ههههههه ما حدا انخلق من بطن امو متعلم

غفرانك

كل واحد يطبخ لنفسه ادا بتتحلطمون و الممرأة مو من واجبها تصير خدامه

ياعلي

كل هدا ع طباخ والله فشله محد مايعرف يطبخ ونت موجود بصورة
لرجال لي سبو ماضني نسوانهم جنبهم
خلصت المواضيع

الدنيا بعدها بخيييير

الحمدلله أني متزوجة و صغييرة و أطبخ كلشي لزوجي... و هَمْ اهتم في نفسي و اناقتي في البيت
الزوجة الذكية و المنظمة و النشيطة تعرف شلون تدبر أمور بيبتها و ف نفس الوقت تهتم في نفسها و جمالها و اناقتها.
أما الخايبة و الكسولة تحط لها الف عذر عشان ما تسوي شي.
و تحية لكل الزوجات الصالحات..
و الأزواج الصالحين.
و الله يهدي الجميع ...

أصابعكم مو سووا

الاعتدال في كل شي حلو لا تدفن روحها بالمطبخ او كلش ما تعرف شي في المطبخ

الحمدلله ع النعمة

اني تزوجت واني ماعرف اطبخ لان كنت منشغله في دراستي الله مكنت اسوي اندومي . تزوجت وزوجي يحب طباخ البيت بس بحكم دوامه ف ماكان يقعد وياي على وجبه الا فالعشى ونادرا غدىى ايام الويكند يروح بيتهم يتغدى في هالفتره تعلمت شلون اشوي قرص بيض ل للمچابيس مع تشجيع زوجي لي صرت فنانه فالطباخ فاليوم الي اطبخ فيه يستانس مع تشجيعه لي واصراره على ان يتم طباخي لذيذ اهو كلماته تسر الخاطر من جذي ابذع لو كل زوج يشجع زوجته ع الطباخ جان كل وحده تبدع مع اني من البنات الا مايحبون الطباخ بس حبيته عشان زوجي

اثنينا نطبخ

الحمدلله الطبخ ليس لدي مشكلة اذا صادني اي ظرف زوجي يطبخ وأحياناً اسبوع كامل بين الدراسة و الوظيفة و انشغالي مع واجبات وامور الاولاد خصوصا اني ارجع 4:00 فيكون كل شيء جاهز، والاولاد تغدو، الحياةتفاهم، واللي اوله شرط اخره نور، الصراحة في فترة التعارف مهمة جداً، بالغاء الحواجز وفتح الباب للصراحة بدل ما كل واحد ايسوي روحه ملاك...

حبيت تعليقاتكم

تعليقاتكم عججيبة ،، الحمدلله تعلمت الطباخ من امي ماقصصرت كللللشي اعرف اسوي ونفسي ف الطباخ عجيب والكل يمدحه ماظل برياني ولا صالونة ولا مجبوس حتى اكلات اجنبية ومكسيكية وايطالية ماظل شي اللهم لا حسسد هههههه

يا ريت الجميع يحس بالمسؤولية

ياريت الزوجة و الزوج يحس بمسؤولية الأسرة و يهتم باحتياجات كل الطرفين إلى الآخر لأن العلاقة لا تنجح و تتماشى لا بتضحيات الإثنين و تقاسم الأدوار داخل البيت يجب على الطرفين يتساءل ماذا قدمت إلى الآخر حتى احصل إنا على ما أريد
إذا اختلف طرف لا يمكن مواصلة السير

يا ريت الجميع يحس بالمسؤولية

ياريت الزوجة و الزوج يحس بمسؤولية الأسرة و يهتم باحتياجات كل الطرفين إلى الآخر لأن العلاقة لا تنجح و تتماشى لا بتضحيات الإثنين و تقاسم الأدوار داخل البيت يجب على الطرفين يتساءل ماذا قدمت إلى الآخر حتى احصل إنا على ما أريد
إذا اختلف طرف لا يمكن مواصلة السير

الحق ينقال

الحق ينقال الاول المرأة كله بالبيت فتعلمت الطباخ من امها ... اليوم المرأة البحرينية انفتح التعليم امامها وانفتح المجال المهني فتوظفت ... فصار ترجع من شغلها ماتقدر تطبخ وتعابل اشغال البيت كله .. فالزوج لازم اساعدها
شنو فيها لو يوم من الايام تنازل الرجل عن كبريائه وغروره وقال لامه او زوجته ارتاحي اليوم بطبخ عنش الغذا او العشى ... فهل هالشي بينقص من رجولته !!!
بالعكس راح يكبر بعين امه وزوجته .

اي والله

اي والله ماهم فالحين اله في النوم وتشيرط وادا قلت ليها سوي طبخه تروح تسوي لك كيك وخرابيط المشكله موماتعرف هي نفسها ماتبي تتعلم خيابه

زينبيه الهوى (تعديل)

خل يرجعون رجال قبل وبترجع نسوان قبل قبل الرجال تحط له الزوجه تحط ديرمه وكحله وتمشط شعرها عجفتين ما يطالع غيرها اما الحين فل مكياج وتصبغ الشعر وتسوي احلى التساريح وتلبس احلى لبس وبعد ما يملي عيونه

زينبيه الهوى

خل يرجعون رجال قبل وبترجع نسوان قبل قبل الرجال تحط له الزوه ديرمه وكحله وتحط وتمشط شعرها عجفتين ما يطالع غيرها اما الحين فل مكياج وتصبغ الشعر وتسوي احلى التساريح وتلبس احلى لبس وبعد ما يملي عيونه

ام زينب

هو عقد نكاح مو عقد شغل ولا طباخ والطباخ مهاره وفن حاله حاله اي مهاره هناك من يجيد تلك المهاره وهناك من لا يرغب لها ويعزف عنها

رجال اول

خل ترجع رجال اول علشان ترجع نسوان اول ، رجال ما تستحق لا يصرف ولا شي ،، يجي البيت مثل الفندق ياكل ويشرب و يقضي حاجته ، بخيل في المشاعر و في كلشي شاطر بس في الطناز والمصخرة ، ومهما سويتين ما يبان في عيونهم، ما يستاهلون مرة تتعب روحها علشانهم، اني عندي اطبخ للجلب و لا اطبخ ليه

ام علي

السبب في انا النسوان ما يهتمون بالطبخ هو أن الرجال صار ذوقهم هابط ويش فايدة التعب والطبخ والنفخ وهم يعجبهم المتردية والنطيحة ويفضلونها على السنعة وست البيت مثل ما راحت نسوان اسوي المجوس وجاتنا نسوان ما تسوي بيض مفيش. ...راحت رجال ترفع الدروازة وجاتنا رجال المطنزة والعازة

الى الزائر 315

اي خوب انت قاعد سكيورتي عند باب بيتنا و تعرف الداخل و الطالع. شكراً على الإحصائية. انت ادري بي من نفسي لانك رجال. اكيد كلامك صح.
استغفر الله بس و يبغونا نحترم رجولتهم. الله يعين الي بتاخذك. و الحمدلله على نعمته و الله يزيدني من فضله.

غير صحيح

الحمد لله بنات البحرين سنعات وشطار وطباخات عندهم ابداعات ماكانت موجودة في نساء قبل اما القلة الي يتكلمون عنهم كسالى في كل شي مو بس الطبخ

مو شرط كل وحدة ما تعرف تطبخ وآنا أحب التغيير ..

مو شرط كل زوجة ماتعرف تطبخ بالعكس آنا أحب الطبخ واتقنه واتفنن فيه وزوجي واهله وحتىأهلي يحبون طباخي ودائما يمدحوني فيه والحمدلله هذي موهبة يهبها الله الانسان لكن الواحد مو داايم يطبخ لازم يغير لو مرة او مرتين بالاسبوع يعني مو ع طول مطاعم بس لابد من التغيير وبيني وبينكم آنا ماحب اكل المطاعم وايد ..

معقولة مافي تفاهم وحب في ولا تعليق

ليش تعتبرون الطباخ لزوج بس ترا الزوجة بعد بتاكل من نفس الاكل واذا الزوج ساعد زوجته قلتون عنه امباع وخروف ، مو فرض ع الزوجة تطبخ هذي اكرام وتقدير عيشة ومحبة والفة بينهم ، بعض التعليقات ترفع الضغط عشان قال يطبخ عنها فالو خروف وخايف من مرتة ، لمن الواحد يحب شخص يسوي له المستحيل االي ما يستوي جت ع طبخة لو ترتيب بيت لو شغلة تسويها المفروض تسويها لنفسها بالاول والزوج شريك فيها ، ) القصد لمن تعدل تعدل مكانها ولمن تطبخ عشان تغذي نفسها ( كلش مو تعذيب

اللي ماعنده شغله… .

بالله عليكم يالوسط ماعندكم غير النسوان ..اكيد محرر هذه الصفحه رجل ومتحيز للرجال

يادافع البلا

اثبتوون انا الرجال همهم فبطنهم وياريت اذا الزوجه سوت شي يعجبكم !!! اطبخ واسوي واقتل عمري واخر شي حتا تسلم ايدش ماميش ولا كلمه تشجيع والي يقول ارجعها بيت ابوها والي يقول خايبه والي يقول روتيه توقف فلبلعوم طالعو نفسكم اكيد انتون مقصرين وياهم عشان يقصرون عليكم اذا تاكل وتمش ايدك بطوفه هذا شي ثاني فقيره والله هالمراا كلشي مايعجبكم والي بياخد شاميه تعال اشتم ريحتهم بلمدارس باطين الصف بط من ريحتهم

أنور مدن

الحين تأخذ أربع سنوات يالله يصيروا عن وحدة من مال اول ونسوان الحين همهم السرير والنوم إلى 11:15

أنتون مايعجبكم العجب

عندكم البحارنه كل مو زينين تره والأجانب أفضل عليكم بالعافيه على هالفكر المنحط بعدين الطبخ وأمور المنزل مو واجب علينه واذا بغيتون المره ست بيت قعده بالبيت وصرف عليها وشوف شلون بتدبر أموركم بروحكم لا أخلاق ولافلوس ولا وجه يطالع أحنه بعد بناخد لبناني أو تركي عالاقل وجوه حليوه تفتح النفس

أم ناصر .. حبيبتي وحياتي

تسلم أيد من ربتني وتسلم أيد من تشاركني الحياه بحلوها ومرها .. الحمدلله زوجتي على أنها انسانه ناجحه في شغلها لكن ما خلت الشغل ياخذ أهتمامها عني .. والحمدلله يوم الي أهي أجازه ما تقصر وياي .. الي أطلبه يستوي والي ما تعرفه تتعلمه علشاني .. والحمدلله ما هي خايبه .. الله لا يحرمني منش .

اطبخي لما تبيت تطبخين

أولا الطبخ مو واجب
أني ماكنت أعرف أطبخ ولما تزوجت وبعد رجوعنا من شهر العسل زوجي علمني الطبخ وشلون أقطع الدجاج وأبهر السمج كانت أحلى أيام حياتي ولما جبت بنتي ورحعت الشغل علمت الخدامة وصارت هي تطبخ لينا بس في شهر رمضان أطبخ كل مالذ وطاب عشان بناتي وزوجي مفاية 6ليي ارجع كل يوم وأدرس لليل

حجايج!

الرجال ما يعرفون شرع الله إله في الزواج على نسوانهم، شرعاً المرأة ليست مطالبة بالطبخ و التنظيف و التربية هذا شرعاً .. يعرفون يتحجون يقولون الله حلل أربع.. اعرف شرع الله عدل بابا.. و غير جذي يروحون المواتم يسمعون هني يطلعون هني ، جان سمعوا شقد الإمام علي ع و الأئمة ع يساعدون نسوانهم و يطبخون و و و.. بس عرسوا فكروا استعبدوا نسوانهم.. تعالي طبخي و غسلي و نظفي مو كفاية مقابل وجوهم المكشرة 24 ساعة..

حقيقة

اني احب اطبخ بس ما احب اغسل مواعين ، و اكيد المطبخ راح يعتفس بعد ، لذا قررت اني اسوي وجبة الغذاء فقط ، و العشا مو شرط يتعشى و شكر

الف تحية

الف تحية لجميع النساء

الكل فى ‏سوا

كل هذه بسبب الطباخ ؟؟
ليش ما الرجل بعد يدخل و يساعد زوجته لو بس يبغي ينام ؟؟؟
‏نسوان الأول ما يعرفون شي اسمه شغل و الحين يبغي زوجته ‏تشتغل و تطبخ ؟؟

المجبوس يربي دبيب .. والتعليم يربي لبيب

الأم محمصة إذا أعددتها
أعددت شعبا طيب الأذواق
فرن ومخبزة تدور بمطبخ
والناتج البطنان يزحف راقي
أين الرقي أيا منوم فطنة
أين العقول وطالب الأخلاق

لا هذا ولا ذاك

ما اجمل ما إذا تسابق الأهل للمساعدة والطبخ معاً بالنسبه للعوائل الكبيرة، ما اجمل تلك لحظات التي تأخذ بالزوجين إلى المطبخ ويتشاركا في صنع العشاء معاً، ليس بالضرورة ان نأكل لنشبع معدتنا، كُل لتعيش فقط.

اهم شي الصحه و الحياه السعيده

شفادكم المجبوس الحين, ماجاب ليهم الا الامراض و الكرش ..... :)

تقسيم الأدوار شيئ مهم

الأسرة الناجحة هي الأسرة التي تجيد تقسيم الأدوار بين أفرادها وكل فرد يؤدي دورها فمثلا العمل يكون أما في البيت او خارجه فالمتعارف عليه هو العمل خارج المنزل يكون للرجل وداخله فيكون للمرأة. وإحدى المهام الداخلية هي الطبخ وعلى الزوجة أن أرادت السعادة أن تتقن الطبخ

غباء

ماعندي رد بس هذا المقال نوع من الاستهزاء بحقوق المرأة ولكن انا اعرف انه كل من علق ماعنده اي علم بشرع الله لو يعرف كان معلق لكن الشرع اقول انه ماتقدر تجبرنا على الطبخ أو غسل ملابسك أو تنظيف البيت هذا الشي امسويه من تلقاء نفسها وحق أجر يعني انته يارجل قدر زوجتك بس فالحين بتعليق على حريمهم خد ثقافه دينيه بعدين بتعرف قيمة زوجتك

ما تنظف ولا تطبخ

وتحاسبني على كل صغيرة وكبيرة وين رحت ووين جيت... الخ ما تهتم فيني وتبيني اهتم فيها في كل صغيرة وكبيرة اف اف من نسوان نفسها

تسلم ايدها دنيتي

كلها خير غاليتي على انها موظفه ودوام لكن يوم الي أهي اجازه تقول لي اطلب والي بخاطرك يستوي والي ما تعرفه تحاول تتعلمه علشاني عساني ما أنحرم منها ولا من الوالدة الغاليه الله يخليهم لي .

