نتسائل

اين لجان المراقبه بالدولة عن هؤلاء الجشعين حينما رفعوا اسعار اطباقهم من الدينار الى دينار و مائتين ثم و اربعمائه, و ثمانمائه الى ان وصل الى دينارين و كل ذلك قبل قصة و قضية اللحوم حيث بدأ تلاعبهم بنا منذ ما يقارب الأربع سنوات و لا من حسيب او رقيب و الآن يريدون رفع الاسعار بحجة ارتفاع اسعار اللحوم التي يستعملونها غير محليه و ليست كما يدعون حلّيّتها ناهيك عن تصغير الاطباق او تقليل الكميات بها بجعلها منتفشه و كأنما الطبق مليء بمحتواه و هو خاو و غير ذلك تقليل كمية اللحوم و طرق احتيالية اخرى.

يعتمد

على حسب إذا المطعم يتلاعب في الأسعار بحجة ارتفاع سعر اللحم المدعوم أو لا

انصاف

انصاف للمستهلك حقيقة ....فكيف يعّرف بانه ظلم للمطاعم وهم بالاساس ما يستخدمون اللحوم المدعومة ??? هنا يقع الظلم والغش ورفع الاسعار الذي يدخل بخانة السرقة ع المستهلك وحده ..

بل تم ايقافهم من الركوب فوق الموجة من خلال المواطن ( ليه طاح الجمل كثرت سكاكينه )

المواطن المسكين لم ينصف انما الخطوة خففت من العبائة الي راح تصيبه من جشع اصحاب المطاعم

العاقل يفهم

كما اتذكر قبل 17 سنه سعر البيت في المنامة 27 الف دينار والايجار 70 دينار أحسبوا الفارق الان انتهى زمن ملك العقار لأن المواطن لايقدر على شرائه ولا استئجار ه فكيف سيربحون التجار

هم من

هم من سمعوا اللحم بيسوونه دينار ومئتين زاد سعر الشاورما من مئة وخمسين فلس الى مئتين إلى مئتين وخمسين وحتى الى ثلاثمائة فلس وثلاثمئة وخمسين فلس وتالي سعر اللحم ما زاد، وينهم لجنة حماية المستهلك في ذاك الوقت، لما فعلا سعر اللحم زاد تحركوا على المطاعم؟؟

رفع الاسعار

خلهم يرفعون السعر ما راح يجي زباين...هههههههه

اي

يوجد ضراب على التجار من الحكومه شي طبيعي بيرفعون الاسعر محد بيشتغل بيبلاش ... و القادم اعضم

.....

أحد المطاعم في م..........بيع تكة اللحم ب 3.5 دينار مع ان قبل رفع الدعم كان سعره 2.5 و بعد كان غالي وين حماية المستهلك عنهم و فيه اطباق غير بعد رافعين اسعارها بشكل مبالغ فيه اتمنى يا حماية المستهلك تروحون هالمطعم تشوفون اسعاره و تاخذون اجراء لحماية المستهلك

انصاف

ادا كان يستخدم اللحوم المدعومه فضلم اما ادا كان يستهدم اللحم المستورد فهو انصاف

حسن

احس عادي بكيفه يرفع او ينزل .. المحل ماله وبكيفه .. وانته كزبون براحتك تشتري منه او لا .. خب انته مو مغصوب تشتري منه ولا هو المحل الوحيد الا يبيع هذا الشي

اي شخص يساهم في النصب على المواطنين يستاهل

اي مطعم يتفلسف يستاهل هذا العقاب
الناس موب لعبة في يدكم يالتجار

مو كل الوجبات لحم مدعوم

يمكن بعض الوجبات مثل البرياني وغيره لحم مدعوم لكن الشوارما والكباب والتكة معروف لحم جواميس هندي وشي الثاني الا يتكلم عن رفع المعجنات والحمص والنخج لازم يعرفون ان اسعار الاجارات مرتفعة والعامل يدفع زيادة حق هيئة تنظيم العمل وهذا يقلل فايدة المطعم او الخباز

منصف

اغلب المطاعم ما تشتري اللحم المدعوم من الاساس ليش يزيدون السعر !

بوعلي

ايام دعم الحم كان سعر الشوارما 100 فلس ومع السنين وصل 350 فلس برغم ان الدعم لازال موجود الحين رفعو الدعم وصل السعر 500 فلس ليش اصلا اوردي رافعين السعر من 100 فلس الى 350 فلس دون داعي

شلون مو دون داعي بالعقل

كلشي يغلى تبي الشاورما تضل على حالها ليش؟
إيجار المحل و العمال و اسعار المواد الأولية و الأدوات و رسوم وزارة التجارة ووو غيره من مصاريف يدفعها المطعم ارتفعت و تبي الشاورما تضل بربية!

