن
اي تطور واي انفتاح هذا الا يقولون عنه
المجتمعات وصلت وين واحنه هني فلوسهم في هالسم الهاري ووقتهم ضايع في القهاوي والفرارة والتقزقز
اللي يدخنون بالنسبة ليي حالهم حال اللي يتعاطون المخدرات و يشربون المنكر مافي فرق بينهم
وسلامتكم

خلك عطر طول الوقت ،،،

ياناس ريحة التدخين مقززه وبلذات اذا تطلع من نساء او فتاة هههه ما يليق بك خلك عطره طول الوقت و بنسبة عن صحة الكل مسؤل عن صحته وعن نظرتي للمدخنه كانها تقلل من شئنها وشخصيتها اكرر لها نصيحه خلك عطر طول الوقتتتتت .

البحرين مافيها شي

والله مافي برامج فلبحرين غير القهاوي , قهوه عن قهوه تفرق واجد في اماكن محترمه وفيها ناس محترمه وجايفه خير !
التدخين مسأله شخصيه ولا اقبل ان احد يمنعني منها وما بتركها الا بقناعه شخصيه والي مايطول العنب حامض عنه يقول!

غريب

دام ما في قانون يجرم شرب الشيشه فما حد له حق يمنع احد من شرب الشيشه والي يبغي يشرب يشرب وإذا انت تشوف هالانسان مو عاجبنك او طايح من عينك فانت مو مجبور تجامله او تزامله او حتى تسلم عليه

مقزز

بالنسبة لرجل هو مقزز فكيف بالمرأة. عافانا الله من مرض الإدمان على هذه السموم.

مقزز

في نظري اي بنت تدخن تطيح من عيني و اشوفها صايعة و اللي اهلها يشوفونها و راضين اعتبرهم ما عرفوا يربونها.

مسخرة

ويش باقي ماسووه البنات بعد؟
بالنسبه للي تقول عادي ونفس القدو كل واحد وزمانه والاول عادي ولافي قهازي ولاشي الحين من تدخل قهوه تشوف بنات

الوسيم

حتى لو تحشش ماعليه بس وينهاااا

هلا

هلا بريحة هلي

الوسيم

هلا هلا 3>

الصابره

صباح الخير عليكم .بصفه عامه التدخين مضر بالصحه وهو تعود سواء شيشه أو سجاره. ...شنو رأيكم لي هو زوجته بالقهاوي يدخنون وعادي ومرتاحين عقليات

ضد التدخين

أنا ضد التدخين بكل أنواعه، ويزداد بشاعة عندما يكون المدخن من الجنس اللطيف.

أنه الفراغ .

العمر غال , وكل لحظه من عمرنا محسوبة وأنفاسنا يعني تكون تسبيح وحمد لله لا للضياع والتفاهات , والحب لله والعمل فى سبيل الله , وتكوين عائلة محترمة للعيش الكريم , ونحن على أعتاب البدء بسنة جديده من أعمارنا علينا أن نحاسب أنفسنا وأن نتوب عن المعاصي والذنوب , وذكر الله على الدوام , وحفظ الانفس .ونسأل الله حسن الخاتمة , اللهم صل على محمد وآل محمد . أم مروه

بنشوف ردكم ألحين

قلتون اللي قلتون عن النساء والشيشة، بس ويش رايكم بالمرأة اللي تدخن في البيت( القدو). يالله راوني مراجلك و قول للي في بيتكم لا تشربين قدو، غير قلم القدو على راسك ههههههههههه

خلها تشرب براحتها

خلها تشرب براحتها بس اهم شيء في بيتها مو تطلع في الشارع!
وخلها تشربه بروحها وتفتح الدرايش لاتضر اهلها بس
وسلامتك

التدخين بحد ذاته مشكلة

انا اعتقد بغض النظر عن التدخين للمرأة او الرجل المفروض ما حد له الحق يدخن في الاماكن العامة بتاتا، الانه هي بتكون مضرة للجميع، يعني انا شنو ذنبي وذنب اعيالي اشم السم اللي تأخذونه، المفروض ما حد يدخن في الاماكن العامة. اللي يبغي يدخن يدخن في بيته وبس.
وراي الشخصي احس التدخين للمرأة منظر مو محبب لأكثر الناس في دولنا الاسلامية.

حسبي الله عليك يالفرنسيه

الله اكبر عليك يالفرنسيه . وصلتون للشيشه وتقولون حريه شخصيه !! لاحول الله ، الطايح حظ بضل طايح حظ ، يعني بالعقل هل أوافق انه الفرنسيه كل ليله تاركه البيت ومتسكعه في القهاوي مع الشيشه ! مايرضه بالوضع ده الا أشباه الرجال . ولا فيه وحده عدله ومربيه تترك بيتها وتقعد في القهاوي ، عشنا وشفنا الله يطلعنا منكم ياللي مو عارفين قدركم . ما نلوووم ابو جهل لين كان يدفنكم احياء . لو مافي قانون جان سويت اخس منه فيكم لانه زادت بصاقتكم .

اگبر متخلف !!!

لو مافي قانون چان طبقنآ فكرة ابو جهل فيك !

زائرة

اتوقع داعش ناسيين ناس هني عندنا !!!!!

مبالغة

أحس الردود مبالغ فيها لدرجة كبيرة،أني وحدة ما أدخن ولا أحب حتى أجلس في مكان مختلط بالرجال إلا إذا اضطررنا انا وعائلتي،واحس أذا نظرت للمرأة وهي تشيش أن يعتبر شي غريب ونادر،بس مو للدرجة والمقياس اللي وضعة المتابعين،ومن قال أن ليست بحرية شخصية؟بل حرية شخصية واي ردة فعل ووجهة نظر ستعود للشخص نفسة وعليه التحمل.وشكرا

!!

