دعت وزارة التربية والتعليم مدراء ومديرات المدارس لأخذ الحيطة والحذر، والتأكد من جاهزية المباني المدرسية وتهيئتها لمواجهة الأمطار، إذ وجهت في تعميم حصلت «الوسط» على نسخة منه، إدارات المدارس لفحص كل من: أماكن تخزين الكتب والمعدات، الأسلاك الكهربائية، مختبرات الحاسوب، أماكن تسريب المياه وفحص فتحات المجاري.
كما دعت الوزارة إدارات المدارس إلى اتخاذ الإجراءات اللازمة بالتنسيق مع إدارة الخدمات في حال وجود طارئ.
وبررت الوزارة تعميمها وفق ما جاء من إرشادات من الجهات المختصة بالمملكة بتوقع هطول الأمطار خلال الفترة المقبلة.
ويذكر، بأنه سبق أن أعلن مصدر مسئول بإدارة الأرصاد الجوية بوزارة المواصلات والاتصالات، أن المملكة سوف تتأثر بتقلبات جوية تبدأ من مساء يوم أمس الإثنين (23 نوفمبر/ تشرين الثاني 2015)، وتستمر حتى منتصف يوم الخميس المقبل، حيث يكون الطقس غير مستقر، وتتهيأ الفرصة لتساقط أمطار تكون بين الخفيفة والمعتدلة وأحياناً غزيرة في بعض المناطق يومي الثلثاء والأربعاء، وقد تتخللها بعض الخلايا الرعدية وتكون مصحوبة بهبّات قوية.
العدد 4826 - الإثنين 23 نوفمبر 2015م الموافق 10 صفر 1437هـ
اذا مال عالي مافكر الا تالى
ترى في مثل ثاني بعد يقول
ان
مال برة ما فكرة بالمرة
عرفت خيووو حدك عاااد
كل شي ولا عاااالي
عالي يشهد لها التاريخ
سبحانك ياربي
نفس بعض ...في الشركات ينظرون لين ما تصير المشكلة او باقي دقلة عشان يفكرون يحطون حل غبي..
و الحين مثلا المديرات يعني بيشمرون عن ساعديهم و بيروحون يجيكون المدرسة كلها !!!
الصيانة المفروض الوزارة هي الا توفرها بشكل دوري لكل المدارس!!
و في كل الحالات الطلبة و الطالبات و المعلمين هم المتضررين من كل هذا!!
واذا كانت غير جاهزة؟
متى ان شاء الله يمديكم اجهزونها؟
بعد ما ينتهي موسم الامطار؟
هم يضحك وهم يبكي
1. الآية معكوسة: من المفروض يتأكد من جاهزية المباني الوزارة أم المدارس!
.
2. يوم طاح الفاس على الراس: من المفترض أن الوزارة تقوم بتأكد قبل موسم الأمطار، مو بعد ما طاح المطر.
.
وزارة تمشي بالمقلوب في كلشي..
هذا تهديد مبطن لا تصورون الفضايح
ما عليكم منهم
لا يكون المدير او مساعده والمشرف الاجتماعي مهندسين عشان يشوفون المباني وجاهزيتها اقول خلو الفراريش هم يتأكدون يمكن الاداره ما عندها خبره في هسوالف ....وينك يالوزير عن هالمسخره
اهل عالي
في مثل يقول أهل عالي ما فكروا الا تالي الحين ما اخذتون في بالكم هالموضوع قبل المطر ما يطق و طرشتوا التعميم حزة الحزة !! المفروض اموركم جاهزة و على استعداد من قبل المطر
اما صدق ما يستحون
الحين مو انتون تقولون بداية كل سنة دراسية المدرسة جاهزة لاستقبال الطلاب .. ما معنى كلمة جاهزة ؟؟اذا في الصيف المكيفات ما تشتغل وفي الشتاء المدارس تسبح في الماي .. بلا جمبزة يا وزارة واشتغلوا بضمير
صح النوم
الصفوف خرت وهم توهم يدعون
بلوة وياكم انتون
صح النوم
أن چان انتظرتوا شهرين ثلاثة و طلعتوا تعميم بأثر رجعي
اشدعوه
ادارة الخدمات شنهو شغلها والمهندسين اللي عندها بعد المديرة تبونها تعرف عن المباني اهيه بيتها ماتعرف عنه او صارو المديرين الحين جميع الاستعمالات
أم علي
بدل ما اتطلعون تعميم عن المباني المفروض من بداية السنة يكون تعميم عن تخفيف المواد وتنظيم جداول الحصص على عيالنا، انقصت ظهورهم المساكين من ثقل الشناط والله إحنا لكبار مانقدر نحملها. حسبنا الله ونعم الوكيل
تو للناس
ليش مستعيلين تو الناس شر البلية ما يضحك وينكم يوم طق المطر قمتوا ترقصون
بيان يضحك عجل وين تصريحات الوزير
بالله عليكم هذا بيان الحين راح تتأكدون بالله لو غرقنا اليوم او امس شنو الحل و الوزير وينه بس يعرف يصرح بداية السنة و يقول المدارس مجهزه و معيئة و في النهاية كل شي خرطي ما اقول غير طارت لطيور
«التربية» تدعو إدارات المدارس للتأكد من جاهزية المباني لمواجهة الأمطار
اول شوفوها اذا بها عدد كاف من المعلمين
مدرسة ابني الانتدائية بالامس يقول لايوجد الا ثلاثة دروس
اما عن الامطار فيجب ان تكون هناك خطة قبل الامطار وليس بعدة
تخبط
يعني إدارة الخدمات ماتدري
اللحين المدرسة هي اللي تتأكد ، إدارة الخدمات ما عندها خبر ؟؟؟؟؟إذا المدارس مستعدة لأستقبال الأمطار ؟؟؟ و الله يضحك التعميم !
عزيزي
عطني شئ عدل في الديرة.
اي والله صدقت
احين المدراء والمدرسين يتاكدون؟؟
شلون يعني يتاكدون هالشغله يبيلها مختصين من ادارة الخدمات عندكم مو من المدرسة
ولاحظ انهم خافو على اجهزتهم وكتبهم وما يابو طاري الطلبه وشلون يوفرون الامن للطلبه اذا لاقدر الله صار شي في المدرسة
وزارة التربية وتاليتها وياج يعني