من كلام الناس... هو الانشغال عن الكثير من الأمور ومنها أمور حياتية أساسية، ورغم التطور التكنولوجي الكبير إلا أنه زاد في التباعد في أحيانا كثيرة بين الأقرباء.
ومن الأمور الأساسية هو التواصل مع الوالدين، فالبعض تأخذه انشغالاته حتى عن والديه ورغم تواجد التكنولوجيا إلا أنه قد لا يستخدمها في التواصل معهما إما بشكل تام أو حتى بشكل متباعد.
في ظل التطور... الاتصال بالوالدين ... هل تقوم به يومياً؟ وكم مرة؟
وهل تعتقد أن الانشغالات عذر مقبول لعدم التواصل مع الوالدين بشكل يومي؟
وضعنا عال العال
95% من الإجابات كلها تقول إن الأمور عال العال، هذا واقع جميل لو مجاملات شعب
خلكم على مواضيع الزواج ابرك، أقلها الأمور صريحة وواضحة
وينه ام محمود
وينه ام محمود مابينت اليوم؟
طلب
أتمني طرح موضوع علاقة ترابط الأخوة والأخوات معاً بعد مراحل الزواج.
بنت عليوي
ادعي الله يرحمهم ويغفر لهم كل يوم
نعم
يومياً اجي بيت ابويي مع ولدي ونقعد واشوفهم...واذا انشغلت بظروف خارجة عن ارادتي اتصل واسأل عنهم ويسألون عني..وزوجي مثل الشي مع اهله والله يرزقنا الخير من ورى برهم لانهم الخير والبركة ويخليهم لينا
هم كل حياتي
اشوفها كل يوم قبل لا اروح الدوام وعقب ماارجع من الدوام مايحلئ يومي بدون مااشوفها ويوم الاجازة ويوم اللي مااشوفها ع طول اكلمها ف التلفون وابوي طبعاً بعد الله يحفظهم لي ويخليهم وييخلي جميع الامهات والاباء ويرحم من هم رحلوا
خاطري
ارجع أتكلم مع الوالد الحنون صار في عالم وانا في عالم توحشني ضحكاته وكلامه وحنانه وطيبة قلبه آه يا عمري اللي ضاع بدونه وحشتني يبا وينك يالحنون
يتيمة
رغم ان أمي ع قيد الحياة الا انها لا تتواصل معنا ترفض سماع صوتنا فهي تعيش حياتها المستقلة نمو بأزمات مختلفة وهي في عالمها وسفرها هنا وهناك قررنا أن تكون كل منا أم للآخرة نتمنى أن تشاركنا أحوالنا وعندما نقدم الهدايا وفق ميزانياتنا تلقيها جانبا وتضحك فنحن بنات الرجل الفقير الذي تركت فقره وتتضاحك ع عباءتنا ولبسنا ولعل الكثير من هويتنا يحرجها تجرحنا ببنات الفقر
اشفق عليها
الله يساعدها على نفسها
العقرب
الفقر مو عيب ولا اللبس الستور عيب، رضى الوالدين مطلوب في كل الحالات الا في معصية الله
لا طاعة لمخلوق في معصية الخالق
واصلوها بالمعروف والله يهديها لطريق الصواب
العقرب
كل مرة احلم بمن هم تحتى الثرى و استيقظ من النوم اتمنى لو كان حقيقة لا حلم و غالبا ما يكون للحلم انطباع عليي لعدة ايام احاول تفسيره و ارى ما الغاية منه وغالبا ما احاول التعويض عن التقصير في حقهم في تكثيف تلاوة القرآن و اهدائها لهم
فخير الهدايا تلاوة القرآن و الصدقة و حبذا لو كامت صدقة جارية
الفاتحة
العقرب
للاسف لا نكتشف التقصير الا بعد فقدانهم
شكرا للوسط على هذا السؤال الهادف واتمنى ان يكون نقطة فارقة لنا لنراجع اولوياتنا اليومية ونفسح المجال لقدر اكبر لصلة رحمنا وبر والدينا الذين مهما عملنا فلن نوفيهم حقهم
اموت في امي
احب امي و ابوي و اخواني و الحمدلله عائلتنا مترابطه موت و السبب كله
يرجع لامي و ابوي و حنانهم و حبهم لنا و تربيتهم اللي الحمدلله ماشفت مثلها
بس انه الشي اللي يتعبني اذا اسم الله على امي تعبت و ترقدت في المستشفى اصير مثل المجنونه احاتيها وافكر و اقول شلون اعيش من دونها و بالنسبه للايام
العاديه تتصل فيني كأنه وحده من صديقاتي و اكثر قريبه مني موت كل اسراري عندها اهيا اختي و امي و صديقتي لاني ماعندي خوات
ولا غنى
عن الهوا و الماي
!!