سمبوسه كفته جباتي

المطاعم قاعده تتلاعب بالاسعار الاول كمثال السندويجات كانت على 100 فلس عقب 150 فلس والحين وصلت السندويجات على حسب في من 150 وفي على 200 وقائمة الاسعار معروضه لو رحتون البرادات على سبيل المثال الفاصوليا والاجبان والمعكرونة والتونة والحليب اسعارهم زادت عن اول لانه خلاص مطاعم برادات ومخابز صارو يعرفون مافي حمايه للمستهلك من الاساس كل يوم ضاحكين على الناس بهالكلام وهم بمزاجهم يرفعون الاسعار اخ ياقلبي هههههههههههههههههههههههههههههههههههههههههههههههههههههههههههههههههههه عجل ماقول الا سمبوسه كفته جباتي

ظلم للطرفان

ظلم لمالك المطعم إذا كان يستخدم اللحم المدعوم ويحاسب إن رفع الأسعار بطبيعة زياده سعر اللحم، وظلم للمستهل إذا كان المطعم لايستخدم اللحم المدعوم ويستغل ارتفاع الأسعار المدعومه ويرفع سعره بدون وجه حق.

بين الشاري والبايع يفتح الله

اللي يحدد السعر انت مو المطعم .. ماعجباك السعر لا تشتري ولا ترجع له .. اجارات المطاعم تزيد والرسوم في الهيئة والتأمين اضافة الى ارتفاع تكاليف الموظفين يحدد كمية الطبق والسعر .. العيش ارتفع ومحد يقدر يتكلم عنه كانت الاربعين كيلو بعشرة دينار والحين عشرين كيلو تطلع 12 دينار ارخص شي .
عموما الوضع الإقتصادي في البحرين يتردى وبعد فترة بسيطة بتصك مئات المحلات .. ببساطة الإقتصاد يحتاج لتنوع ولتحديد اسعار من قبل الحكومة ..اسعار الإيجارات .. للعلم محلات وايد سكرت ومكاتب محترفة تفكربالاغلاق والله المستعان

اما تصرف غريب و يبين جهل الهيئة التي يديرها نفرين ولا هم اهل اختصاص ..

بعيدا عن كون الهيئة غير مختصة الا بالحلطمة و التفلسف على المحلات
ترى مو شغل الهيئة تقفل لانه رفع السعر
اذا مو عاجب الزبون لا يشتري ببساطة .. و العكس ..
اما مسألة انك خايف ان الاسعار ترتفع ترى مو شغلهم.. ولا تبي المحلات تشتغل ببلاش؟ يبون يربحون يبون يستفيدون اكيد هذا هدف فتح المحلات و لا هم فاتحينها جمعية خيرية ؟ هيئة حماية المستهلك هيئة يجب ان تزيد من احترافيتها وان ترجع لاهل الاختصاص اما الاحكام الارتجالية و من دون علم فهي لعب جهل .. ارتقوا يا هيئة .. اتمنى ان يجتمع التجار و يقاضونها .

بعضهم غش

لو بيزيد اللحم ماعليه لكن يرفع سعر الحمص حقويش
او سعر لبنة فلافل
هذا ماله دخل باللحم
المطعم الي اشتري منه اول اسبوع من الدعم غلى الكباب
بعد اسبوعين رجع سعره اقوله انت فيه خوف يصك مطعم قام يضحك
لان يصرفه يبيع بنفس السعر

يا لحمه مو مدعوم اساسا يا صرف روحه وجاب لحم اي كلام

و في الحالتين ينخاف منه

السعر

ليلة الجمعه ذهبت مغ عائلتي لاحد المطاعم في توبلي والمظعم معروف تصورو سعر سيخ التكه الواحد بدينار ومائة فلس تصوروا هالشي مع العلم ان اللحم ليس استرالي يبدو لي من خلال طعمه .. هل هذا معقول المبلغ اريد حماية المستهلك التفتيش على هذا المطعم وافادتنا هل معقول هذا السعر السيخ الواحد بهذا المبلغ

معادلة جديدة

لابد من تحديد هامش ربح للمطاعم اخذا في الاعتبار سعر اللحوم حتى يتم فض الاشتباك الحادث حاليا بين اطراف المعادلة وهم شركة اللحوم والمطاعم والمستهلكين عملا بمبدأ لا ضرر ولا ضرار.المعادلة الان : شاطر ومشطور وبينهما مستهلك

شكرا

نشكر وزارة التجارة على حماية المستهلكين

شكرا

نشكر وزارة التجارة على حماية المستهلك

حتى لا ..

يخسر المطعم زبائنه عليه التأني في اتخاذ رفع أسعاره خاصة ومن المعروف لدى عامة الناس ان المطاعم لا تعتمد اعتمادا كليا على اللحم المدعوم فارضاء الزبون غاية لا تدرك .

هرار ةجريش

انزين خذ اللحم الرخيص يعني خايف على صحتنا ؟!!!!