قول الحق

نسوان الحين مب مثل نسوان قبل اول النسوان بس يجابلون بيوتهم واعيالهم بدون اي شغل ثاني اما الحين غير الريال لما يبغي يتزوج في هالزمن يشرط انه وحدة تكون تشتغل عشان تعينه على المصاريف فمن وجهة نظري المرأة اللي تشتغل حالها حال ريلها معذوره اما المره اللي اكل ومرعى وقلة صنعى يبي لها تأديب

الحين

الحين الرجال هم الي يطبخون الغدا والعشا !! انقلبت الادوار سبحان الله

بين الماضي والحاضر

اقول راحت رجال ترفع الدروازة وجتنا رجال المطنزة والعازة = المرأة تعمل لتصرف وتساعد في المصروفات وكل المسؤلية عليها والرجل اول ما يريد ان يعرف اذا اراد ان يتزوج هل تعمل هل لديها معاش ولا يسال هل تعرف ان تطبخ = المرأة كانت اميرة في بيتها في الماضي والان اصبحت عاملة في المنزل وخارج المنزل ( اعذروني ولكن كن رجلا حتى تصبح لك أمراة فالذكور كثيرون ------ لقد تغير الزمن وغير معه جميع ملامح الحياة - هي ليست لا تعرف ان تطبخ ولكن اصبحت غير قادرة على ذالك فلقد غير الزمن ملامحها الجميلة - المعذرة سيدتي

هههههه

يا دافع البلا

حبيبتي

ما في عليش يأم جعفر ست بيت درجه أولى وطباخه ماهره،، الله يخليش ويطول في عمرش يارب،،،، يا حبيبه قلبي ،،،

بحر آنية

مع ذالك معي حالة مرض الصرع تشنج لانه في اي لحظة معي اصيدني تشنج مفروض ما ادخل المطبخ بس مع ذالك اطبع الحمد الله اعرف اسوي جيلو كباب لحم و اعرف اسوي سمك صافي غيرها و من حلويات جلي اسكريم كيك و كيك فكتوريا كيك وغيرها و بعرف اسوي بيزا و فطاير ابنه و كيكة خلية نحل صحيح مو كلشي اعرف بس بحب اتعلم أحس اني إنجاز مع ذالك اني مريضة الآن ما تزوجنا

بحر آنية

مع ذالك معي حالة مرض الصرع تشنج لانه في اي لحظة معي اصيدني تشنج مفروض ما ادخل المطبخ بس مع ذالك اطبع الحمد الله اعرف اسوي جيلو كباب لحم و اعرف اسوي سمك صافي غيرها و من حلويات جلي اسكريم كيك و كيك فكتوريا كيك وغيرها و بعرف اسوي بيزا و فطاير ابنه و كيكة خلية نحل صحيح مو كلشي اعرف بس بحب اتعلم أحس اني إنجاز مع ذالك اني مريضة الآن ما تزوجنا

عندي ايمان بانة زوجتي طباخة ماهرة ولاكن

زوجتي طبخت كم طبخة فنانة حقيقة الامر واختياراتها للاطباق جدا ممتازة ومميزة ودايما يعجبني الي تسوية بسسس بسبب انشغالها في العمر الى الخامسة عصرا وعندنا ابناء اثنين الله يحفظهم بعمر 8 شهور والسنتين فمستحيل تقدر تحصل وقت للنوم مو تطبخ بعد الله يساعدها بالخصوص مرحلة يكبرون الاطفال وراح الطبخ يشعشع في البيت هههه

من صعابة المجبوس

من صعابة المجبوس الا بنضرب ابه المثل هههه الله يعين الرجال على بطووووونهم

انا وأعوذ بالله

من نفسي صراحه ما حب شى اسمه طبخ عطوني أغسل مواعين ولا اطبخ جربت وفشلت فقررت ما اطبخ الله يخلي لي امي بس اعرف اسوي اشياء بسيطه مكرونه خبز ونادرا ما اطبخ عشان الدوام

عن الهدره

اذا الرجال بتساعد وتغسل المواعين المره بتطبخ

طبخ

مو عيب ان المرأة لاتعرف الطبخ ولا كن من العيب ان لا تتعلم

بكل صراحة

الجيل الجديد مواليد 1990 فما فوق....يعيشون الكسل والخمول والاتكالية
فالمراة التي لا تعرف الطبخ...لاتعرف فن التعامل مع زوجها...
الخدامة تسوي كل شي...المراة وقت الفراش تسوي روحها تعبانه...لان طول اليوم بس صراخ وقلة فايدة

من اي لك هذه الحكمة

جبتها جيييب يالخال
يتعبون من الصراخ والهرار

بحرينية

أصابع يدك مو سوى

الى زائر 205

فعلاً،
وراء كل رجل عظيم امرأة عظيمة.
ووراء كل امرأة فاشلةً رجل فاشل.

تعب

اني ما احب اطبخ لسبب واحد بس،، ورا الطبخ تنظيف ما يخلص،، يعني اطبخ في ساعة واقعد انظف للمطبخ في ساعتين،، انزين اثناء الطبخ والتنظيف العيال مفلتين محد لهم،، مره خب مو اخطبوط الف ساعد عندها

مانبي نطبخ مو غصب حتى الشرع ما يجبرنه

طباخ وما نبي نطبخ مو غصب عساكم غصة حتى الشرع ما يجبرنه يلا ذلفو مناك همهكم بطنكم مثل همج وفاضين

خيسي عجل

ماتبين تطبخين طيحي في چبد ابوش مسكين لو قايلين سوق چان صرتين نحله في فرارة المحلات

طباخة ماهرة بشاهدة الجميع

الحمد لله رب العالمين ...ابتلاني به ان شاء الله ادخل الجنة بسببه

بل مشكلة الطباخ مشكلة

انا لما اقول الطباخ مو مقياس احس اچدب على روحي ماقدر اكل من مطاعم ولو هي ماتعرف لازم تتصرف ولا اهج من البيت لان بستحمل يوم يومين شهر شهرين بعدين بطفر
المهم انا واحد معرس لكن اذا فيه وحده قاعده في البيت وتعرف تطبخ بعد بعرس. خوووش موضوع لطرح الطلبات

مطنزه

راحت رجال ترفع الدروازه وجتنا رجال المطنزه والعازه

بيت جيران ام محمود الثانيين

مجبوس ويش بعد !! مجبوس لحم و غالي و مقاطع
المطاعم أرخص و لو سم بس اهم شي عنده أرخص
خل يجيب ماجلة يصير خير , الغدا في الشغل و العشا في القهوه يا كافي

اي. والله

والله الحمد زوجتي ماعليه كلام فنانه. بس. اطلب الطبخه وتكون حاهزه واحلى من الي تخيلته بعد تسلم إيدك ام فاطمه

شكرا حياتي بو فاطمة

الكلام ابلغ من المشاعر شكرا من كل حياتي

نعم

رغم انه معيب عدم معرفة المرأى بشؤون المنزل و الطهي,إلا ان الطلبات الخارجية من المطاعم اوفر من ناحية الجهد والمال وعشان المراة تقدر تهتم باطفالها ومنزلها كما يجب ...
الجمري

اي. والله

والله الحمد زوجتي ماعليه كلام فنانه. بس. اطلب الطبخه وتكون حاهزه واحلى من الي تخيلته بعد تسلم إيدك ام فاطمه

شكرا بو فاطمة الغالي

...... بو فاطمة حياتي

ما أعمم و لكن الأكثرية للأسف

وش هازمن بنات مايعرفون يفوحون بيضة,, همهم المكياج و الهياته و الربع و الواتس أب و التلفزيون ,, شنو هدفكم من الحياة؟؟ بس تبون رجال يصرف عليكم و يعطيكم الفلوس حق الهياتة و المطاعم و التشري و يربي لكم أولادكم و يدرسهم و ينظف لكم البيت ؟؟ من أنتوا ؟؟ وين نسوان أول . تطبخ و تغسل و تنظف و تحب زوجها و تخاف تزعله بكلمة ؟؟ الشره مو عليكم .. على التربية الفاسدة و رجالكم الأ يسكتون لكم
ما قول الأ خيب الله حظكم
تتمسخرون على الرجال بعد ها ؟؟
سروال و فانلة
أبو سروال و فانلة ما بيدخل الجنة الا من وراكم

لين نتزوج ما نبي بنك

البنات يبون رجال يحترمهم ، البنية تبي رجال تجوف فيه صفات ابوها الي يخاف عليها،واخوها الي يساندها ، ماتبي رجال يخونها و يلعب من وراها البنية تبي رجال اذا تكلمت يسمعها ، اذا مرضت يشيلها ، اذا تضايقت يحس فيها مو يروح القهوة ولا الملعب يلعب ، لو عرف الرجال شلون يعامل مرته جان مرته مر بس تتعلم الطبخ ، الا تتعلم تطير عشان يبتسم ، معاملة الرجال هي الي تخلي المرة تحس بالمسؤولية وبهيم طول الليل وطول النهار و اخر اهتماماته مرته ، هذا ما بجوف وجهها و، البنية ماتبي بيزات ، تبي اهتمام والاهتمام ببلاش

صح كلامك

صح كلامك كل هالصفات بهالبنات بس يا ترى الرجال يختلون من هالصفات لي ذكرتها لو لا؟؟؟ وأول دليل وش مقعدنك تقرا تعليق تعليق مو ملتهي لا بالتلفون نفسهم ط..؟؟؟

و رجال الأول وين

يعني الحين بس النسوان الي تغيروا . بيت ما عندنا و لو يشق روحه زوجي ما يقدر يوفر بيت.
انا راتبي أكثر منه و قلت له يبغي اطبخ بقعد في البيت و بخم و بطبخ و بغسل ثياب و الي يبغيه بسويه بس لا يقصر علي، لكن هو يبغي معاشي لأن مثل أكثر البحرينيين شهادتي احسن من حضرة الذويق و راتبي أكثر ما يقدر يستغني عنه.
بتسوي روحك تنتقد اقول صير رجال اول و احمل مسؤلية بيتك و بسك قعدة في القهوة قابل أولادك و زوجتك بعدين حاسب على أي تقصير

عدل كلامك

زين تسوين فيه، أبو سروال وفانيلة.

تعليقش مستفز

محد غصبش عليه!
اكيد كل تعيرينه لمن شرد

إلى 294

لا تخاف ما راح مكان و بدل الطباخ احجز أسفرت الجاية
و الي على رأسه بطحة يتحسسها

مغتره براتبش

اقول لو مو هو جان انتين في بيت ابوش . . ومن خطابه لخطابه تدورين رجل

صادقة والله

صدقتين والله اشوف نسوان كبار عابدين هالتلفونات اني مااقعد على التلفون كثرهم
المبدأ واحد المراة او الرجل ما يتغيرون باي زمن زادت المغريات زاد التحلطم لازم الانسان يكون داخله منصف سواءا رجل او امراة
مو مبدا ان كل ياكلون من برة ومو بعد مبدا ان اذا هي تشتغل يعني يوميا تطبخ وتسوي اليك اذا جذي يعني يا توفر ليها شغالة او تساعدها في امور الحياة او تقعدها بالبيت وتصرف عليها من الالف للياء

الاسباني

الاسباني ابو سروال وفانيله همه بطنه بس

شلاخين وما يعجبكم العجب

نسوان اليوم احسن من نسوان لول من حيث الطبخ وكل شي تعرف تطبخ اكلات شعبية واكلات حديثة العجايز ما يعرفون الا المجبوس والبرياني والصالونة والزوجة اليوم هي الطباخة والمربية والمعلمة والرقاصة بعد وابو سروال وفانيلة هذا هو من العصر الحجري ما تغير بس يطالع ويتشيرط ويتأمر وما يعجبه العجب سليمة صكته0

سليمه

صكتش وياه

فنون

والله آنا اشوف الطبخ هو فن من الفنون حاله حال الرسم والنحت والموسيقى وغيره وله عدة مدارس وحلو الوحده تتفنن في الاكل هذا يعكس ذوقها وفنها . ثانياً الناس حالياً اشوفون الي تطبخ بأنها وحده مالت لول او ستايلها قديم ما ينظرون ان الطبخ فن متطور مع الزمن ويحاولون يبدعون فيه

!

في البداية يجب أن نعلم بإن أمور الطبخ و الكنس و الخ من الأمور المستحبة و ليست الواجبة على الزوجة القيام بها ، و هذا ما أقره الشرع - فالواجب على المرأة عدم التقصير من ناحية ....... ، و يمكنكم التأكد أكثر من طلاب الحوازات الدينية و الأساتذة - لكن ذلك لا يعني التقصير من قبل الزوجة بل لا بد من التعاون و عدم الكسل الذي لا يرضاه الأسلام الحنيف - شخصياً أعتقد بإن من اللازم من الزوجة التعلم من عائلتها لا التعلم عند حضور بيت الزوج لأن ذلك يؤسس بيت السعادة

اوه

مو ملزومين نطبخ الله يخلي المطاعم تارسه الديره

ليش مو ملزومه

الرجال بعد مو ملزوم يصرف عليش . .

حدها شهر

اذا بغيت تفلح.. خذها نصيحة و لا تجامل في الطباخ.. عطها شهر بس من بعد الزواج .. امدح الاكل حلو لو مو حلو .. عقب هالشهر عطها ف الوحه و جوف بعدين شلون بتتهنى

الحمدالله

زوجتي تطبخ مل شيء الحمدالله

إلى زائر رقم 1 !!