غريبة محد قال ما يحتاج اتصل او ازورهم لانهم ساكن وياهم في البيت، هذا دليل ان السكن مع الاهل صار شي من الماضي
!!
أتوقع بتزيد الاتصالات للوالدين اليوم بفضل هذا الموضوع اللي يدغدغ المشاعر
الأم جنه
كل يوم عند أمى وأن شغلتنى الحياه اتصل اليها
وابوى الله يرحمه بعد اتواصل معاه
واللى ناسيين والديهم عايشين بجحيم
ارجعو الى والديكم وشوفو نعم الدنيا اشلون
الام والاب
امي يوميا ازورها ما اتصل
المواضيع الجيدة
نعم، هذه المواضيع الممتازة التي تخدم المجتمع، لا تلك المواضيع الساذجة - والتي قد يكون بعضها مفيدا لبعض أفراد المجتمع كالأزواج - التي تفيد ولكن قد تضر كثيرا من جانب آخر عند فئة ما من المجتمع.
أحيي هذه الروح، والواقع لو فعلنا ما فعلنا فلن نقدر على الوفاء بحقهما.
انا حاله خاصه
ساكن انا وزوجتي وعيال معاهم في نفس البيت يعني مجابلهم 24 ساعه وفوق هذا .. ابوي وياي في نفس الدوام و نفس القسم .. يعني اشوفه من الساعه 7 الصبح لين ما انام الليل هههههههههههه
كيف هو حنان الاب
ابي جسد بلا روح لم اراه يوما حملني على ذراعة او قبلني او جلس معنا يسأل عنا وعن احوالنا لا اتذكر ان يصرف علينا الا نادر عايش حياته لانراه الا وقت الغداء والان هو مقعد احترمة لاسنه واقبل رأسه ويده ولكن لم احس بعاطفة الابوة الا احس بعاطفة الابوة نحوه واتعجب من بعض الناس يذوبون في ابأئهم وعن حنانهم .دائما استغفر الله له وبكثرة
أمي تفعد علي يميني
أتشرف بأن أقول أن أمي تسكن ويايي في بيتي ومرتاحة أخر راحة ومكانها معروف في الصالة وأكلها وكلشي يجيها مكانها وانا في خير بل في رفاهية ببركة من الله ورضاها عليي الف حمد وشكر لله
روزا
والدي رحمه الله .. أحاول المداومة على زيارته اسبوعيا واطلب رضاه عني دائما ..رحل عني سريعا ..
والدتي حفظها الله وأطال في عمرها .. لا زلت معها بالمنزل .. واذا خرجت أتصل بها باستمرار لأطمئن عليها .. وأحسبأنني مقصرة بحقها دائما .. فهي أغلى ما في الوجود ..
حفظ الله لكم كل من تحبون ..