والله تضحكون صراحة ، الحين وش الفرق بين الشيشة والقدو، الاثنين يستخدم بنفس الطريقة ومضرتهم وحدة، حلال على العجايز حرام الشابات ؟؟

للاسف

الجده كبيرة العيله الكل يدري ان الي تسويه غلط ويضر صحتها والناس تعيب عليها بس محد يقدر يمنعها.

صباح الخير

السالفة مو سالفت أمرأة او رجل او أخلاق او ... اووو السالفة سالفت صحة ......

الكتاب من عنوانه

غالبا البنت المدخنة للشيشة في القهاوي وجالسة مع الرجال هي بنت أعوذ بالله بعيده عن الدين والاخلاق

زائر

اخي الكريم ، واذا البنت كانت رايحة قهوة وقاعده بروحها وبحال سبيلها ..؟ بعد قول قاعده مع رياييل .. ؟ يعني بكلامك هذا انت تخرج عن موضوع التدخين بكامله

ابو حوراء..رد

ياابو حوراء اني مااختلف وياك في ان نسوان قبل احسن بمليون مرة بس الحق ينقال ..نسوان اول ما قصرو بالقدو والنارجيلة والتتن وللحين العجايز عقب العزية كل وحدة بالقدو مالها... وجدتي توفت بسبة التدخين من هالقدو

ابو حوراء

نسوان اول لو شربوا قدوا لو نارجيله
مو امفوشر مثل ما هو صاير الحين
ابسط مثال تحد المرات رايح كراج وكانت ليلة جمعة
وهالكراج يتأخر لساعة 10 الليل
مسؤول الكراج هندي يقول لي
شوف الي اهناك اقول له وين يقول الطاولة الي مناك
فيها 7 بنات سفور وقاعدين يدخنون شيشة وجقاير
وضعك لوينه بذمتش اختي هذه حياة ؟
يقول عندنا في الهند في منطقتهم المسلمات لو يسوون جذي من زمان
كسروا اعضامتها اهلها حتى لا تسوي هالاشياء مرة ثانيه واحنا لا حسيب ولا رقيب ونسوان اول
ولو انهم يشربون بس في البيت او الماتم وهذا ماعليه اختلاق

ابو حوراء

يتبع .....
والله يرحم امش العودة
ويرحم جميع المؤمنين والمؤمنات
والحمد لله الله فكاني من هذه السموم
كنت ادخن لمدة 7 سنوات وتركته
بعد مضاعفات كنت احس راسي بينفجر من الالم
اذا ما اشرب جقاير والحمد لله فوق 13 سنة
ما ادخن بس احن للجقاير بسبب الوالد الله يحفظه واخوي الي اصغر مني يدخنون صوبي والريحة في جبدي
الله لا يرجعني مرة ثانية للموت :)
الجقاير موت بس بطيئ
والشيشة موت بس اسرع

شقاقة الجبود

انا بعد اقول اول شي قلة حيى وكساية العيون وثاني شي يابنتي مضره باجر تحملين وصيدش مضعفات والمراض وتبلشين اولادش بمرض وهم بعدهم ماجو على الدنيا .

زمن الشيشة

في صغرتنا تعلمنا شلون نبكر القداوة ونغير الفحم في الماتم والتدخين كان غيمة في الماتم .. من ما توفى جدي صدر قرار اداري من الوالد بايقاف التتن في الماتم والجكاير .. عقبهه الماتم الثانية بفترة اقتدت بنفس الفكرة واللي يبي يدخن يطلع يدخن برع .
انا عن نفسي اتقزز من تدخين الرجل فضلا عن تدخين المرأة بأي شكل كان .. واعتقد افضل حل هو مضاعفة اسعار التبغ عشان نفتك من هالبلوة

قرف

شيء مقرف حقا وقلة حية

كفاية ريحة الحلق الخايس

ريحة البوز الخايس والاسنان الوسخة ومنظر الجلد يخلي الواحد ينفر من المدخن والمدخنات ، فكيف بالبنات

صح حريه بس

فيها قله حيه لما تشرب بين الشباب وتفكر نفسها عايشه الجو اما بتشرب فبيتها او محل مستور عادي وترى على فكره الدنيا خاربه خاربه

سترة

قال تعالى: ولا تقربوا الزنا أنه كان فاحشة وساء سبيلا) لم ينهانا الله عز وجل عن الزنا بل أمرنا بعدم الأقتراب منه ، ما نراه في هذا الزمن من من تقرب للزنا من عدة أبواب (شيشة مع الرجال، خروج من غير لباس محتشم ، لعب في المجمعات ، شغل مع الرجال والضحك معهم ) للأسف البعض يضن أن التطور يعني التفصخ وأن الديمقراطية تعني أن نصبح مثل أمريكا وغير أمريكا ، وقريبا سنرى الشواطيء تمتلأ بنات للأستجمام ، اللهم لا تؤاخذنا بما فعل السفهاء منا

الحين يات عالشيشه

المراءة تشتغل وتعول اسرة وتسوق باص وتطير طيارة ووزيرة وحاكمه ومذيعه وتناقش رجال وترأس رجال وتحكم البيت
ومن يات عالشيشه افقدها انوثتها وقلة تربية ووووووو
اشفيها الشيشه ؟؟؟؟ قدو متطور
لا تقولون نسوان الي يشربون قدو بالبيوت وعجايز
تراهم كانوا شابات ولازال في شابات يشربون قدو
في الرحلات والاسفار يشربون قدو ما قلتوا عيب او قلة حية
يا ناس الشيشه او القدو ليس كمعيار للاخلاق والتربية
ياما تحت الغشاوي بلاوي

السالفه مو بالشيشه

والاختلاط ويش رايك فيه

فعلا كلام منطقي

المراءة تفقد انوثتها لما تشيل واجبات زوجها من انفاق ورعاية اسرة
الرجل الي يقعد بالبيت وزوجته تداوم بالعمل شنو يسمونه ؟؟؟؟
ما قلتوا الرجل فقد رجولته وقواميته !!!!!!!!
المراءة عندما تلجى للشيشه لانها تريد ان تنسى هموم ومسئوليات
الرجل المسئول عنها
يعني اذا راحت القهاوي صارت عديمه اخلاق ؟؟
اهو الي بالقهاوي يسمونهم رجال !!!!