ابين عليك كذاب وشكلك عندك عقد نقص اللي يمدح امه ما يبي شي مختلف عن الست الوالده الله يساعد بت الناس عليك وعلى مخك ....

باقي لش الطباخ و تكملين و الكامل الله

مرتي ويش حلاوتها في كل شي الا الطباخ .. اندومي و بيض مقلي ما تعرف تسوي .. صار ليها اسبوع بتسوي تقول بف باستري ، شكلي بنتقل لرحمة الله ولا بضوقه

يا الله

بالنسبه للبحرينيه حرام عليها العتاب مسكينه شغل وكرف وعيال ومدارس وغيره ساعد زوجتك قبل لا تنتقد جوفها شسوى علشان راحتك وانت ما تحاتى إلا بطنك انا شخص أحب الطباخ واطبخ لزوجتي وعيالي كفايه زوجتى شايله بيتى ورجال هالزمان من تمرض زوجته راح دور على غيرها شقال مجبوس انت راع بيتك وعائلتك اول حمد لله والشكر

الظاهر

لايتين اداينك

حنونه

إمس غدانا مچبوس دياي الله يخلي أمي عجيب طباخه .. اذا تزوجت بتعلم غصبن عني

مافي زوجه ما بتطبخ

مافي زوجه ما راح تطبخ اذا رجلها يبيها تطبخ بس المشكله الدلع بعض الاحيان من الزوج مثله مو من الزوجه لان يفضل اكل بره على اكلها ويعايرها ان ما تعرف تطبخ الله يخلي كل زوجه لزوجها وانا متاكد ان مافي زوجه ما بتطبخ اذا طلب زوجها منها وطبعا صبر عليها من بدايه لازم ما راح تذقن الشي انا عن نفسي كنت اطبخ في البدايه لان زوجتي ما تعرف تطبخ علمتها واكو ويش حلاوتها لازم شويه صبر

الرجاء من الوسط

الرجاء من الوسط السؤال عن أحد هذه المواضيع ما رأيك في مستوى التعليم في البحرين مثل مارأيك في جودة البضائع التي تباع في الأسواق مثلا لماذا تخلى الناس عن الزراعة أو قلة المزروعات في كل مكان أيضا أخر سؤال مارأيك في نظافة المطعم اللي في قريتك !!! شيء من هالقبيل إلى الأمام يا الوسط

اخي كاتب المقال و اخي رجل تخيل نفسك مكانه ما كنت سوف تفعل ؟؟؟؟؟

الحمد لله رب العالمين انا اطبخ وزوجي تطبخ تعاون زين ولكن ابوكرشه ما يستغنه عن غذاء امه لنه لذيذ جدا با لذات المجبوس يجبس بيك ويخليك مكانك نايم.
الله يخلي لكم امهاتكم وزوجاتكم
تشجيع من طرف الزوج الى الزوجه يخلي الغذاء يصير احلى من العسل
س/تخيل نفسك في دوام ومديرك يزعجك على عملك يقولك كل شي سويه غلظ
ج/ ردة فعلك هل مدير مايفهم ذبح عمري وهو يقول غلظ
س/تخيل نفسك في دوام مديرك يقولك انت احسن واحد مسوي شغلك
ج/ ردة فعلك ودك تقوم طير من الفرح وراح تحاول تسوي شغلك احسن وافضل من قبل

لا تظلموا النساء

صح لو خليت لخربت في نسوان لحد الحين يطبخون حتى لو هي توها راجعه من الشغل وفي بعض النسوان ما تشتغل ولا تطبخ ونسوان ما يشتغلون شايلين المطبخ على راسهم وكل طبخه يسونها بس كل شي يعتمد على الرجال هو الا يعود زوجته على نمط معين من الحياه وبعدين ينتقدها او يتكلم عليها ماتعرف تطبخ انت اول شجعتها علمتها لو كنت كل تبغيها تقعد وياك ... علموا نسوانكم يدخلون مع عماتهم المطبخ بيتعدون بعدين يطبخون لرجالهم مو تعودونهم على المطاعم والطلعات عقب ما تملون منهم تنتقدونهم.

مقال مستفز

ما شاء الله معظم الرجال ردهم ان الزوجة خايبة! والله يرحم نسوان اول؟ النساء بعد تقدر تقول الله يرحم رجال أول بس هذا شي مو منطقي .. كل زمان فيه فروقاته واختلافاته .. المراة الحين تعمل وتساهم في بناء بيت الزوجية ومصاريف الأولاد .. و الطباخ مو من واجباتها الشرعية انما تقوم به كرامة للزوج اللي على باله ان تطوعها واجب! ما يدري ان شرعا هو واجب عليه كرجل ! احشموا نفسكم و خلكم من الكلام اللي يجيب الفتن و المشاكل !

بحرينية

الحياة الزوجية هي مملكة المرأة التي تكون في قمة جمالها حين تغمرها بابداعاتها
تجهز له الطعام و تقدمه بطريقة مبتكرة ...تنظف و ترتب مع لمساتها الخاصة...
و تستقبله برائحة عطرة للمنزل و لها ...
لمن ترفض الطبخ أو تقوم به بملل
جربي أن تعدي نفسك لحفلة مصغرة كل يوم او 4 أيام في الاسبوع على الأقل
ستجدين المتعة في كل ما تقومين به!

خلهم يفهمون عاد

بس تبي تسافر وتبي ذهب وفستان وورده حمره

ما اطبخ الحين الا قليل

كنت اطبخ بس مافيه تشجيع اسوي بيتزا وروتي ومعجنات قالوا بيتنا لويش تعبين روحش نشتريه اسهل من برا لين نسيت الطبخ

الحتنكور

حبيبتي الغالية أم علي برغم أنها موظفة و أغلب حمل الأولاد عليها حيث تقوم بتدريسهم إلا أنها لاترغب كثيرا في أكل المطاعم وتحب أن تطبخ بنفسها ، بصراحة تكسر خاطري و أتضايق إذا أشوفها متعبة و مرهقة و أحيانا أقول لها لاتطبخين اليوم خاطرنا في غداء من المطعم الفلاني بس عشان أريحها مع أن لايوجد مقارنة بين طبخ يديها و أكل المطاعم ، كل ما أقرأ الردود أحسد نفسي على زوجتي و أشعر بالتقصير نحوها بسبب المشاغل وضيق الوقت ومن منبر الوسط أقول لها أحبك و أعشقك والله لايحرمني منك ياشمعة حياتي يا الغالية .

عن نفسي

ام اولادي ربة بيت من الطراز القديم بالرغم من انها ليست كبيرة و انا اساعدها في اعمال المنزل حتى الطباخ لأني اعرف اطبخ بس لابد من راحه للغالية يومين في السبوع لها اجازة و اشتري من المطعم بالرغم من ان طباخ البيت الذ لكن لابد من الإهتمام بصحة ام الأولاد وراحتها

الحمدلله

زوجتي تعمل الى ساعه 4 عصرا ومع ذلك تطبخ و ما تقصر في كل النواحي عساني ما انحرم منها

الرجال و المرة خلكم طباخين

الحمد لله اعرف اطبخ،و لين طبخت لعائلتي يكون من قلبي و ارادتي
ويش حالة الجهال جوعانين يدورون اللقمة ما يحصلونها،و الا الزوج متلته و محسر يروح يدور شي ياكله عند امه
ناس نعرفهم عايشين على المطاعم و اولادهم كورن فليكس و حليب،.
الوحدة لين صار عندها جهال ما تصلح الخيابة في كل وقت و اكل المطاعم يتحتاجه بس صعب يعتمدون عليه.
الرجال اللي يشارك زوجته في المطبخ و يعرف يسوي لو خفايف واجد عجيب
الحياة تحتاج مشاركة

زمن الاول تحول

لان المرأه قبل ماتطلع تشتغل و ماعندها تلفون او انترنت يشغلها الحين
كل شي تغير سبحان الله واكل من برا يخلي الواحد ثقيل مايشتهي يتحرك
مافي مقارنه بقبل والحين بس المفروض اللي متزوجه ماتهمل زوجها وطلباته
و لااهوا يهملها وماقصد طلبات السوق اللي ماتخلص اقصد نواقص البيت ,اعرف
وحده تطبخ فالشهر مره او مرتين ويوم اللي تطبخ انجاز والمواعين بالاسبوعين مايتغسلون ليش جذي ؟ الحمدلله على كل حال

والله الرجال طايحين حظ

و الله الرجال طايحين حظ ولا يملي عينهم الا التراب ، اللحين الوصخة المقطنة الي خياسها لاول الفريق هي الي قايم حظها ورجلها مدلعنها ومسونها يا دهينة لا تنكتين ، اما الي تكرف كرف الجهد وشايلتنه على چفوف الراحة عسى چفوفة القص لاعب عليها و ملوع چبدها و مطين عيشتها ومارنها مر عساه المر # قلب متروسة

نصيحة

لا ترتبط أبداً بفتاة لا تجيد الطبخ ، حتى لو كنت تحبها .. فالحب لا يصنع الفطور ولا الغدا ولا العشا

لأن الحب اساسا مو اكل

شكلك متخربط بين الحب و الاكل، الاكل شي ياكلونه مثلا تفاحة او برتقالة ، و الحب شعور يحسون فيه .. تزوج وحدة تعرف تطبخ بس وعقبها بجم سنة قول انا ماحسيت بالحب والرومانسية و اضرب عليها زوجة ثانية و بعدين عيش المشاكل .. اساس الزواج المودة وليس الاكل !

الله يسعدكم

استغرب من اللي يتحلطمون ويستكثرون يطبخون وجبة لزوجهم واطفالهم
ترا هذا زوجش ابو اولادش مستكثرة عليه اكل نظيف في البيت من ايدش؟
نشتغل وندرس وعندنا عيال ونربيهم وندرسهم ومافي مساعدة من احد ولا خدامة
بس الله يوفقنا للتنظيم لان من قلبنا نعمل الله يحب احدكم اذا عمل عملا ان يتقنه
فكري في اودلاش عالاقل اطبخي ليهم شي نظيف واكل عدل خلهم يتربون صح

الحمدلله

الوحدة لازم تكون طباخه جان تطلع خوش وحدة؟
الحمد لله كنت أطبخ في بيت أهلي كل شي مجابيس وبرياني وحلويات.. بس يوم دشيت القفص الذهبي على قولتهم الحمد لله معززة مكرمة أكل وامش أيدي في الطوف إذا اشتهيت طبخة الشغالة ماتقصر (طباخة نمبر ون) ولبي على أولادي ما عندي وقت ادش المطبخ إذا كلش كلش ضرب العرق دشيت المطبخ وسويت اللي في خاطري

عادي أطبخ .. تشحن ليي المطبخ اغراض أبدع

غالبا ما يكون عندي الاغراض كاملة من جدي ما أطبخ إلا مقالي وهالأشياء
أولادي يحبون أكلي .. زوجي حتى ما يذوقه! ما يحب إلا طباخه!!
يعني ما ياكله ويقول مو حلو .. بالمرة ما ياكله
وأكره شي لين هو دخل المطبخ .. يعفسه عفاس واني الضحية
وطباخه حتى لو ما عجبني يصر انه حلوو :(

اصلا احسن نسوي دايت

انا اهم شرط عندي يكوم موبطيني ويكون نفسي يقزر باي شي انا مااحب الاكل فماحب اطبخ وايد بس اطبخ اشياء صحية بس من دون دهن وكله طبخات غريبة لازم واحد نفسي يتقبل لان مومستعدة اطبخ مجبوس كله دهن ولا هالسوالف

انا بنت مومتزوجة

لكن بيتنا مافي مجال للتعلم واذا اطبخ خسارة يزيد او محد ياكل لانه عددنا قليل 4 فقط واخوي واحد كله بشغل شفتات والثاني مايحب الا المطاعم لو شسوي مايعجبه وكان يعلق اسخف التعليقات يوم ماقمت اطبخ ومل من المطاعم قام الحين يحن ع راسي سويلي الباشميل الي تسوينه لان محد يسوي نفسه ! حتى امي قبل يعيب ع طبخها الحين مريضة ماتطبخ يتمنى طباخها نصيحتي لكم حقروهم مردهم بيحسون بالنعمة

كلام فاضي

من قال اصلا الحين اغلب الي اعرفهم يطبخون وكل من حط طبخه بانستغرام ولاسناب وحتى الي ماكانو بعرفون تزوجو وصارو شطار بس الي متحجج مابيعجبه الا طبخ امه لان متعود او من اصل مةحاب مرته

اي

المشكلة اذا طبخت لازم أتقول تمام حتى لو القط ما يحبها هههههههه

كل مشكله ليها حل

انا مرتي ماتطبخ اله بطلعت روح وقاعده لاشغل ولامشغله تزوجت وحده ثانيه تطبخ وتغسل وشايلتني ونصيحه للرجال لي مرته عياره خد لك ثانيه وكل وحده تبي تثبت لك انها احسن .. اسال مجرب

العقرب

....

اللحين عليها تدرس و تشتغل و اتسوي اشغال بره البيت من تسوق وتوصيل وما الى ذلك
بس اللي تبي تطبخ و تتفنن ما يوقفها شئ خصوصا لما تسمع كلمات الشكر والثناء على طبخها
واللي ما تبي حتى لو تعرف ما بتقوم اتسوي شئ او اتكون ما تعرف من اساس بسبب الملافاف في المجمعات والمتنزهات و لاهية في متابع المسلسلات وبرامج التواصل
لا و تنتظر يستوي الاكل علشان اتصور و تنشر بس

العقرب

زماننا غير و زمان اول، الاول البنت لا تدرس لا تشتغل بره البيت و لا اتسوق سيارة يعني متفرغة لعمل البيت والطباخ و مع ذلك كانوا بعضهم ما يتقنون الطباخ
يتبع...