حلوة تثبيت السعروتقليل الكمية

عجبتني مقولة تثبيت السعر وتقليل كمية الوجبة حلوةةة مهو ياإبني تقليل كمية الوجبة يعني غلائها وتضطر لأخذ كمية ثانية يعني السعر يصير غالي ليش تقصون على الناس أنا اخذت لي وجبة تكة بدينار لي وحدي في تفكيري قلت وايد علي بدينار بس لما أخذته وفتحته في البيت والله استغربت والله مايشبع ليه ياهل خلهها على الله

هاي شي طبيعي

اذا سعر لحم ارتفع طبعا من حق المطعم يرفع سعره وله بكون في خساره وهاي شي حكومه تبي تلهي مواطن انه اهي تفكر في مصلحة المواطن واهو مجرد كلام وين حكومه طول هالمده عن رفع اسعار المطاعم ليش امس افتحت المطاعم ؟؟ بين وفتره وفتره نجوف تغير الاسعار في مطاعم اذا ارتفع اسعار المواد الي يشتريها يرفع سعر طبعا ومن حقه وله شلون بيربح وساعات يرفع الاسعار من غير تغيير في اسعار اشياء الي يشتريها وين الحكومه عنه طول هالمده ؟؟ بس احين يوم ارفعت دعم تذكرت المطاعم والاسعار ؟! حكومه تضحك وحصلت ناس ماتفكر صح مو الكل

قد يكون ظلم وقد يكون انصاف

ان كانت تستخدم لحوم طازجه فغلقها ظلم وإن كانت تستخدم لحوم هنديه او مستورده مجمده ورفعت الاسعار فغلقها انصاف

الاسد

هل هو استهبال او تقاعس .. مطاعم الولائم تستخدم الذبائح المدعومه من عشرات السنين .. ويجيك من يقول انها للمواطن فقط وليس للمطاعم .. وينكم من سنين ؟؟؟ الكل يعرف ان اغلبية المطاعم والفنادق تستخدم اللحوم المدعومه ونفس الشي ينطبق على الطحين .. والا بكره بتقولون بعد ان الطحين للمواطن !!!

فضيحه لوزارة التجارة

اذا الوزارة ما تحتفظ بسجلات تبين نوعية اللحوم و مصدرها اللي تستخدمها المطاعم
بالاضافه للاحتفاظ بشكل شهري على الاقل بنسخ من قوائم اسعار الوجبات بحيث تكون معتمده لدى من المطعم نفسه لدى الجهة المختصه
هذي يسمونها رقابة و حماية المستهلك
اللي يحصل حاليا عبارة عن ردة فعل متأخره

ليش رفع الاسعار

مشويات النعيم من قبل رفع الدعم وهي كل فترة ترفع في الاسعار لما قاطعناهم

مضبوط كلامك

يرتفع سعر اللحم = يرفع سعر المعجنات اللي ما فيها لحم من اساسه
ليش؟

حتى المقبلات ما سلمت

من اول ما اوتعينا و فهمنا على الدنيا و كيس النخج من الخباز يبيعونه بربيه
ترفع السعر ليش؟

من حقهم و من حق المواطن

من حقهم يرفعون الاسعار بحيث يصير صحن وجبة اللحم بسعر وجبة الهامور
و من حقنا انهم يتركون المكان لمطعم ثاني يعرف الله و يراعي ان مو كل اهالي المنطقه اللي يخدمها مطعمهم نايمين على بنوك مركزيه

لا شفناه و لا عرفناه

مالكي المطعم و المتحكمين فيه هم الاتراك
هذا تلاقيه مأجر السجل و ما يدري لا بمصاريف و لا بأرباح
تم تلقينه للسيناريو فقط لغرض الاعلام و الصحافه
اما هذا اللي في الصورة ما شفناه و لا نعرفه و احنا من اهل المنطقه

مطاعم النعيم غاليه

كل مره مطاعم النعيم ازيدون الاسعار

المطعم الذي

المطعم الذي يستخدم لحوم مدعومة لايستحق الغلق لان رفع السعر بسبب ارتفاع سعر اللحم و هذا ظاهر لكل. يفترض محاسبة من يستخدمون لحوم غير مدعومة من الأساس فقط لا كل المطاعم يشملها العقاب الجماعي ولكن ماذا نقول فالعقاب الجماعي اصبح يطبق في كل الجوانب

يستحقون الاغلاق النهائي

المواطن فوق كل اعتبار
كفاية ان كل شي صار ثقل عليه بعد تبون تسهلون لهؤلاء التجار اجل وش بيبقى للمواطن غير الحشيش .
انا اؤيد وبشدة الضغط واغلاق المحلات الغير ملتزمة والي مب عاجبه من التجار خل يسكر محله ويقلبه خباز .

زائر

مافي ضلم علي الصحاب المطاعم حيث يباع الصبح الواحد 700فلس مع تقليل حجم الحم في الصيخ (ألخ )

.....

مو بس مطاعم حتى بعض المخابز

ظلم

ظلم في حاله ان المطعم يستخدم اللحوم المحليه

طبعا

اكيد راح اللحم يغيب لأنه غالي الثمن...

انصاف للمستهلك

اغلاقهم انصاف للمستهلك
في السنوات الماضية تلاعبوا بالاسعار كثيرا هذه المحلات...الاسعار ارتفعت دون تغير في حجم السندويش ودون اي اضافات...ما الداعي لتلاعبهم بالاسعار؟؟ لو خليت خربت...هم يبون يزيدون الاسعار على كيفم بدون اي ضوابط محل يزيد ربيتين ومحل غيره يتطمع ويزيد دينار فلابد من ردعهم
وشكرا
م.و