بنت عليوي

ترى حتى بالمجمعات والحدائق والمعارض والمطاعم في اختلاط جت على هذي، ياريت كل واحد يهتم بشؤون والتدخين مب معيار للحكم على الناس، ارتقوا بتعليقاتكم

هههههه

بلى قالو عنهم عيب وقلة حيه بس هم ماكانو يفتكرون

!!

متع الحياة قليلة في الزمن وأرى أن الشيشة هي متنفس للناس للهروب من الضغوطات وبما أننا نؤمن بالمساواة فلا يوجد أي غضاضة أن المرأة تشيش حالها حال الوجال فهذه حرية شخصية فقط لا غير ومن يدرك أن الشيشة مضرة بالصحة يتركها سواء رجل أم امرأة

ماشالله

الخمر بعد يقولون ينسي الهموم والمشاكل وحرية شخصية بعد خل الناس يسوون المنكر ويشربون الخمر !!
عذر اقبببح من ذنب

اقول

الدين واضح في طريق صح وفي طريق غلط وكلن يعرف الصح من الخطأ وكلن ذنبه ع جنبه

عنتر 59:

بالنسبة لي اعتبرها حرية شخصية ولا انظر بسوء لإمرأة مُدَخِنة او مُشيشة ولا حشاشة.
أحترم رأيها.

ولكن

الحرية الشخصية يجب ان لاتتعدى على حريات وحقوق الاخرين. المدخن يلوث هوائنا وبذلك يتعدى على حقوقنا.

علوش

التدخين مضر بشرف العائله !!!

يا علوش

والله محد مضر بشرف العائلة إلا انت

سابقا وحاليا

سابقا البنت او الام كانت تشرب قدو ونارجيلة فالبيت
الحين شيشة تقدر فالبيت وتقدر فالمقهى
انا اقول برايي ان تشيش مافي اي مشكلة بس في حدود المعقول
واذا تبي تشيش لازم تشيش فالبيت مو فالمقاهي العام ولا حتى الخاصة

العنوان يمثل سؤال تقليدي وغير منصف

أولا لست مع التدخين عامة لا للرجال ولا للنساء... ولكن .. مع التقدم الفكري والوعي جاء السؤال وكأنه من زمن الأسلاف والأجداد... لأن المرأة من حقها أن تتخذ طريق التدخين كما يتخذه الرجل.. فالتدخين ليس حكرا على الرجال فقط... وكما أنه مضر ومقزز كما تصفون للمرأة.. فهو كذلك للرجل.. وحكاية الرجل شايل عيبه هي كذبة ذكورية قديمة.. كما بين الله تساوي الذكر والأنثى في حساب الآخرة... يتساوى الاثنان في أمور الدنيا الا ما بينه الشارع الحكيم

صح كلامك

الشيشة منظرها مقزز للنساء والرجال بس الموضوع الي حاطينه عن المرأة

فضاوه

ادا تبين تشيشين قعدي في بيتكم و حرقي لش عشرين راس لين تنطفين!
مو بس تبين قدام الناس مفوشر و حق القز و الصياعه
المشكله بتصيرين جنقل و خايسه

هههههه

هههههه اي والله صدقت

قبيحة ومسترجلة

ويع من قلب

ابو الشوق

على الى سمعناه عن اخر الزمان فهذا لاشيء ونقطه في بحر

دواعش

تكررت كلمة مقزز على البنت اللي تشيش سواءا بالأماكن العامة او الخاصة ... انتو شنو تتعاطون من الصبح منهدين عليهم ... اللي تبي تدخن بكيفها و اللي ما يلي بكيفه و كل من عليه من أهله يلي يمنع او يسمح و بالنسبة للغير مالكم حق تتلقون عليهم بأبشع الألفاظ فقط لانه خالفتكم ... العنوان هو استدراج و يميل للرأي المخالف و تحسب على المحرر ... الديرة رايحة وطئ و الميزانية نشفوها و الغلاء على الأبواب و البطالة بتزيد و بلاوي متلتلة على قفا من يسيل و أنتون تتحلطمون على مزاج و كيف الآخرين ...

اخي الكريم

نهى الله عبده عن وضع نفسه في مواضع الشبهة! فلا تلمن الناس ان اسرفت في الردود مع اهل الشيشة او غيرهم
البنت لما تشرب القدو في بيتها محد بيتكلم عنها
لو بتشرب الشيشة في بيتها بعد محد بيتكلم
بس في مقهى مختلط
اعذروا من يتكلم!
وبغض النظر عن من يستهتر بصحته او بصحة الآخرين بفعل التدخين
الله يهدي الجميع

أبو الحنان

مافي فرق بينها وبين الي يروحون البارات
مقزز جدا ومايليق بمستواها تسترجل وهذا يسوقها للغرف الخاصه بالمقاهي

خُف علينا بو الحناين

حدها قوية بارات مرة وحدة ...