بعض الردود غبية ومتخلفة... ابو محمد

اللي تقول ان الرجال ما يستاهلون! من اللي يستاهل؟
الرجال كالحمار يطلع من صباح الله الى العصر أو الليل حتى يلبي طلباتش وطلبات عيالش ويحرم روحه من اشياء واجد وتالي مايستاهل؟
انتي عجل اللي تستاهلين؟
انا زوجتي ماتشتغل وما اقول لها تسوي اي شي في البيت لا من طبخ ولا غسيل ولا تنظيف واخلاقي وياها ممتازة وتعال شوفها وية الجهال كأنها كلبة بس تنابح عليهم ولا ليها خلق وياهم ومن أكلمها تتحلطم.
وطبخها الله يبارك ينبلع بس ما اقول ليها انه يسد الجوع وأحطمها لا! ويوم اللي يصير خاطري في شي اروح انا اطبخه. وااو

اصلا انت متعود

على طبخ امك ولو شتسوي مايعجبكم اجوف لين اكلت من المطعم ماتقول موحلو!

صراحة

تسوون لينا مشاكل في البيوت هالايام، لازم كل يوم نقاش في البيت وكل وحدة تمد بوزها نصين.. ما يعجبهم شي هالنسوان

أكل علشان ما ازعلها

لأنها تحاول تطبخ وطبعا تشتري أغراض الطبخ أغلى من المطعم وفي الأخير الطبخه فاشله وانه أكل :( . أقول لها انه ابي طبخات شعبية مجبوس او عيش ابيض وسمج ومطفي وبرياني ما أبي مال الأنستقرام . لا و تزعل اذا اقول ناقص ملح يعني اي شي ينطبخ لازم اكله واقول حلو ههههههه . والمشكله تقارن بين طبخها وطبخ امي تقول من أحلى وانه اقول نفس الشي بس لا تطبخين تعب عليج هههههههه

بنات اخر زمن

اي والله تنقهر وفوق هذا تشترط عليك تمبي مطبخ وصحون وطاولة طعام وووو واخرتها حتى لغبار من المطبخ ماتنظفه.. لي فالحين فيه بس السوق وكل شهر تبدل ستايلها

الحق ينقال

والله الحق ينقال
زوجتي ماتقصر تطبخ ليي كل شي
صح الاكل ساعات يخترب بس الا ما يغلط ما يتعلم
وطباخها ويش حلاوته

كلن على حسب ظروفه

حسب الظروف شنو مثلا اني متزوجه صار لي سبع سنين بصراحه ما ادخل المطبخ لان ما عندي مكان عايشه في حجره ولا تقولون لييي مطبخ بيت عمش مو الكل مرتاح في بيت عمه وزوجي اذا يبي شي هو يطبخ هو صدق يعور افادي لان ما اطبخ ليه بس ما فايدي حيله وش اسوي كلش كلش اذا رحت بيت ابويييي ساعات اسوي ليه طبخه خفيفه احملها وياييي رجعتي البيت ساعات مو شرط ان تكون الوحده خايبه على حسب الظروف واني اشوف اغلب الرجال يبون وحده فل اوبشن انت بعد وفر ليها البيئه المناسبه عشان هي تعطي افضل ما عندها بعد

بسكم هرار

ترى بنت مو مجبوره تطبخ يكون في علمكم وزوج مايقدر يجبر بنت تطبخ وهاد الاسلام يقول هي من نفسها تسوي شي وعلى سالفه ان خدامه تاخد بيزات و زوجه لا من قال ليكم ! ترى بنت من حقها مصروف شهري كل شهر يعطيها بيزات يمكن رجالكم بخيلين و هاد عالم مافي كل لرجال مثل شي وله كل بنات مثل شي وحمدلله على كل شي و ..يتبع

بسكم هرار 2

على سالفه شي ادا بتاخد وحده تدلعها و تسون شغل بيت وي بعض يعني هي بتساعد وياك وأي شي تبي بسوي ليك لأنك هي بتحس انك مو ماخدنها عشان بطونكم مو غلط رجال يشتغل في بيت لان الحين أكثريتهم يشتغلون بنات يعني مافي وقت تطبخ و احمدو ربكم على كل شي ( نهايه )

انا غيرني زوجي

مدلله بيت اهلي وبنت عز ولكني من تزوجت كنت اطبخ كل الطبخات والكل يمدح بطبخي وزوجي طراز قديم تبع الهريس والمجابيس اما اكل الباستا والبشاميل ووووالحلويات والايسكريمات ما يحبه وانا كنت احب الطبخ واتفنن فيه واتوسله انه يذوق الطبخه ولكنه حتى المجامله ما احصلها منه واذا راح للغرب وحطوا له اكله ياكلها مثل الملهوف مجامله ليهم وانا اطالعه بقمة تعجبي لاني اعرف انه ما يحب هالاكله
لما كنت طباخه وست بيت ما غمري سمعت منه كلمه حلوة او تقدير
ولما اشتغلت صرت بعينه امراة حق الفلوس

الله يصبرني

بأكمل 5سنوات ويها وما اكلت من طباخاها

نسون هالزمن

سؤال للجميع ...
لماذا لما نذكر الماضي نقول زمن الطيبين لماذا ذكريات الماضي افضل من الحاضر ؟؟؟
الزمن لم يتغير ؟؟
هل النفوس تغيرت !!

ترى النسوان اللي تتكلمون عنهم

مو كل اللي ما يطبخون مرتزين في البيت طول اليوم احنا نشتغل وبعضنا دوامه من صبح لليل وين اتعلم اطبخ و اني كل يومي في الشغل تيسروا اقول.. تبونها تشتغل وتساعدكم و تبونها تكرف ليكم تخدم في البيت و فوق شينكم قواة عينكم!! تعالي ما عجبني اللي طبختينه.. انقلع اهو..

انا

انا قررت اتزوج عليها لئنها ملتوف تطبخ

الراهب

رحمة الله على والدتي، اذ اني اعتبرها أسطورة من الأساطير في اهتمامها بالبيت، ولا أتذكر في يوم من الأيام انها نست اعداد وجبة من الوجبات الثلاث(الافطار والغداء والعشاء، الا في فترة مرضها التي توفيت فيها..

ام صابر

اطبخ اليه طايح الحظ ويروح ياكل مع ربعه .. ولا رحمة ولدين ولا الطبخه كشخه ولا كلمه حلوه ... جفاف عائلي

جدتي

جدتي الله يرحمة في شهر رمضان يجون بيت جدي ضيوف وتسوي حلاوه وكيك ووووو يستغربون من اللي تسويه جدتي عله كبر سنه ... كانت شمعة بيت جدي .. الله يرحمهااااا

حق كل الرجال

ما بنطبخ وبنطلب من المطاعم وبنصور وبنعلكم ونرفع ضغطكم مثل ما انتون رافعين ضغطنا هههههههاااااييي

الراهب

الحمدلله زوجتي تعرف كل الطبخات، وتقوم بكل اعمال البيت، ولكني لشغفي بالطبخ قمت بتعلم فن الطبخ من قناة "فتافيت " وعرفت كل الطبخات(الخليجية والآسيوية والمكسيكية ووو، ومن خلال تجربتي علمت ان من الطبخ من اسهل الأمور وأقوم بالطبخ في البيت عندما تكون زوجتي مشغولة بأمور أخرى تخص البيت
ونصيحتي للكل بعدم التعود على أكل المطاعم فهي لها مضار كثيرة من الناحية الصحية وحتى الدينية، وعلى المرأة ان تعلم جيدا انها ان لم تهتم بأمور الطبخ والوجبات الثلاث فإنها تجون على شفا حفرة من الطلاق!

للاسف

هم من قبل كسل وبس فالحين بالطلبات الخيالية
اقل شي طبخ ما تسوي وعقب عندها مليون طلبات! سوي شي وعقب طلبي
والحين بعد زادو عقب ما عرفو ان الطبخ واجب مو شرعي

زوجتي

تحب المطبخ اكثر من غرفة النوم ... الله يخليها اكلها كشخه ... واذا طبخه ما نجحت عندها اجامله ... انا امشي عله قاعده .. حاول واذا فشلت فلك شرف المحاوله

الزمن يتغير

سابقا النساء مكانهن المنزل للتربية والقيام بامور البيت حاليا الزمن يتطلب امرأة عاملة لتساعد زوجها بالمعيشة والصرف على المنزل وفوق ذلك تربية الاطفال وبزمننا الكثير حينما يتقدم للخطبة يبحث عن امراة عامله قبل كل شي ف بالعقل المرأة ليست آلة متعددة المهام استغرب من بعض الرجال الذين يريدون كل شيء من المرأة في حين انه لايستطيع توفير اقل احتياجات زوجته ليقوم ساخرا بين الناس لنشر عيوبها

ليس الطبخ فقط

نساء 85 فما فوق لا تقدر الحياة الزوجية .. ليس لديه ادراك كافي في شئون البيت والادارة ... سلامي الي زمن الطيبين

الدينا اول

رحم الله زمان مطبخ امهاتنا 2*3 متر والماي والعيش مو (منقه) وتقعد من الصبح علشان تنقي العيش وتروح تغسل العيش ويا الملابس في الزرايع وفودر تايد الأول بعد احسن من الحين وعشنا احسن عيشه ... والحين طايحين الحظ الغاز والماي والفودر والصابون والغسالة بو 3 ساعات و عيش مصفى وماي حلو حق الشرب ما قصر ابو حسنين ومطبخ مغسلة صوب الفرن وهم خدامة تخدمها ... ولا وملفع وستلايت فوق راسها جنها غترة ابويي مال اول أيام ما كان شعره مايكي الجكسن ههه

ما اقول اللي مالت

بعض الرجال يبون المره تطبخ وتنفخ وبعدين ما تنوس تقعد ترتاح الا طلعت هي رحتها طباخ وريحه البيت طباخ اذا شبع بطنه الخايس.يبونها هيفاء لابسه ومتكشخه وطول اليوم في المطبخ..

الحمدلله اعرف اطبخ ع قدي هههه

بصراحة الطبخ شيء ممتع وخصوصا اذا لج رغبة فيه او خاطرج تتعلمينه وتبدعين حق زوجج ،، الحمدلله من اول ما تزوج قمت اطبخ والحمدلله زوجي عجبه طباخي وحتى قام يقول اشلون يقولون ما تعرفين تطبخين هههه،، هو بالنهاية رغبة لا اكثر ولا اقل..

حرام

الحرمه من الصبح لليل في المطبخ مهما كانت الظروف وخصوصا مع شهر 8 والجو الحار وحراره الفرن وبعد في رمضان وهي صايمه تطبخ ...تدرون ليش يامعشر الرجال حتى انت ترتاح يارجال وتلقي اللقمه الطيبه النظيفه تاكلها ...وفوق هذه كله ما تلقى رحمه من اقرب الاقرباء وهو الزوج..وألله حرام

المفروض افتح لها مطعم

ام حسن شيخة البنات استاذة وفنانة طبخ وتواكب اي جديد وتمتلك موسوعة ع الكمبيوتر لشتى انواع الطبخات ام الحلويات فيطول المقام عند ذكرها !! تسلم أيدها الغالية

انا اعمل واحب الطبخ

انا ارجع من الشغل الساعة 4 ونصف او خمس المغرب وسيدة ادخل المطبخ اطبخ حق غداهم لليوم الثاني واسوي العشا انا ست بيت ممتازة الله ايخليني لهم وايخليهم لي يارب. بالاضافة ان ماعندي خدامة يعني كرف في البيت وبرع البيت انا خوش زوجه والله ان شاء الله احصل حق عيالي زوجه مثلي. ادري امدح روحي لان مافي احد يمدحني من حظي الحلو والحمدلله

رحم الله ايام قبل

هذا الزمن كل البنات عيايره ما يبون يطبخون وكلشي ما يقدرون يسوونه وعلى ايام الاجداد هم الى يطبخون ويسوون كل شي في البيت حتى لو عندهم أحفاد يشقون طول عمرهم ولا يقولون تعبنا من هالدنية .. اما الحين تطبخ طبخه وحده ومو حلوه وتقول تعبت خلاص ما بطبخ #عيايره

لو الموت ما اطبخ

مو مكتوب فالعقد لازم اطبخ له خيولي

غباء

مريضة انتين

موتي

من جودش

لكل زمن

الزمن تغير والرجال لازم يراعي ظروف زوجته الموظفة. يعني لو يبيها تطبخ وتكرف نفس زمن جدي. خل يقعدها في البيت ومابتقصر. لكن تكرف في الدوام وبعد في البيت. حرام. خصوصا مع علمنا ان القليل من الرجال يساعد زوجته في شغل البيت.

احب الطبخ جدا لكن ماجربته

صراحة نسوان عايلتنا كلهم مشهورين بالطبخ اللذيذ جدا ومعروفين نفسهم حلو بالطبخ والحمدلله اكل المطاعم صوبهم ولا شي ولا يناكل اصلا
لكن للاسف ما علمونا احنا البنات الطبخ من باب ركزوا على الدراسة وخلكم بعيد عن شغل البيت
والحين ماعرف اسوي عيش ابيض
اعرف بيض وجاي حليب واقلي سمبوسة
لكن الي يبي الصلاة ماتفوته الطبخات على الانترنت ونقدر نتعلم منها

نفس الكلام بقوله

صج مادخل اتعلم و اطبخ لكن اللي يبي الصلاه ماتفوته , بتعلم من امي و من النت
و ان شاء الله الزوج يقدر هالشي المرا تشتغل و ترجع البيت تطبخ و تربي الاطفال
الله يوفق الجميع و يعرس الجميع هههههه

نسوان هالزمن

ما يبون يسوون شي من الخيابة وكلا يفكرون أنه للزوج ، زين طبخي ليش ولأولادكم حتى يحبونكم مو كلا مطاعم من هالأجانب ما تدرون هوه مسلم أو لا وطاهر لو على جنابة وشنو هاللحم ، نظافة المطاعم كلش سيئة وأغلب الأكل ترى فيه أشكال شرعي يعني بانيان مسونه وهالشي يخلي الأولاد في المستقبل يبتعدون عن الدين والأسلام ، زمن أول عشنا على خبز وشاي بس قلوب أول نظيفة وأيمانهم قوي أما هالزمن كلا أكل فيه أشكال شرعي والشباب والبنات بسرعة يكبرون بس للأسف أغلبهم لا دين ولا قيم ولا أخلاق ولا أيمان ، والقادم من السنين أعظم.