المحب
افضل موضوع اليوم بكل صدق وامانة
غصة في القلب
قرأت كل التعليقات و انهمر دموعي من الحسرة و الألمم مع هذا الجيل الذي قلة منهم يعرف قيمة الوالدين...أنا في صحتي و عافيتي و لي معاشي و لا ثقيلة عليهم و أنا التي تنجر معظم أعمالهم بحكم خبرتي و ايضا لا يدرون بحالي مع اني معهم في نفس البيت و أعمارهم فوق العشرين...الله يطول في أعمارهم ان شاء الله و يعرفون قيمتي عندما يصبحون آباء و أمهات و هنيئا لمن كان بارا بوالديه
حزن
احزني تعليقج صراحه خليتي دمعتي تطيح على خدي
الله يهديهم
العقرب
الله يهديهم و يعوضونك خير ولربما قرأوا اليوم هذا الموضوع وكانت لهم نقطة فارقة في علاقتهم مع والديهم
هل كنت جافة معاهم وصارمة؟!
قلبي ع ضنايي
وقلب ضناي علي حجر
هو الضنى تكونين حنونه معاه ودودة ولطيفه وتحضنين وتبوسين وتغدقين فلوس فما بالش مع غياب كل هالاشياء
حلوة اللبن
حبيبتي والدتي تتصل فيني وتسأل عني أكثر من اتصالي وسؤالي عنها،فعلا مقصرة في حقها وحق والدي،شغلي وبيتي ماخذني عن الكل
الله يرحمهم
والداى الله يرحمهم لكنى اتواصل معهم كل يوم وكل ليله ارسلهم التحيه والخيرات وبركات القران الحمد لله رب العامين واتواصل معهم من خلال من يحبون واصدقائهم والقرابه
بشكل يومي
بشكل يومي لازم اكلمهم .. حتى لو انشغلت وما اكلمهم لازم يوميا اروح اقعد وياهم
حتى جدتي لازم يوميا امر عليها .. ولو يوم واحد انشغلت وما مريت عليها سيده تتصل لابويي تشتكي عليي عنده وتسأل ويش فيه الولد ماجاني اليوم
يومياً اسلم على أمي اطال الله في عمرها
ورحم الله أبي
وبالوالدين إحسانا
يومياً اتصل فيهم وأقعد وياهم .. الحياة ما تحلى إلا بشوفتهم
ام حسين
انا تقريبا كل يوم اروح بيتنه واقعد واستانس
بس امي تضايق من تجمعنه لان ماتبي فوضى ولا مكان معفس
مع ان ننظف ونرتب قبل لا نطلع بس امي من محبي الهدوء
مع هذا مانقطع بعد نواصل بس اتضايق لما احس اني ثقيله على امي ووجودي مزعج بالنسبه ليها
انا
الوالد متوفي
الوالدة ما اشوفها إلا في الشهر مرة
الام هي الجنة
ان دخول الجنة بعد الممات .
ولكن اذا كنت تريد الجنة و الحنان و الشعور بالامان في الدنيا هي الام.
وقضى ربك ألا تعبد إلا إياه وبالوالدين إحسانا
مهما عملت لهما فأني مقصر في حقهم .. ربي يحفظهم يارب.
الله يحفظ والدتي الحنونه
مقصرين في حقهم ولانوفي مهما عملنا
العقرب
بعض الاحيان في ايام الجمعة عند زيارة من هم تخت الثرى تستغرب قلة الزائرين فتستوحش الامر
اذا كان والديهم ولا يتسنى لهم الذهاب لزيارتهم فهل ستجد لك في يوم من يزورك و انت تحت الثرى؟؟!!!