ايي بارات

انتوا لو تستكثرون المعصيه او تنكرونها ماراح تنزلون لهالمستوى في البدايه الا شيشه الا بير الا مكياج الا شعرتين من الحجاب الا اضحك ويا ولد الجيران وتبدأ التنازلات للشيطان ويصير الامر عادي جدا لدرجة بنقول الا باار والله المستعان

شروط

انا كان شرطي قبل الزواج انه مايكون مدخن وطلع يهر طلع يدخن من سنه جدي المفروض اشيش عشان اقهره ويحس في نفسه شلون ظالمني ابو ضروس صفرة وبرطم اسود

!!

الزواج قسمة ونصيب والتدخين عادي دام هو قايم بواجباته الشرعية والعائلية

اني في المقابلة قال لي يكره التدخين

و بعدين طلع مدمن تدخين ههههه خليها على الله

!!!

على كلام الأخ، المفروض إذا انتي قايمة بواجباتش الشرعية عادي تدخنين، ماله خص في النصيب أو الدين.. على كلامه يعني >>>المنافق

صباح الخير

اللي تقول آنه ادحن شيشه هلي وزوجي راضين والشيشه ماضرت احد بالعكس تريح البال .انا اقول ليش ماتشربون خمر بعد وتقولون ينسي الهموم وحرية وديمقراطية ..الله يهديكم بس ..

زائر

عزيزي فيه فرق بين الحرام ، وبين الشي الي انت تشوفه عيب ..

مو بس عيب

الشيشة حرام على فكرة!! هاي شي معروف شلون للحين ماوصل لك خبر؟!

النجار

الخيارين مو مرتبطين، حرية هي بس في نفس الوقت شي مو حليو على المرأة..

حرية شخصية مقرفة ومقززة

اعتقد ان التدخين هو حرية شخصية ولكن ليس كل حرية شخصية مقبولة او جميلة فبعض الامور وان كان من حق الشخص ممارستها الا انها تمثل قرفا وتقززا في المجمع والتدخين واحد من هذه الامور
لست مدخن ولكن اعرف الكثير من المدخنين وما اعرفه ان التدخين مزاج ولكن ما نراه هذه الايام ان التدخين اصبح موضة للجنسين وخصوصا تدخين الشيشة يعني البنت أو الولد اللي يبون يكونون ستايل لازم يدخون شيشة واحس في ناس منزهقة تلاقيهم ليل نهار مقابل الشيشة يعني لو الشيشة تتكلم تقول ليهم خلاص لوعتون جبدي السالفة مو زهقة جذي!

ههههههه

ستايل؟؟؟ من الغبي الي بصدق ان الشيشه ستايل؟ الشيشة عكس الستايل تماما هههههه

حرية

حرية طبل
تقعد في القهوة وصوبها الشيشة ومقابلنها رجل او شاب يطالعها وهي تزيدها بصورة سيلفي والناس حواليها هذي اسميها قمة في قلة الأدب

فريتونها

على الشيشه يا وسط..ما بقى عندنا متنفس غير الشيشه والله الديره خالسه..
ابو منقاش

من قال بس الشيشة

روح طلع الأهل واشتر ليهم عسا واضحك وسولف مو تروح تضحك وتسولف في قهاوي الشيشة ولين جيت لمرتك غربلتها بوجهك الا يزرد عليهاوعجظهالها يالفالح

محد خالس غيرك

وامثالك طبعا والله يهديكم

ابو منقاش

طبعا انا اشيش واطلع الاهل واشتغل وادرس مو معناتها انه اروح قهاوي في بنات واودي البيت قهوه يالفاهمين وهذي حرية شخصية محد ليه شغل فيها ولمن اقول الديره خالسه يعني خليتون الفسق والفجور في الجفير والمعارض ومجتمعنا الوصخ اللي كل بنت تطلع بدون عباية في هالزمن والاهل مستانسين والله بس فالحين في موضوع الشيشه اللي كل يوم فاتحينه لينه اهني؟؟
ارتقوو قليلا
ابو منقاش

ابو منقاش عزيزي

طبعا الديره خالسه بالامور الا ذكرتها واجي انت وغيرك وتزيدونها لو كل واحد عرف حدوده والتزم بدينه او على الاقل بعاداته وعرف شلون يضبط حريمه ما خلست الديره وخلها على الله

أصل التدخين مقزز

سواء امرأة او رجل
انا في نظري أصل التدخين مقزز وأكره رؤية اي شخص يدخن
هذه العادة أمقتها بشدة وليته يمنع استيراد وسائل التدخين ويمنع تصنيعه لما له من اثار ضارة على صحة البدن

موضوع صائب

أنا أعترض على الإختلاط في المقاهي وستغرب لما أشوف بنت صغيرة أو حتى إمرآة في هالعصر قاعدة وسط خليط رجالي ومجوده هوز وتنفخ فيه حالها من حال الرجال وين إنوثتك ياالمسترجلة !! ووينك من دينك وإسلامك ؟؟! ومن يقول ديمقراطيه وحرية وخرابيط أقول له ان كنت مسلم فانظر وإرجع إلى دينك وخافوا ربكم

حرية

أنا امرأة غير مدخنة واشترطت قبل الزواج ان يكون زوجي غير مدخن لأنني لا اتقبل رائحة السجائر أو الشيشة أو القدو
ولكن
التدخين والتشييش حرية شخصية مادام يتم في الأماكن المخصصة سواء كان المشيش أو المدخن امرأة أم رجل

ما تدهور المجتمع وضاعت القيم الا لهالسبب

حرية شخصيه !!بابا فاهميين الموضوع غلط تطلع بلبس غير محتشم وتشيش ف مقاهي ويدمن المخدرات ويشاهد افلام اباحيه ووو كلها تحت مسميات حرية شخصيه وهي في الحقيقة تدمير للمجتمع المسالم المحافظ والوادع