بلوة

والله عيب عليكم تقولون هالحجي وتعممون الغلط شنو لا عيب ولا قيم
بنشوف باجر شلون بتربي بناتك ومن عاب استعاب واذكر كلماتي البسيطة
انت ما عليك من غيرك ربي عدل ولا تقعد تذم وتعيب على خلق الله شنو لا دين ولا قيم ولا ماادري شنو وين قاعدين
لا حول ولا قوة الا بالله صدق ناس بايعينها لهدرجة العقد فيهم

من قال كلامكم غير صحيح

ترى اللي ربى اللي ماتعرف تسوي البيض هي ام المجبوس نفسها ليش ما علمت بتها الطبخ !!!
واصلا بنات الحين من طلع الانستغرام ما اشوفهم الا طايحين طبخات وتعديل وتفنن
السلطات والشوربات والصواني اشكال وانواع
لدرجة ان طبخهم ينباع والكل يشتريه

كنت ما اعرف اسوي بيض الى صرت اسوي برياني ومجابيس ويطلبون طبخي

من كنت صغيرة ما اعرف اطبخ لدرجة حتى المقليات ما اعرف اقليهم وكبرت وتزوجت وزوجي شجعني ان اتعلم وحببني في الطبخ وبديت بحرق طبخة الى طبخة فاشلة الى طبخة ناقصة ملح الين ما جدت كل الطبخات التقليدية والعالمية والحمدالله من مجابيس الى برياني الى مندي الى مجبوس هامور صالونة صافي روبيان تجحت العيش لدرجة امي انصدمت اشلون صار طباخي روعه ولذيذ مع العلم عندي اطفال واشتغل بس ما يمنعني من اطبخ لزوجي وعيالي واحس بمتعة لما اطبخ. ( مو مقياس وحدة تقول انا اشتغل وما عندي وقت في وقت دام تنظمينة). :)

تنظيم الوقت يتطلب مساعدة من الطرف الآخر

اذا الوحدة منا صايرة الأم ورجال البيت في نفس الوقت ،والمشاوير و شراء اغراض المنزل و ثياب الأطفال و التدريس و التنظيف غير عن انها تشتغل و ماعندها شغالة
تتوقعين بيصير في وقت عشان تنظمينه؟؟
حمدي ربك انه وضعك يعينك على التنظيم ،لأن في الكثير من النساء العاملات وصلو لمرحلة الاحباط و الاكتئاب من كثرة الضغوط ،ماعندها وقت لنفسها بتاتا

اني اذا اسوي دايت لا اطبخ ولاشي

اذا اكل اياهم اطبخ اسوي دايت مستحيل اطبخ اتعب روحي ياكلون المجابيس والصوالين واني اطالع جان يغمى عليي واشوى متفهم الوضع كسكبالو (اسم الدلع) لزوجي

127

مشكلة الي يتحلطمون على زوجاتهم!! ياريت تتحلطمون على امهاتكم من قبل وجان عندكم خوات بالبيت مو متزوجات..عز الله بنات العشرينات الحين من كانو صغار والخدامه بالبيت والام ماتخلي البنت تدخل المطبخ ولين جت بتطبخ تخاف على مطبخها يتوسخ على قولتها وتصير حرب البسوس!!
الامهات هم الي دلعو بناتهم وهذي النتيجه عكس الي معلمه بنتها من وهي صغيره تطبخ وتساعدها بشغل البيت تتزوج وهي ماخذه ع الوضع وتعرف تطبخ ومنظمه حياتها..والله دلعوا بناتكم وهذي النتيجه وبعدين لا واحد يجي يتحلطم هذا الي جبتونه لروحكم

بحرانيه

اليوم الي يبي يتزوج مايبي مره يبي وحده تطبخ وتشتغل اتجيب افلوس ودايم مرتبه وجميله وحنونه وخدامه ليه واهله وتلبي طلباته في الفراش...وتخم وتغسل وبعد لو زين ايبين في اعيونهم من تتكلم ليهم بواجبات الزوجه الشرعيه قا ليها الشرع حلل اربع بتزوج اربع يستخدم التهديد وبعضهم راح اطلقش لو زين عندنا قانون احكام الاسره الي يحمينا اشوي من ضلم الازواج

لاتبررين

في الزين والشين كوني منطقية في كلامش لنه في رجال زينين وفي مو زينين مو كل هم جدي وترى القصد حتى البنات في زينين وفي لا

ملاك الروح

لاتحتسبي الاجر والكلام المثاب من الزوج سوي شغل البيت واحتسبيه اجر من الله

الحمد لله

زوجتي طباخه مو مقصره وياي وكل شي يجي من يده حلووو ... ومعاي في العمل بنت متزوجه وفرحانه أنها أول مرة تطبخ لزوجها وعيالها وفي الأخير تطلع الطبخه أندومي!!!!!

مال اول اللي يطبخون

اشتغل وادرس ولا اندفن في المطبخ

الله ياخذ الحق من كانو السبب

خله يصير عندي مطبخ علشان اطبخ ....
بس طمع أخو زوجي و زوجته حتى المطبخ اخذوه وغير وغير. مطبخهم كبر الحجر وما يشبعون
حسبي الله ونعم الوكيل فيهم

تبون الصدق والصراحة

تبون الصدق والصراحة
من فضلك يارجل ان كنت رجللا ان تتعلم بعض الطبخات لكي تساند زوجتك او أمك أو أختك وايضا تتعلم ترتيب وتنظيف ومهامت المنزل بس للأسف تهرب كالطفل على الى متى بتصير رجال ؟؟هل ينفعكم الغرور يا أطفال صراحة المفترض رب السماء لم يخلقكم أصلا ..نعم توجد رجال الان يقومون بالتعاون والمساعدة والنعم فيهم بارك الله فيكم كم أنتم عرفتم معنى الحياة الزوجية المثمرة

اي والله راحت نسوان زمان

راحت النسوان اللي من تدخل البيت تشم ريحة الصافي المشوي والصالونه والمجبوس والهريس والمضروبه وغيرها من طبخات وجتنا نسوان ما يعرفون غير الباستا والمعكرونه والوجبات اللي تجيب الامراض ودهون الله يرحم ايام زمان

الممرض

انا زوجتي ماتعرف تطبخ مجابيس وصوالين
تسوي ليي عشيات ع قدهاا...نشتري من برى واجد
بس يوم الا تطبخ ابوس ايدها ...تطير من الوناسه

(:

الحمدلله اعرف اطبخ معظم الاطباق العالمية و بشهادة الجميع ان طبخي لذيذ

أحب أكل زوجتي.... بو ساره

أحب طباخ زوجي واي شي تسويه بيدها ليه مذاق خاص وحتى كأس الماء من ايدها له طعم مختلف ودائما اوجهه لها الشكر على طباخها وامدحه حتى لو ما عجبني لأن في النهاية هي بذلت هالمجهود عشان ترضيني ..لكن ولا مرة طلبت منها تطبخ او حاولت اجبرها ان تسوي اكلة معينة دائما اقول ليها اذا بتطبخين اوكي ما تقدرين عادي لا تتعبين روحش لأن هالشي اصلا مو مطلوب من الزوجة ..
عن نفسي انا طباخ ماهر جدا اعرف اسوي بيض مقلي فقط (:

والله ارجال هالزمن ما يستاهلون

الوحدة تذبح عمرها وتقضي حياتها الزوجية في المطبخ وشغل البيت وتربية لعيال وتدريسهم وبعدين اجيها سي السيد ويصارخ ويخنفس في وجهها ويبلع اكله ولا يفتر يقول لها كلمة عدلة ترى الكلام الطيب صدقة فما بالكم حق اقرب الناس لك يالزوج ياللي تعتبر نفسك فاهم ومتحضر .بصراحة اني وحدة هلكت واني اكرف في البيت واطبخ وانفخ وما احصل منه الا المزاج المتعكر والنفس الخايسة ،بصراحة الحين كرهت كل شي وصرت ما اطبخ الا الغذا وبقية الوجبات ما اطبخ لاني صادتني ردت فعل منه ومن اخلاقه السيئة معاي .

زوجتي لم تتجاوز 20 من العمر

الله يخلي زوجتي ويحفظها لي يارب ما شاء الله عليها تعلمت من امي الله يرحمها الطباخ وكل طبخه تعرف تطبخها زوجتي الغاليه والله انها كفو وبنت ناس واخلاق مع العلم بان زوجتي لم تتجاوز ال20 من العمر

ملاك الروح

انا كنت اطبخ من عمري 10 سنوات عيشه اليتم تعلم الانسان كل شي
انا كنت اشوف اختي شلون تطبخ واروح اسوي روحي اخلط وياها وتعلمت
والله ناس متزوجه وللحين تخاف حتى تولع عود تبريج

زوجتي لم تتجاوز 20 من العمر

الله يخلي زوجتي ويحفظها لي يارب ما شاء الله عليها تعلمت من امي الله يرحمها الطباخ وكل طبخه تعرف تطبخها زوجتي الغاليه والله انها كفو وبنت ناس واخلاق مع العلم بان زوجتي لم تتجاوز ال20 من العمر

الاسد

اعتقد ان البنت اللي ما تعرف تطبخ .. ما منها فايده .. من وجهة نظري .. لو كانت .. مجرد لو .. تساعد والدتها بالمطبخ كانت بتعرف . بس اذا ما فيها خير بوالدتها اكيد ما بكون فيها خير لزوجها

فكر شوي

يمكن امها توفت قبل ما تكبر

الاسد

رد على 176.. انا ما اقصد اذا والدتها متوفيه او ساكنه ببيت غير نتيجة اي سبب . اللي قصدته ان البنت يفترض تساعد امها في شغل البيت وبالمره تتعلم .. بس اذا البنت تاركه التعب على امها ونايمه للظهر ولا تساعد بأي شي .. اكيد ما بتنفع الزوج بأي شي لأنها اساسا ما نفعت امها

زائرة

اني للحين في بيت ابوي واسوي كلشي ريوق وغدا وعشا وحلو ومالح وحتى اكلات شعبية بس وقت الأ ابغي لاني مو ملزومة بأحد وفي المستقبل لين جا بنشوف الوضع يستاهل لو لا

مو ملزومين نطبخ

كيفنا ما بنطبخ مو معرسين نترس دبته هو ملزوم بتوفير الوجبة لأهل بيته فيعني هو المحاسب قدام الله على الاكل
وبنات هالأيام منو ربّاهم؟ اذا اهلها ما علموها من أول لا تالي يلمونها لين ما عرفت تسوي شي اذا كبرت
وبسكم انتقادات وتشيمو وطبخو انتون بنشوف

والله ارجال هالزمن ما يستاهلون

الوحدة تذبح عمرها وتقضي حياتها الزوجية في المطبخ وشغل البيت وتربية لعيال وتدريسهم وبعدين اجيها سي السيد ويصارخ ويخنفس في وجهها ويبلع اكله ولا يفتر يقول لها كلمة عدلة ترى الكلام الطيب صدقة فما بالكم حق اقرب الناس لك يالزوج ياللي تعتبر نفسك فاهم ومتحضر .بصراحة اني وحدة هلكت واني اكرف في البيت واطبخ وانفخ وما احصل منه الا المزاج المتعكر والنفس الخايسة ،بصراحة الحين كرهت كل شي وصرت ما اطبخ الا الغذا وبقية الوجبات ما اطبخ لاني صادتني ردت فعل منه ومن اخلاقه السيئة معاي .

!!!

احذر تنتقد طباخ زوجتك حزتها تشعر بالنقص ، ولازم تمدح الطبخة حتى لو ما عجبتك ، هذا الحاصل وياي في البيت

طبخ البيت احلى

الحمدلله قبل مااتزوج كنت اطبخ اشياء بسيطة وعقب الزواج بروحي تعلمت واسال امي وصديقتي وابحث بالنت عن الطبخ والحمدلله طباخي لذيذ بشهادة الجميع والله يخلي بو العيال يمدح طبخي بس مايساعدني بتنظيف المواعين عالاقل ههههه
وطبخ البيت الذ من المطاعم احاول اجهز الطبخة من الليل واكملها رجعتي من الدوام واحيانا استعين بالمطاعم اذا ظروفي ماتسمح

انتقدها

انتقدها بس كلام مو تجرحها انتون تنتقدون وتجرحون مشاعرها حتى لو بتطبخ مره ثانية تتندم

حبيبتي طباخي

الناس اليوم عندهم فوبيا المستقبل .الحياه تغيرت والاكل تغير .اليوم احنا تطبخ مع بعض كل الاكلات الصحيه ولا في أي مشكله لكن المشكله لين حطيت رجل على رجل وتتوقع كل شي يوصلك رسم الخدمه مسوي روحك ملك ..

العدل

الحمد لله على النعمة انا وأعوذ بالله من كلمة انا اعرف اطبخ علمتني الوالدة الله يحفظها الطبخ و تزوجت امراه والحمد لله تعرق قليل من الطبخ فتعلمت وصارت شاطره من الطبيعي ان المرآه فبل الزواج عزيزه في بيتها بعد الزواج على الزوج ان يشجعها كي تصبح سيدة البيت وحنان البيت لا تخلو الطبخات من أخطاء لكن بالتشجيع الزوج تصبح ماهره فانا دائما لا الزمها بطبخ أي شيء تعمله زين الحمد لله من ايدها الكريمة كما عودتني امي الحنون العطوف الله يخليهم لي وكذا لك عمتي الحنون

...

متفهم ما شاء الله....