العقرب
الاتصال ما يغني عن الروحة والقعدة وياهم على الخصوص للي ساكنين معاهم في نفس البيت
انا في هولندا من 11 سنة
الوالد عطاكم عمرة والام الحنون الله يطول عمرها كنت ارسل رسايل اول اما الحين وتساب وفايبر
بس شسوي الغربة كربة
عسى الله يحفظهم
تاج راسي الله يطول عمرهم ويخليهم بدونهم ما نسوى ولو انزورهم كل يوم ونخدمهم ما يكفي حقهم
الله يخليهم
في حديث بما معناه
ان اللي والدينه متوفيين وما يزورهم بالمقبرة فقد عقهما
وهذا هم متوفيين ما بال اذا كانوا احياء
الله يرحم الجميع ويطول بعمر الباقيين ويعطيهم الصحة والعافية
امي حبيبتي الغالية وانا بنتها دلوعتها حتى عقب ما كبرت
هي اللي ربتني من يوم كنت صغيرة والحين تربي بناتي عقب ما تزوجت وتصرف عليهم ولا ترضى تاخذ فلوس ولا تطلب مني شي وحتى ثياب العيد والناصفة والمناسبات تشتري لهم بالإكسسوارات بكل شي..ما اطلع من جزاها حتى لو كل يوم انظف قاع رجولها
الله يرحم أبوي اشتقت له لدرجة محد يتصورها..اتمنى يرجع للدنيا واشيله على ظهري..انا ما وصلت للي وصلت له الحين الا بفضل دعواتها..الله يحفظها لي وتشيل أولاد أولادي واخدمها برموش عيوني.يوميا اشوفها واكحل عيوني بشوفتها ويوم اجازتي تتصل لي من الصبح واذا ما اتصلت انا اتصل لها
اي نعم
اكلمها كل يوم الحمدلله ،
الله لايحرمنا منها يارب ويطول في عمرها ويعطيها الصحه والعافيه وراحه البال ،
اذا طاف يوم ماكلمتها انشغلت او شي اقعد يوم ثاني متضايقه واجد وحاسه شي ناقصني صراحه ،،
شكرًا لكم (د.يوسف)
بر الوالدين قصة اكتبها انت بجريدة الوسط يرويها لك ابنائك في احسن الكتابة اشكر جريدة الوسط لمنحنا التعبير والاضلالة على الناس والجمهورالبحريني والعربي الاصيل من خلال التنويع والافادة اخوكم ديوسف
حذاري عقوق الوالدين (د.يوسف)
كل الذنوب يؤخر الله منها ماشاء الى يوم القيامة الا عقوق الوالدين ديوسف
سر الوجود (د.يوسف)
من أعظم ابواب السعادة رضا الوالدين ودعائهم ليكون حصنا لكل ابن وابنه كم هو رائع ان تدخل وترسم البسمة والسرور على قلب والديك ديوسف
......
يوم الي ما ازورهم لازم اتصل
هُم الوجود (د.يوسف)
السلام عليكم ان موضوع الوالدين له حزن والم بقلبي لاني يتيم الابوين من طفولتي ولوكانوموجودين لا حملتهم على راسي ارجاء المملكة ولن اتعب لانهم سبب وجودي بالحياة سبب تعليمي سبب حب وطني حب الامام علي والسلالة الاطهار اخجل وابكي ان ابن بعدنجاحاته بسببهم يرميهم في دار العجزة الله على هذا الموقف يبكي دماً كيف يجرو الانسان هم من وضع لهم الاله اية(وبا الوالدين احسانا) ديوسف
العقرب
الله يرحم الماضيين و يظلل علينا بالباقيين
الوالدين نعمة ما يعرفها غير اللي فقدها
رفقا بهم خصوصا من كان والديه طاعنين في السن
...
الله يحفظهم ويحفظ الجميع ويرحم الباقين
!!