الملاحظ

الملاحظ أن معظم الناس قاعدين ينتقدون السلوكيات المصاحبة للتشييش على اعتبارها خارجة عن عادات وتقاليد وقيم المجتمع البحريني
ولا يوجد من ينتقد فعل التشييش بحد ذاته
التشييش بحد ذاته حرية شخصية
السلوكيات المصاحبة له والغير مقبولة اخلاقيا ودينيا ومجتمعيا هي ما يجب محاربته
يعني تقنين وقت التشييش وأماكن توفيره أن لا تكون مختلطة ومراعاة السن الخ
وليس تحريمه على النساء لان سلوكيات بعضهن لا تعجبنا
انا امرأة غير مدخنة والحمدلله ولكني أنظر للموضوع بحيادية

المره اللي تشرب شيشه مرأه مهمومه

اللي تشرب الشيشه اكيد حالتها النفسيه تعبانه يا امطلقه او مو مرتاحه ويا زوجها وعندها مشاكل كثيره.

قصدك إمراة مهووسه

بقلة الحياء وتعويض نقص ف شخصيتها ب لفت النظر وخالف تعرف

عذر أقبح من ذنب

اعذار قفبيحة لا تقل سوءا عن الفعل نفسه
مقاهي تمتلأ وما نقدر نفرق بين المرأة والرجل
ارضية خصبة للعلاقات الرخيصة
تدمير للاسرة والمجتمع
المقاهي سبب مشكال ودمار بيوت كثيرة

هههه

انا قريب بطلق زوجتي يعني بتقزرها في القهاوي

مواطن

الى تقول أمها او جدتها كانت تدخن القدو تمام وياكم لكنها في بيتها او في الحي وليس امام الرجال والضحك والكلام مع الأجانب والى أنصاف اليالي هذا خلاف الشرع هذا واحد
ثاني شئ كأنو اميين ولا يوجد وعي وثقافه صحيه
هذه الأمور جائتنا من الخارج

في المنزل بعد واصبراه

أما الشيشة بالخارج أو في مطاعم و مقاهي شيء حرام ... مقزز. ...خسارة ....كلش غلط .

من منطق علماني او وراثي !

مرحباً.. من منطلق علماني أكيد انا ماقدر امنع زوجتي او اختي او المرأة بشكل عام من انها تدخن فهذي حريتها وحتى أجدادنا كانت المرأة تشرب قدو عادي والامهات عادي! لكن وراثياً او اجتماعيا وانا شخصياً بعد ما اتقبل روحة القهاوي لانها شبهة ! اما التدخين في نفسة ما اعتقد الا انه حرية شخصية عادي بس روحة القهاوي هني البلوة

ماكان عادي

عادي لانهم جداتك ربيت وانت تشوفهم يسوون هالعادة الكريهة فتعودت عليها وحسيتها عادي بس الناس الباقي مو عادي عندها اذكر جدتي تمنع اطفال عيلتنا يروحون بيت فلان لان جدتهم تشرب قدو

طبعا

اكيد امر مقرف ومغزز ومجتمعنا ما يقبله

حالاوي

لما كنا صغار ندخل بيت الجيران ا.. كنا نستغرب عليهم لما نشوف امهم تشرب القدو ولما نرجع للوالدة كنا نحكى لها لما شاهدنا من صور غريبة

مقزز ومخجل

انها ليست مسألة حرية
انما تطور انوثي
انا احب المرأة المدخنة
واتمنى اتزوج امرأة مدخنة

ههههه

تطور انوثي في بخياس وصفره الاسنان

شخباري

ويع يبتوع التطور انت ، نفس واحد مال التدخين وتسدحك من الريحه، الريال يدخن ماينبلع بعد بنت تدخن شحالتها لوع الله جبدها وجبدك يا زوج الحشاشه اقصد الشياشه

تطور وش هالتطور

الدنيا صارت مسخرة في مسخرة
قلة الحياء تطور
قلة السنع تطور
التصرفات الغبية تطور
الوقاحة تطور
..... تطور
ما اقول الا هنيئا لكم هذا التطور

ريحة بوزها وصغار اسنانها؟؟!!

على أساس امهاتكم وجداتكم شرابين القدو كان يطلع من بوزهم ريحة ورد وعنبر واسنانهم بياض الثلج هههههههه عجبي

ستراوي

من عيوب الدمقراطية ان تجعل الاحمق يتكلم ويتصرف بقلة ادب وينسبها الي الحرية ...يأخيى اي حرية اللي تخليك المراة تفقد انوثثتها

وصاخة

هذهي المرأة هي مرأة فاقدة لعقلها، فاقدة لدينها، فاقدة لكل شي ، هي امرأة تقترب من عمل جعدة سامة الإمام الحسن عليها السلام

قوووبش

والوالدة شلون وضعها؟

ههههههههه

كل رد أخس من الثاني..
ناس سكرانه وتكتب

ماتهمني صحتها طالما هي مو مهتمه

يهمني وضع المجتمع والمرأة الا كانت تتميز بجمالها من خلال هدوءها وخجلها وصلت فيها الجرأة تشيش ف الاماكن العامه !! عذرا ولكن الصوره قبيحة جدا

راي لا اكثر

مقرف

مشكلة التدخين للجنسين

تدخين المراةً الشيشة امر شخصي ولكن ان تقعد مع الرجال في نفس المكان شي مقزز . مو بس النساء. حتي الرجال عندنا يدخنون شي مقزز ولكن هذه حرية شخصية ما نقدر نمنعهم الا اذا كانت فتوي تحرم الشيشة والتدخين لسلامتهم من التدخين الذي يضر بصحة الانسان