الله كريم

احنا في هذه الدنيا نقضي المدة المقرر لنا بس لان الوضع صاير لا يحتمل الرجل مثل الواجهة الاجتماعية في المنزل مجرد نفسه من كل المسؤوليات بحجة انه يعمل الان المراة تعمل وتصرف وتتطبخ وفي النهاية يقول يبي وحدة تتفرغ ليه فاقد الشي لا يعطيه

لازم انجد ع روحنا وكل شي بنعرف

صراحة بداية زواجي لثلاث اربع سنوات ماكنت اطبخ ولااعرف اسوي شي حت بيض مقلي زوجي يسووويه لكن جديت ع روحي وقلت لازم اتعلم الطباخ ..وقعدت كل اسأل شلون انسوي ابمجبوس الصالونة والمندي وووو والحين اللهم صل ع محمد صار طباخي الكل يشهد له الحمد لله عندنا نعم كثيره واليوم محتاره ويش اسوي الغدا امس صالونة لحم اليوم اكثر الظن باسوي سمك صافي مقلي وعلينا بالعافيةةةةة مقدماً

والنعم في نسوانا

الله يخلي زوجتي طباخه ماهره بشهادة الكل وتعرف كل انواع الطبخات
تعرف تطبخ اندومي بالدجاج
اندومي بالخضار
اندومي بالصلصه الفرنسيه
اندومي بصويا الدجاج
ويوم العيد تطبخ احلى طبخه تسوي لينا بلاليط

من الصبح

بعض التعاليق ذبحتني من الوريد إلى الوريد
انا اقول بعض الرجال ما يملي عينهم غير التراب
لايحمد ولايشكر

نسوان الحين

نسوان الحين البعض منهم. اذا تقول لها ويش الغذاء تقول انا مو مسؤوليتي الطباخ اطبخ انت مع العلم ان طباخ الرجل احلي والذ من طباخ النسوان.. واذا تقول لها تعالي نطلع السوق تلبس دفتها .... تقول اسرع من سيارة فراري ، اخر زمن

بنات اخر زمن

بنات فاضين للهيامة والمجمعات والمقاهي وناسين بيوتهم

اسكت اسكت

من يرى الناس بعين طبعه

ام حسن

اسباب عزوف البنات عن الطبخ هي الاتكاليه على الام فى كل شي والحمد لله علمت بناتي انهم يعتمدون على انفسهم ويساعدوني فى كل شي من طبخ وتنظيف وطبعا فى النهايه هم اللي بيستفيدون اذا تزوجو

رجال هالزمن

ييون للمراة تشتغل وتصرف عليه وفوق هذا تطبخ
اللي يبي مراة تطبخ خل يكون شرطه انها ماتشتغل وتصرف على البيت ديك الحزة بيصير عندها مجال للطبخ .. رجال هالزمن يبون كلشي من المراة وهم رجول على رجول يبونها جامعية وتشتغل ونهاية الشهر يستلم معاشها وبعدين يقول مقصرة .. انت وين دورك؟ لو همك بطنك

الاسد

ما زلت مستغرب .. شلون الرجال ياخذ فلس من زوجته .. شنو هالوجه هذا اللي ما يخجل من نفسه .. والله عيب .. بدل ما يصرف عليها ويساعدها يروح ياخذ منها

اتفق وياج

اذا ارجع البيت معاه في نفس التوقيت وعندي ساعة فقط ابدل و اتغدى عشان اطلع مرة ثانية اوصل الاولأد معاهدهم وما ارجع الا بعد الأذان.
اصلي وابدأ مراجعة و تنظيف و غسال ثياب و كرف هذا غير عن الاشغال الي نجيبهم معانا للبيت نكملهم !!!
متى اطبخ خبروني ؟؟؟؟نص الليل؟؟ مع العلم شغالة ماعندي يعني الانسان طاقة والرحمة زينه ؟
نطلع من البيت 6 و نرجع فوق الثلاث و راحة العصر معدومة ومشاوير توصيل الأولاد أي جسم هذا الي يستحمل؟؟؟
العتب على الي قاعدة في البيت مو العاملة؟

رجال هالزمن

ييون للمراة تشتغل وتصرف عليه وفوق هذا تطبخ
اللي يبي مراة تطبخ خل يكون شرطه انها ماتشتغل وتصرف على البيت ديك الحزة بيصير عندها مجال للطبخ .. رجال هالزمن يبون كلشي من المراة وهم رجول على رجول يبونها جامعية وتشتغل ونهاية الشهر يستلم معاشها وبعدين يقول مقصرة .. انت وين دورك؟ لو همك بطنك

الحمدلله

اني عن نفسي الصراحه من نهاية الجيل القديم وبداية الجيل الجديد اخذني زوجي واني مااعرف اطبخ وعلشان عيونه تعلمت اغلب الطبخات والحين هو مايحب ياكل الا من ايدي ولو اقدر افرش ليه كل يوم ورد ماقصرت يستاهل ابو عيالي مافي مثله

دافعوا عن انفسكم نسوان

ياالله نسوان دافعوا عن انفسكم صراحة مو عدله يعرفون اسون اندومي ههههه

وش هالهريج

تزوجت وما اعرف اطبخ شي. مع الايام تعلمت وحبيت المطبخ وخلوا عنكم سالفة الرجال همه بطنه وهالخرابيط. يكد ويشقى وتستكثرون عليه راحة بطنه. يالجاحدين

الحين

الحين بيجون لش عشر وحدات يقولون لش اصلاً انتين مو وحده انتين رجال وجداب ومو متزوج اصلا ويمكن يسبونش بعد

يالجاحدين؟!

يبين من اسلوب الكتابة انك صبي ههههه

بالضبط ...

صج جاحدين ... نفسي ما كنت أعرف أطبخ ولا شيء تعلمت بعد الزواج ومرة تصيب ومرة تخيب بس الحمدلله الحياة ماشية ... ويستاهل الزوج والاولاد الواحد يتعب عشانهم ... الله يهدي الجميع

صح كلامش

عدل كلامش يتعب ويشقى يستاهل والحد لله لي عندي يستاهل ونص بعد ما يقصر بس لين تجيش وحدة تدفن روحها عشان رجلها يعني شغل بره وشغل بالبيت وغير الجهال وهو ما يحط ايده بشي هي بتصبر بتصبر بالاخير بتتعب وبتنفجر عليهم تذ ما شافت حمدا ولا شكورا وهالنسوان لي يصيرون خدم ينسون ان الرجال يبغيش مكينة بتاع كلو فمرده اذ هملتين نفسش وهملتينه عاطفيآ من التعب ما بيبين بعيونه ولا شئ ... الرجال لارم يتعود بكل شي الوسط مو تدليل عالاخر ما بيعجبه ولا انتين بيعجبش بالاخير

طباخه وافتخر

انا طباخه درجه اولي ولله الحمد..زوجي كلاسيكي في الكل ..مال مجبوس وغيره واولادي جنهم امريكان وهم طبخات على الكيف ..ابل باي وبوتيتو جاكيت وغيرها.بس التقدير والاحترام عاد حيب النفسيه هههه الله كريم

عدل لو مو عدل ..

نطبخ ريوق .. عذاء .. عشاء ... مو لشي . بس لاني ما احب اكل المطاعم الا ما يراعون لا نظافه ولا دسم .. وهمهم بس الفلوس .. واولادي الحمدلله صاروا ما يشتهون الا طبخي .. صرت انظم لهم الوجبات في دفتر وكل طبخه اجيب اغراضها .. اعرف ناس فقر مطابخهم على 3000دينار وياخذون قروض هي وزوجها .. وحتى درام الغاز من خمسين سنه ولا تبدل .. يادافع البلا والبلوه ..

ام صلوح

والله وش اقول ليكم ... صدق ناس واجد تعتمد ع المطاعم ..
بالنسبة ليي اطبخ كل الوجبات .. بس اذا تعبانة او ظرف اشتري من برى ...لكن اكثر شي شغل البيت

لكل زمان دولة ورجال.. ونساء

بالنسبة لي كرجل، لا يهمني ان كانت تعرف تطبح لو لا.. اتمنى اني اتزوج من امرأة هادئة وما يناسبني دوشة ف البيت وطباخ وعوار راس.. بطبيعتي آكل اي شي موجود قدامي وقزَرت حياتي على دجاج مفيوح وبيض مفيوح، على الاقل جسمي ما يخترب من المجابيس

كلام انشاء

كلام انشاء ... وغير واقعي ... ومثالي

انت تستاهل

يتزوجونك بدون مهر

مايسوى رجال هالزمن ينخدم

والله مايسوى تكلف الزوجه شي على رجال هالزمن ،،لوهوه ملتزم ببيتهة جان ،للاسف انسان مايدري الروتي من وين يجيبونه ، بعد يتفلسف على الطباخ ،خل يولي ، اني اعرف اطبخ واحسن طباخه بعد بس ويش استفدت عبده بس ، بصراحه كرهت الطباخ والتفنن فيه لان احس مافي شي يستاهل ، اشيل انسان ما يشيلني ولا يفتكر بي

صدقتي خيه في هالكلمة

اعرف بيوت همه بس يوصل له الأكل اول باول مايدري من وين جايبه الغذاه ولا عشاه مسكينه حتة لو هي مريضة سوي لي عشا يوي لي ريوق جوعان حتى كلمه رحمة والدين ما يقول ليها مصفع على الأكل وبعد مصافيع على الكلام بي يعرف يناديها وقت ما يبي حاجته منها يقضيها وفوق هذا جيبي عيال على بعض على بعض وفوق هذا ما يجودهم عنها مرضوا وعاشوا الجهال في حلقها وجبدها وهو أبد مايدري عنهم الرجاااال انانيين

الله يرجعش من العراق بالسلامه يامامي

زوجتي ولله الحمد والمنه طباخه بمعنى الكلمه والله لايغير علينا و99% من الي يشتغلون ينطبق عليهم عنوان الاستفتاء الزوج يبغونه يبدل حفاظاتهم بعد

كل زمن وناسه

ايام المچبوس كانت المرة يزوجونها بعمر تسع سنوات.
هالزمن تصك الثلاثين وهي من شهادة لشهادة ومن جامعه الى جامعه زوجوهم عشان يتعلمون الطباخ

نظرة الشرع

الشرع لم يفرض على المرأة العمل داخل المنزل بينما الرحل يعطي لنفسه كل الحق ليفرض عليها ويستهزئ بمشاعرها ما هذا أسلوب التحضر الإسلامي والا أخلاقي. .الإسلام احترم المرأة والرجل يعود إلى ماقبل الجاهلية ..

اقروا عدل

ما قلنا واجب .. چوفي مكتوب فوق .. بغض النظر عن الشرع ... هي ما تحتاج تاكل ؟! اكلها كل من المطعم .. لا اله الا الله .. كم سنه بتاكل من المطعم خمسين لو ستين سنه ..!!!

لو ملتطبخ استنادا للشرع

بكون دورت وحدة ثانية وتزوجتها استنادا للشرع
عشان تطبخ لي

نظرة الشرع

الشرع لم يفرض على المرأة العمل داخل المنزل بينما الرحل يعطي لنفسه كل الحق لفرض عليها ويستهزئ بمساعرها

و

من بلد عاش لملايين السنين للاعتماد غلي أهله الي بلد عايش علي كل شيئ مستورد. و بعد يوفشرون !!

الاسد

الحمد لله زوجتي ماهره في الطبخ .. ومع ذلك ما اخليها تطبخ .. انا اطبخ عنها وتساعدني اوقات .. اهم شي راحتها .. فديتها .. اموووووت فيها

لبؤه

كثر الله امثالك

الاسد ياخوك

ياخوفتي انها فارضه عليك الطبخ ولاعنه حبايبك

الله يخلي سعيد لسعيدة

شحوال بعد روميو انتظر بعد 5 سنوات بتمل من الطباخ واتقول لها يالله يالله حجيه دورش ع المطبخ

والله انك

اسد ،، بس بالمقلوووووب

الاسد

شكرا يا لبؤه .. الله يكثر من امثالك بعد .. وبالعكس .. انا احب شغل البيت عموما .. تلاقيني اغسل وأمسح وأكنس واطبخ .. ولا احب زوجتي تتعب نفسها بأي شي . اهم شي عندي راحتها ورضاها .

زوجتي تكشر عن انيابها ..

زوجتي طباخه ماهره بشهادة الجميع من اهل الحي ، فكم كنت سعيد و انا اتلذذ بطبخها الذي يحسدني عليه جميع زملائي في العمل ، و ذات يوم اخذت تعايرني بأني بخيل ولا اقدم لها هدايا ، ففكرت جديا في هديه تسعدها و تؤنس وحدتها في المنزل لتأخرها في الانحاب ، فأحضرت لها كارتون به ثقوب و بداخله سنور و اخبرتها بأن هذه الهديه لكي ، ففرحت و ابتهجت و انفرجت اساريرها ، ففتحت الكارتون بعد ان امرتها بذالك ، و اذا بها يتغير وجهها و ينقبض حاجبيها و تكشر عن انيابها و تمسك السنور من ذيله و تحذفه خارج المنزل .

تستاهل

بدل ما تشتري لها ساعة او قكعة ذهب او عطر
جايب لها سنور
من قلة السنانير في الشوارع
احمد ربك ما فلتتك وراه

العقرب

زوجتك وما تدري ويش اتحب اتجيب اليها؟؟ على الاقل جيب اليها شئ عدل حتى لو بسيط و وياه وردة وكارت
اذا ما تعرف استشيير

العقرب ما يطيح عليك

تمثل دور الرومانسيه كلش

.....