هي تتصل اذا طوّلت وما زرت بيتهم جم اسبوع
الله يرحمهم ويغفر لهم
انى ام ل3 ابناء والله انى مقصره بحقهم بزيارتهم في قبورهم انشغال الحياه والمسؤليات ولبعد المقبره عن بيتنا فهم في مقبره المنامه وأنى في ستره اتمنى كل لحظه ان اقف على قبورهم حتى تعانق روحى ارواحهم اشتقت اليهم كثيرا ....ما دام امك وابوك بالدنيا لاتضيعون الفرصه من ايدكم بعدين ماينفع الندم
جاسم
امي و ابوي هم سبب وجودي انا لولاهم ما اسوى شي وبدونهم ما يمشي يومي وحياتي تتوقف و لا يبرر الانشغال عنهم اي عذر هم من الاولويات الاساسية في الحياه الله يخليهم لينا و يحفظهم ويحرسهم من كل مكروه
جاسم
امي و ابوي هم سبب وجودي انا لولاهم ما اسوى شي وبدونهم ما يمشي يومي وحياتي تتوقف و لا يبرر الانشغال عنهم اي عذر هم من الاولويات الاساسية في الحياه الله يخليهم لينا و يحفظهم ويحرسهم من كل مكروه
ليالي الشام
الحمد لله يتيمة الأم من الصغر ،، والأب أشوفه في زيارات العائلة ،، مسلوب الارادة حسبي الله عليها اللي فرقت و نهبت ليها يوم
البلادي
انا متزوج و ساكن مع الوالد و الوالدة و يومياً لازم اشوفهم و اقعد معاهم و الريوق كل يوم معاهم قبل الدوام و إذا طلع لي بيت بضل وياهم بعد ما بطلع عنهم لأن ما عندهم أحد غيري الله يحفظهم لي الغاليين
الله يرحم ابوي
الله يحفظ الوالدة ويطول بعمرها
احنا الاخوان والاخوات نتنافس بخدمة الوالدة
والمحظوظ اللي يوصلها مشوار او يسفرها
العراق وايران ومكة
دايما اوصيها اذا بتروحين مكان اتصلي فيني
حتى لو مشغول بحاول اجي
لكن مع الاسف احيانا اخواني وخواتي يسبقوني
والله اذا تسافر البيت يصير ظلمة ولا له قيمة
خواتي يتنافسو بخدمة امي بالمنزل
من تنظيف وغسيل وطبخ على رغم
انهم متزوجين وعندهم عيال وبعيدين
اخر مرة وصلتها امس الليل زيارة للأقارب
استانست ومحظوظ ان انا اللي وديتها
الأم جنة احبك يأ امي
الحتنكور
بارك الله فيك وفي أخوانك و خواتك ونعم التربية
اقروب
اليوم كأنه قروب
سنظل مقصرين بحقهم
اتصل بشكل يومي تقريبا و دائما هناك شعور بالتقصير الشديد تجاههم فالاتصال لا يكفي و يتلاشى الشعور عند زيارتهم نهاية الاسبوع
سنظل مقصرين بحقهم و لو حملناهم على ظهورنا طول العمر
انام واصحى على صوتها ربي يطول بعمرها
متعلقة بالوالدة بشكل قوي جدآ وكأني توني افارقها رغم أن مر على زواجي 10 سنوات إلا أن يوميا اوصل عيالي المدرسة واكلمها الظهر أكلمها وقبل لا انام اكلمها أقل شي في اليوم 3 مرات أكلمها وتفتيش لها كل همي ومري امي هي كاتمت اسراري رغم أن عند خوات مقاربين إلى عمري الا ان الأم غير والوالد الله يطول بعمره احس مقصره معاه لكن احترمه كل الاحترام واحاول قد مااقدر مااحسسهم اني مشغولة عنهم وكله اقول واكرر ربي اجعلني من البارين بوالديا واجعل ذريتي من البارين بي