قد اتفق معك

البنت لما تدخن الشيشة في المقاهي تشعر بانوثتها وقد اختفت ، منظرها مريب ، لا تتناسب المرأة مع هذه الأماكن .. ناهيك عن النظرات اللاتي تلاحقها من الشباب المستهتر.. تضع نفسها في مكان لايليق بكرامتها و لاعفتها ..
المقاهي وما أدراكم ما المقاهي التحرر المفجع في زمننا المر!
عزيزتي ايتها المرأة العظيمة
مكانك في المجتمع محفوظ و مصان متى ما حافظت عليه، ومتى ماتحررت لا تلومي من يتهمك بالسقوط
هدانا الله واياكم

أهو مقرف ؟؟؟نعم هو كذالك

ونفس الوقت حربه شخصيه كل واحد وكيفه ماتقدر تغير في الشخص ادا هو مايبي يتغير .
وترا للحين في نسوان يدخنون (القدووو)وبناتهم تتطور يازعم قامو يدخنون شيشة عن يا زعم راقين ويقولون خنين بعد ...بلاوي نعيش ونشوف

مقزز ومقرف ويتنافى مع انوثتها

ياريت بس يعرفون ان شكلهم كلش مب شي ويفشلون وهذا راي الرجال والنساء فيهم

ابو حسن

اقترحت قبل مدة على وزارة العدل اصدار قانون يمنع خروج النساء بدون كفيل بس محد سمع وشفتون وين وصلو الوضع.وله ويش يخلي بنات يطلعون مجمعات ومطاعم من غير كفيل ومراقبة ..الله يرحم امهتنا وجداتنا ما يدرون شلون صايرة عتبة الباب من الخارج .لاكن رد بعيد مقترح مالي يمكن احد يسمع وترجع الامور مثل ما كانت عليه واول شي منع النساء من الخروج من المنزل الا لظرورة ومع وجود احد محارمها وسحب جميع رخص السياقة منهم واستبدال وظائف النساء برجال وجلوسهم في البيت لخدمة ازواجهم واولادهم لان مكان المراة الطبيعي في البيت

بوووووو

شنو انت، من اي زمن طالع انت، عمي هاي في ايامك محد عطاك ويه تبي اللحين ترجع زمن المرأة الى عصر الجاهلية، الحمدلله الاسلام جاء وانصف المراه وترى هاي اللي تكلم عنهم قله قليله الحمدلله بنات الحمايل والمسلمين متربين على قيم واخلاق، ماتسمح لهم هاي الفعل . إخوانا في المجتمع كانو سباقين في هل الشيء لانه يمكن تكون المراه الاعجمية متعوده على الشيشة ويوم ماصارت الفرصة وفتحت مقاهي تخدم الجنسين تحول تدخين الشيشة من حوش المنزل الى المقهى وانجرو كثير من البنات على ذي الطريق. بس نرد نقول انهم قله قليله.

ابوحسن!!

ول ول شدعوة تبي ترجعنا ريوس الدنيا تطورت وتقدمت والمرأه لها دور بكل شي بس بحدود مو معناتها تقعد تخربط ويحق لها استخدام المضر او الذي يسيئ لها بحجة الحرية الشخصيه ، البنت المتربية لا تتجاوز حدود احترام ذاتها والمحافظة على سمعتها والي يقول امهات قبل يشربون قدو اي شربو لان زمن اول ماكانو متعلمين ولافي توعية كافيه بمضرته وحتى لما شربو كان بين بعضهم وبيوتهم ماراحو قهاوي ولا بسطو بين الرجال العتب على بنات هالزمن لامفتكرين بصحة ولابسمعة

الحين اقتنعت

شفت مقترح مالك من قبل جم سنة وما كنت مقتنع فيه وحسيته مال ايام الجاهلية بس الحين قاعد اقول كلامك عدل ونشوف وين وصلنا وما كنا نعتقد بنوصل لهمرحلة يا ريت احد يسمع كلامك وتنحط قوانين مثل ما تفضلت ابو حسن

ولد زويد

بو الشباب ترى إحنا في مملكة البحرين مو في مملكة داعش ترى أفكارك وطروحاتك وطلباتك داعشية ما في شي اسمة خروج النساء إلى الأسواق وإلى زيارات الأهل مع محرم أو مع بدي قارد زمن أول دلف دون رجعة طبعا أن ليس مع خروج البنات من المنازل إلى المقاهي والتشيش ولا إلى الأماكن الفندقية وامانع بشدة ولكن لا تحرمهم من حقوقهم المشروعه من سياقة السيارة وغيرها من حقوق مع الحفاظ على القيم والحقوق الشرعية .
وفي الختام طق بريك ولا تطرح مواضيع داعشية

اعنبوووه

انا امي كانت تشرب قدوو واخواني كلهم مدخنين..لاكن طول عمري اكره التدخين وخصوصا انه يسبب تجاعيد للمرأه
وعلى قولتك تسحب اللياسن وان شالله منو بقضي نص مشاوير البيت...واذا قعدت في البيت منو بيعالج بناتك وزوجتك لين وديتها وقلت مابغي غير مره تفحصها
ومنو الي ثلاث ارباع راتبها تساعد فيه زوجها في مصاريف البيت .. تحسب الكل عايش في رفاهيه ويقدر يصرف على البيت من اول الشهر لنهايته
والخلاصه كل واحد مخه في راسه يعرف خلاصه

وش خليت لداعش؟

تخرج بكفيل؟ وين قاعد انت؟

ما شاء الله!!!

