حذّر مدير عام الإدارة العامة للدفاع المدني، الآباء وأولياء الأمور بأهمية اتخاذ الحيطة والحذر عند استخدام أبناءهم للجهاز الكهربائي ذي العجلتين، وذلك بعدم تركه على الشاحن الكهربائي دون متابعة أو مراقبة خاصة خلال فترة النوم حتى لا تقع الحوادث والحرائق.
وأشار أن حريقا اندلع في الساعة 12:43 من صباح اليوم السبت (19 ديسمبر/ كانون الأول 2015) بأحد المنازل بمنطقة مدينة عيسى بسبب انفجار في جهاز كهربائي ذا عجلتين أثناء شحنه بالكهرباء ، نتج عنه تضرر صالة المنزل من الحرارة والدخان ، إلا أن رجال الدفاع المدني الذين وصلوا إلى الموقع خلال 3 دقائق قد تمكنوا من السيطرة على الحريق ومنع وصوله إلى باقي غرف ومرافق المنزل ، ولله الحمد لم تسجل أية إصابات للقاطنين في المنزل ، موضحا أن مثل هذه الحوادث تكررت في عدد من الدول
الحمدلله
الي تفتون على كيفكم ولا تحسون بحرقه اصحاب البيت ترى الجهاز ما كمل نص ساعه على الشاحن وثاني شي مستغربه من درجه وقاحه بعض التعليقات هذه بدل لا تتحمدون السلامه لناس كان بينهم وبين الموت شعره! الحمدلله في الفلوس ولا في النفوس
مايفهمون
إدا اشترتاه أحد بكون في ورقة تقول له كلش سبحان الله وفي ناس الله يستر عليهم إذا اخذو الشئ كأنهم ملاهيف يرمون كل شي بس حق يلعبون
قطر
ما اصدق
فلوس تضيع وناس محتاجه
ياريت هالفلوس اللي يصرفها العرب على التكنلوجيا الفاشلة والتي اعتبرها قمامة الغرب يستفيد منها الفقراء والعزاب والمحتاجين وأصحاب البيوت الهالكة شيء لا يطاق ما يحدث
ما فهمت
ما فهمت شلون اركب الشاحن واراقبه يعني اذا بينفجر اقرب شي وجهي!!!!
لوين وصلنا
لوين وصلنا مع هالتكنولوجيا!!
غسلوا اعقولنا وعقول اعيالنا بلعبة تافهة وخطرة اتشلهم عن الحركة ولا لها اي معنى غير هدر الاموال عالفاضي! وهاذي هي الخياة فقير لو غني كلمن بطالع الثاني بصير خاطره وبيشتري لعياله، والمشكلة اعيالي بعد انحدوا عليها ولمطالع ماوراه الا الخساير ..وش دي الحياة صارت تابعني وتابعك في كلشي اللي عنده واللي ماعنده،، جيل منتهي.
الحمدلله مافي اصابات
صدق الجهال اول شي اي باد ولا احد يشغل مخه والحين مابيشغلون جسمهم ولابيتحركون مااشجعه وبالنسبه لثلاث دقايق اني مره احترق بيت مهجور قدام بيتنا والله اتصلت كذا مره للاطفاء محد جا وبعدين طفوها مال الفريق
هههههه
أصدق تعليق
قصدهم وصلوا بعد ثلاثين ضعف من الثلاث دقايق .. و طفوا الفحم يمكن ..
أما بالنسبة لهالجهاز...في اعتقادي ماااافيه ايجابيات .. خير شر ...