أمسي وأصبح أبهم
كنت أفكر نفسي مو مقصر معاهم فهم دنيتي ومايحلى يومي ألا بشوفتهم .. بس من توفاهم ربي عرفت كم كنت مقصر معاهم وأتمنى لو يرجع الزمن لكنت قضيت وقتي كله معهم الله يحفظ لكم والديكم فهم كنز لا يعرف قيمته ألا اليتيم
رب ارحمهما كما ربياني صغيرا
الله يرحمهم رحمة الابرار .. استفيدوا من وجود الوالدين بعد عمر طويل ان اشء الله سوف تتمنون دقيقة تمضون مع قلوب تحبكم دون مقابل :(
شي ضروري
شوفتهم بالنسبة لي شيئ ضروري مثل الاكل و الشرب
الله يخليهم ويطول بعمرهم
ست الحبايب
يا قلبي يا امي ،،،، ماقدر ماسمع صوتها كل يوم احس اني ناقصه شي واهيه نفس الشي اذا تشوف تاخرت في الاتصال تتصل وتشوف شنو فيني ، الله لا يحرمنا منها ومن الوالد
اتصالي لامي يومي بس ابوي ما اتصل له لاني اسال عنه وهو دائما مشغول فما احب اشغله
وزياراتي مرتين الى ثلاث اسبوعيا او مرة وحدة حسب الظروف بحكم بيتنا بعيد عن بيت الاهل
نفس الحال
لازم اتصل اليهم وادا يوم اتأخرت اتصلت لي امي الله يحفظهم الي وخليهم الي ودوم الصحه والعافيه عليهم
هنيأ لكم
الله يخليهم ولا يحرمكم منهم بركة الدنيا الوالدين واسألوا امثالي انحرمت منهم من صغري الله يرحمهم
صراحة وانا اقرأ الموضوع دمعت عيني واتضايقت
لأن ما اقدر ازور بيت ابوي واكحل عيوني بشوفة أمي وأبوي إلا يوم الخميس
الدنيا والأولاد والشغل شاغلينا الله يعطيهم الصحه والعافية ويطول في أعمارهم في خير وصحة ويرزقنا برهما
العقرب
على اقل تقدير اتصال، يمكن بالنسبة الك صغير بس بالنسبة اليهم غير.
يوميا
يوميا ازورهم ، الا في في اضيق الأمور والجمعة الغدا عندهم ، الله يخليهم لنا .
رضا الله من رضاهم
يوميا ازورهم رغم بعد المسافه من مدينة حمدالى المحرق چان زين ايبدلون السكن بوحده سكنيه بالمحرق علشان اروح لهم مشي بدلا من اركب سياره
عاشق بلادي
اذا اشوف امي يزيل كل همي ربي احفضها واطل في عمرها ورزقها الصحه والعافية خادمة اهل البيت
امي هي كل اهلي
ما عندي أهل مثل الناس وانحرمت من امي واني صغيرة ...والحين لازم اتصل اليها يوميا وازورها مرة بالأسبوع تصير أوقات أمر عليها لأن للأسف ما عندها مكان علشان أزورها زين يفضى هالمكان يوم واحد بالاسبوع
وابويي الله يرحمه مع اني كنت اشوفه ف الطريق حالي حال الغرب
حسبي الله على من كانوا السبب ف حرماني من ابوي وامي
العقرب
الله يعوض عليك بالذرية الصالحة ويعطيك على قد نيتك
زياره الوالدين واجب
بشكل يومي ازور الوالده الله يطول في عمرها
الله يرحمه ويخليها لينا
الوالد اتصل فيه ومقصر عن طريق المقبره
والوالده على وجود 4 عيال عندي ولاكن هي تسبقني بالاتصال والله لايحرمني منها الغلا كله الي مصبرتني في هالدنيا
الحتنكور
الله يخلي لك الوالده و يرحم الوالد ولاتنسينه من صالح الدعاء و الصدقات و قراءة القرآن .