اكيد دام في احد بنفس تفكيرك المقزز بتشوف إعداد البنات الي يشيشون تتزايد...عشان ينسون انهم عايشين مع أشخاص بهالتخلف و الجهل!!!!
و اقتراح بما ان القانون عاجبك. أتمنى تنقل بيتك للسعودية هناك تتوفر عندهم كل القوانين الي عاجبتك

اخوي في اي عصر عايش انت؟

عزيزي اهنئك على تعليقك الذي ينم عن جهلك واللي لو مشت عليه الدولة جان ماتطورت الامم ولا دخلت المراة مجلس النواب ولا شي .. يعني انت بتعليقك هذا تقول ان كل النساء يقعدون في البيت ويجابلون الطبخ وكل شي ، واذا احملت ولا امرضت لازم تروح عند دكتور يولدها ويعالجها وكل شي ..!!! حتى الرسول ماقال جذي !!

تجاوز للاعراف

نحن في زمن تجاوزت فيه الأعراف في بلد حافظ على القيم فترات طويلة و يصدرها للعالم و الان أصبحنا نحارب في قيمنا و مثلنا.

رأي مدخن

التدخين مقرف للجنسين سواسية، فليس تدخين الرجل للشيشة اقل ضررا ولا اقل تبعاتا لتدخين المرأة لها، وإن كن النسوة يتعتمن (يتسكعن) في احد المآتم أو بيت من احد البيوت سابقا، اصبحن اليوم يتسكعن في مقاهي أمواج، وفي تسكع الرجل والمرأة آثار سلبية على مستوى الاسرة والمجتمع.

افضل تعليق تعليق الاخ

نعم التدخين مقرف بالنسبه للطرفين لا يجب ان يحكم فقط على المرأه كلنا نملك تطلعات نحو الجنس الآخر و بعض الرجال لا يمانع ان تكون مدخنه مثلما لا تمانع بعض النساء تدخين الرجال...

من أول ما بدأتم بهذه الفقره ( أتفه سؤال هو اليوم ) !!!

امرأه وتشيش ؟! هذه قمة الوقاحه والفسق وقلة الأدب وعديمة التربيه، ،، امرأه وتجلس بمقاهي الشيشه !؟ هذه امرأه ساذجه وبل رخيصه. يجب سن قانون لجلد هؤلاء النسوه والفتيات الفاسقات.

ههههههه

شوي شوي لا ينط ليك عرج..
باقي تقول كفار بعد..

راقب الفاظك!

بإيجاز:رغم اننا ضد الشيشة سواء للرجال والنساء ولكن هذا رد بنكهة داعشية!

يالبغدادي

ما شا الله.. تبي قانون مدني بعقاب داعشي لعادة اجتماعية؟ وش خليت للقذافي

طبعا غير مقرف وهذي حريه شخصيه

اي واحد بيقول قرف وما ادري شنو خله يشيك شجره انسابه وجم حرمه من اهله كانت تشرب قدوً ،، بعد مو شيشه !!
جدتي ونسبه كبيره من نسوان لول يشربون

جدتش تشرب قدو

وفي ماتم او محيط نسائي وف الاسفار الناس تتقزز منهم وتتضايق ويطوفونها بحكم كبيرة ف السن بس بنت صغيره تقعد ف مقهى او حديقه يعع كلش هيلقه

القدو اهون وكانوا يشربونه في البيوت

وبعدين غالبا يكونون كبار ف السن يعني مو للفشار ولفت النظر في الحدايق والمقاهي حشى حتى الاجانب ما سووها وين انوثتهم وين العادات ماراح نتكلم عن الدين والشرع بعد

ما اشجع الشيشه

بس ترى على قولتكم الا يشربون قدو انهم عجايز ترى من قبل كانوا شابات.
اني عن وجهة نظري لا استسيغ لا الرجال ولا المراة الي يدخنون اثنينهم في الهوا سوا
ترى الله سبحانه وتعالى في العقاب والثواب ما فضل الرجل ع المراة ولا المراة ع الرجل

مجموعه منافقين ليس إلا

والله يا اختي المرأه اذا مشت ورى كلام الرجال بذلونها وبعدها بياخذ عليها ويقطها، المرأه هالعصر تطورت عن السابق، فالسابق كانت تشرب قدو والحين صارت شيشة، ناس منافقة لأبعد حدوود واللي يقول النسوان تشرب ببيوتها وبالمواتم بقوله سلامتك، النسوان برى المواتم ووقت الطباخ بالشوارع ووقت الحملات تشوفهم منرصيين صوب الباصات، بس ذلين امهاتهم وجداتهم من جذي ما يعلقون عليهم ويا وسط سؤولكم في غير محله وتعدي على حريات الأخرين والسماح للبعض بالتعدي بالألفاض الوقحه، يا تعلقون بأذب نفس الناس المحترمه يا تسكتون

حتى القدو ايام اول

اتذكر جدتي وصديقاتها يعيبون على جارتهم لانها كانت تشرب قدو. يعني حتى على ايامهم هالشي كان مستهجن. الله يرحمهم جميعا.

قرف وقلة حياء

وبياخة وسخافة وقلة أدب

لايك

كلام سلييم

حرية شخصية وديمقراطية

انا بنت والدخن وأروح مقاهي والأهل بعد يدخنون والكل رااضي
هاي حرية شخصية ماتعدينا على احد ولتكبروا في حالنا
والحمد الله الشيش متعة ومافي احد انضر منها كلا هرار بالعكس تريح البال وزوجي راضي وهم بشيش وكل أصحابي ومسنين

حريه شخصية

عندما تتنافى مع قيم وعادات وتقاليد البلد لا تعتبر حريه شخصية والمفروض ما تحسبين نفسش من البنات فعلا مقزز وشوفي تعليقات اليوم وتعرفين نظرة المجتمع للبنت المشيشه !!! الله يهديكم

طل في ويهج هذي حريه وديمقراطيه

اشدخل الديقراطيه في الفسق وقلة الحيه ؟؟!!....