في بداية زواجنا ما كنت اعرف اطبخ وكنت اسأل عمتي ام زوجي عن الطبخات الي يحبها زوجي لان يحب اكلها وتعلكت وصرت اطبخ ليه يومياً..هو نظام شغله يوم هني وعشرة لا واذا يطلب مني اكلة معينة اسويها..كان يحب الباستا سويت ليه وكانت روعة بشهادته هو واهله بعدين قام يقول ان مايقدر يشتري اغراضها وتكلف اكثر من الجاهزة وبس هو الي قرر ان مايبيني اسويها ونفس الشي لو بطبخ ليه طبخات اعرفها يقول ما يسوى ! يعني هو الي رافض مو اني..خل يجيب الاغراض ومن عيوني اطبخ بيه

لرجال يتنموون بعد

والله جوفوا اذا الرجال يستاهل دشي المطبخ و طبخي له اما اذا لا حمدا ولا شكورا ولا حسيتين روحش تعبانة لا تطبخون اهم شي الراحة النفسية واللي تقول ما اعرف اطبخ ما فيه شي اسمه ما اعرف كلنا ما كنا نعرف والحمدالله تزوجنا وتعلمنا شوي شوي

المثل لا ينطبق على كل البنات

الحمدلله اعرف اطبخ وحتى لو عندي مقادير بسيطه اسوي منها طبخه

الحمدلله

وانه طباخه بشهاده الجميع واطبخ كل انواع طعام والوجبات اليوميه مالذ وطاب ...وطول حياتي الزوجيه مافي راحه ولا اي تقدير او اي كلمه حلوه او الشكر من بوعيالي او عيالي ... كاني فقط خدامه وطباخه في البيت ... ويش استفدت غير مرض والتعب والهم

اختي

انت تقيّمي نفسك ولا تحتاجي الشكر دايما. المهم ماكو احد يذم فيك وهو الأهم وبالتوفيق

المشكلة فيكم يالرجال

الوحدة لين تطبخ وتخدم ماتقدرونها وحتى كلام حلو ماتقولون ليها لكن لو ماتطبخ وأنانية وهمها نفسها جان قدرتونها وحطيتونها على راسكم الدنيا ماشية بالمقلوب

ملاك الروح

انا اولادي اثنينهم صغار بالعمر اذا سويت ليهم لو نقدز مقلي يقولون لي تسلم ايدش ماما كلمة حلوة يتعود عليها الاطفال عشان لو صارو ازواج يقولونها لازواجهم
هي صلب المشكلة ان الزوج ربما ماتعود على هي الاسلوب بين اهله فصعبه يتعود عليها اذا كبر
نفس التسمية والحمد عن الاكل

لقافة

انا اقول كل الكلام هرار ، انت اللي تعيب زوجتك تعتقد أمك احسن من العالم ؟ لا أمك تعلمت مثل أمي قبل لانه ماكو مدارس ولا ترفيه انت اليوم تبي الزوجه تترتب وتتزين وتشتغل تصرف عليك وبعدين تلومها ما تعرف تطبخ ! وبعض الأخوات يشلخون علينا كل وحده تقول أني فنانه اشتريت كتاب أفنان !! روحي شوفي ام جعفر شلون ترم المچبوس ، بالتوفيق جميعاً وبسكم هرار وشلخ من الصبح

الفرنسية خلها على ربك.

الجمعة الماضية مادري من وين طالعه الشمس، الفرنسية تقول لي قوم من النوم مسويه لك ريوق ، عبارة عن قلاص شاي ماصخ وماااهي وروتيه يابسه توقف في الحلق كححح كححح. يادافع البلاء يالله خيير وخاتمه خير. يادافع البلاء. ماكنه الثلاجة متروسه من لغراض. الله كريم يرزقني بشاميه تسوي لي الريوق السنع زيت الزيتون بالزعتر مع القشطه مع الخبز الطازج صنع ايدينها مع البندورة والخيار والعسل. كفايه تتريق بوجها الجميل وكلامها العسل.

شلاخ

انت بسك شلخ انا متاكد لا انت متزوج ولا شفت حلاوة الزواج وتترسنه هرار ، شامية ! قوم روح اغسل وجهك واقعد ويا لصبيان علي القهوة

ولاتنسه اتصك خشمك بعد

هههههههههه دائماً الاياخدون اجانب احسهم وصخين وينزلون من نظري لأن البحرينيه انظف والله ريحتها كل عطور وبخور عكس هالاتقول عنهم وماشابههم من الجنسياات صك خشمك بكل وقت سبحان الله نفس البحرينيه غير وغير وغير واوييييييهاااااا ههههههههه

واااايد تشلخ انت

واذا ع قولتك روتية يابسة انت اشتر الروتي .. وإذا الشاي ماسخ احسن عن السكري

قوم صل وغسل وجهك واشتر الخبز عن لاتغص بالروتية

اعلم أن المرأة تحضر الطعام بما يتوافر في دارها وعندما لاتوفر كل ماتحتاج لا تأتي منتقدا )جيب الأغراض عشان يستوي الأكل لوتبون أكل بدون ما تنقون(!!

بس

بس هذا انتون ،، الرجال تكلم سيده طلع جداب ومو متزوج وكافر ويجب عليه الحد ،، لكن لو قايل زوجتي مو مقصرة وطباخ واحسن من الشيف جوردن رمزي جان طلع صادق ونظيف وكل وحده تدعي له من قلبها ،، مشكل والله زمن اغبر

صح كلامك

ما بتقصر فيك الشامية بتأخذك انت أو غيرك بس عقب لي حطمت وما عطيته زوجتك بتعطيه الشاميه وانت خروف وبتسفرها لأهلها كل سنة واولادها وانت ساكت وبتتشره ليها وانت منجب بعد عقب قول البحرانية ما تبغي الا المطاعم بتاخذك من الفقر لي عايشين فيه عجل تهد الابيض المزيون لي لين ضربته الشمس يلمع وتاخذ هالاجلح لي لين صار شكلة حليو يازعم يصير اصغر مو أبيض ههههه

من أين لها هذا ؟

لماذا المرأة البحرانية دون نساء العالمين تعتبر الطبخ لا يقع ضمن واجباتها الزوجية ؟ أفيدوني : ما مصدر هذه الفتوى النسويّة ؟
بهذا المنطق هل على من ينال رضاها أن يردف معها مساعدة تحت مسمّى
طباخة ؟؟؟

يفتون من عندهم

كلشي مو واجب عليها لا طبخ لا تنظيف لا تربي ولاد . . بس واجب عليك تصرف عليها وعلى اهلها وتسفرها ومطاعم وفساتين وتلفونات وحبايب اهلها

ملاك الروح

ليس الواجب عليه تطبخ لك ولكن ان وفرت لها ماجله البيت عليها ان تطبخ لك ولو ماطبخت مو مجبورة
والعقد عقد نكاح وليس عقد شغاله وطباخه وسايق وبدي قارد للزوج

زائر217

ترى انتي غلطان مو واجب عليها تطبخ في حال قالت ماتبي تطبخ واتفقت مع زوجها هو الايدبر الاكل بس موتقول له بطبخ بروحي ويجيب لها الماجله وبعدين من المطاعم في هالحالة يقدر يجبرها على الطبخ اقرأو الشرع ياناس لاتاخذون الايعجبكم بس من الشرع والباقي تتركونه

لو زين هي اله تطبخ ..

ياريت هي اله تطبخ .. الطبخ عليي انا وياويلي اذا ما عجبها الأكل .. اتزفني زف قدام الأولاد على سفرة الغدا.. اعجزت اقوليها ما اعرف اطبخ .. اتقولي اتعلم ..

هااااا

متأكد! ؟

......

امباااااااااع

ماعليكم منه شلاخ

هذا مثل سالفة أبو شوكة الي يأكل بايدة اطالعه بنظرات على السفرة ويرجع البيت وتضرب ضرب في الهوز

vip

انتة مسخرة
وتعليقك تافة كأنة نفس وجهك

هههه

احمل لك مربعه وافلق صلدومتهااا ،، رجال ومره جدي تسوي فيك ويش خانتك

سرمد

بعض التعليقات فاشله وتحسهم يجيبون قصص من نسج خيالهم والبعض يبالغ في الموضوع والبعض يعمم على كل البنات في هذا الزمن .. اقول لا تنسون نفسكم وسدوها

اذا لقيت لك بنية تطبخ عيش ابيض

ودجاج احمد ربك الف مرة

..

صراحه ام .. كلشي تعرف اسوي وانا بعد اعرف اطبخ ف يوم من لسبوع اعطيها راحه ما يقصرون واي وحده ما تعرف تطبخ لازم تتعلم والله الطباخ ما يبليه شي بس يبي واحد احط روحه في البيت

بنات هالزمن همهم الصالون

الصالون يروحونه اكثر من ما يدخلون المطبخ

زوجات هالزمن ما تعرف تدخل المطبخ

حدها مجودة التلفون وتطلب من المطاعم ويكرشون لينا بسرعة وبعدين يبون يصيرون مثل لميس ونور .
المفروض يحطون مقرر طبخ على بنات الثانوية عن المجبوس والمندي والشواي والقلاي حق تصير زوجة وامرأة بقد المسؤولية
وتتحمل بالبيت وباكله
اتقوا الله يا نسوان في اموال الزوج واكل المطاعم
مب حرام جذي الصرف المبالغ فيه بسبب الخيابة في الطبخ

امممم

اني وحدة بنت العشرين وما شاء الله نفس علييي في الطبخ و الكل يشهد واعرف اسوي المچبوس و البرياني و غيره والزمن ما يقول للشخص لا تتعلم احس البنات اللي يسووون روحهم ما يعرفون يطبخون ولا يسووون شي بنات كلهم فقارى بس يبون يطلعون فيها
وسلامتكم

هذا المطلوب

دلينا بيت الوالد... يبي ليي آخذ الثانية... وتعرف تطبخ بعد يا سلاااام

احلى تعليق

بعد قرائتي لكل التعليقات شفت احلى تعليق ذبحني من الضحك من الصبح وانا مهموم ومتضايق كلش صارلي سنة ماضحكت ...بس هاي التعليق رد مال الزائر رقم 33 ...واللي قال لها دلينا بيت الوالد .. خلاني اضحك من قمة راسي

ههههه حلوة

ضحكتيني يوم تقولين اولاد فقارى ،هالشي صحيح ان اي شخص ممكن يطبخ بس مو اي شخص ممكن يكون عنده نفس انا خالتي لو شنو تسوي باصق ويلوع الجبد اكلها اختي تسوي اكل احسن منها مع انها اصغر منها بعشرين سنة جذي وترى احنه تربينا في بيت الوالد ما نسوي شي امي ما كانت ترضى نسوي شي ولا انظف ولا نغسل مواعين ولا شي ولا شي مسكينة هي كانت تسوي كل شي
بس يوم تزوجوا خواتي تعلموا حق ازواجهم واولادهم
بس في ناس ما عندهم الاستعداد ان يتعلمون او يدشون مطبخ ولان طباخهم فاشل فما يتعبون روحهم الا خساير مادية وبعد ما يعجب

لا تظلمونهم عاد

يعرفون يسوون كيك وباستا ونجت وبيض وبلاليط بعد

حقيقة

اي والله نسوان الحين حدهم مچبوس بيض ومچبوس جبن ههههه

ملاك الروح

استغرب من الي يروحون يتريقون في مطاعم صحن بيض وطماط ب دينار . فشخي 3 بيضات وطماكيه صار بيض وطماط وصحن قيمات ب دينار فيه 8 حبات لو اقل عجني قلاص جبن صغير وقليه بدال التبذير
حتى بيض وطماط والمفيوح من المطاعم خياب

على الرغم

على الرغم ان ليس من واجب المرأة الطبخ لزوجها، إلا انه امر جميل جداً يزيد المودة بين الزوجيبن، في هذا الزمن ومع تطور الاوضاع اصبح اغلب النساء يعملون، فتقل خبرتهم في الطباخ لعدم انشغالهم به، لكن لا زالت هناك نساء كثيرات يبدعون في الطبخ لهن جزيل الشكر والدعوات بالتوفيق والتقدم

حنين

الحمدلله أنا ماهرة في الطبخ واحب الطبخ واااايد اقضي نص يومي في المطبخ اسوي الحلو قبل المالح لكن لا حمدا ولا شكورا ولا حتى كلمه طيبه وحلوة تنسيني تعب يومي كله اوقف على ريلي والف شغله على راسي

يعطيج العافية

ياريت عندي زوجه تدخل المطبخ لو نص ساعة مطبخها صممته للخدامه من أغلى المطابخ ولاكن لم تخرج منه أكله لذيذه

نساء لؤل

بصراحة ما فرق مابين نساء الحين ونساء لؤل. لو في واتساب في زمن جذي چان عمره ما عرف مچبوس ولا عرف

وطني

للأسف الزمن تغير والمراة لم تعد سيدة للمنزل ولم تعد تهتم بأولادها وزوجها والله يعين الازواج على هالمصيبة والله يهديهن لما في الخير

لان ما تبون الا تشتغل

واجد حاطين على النسوان!
چان فيكم خير اشتغلوا الصبح والعصر والليل؟
تتشرطون ما تبون الا جامعية وتشتغل؟ انزين عقب الدوام اذا كان الى خمس لا يكون عبالكم فيها شده بعد تطبخ ليكم؟
زين منها ترجع تغسل وتنظف واطبن اولادكم

لاتنازع امرأة على ملكوت بيتها

عندما تتصرف المرأة في شؤون بيتها ومنها إعداد الطعام لاتتدخل أيها الرجل وتأتي بالطعام من المطاعم فهل تحب أن تنازعك زوجتك في عملك؟!؟!

عجل

عجل الله يهني الزوج اللي تتنقم منه زوجته جديه ... لكن ... ترضين ازوج خدامة فلبينيه حلوة وازوجها تخدمش واقعد في حجرة وياها انا وخلها تخدمكم ويش رايش... كلام يوجع لفاد ويييييه

هم المتوفقين

ألحين هالنسوان اللي بس يصورون وما يعرفون إلا البيض المفيوح هم الفالحين وهم اللي رجالهم مسوين ليهم ألف حساب .لا ويمدحون هالبيضة المقرودة .

لا تخلونه يتعود

لا تعودون رجالكم ع المچابيس والطباخ الثقيل واخذوها نصيحة مني لأن الطباخ مو شغلتكم يا النسوان ولا تجعلون من نفسكم خدم وطبابيخ . عز الله من عز نفسه وذل الله من ذل نفسه. جيبوا لكم خدامة تجيد الطبخ او اعتمدوا على المطاعم وعيشوا معززين مكرمين . والرجال والعيال ما يستاهلون تفنين عمرش قدام حرارة المطبخ علشانهم لأن الزوج ما يستاهل ولا فيه خير والعيال باجر كل واحد يتزوج وما يدرون فيش .. تحملي في روحش

بل

بل بل، اعوذ بالله
ولاحول ولا قوة الا بالله العلي العظيم
حتى الرجال يقدر يقول نفس الكلام

الخايبة خايبة

من فطرة المرأة السليمة أنها تحب التفاني في راحة الرزوج والألاولاد، بس لين طلعت خايبة مثل بعض النسوان، خربت الديرة

فاشله في الطبخ ورغم ذلك

اشعر بسعاده و ترى شغل البيت عمل تطوعي كل ما شفتين اولادش وزوجش راضين عن طبخه وشبعانين تعتبرين حقش وصل وزياده وش فايدة عمري بدونهم وان كنت احتاج بين فتره والثانيه لراحه وتغيير نشتري من المطاعم

....