لا يطمئن قلبي الا بشوفتهم
انا لا اقوم بالإتصال بهم يوميا وانا قريب منهم وانما اقوم بالذهاب إليهم وأشوف احتياجاتهم والجلوس معهم لساعات وهذا فرض فرضة الله علينا (وبالوالدين أحسانا) اما الإتصال فقط في حال سفري فيكون اتصالي لهم بشكل يومي حتى يضمئن قلبي
روي عن رسول الله (ص) قال: من ضمن لي واحدة ضمنتُ له أربعة: يصل رحمة فيحبه الله تعالى، ويوسع عليه رزقة، ويزيد في عمره، ويدخله الجنة التي وعده. (جواهر البحار ص 92)
ابو احمد
كلا اتواصل وياه بالواتس اب. ضرب سوالف وياه باليل
جابر
لا والله ... حتى رقم ابويي ما اعرفه
معقوله
الله يساعدك على ما ابتلاك
ولد
ابن للأسف من اشتغل مرور ور مرور على امه اوبوه وماخذ قراراته بنفسه .. يقول رجال ولك شبه رجال.... مشكلته الوحيدة انه مريض .. نفسي
فيه روح الأنا ... عن احساب الكبير بعد في البيت .. وهو توه خاط ليه الشنب
ملاك الروح
الوالدين جنة الدنيا ان لم تعرف حقهمها لن تعرف الجنة الأخرى
اللهم اجعل امي وابي من تشتاق لهم الجنة
لانقصر في حق من اعطونا عمرهم وجهدهم حتى بانت خطوط الحياة المتعبه في وجوههم
أمي تشتاق روحي لها في كل يوم وتهمل عيني كل يوم لفراقها
وتشتد دموعي وحرقة قلبي عندما اقع في مأزق لا اعلم الى اي حظن ارتمي ولكن هناك ابي الذي بوجودة اشعر بظهر يسندني بالأمان
رحم الله أمي وأمهات جميع المؤمنين
الفاتحة
مافي عذر
كل يوم
الله يرحمهم
نصيحه تواصلوا معهم وزوروهم في حياتهم ، حتى لا تندموا فيما بعد ، الله يحفظ الباقين ويرحم الاموات منهم ، ويحفظكم جميعا لاهاليكم يااارب
الحمد لله
يوميا ازور لوالدي ولكن التقصير لامي الثانية ام زوجي فانا لا اراها الا مرتين بالاسبوع
لا تنشغلوا عنهم
لا تقل عندي ارتباط شغل ما اقدر ازورهم بل قل للشغل والارتباط عندي زياره لوالدي سواء كانوا احياء للسلام والحلوس معهم او توفاهم الله لقراءه الفاتحه والدعاء لهم.
النظر لوجههما عبادة
اليوم الذي يمر دون رؤيتهم .. يوم سيء ..
وقل رب ارحمهما كما ربياني صغيرا
الله يحفظ والدين ويخليهم تاج على راسي والله يوفقني إن شاءالله لبرهما وإسعدهما والله يطول في أعمارهما في طاعة الرحمن ولا أنرحرم من وجودهما هم البركة والخير والأمل
هم نحن ونحن هم
تربيت يتيمه الاب وكانت الحنونه هي من رعتني الله يرحمه جميعا والحمد لله تصلهم الفاتحه لهم وهذا اقل واجب
الحتنكور
بارك الله فيك لاتنساه من صالح دعائك و تصدق بإسمه و زور قبره لقراءة الفاتحة و الأدعية .
صباح الخير .. من تجربتي الخاصه
كنت كثيرة التعلق والتواصل مع والداي حتى توفاهم الله ولكن ابنائي الآن لا يوصلوني ولو بأتصال ولو بكلمة في الواتساب ولاني ام انا من يكتب ويتصل ويسأل واهم شي سعادتهم وحريتهم
الحتنكور
رحمهما الله تعالى بواسع رحمته و آجرك على وصلهما أما الأبناء فأطلبي لهم الهداية فدعاء الأم مستجاب ولا تشيلين عليهم بقلبك ترى مابيتوفقون و هالزمن أغلب الأبناء بهذه الطريقة إلا من رحم ربي .