عليك بالعافية MFD

تتهنين والف عافية !!!؟؟!

الاهل راضيين وزوجي راضي !!

ليش من قال انهم صح علشان تقتدين فيهم هم غلط وانتي واصلتي الغلط والمجتمع بغالبيته يرفض هالتصرف يعني والله يهديكم

ولد زويد

يا دخيل الله قعدي في بيتش وشتري ليش من محلات التبغ شيشة وشربي في بيتش أو شربي ( قدو) مال العجايز أيام الطيبين بس في القهاوي بنت وتشيش مو حلوة ولا تسمى هاي حرية شخصية أو دمقراطية هذا خطى وأتمنى من الأخوات العزيزات من بنات الوطن عدم الذهاب إلى المقاهي وذلك حفاظاً على سمعتهم وسمعة أهاليهم.

فشلتوناااااااااااااا

فشلتونااااااااااااااااااااااااااااااااااااااااااااااااااااا والله فشلتوناااااااااااااااااااااااااا. جريئه لأبعد الحدود

اتفق مع زائرة 3

اني بعد اشيش والأهل راضيين وماله دخل بالمسترجلات لأن امهاتكم وجداتكم اغلبهم شراب قدو

انزين كيفش

بس هذا مايغير واقع ان هالفعل مذموم ليش نكابر سمعة بنات القهاوي مو لهناك عاد عجبكم او لا انتون عندكم حرية الروحة وعندما حرية ذم هالفعل اللي مايحبذه الاسلام سالو الشيوخ وجوفوا رأيهم في الموضوع عشان مو كل واحد يفتي من عنده

حرية شخصية قال!

ايام اول الي وايد ناس تشرب قدو في بيوتها وبعد كان يعيبون عليهم! ويدرون ان شي كريه فماكانو يعلنون للكل انهم يشربون قدو ماعدا للمقربين او لشريبي القدو مثلهم. مابالك الحين الي تقعد في الاماكن العامه شاهري ظاهري وتدخن شيشه؟! حرية شخصية اوكي براحتج دخني محد قالج لاتدخنين بس لاتتوقعين من الناس ترحب بهالمنظر! بتلوثون جونا وبترمون بتقاليد مجتمعنا عرض الحائط وتبونا نصفق لكم؟! الناس بتعيب عليكم وهالنظرة وهالراي هم بعد يعتبر حرية شخصية!

البنت اللي تدخن ماعندها أنوثة وصايعة

اي بنت تدخن تطيح من عيني وأحسها مسترجلة وعديمة الأنوثة وقليلة حياء صراحة وصايعة وفوق هذا راح تنشيء جيل خراب مال تدخين وحشاشة وأشعر انهم مقرفين وطايحات حظ .
وتالي نقول وين أهاليهم عنهم ؟!
اذا الام تشيش معاهم وفري حدها شتبون!
ما تعجبني بنت الشيشة نهائيا

اتفق معك

بالظبط اتفق معك

مقزز

المرأة المدخنة تفقد أنوثتها وتصبح كريهة الرائة واسنانها صفراء
ومققزة النظر
ولا علاقة بالحرية بل هي استرجال مصغر

لأولادنا علينا حق

من نعم الله (عز وجل) علي أني لم أدخن سيجارة قط، فضلاً عن الشيشة، برغم أن والدي (ره) كان يدخن 60 سيجارة باليوم.
قبل سنة قمت بفحض كمية النيكوتين في جسمي، فأُخبرت بأني أدخن معدل سيجارتين باليوم، النتيجة فاجأتني! ولكني عرفت السبب، فأنا أجالس أحد "المشيشين" في القهاوي، بمعدل مرة في الأسبوع. حينها قررت بعدم الجلوس في القهاوي، فغدوت أمر عليه بعد أن يشيش، ونذهب الى أحد المجمعات لتبادل أطراف الحديث.
لا زلت أذكر كيف كان أبي يصارع الموت، وذلك السعال الذي لا ينفك عنه؛ فلا أريد تكرار الأمر لنفس.

ابو حوراء

في هالزمن الاغبر يعتبر حرية شخصية
ومن تشوف وحدة اتدخن شيشة او جقاير
وتكلمها الجملة المعروفة "مو شغلك"
يعني افهمها اني كيفي وانت مالك شغل
والي بسويه بسويه
وين نسوان قبل الله يرحم ذيك الايام
راحوا جيل الطاعة وجوا جيل الله كريم
بذمتكم الي تدخن ومسويه روحها ابو زغلول
تستحق اسم مرآة بوجهة نظري لا والف لا
لانها وبكل بساطة هي الي جابة لروحها الكلام
والتمسخر...... والكلام ماراح ينتهي

ويش رايك

خوك و يش رايك باللي تشرب القدو، اين أنت كفو قول ليها هاللكلام، غير الضرب بالقلم هذا اذا ما تطلع من ستر الله

اتفق معاك وبشدة

قلة حية وسخافة ومسترجلة ويجيك الشك في اخلاقها لأن الرجال الي يدخنون نقول عنهم الله يستر فما بالك بالمسترجلات
العوين الله ... اعتقد انه احنه في اواخر الزمان مما يرتكبه هاؤلاء الرجال "النساء المسترجلين"

-

الرجل المدخن ايضا كريه النفس واسنانه صفراء ومنظره مقزز؟ المشكلة في التدخين بشكل عام لا نحصرها على المراة فقط