الحمد لله عالسلامه
هي سلبياتهم اكثر من الايجابيات الواحد بيقطع المشي وهي تسبب حوادث سيارات وحوادث سقوط وحريق
الحمد لله على نعمة القدمين
علي المشتري ان يقرأ الماصفات بخصوص الاستعمال
يحب ان لا تشحن البطارية اكثر من ساعتين...وعند شراء الجهاز تاكد ان البطارية من النوع الجيد صناعة
هي سهلة
لو كل واحد يطالع الاوراق الي تجي ويا الي يشتريه ما صارت دي الحوادث لان هذي الاوراق فيها كل تفاصيل هذا المنتج من بدال ما ترمون الاوراق اقروها عدل
لكن الحمدلله على سلامتهم
الله يعوض
كانت نص ساعه على الشاحن فقط وتونا ماخذينها من اسبوع فقط
تكلونوجيا قاتله
اعود بالله من الشيطان الرجيم وش نهايتنا مع هالتكلونوجيا الا ما وراها غير خسائر الماديه والجسديه جمدت اعقول عيالنا وخلتهم مثل الالات تلقين بدون تفكير
خطير
بالفعل. هذا الجهاز. جدا. خطير. وتم. منع. شحنه. على. معظم الخطوط الجويه
كان بالعفش. او. شحن
مسخره وتافه
يعني ابي اعرف شي واحد بس هلجهاز هذا شنو مميزاته ؟؟ ليش الناس ملاهيفً عليه جدا تافه ولا له اي أفاده يعني الأطفال يمشون ويلعبون ويحركون اجسادهم هذا يخليهم كانهم اصنام لا حركة ولا له معنى اذا اروح الحديقه مع العيال الاحظ الي عندهم هلجهاز مقيدين رولا الهدف إشباع المظاهر مستمرين بهذا الشي. عيالي يبونه وليل نهار هذره بس لما وضحت لهم فوائده وأضراره سكتو وشربت لهم كل واحد هدية وحتي زوجي كان يبي ياخد لهم وانا رفضت هذا رايي بالاختراع الفاشل
بطاريات الليثيوم
بطاريات الليثيوم ذات الجودة الضعيفة والمغشوشة هي السبب .. الرجاء الحذر
العجلة الشريره
هذا الجهاز المتحرك سبب حوادث و إصابات كثيرة حيث من يستخدم هذا الجهاز يتعرض للسقوط و بعضها تسبب عاهات مستديمة و إصابات قاتله كذلك هذا الجهاز غير آمن من ناحية التصنيع حيث سجلت أكثر من حادثة انفجار بطارية هذا الجهاز و تسببه بحرائق في المنازل و المحال و تسبب بخسائر مادية و جسده و نفسيه من حيث تناقل المقاطع و انتشارها عبر التواصل الاجتماعي لأناس يفقدون توازنهم و يسقطون و يكونون محل سخرية
حشى
مو لهدرجة عاد يالطيب سويتها مول عاد الحبة دبة ، اولا في الكتيب مال التعليمات مكتوب لا تتركه على الشاحن أكثر من ساعتين هاي نقطة و النقطة الثانية يالحبيب مافي اي بشر على الارض ركب سيكل أو سيارة اول مرة و قام يسوق عدل و بدون اخطاء . و الشي ينطبق على السكوتر ماتعرف له تعلم عليه و احنا بصغرنا يا ما تشدخنا فوق سياكلنا و اللي انكسر ضرسه و انبط راسه و حتى السيارات ماتتعلم الا لما تصفق في رصيف أو ليت و عقب تتعلم و تمشي سيدة يعني كلامك كله فاضي
الله يصلح الحال
ما شفنا من السكوتر الكهربائي غير الاصابات والمشاكل والحين حريق المفروض من السلطات انوه تمنعه
3 دقايق
اقرب مركز إطفاء بالقرب من المنزل المحترق يبعد حوالي 7 كيلو ادا قسنا المسافة بشكل مستقيم اي لابد من السياقة بسرعة قدرها 210 فمابالكم بالزحمة واللفات
خليتوا الخبر ورحتوا للشلخة
الحين خليتوا الخبر الرئيسي و رحتوا حق الثلاث دقايق. ههههه اشهالعبو و الربو.
الحساب غلط.
السرعة = المسافة ÷ الزمن.
7 كيلومتر ÷ (3÷60)ساعة = 140 كيلومتر/ساعة.
ههههه كبيرة
شلخة عدلة 3 دقايق كلش صدقنا
شنو فايدته
جهاز ما منه فايدة واللي ياخذه دليل ع انه بيزاته زايدة مو عارف وين يوديها
بصراحة لا امتلك الجهاز
لكن مسألة الترف و الحاجة راجع للشخص نفسه و مدخوله فمن يذهب الى المجمعات لالعاب الاطفال يمكن ان يقال عنه نفس الكلام ، لو كنت امتلك المكان المناسب لاستخدامه في البيت لما ترددت في شراءه لي و للعائلة ايضا
لا يجب وضعها في المنزل
بالعامي. خلوها في الحوش .
تركة افضل
انا ناوي اخذ حق الولد الحين نجفنا
اشتر
اشتر ليه سيكل. منها رياضة ومنها سيكل. وكمان ارخص بالسعر
قطر
ما اصدق
ويش السالفة
هذا الي ذبحونا بها في الاسواق والشوارع
مذكور في الضمان
شريت واحد من محل في السيتي سنتر وكان مذكور في الضمان (عدم ترك الجهاز أكثر من ساعتين بدون مراقبه)