اخي الفاضل الحتنكور
شكرا لك ووفقك الله ورزقك الذرية الصالحه .. دائما وابدا ادعوا لهم بالهداية والتوفيق وهم يعترفون ان ما هم فيه من نعمة بفضل الله ودعاء الوالدين ولكن كلما كبرنا احتجنا لحنان الاولاد وعطفهم نحتاج ان نرى في اعينهم الشوق لنا كما نحن نشتاقهم
احبهم ومقصره معاهم
بحكم ظروف العمل والاولاد لكن احاول كثر ما اقدر اني ازورهم واتصل فيهم ولو شسوي عندي احساس اني مقصره الله يخليهم ويحفظهم ويطول لنه باعمارهم ....
ربي حفظهما
ولله الحمد لا يهدأ لي بال الا بزيارة والداي العزيزين
والنظر إليهما بشكل يومي
أمى .. حبيبتى
أنى أزور والديه يوميا .. وان أنشغلت أتصل اليهما
أقل مايكون
زيارة أمي الغالية بصورة يومية
اللهم إذا كنت في الدوام بطبيعة دوامي الشفتات
أحاول ذلك
أحرص على زيارة الوالدة بشكل يومي إلا ما ندر! ووالدي توفي رحمه الله..
وقل رب ارحمهما كما ربياني صغيرا
وجودهما نعمة كبيرة لايعرف قيمتها الا من فقدهما رحمة الله عليك ياوالدي العزيز
لا يكتمل يومي دون سماع صوتها ..
أحرص يوميا" على سماع صوت أمي بل وأكثر من مرة في اليوم أقوم بمهاتفتها والإطمئنان عليها ..
الله يخليها ويطول بعمرها ..
الاسد
الله يرحمهم .. امين
الحتنكور
الله يرحمهم و يحفظكم و يعطيكم طول العمر لكن لاتنساهم من الدعاء و تصدق بأسمهما ترى العلاقة ماتنتهي برحيل الوالدين تستطيع أن توصلهم حتى بعد وفاتهما
لحظات لها قيمة عظيمة عند رب العباد ....
صحيح في نهاية الامر اعتبر نفسي مقصر لكن ما يوم من الايام الا اصبح بهم و امسي بهم .... جواهر بمعنى الكلمة على طيبتهم و بساطتهم ... تقعد معاهم تنسى هموم الدنيا ...
MR.X
ام صلوح
بصراحة ساعات يوميا .. وساعات ب3 ايام
بس اني احس انشغلت عن امي الله يحفظها
بحرينيه محبه
وجود الوالدين بركه لأبنائهم الله يخليهم الرسول (ص) وصى عل صلة الرحم فما عذر من لم يصل الوالدين فالنظره الى الوالدين عباده ودعائهم لنا مستجاب
الله يرحمهم
مقصرين في حقهم ..
صج
سو اعلان في الجريدة
يوم الجمعه.....البعض....
أكثر الناس لايزور والديه الايوم الجمعه لتغيير جو ولارضاء الضمير والسبب الرءيسي هو أعباء الحياة.....لكن الاولى والواجب التواصل معهم بالخصوص من هو أو هي ارمل أو ارمله لأن الوحده شعور بالسءم شعور قاتل. ...وسارعوا إلى مغفرة من ربكم وجنة عرضهاكعرض السماوات والأرض أعدت للمتقين. ... ص....
الله يحفظهم
انا ما يحلى يومي الا بشوفتهم
ام صلوح
الله خليكم لبعض
ابني ليس كمثلي
لي اخر لحظة او يوم اتابع زيارة ابي للمستشفى بشكل يومي ومعظم الامور للوالدين وما ابني يسكن معي ويسافر ولا يقول غير انني مسافر غدا .
ام صلوح
الله يهدي ولدج
نعيمي
انا كل يوم ازورهم واتغذى عندهم وبعد مقصر في حقهم
هاي المواضيع العدل
بدل المواضيع اللي تزيد لك نسبة الطلاق في الديرة