هذه الموضع عنش اليوم يالخايبه

سأل شيخ عن عمل المنزل للزوجة واجب؟؟؟

سأل شيخ عن خدمة الزوجة لزوجها وابنائها ..فقال لا يجب عليها الخدمة ولكن هناك احاديث بين رسول الله وفاطمة وماتلاقيه من حسنات وثواب فلماذا نخسر حسنة ونحن بحاجة اليها..ثم قال الزوج عليه نفقة واجبة ثوب في الشتاء وثوب في الصيف وطعام مايسد الجوع يعني هل تكتفي الزوجة الان بهذا القوت دون التنوع بالاكل والملبس.فهذا بهذا

ليش بالله!!

ليش؟؟
مو كل الازواج مثل بعض
و اذا مو شغلة المرة عيل شغلة من ؟
و الاكل اذا انطبخ بحب و من ايدش ما تقارنينه بطباخ خدامة

ليش التعميم؟؟

الحمدلله تقريباً كل شي اعرف اطبخ من يوم اني في المدرسة اسوي الغدا والحين اسوي حتى وصفات من كتب اجنبية بس نصيبي ماجه الحمدلله

ربيع زين؟

ويش لش نية نعرس؟

ههههه

ههههههه عجبني تعليقك .. يالله دورها و اخطبها و الله يوفقكم وننتظر العزومه في الوسط

الى زائر 80

الف مبروووك منك المال ومنها العيال ههههه
م.و

...

عندي ليش رجل يحب ياكل 25 ساعه في اليوم . . تفنني ليه

اختيارك

انت واختيار شانسالتها تدخلين المطبخ اولالان في بنات ماشاء الله يعرفون كل شى أم انت بتروح تاخد للك وحده دلوعه مدخل المطبخ بقي بهانسوان الحين

وياريت يشكرون

من الصبح واحنا في المطبخ ونطبخ وجبات رئيسية وسلطات ومقبلات وحتى الحلويات بأنواعها غير شغل البيت وتربية الاولاد وبعد كل هذا حتى تسلم ايدك مانسمعها.
الشغالة تحصل راتب 90 دينار واحنا الله وكيلكم حتى دينار مانحصل.

على فادي ...

إي والله .. الشغالة لها راتب وإحنا نشتغل بلوش .. وفوق هذا لا حمد ولا شكر وكله تحلطم علينا ..

اللي يقول 24 ساعه دوام في المطبخ.

انا قررت اتزوج انجليزيه انتوا كسلانيين وخايبيين .

مشكل

والانجلينزية ويش بتاكلك ماليك الا همبرجر

المطاعم ما قصروا

ما يحتاج اتعلم واطبخ، المطاعم بانواعها المختلفه للوجبات منتشره بالبلد اتصل يوصل لك الطلب لباب البيت مع كل المستلزمات من سلطه وملاعق وصحون وسفرة للاكل بعد، وهو مايرضى ادخل المطبخ واتعب روحي اصلا، لانه يعرف عواقب هالشي.

عواقب؟ تهديد مبطن للزوج

ههههههههههً
ليش عاد

الحمد الله

اعرف اطبخ كل الطبخات الوالده علمتني وزوجي اهم شي الطباخ عنده ويحب السمج يقول لي لو ماتسوين لي سمج ارجعش بيتكم كلا تهديد ووعيد الله كريم اخوه غداه كل يوم من المطاعم وعابد زوجته واني كل يوم اطبخ الي يعجبه واسوي الي يبيه بدل لاسمع شي عدل كلا تهديد الله كريم الي تشوت الرجال يحبها والي تكون مثل البنقالية وتلبي طلباته هي ولنعال واحد مشكل راحت رجال وجتنا اشباه رجال

العقرب

بعض الرجال مزحهم بهالطريقة، يمكن هو فقيل طينة ويش يسوي في روحه مسكين

يالعقرب

هو فقيل طينة لو ثقيل طينة المفروض يتكلم عدل ......لو ع ناس و ناس

انتون بعد نفس الشي

حتى انتون يافرنسيات اللي يصير زوجها وياها زين اتفلسف عليه وكله مطنجرة واللي يراويكم العين الحمرة بعد تعبدونه عبادة

سعيد

لو خٌليت خٌربت فيه بعض من نساء قبل علل وفيه اللي تحطها على الجرح يبرى وكذا الحال اللحين فيه بعضهم عيارات وفيه بعضهم هابين ريح ..وزوجتي لله الحمد هابت ريح وشاطره

ملاك الروح

انا عايشه بغرفه وحمام ولمن صارت المشاكل مع اهل زوجي وخاصموني شريت لي جوله واطبخ بالحمام من الضيق بس لا انزل مطبخهم وحصل لي كلمتين اتعب نفسيتي ولا كنت اطبخ لبنتي وحماتي تجي تفلت المواعين وتشدخ يعني طلعي ابي استخدم المطبخ واشيل اغراضي واروح اطبخ على فرن كهربا
والحمدلله اهم شي راحة النفس .
وكل من يسمع يقول ويع تطبخ بحمام . الضيق ومايفعل.
الحمدلله لان شكرتم لازيدنكم
الحين عندي شقة وواسعة

زوجي مغرم ب طبخ اخته وزوجة اخوه

لذلك مهما طبخت ما يعجبه ف ما فرقت عندي الحين كله مطاعم

العقرب

حضري اله بعض الاشياء مثل السلطات و غيرها فهي تبين مدى أهتمامك به عدم الاهتمام مدمر للحياة الاسرية

شكرا العقرب

لاا ما وصلت لدرجة عدم الاهتمام في جوانب ثانيه تغطي على الطبخ وعموما مازالت محاولتي لاكون طباخه مثلهم وهم يعلموني ما يقصرون لكن الطبخ موهبة من الله

مأساتي مع الطبخ

ترى احيانا الزوجه مو قصدها تقصر في الطبخ لكن هذي موهبه مثل غيرها من المواهب إذا الله ما عطانا آياها وش نقدر نسوي وفرصه لاهل الزوج للمعاير

إذا كنت تشتكي فعالج وإلا لاتبتغيها حجة لتنتقد

إذا كانت الزوجة لاتجيد الطبخ فهذا لأنها لاتمارس الطبخ فالطبخ لايولد مع الإنسان بالفطرة بل يكتسب بالتعلم؛ والدتك أيضا لم تولد طباخة بل تعلمت فأتقنت ؛زوجتك كذلك تحتاج لصبرك وتشجيعك حتى تتقن ،إن لم تعطيها المجال والتشجيع والصبر والتفهم فلا تفتح فمك للإنتقاد !

بعد عناء سنوات

فعلا الطبخ موهبه وحتى من تتقن الطبخ بالمارسه ان لم تكن موهبة لن تصل لمستوى الطباخين والحمد لله نمشي حالنا

فعلا

فعلا في اللي يطبخون 3 وجبات واكلهم ماينأكل
على قولتنه الطبخ نفس ..

..

الحمد الله المدام فيها الخير وليس كل ما يقال صحيح وإن حصل فهو من سبب الدلع الزائد والدلال في حياتها في بيت ابيها أو الانشغال بالدراسة.

فالحين حق البلعه بس

مو بس ما تعرف تطبخ ! ولا تدل وين المطبخ ! نسوان تنبل !!

هههههه

شكلك يائس من النسوان ..

يعتمد

كنت عايشة مدلله في بيت أبوي ماعلموني الطبخ ولما تزوجت علمني زوجي بعض الطبخات واشتريت كتاب أفنان الزياني وانا الآن اعمل كل الطبخات بنفسي ولت اعتمد على خدم ولكن أيام العمل أما أعد الاكل في الفترة المسائية ونسخنه بعدين أو اشتري من المطعم بعد طلعتي من الشغل والحمد لله

الحل يكون بالتنظيم والتخطيط ..

وأنا كذلك موظفة وأطبخ الفترة المسائية .. صح تعب بس أضمن واحسن من المطابخ مليون مرة ..

هيك بدهه الدنية

ليس من حق الزوجة الطباخ إلى رجلهه لاكن ادا طبخت وساعدت رجلهه اكون أجرهه كبير عند رب العالمين

نساء ضائعات

نسوان هالايام ولا شي يعرفون لا طبخ ولا تنظيف ولا تربية ولا.. ولا رومنسيه بس يعرفون يشرون

اكتب عدل اول

اعرف اكتب اول تالي اتحلطم ساعد الله قلب مرتك

اللهم صل على محمد والله محمد

تقبل الله صلاتكم حان وقت الاستغفار والصلاة على محمد فجرا

ضربتوا على الوتر الحساس

نادم على زواج واحدة ماتعوف تطلبخ مجبوس او يريانى وانا عير مرتاح

جزاتي مادحنها

مرة قلت ليها انتين خوش شيفة زعلت وطنقرت

ليش

ماتطلب من الوالده تعلمها او تدخل دورة طببخ موب افضل لك من الهواش والمشاكل..

عن نفسي

ادخل المطبخ من الصبح اطبخ وانفخ وكل شيئ اسويه له حتى رحمه والدين مافي
ياكل ويمش يده بالطوف ....

..

من حقها تزعل الزوجة تبي كلمة حلوة اذا تبي تناديها في بيت قول لها عمري حياتي حبيبتي انت همك كلة في بطنك من حقها تزعل

العقرب

الرجال يمزح
شيفة قصده طباخه بالإنكليزي

ما عندنا مطبخ

خل يصير عندي مطبخ عشششان أقدر أطبخ

اي والله

الله يطول في عمر الوالدة .. والله زوجتي لو بعد مليون سنة مابتعرف تطبخ
.. تاخذ أغراض ب 20 و 30 دينار عشان طبخة وحدة وآخر شي تطلع الطبخه فاشلة :(

ههههه

الله يساعدك على خيابتها ...

أنا إمرأة ...

ومع ذلك يذهلني كسل وإهمال الكثير من الزوجات لشؤون المطبخ !!! الطبخ ليس صعبا" .. الكتب والتلفاز والنت وكذلك وجود الخادمات سهلت الموضوع أكثر وأكثر ولكن الحقيقة المؤلمة هي أن الزوجات فعلا"
( خيب ) بمصطلحنا الدارج ما تصخي على روحها ودليعة .. ولا عزاء للرجال !!!

عيب عليك..

بدل ماتستهزأ فيها علمها انت اذ تعرف او عطها كتاب طلخ او دخلها دورات طبخ

الزمن مقلوب ..

أتعرض للسخرية والإستهزاء من أمي وأخواتي لأنني أطبخ بنفسي ولا أعتمد على المطاعم أو الخدم رغم أني موظفة .. يقولون لي لا تدفنين روحش في المطبخ وخل زوجش يولي لكني لا أعير لهم إهتماما" ..

الحق يقال ...

الملاحظ أن الزوجة الخايبة الكسولة الوصخة تحصل لها زوج يدللها ويدلعها ويخاف عليها من نسمة الهوا الطاير .. أما إللي تطبخ وتنظف وتكرف ما لها حظ .. زوجها يهزأ بها ويحسها مال أول ..

إحترنا وياكم يا رجال ..

إن جتكم وحدة طباخة وست بيت ما عجبكم ورحتون تدورون غيرها .. وإن جتكم وحدة خايبة شلتونها على راسكم من الدلع .. الموازين عندكم مقلوبة .. ما نعرف شلي يرضيكم ؟؟!!

الى زائر 88

المرأة لابد أن تمسك العصاية من النصف، تطبخ وتطلب من المطعم، عشان لا تدفن روحها في المطبخ.
ولما تطبخ لازم تروح تسبح قبل لا يجي زوجها من العمل، وتلبس ثياب نظيفة معطرة، وتستقبله بابتسامه.

ابو علي

أهم شي تصور الطبخة سناب جات

اذا حصلت

لها واحد فاشل وكل شي تسويه مايبين في عيونه وان طباخ امه احلى عمرها المراة مابتطبخ وراء كل مراة فاشلة رجل

نصيحة للوالدين

يجب على الوالدين اشراك بناتهم وأولادهم في أمور المنزل؛ من تنظيف وطبخ وحب مساعدة الغير، وتفهم قدرات الآخر، حتى ننشىء جيل واع مسئول، ليبني أسرة ناجحة مستقبلا.
فما وقعنا فيه من أخطاء؛ يجب تداركه في الجيل الجديد.

بحر الحياة مليئ بالمفاجأت

كي تمضي سفينة الأسرة في أمان وتمخر عباب بحر الحياة؛ لابد من المودة والرحمة بين الزوجين، وكل يتنازل للآخر، وبالحب والعاطفة تحل جميع المشاكل.
ولو كان لدى الزوجين باخرة بدل السفينة، ولم يكن ثمة "مودة ورحمة"، ستصطدم بجبل الجليد عاجلا أم أجلا، وتغرق مثل "التيتانيك"، وتبقى الزوجة بقية حياتها بدون زوج، مثل بطلة الفيلم "روز".

صح كلامك

لو فيك خير ساعدتها لانها اذ كانت فاشله بهالنقطة اكيد انت فتشل باشياء ثانية وساكته عنك صراحة لو زوجي مو متعاون ولا يساندمي معنويآ وعمليآ ولا يحترمني بعد جان ما يشوف هالدلال والسنع

الرجل وما ادراك ما الرجل

بعض الرجال بدون تعميم يقللون من تقيدرهم لما تقوم به المرأة من جهد وتضحيات وغيرها. واكره ما عند المرأة انك تقارنها بأمك يارجل ترى في كثير من النساء الماهرات في الطباخ وهم في نفس الوقت امهات وعاملات وفوق كل ذلك...... ما نجوووف اله الريش منكم يارجال كله امي امي تسوي جدي امي تعرف احسن منش مع احترمنا لامهاتكم لاكن لايعني تجرحونا..... عجزنا نحاول نرضي هل النماذج من الرجال ولا يبين لكن اجرنا على الله.